بـــــــحــــــبـــــك يــــا بـــــــلـــــــدى) بس ليه بغلط فيكى ؟؟

بيجى علينا اوقات بنبقى مخنوقين من كل حاجه حوالينا

وبنضطر نشتم فى احلى بلد فى الدنيا مبعفيش نفسى من الحكاية دى

لكن لما بسئل نفسى هل انا فعلا اقصد اشتم الارض الى عيشت حياتى بحلوها وبمرها عليها

هل انا بالجحود ده عشان اشتم وانقم على اجمل بلد فى الدنيا وناس كتير من بلاد تايه يتمنو يكونوا مصريين؟

انا اتعميت مثلا ومبشوفش الاف العقليات المشرفه الى شرفتنا بره والعباقره الى لغايه دلوقتى بيظهروا رغم كل الظروف السيئه دى؟

لا طبعا قطع لسان اى حد يغلط فى احلى بلد فى الدنيا وانا بجد بفتخر انى مصرى

يعنى انا بحب الارض الى اتربيت عليها يبقى انا بشتم مين ؟؟؟

مش عايز اجاوب على السؤال ده لان اجابته هتبقى عامله زى النقطه السوده فى صفحه بيضا الى عايز يعرف اجابته مش محتاج يفكر

عشان كده انا هقول على الحاجات الى بحبها فى بلدى( اشخاص, اماكن, طقوس)

بحب عمارات وسط البلد القديمة الجميلة

بحب اتمشى على كوبرى قصر النيل الساعه 4 الفجر

هذه الصورة تم تصغيرها . أضغظ على الشريط الاصفر لعرضها بالكامل. The original image is sized 792x594 and weights 77KB.

بحب جامعه القاهره قوى مع اتخرجت منها بس بحبها لما بروح اشوف صحابى وبحس انها رمز لمصر زي البرج والاهرامات

بحب شله طفولتى البريئة والشيطانيه فى ذات نفس الوقت اول مبقابل
حد منهم لازم يرجع فلاش باك للمصايب الى كنا بنعملها واحنا صغيرين وكانت من احلى الايام

بحب اصلى فى جامع الحسين ديما فى رمضان واكل رز بلبن من الملكى

بحب منتخب مصر قوى (منتخب الساجدين)

بحب كشرى ابوطارق حب السنيين لانه احلى كشرى فى مصر
وكمان وصل العالميه (صاحبه ابتدى بعربيه ولغايه دلوقتى راجل غلبان وبجلابيه وبسيط ومحبوب قوى )

بحب شاطىء ميامى قوى وبحب اسكندريه بشكل عام كلها

بحب كل المدراس وايام المدارس خاصه لما كنا طلبه ابرياء

بحب اطبق لتانى يوم عشان انزل بدرى واقف على احلى عربيه فول فيكى يامصر

هذه الصورة تم تصغيرها . أضغظ على الشريط الاصفر لعرضها بالكامل. The original image is sized 800x600.

بحب دريم بارك

بحب شهر رمضان طبعا فى مصر وروحانياتو الجميله والشوارع المنورة والزينة بجد وحشنى قوى

هذه الصورة تم تصغيرها . أضغظ على الشريط الاصفر لعرضها بالكامل. The original image is sized 900x826 and weights 64KB.

بحب القهاوى المصرية وناس عواجيز قاعدين عليها بيلعبوا طاوله او اى لعبه

بحب هدوء شوراع وشواطىء وليل مرسى مطروح قوى

بحب اجرى بسرعه فى شوارع مصر فى عز الزحمه وانا مكتسبة موهبه سلاحف النينجا فى تفادى خبط الناس

بحب المترو : ودى وسيله موصلاتى من سنين بقى فى حب بينا وتفاهم

بحب صباح اى عيد سواء الكبير او الصغير وبحب قوى صلاه العيد

بوجه عام بعشق ليل القاهره الساحر

هذه الصورة تم تصغيرها . أضغظ على الشريط الاصفر لعرضها بالكامل. The original image is sized 792x594 and weights 66KB.

بحب فصل الشتاء فى مصر اوى اوى

هذه الصورة تم تصغيرها . أضغظ على الشريط الاصفر لعرضها بالكامل. The original image is sized 750x1038 and weights 283KB.

بحب سيتى ستارز جدا لان ليها اجمل ذكريات معاية

بحب شارع طلعت حرب وكل السينمات الى هناك
وخصوصا سينما اوديون

بحب لما اروح وادخل الاقى والدتى مستنيانى وهى مبتسمه احساس امان وحب مفيش بعده

بحب عمرو خالد و مصطفى حسنى

بحب اى حد شرف مصر بره ورفع اسمها

بحب كل اساتذتى الى علمونى حاجات كتير قوى من صغرى وبجد بشكركم

لو قعدت اكتب من هنا للصبح على الحاجات الى بحبها فى بلدى ايديا هتدوب من كتر الكتابه وبرضو مش هخلصها

ومظنش ان فى حد بيكره البلد الى اتولد فيها محدش يكرها ياجماعه هى ملهاش ذنب بلدنا جميله جدا من حقنا نكره النقطه السوده بس

لكن الارض مظنش والله بلدنا حلوه واكبر من اى حقد لحاقد وكره اى حد

واحب اقولكم حاجه اخيره بعد حمله الحب دى الى ياريت اكون قدرت اوصلهالكم بالشكل المطلوب

