نهى والحب وهواك (برنامج للحب وعن الحب )

هاى ياحبيبى ياحلوين والحلوات واصدقائى المقطقطين والمقطقطات واعضاء وعضوات منتدى دودى الجميل
نفر نفر ونفرة نفرة
بعد التحية والسلام والاشواء والغرام
اما بعد ..............
انا كنت بلف شوية برة كدة وبتفرج على اى حاجة فى كل حاجة ولقيت حاجة جميلة شدتنى ولقتها انها هتكون
كويسة هنا فى المنتدى معانا .
بصم مش هطول عليكم وهقلكم المختصر المفيد بسرعة .
دة عامل زى برنامج اسامة منير طبعا كلنا عارفينة اى حد عندة مشكلة حاجة محيراة حاجة تعباة قرفاة
فى عشتة ومنغصة علية حياتة مشكلة عند بنت اختك بنت اخوك عند ولاد الجيران مش موضوعنا
المهم تدخل وخلاص وتحكى مشكلتك او الحاجة اللى عايز تسال عنها ومش تتلككو الخطوط مفتوحة 24 ساعة
هتقولوا الاتصالات و المواصلات صاعبة ومش عارف اية لا ياعم التكاتك كتيرة وانا ان شاء اللة هرد على المشاكل دى
وعلى اد ماربنا مدينى فهم وتفكير هقدر اقلكم الحل ولو عجزت عن الحل فى المشكلة هرشح اى حد من حبايبنا يرد على المشكلة .
اما بعد عارفة انى زهقتكم وقرفتكم ودى هتكون اول مشكلة صح ولا اية KOKODS

بهزر معاكم انا طبعا محدش يزهق منى فاهمين nooooooooo5

دة باختصار فكرة الموضوع يارب يكون عجبكم وتحبوة ويكون خفيف على قلبكم واقدر انى اخفف عنكم اى حاجة مضايقاكم
ومش تنسونا بردو فى اى حاجة مفرحاكم تحكوهالنا ونشاركم فيها .
*************************

ويلا نشوف مع بعض تجارب حقيقيه ومواضيع ساخنه نتكلم فيها كلنا ونتعلم منها كلنا .
ونشوف اول رد ونقول الوووو

عسل يا ميرو والله

متفرحيش اوى كدة يا ست الدكتوره مش زبونه

معنديش الحمد لله اى مشاكل فى الوقت الحاضر

بس لو فى هاجى اقولك على طوووووول

هاخد اول توك توك واجى

انا بس حبيت اشكرك يا قمر

هههههههههههههههههههه
ماشى ياساسو ياجميلة
والحمد للة ان مافيش مشاكل
بس يلا روحى اتشكلى وتعالى
عايزين نشتغل

موضوع حلو يانهى
وانا عندى مشكلة بجد
وعاوز منك حل

انا حب واحدة بس وطبعا دى مش مشكلة
بس المشكلة الحقيقية انى فى الاجازة دى مش عارف اشوفها خالص
عشان انا مشغول وهى مش عارفة تنزل

وبجد تعبت وعاوز حل

cxvcx5z

اة من الحب وعميلة ياعوضى هى مشكلة فعلا بس لابايديك ولا بايدها ولازم تستحمل طبعا

وبعدين الحب مش مجرد مقبلات وانك تشفها وتشوفك بس فى ناس بتحب ومابتشفش اللى

بتحبة بالسنين ودى حاجى تزود المحبة بنكم ياعمنا واهى زقطط الاجازة هتخلص كمان ايام

وهتزهق منها مع انة اللى بيحب عمرة مايزهق ولا اية رايك

يلا ومعانا تليفون تانى ونقول الوووووووووووووووووووو

الوووووووووووو

يا ست الدكتوره
بقولك والنبي انا بحب واحده بس المشكله ان لسه بدري علي ما اروح اتقدمها
وهيا مش معايه في نفس البلد هيا فيه بلد وانا في بلد
ومش شوتها لحد دلوقتي
بس هشوفها قريب
ومش هيبقي كل يوم
ده هيبقي كل فين و فين
عندك حل للمشكله ديه
المشكله تاني انها مش عايزاني اتقدم الا لما تكون خلصت دراسه
وهيا لسه قدامها علي الاقل سنتين

