سى مهند .. وأشياء اخرى ..!

موضوع: سى مهند .. وأشياء اخرى ..! 12/10/2008, 05:33

وانا باتفرج مرة صدفة على الدش شفت لقطة من المسلسل المشهور: نور ومهند
شفت بقى الواد ده قاعد على منصة هوّ وبنتين زي القمر.. وهاتك ياكلام من المدبلج الرخم ده اللى مفيهوش جملة مفيدة أساسا من نوعية
هي: إذن لماذا سوف يكون إذا لم يستطع هذا ولم يكن ومازالوا هناك؟
يرد عليها بغضب: ربما كانت ستظل لعل بينما مازال مابرح ماانفكّ
وتهمس لهما الأخت الثالثة بهدوء: ينبغى أن يكون ذلك أو لا ينبغى فتلك من هذه أو هذان سيان
*******

إيه الدبلجة الرخمة دى؟؟ مفيش أحسن من الكلام الشعبى بتاع المسلسلات بتاعتنا.. قصص زى الفل وكلام زى الورد.. البت حبت الواد واتجوزها عرفى من ورا أهلها ولما حصلت الفحشاء أبوها عرف راح لطشها قلمين والواد اعترف بغلطته واتجوزها رسمى.. بس خلاص.. خلص المسلسل.. من غير لا دبلجة ولا شقلبة
وبعدين أنا ممكن اقتنع ان واحدة تعجب بمسلسل وتتابعه.. إنما الواحدة دى تتطلّق أو تشتم جوزها عشان هوه مش زى اسم النبى حارسه وصاينه مهند؟؟ ليه ان شاء الله؟؟ مهند ده إشعال ذاتى يعنى وجوزها بعين واحدة؟؟ إيه الشلل ده؟؟
وبعدين بيقول لك واحدة اتطلقت من جوزها عشان طلبت منه يجيب لها ورد كل يوم الصبح زى مهند.. أيوة يعنى الراجل يروح يقف فى طابور العيش ولاّ في طابور الورد؟؟ الست دى هتفطر فول ولاّ هتفطر ياسمين؟؟ هتتنيّل على عين أهلها وتعمل لعيالها ساندويتشات للمدرسة ولاّ هتلفّ الساندويتشات فى لفتين تيوليب عطر فرنسى الإيحاء؟؟
*******

محدش يقول ان ردود الأفعال دى مش بتاعة الناس الغلابة وانها من ناس أغنياء.. أنا باقول بقى إن ولا الأغنياء المفروض يعملوا كده.. يعنى مثلا نفترض ان نجيب ساويرس مراته زعلت منه عشان مجبش ليها ورد كل يوم الصبح.. أقطع دراعى إن ما قطع عنها خط المحمول.. ده ممكن يلغى من السوق كروت الشحن ام عشرة جنيه باعتبار انها بتشحن كروت بعشرة يعنى!! هيه الناس دى فاضية؟؟
والحاجة اللى تخنق بقى لما يجيب لك شوية لقطات من قصور وبيوت نضيفة وتبقى كل المشكلة ان البطل جرح إحساس ضافر الصباع الخنصر بتاع رِجل البطلة اليمين.. طيب ما تجيبوا لنا العيشة الفخفخينا دى واحنا هنعمل أحلى شغل
يعنى هوه الراجل المصرى واخدها كيف إنه يطلّع عين مراته مثلا؟؟ مزاجه بيتعدل لما يلطشها قلمين؟؟ لأ طبعا.. ماهو من خنقته طول النهار.. ووقفته فى طابور العيش الصبح وطابور الجمعية الظهر وطابور المواصلات العصر عشان تشريفة سيادة الباشا بتقفل ميدان التحرير وكوبرى أكتوبر وطابور القهوة بالليل عشان القهوة بقت بالحجز دلوقتى.. وعايزينه بعد كده يجيب لها بوكيه ورد كل يوم؟؟
أنا موافق ان برضه الرحمة والود والمحبة لازم تكون موجودة بس مش لدرجة الكلام الفاضى ده.. هاتولنا حاجة نعرف نطبقها يعنى
*******

