الرجالة غلابه ..!

موضوع: الرجالة غلابه ..! 3/12/2008, 21:59

رغبات الرجل في المرأة متعددة، وإن كانت تنحصر في أخلاقها وجمالها وطبعها وما إلى ذلك من صفات معروفة، ولكن الغريب أن الرجل يطلب في شريكته صفات معينة ثم يعاني منها بشدة فيما بعد بل ويطلب عكسها بعد الزواج، وهذه الصفات المتناقضة هي:

ذكية – غبية

يعجب جدا الرجل بالفتاة الدؤرومة، ويكون سعيدا جدا إذا ارتبط بها، ولكن بعد ذلك يندم بشدة، لأن هذه الدؤرومة ستعرف متى ينتهي عمله ومتى وجب عليه التواجد في المنزل، وما هو الفارق بين زميلة العمل والعشيقة، وما هو الفارق بين مكالمات العمل ومكالمات الترويش، وما هي الميزدات التي لها معنى والميزدات العادية، كما ستعرف جيدا أن نبيلة زميلته في العمل هي هي نبيل الذي يكلمه كل شوية في التليفون.

رياضية – مأنتخة

ينبهر الرجل بالفتاة التي تمارس الرياضة، لأنها تكون أكثر انفتاحا ورشاقة وإرادة وبها مميزات الرياضيين من كفاح وتألق ورغبة في النجاح، ولكن مع هذه المرأة يعاني بشدة بعد الزواج، لأنه سيجدها تضع النادي كأولوية في اهتماماتها ثم يأتي المطبخ بعده، كما أنها تستيقظ مبكرا وتلف التراك مرتين ولن تحضر لك الإفطار، أما إذا أخطأت في حقها فربنا يستر عليك لو كانت بتلعب كاراتيه، فهو يتمناها أن تأنتخ بعد الزواج ويندم على زواجه من هذه الرياضية الرشيقة. رغم أن استطلاعات الرأي والبحوث أثبتت ميل الرجال إلى هذه النوعية من النساء.

مهتمة بنفسها – مدهولة

يرتبط الرجل بالتأكيد بالمرأة التي تهتم بنفسها جدا، فهو لا ينجذب لمن لا تضع ماكياج، ومن تكوي شعرها مرة واحدة في السنة، ومن تضع مانيكير كل شهرين تلاتة حتى يكون هذا المانيكير على أظافرها أشبه بنقاط الدم الناشفة المتناثرة، ولذلك فهو يأخذ الفتاة التي تبهره برموشها – الصناعي – وصاحبة القوام الرشيق – بالكورسيه- وجميلة الوجه – بالماكياج - ، ولكنه يتعب جدا معها بعد الزواج لأنها تكلفه أكثر من طاقته، وربما لا تطبخ طوال اليوم لأنها لا تريد أن تبوظ المانيكير، لدرجة أنه يتمناها أن تصبح مدهولة على عينها بدلا من هذا الهم.

صفات يتجاهلها الرجل في المرأة قبل الزواج وتصدمه بعده

تعالى كدة واسأل أي شخص عن مواصفات شريكة حياته المنتظرة، سوف يجيبك على الفور "عايزها أخلاق وطيبة والجمال مش كل حاجة بالنسبالي" وهذا الكلام غير منطقي بالمرة، فالأخلاق كدة كدة يجب أن تتوافر ولا تحتاج إلى أن تطلبها بالاسم، فهل يقول أحد إنه يريد في سيارته الجديدة أن يكون فيها موتور، فمن البديهي أن يوجد الموتور فهو لا يحتاج إلى تأكيد، أما بالنسبة للطيبة فهي صفة يجب أن يطلبها الشخص ولكنه ينساها تماما أو يتناساها لو وجد الجمال الصارخ الذي ينسيه أي حاجة، فالواقع يقول إن الشكل هو المعيار الأساسي لكثير من الزيجات:

وهناك 4 أشياء لا يضعها الرجل في الاعتبار في فترة الخطوبة أو حتى في فترة البحث عن شريكة الحياة، ولكنه يصطدم بها بعد الزواج:

خفة الدم

عادة ما يختار الرجل الفتاة صاحبة الابتسامة الرقيقة الهادئة وسط المحيطين، والتي لا تسمع لها صوتا وسطهم، لأن هناك من يبتعدون عن الارتباط من الفتاة صاحبة الضحكة المجلجلة والقهقهة الصاخبة.

