ماذا تفعل حتى لايتم اعتقالك

ماذا تفعل حتى لا يتم اعتقالك؟



أوعى تدخل المسجد كثير يعنى هدى نفسك شوية ... لو أشتغلت فى الدعوة وتعليق الملصقات سيتم اعتقالك وتبقى معتقل سياسى لانك عايز الناس تصلى .. عايز تبقى شاب معتدل و وسطى ( أسمع إلتهاب توفيق و أرقص على كلام إليسا ) .. تعرف تقص شعرك ( سبايك ) و تلبس سلسلة فى رقبتك زى الكلب تبقى انت كده شاب ( صح الصح ) .. وأقسم لك ما هتلاقى حد يضايقك فى المسجد أو فى الشارع وهتكون ماشى بكل حرية بدون ما مخبر يبحلق لك و لا حد يعمل لك أستدعاء فى أمن الدولة .. خليك زى بعض الشباب وعيش حياتك وسيبك من الدين لأنه مادة مش محسوبة من المجموع
يعنى لما أحنـا نعتـرض على أشياء بديهيـة واجب الإعتراض عليهـا , مثل العرى و الإباحيـة فى الفيديـو كليب ( يبقى احنا كده ناس وحشين و ما نقوم به هو حجر على الأراء و منع لحرية التفكير و الإبداع ) , و لمـا المطربة خريجة ثانوى تجارى تقول أن الملتزمين اسوأ ناس فى العالم علشان مش بيحبو ( هز الوسط ) يبقى هى ( مطربة مثقفة و ما تفعله هو حرية رأى و تعبير و ان الملتزمين فعلا ناس ( ياي يـاى ) و ان الرقص هاى هـاى ) .. و لازم كل من يعترض عليهم يروح المعتقل ( باى باى ) !
لو دقق اى شخص فى تصريحات مطربة مثل ( روبى ) ، سيجد قمة السذاجة والعقلية الطفولية القاصرة والثقافة المضمحلة والرؤية الضعيفة والنظرة السطحية للأمور، حينما تقرأ لأحداهن و أقصد مطربات العرى كليب ، ستجد الجهل والخمول والكسل والضعف العقلى والفكرى .. كيف يصبح هؤلاء قدوة للشباب .. وسؤالى موجه لوسائل الإعلام العربية ؟
قريت الموضوع وعجبك اقوللك اللى تعمله دلوقتى انسى اللى قريته واوعى تدخل على موقعى تانى والكلام الى سمعته (على رأي اللمبى:سوكتم بوكتم ولا من شاف ولا من درى وتروح البيت وقول لوالدتك تقرا الفاتحة على بلد كان اسمها مصر) وربنا معاك