دلع الرجال وقت المرض

موضوع: دلع الرجال وقت المرض 4/10/2008, 17:47

أذا كان داخل كل رجل طفل صغير، فإن معظم الرجال يصبحون كالأطفال الصغار عندما يصابون بالمرض! ويؤكد الاطباء أن 40 % من الرجال المصابين بنزلات البرد والأنفلونزا يحتاجون إلى زيارات منزلية مع أن حالاتهم لا تستدعي هذه الزيارات .
وأن أغلب زوجات هؤلاء الرجال يواجهن متاعب مع أزواجهن وكأنهم أطفال لايملكون من أمرهم شيئا ويصبح الزوج 'كالحمل الوديع' يحتاج إلى رعاية أمه وهو الدور الذي تقوم به زوجته غالبا !

وأنصح الزوجات اللاتي يتعاملن مع هذه النوعية من الأزواج التحلي بالصبر وطول البال حتى لا تتحول كثرة شكاواهم إلى خلافات زوجية وينقلب دور البرد لدى الزوج إلى دور نكد داخل البيت

وأحيانا تضطر الزوجة إلى الحصول على إجازة عارضة لمدة يومين لرعاية زوجها المريض فلم يكن يقوى على خدمة نفسه فهو كثير الطلبات، ويشكو من الصداع وطنين الأذن والكحة الجافة وكل دقيقة يطلب مشروبا ساخنا تارة وباردا تارة أخرى ثم يطلب شوربة بالليمون وفي النهاية لايتناول شيئا ويصرخ في وجهها " أنا مريض !" والحال يختلف تماما عندما تصاب هي بالأنفلونزا لا أحد يعطيها كوبا من الماء

وتبعا للنظريات النفسية فأن بداخل كل فرد ثلاث شخصيات: شخصية الطفل والتي تظهر في صورة التلقائية والاندفاعية واللهو البريء، وشخصية البالغ التي تظهر فيها الاحساس بالمسؤولية والرغبة في الاعتماد على النفس وتنمية الذات، والشخصية الأبوية التي تتميز برعاية الصغير وحماية الضعيف والتفاني في سبيل الآخرين والرغبة في العطاء. وتتناوب هذه الشخصيات في الظهور حسب المواقف الاجتماعية المختلفة فمثلا نجد أن شخصية الطفل تظهر أثناء المرض أو الاسترخاء أو الرحلات والمصايف وشخصية اليافع تظهر في مواقف العمل وتحمل المسؤولية وشخصية الأبوة تظهر في رعاية الأطفال وتربية الأبناء 'والشخص السوي' هو الذي تظهر لديه الشخصية المناسبة في الوقت المناسب

وأضيف ايضا بإن ظهور أحدى هذه الشخصيات يستثير في الآخرين ظهور الشخصية التي تناسبها فإذا تعاملت الزوجة بشخصية الطفل مع زوجها في حالة مرضه يصدر عن ذلك التنافس بينهما ومشاحنات وعدم قدرة على التفهم والعطاء أما إذا تعاملت بشخصية 'اليافع' فانها تكون مسؤولة عنه ولكنها لن تعطي له الاهتمام الكافي لأنها تكتفي بمصاحبته للطبيب أو شراء الدواء له فقط دون أن تلازمه أو تعطيه القدر الكافي من الرعاية وهنا تكون الشخصية المناسبة للزوجة وهي شخصية الأمومة، حيث تظهر ملامح الأمومة والاهتمام الواضح والعطاء بلا حدود وتلبية كل رغباته

وأقول بأنه يبدو أن المرأة بطبيعتها وقدرتها على العطاء تكون أكثر قدرة من الرجل في التعامل معه أثناء مرضه وضعفه وهي تعطي زوجها أنطباعا نفسيا بأنها مثل أمه وتنجح في أمتصاص توتراته مما يجعلها تجتاز أزمة مرضه بنجاح

موضوع: رد: دلع الرجال وقت المرض 4/10/2008, 18:36

وأقول بأنه يبدو أن المرأة
بطبيعتها وقدرتها على العطاء تكون أكثر قدرة من الرجل في التعامل معه
أثناء مرضه وضعفه وهي تعطي زوجها أنطباعا نفسيا بأنها مثل أمه وتنجح في
أمتصاص توتراته مما يجعلها تجتاز أزمة مرضه بنجاح

تسلم ايدك يا دوللى ..
بس فعلا المرأة كدا ..!؟
أم ..!؟
هى من تذهب للعمل وتتركة وحيدا يعانى مرضة ..!
هى من تتمنى ان ترتاح منه ومن مطالبه وتتناسى مطالبها منه ..!
هى من تتناسى ان مرضة قد يكون بسببها هى نفسها او احد مطالبها ..!

هل تتفهم المراة ذلك ام تقوم وتنادى وتصرخ مولولة بأنها المضحيه المظلومة المقهورة
والتى تحمل فوق راسها هموم الدنيا وهموم زوجها واهرامات الجيزة ..!؟
هل وجدنا من الرجال من يفعل ذلك ..!؟

ميرسى دوللى على الموضوع ..
وشكرا ..

زائر

انا هعتبر نفسي ما قراتش تعليق فالكون

بس عشان مش قادره ارد الان

تسلمي يا دودو

مش عارفه احنا هنعمل لهم ايه ولا ايه بس
ويارينه عاجب علي طول يكلوا وينكروا

ناقصين ندادي مكان في البرد امال لما المرض يكون كبير شويه هيعملوا ايه

دلع

موضوع: رد: دلع الرجال وقت المرض 8/10/2008, 00:12

لا لا لا ..
لا ردى يا سارة ..
انا واقف اهه مستنى الرد يا احلى متوحشة ..
شكرا ..

