يابنى خليك عازب ..!

موضوع: يابنى خليك عازب ..! 30/1/2009, 15:37

إذا كنت رجلا عازبا فلحسن حظك انه لم يعد هناك هذه الايام ضغط اجتماعي على الرجل ليتزوج في سن مبكرة كالسابق، ولكن اذا كان سؤال: «هل آن الاوان حتى اتزوج واودع حياة العزوبية إلى الابد؟».. يلح عليك، فانت وحدك الذي تستطيع الاجابة عن هذا السؤال، فعلى الرغم من ان للزواج فوائد عديدة فإنك عندما تختار ان تبقى عازبا فإنك تبقي الباب مفتوحا امام خيارات كثيرة لحياتك، فحريتك كرجل ليست شيئا يجب ان تتخلى عنه بسهولة في رأي البعض حتى لو كنت تعتقد انك التقيت بفتاة احلامك، لذلك فكر مرتين أو ربما ثلاثا قبل ان تدخل القفص الزوجي، واذا لم تكن متأكدا انك مقتنع بان هذا الوقت مناسب للاقدام على هذه الخطوة فان هناك اسبابا يمكن اعتبارها مبررا لبقائك عازبا على الاقل لبعض الوقت
*******

أمامك وقت لتجد المرأة المناسبة
احد اسباب عزوبيتك هو ان تتيح لنفسك الوقت لتجد توأم روحك هذا اذا كانت هناك واحدة فعلا!، وبهذا يمكنك ان تتفادى الزواج من المرأة الخطأ بحكم الحاجة أو الاكتئاب بدلا من الزواج عن حب. فللاسف كثير من الرجال تزوجوا لاسباب خاطئة كأن يكونوا قد وصلوا إلى عمر معين أو لانهم رأوا من حولهم يتزوجون أو لانهم غير ناجحين في العلاقات العاطفية وان هذه المرأة هي الاولى التي اثار اهتمامها.. البقاء عازبا يتيح لك فرصة الاختيار الصحيح
( وبجد بقى لو احسنت الاختيار عمرك ماتندم ، كفايه يكون معاك حد بتحبه ويحبك ومخلصين لبعض ، مش حد كل همه انه يتجوز جوازة احسن من بنت عمها اللى اتجوزت فى فرح واااااو ..)
*******

لديك فرصة التركيز على عملك
السبب الآخر لبقائك عازبا هو ان هذه الحياة تعطيك المجال لتبني أو تؤسس مستقبلك المهني من دون ان تهدر طاقتك في علاقة دائمة
البقاء وحيدا يمنحك حرية ان تبقى ساعات اضافية في عملك وان تعمل في عطلة نهاية الاسبوع وتفعل اي شيء يجعلك ناجحا. وهذا ربما تحتاجه في عمل يحتاج إلى تفرغ كالمحاماة أو الصحافة أو المقاولات وادارة الاعمال
( حتى لو عمل لايحتاج الى تفرغ بردو هتلاقى فايدة كبيرة من كونك عازب على الاقل هتلاقى وقت تعيش فيه حياتك زى بنى البشر وتخرج براحتك من غير ما حد يفتح لك تحقيق ولا يقول لك خدنى معاك يا متولى مع انكم كنتوا خارجين سوا يادوب ولسه راجعين )
*******

أنت ملك نفسك
عندما تكون عازبا فانت ملك نفسك وبإمكانك ان تفعل ما تريد في اي وقت من دون ان يكون هناك شخص يتبرم ويتذمر دوما لعدم ذهابك للتسوق أو حضور اجتماع في المدرسة أو لعدم تواجدك كثيرا في المنزل. انت بالتأكيد حر في الخروج مع اصدقائك والبقاء معهم حتى الفجر ولديك الكثير من الوقت لهواياتك واهتماماتك ولديك رفاهية ان تكون مع نفسك عندما تحتاج ذلك
( من الاخر كسبان نفسك ودماغك يا معلم ، يعنى مش هتلاقى حد بيصحيك من النوم عشان تجيب ربع ملسويش مطحون وخمس عيدان بلدوان من العطارة اللى على الناصية وتقعد تلف ساعتين وفى الاخر تكتشف ان مفيش حاجة اسمها كدا اصلا وكملن لما ترجع تتذنب يا حلو عشان اتاخرت)
*******

