اعلانات مبوبه ..!

موضوع: اعلانات مبوبه ..! 12/1/2009, 05:57

للبيع بأقل سعر.. أو ببلاش بس تعالى.. خمسين ألف فدان على طريق مصر اسكندرية الصحراوى.. مع تعهد الحكومة بتوصيل المياه والكهرباء والنت ووصلات الدش المركزى إليها..ولو ضغطت علينا احتمال نتكفل بالبناء والتشطيب والمحارة والسباكة والدهانات.. لا توجد أى معوقات للشراء مع ضمان سرية عملية البيع على اعتبار ان "دارى على شمعتك تقيد".. الوسطاء يمتنعون.. احنا زيتنا ف دقيقنا والعملية مش محتاجة واسطة
*******

فرصة عمل للشباب الطموح من الجنسين.. شركة مبيعات توفر لك فرصة ذهبية للعمل بدل قعدتك على القهوة والقطر يفوتك كما قالت الحكومة.. نحن نقبلك مهما كان مؤهلك الواطى سواء طب أو هندسة أو حتى دكتوراة فى الكيمياء فنحن نشجع الشباب مهما كان مستوى تعليمهم.. نسلمك أسوأ أنواع الشامبو وكريمات الحلاقة وكشافات الأطفال وماعليك إلا أن تلف على كعوب رجليك وتتذل للّي يسوى واللى مايسواش.. أجر ثابت خرافى يتجاوز المائة وخمسين جنيها.. مع نسبة من المبيعات وآدى دقني لو بعت حاجة.. اوعى تتكبر علينا.. افتكر ان الوزير إياه قال ان الشغل على قفا من يشيل
*******

مطلوب عدد اتنين مسجلين خطر من أصحاب المدونات والناشطين على الموقع اللعين الفيس بوك.. وذلك لتمرين أيدى ضباط أحد أقسام الشرطة على الضرب نظرا لخلو القسم من المشتبه فيهم وباعتبار أن الإيد البطالة .. لا مؤاخذة مش طاهرة
*******

مطلوب عدد عشرين طبيب مصرى للسفر إلى السعودية بصورة عاجلة ولا يشترط الخبرة والكفاءة ولكن لا بد أن يرفق مع الأوراق المقدمة شهادة طبية تفيد أقصى عدد من الجلدات يمكن أن يتحمله المذكور وشهادة أخرى تبين عرض الصدر والظهر وذلك تيسيرا على الجلاد السعودى لاستخدام الكرباج المناسب، كما يرفق مع الأوراق مقاسات جسم المذكور لتصميم تابوت على مقاسه عند رجوعه لوطنه باعتبار ما سيكون
*******

مطلوب شاب جامعى حاصل على بكالوريوس الطب والجراحة تقدير امتياز مع مرتبة الشرف مع اشتراط الحصول على الدكتوراة من أى جامعة أجنبية مع أربع سنوات خبرة.. يجيد الفوتوشوب والجرافيك..وعايز يفتح بيت.. المذكور مطلوب لتصليح ساعة يد ثرى عربى
*******

تعلن شركة للطيران عن تنظيم رحلات سياحية فاخرة إلى لندن بشكل منتظم للسادة رجال الأعمال أصحاب القروض والهاربين.. على أن تخصص الدرجة الأولى إلى السادة فوق المليار جنيه.. والدرجة الثانية للسادة فوق المائة مليون جنيه.. أما السادة المكافحون الذين نهبوا أقل من مائة مليون جنيه.. فتنظم الشركة لهم رحلات على أتوبيسات سياحية إلى ليبيا.. وياتهدّي يا تعدّي
*******

مطلوب سكرتيرة حسناء متناسقة القوام كستنائية الشعر بيضاء اللون خضراء العين حمراء الخد، مع إقرار منها بأنها لا تمتلك أى جزء صناعى أو غريب عن باقى أجزاء جسمها تشجيعا منا لحملة: شجع صناعة بلدك.. لا يشترط تحديد مقاسات الجسم والطول والعرض والحجم.. فهذا من اختصاص السيد المدير المشهور بكفاءته فى هذا المضمار.. وأن تكون شريفة وعفيفة لا تقبل أى نوع من التحرش خارج حدود مكتب المدير.. ترسل السيرة الذاتية الخاصة بها متضمنة صورة شخصية لها وصور لكل أخواتها وصاحباتها البنات، وتعهد بأنه ليس لها أى أخ من الصعيد.. المقابلة الشخصية مع المدير أى يوم خميس بعد منتصف الليل
*******

تنظم مصر مزايدة علنية كبرى لكل الدول التى تمتلك غازا طبيعيا وذلك لإمدادها بالغاز الطبيعى بعد النفاد الوشيك لما تملكه من غاز نتيجة لتصديره لدولة إسرائيل الشقيقة.. تباع كراسة الشروط أمام سنترال: كلمنى شكرا فى امبابة.. وفرن العيش بتاع الوراق.. وميدان الموتى فى الدويقة.. سعر كراسة الشروط خمسة جنيهات لكل الدول ما عدا إسرائيل.. فببلاش
*******