اعمل ايه بقي انا دلوقتي يا ست الدكتوره

ميرسي يا نونا يا فقريه

تسلم ايدك يا ميرووو
موضوع حلو قوى
وربنا معاكى

موضوع تحفه تحفه يا نهى

انا اصلا بموت فى برنامج النجوم وهواك

بس معلشى بقى يا نهى مش عندى مشكله حاليا

يا عنى مش هينفع اكون زبونه

والله يانهى عندك حق فى اللى قولتيه

وان شاء الله انا هطبق كلامك ده

بس تبقى هى تنزل بس فى الدراسة

عدل سابقا من قبل روان في 14/6/2009, 02:58 عدل 1 مرات

عندى اخبار ليكى يانهى حلوة
مش انا خلاص شفتها ومشكلتى اتحلت

ميرسى ليكى دولى حبيبى دة بعض ماعندكم

وحنون حبيبى الحمد للة انك مش عندك مشاكل وانا ماتمناش انك تيجيلى فى مشكلة طبعا

انتى كدة منورانا

طيب الحمد للة عوضى كتير مبسوطالك

اهلا بيك يااسير يلى جاى تقلى فقرية فى بيتى يعنى ليك شكوة وجاى تتريق علية كمان

اية دة نصاب نصاب قوى تحب اقلك مش حلاها دوقتى ولا اقلك لا انت غلبان هحلهالك

بص ياسيدى هى ربنا يخليكوا لبعض اولا وحكاية انك فى بلد وهى فى بلد فدة اكيد صعب

عليك وعليها دة اخونا عوضى معاة فى بلدة وعشان مش بيشفها فى الاجازة تعبان اهو

فربنا معاك ومعاها فعلا ومدام انتوا دخلتوا الموضوع دة لازم تستحملوا لحد ماربنا بكرمكم

بنهاية كويسة تلمكم فى بلد واحدة وكويس انك هتشفها قريب واهو البعد هيزود الحب

طول مافى حب موجود بينكم وكل واحد بيحافظ على التانى فى بعدة

ومافيش اكتر من الايام هتعدى والسنين هتفوت وهى تخلص وتتقدملها ياعم وتعيشوا

فى تبات ونبات وتخلفوا صبيان وبنات .

واصبر معلش واتحمل وربنا يصبرها هى كمان لانها اكيد اضعف منك مهما كان انت ولد

وقوة تحملك اكيد اكبر منها وهى اكيد بتعانى زيك خليك جمبها وطمنها .

عجبك الكلام ولا هتشوف دكتورة تانية يافقرى

هاى ياروان ازيك انا لسة متعرفتش عليكى بس اكيد هنتعرف

مشكلتك بقة مش مشكلة خالص لان دة ممكن يكون حب من طرف واحد وانا من اكتر الناس
اللى بتعرضة وتقف قدامة بشدة
مش كون ان الشخص اللى بتحبية دة بيكلمك كويس انة مثلا معجب بيكى او بيحبك الا اذا
هو بينلك حاجة غير طريقة الكلام لان فى ناس كدة بتعرف تتكلم مع اى حد كويس كلمنجية
يعنى
وبعدين انتى بتقولى انك بتشوفية بالصدفة وقريب صحبتك يعنى مافيش علاقة بينك وبينة مباشرة
مايمكن يكون بيتكلم معاكى كويس عشان هو كدة مثلا او عشان صحبت قربتة

حاولى تثبتى مشاعرك لحد ماهو لو فى حاجة يبينهالك او تشوفى اى حاجة متغيرة فى المعملة فى الطريقة غير طريقة الكلام الحلو دة لانة مهما كان حتى عمرة ماهيعملك وحش