ويعتقد الرجل أن هذه الفتاة التي لا تتكلم، هي الأكثر أدبا وتربية، ولا يضع في ذهنه أبدا أن هذا الصمت ربما يكون نتيجة كآبة وانطواء وعدم ثقة في النفس وقلة المعلومات ونقص المعرفة وفقدان القدرة على الاتصال بالآخرين.

وحتى لو قلتلي يا عزيزي ان الرجل مسيره يخطبها ويعرفها على حقيقتها، أقول لك أن ذلك لن يحدث، لأن الرجل في فترة الخطوبة يكون كل تركيزه على كلامه هو فقط، ولا يركز كثيرا في كلامها، وهذا خطأ فادح.

فالرجل يحاول دائما البحث عن الافيه والقفشة الطريفة، ويبهره جدا أن تكون خطيبته مسنتحاله – لو معرفتش يعني إيه مسنتحاله مش مشكلة – فهو يفرح بنفسه كثيرا حينما يجدها في حالة ضحك دائم على كلامه، وفي قهقهة مستمرة طول ما هو بيرمي افيهاته ويحكيلها عن بطولاته، ولا يهتم كثيرا بما تقول هي لأنه سعيد بأنها منبهرة بأحاديثة.

أما بعد الزواج فسوف يحتاج الرجل أن تكون هي أكثر من زوجة، فهي شريكة أيضا، يجب أن تشاركه الحديث على أقل تقدير، وهنا يفاجأ الرجل بأنها لا تفهم النكت ولا تضع الضحك كأولوية عندها، ودايما تشتكي وتتنهد وتنعزل وعايشة في دور المغلوبة على أمرها التعبانة الشقيانة، وتتحول بذلك حياة الرجل إلى شيء لا يطاق لأنه خالي من الضحك والابتسامة والمخ المفتح.

تعاملها مع أسرتها

يركز الشاب خلال فترة الخطوبة على تحسين العلاقة بين شريكته وبين أسرته والعكس، ويعتبرها إنسانة كويسة جدا إذا أحبت أسرته، كما أنه يسعد كثيرا إذا قامت أسرته بالثناء عليها، ووسط هذا المجهود والقلق تحسبا لحدوث أي شيء يعكر صفو العلاقة بين الطرفين، ينسى الرجل ملاحظة سلوك شريكة حياته مع أهلها، فهذا مؤشر خطير جدا.

فربما تكون قاسية عليهم، وربما تنفعل كثيرا على والديها، أو تسيئ معاملة الأخوة، فهي قد ترسم على الشاب حب والدته في اللحظات القليلة التي تجلسها معها، ولكن المعدن الأصلي لا يظهر إلا من خلال طبيعة علاقتها بأسرتها وهي العلاقة التي لا ينظر إليها أي رجل.

الصبر

يفسر الرجل استعجال خطيبته على أنه نوع من الحب والرغبة في الزواج بسرعة، فهو يفسر عدم صبرها على فقره كنوع من الرغبة في الزواج، ويفسر عدم صبرها على تأخيره كنوع من الحب والرغبة في عدم الانتظار، ولكنه في الحقيقة لا يدرك أبدا أن هذا الاستعجال هو صفة أساسية فيها ومؤثرة جدا في الحياة الزوجية وقادرة على تدمير أي علاقة، لأنها لن تصبر عليه في مرضه ولا في نقص لوازم المنزل ولا في أي شيء.

حسن معاملة الآخرين

هل عمرك شفت راجل فك الخطوبة لأن خطيبته هزقت الجرسون أو نهرت في شحاتة أو مسحت بكرامة السايس الأرض؟ استحالة طبعا، فالحب يجعل الرجل يعتقد أنها بذلك شخصية قوية وصاحبة كرامة وكبرياء، ولكن الحقيقة قد تقول إنها خنقة ومتعالية ومتعنطظة وإنفة ولا يطيق الإنسان أن يجلس بجانبها أساسا لا أن يتزوجها.

شفتوا ازاى غلابه ..!