عاملين زى إعلان (وقفة موزمبيقية) اللى مغرق مصر.. يجيبوا بيت معفن وعيال كتير شحاتين مش لاقيين ياكلوا ويقولوا: نفكر كلنا نشبع كلنا.. ويجيبوا صورة لقصر كبير وترابيزة مليانة أكل فراخ ولحمة وبرضه: نفكر كلنا نشبع كلنا
يعنى هيه المشكلة فى العيّلين الزيادة يعنى.. يعنى هوه الراجل الملياردير صاحب القصر هتفرق معاه لو مراته طلعت أرنبة وجابت له خمسة وستين عيّل؟؟ والراجل الشحات اللى مش لاقى ياكل هتفرق معاه لو مراته ماتت أساسا؟؟ هيفضل ده ملياردير وده شحات
وبعدين المدارس اللى بيجيبوها فى الإعلانات دى مش بتاعتنا.. إعلان البت الصغيرة اللى بتيجى بترسم والأستاذة بتبتسم فى وشها وتشجعها.. مكنش مقرر علينا حضرتك.. إحنا عمرنا مارسمنا أصلا غير أول كل سنة يقولولنا ارسموا حرب أكتوبر.. نفضل نرسم مسدسات وواحد شايل العلم.. فضلت بحمد الله خمس سنين ارسم نفس الراجل وهو شايل العلم على الجبهة لما طلعت روحه وكان هيقلب يهودى .. وكمان كنت بارسم الجيشين اللى بيحاربوا بعض عليهم علم مصر.. يعنى مثلا عبد الناصر بيحارب السادات.. حاجة زى كده
*******

نرجع للمسلسل.. وبعدين بجد المسلسل رخم يعنى بغض النظر عن البطل والبنات اللى معاه.. مش هاتكلم عن السفالة اللى الناس بتقول ان المسلسل مليان بيها عشان أنا مشفتش بصراحة لانى مش متابع إلا الحتة اللى شفتها.. إنما فعلا رخم.. عامل كده زى برنامج هذا المساء بتاع الشاب المتجدد سمير صبرى.. تحس انه بيلزق كده والواحد لازم يغسل إيده بعد ما يتفرج
وبعدين هوّ الحب ان الواحد يجيب لحبيبته ورد كل يوم؟ ولاّ يقعد يبص فى عنيها طول النهار باعتبار انه بيسرح شعره فى عنيها يعنى؟؟
الحب أكبر من كده بكتير
الحب ان حبيبتى تجيب لى قميص جديد فى عيد ميلادى وانى أحوّل لها خمسة جنيه رصيد فى عيد ميلادها
الحب انى دايما أمشى بفلوس مجمدة عشان هيّ اللى تدفع تذكرة المترو
الحب انى دايما اروح الحمّام فى نهاية قعدتنا فى الكافتريا عشان هيه اللى تحاسب
الحب انها تقول لى باحبك.. وساعتها اكون باخلص المستوى التاسع فى لعبة التعبان بتاعة الموبايل
الحب حاجات كتير أعمق من مجرد ورد وكلام فاضى.. افهموها بقى
*******

زائر

الحب انى دايما أمشى بفلوس مجمدة عشان هيّ اللى تدفع تذكرة المترو
الحب انى دايما اروح الحمّام فى نهاية قعدتنا فى الكافتريا عشان هيه اللى تحاسب
الحب انها تقول لى باحبك.. وساعتها اكون باخلص المستوى التاسع فى لعبة التعبان بتاعة الموبايل
الحب حاجات كتير أعمق من مجرد ورد وكلام فاضى.. افهموها بقى

فعلا نظرتك في الحب فعلا رائعه

بص يا فالكون بجد

انتا فعلا شكلك مشفتش المسلسل

بجد لما تشوفه هتغير رايك

اما الي اطلقوا بسببه دول

السبب منهم هما

شوف المسلسل ومش هتندم

بيذاع علي الثانيه الان الساعه 9

ميرسي ليك يا جميل

موضوع: رد: سى مهند .. وأشياء اخرى ..! 12/10/2008, 14:08

انتى كمان بتقولى المواعيد هيا ناقصه
لا محدش يتفرج على المسلسل
دى كلها تفهات
ده مش بقه سى مهند
ده بقه الملك مهند
تسلم ايدك ياحوده عندك حق فى كل اللى قلته
دايما مميز كده ياجميل بمواضيعك