وبلنسبة لحكاية حب الجامعة ممكن اكيد قوى يكون بيحب او لا لو قدرتى تعرفى من صحبتك هيكون خير اهو على الاقل تفكى من الموضوع دة قبل ماتتعلقى فية قوى
وافتكرى دايما ان عمر الحب من طرف واحد بيدوم

وانا عارفةة ان كلامى دة اكيد مش هيعجبك لانك انتى مش بتتمنية وعايزة عكسة اللى يحصل
لكن هرجع واقلك ان لو دة فية خير ليكى هيكونلك مهما قعد وطال الانتظار

ربنا يوفقك ياروان ويقدملك الخير

ومعانا تليفون تانى ونقوووووووول الوووووووووووووووووووووو
يا الووووووووووووووووووووووووووووووووووووووو

بصى ياروان مينفعش ابدا انك تحبى من طرف واحد
ومش رط انه بيعاملك حلو انه بيحبك وانك تحبه
وانا عن نفسى شايف انه طالما وصل لثالثه يبقى اكيد حب
يعنى انا عن نفسى فى ثالثه وبحب ولسه مدى مشكلتى لنهى اهو

وربنا يوفقك

عدل سابقا من قبل روان في 14/6/2009, 02:59 عدل 1 مرات

لا ياحببتى انا قلتلك الحل وسط الكلام انك مش انتى اللى تستعجلى
انتى بتحبى من طرف واحد يعنى عايشة فى حاجة تعتبر وهم
يعنى لازم انتى اللى باديكى وبارادتك تحددى موقفك ومصيرك

واسمع الكلام ياايهاب وماتتسرعشى وتانى فى موضوعك

السلام عليكم ورحمه الله وبركاته
اولا احب اقول الف مبروك للدكتوره على البرنامج الجميل ده
واتمنالك التوفيق والنجاح فى البرنامج وتداوى جراح ناس كتير
انا النهارده معنديش مشكله بس متقلقيش كله جاى فى السكه
واسمحيلى انى ارد على روان
وهتكلم عن الحب من طرف واحد
الحب من طرف واحد شعور مؤلم جدا بالنسبه للطرف اللى بيحب
لانه بيبقى عنده مشاعر كبيره اوى عاوز يعبر عنها لحبيبه
وحبيبه مش مديله فرصه انه يعبر عن مشاعره نحيته لانه مش مديله الحب اللى يقدر يشجعه انه يعبر عنها
مشكله الناس فى الحب كبيره اوى
فى ناس بتحب ومش قادره تخلى اللى بيتحبه انه يحبها
وفى ناس مش قادره تحب الناس اللى بتحبها
وفيه ناس مشكلتهم زى مشكلتك كده انها مش عارفه تتاكد من مشاعر اللى بتحبه هل هو بيحبها ولا لاء
الحب ياروان احساس بين اتنين ولو اللى قدامك بيحبك بيبان عليه من تصرفاته ومن مشاعره نحيتك
الحب مش بيتقال بالكلام
الحب انك تحسى ان اللى قدامك بيعمل حاجات كتير علشانك انتى ومش بيعملها لحد غيرك
تصرفاته معاكى انتى بتبقى مختلفه عن تصرفاته مع اى حد تانى
الحب احساس بيوصل من القلب للقلب
ومحدش هيعرف هو بيحبك ولا لاء غيرك انتى
هتعرفى لما قلبك يحس انه بيحبك لما قلبك يحس ان قلبه قريب من قلبك
عاوزه تعرفى هو بيحبك ولا لاء؟
اسالى قلبك وهو الوحيد اللى هيقدر يجاوبك
لان الحب مش انه يقولك كلمه بحبك او يصارحك بيها لاء
لانه للاسف كلمه بحبك بقت اسهل كلمه بتتقال دلوقتى
الحب لما قلبك يحس بالحب معاه وتحسى انه حنين عليكى وتشوفى ده فى عينيه
لان لغه الحب هى لغه العيون وعمر العيون ما بتكدب
وانا بنصحك بلاش تدخلى تجربه الحب من طرف واحد
يعنى لو قلبك حس ان الانسان ده مش بيحبك وانه بيعاملك زى اى حد تانى
بلاش تعلقى نفسك بيه
لان الحب من طرف واحد زى الحبل اللى بيتشد من طرف واحد
اكيد عمره ما هيتوازن باى شكل من الاشكال
لان مقابل العطاء لازم يبقى فيه اخذ
وده هو جمال وحلاوه وطعم الحب
انك تدى مشاعر وتاخد مشاعر مليانه دفئ وحنان وحب
علشان تحس بان الحياه ليها طعم ومعنى وهدف نعيش علشانه
الحب هو النبض بالنسبه للحياه
وكل قلب لازم يبقى له نبض علشان يعيش