موضوع: رد: الرجالة غلابه ..! 6/12/2008, 07:19

:3يقفل9ي:

موضوع: رد: الرجالة غلابه ..! 7/12/2008, 07:45

فعلا غلابة ومش هتقدروا علينا 44c56c56x

شكرا حوده

زائر

لا فعلا يا فالكون معاك حق

دا انتوا اغلب من الغلب نفسه

يا عيني تعدوا تشرطوا علي البنت وبعدين نفس الشرط الي تجوزه عشانه

بعد كدا تكرهه

دا اسمه ايه يعني

زكاء زيادة عن اللزوم

المفروض قبل ما تتمني حاجه تكون عارف عيوبها ومميزتها

وبعدين من الاول كدا يعني

انتوا تشرطوا بمناسبه ايه

احنا بس الي نتشرط

علي الاقل مش هنرجع في كلامنا تاني زي ناس

ميرسي ليك يا فالكون

وتقبل مروري

ويلا كفايه كدا عشان العيد بس

وكل سنة وانتوا بخير

موضوع: رد: الرجالة غلابه ..! 12/12/2008, 22:46

ميرسى على مرورك ننوشا ..
نورتى يا جميل ..

موضوع: رد: الرجالة غلابه ..! 12/12/2008, 22:51

ليه كفايه سارة ..!؟
ناويه تبطلى افترا ولا ايه ..!؟
كملى كلامك براحتك ..

ميرسى على المرور والرد احلى سارة ..

زائر

انتا تعرف عني كدا برده يا حوده

معقول اتخلي عن المراءه

بس انا قلت كفايه عشان العيد

كل سنة وانتا طيب

عشان تعرف اننا كرما

ميرسي ليك

موضوع: رد: الرجالة غلابه ..! 13/12/2008, 16:34

هههههههههههههههههههههههههه
ايه ده كله
لا بجد غلابه يا حوده
ربنا يرزقك بواحده
تطلع عينك

موضوع: رد: الرجالة غلابه ..! 14/12/2008, 02:50

استر يارب ..
من امتى سارة طيبه كدا ..!؟

كل سنه وانتى طيبه سارة ..
ميرسى على مرورك ..

موضوع: رد: الرجالة غلابه ..! 14/12/2008, 02:54

عرفتى دوللى قد ايه احنا غلابه ..
وبعدين بطلى دعاء عليا بقى يا دوللى ..
مع ان واحدة تطلع عينيه .. كدا مش دعوة قوى يعنى ..
لان دا اوبشن جاهز اصلا فى البنات انها تطلع عينينا ..
ولا ايييييييه ..!؟

ميرسى لمرورك دوللى ..
نورتى ..

موضوع: رد: الرجالة غلابه ..! 14/12/2008, 07:22

انا العنوان شدنى جدااااااااااا

قلت ادخل اشوف مين اللى غلابه دول
طلع المفترى حوده هو اللى كاتبه
44c56c56x

حوده شيل موضوع ان الرجاله غلابه دا من دماغك خالص
تسلم ايديك يا جميل على التوبيك

موضوع: رد: الرجالة غلابه ..! 14/12/2008, 15:29

هههههههههههههههههه
اه يا حوده عرفت انكم غلابه
وغلابه جداااااااااااااا جدااااااااااااااا
خلاص يا حوده تطلع عيونك الاتنين
وتوريك النجوم فى عز الطهر
دعوه طاظا اهه
اى خدمه انت تامر بس

موضوع: رد: الرجالة غلابه ..! 6/1/2009, 00:41

ميرسى رولا على مرورك وردك ..
بس شيلى انت موضوع انى اغير وجهة نظرى دا من دماغك خااااالص ..
نورتى يا قمرايه ..

موضوع: رد: الرجالة غلابه ..! 6/1/2009, 00:42

ميرسى يا دوللى على قلبك دا ..
كمان دعوة طاظة ..!؟
طب ما تبعتيها ديليفرى بالمرة عشان تضمنيها ..
نورتى بقلبك وبدعواتك دى ..

زائر

شكلك كدا يا حوده مش هتسكت الا لما نعمل عليك ثورة

rg65d5

موضوع: رد: الرجالة غلابه ..! 5/2/2009, 01:47

مين دا ..
يعنى لما اقول الحقيقة ابقى مش تمام ..
خلينى ساكت احسن وخلى الثورة لناسها ..

