لا يمكن اتجوز عبد العزيز!!!!!!!

عدل سابقا من قبل ساسو في 15/4/2009, 03:50 عدل 1 مرات

حلقات بجد جميله ومفيده شفتها وقلت لازم اجيبها لاعضاء دودوى الغاليين عندى

الحلقة الاولى

سارة والدموع ماليه عنيها : ياماما كفاية لو سمحتى انا مش عايزة اروح مش عايزة اطلع من البيت ده حرام والله حرام ..حرام اللي بتعملوه فيا ده
.
ام محمد: بقولك ايه بلاش دلع بقى واقعدي عدل خلي الكوافيرة تشوف شغلها وتعرف تمكيجيك وما تكسفيناش قدام الناس.

سارة : يعني فرح ومش عايزين تعملوه ومش عايزيني اتكلم والله حرام وكأني مش بنتكم . انا لو وحدة غريبة ما كنتوش حتعملو معاها كدة .

فيفيان ( الكوافيرة الي حتحط الميك اب ) : بس يا سارة ليه بتعملي في نفسك كدة .... انت عروسة زي القمر ... كفاية عياط بقى .

سارة : وانت مالك بيا ما حدش ليه دعوة بيا وانا قلتلكم انا مش حطلع يعني مش حطلع.

ام محمد: بس بقى يا سارة واحترمي نفسك وما تكلميش الكوافيرة بالطريقة دي وبطلي دلع لحسن صدقيني حروح انادي ابوكي واخواتك يتصرفوا معاكي . ده ايه الغلب ده
.
(تتطلع ام محمد من الغرفه وهي عصبية وسارة رمت نفسها على السرير وفلقة نفسها من العياط.
ام محمد وهي طالعة قابلت هدى ومها زوجات اولادها وهما واقفين خارج الغرفة . )

هدي : مالك يا طنط متعصبة قوووي كدة ليه خير .

ام محمد: والله تعبت من البنت دي ومش عارفة اعمل معاها ايه عمالة تعيط ومش عايزة الكوافيرة تحطلها المكياج ... ياريت تدخلوا تفهموها وتعقولها وتقولوها ان العياط مش حيعمل اي حاجة .

هدى: ان شاء لله يا طنط ولا تتضايقي خالص .... يلا يا مها تعالي ندخل لسارة.

نزلت ام محمد تحت عشان تشوف البوفيه وصل ولا لسة وتشوف الوضع اذا كان تمام عشان العشى اللي عملاه بمناسبه زواج بنتها سارة ( لانهم عاملين عشى وعازمين العلتين والاقارب ومش عاملين فرح ) ...وخروج صلاح من المستشفى بالسلامه...
......

مها وهي داخله غرفه سارة : ايه الدموع دي كلها كل دى علشان حنوحشك يااااه يا سارة بطلي عياط بقى .

(هدى راحت عند فيفيان وقالت لها تطلع برى شوية وبعد دقايق حتناديها ..وطلعت فيفيان مع الاثنين الي معها.)

سارة وصوتها كله عياط : والله انى بشتاق لكم ..انتى راضيه يا مها على اللي بيحصل ده ..ولا كأني بنتهم كأني بضاعة وعايزين يخلصوا منها ... حتى الجواز دخل من ضمن المصالح والصفقات بتاعتهم ..والله حرام والله ما حدش يرضى بالوضع ده ابدا ..لازم ياخدوا راي البنت مش يجوزوها غصب عنها.

هدى: الله يهديك يا سارة ..واهو انتى قولتيها زوجوني ..يعنى خلاص الجواز تم ...ولا عايزة تبقي مطلقة.

سارا: مطلقة احسن من اني اعيش مع واحد ما بحبهوش ولا هو بيحبني ويتجوزني بس علشان مصلحة العيلة ....

مها: ومين قالك انه ما بيحبكيش و انه متجوزك عشان مصلحة .

سارا: ليه يعنى فكراني غبية ولا انتوا بتستعبطوا ... بقالي اسبوعين مكتوب كتابي ولا مرة فكر انه يكلمني ولا اشوفه الا يوم كتب الكتاب وما شوفتهوش الا ساعة واحدة وبعدين مشي ومارجعش تاني .... شكله مغصوب علي الجوازة دي زيي بالظبط .