أخيرا حانت الفرصة لامتلاك أو تأجير وحدة سكنية وبالتقسيط لتكون عش الزوجية الحزين.. الآن وبأقل الأسعار وفى أرقى الأماكن.. مطلوب مقدم مائة ألف جنيه فقط.. والباقى ألف جنيه قسط كل شهر لمدة تسعين سنة.. وبعد التسعين سنة تصبح الشقة ملكك.. إن كنت عايش.. أو ملك أولادك.. إن كانوا عايشين.. أو ملك أحفادك.. ربنا يطول فى عمرهم.. وعلى رأى المثل: ندفع كلنا.. نموت م الجوع كلنا.. عشان تعيش أحفادنا كلنا
*******

فرصة للباحثين عن السعادة الزوجية.. أقراص: قليلة الأدب آخر حاجة يعني.. تساعد على استعادة القدرة للزوج وخاصة بعد مشاهدته لجلسات مجلس الشعب أو استماعه لتصريحات الحكومة والهبوط الذى يصاحبهما.. مصنوعة من أجود أنواع الحديد والأسمنت المسلح حتى تستطيع التأثير على الجسد المصرى الذى لم يعد يتأثر بشيء من كثرة الأكل المسرطن والفاسد والقمح الملوث.. تصاحب القرص أحيانا بعض من التشنجات العصبية كأعراض جانبية تمنعه من الاستمرار فى العلاقة.. وفى هذه الحالة على الزوج الاستحمال.. وعلى الزوجة الصبر والسلوان
*******

ؤلاءؤرئ6

موضوع: رد: اعلانات مبوبه ..! 12/1/2009, 22:13

بجد موضوعك رائع تسلم ايدك بس هنعمل ايه ده الطبيعى فى بلدنا وخلى بالك على نفسك لحد يبلغ عنك

ههههههههه بس بجد تسلم يافالكون على مواضيعك وافكارك الرائعة 4fgsd

موضوع: رد: اعلانات مبوبه ..! 13/1/2009, 05:13

حد يبلغ عنى ..!؟
تفتكرى ممكن .. بس انا مش قلت حاجة ..
انا ولا اعرف موضوع مين دا اصلا ..
نورتى بوسى يا قمرايه ..

موضوع: رد: اعلانات مبوبه ..! 13/1/2009, 05:35

ههههههههههههههههههههههههههههههههه

تسلم ايدك يا حوده

لا الاعلانات دى انت اللى عملها
ومكتوبه باسمك اهه
انا هبلغ عنك

موضوع: رد: اعلانات مبوبه ..! 13/1/2009, 10:15

جامد يا فالكووون بس انا شاهده ان انت مظبط معاهم عشان تشتم فى الناس دى ههههههههههههههه

موضوع: رد: اعلانات مبوبه ..! 13/1/2009, 11:02

أخيرا حانت الفرصة لامتلاك أو تأجير وحدة سكنية وبالتقسيط لتكون عش الزوجية الحزين.. الآن وبأقل الأسعار وفى أرقى الأماكن.. مطلوب مقدم مائة ألف جنيه فقط.. والباقى ألف جنيه قسط كل شهر لمدة تسعين سنة.. وبعد التسعين سنة تصبح الشقة ملكك.. إن كنت عايش.. أو ملك أولادك.. إن كانوا عايشين.. أو ملك أحفادك.. ربنا يطول فى عمرهم.. وعلى رأى المثل: ندفع كلنا.. نموت م الجوع كلنا.. عشان تعيش أحفادنا كلنا

حلو المثل اللى ف الاخر ده
هههههههههههههه

بجد انت حاجه فظيعة جدا جدا
ههههههههههههههههه
شوية اعلانات ف الجووون

لو ممكن انا عايز شقة من دول
هههههههههههههه

تسلم ايديك يا زعيم
ميرسى ليك
2ر6ب5يلبي

موضوع: رد: اعلانات مبوبه ..! 13/1/2009, 11:47

ههههههههههههههههههه انت لو جبت الشقه دى مش هتلاقى واحده تجوزها ههههههههههههههه

موضوع: رد: اعلانات مبوبه ..! 13/1/2009, 11:49

كده يا هبه
تتطفشى العرايس
اهئ اهئ
دى شقة جميله خالص
bhgjuiyygv f

موضوع: رد: اعلانات مبوبه ..! 13/1/2009, 23:40

حرام عليكى دوللى هتبلغى عنه ليه اينعم هو الرجل المفترى بس طيب وبعدين سيبى التبليغ لناس تانية اكيد فهمانى اقصد مين ماهى بلغتك عنك قبل كده هههههههههههههه بس اللى بتبلغ دى انسانة عسووووووولة خالص وطيوبة كمان اكيد الكل عرفها وانا بحبها جدا