موضوع: رد: الرجالة غلابه ..! 5/2/2009, 03:41

بجد احنا مش كدة ............ وحتى لو احنا كدة احنا الجنس الناعم الى انتم متقدروش تعيشى من غيرنا حتى لو اية احنا الاصل وانتم التقليد خليكم بقى غلابة زى ما انتم

موضوع: رد: الرجالة غلابه ..! 7/2/2009, 21:00

ايه احنا الاصل دى ..!
مش موضوع عن كريازى وتوشيبا هو يا سنووايت ..
المراة والرجل كل واحد منهم ليه هدف ودور فى الحياة ..
زى ماهدفنا اننا نسعدكم وانتوا دوركم انكوا تعكننوا علينا كدا ..
وبعدين من قال انكم جنس ناعم ..!؟

ميرسى على مرورك الجميل ..
نورتى يا قمر ..

زائر

لا معلش مقدرش امسك نفسي ولازم ارد

ايه مين قال انكم جنس ناعم دي

انتا هتنكر دي كمان

مفتري والله

لما احنا مش الجنس الناعم

يبقي انتوا بقي الجنس الناعم ولا ايه

وبعدين طبعااااااااااااا ومن غير نقاش احنا الاصل

دي حاجه بديهيه ومش عايزة كلام

بطل افترا فالكون

لاحسن تتجوز واحده

تطلع عينك

موضوع: رد: الرجالة غلابه ..! 7/2/2009, 21:28

استنى يابنى كدا ..
لازم ارد ..

على فكرة سارة مش كل حاجة ناعمه تبقى مميزة او تمام يعنى ..
ومش معنى انكم جنس ناعم ان دا يميزكم عننا يعنى ..

وانتوا فعلا الاصل انا ماقلتش حاجة فى دى خالص ..
بس كمان انتوا اصل حاجات كتير زى الافتراء والعكننة وعدم الرضا والانانية
وكمان حاجات كتيييييييييير ..

اما عن موضوع واحدة تطلع عينى دى ..
انت مش جبتى جديد عنكم يعنى ..
لان دا الوضع الطبيعى للحياه انكم تطلعوا عيوننا ..
بس هى المسألة مسألة نسب يعنى فى زوجة بنسبة 60% وفى زوجة بنسبة 70%
وكدا يعنى ..
وربنا يوفقنا جميعا ونقدر نتحملكم اساسا ..

نورتى ارق واحلى سارة ..

2ر6ب5يلبي

موضوع: رد: الرجالة غلابه ..! 8/2/2009, 00:29

اولا * بجد ميرسى على موضوعك الجميل دة حودة

ثانيا * لو بصيت كويس هتعرف ان اننا اللى اغلب من الغلب

وانتم اللى مش بتعحبكم اى حاجة وبتتامرو كمان

واللى يعجبكم يرجع مش يعجبكم اية يا عم

انتم فكرينا اية وانتم هتنقوا منة

دة بالعكس بقة احنا اللى المفروض بنقى واكبر دليل على كدة انكم بتتقدموا

واحنا بنرفض صح ولا اية ياعمنا يااكبر مفترى على الجنس اللطيف

تسلم باشا على التوبك دة ياقمر

موضوع: رد: الرجالة غلابه ..! 8/2/2009, 01:09

اولا : ميرسى على مرورك وردك ..
ثانيا : مفيش بنوته غلبانه ولا طيبه والكلام دا
كلهم اواريب ودى قاعدة مسلم بيها من زماااااااااااااان ..
ثالثا : مش معنى اننا بنتقدم يبقى انتوا اللى بتنقوا مننا
لان اللى بيروح الجيش ويتقبل مش معنى كدا انه بيموت فى الميرى ..
رابعا : احنا حتى لو مش بيعجبنا حاجة فالسبب فى الموضوع دا انتوا
بدليل لو حد متجوز وقلنا له تختار ايه جوانتانامو ولا بيتكم ..!؟
هايقول وبلا تردد :يا عم جوانتانامو ارحم كتير من هنا يلا بينا على هناك..
خامسا : يلا يا نهى عشان الاسكور بتاعك فى لعبه لو صمدت اكتر
من 18 ثانيه تبقى عبقرى قليل ومش عاجبنى خالص ..

منورة نهى يا عسولة ..