زائر

انا هرد حاضر

انت بتقول
هل وجدنا من الرجال من يفعل ذلك ..!

من الرجال المفروض ان كل الرجال بيعملوا كدا
انا جاي من الشغل تعبان عايز اكل وانام (كأنها يعني هي كانت اعده علي السجاده مبتشتغلش في البيت وبره كمان) ولازم الاكل يكون جاهز(اصلها الخدامه الي ماما جبتهالك )
والاستاذ يدخل ينام وهي تكلم مسيره شغل البيت طبعا ولما يبقي يصحي بقي يا اما يخرج (ودا افضل طبعا )او يعد في البيت ميعملش حاجه طبعا (كبيره يتفرج علي التلفزيون )

وحكايه تذهب للشغل دي (اظن انتم محتاجين له قبلنا وكمان دلوقتي الي بيدور علي عروسه يقول بتشتغل ولا لا )والي بتشتغل بنتظم وقتها كويس بين الشغل والبيت يعني بتريحك في بيتك وتأخد فلوس علي شغلها كمان وتقولوا اننا بنجيب لكم المرض (فعلا عندك حق )

والي مش معترف ان المراه في مجتمعنا شايله هموم او زي ما قلت اهرامات الجيزه يبقي مفتري وينضم الي الفقيله بتاع يا فالكون

بس بحق يعني

هنجيب لكم مرض ازاي واحنا الي بنعد بيكوا ونتعب اكتر منكم

يعني غاويين نتعب نفسنا

منه لله بقي قاسم امين هو الي طلعنا من البيت

ميرسي ليك يا مفتري ومنتظره ردك

موضوع: رد: دلع الرجال وقت المرض 14/10/2008, 08:17

تسلم ايدك يا دوللي

موضوع روعه

موضوع: رد: دلع الرجال وقت المرض 15/10/2008, 05:34

اهلا سارة ..
ياترى ارد على ايه طيب ..
( وبعدين ليه الانفعال دا وايه اللى جاب ماماتى فى الموضوع ..!)

عموما مش كل الرجالة زى بعض .. ومش كل البنات بردو ..
زى ما بتقولى ان البنت بتشتغل وبتتعب عشان بيتها وجوزها ، طيب ما هو بيشتغل عشانها
وعشان بيته ..
زى ما بتقولى ان الرجل محتاج لفلوس شغلها _ مع اعترضى _ هيا محتاجة ليه بردو ..
و المثل اللى بيقول " ضل راجل ولا ضل حيطة " مش دى امثالكم بردو ودى نظرتكم ..!
وكمان مش قاسم امين هو اللى خرجكم من البيت .. الى خرجكم دماغكم ..
ولما تخلت المرأة عن وظيفتها الطبيعية ومكانها فى اسرتها ظهرت المشاكل والمتاعب دى
فى انها مش قادرة تكفى بيتها او شغلها ..
وطبعا كان الحل انها تنادى انها تعبانة وان الرجل مش بيقدر تعبها دا ، وانه مخلوق بشع
مش بيشوف فى الدنيا غير نفسة وبس ..

ثم خلينا واقعيين ..
اجد من الصعوبة بمكان ان يتخلى الرجل عن المرأة ، او ان تتخلى هى عنه ..
وهذه سنة الله _ سبحانه وتعالى _ فى خلقهم بعضهم لبعض ..
فهل الاولى بيتها ام عملها ..!؟
الاولى رعاية بيتها ام التقصير واتهام الرجل ..!؟
الاولى ان تحتوى كل ما فى الرجل ام تلفظ منه ماتشاء ..!؟

قال تعالى " وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآَيَاتٍ لِقَوْمٍ يَتَفَكَّرُونَ "
فهل هذا هو السكن والمودة والرحمة ..!؟

اسف انا طولت شويه ..
ميرسى سارة ..

موضوع: رد: دلع الرجال وقت المرض 15/10/2008, 05:36

تسلم ايدك يا دوللي

موضوع: رد: دلع الرجال وقت المرض 15/10/2008, 05:53

نورتو يا شباب
الموضوع ولع بين ساره وحوده

زائر

ارد انا اقول ايه طيب

بالايه الجميله دي

احنا خرجنا اصلا عن موضوع الي داليا كتباه والنقاش خدنا شويه

بس فين مامتك دي الي انا قلت عليها

اعتقد اني متكلمتش عليها

اظن اننا كدا متفقين في كلامنا ولا ايه
انا معاك ان المراه لازم توقف بين الشغل والبيت دا الطبيعي اكيد
بس انتوا لازم تعترفوا بالي احنا بنعمله عاشنكم
انتوا صحيح الحيطه بتعنا برده زي ما قلت مننكرش كلامك ابدا
بس بلاش تكونوا زي القطط تاكل وتنكر

ميرسي ليك يا فالكون

موضوع: رد: دلع الرجال وقت المرض 16/10/2008, 05:48

ميرسى ليكى يا دوللى

شكرا لمحمود وساره ع المناقشه الحاره دى

موضوع: رد: دلع الرجال وقت المرض 16/10/2008, 06:54

نورتى يا منه ياقمررررررر

موضوع: رد: دلع الرجال وقت المرض 16/10/2008, 09:01

موضوع: رد: دلع الرجال وقت المرض 18/11/2008, 18:48

نورت يا بودى

» فوائد المرض
» الغضب.... المرض الذي لا يفهمه أحد!
» كيد الرجال
» تسعه اطعمه من ياكلها لا يعرف المرض
» تسعه اطعمه من ياكلها لا يعرف المرض