بإمكانك أن توفر نقودك
كونك عازبا يجنبك شراء اشياء ثمينة كخاتم الماس ذي حجر كبير لتبهر هي صديقاتها، أو اي من الاشياء الاخرى التي تسرّب اموالك كشراء هدايا للزوجة والتي يمكن اعتبارها رسوم صيانة وترميما للعلاقة الزوجية
انت عازب يعني انك غير ملزم ماديا أو قانونيا تجاه اي شخص آخر غير نفسك.. بإمكانك ان تحتفظ باموالك التي بمجرد زواجك تصبح ملككما معا والاستثمار في اشياء مهمة كشراء سيارات فخمة والسفر وشراء بيت أو عقار
( اظن الناس المحاسبين يقدروا يحسبوا بقى كل الفلوس دى هاتفرق قد ايه من كونك عازب او متجوز لا قدر الله يعنى بحد زى اللى بنتكلم عنه دا ، وهاترحم نفسك بقى من هدايا ماماتها وعيد لما شفتوا بعض اول مرة وعيد استقلال الصومال وتلاكيك الاعياد والمناسبات )
*******

الوحدة تعني الهدوء
سبب آخر لبقائك عازبا هو ان الوحدة تعني الهدوء والسكينة، فعندما لا تعيش مع امرأة لا يوجد شجار ولن تخضع لتقلب مزاجها وعواصف عواطفها وسماع لومها كلما حدث شيء نغّص حياتها حتى لو كان قدريا كالزلازل والبراكين
( غضب المرأة وتذمرها السريع والدائم من كل شيء ورايها اللى ممكن يتغير فى الشيء نفسه اكتر من 15 مرة .. وجودك عازب بقى هايحميك يا معلم من كل دا ..)
*******

بإمكانك الاحتفاظ بألعابك
العاب الرجال كالسيارات الرياضية والقوارب السريعة وايضا الدراجات النارية، غالبا ما تختفي بمجرد الزواج، فالمرأة لا تريدك ان تنشغل بهذه الاشياء عنها، وتعتقد انك مادمت تملك المال فالافضل ان تنفقه على اشياء اكثر اهمية في نظرها
( طبعا انتوا عارفين ايه هى الاشياء الاكثر اهميه فى نظرهم واللى اكترها بيكون خاص بيهم هما بس
يعنى هات فلوسك وروح نام بدرى يا شاطر .. )
*******

انا نصحت وانتوا احرار وربنا يقدرنى على فعل الخير واننا نتسلح دايما بالعلم النافع
اسيبكم على خير ولكم ارق تحياتى جميعا ،،

33699k

موضوع: رد: يابنى خليك عازب ..! 30/1/2009, 20:27

اصل الافتراااااااااااا

حرام عليك سيب الشباب فى حالهم

المنتدى كله هيعنز بسبيك يا حوده

وهيبقى زمبهم فى رقبتك

nooooooooo5

موضوع: رد: يابنى خليك عازب ..! 30/1/2009, 23:05

يعنى بلاش نتسلح بالعلم النافع يعنى ..!
وبعدين هو فين الافترا دا ..!؟
انا بقول الحقيقة وبس ..
و ربنا يقدرنى على فعل الخير فى المنتدى يا دوللى ..

نورتى دوللى التحذير قصدى الموضوع ..

cxvcx5z

زائر

هوا فعلا تحذير مش موضوع يا مفتري

دا انتوا مش بيبان عليكم النظافه غير لما بتتزوجوا

مش بس النظافه بتظبتوا في كل حاجه وتتغيروا للاحسن

بس من الافترا بتاعكم مش عجابكم كمان

والله تريحونا لما تسمعوا كلام فالكون

يلا

كفايه عليك كدا فالكون

موضوع: رد: يابنى خليك عازب ..! 5/2/2009, 01:52

ازاى بس سارة الكلام دا ..!؟
الرجل مش بيتبهدل غير لما بيتجوز اصلا ..
قبل الجواز بيبقى يا عيونى باشا وزى الفل وبعد الجواز بيرضى باى حاجة ..
حتى لو اتكلمنا على النضافة من الاساس هنلاقيها تعليم من مامته ..
يعنى بردو منكم ..

انا زهقت من الكلام اصلا ..!
نورتى وكفايه عليكى كدا ..