موضوع: رد: اعلانات مبوبه ..! 14/1/2009, 00:25

سلامو عليكو
انا ايه الى جابنى هنا
الكلام ده على مسئوليه مين
والله ما انا يا بيه ده فالكون 44c56c56x

هههههههههههههههههه
تسلم يا محمود
روعه
TNKSDFD5

موضوع: رد: اعلانات مبوبه ..! 14/1/2009, 01:16

هههههههههههههههههههههه
يا عينى يا حوده
الكل شهد عليك

معاك ربنا
هجبلك عيش وحلاوه

موضوع: رد: اعلانات مبوبه ..! 14/1/2009, 06:36

حرام عليكى دوللى ..
انا بيريييييييييييييييء ..

نورتى دوللى الاعلانات ..

موضوع: رد: اعلانات مبوبه ..! 14/1/2009, 06:37

ناس مين بوشا ..!؟
انا مش اعرف حد منهم يا باشا ..
حتى اسالوا البيه المامور ..

نورتى يا قمر ..

موضوع: رد: اعلانات مبوبه ..! 14/1/2009, 06:40

عيونى ميدو يا حبيبى ..
ومش شقة بس يا صاحبى دا انا حاجز حى كامل لكل الزملكاويه ..
وليه تسكن قريب لما ممكن تسكن بعيييييييييييييييييييييييييد ..
وانت تامر بردو يا جميل ..

نورت الاعلانات ميدو باشا ..

موضوع: رد: اعلانات مبوبه ..! 14/1/2009, 06:42

مين مفترى ياترى ..!؟
ممكن يكون حد معانا هنا فى المنتدى بوسى ..!؟

نورتى الموضوع بردك ومرورك يا قمر ..

موضوع: رد: اعلانات مبوبه ..! 14/1/2009, 06:45

تعالى هنا يارا ..
هو دخول الاعلانات زى الخروج منها ..!؟
ولا عشان دى اعلاناتك يعنى ..
مش انت اللى كاتبه الحاجات دى ولا ايه يعنى ..

نورتى يا قمر ..

موضوع: رد: اعلانات مبوبه ..! 14/1/2009, 06:47

دوللى بعد اذنك ..
عاوز العيش سخن وياريت الحلاوة لو الرشيدى بعد اذنك ..

موضوع: رد: اعلانات مبوبه ..! 14/1/2009, 07:02

هههههههههههههههه
انت هتتامر كماااان
اللى يجيلك كلو وخلاص انت لاقى

موضوع: رد: اعلانات مبوبه ..! 14/1/2009, 07:08

ايه دا ..
مش لى دعوة انا عاوز الميا ساقعة كمان باذنك ..
معلش نسيتها اول مرة ..

بسرعة بقى ..

موضوع: رد: اعلانات مبوبه ..! 14/1/2009, 16:42

ههههههههههههههههههههههههههه
ادخل انت بس وملكش دعوه

موضوع: رد: اعلانات مبوبه ..! 15/1/2009, 00:04

falcon كتب:: تعالى هنا يارا ..
هو دخول الاعلانات زى الخروج منها ..!؟
ولا عشان دى اعلاناتك يعنى ..
مش انت اللى كاتبه الحاجات دى ولا ايه يعنى ..

نورتى يا قمر ..

كده عايز تلبسهانى يا فالكون ما تخلينيش احكى على باقى الجرايم وخلينى ساكته
ما شافوهمش وهما بيسرئو شافوهم وهما بيتقاسمو

موضوع: رد: اعلانات مبوبه ..! 15/1/2009, 01:47

دوللى على فكرة قدامى عرض بوجبه كامله وكمان الحلو عليهم ..
مش تقولى لى عيش وحلاوزز ..
اااه .. باذنك عاوز وجبه لشخص كمان انا ..
اتصرفى يلا ..

موضوع: رد: اعلانات مبوبه ..! 15/1/2009, 01:54

فين طيبه قلبك بس يارا ..
وبعدين انت عارفة انى لايمكن ابلغ ابدا او اقول عنك ..
ولا ايه ..!؟

ملحوظة ( انا قلت لدوللى تزود وجبه لشخص كمان يا قمر )

موضوع: رد: اعلانات مبوبه ..! 16/1/2009, 22:41

» اعلانات زمان
» اعلانات لكن غيييير ابطالها حيوانات
» ادي آخرة اللي بيصدق كلام اعلانات التلفزيوووووووون
» نــانــسـي عــجـرم - جميع اعلانات كوكاكولا الجديده - 3
» اعلانات في شوارع امريكا تدعو لترك الاسلام