وحكايه انه مرتبط فى الكليه ولا لاء
فدى متشغليش بالك بيها
لانه لو حبك هيستغنى عن العالم كله علشانك
وهيبقى مش شايف غيرك لانك هتبقى ساكنه جوا فى قلبه
اسف انى طولت ويارب مكنوش ضيف تقيل عليكوا
وتقبلو مرورى

انا طبعا بحى حسام زميلنا الجديد على مشركتة دى
وهو فعلا وصل لروان اللى انا كنت حساة بس مش عارفة
اوصلهولها وياجماعة انا اخدة فكرة البرنامج دة اصلا من
حسام وياريت ياحسام تبقة تشارك هنا علطول وترد على
اى حد عندة مشكلة معايا لانك اكبر واكثر خبرة منى

وبشكرك على مرورك

ا لحب من طرف واحد من اصعب حالات الحب

التي تكون اشد قسوة وإيلاما من الحب من طرف واحد،

انها اصعب أنواع الحب، ان تكون انت ولوحدك من تحب

ويكون الطرف الأخر يرفضه ويرفض الاستسلام لفكرة الحب

في تلك الحاله المؤلمه

يرفض القلب والعقل فكرة البعد والنسيان

ويظل الطرف المحب يدور في دوائر مفرغة من المشاعر الواهية المختَلَقة و تنتهي

هذه الحالة في كثير من الأحيان إما بكارثة

حين يتغلب عقل الإنسان الواعي على قلبه المريض ويدرك حقيقة الأشياء

ان اصعب حب حقاَهوان تكتشف

ان الذي تهواه لا يبادلك نفس الشعوروترفض ان تصدق

ودى الحقيقة الواضحة

فاصدقينى نصيحة اخ لاخته
انسى وحاولى تنسى نفسك ولو هو مبينش ليكى حاجه

انسيه

ميرسى على مرورك ياعوضى
واكيد كلنا قدرنا نوصل لروان النصيحة
وهى ادرى الناس باللى هى فية

يلا بقة نشوف تليفون جديد ونقول
الوووووووووووووووووووو

الووووووووووووو
ايوه ولا الووووو

طبعا توبيك رائع يا نهى
وشكلك هتبقى دكتورة ناجحه
اما بالنسبه للمشاكل
مفيش حد معندوش مشكلة

انا طبعا مش هقولك حاجه
علشان انتى عارفه كل حاجه
بلاش بقى

لما يحصل جديد هقولك عالطول
وابقى اخد رأيي
متقلقيش
ههههههههههههههههه
وأى مساعدة انا موجود برده

ميرسى ليكى

ميرسى ميدو على مرورك الجميل
والبيت بيتك

نهى والحب وهواك (برنامج للحب وعن الحب ) Tw-1-%20(57)

ايه يا نهى هو البرنامج مش ناوى

يهدى لنا اغانى و لاايه

لا كان ناوى بس محصلشى نصيب وانتى فكرتينى اهو
واول واحدة ههدلها اغنية الناجح يرفع ايدة بمناسبة نجاحك يافلة

