مبروك جالك عريس !!!!

مبروك جالك عريس!!!!!!!!!!!!!!!!!!!!!!!!!!!



كبرت البنت وكبر الولد والطبيعي ان تتكون أسرة وتستقر الحياة وتبدأ رحلة جديدة
مشرقة بالأمل والحب والسعادة إن شاء الله ومع بعض بإذن الله نحل كل المشاكل إلي
ممكن تواجهنا في اثناء مسيرة الزواج ....
نبتدي بقي أول خطوة,,,,,

أي أم يوم المني عندها لماتلاقي بنتها عروسة حلوة ويجيلها خطاب كتير تدخل علي
بنتها وتضمها وتقولها:مبروك ياحبيبتي جالك عريس
البنت وشها يتهلل من الفرحة ويحمر من الكسوف وتتلخبط وتبقي طير في السما ....
والبيت كلة تغمرة الفرحة والسعادة والأمل في العريس القادم انة يكون ابن حلال
يستاهل بنتهم
وتطلع الأم وتسيب بنتها تستقبل الخبر بفرحة مكسوفة,وإحساس غريب,أول مرة تحسة أنها
خلاص بقت عروسة وممكن تتجوز وتفتح بيت وتستقل بحياتها مع فارس الأحلام,العريس الي
علية العين.....
_ ياتري إية إلي بتمناة في عريسي؟؟؟؟؟
• أقعدي كدة بهداوة مع نفسك وفكري وركزي
*أقولك علي طريقة عملية ومفيدة...أمسكي ورقة وقلم وأكتبي عنوان ( مواصفات شريك
الحياة)
• وتحتية اعملي أرقام ( .1 2. 3) لحد ماتخلصي حتي لو كتبتي 100نقطة براحتك
يلا ابتدي اكتبي .............
1, يكون متدين { بمعني لا متذمت ولا بعيد عن الدين يكون ملتزم خير الأمور الوسط}
2, يكون علي خلق { ابن ناس طيبيين- مشهود لة بحسن الخلق}
قال رسول الله (ص)
{ إن جاءكم من ترضون دينة وخلقة فزوجوة وإن لم تفعلوا تكن فتنة في الارض
وفساد عظيم}
3,يكون مستواة العلمي مناسب لحد ما مستواكي العلمي
4,يكون مستواة الإجتماعي مقارب لمستواكي الإجتماعي { ويفضل ان يكون مستواة أعلي حيث
دائما يكون الرجل أعلي ليأخذ المرأة معة وليس العكس}
5,يكون ماديا قادر علي توفير حياة كريمة
6,يكون وسيم.وأمور.ومسمسم.ولو طلع شكلة عادي ميضرش...
7,يكون شيك شياكة كل البنات تحسدني علية
8, يكون طويل وعريض {يسلام لو زي رشدي أباظة}
ولو قصير أنا موافقة يبقي زي {حسن يوسف}
9, يكون معاة موبيل أحدث ماركة ولو قديم شوية يبقي يغيروا مش مشكلة
10, يكون عندو عربية ومش شرط تكون جديدة أي حاجة ترحمنا من بهدلة المواصلات والزحمة
11,الشقة مش شرط تبقي علي النيل في القاهرة أو علي البحر في إسكندرية بس تكون في
مكان كويس وأنا موافقة
12,يحبني اوي أوي اووووووي ويخاف علية جداجداااااااااا
13,يبقي حنين وطيب وقلبة كبير
14,يبقي دمة خفيف وروش مش عقد وكلكيع ويخنقني
15,يبقي رومانسي وحساس
16,يتحمل مسئولية ويبقي راجل بمعني الكلمة يحب بيتة ومراتة ويتعب عشانهم....
*إية كمان مش كفاية كدة ياعروسة زودتيها بقي مفيش حد كامل إلا الله طب لو مجاش فية
كل الصفات دي بس قلبك دق حتقولي إية؟؟؟؟
-وقتها حتغاضي عن بعض الشروط عشان مشوار الحياة يعدي علي خير ونبني عشنا مع بعض
طوبة طوبة