موضوع: رد: سى مهند .. وأشياء اخرى ..! 12/10/2008, 21:26

هاااااايل والله يا فالكون

موضوع: رد: سى مهند .. وأشياء اخرى ..! 12/10/2008, 22:48

تسلم ايدك يا فلكون

وبعدين على رايك يا سارة اللى بيطلقو السبب منهم مش من المسلسل

وهو اصلا مفيش حاجة فى الدنيا ديه اسمها حب ولا اصلا فيه حد بيحب حد

زائر

هههههههههههههههههههههههههه

مش لازم يا داليا

فالكون بيقول مشفتش المسلسل

عشان يشوفه وانا واثقه انه هيغير كلامه

وبعدين الي مش عايز يتفرج هو حر

هو الخسران

موضوع: رد: سى مهند .. وأشياء اخرى ..! 13/10/2008, 02:30

ميرسي ليك يا فالكون

تسلم ايدك

موضوع: رد: سى مهند .. وأشياء اخرى ..! 13/10/2008, 04:08

اهلا سارة يا قمر ..
فعلا الحمد لله انى ما شفت المسلسل لانى مش احب اضيع وقتى كمان
بغض النظرعن كل اللى فيه ..

مع انى شفت حته كمان كدا كان فيها مهند _ اسف اقصد الاغا مهند _وهو بيشرب
كاس مارتينى ..
فيا ترى يا جماعة المارتينى دا نوع من انواع الخمور ولا نوع من انواع العرقسوس يعنى
طبعا كلنا عارفين ان مهند _ اسف اقصد الاغا مهند _ مش بيغلط ، دا نموذج يعنى ..!

دى حاجة والتانيه مش ملاحظة يا سارة ان كل حالات الطلاق سببها الستات يعنى
ولا حالة الراجل فيها بص لنور دى وطلق مراته او كرهها ..
هممم ..انا اكيد مفترى ومتحيز بردو ..!

اما بقى عن نظرتى للحب فهى اعمق من انى اكتبها فى سطرين ع الماشى كدا
بس اعتبرى دى مناغشة او حتى دا ندل بيحب ..!

نورتى يا اجمل سارة ..

موضوع: رد: سى مهند .. وأشياء اخرى ..! 13/10/2008, 04:12

دوللى ..
مش عارف ازاى ارد على زوقك دا بغض النظر عن التوافق فى وجهة النظر ..
بس يارب يحفظ روحك ويبارك فيكى يا جميل ..
نورتى ..

موضوع: رد: سى مهند .. وأشياء اخرى ..! 13/10/2008, 04:15

الهايل انت وموضوعاتك يا جواد ..
نورت يا باشا ..

موضوع: رد: سى مهند .. وأشياء اخرى ..! 13/10/2008, 04:56

اهلا بوسى ..
منورة الدنيا كلها يا قمر ..

بس ليه بقى بتقولى كدا ..!؟
انا شايف ان الحب موجود يا بوسى بس الى بيفرق هو وقت وكيفية احساسنا بيه ..
يعنى ممكن يكون الحب معانا ومش شايفينه فنقول مفيش حب ..
لكن هو موجود يا قمر والدليل قلوب كتير جدا عايشة بيه ..!

نورتى يا ارق بوسى ..

زائر

ميرسي ليك يا فالكون

انا طبعا اولا مش اقصد التاليس علي وجه نظره في الحب

اما بالنسبه للمسلسل

زي ما اتعرض علي الشاشات العربيه اتعرض برده علي شاشات تركيا ومعملش الضجه دي خالص ولا تسبب في اي حاله طلاق واحده
بل بيقولوا عليه انه مسلسل عادي جدا بالنسبه لهم

ليه احنا بقي عمل معانا كل الضجه دي

المفروض يكون في فاصل بين الحياه الشخصيه والي بتشوفه علي التلفزيون
وبرده منقرنش بين الزوج وبين مهند لان المقارنه خسرانه

يعني دي مش غلطه المسلسل ولا مهند

وبعدين دا رد فعل عادي منك بما انك ولد يعني

بس فعلا موضوعك جميل كعادتك يا احلي فالكون

موضوع: رد: سى مهند .. وأشياء اخرى ..! 13/10/2008, 05:00

ميرسى لوجودك وردك يا باشا ..
نورت يا حبيب قلبى الموضوع ..
تسلم يا بودى باشا ..