السلام عليكم ورحمة الله وبركاته

الموضوع حلو جدا يا نهى

الحمد الله مو فى مشاكل
ولو عرباوى عملى حاجة او زعلنى اكيد هبلغكم علشان تخدوا حقى

ميرسى يا قمر على الموضوع الجميل اوى ده

ميرسى على مرورك الجميل دة

ولو عرباوى عملك حاجة قوليى بس انتى
وانا هقرصلك ودانة ويارب مش يجيب مشاكل ابدا
___________________________
وانا عجبنى الكلام بتاعك دة قوى
__________________
عرفت الحب معاك علمتنى ازاى اهواك
ولو سالت قلبى هيقولك روحى وعمرى فداك
والله يا حب عمرى ما هقدر فى يوم انساك

حلو التوبيك بتاعك ودا اكيد يعنى
بس انا الحمد للة حاليا مافيش مشاكل شخصية ولا عاطفية ولا سياسية ولا اى حاجة
كلها مشاكل دراسية
وكلة من الدكتور اللة يخليك لمصر يالى ف بالى ويخليك لكلية تربية وطلبة كلية تربية الى بيحبوك اوى
واكيد ساسو ونودى معايا ف الكلام دا بردو

كفاااااااااااااايه يا ايه متفكنيش بيه

منه لله

خلاص يا جماعه

هههههههههههههههههههههههههه
ههههههههههههه
اهدوا بس وصلوا عالنبى

المنتدى اتغرق دموع منكم

وانا معاكى يا يويو

ههههههههههههههههههههههههههه

ربنا مايجبشى مشاكل وياخد الدكتور

بطلو عياااااااااااااااااااااااااااااااااااااط

هههههههههههههههههههههه

لاااااء حرام بلاش ياخده

هو بس يعميه عن غلاطاتنا فى الامتحان

ههههههههههههههههههههههه

ماشى ماشى يعمية عن غلطتكو

اى خدمة

عدل سابقا من قبل روان في 14/6/2009, 03:00 عدل 1 مرات

بعد إذن نهى طبعا
بصى يا روان
حل المشكلة دى ف ايديك
ياما تحسسيه بمشاعرك دى ناحيته
ياما تبعدى عنه خالص
حاولى تتكلمى معاه كتير
اعرفى ايه اللى جواه ايه اللى بيفكر فيه
اعرفى عايز ايه ف فتاة احلامه
يمكن ميكونش بيفكر فيكى خالص
وممكن يكون بيفكر بس مش عارف يبدأ منين
حاولى انتى لو بتحبيه اوى كده
بس طبعا مش معنى كده انك تروحى تقوليله صريحة كده
سيبى الكلام بينكم ياخد شكل طبيعى
ويارب نسمع اخبار حلوه

يارب ياميدو وربنا يصلح حالك ياروان وبلاش حكاية منزلشى من بتنا دى

لانها فى الاول كدة بس وبعد كدة لما تتمكنى هتحسى بحاجة تانية خالص

وهو الشكل مش بيفرق اة بس مهند حلو بردو بس مش معناة انة يتقل

شباب مصر تكسب بردو الحمد لله بلدنا يخير

عدل سابقا من قبل روان في 14/6/2009, 03:01 عدل 1 مرات

ربنا يسعدك ياحبيبى انا بهزر معاكى ولعلمك الانسان بيضحى باى حاجة
عشان يسعد ويرضى الانسان اللى بيحبة ودة الطبيعى ياجميل وبجد ربنا يهديهولك

» تعرف ايه هو الفرق بين ( الحب ) و ( الاحتياج للحب ) ؟؟؟
» الحب فالحب والحب هالحب مالحب وين الحب؟؟
» اجمل جمل قيلت ف الحب و عن الحب و للحب
» انا والبطيخ وهواك......حلقتنا عن الحب الحقيقى
» الحب ................والاحتياج للحب