موضوع: رد: الرجالة غلابه ..! 3/5/2009, 00:48

موضوع: رد: الرجالة غلابه ..! 3/5/2009, 04:20

ههههههههههههههههه

ماشى ياحوتة بتحرجنى بزوقك

بس برتوا احنا بنقى

موضوع: رد: الرجالة غلابه ..! 3/5/2009, 07:22

البنات والولاد الاتنين غلابه
ومش شرط يانهى انى ارفض عريس اتقدملى يبقى انا كدا احسن منه او انى كسرت عينه وهينشى حاطط عينه فى الارض
لان مش انى ارفضه او هو يرفضنى المهم مين الى هيكمل حياته ويمحى الماضى
وشكرا لموضوعك الجميل دا
يافاالكون

موضوع: رد: الرجالة غلابه ..! 3/5/2009, 19:25

على فكرة ياروان انى مش قصدى كدة
وبعدين كسرة العين حرام اصلا انا مش احسن منة
عشان اعمل كدة انا قصدى ان زى ما الولد بيختار البنت اللى هيتجوزها
ويرفض البنت اللى مش عايزها البنات بيبقة ليها الحق بردة انها تختار الولد
اللى تتجوزة وترفض اللى مش عيزاة بس ياستى
فكل انسان لية حق الاختيار

موضوع: رد: الرجالة غلابه ..! 6/5/2009, 03:47

ماشى يانهى شكرا على التوضيح بس انا كنت بحسب ان كلامك ليه معنى تانى

موضوع: رد: الرجالة غلابه ..! 6/5/2009, 04:59

ماشى فين ياقمر ماتقعدى شوية
وبعدين ولا يهمك ياجميل

موضوع: رد: الرجالة غلابه ..! 6/5/2009, 19:12

شكراااا

موضوع: رد: الرجالة غلابه ..! 8/5/2009, 17:31

عفوا

موضوع: رد: الرجالة غلابه ..! 23/5/2009, 20:19

يا هلا نودى ..
نورتى ..

موضوع: رد: الرجالة غلابه ..! 23/5/2009, 20:21

يا هلا بيكى روان ..
نورتى يا قمر الموضوع بمرورك وردك ..
ميرسى جدا ..

موضوع: رد: الرجالة غلابه ..! 6/7/2009, 19:38

مافيش حد غلبان
لان الغلبان هو الشيطان لانه مطرود من رحمه ربنا
انما نقول مسكين ودى مستحيل مافيش راجل كده ابدا
حتى لو هوا عبيط لكنه مش مسكين
او تستهين بقدر الرجل
انه ممكن يحطم المراة
ممكن المراة تحطمه وتجننه لكنه بيعشق حنونها
وممكن يرجع تانى بعد التحطيم اقوى
لكن المراة ابدا بعد الانكسار
كل اللى قولته وبينت ان الرجل غلبان ومسكين
ده مش حقيقى
غير كده ليه مش بتين ان الرجل بعد الخطوبه بيتغير
الرومانسيه بتكون تمام فى الخطوبه وبعد كده بتختفى
ليه مش بتبن ان فى واحدة ترضى حماتها والدته ولكن بتقلب ابنها
على زوجته ومش بيصدقها
مش بيصدق واحدة سورى يعنى فى فراشه عشان طبعا دى امه
بس مش بيظن انها ممكن تكون قاسيه بسبب حب تملك لابنها
ليه مش بتبن ان الراجل بيخاف على خطيبته وبعد الزواج بيقل الخوف عليها

موضوع: رد: الرجالة غلابه ..! 9/8/2009, 16:18

ازاى يعنى جوجو تعممى بالطريقة دى ..

على فكرة بردو فى اللى بتنرفز حماتها ولا بتراعيها همسه ..
فى اللى بتمثل الحب والرومانسيه والطيبه بس فى الخطوبه ..
فى اللى بعد الزواج بتلاقيها واحد صاحبك ولا بتبادلك اى حاجة ..
فى اللى الكدب فى دمها ولو قالت كلمه صدق تستغفر فى سرها ..
فى اكتر كمان من كدا ..!

نورتى جوجو ..

موضوع: رد: الرجالة غلابه ..! 11/8/2009, 09:12

يا حول الله يا رب
دا انتوا اغلب من الغلي
صعبتوا عليا
bhgjuiyygv f

موضوع: رد: الرجالة غلابه ..! 11/8/2009, 14:31

طيب كفايه بكا يا ساسو هتغرقى الصفحة ..
قال صعبنا عليها قال ..

المهم نورتى ..

» جنون العششششاق /والله العاشقين غلابه ههههههه
» العيش المصرى هههههههه والله احنا غلابه
» يعني احنى البنات غلابه وانتم فترين علينا يا شباب والله يرضيكم كدا يعني
» الرجالة كدة زودوها اوى يا بنات ؟ صح
» رسالة تحرق قلب الرجالة !!