ضل الحيطه احسن .

زائر

طبعا كلنا عارفين المثل الشهير وهو :

ضل راجل ولا ضل حيطه .

بس الان المثل دا اتعدل ان ضل الحيطه احسن كتير من ضل الراجل حتي الراجل اصلا معتش عنده ضل

وتعالوا شوفوا معايا ازاي ضل الحيطه افضل بكثير من ضل الراجل

1- الحيطه مثلا مش هتعمل صوت وهي نايمه وانتي متعرفيش تنامي منها .

2- عمرك شفتي حيطه بتيجي من الشغل تزعق علي الاكل زي الي عمره ما شاف الاكل ويا سلام بقي لو الاكل زايد ملح ولا حاجه ومش هكمل بقي اسيبك تتخيلي الموقف .

3- الحيطه مش بدخن وعمرها ما هتأزيكي بدخان السيجاره ولا هترميها بعد ما تشربها علي الارض عشان مستنيه الخدامه الي بابي جبهالها عشان تشيل وراه .

4- ولا شفتي حيطه تعد طول الليل تكلم بنات في التلفون وتخونك ويعني مش كفايه انك رضيتي بيه بيخون كمان
الحيطه عمرها ما تعمل كدا

5- ولا مثلا حيطه هتعد تخلطتك في اي كلمه بتقوليها عشان بس يكون هو العقل الوحيد الي بيفهم والله يكون في عونها بجد الي تقع في واحد الي علي طول يخرج نفسه من الموقف مش غلطان مهما عمل هو كدا مبيغلطش ابدا

6- وفي حيطه هتعد تقولك متلبسيش الفستان دا وتفضلي مفيش خروج ومن غير سبب كدا بس هو مزاج حضرته يعكنن عليكي رخامه وخلاص

طبعا يا بنات لو اعدنا نقول ايه هي مميزات الحيطه مش هتكفي مواضيع ومواضيع

فارجعي لعقلك كدا يا بنتي ومتمشيش وراء المثال القديمه دي

فين كرمتك وكبريائك واحترامك لنفسك واحترام الناس ليكي

كفايه كدا بقي المره دي لاني سخنت وممكن اقول كلام صعب شويه

كفايه صح المره دي

ونكمل بعدين

منتظره ردودكم
ــــــــــــــــــــــــــــــــــــــــــــــــــــ