• أيوة كدة البنت العاقلة تفكر صح قومي بقي أستخيري ربنا قبل كل حاجة وربنا يوفقك
لما فية الخير لكي وإحنا معاكي متخفيش مش حنسيبك غير لما نوصلك عروسة لحد بيتك
- وتبدأ البنت تجهز نفسها لمقابلة العريس وأهلة وتجتهد انها تبان في أجمل صورة تبقي
ملكة
من حقها انهردة اليوم بتاعها........
*يلا معايا بقي نشوف اية أخبار عريسنا*
نفس فرحة أم العروسة بتبقي زيها عند أم العريس ويمكن زيادة شوية عشان الأم بتحس
ان الأيام جريت والولد الصغير بقي راجل وخلاص لازم لة عروسة ويفتح بيت ويبقي أب
بتحضنة والفرحة مش سيعاها:مبروك ياحبيبي لقيتلك عروسة,طيبة وبنت حلال وتستاهلك
يبص الولد بدهشة مش مصدق:عروسة؟؟!!!!!
أيوة بنت جرانا في الشارع إلي ورانا
بنت جمال وأدب وأخلاق متمناش في مرات ابني اكتر من كدة
يفرح الولد ويحس انة خلاص بقي راجل حيفتح بيت ويسأل بلهفة:هاة طب حشوفها امتي
عريسنا مستعجل اووووووي دة كان من شوية مش مصدق
انهردة بليل إن شاء الله نروح نزورهم يلا بقي يابطل جهز نفسك
وتطلع وتسيبة سرحان في دنيا الأحلام بيتخيل نفسة عريس طب ياتري شكل العروسة إية
حلوة؟؟ وهيا دي فعلا إلي تنفع تكون شريكة حياتي
أيوة أقف بقي عند الكلمة دي واهدي كدة وفكر بشكل موضوعي وإيجابي ورقة وقلم واكتب
عنوان (مواصفات شريكة الحياة)
وتحتها أرقام ( 1,2,3) واكتب زي ماتحب حتي لو مليون صفة براحتك ماأنت عريس يلا
ابتدي .......
1.تكون متدينة {تتقي الله في-وفي عرضي-وتصون غيبتي –وتكون أم صالحة-وزوجة مطيعة}
2.تكون علي خلق {بنت ناس طيبيين-مشهود لها بحسن الخلق}
3.تكون جميلة وهنا بقي بتختلف الآراء {ممكن صارخة
الجمال-جميلة-أمورة-حلوة-عادية-مقبولة لكنها تفتقر للجمال}ودي بتبقي أذواق
4.يكون شعرها ناعم {طويل-قصير} بردو بتختلف الاآراء
5.تكون رشيقة,ممشوقة القوام
6.تكون شيك ذوقها حلو في لبسها
7.تكون إجتماعية,ودودة,لطيفة
8.متحدثة لبقة ,دمها خفيف
9.مثقفة مستواها العلمي يقارب مستواي العلمي
10.مستواها الأجتماعي مناسب لمستوايا الاجتماعي ومفيش مانع لو أقل مني
11.مش مهم مستواها المادي {خدوهم فقرا يغنيكم الله}
12.عقلها كبير,متجددة,ذكية
13.رومانسية أووي أووي,وتكون حسساسةورقيقة
14.تغيير علية بس بالمعقول,تقدر تحتويني في إنفعلاتي
15.تكون هادئة مش عصبية,صوتها واطي مش عالي ودايما بتزعق
• إية ياعريسنا كفاية كدة انت كمان زودتها أوووي الرحمة ياحج.....
• طب لو شفتها ووقعت من أول نظرة في حبها حتعمل اية في كل المواصفات دي؟
-لا مش مهم المواصفات كفاية اني أحس بحبها والباقي يتحل بالتفاهم وبعدين الكمال لله
وحدة..........
*الله ينور عليك أدي الرجالة ولا بلاش طب قوم بقي صلي ركعتين إستخارة لله عشان
يوفقك
*وبعديها اجهز عيزينك منور في القعدة انهردة واطمن معاك مش حنسيبك لوحدك..
** دة تصور محايد وعادل جدااا لأول مقابلة
لسة حنقول التفاصيل.....إستنوا الخطوة
الجاية**