موضوع: رد: يابنى خليك عازب ..! 10/2/2009, 02:28

موضوع: رد: يابنى خليك عازب ..! 10/2/2009, 04:18

تمتما يا فالكون كلامك عبر و الله بلا جواز بلا زفت ملوش لازمه مفيش احله من عيشه العزوبيه

موضوع: رد: يابنى خليك عازب ..! 22/2/2009, 04:05

اها على الاقل مش هايحصل لك زى الكلام اللى فوق دا ..
نورت يا عمرو باشا ..
و يابنى خليك عازب ..

موضوع: رد: يابنى خليك عازب ..! 22/2/2009, 04:34

اخرتك على ايد وحده

موضوع: رد: يابنى خليك عازب ..! 2/3/2009, 23:02

ايه ده اتقى ربنا ده انتو مش حاسين بقيمتنا

وشكلك كده يا فلكون واحدة هتقتلك قريب جدا خاف على نفسك احسن

rg65d5

موضوع: رد: يابنى خليك عازب ..! 3/3/2009, 00:58

مين ..!؟
ايه ..!؟
بتقولى حاجة يارا ..!

نورتى يا قمر الموضوع ..

موضوع: رد: يابنى خليك عازب ..! 3/3/2009, 01:03

كل دا ومش حاسين بقيمتكم بوسى ..!؟
امال عامل انا الموضوع دا ليه بس ..

وبعدين اما واحدة تقتلنى فدا العادى بتاعكم ..!
الغريب لو واحد هو اللى فكر يقتلنى ..

نورتى يا قمر ..

موضوع: رد: يابنى خليك عازب ..! 6/7/2009, 18:49

ههههههههههه
مااحلى العزوبيه سواء للرجال وللنساء
الواحدة بردوا تترتاح من واحد يزهقها فى عيشتها وكل شويه زعيق وخناق
وزرار القميص اتقطع خيطيه لو عملت حاجه بسيطه غلط يغضبها عند امها تلكيك

مهم انت متقدرش تستغنى عن الزواج وبعدين ده نص دينك
غير كده المراة بتهتم بيك وتكون اقرب واحدة ليك وبتفهمك لو قولت انى امى موجودة
ولست بحاجتى مش هتكون زى واحدة ليك انت وحدك الوالدة وراها اخواتك مش هتعطيك نفس الاهتمام اللى هتعطيه زوجتك ليك
مهما كانت الوحدة هدوء ساعات الانسان بيتمنى لحظه دوشه من انسان بيحبه
اكيد لما تكون مع زوجتك هيكون ليها طعم تانى
وفى الاخر كله بيتوقف على اختيارك لزوجتك
ممكن تختار واحدة تنسيك العالم وتخليك تندم على عدم معرفتك ليها
بس الراجل لايقدر يستغنى عنها ولا هيا
وكفايه عليك كده

موضوع: رد: يابنى خليك عازب ..! 17/11/2009, 02:57

اهلا جوجو ..
منورة والله ..
كنتى بتقولى ايه بقى يا جوجو ..!

العزوبية حلوة للبنت ازاى يعنى ..
ومين يتحمل نكدها وعصبيتها وتلاكيكها وشرها المستطير غيرنا يعنى ..!
اساسا البنت ولا بتشم نفسها او بتحس بوجودها الا اما تخرج من بيت باباها ..
وتبدا بقى مرحلة تسلطها ومرحلة انتكاسة الرجل المسكين ..
واللى بيتحول من شاب زى الورد ماشاء الله حاجة تفرح كدا لبقايا رجل على اعتاب بيته ..
اطلب عمرك ماتجد ..
احلم هتلاقى حلمك كابوس ..
كلمها بالراحة وبهداوة صوتها هيوصل لبورسعيد ..
حبها وراعيها هتقول عليك دا اكيد بيخوننى ومعاملته دى احساس بالذنب ..
غير عليها هتقول عليك رجعى ومتخلف وغبى ومخك تخين قصدى طخييييييييين ..
حبها وقربها منك وشوفها وحسها هتقول عليك مش طبيعى ولااااازم تزور دكتور نفسى ..
اقولك ايه ولا ايه ..!
اقولك ولا مش هقولك يا جوجو ..
انا هقول لكل واحد هنا ..
يابنى خليك عااااااازب ..!