موضوع: رد: سى مهند .. وأشياء اخرى ..! 13/10/2008, 08:28

تسلم ايدك

موضوع: رد: سى مهند .. وأشياء اخرى ..! 13/10/2008, 18:26

تسلم يا عوضى ..
نورت يا باشا الموضوع ..

موضوع: رد: سى مهند .. وأشياء اخرى ..! 14/10/2008, 00:27

ميرسى يا فلكون على التوبك وبص يا مان
انا اتفرجت على بعض حلقات منة
ياعم انا اتخنقت فى مسلسل فى الدنيا 163
حلقة والحلقة ساعتين
دة عايز حد فاضى يتفرج علية
والرومانسية اللى فىية حاجة تتعب
البنات ازاى اطلقوا بسبة
وكمان الرجل اللى بيترجم فظيع كان هاين عليا
اكسر التليفزيون والدش
وكل حاجة بلا نور بلا مهند
مالهم عتريس وفوادة
هو دة
جواز عتريس من فوادة باطل

وشكرا على اقل الفليم ساعة
مش المسلسل 163 دة انا خفت اموت قبل ما ينهى المسلسل
وكمان قابل يا عمونا فى مسلسل تانى اسمة لميس ويحيى
يعنى هكسلر التليفزيون يعنى هكسر
لا والمشكلة البنات اطلقوا عشان خاطر نور ومهند
امال هيعملوا اية فى لميس ويحيى
هيتحروااا؟؟؟؟
بس يبقى عملوا خير

موضوع: رد: سى مهند .. وأشياء اخرى ..! 14/10/2008, 00:43

اهلا حبيب قلبى ..
ازيك يا باشا ..
منور كعادك دايما بمرورك وردك ..
وبعدين عاجبك اللى بيحصل دا .. يقوم كمان يبقى فى لميس ويحيى ..!
انا زهقت والله من محاولات صبغ حياتنا بألوان غير لونها الطبيعى وكمان مش الوانا ..

نورت يا مشمشاوى وميرسى على الرد ..

موضوع: رد: سى مهند .. وأشياء اخرى ..! 7/3/2009, 17:41

مثبت يا حودة

موضوع: رد: سى مهند .. وأشياء اخرى ..! 8/3/2009, 06:03

ههههههههههههههههههههههههههههههههه
والله تسلم ايدك ياحوده
حتت موضوع عسل
واصلا مهند ده شخصيه بارده كده
انا يدوبك شفت حلقتين تلاته وكرهت المسلسل
مسلسل خنيق كده
ومش شبه المصرين

موضوع: رد: سى مهند .. وأشياء اخرى ..! 8/3/2009, 06:57

مهند ده إشعال ذاتى يعنى وجوزها بعين واحدة؟؟ إيه الشلل ده؟؟

وربنا عسل

فعلا المسلسلات المدبلجة دى رخمة
وسى مهند عمل مشاكل كتير مع الناس الهايفه

وفعلا الموضوع رااااااااائع جدا
تسلم ايديك يا حوده

4fgsd

موضوع: رد: سى مهند .. وأشياء اخرى ..! 9/3/2009, 16:54

شكرا جواد باشا ..
وتسلم يا غالى ..

cxvcx5z

موضوع: رد: سى مهند .. وأشياء اخرى ..! 9/3/2009, 17:00

تسلمى نودى ..
انت اللى عسل بجد يعنى ..
وبعدين ايه سى مهند دا اللى عامل الدوشة دى كلها نفسى افهم ..
وليه بقى فى اسكوب على النوعية دى من المسلسلات دى بالذات ..!؟
مع انها فى بلدها نفسها تعتبر اقل من العادية ..

منورة الموضوع بردك ومرورك يا قمر ..

