أخبار تشرح القلب الحزين .

زائر

كيفكم يا احلي زمالكاويه في الدنيا

عندي لكم بقي شويه اخبار عن ناديكم الموقر الزمالك

ودا طبعا بمناسبه مباراه القمه مع الفريق التاني يوم السبت القادم

اولا في خبر حلو وانا بفضل ابدا بيه عشان بس النفسيه

ان عمرو الصفتي هيلعب ماتش القمه عادي وان الانذار الي اخذه في مباراه بيتروجيت كان الاول ليه وليس الثالث كما نقلت القنوات الفضائيه

وطبعا دا خبر كويس علي الاقل يخلصنا من فلافيو

اما بقيه الاخبار
الخبر الكبير اوي

ان الاستاذ ممدوح عباس هرب بره مصر وذلك لتعرض شريكاته لازمه اقتصاديه كبيره جدا تبعا للازمه الاقتصاديه العالميه وخسر الحمد لله كل فلوسه واصبح مدان للبنوك وبالتالي هرب الي الخارج

وطبعا ممدوح عباس كان بيدفع للزمالك زي ما كلنا عارفين فلوس اجوجو وشيكابالا وغيره يعني كتير والان خزنه الزمالك فارغه كالعاده والممول الرئيسي لم يعد موجود

فتفاؤلــــــــــــــــــــــــــــــــــوا

وايضا

قرر اتحاد الكره ايفاق اللاعب الغاني جونيور اجوجو وذلك لفعله حركه غير اخلاقيه في مباراه بيتروجيت وكدا
كمان اجوجو مش هيلعب مباراه القمه كمان

وايضا
الخمسه لاعبين المستبعدين وعلي رأسهم جمال حمزه لم يلعبوا مباراه القمه ايضا لاستمرار عمليه التأديب بالنسبه لهم

في خبر بقي يعني لو حصل يكون كويس بس انا عن نفسي مظنش انه يتحقق لاننا في بلد الاهلي

والخبر ان ممكن مباراه القمه تتأجل لحن الاتفاق مع حكم اجنبي للمباراه

وطبعا كان الزمالك قبل ايام طلب تأجيل المباراه لحين ان يلعب الاهلي جميع المباريات المتأخره له وهم اربع مباريات لتطبيق نظريه تواقف الفرص ولكن الاتحاد المصري رفض طلب الزمالك !!!!!!!!!

يلا يا زمالكاويه كفايه عيكوا الاخبار الحلوه دي

نصيحتي لكم بقي

ان لو الماتش اتعمل يوم السبت محدش يتفرج وشوفوا اي حاجه تشغلكم وقتها جدا عن مشاهده المباراه وعشان لما حد يقولكم اتفرجتوا علي الماتش ولا شفت اللعيب العبيط بتاعكم عمل ايه ولا شفت الجون الي دخل فيكم مسخره ازاي ميدخلش في فريق درجه تانيه

فمنعا لكل ذلك يعني ريحوا راسكم وقولوا

هو في كروه في مصر عشان نتفرج عليها

احنا بنتابع الدوريات الاجنبيه وبنشجع ريال مدريد

وعلي فكره لما الاهلي كان بيتغلب من الزمالك ايام العز والهنا الي محدش فينا ينساها كان الاهلويه بيقولوا لنا الكلام دا

بس كانوا بيشجعوا برشلونه

وفي النهايه

حسبيا الله ونعم الوكيل

ــــــــــــــــــــــــــــــــــــــــــــــــــ

يا عيني عليك يا زمالك

دا انتا ولا 100 سنه عشان ترجع تاني

انا مش هعلق عشان اعصابي بس

زائر

نسيت اقول لك في الموضوع يا دودي

انك تغير التوقيع بتاعك عشان اظن معدش له لازمه

يعني حتي خليه حتي يفوز الزمالك علي الاهلي ومتحددش اي مباراه

يمكن تحصل المعجزه ويكون الماتش الجاي

وكويس انك معلقتش عشان اعصابك برده