كل ما نويت اذاكر ( شوف ايه الي بيحصلي ) .

زائر

نويت أزاكر

صرصار دخللّي

هرش لي مـخـي

أعدت أفلّي..

* * * *

الطشت قاللي

يا حلو يا اللي

آعد تفلّي

إقفل كتابك

قوم إستحمي

* * * *

رجعت أزاكر

أعدت أصابر

أنا جبت آخر

الجوع قرصني

ولا عدت قادر

* * * *

إسمع يا عقلي

هاعمل اللّي

وأحفظ تملّي

لو كلت وجبة

وبعدين أحلّي

* * * *

آخر تمام

رز وحمام

أنا عقلي غام

قفلت الكتاب

ودخلت أنام..

* * * *

تصطبح على وش الدكتور الساعه تمانيه

هتجيني وتحضر بالجزمة

وهتسمع شرح مالوش لازمة

تأخيرك دا مصيبة كبيرة

وغيابك يعملّك أزمة

* * * * *

أنا راجل بشرح ديناميكي

أنا راجل حربي وتكتيكي

معلومتي.. من ماجد أو ميكي

وأول ما بخطي لجوة..

الباب يقفل توماتيكي

* * * * *

بتكلم ولا عمري بخلّص

ولا أسيبك من غير ماتفيّص

ويا إما بخرّف يا بهجّص

درجاتك كلها بالسالب ..

والبارتسيبيشن بالمينص