موضوع: رد: سى مهند .. وأشياء اخرى ..! 9/3/2009, 17:08

ميرسى رولا على مرورك ..
وبعدين بردو انتى اللى عسوله ودايما كدا رافعة معنوياتى ..

وياريت سى مهند دا واللى جايبينه يبعدوا عنا شويه بقى ..
يبعدوا برخامتهم ومسلسلاتهم الالفين وسبعمائة حلقة للجزء الواحد ..
يبعدوا بكل اللى عاوزين يفرضوه علينا من اول النماذج لحد طرق التفكير والمعيشة ..

تسلمى يا قمر على مرورك ..

موضوع: رد: سى مهند .. وأشياء اخرى ..! 9/3/2009, 19:14

ههههههههههههههه

واللة عندك حق ياحودة

انا اصلا مش متبعاة ولا اعرفة ولا عمرى اتفرجت علية

ميرسى حودة

موضوع: رد: سى مهند .. وأشياء اخرى ..! 9/3/2009, 19:25

ايه دا ..
دا فى حد مش بيتفرج على مهند اهه ..

نورتى يا نهى ..
ميرسى على ردك ..

موضوع: رد: سى مهند .. وأشياء اخرى ..! 9/3/2009, 20:07

هههههههههههههه

شفت الجهل

واللة انا وماتبعتوش خالص واتعرض كذا مرة

ولا اعرفة الا من خلاص صور الموبيلات

ومن ايام كدة شفت حلقتين بس ماحولتش انى اتابعة

انا فاضية

هههههههههههههههههههههههههههههههههه

موضوع: رد: سى مهند .. وأشياء اخرى ..! 9/3/2009, 20:13

مهند ونور ايه
فين ايام
جعيدى وسماسم

موضوع: رد: سى مهند .. وأشياء اخرى ..! 6/5/2009, 01:00

ميرسي يا جميل

موضوع: رد: سى مهند .. وأشياء اخرى ..! 9/6/2009, 09:35

ليك حق يا فالكون

موضوع: رد: سى مهند .. وأشياء اخرى ..! 29/7/2009, 20:09

قال مهند قال
تسلم falcon

موضوع: رد: سى مهند .. وأشياء اخرى ..! 29/7/2009, 21:15

مالوا مهند
دة زى العثل
فى حد دلوقتى على الاقل بيحب مراتة كدة

موضوع: رد: سى مهند .. وأشياء اخرى ..! 29/7/2009, 22:00

مش اما تبقى مراته الاول عشان يحبها

والله بيضحكو على عقلكو بالافلام والمسسلسلات دى

موضوع: رد: سى مهند .. وأشياء اخرى ..! 29/7/2009, 22:22

مهو كلة شغل مسلسلات

بس اتخذو العبرة من موقف

موضوع: رد: سى مهند .. وأشياء اخرى ..! 29/7/2009, 22:32

لا والله يا نهى العبره بالعشره

اكتر من الحب

موضوع: رد: سى مهند .. وأشياء اخرى ..! 30/7/2009, 01:01

ومالو مهند يا دوللى مش عجبك
بزمتك فى رمنسيه اكتر من رمنسيته

موضوع: رد: سى مهند .. وأشياء اخرى ..! 16/10/2009, 12:52

تسلم ايدك يا فالكون هايل جدا

موضوع: رد: سى مهند .. وأشياء اخرى ..! 16/10/2009, 16:36

بصراحه يا حوده المسلسلات التركى عامة
انا مش بحبها لانى شايف انها مبالغ فييها زياده عن اللزوم

موضوع: رد: سى مهند .. وأشياء اخرى ..! 16/1/2010, 18:27

بجد موضوع تحفه

بجد تسلم ايدك فالكون
بس عايزه اقولك حاجه الناس دلوقتى من كتر قرف الحياه والروتين اللى بقينا
عايشين فيه الواحد عايز شويه رومانسيه
علشان المركب تمشى
بس بجد موضوعك هاااااااااااايل وانا ضحكت بسببه كتير

» للصابونة استخدامات اخرى
» اهـــــــــــــــرب فى هروبك حـــــــــياه اخرى
» سى مهند تانى ..!
» مهند وماأدراك مامهند؟؟
» الكلاب يسبون الرسول مرة اخرى