وفى الاخر احب اسأل كل واحد فيكوا

بتحب ايه فى مصر؟

والله العيوب بقت كتير اوى
بس رغم كل حاجه بحبها
بس اللى بحبه فيها اوى بحرها

بصى ياهاله مشكله مصر الخنقه اللى فيها لكن محدش فينا يقدر يكرها وكلنا بنحبها ومنقدرش نستغنى عنها

يا حبيبتى يامصر يامصر يا حبيبتى يامصر

اى خدمه بغنيلها اهو ههههههههههههه

تسلم ايدك يا قمر احنا بنحبها جدا مهما اسينا وشوفنا منها

لا احلى حاجة ان الصورة بتاعة الشتا اللى فى مصر

الصورة اصلا مش من مصر

انا عن نفسى عمرى ما شفت تلج كدة فى شوارع مصر وواحد ماشى بالعجلة لابس ميت جاكيت
ههههههههههههههه

بس هى مصر ميزتها ان احنا نعرفها انما لو سافرت برا مش حتكون عارف حد ولا اى مكان تعرفه

بتحس انك تايه

فاللى تعرفه احسن من اللى متعرفوش
ههههههههه

تسلم ايدك يا قمر

mido real love كتب:: والله العيوب بقت كتير اوى
بس رغم كل حاجه بحبها
بس اللى بحبه فيها اوى بحرها

شكرا لمرورك وردك الجميل يا ميدو

لوله كتب:: بصى ياهاله مشكله مصر الخنقه اللى فيها لكن محدش فينا يقدر يكرها وكلنا بنحبها ومنقدرش نستغنى عنها

يا حبيبتى يامصر يامصر يا حبيبتى يامصر

اى خدمه بغنيلها اهو ههههههههههههه

تسلم ايدك يا قمر احنا بنحبها جدا مهما اسينا وشوفنا منها

ايوة كدة يا لوله غنى وسمعينا
نورتيني يا قمرايا بمرورك الجميل

soso_nolove كتب:: لا احلى حاجة ان الصورة بتاعة الشتا اللى فى مصر

الصورة اصلا مش من مصر

انا عن نفسى عمرى ما شفت تلج كدة فى شوارع مصر وواحد ماشى بالعجلة لابس ميت جاكيت
ههههههههههههههه

بس هى مصر ميزتها ان احنا نعرفها انما لو سافرت برا مش حتكون عارف حد ولا اى مكان تعرفه

بتحس انك تايه

فاللى تعرفه احسن من اللى متعرفوش
ههههههههه

تسلم ايدك يا قمر

هههههههههههههههههههههههههههه
سيبتى كل الصور ومسكتى في بتاعت الشتا
تعالى يا ثوثو اشتغلى معايا ههههههههههههههههه

نورتيني بردك الجميل يا قمر

لا طبعا قطع لسان اى حد يغلط فى احلى بلد فى الدنيا وانا بجد بفتخر انى مصرى

يعنى انا بحب الارض الى اتربيت عليها يبقى انا بشتم مين ؟؟؟

مش عايز اجاوب على السؤال ده لان اجابته هتبقى عامله زى النقطه السوده فى صفحه بيضا الى عايز يعرف اجابته مش محتاج يفكر

عشان كده انا هقول على الحاجات الى بحبها فى بلدى( اشخاص, اماكن, طقوس)

جميل اوى يا هالو التوبيك دة والله

مصر جميلة بناسها الطيبين اوى والصور الا انتى منزلها دة جميلة اوى شوفى مصر بليل بتكون عاملة ازى ورمضان فية ازى

وانا كمان بحبك يا بلدى

علشان كدة انا مش عايزة اسافر وان شاء الله هفضل هنا

تسلمى يا قمر على التوبيك دة جميل اوى

اوعى تسافري يا بت البلد دى بجد جميلة

بس نحبها زى ما هى

نورتيني يا ندووووووووووو بمرورك وردك الراااااائع

بـــــــحــــــبـــــك يــــا بـــــــلـــــــدى) بس ليه بغلط فيكى ؟؟ 70209

بجد تسلم ايدك والله على مجهودك بـــــــحــــــبـــــك يــــا بـــــــلـــــــدى) بس ليه بغلط فيكى ؟؟ 619978

بـــــــحــــــبـــــك يــــا بـــــــلـــــــدى) بس ليه بغلط فيكى ؟؟ 878350

الاحلى مرورك والله يا قمر

وللهى العظيم توبيك هايل مجهود غير عادى

تسلم الايادى
و مستنى منيك المزيد و المزيد

جميل يا لولا

تسلم ايدك يا لوليتا

بـــــــحــــــبـــــك يــــا بـــــــلـــــــدى) بس ليه بغلط فيكى ؟؟ 619978

» ازاى تخلى الشاب يحبك قوىويدووووووووووب فيكى
» تعالى شوفى البطاطس ممكن تعمل فيكى ايه .......
» ازاى تخلى الشاب يحبك قوى ويدوب فيكى
» كرهت فيكى - حصريا لدودى - خواطر جواد عربى ( 3 )
» اختى المسلمة بارك الله فيكى .........وارجو التثبيت