مها: الرجالة ما يتتغصبش .. ما تفكريش بالطريقة دي بس انتى عارفة الظروف اللي بيمروا فيها في بيت عمي صلاح ... ولولا مرضه ورقدته في المستشفى كنا عملنالك فرح كل مصر تتلكم عليه ... بس هي الظروف جت كدة .. فهمتي يا سارة .

هدى : وانشاء الله ياسارة لما ترجعي من شهر العسل حنعملك حفلة كبيرة جدااا تعزمي فيها كل اللي انتى عايزاه ... ايه رايك بقى يا ستي .

سارا: حفلة ليه عايزاني احتفل بانتحاري .

هدى: انتحار مرة واحدة يا سارة .... حرام عليكي والله يا سارة عبد العزيز رجل بمعنى الكلمة والكل بيمدح فيه في رجولته وشهامته ومحمد دايما يمدحوه ليا ... فعلا هو ده الراجل اللي حيصونك ويحافظ عليكي ويتقي فيكي ربنا صدقيني يا سارة .

مها وهي تغمز: وبيقول كمان انه حلو ووسيم وطويل وزي القمر.

سارا:على فكرة انا شفته مش لازم توصفوا شكله انتوا ناسيين اني صحبت اخته ... وكمان هو عصبي ونذل مع اخواته .. ميرنا دايما تشتكي منه وتقول هو غير عمر .. دايما يزعقلهم على الفاضي والمليان ومش عايزهم يخرجوا ولا يروحوا لاي حد. ده بيعمل كدة مع اخواته امال حيعمل معايا ايه انشاء الله .

هدى: بقولك ايه بلاش دلع بنات بقى قومي اغسلي وشك وانت كبرتي بقى والمفروض تعرفي مصلحتك وابوكي وامك عارفين مصلحتك اكتر منك يالا بقى
.
سارا: على فكرة انا مش كبيرة ولا وحدة من اصحابي اتجوزوا لغاية دلوقتي لاء وايه بالغصب كمان .. ورجعت تعيط تاني ...

مها وهي تجلس جنب ساره وتضمها لها : خلاص يا حبيبتى ..انشالله حتفرحي بعد الجواز وحتضحكي على حراكاتك دي اللي انتى بتعمليها دلوقتي .

سارا وكلامها مش واضح من العياط : بس انا مابحبهوش ما بحبهوش .

هدى: والله ما فيش حاجة بوظت عقلك الا الافلام الرومانسية اللي انت بتتفرجي عليها دي والقصص اللي بتقريها وانتى عارفة ان ما فيش حد مننا حب قبل الجواز ولا كان حتى عرف زوجه قبل الزواج واحنا مش عايشين في اوروبا احنا في مجتمع شرقي واحنا من عيلة محافظة مش اهلينا اللي يخلونا نختار لا اعقلي ياسارة ويالا قومي اغسلي وشك وبطلي عياط وبطلي دلع .

(وتطلع هدى من الغرفه ..وفضلت مها معها في الغرفة لانهم قريبين من بعض في السن وفضلت جمب سارة وتهديها .)

مها: خلاص يا حبيبتي وانشاء الله اللي ربنا رايده هو اللي حيكون.

سارا : يعنى حتساعديني يا مها اني ما اتجوزش عبد العزيز .

مها: الله يهديكي انتى خلاص اتجوزتيه ولا انت ناسية .

سارا : انسى ازاي بس طيب خلاص خلوني متجوزة كدة ومش حطلع من البيت مش عايزة اروح اقعد معاه انا معرفهوش وما قعدتش معاه حتى يوم كتب الكتاب كان سلام عادي

. مها : هههههههه ايه الكلام الغريب ده ... على فكرة ياسارة بعد كدة انتي اللي حتتمني انك تقعدي معاه ومش حترضي عليه اي مكروه وحتخافي عليه اكتر من نفسك .

سارة وهي لسة بتعيط : والله لا والله لا.

مها: خلاص بقى يا سارة قومي اغسلي وشك وخلي الكوافيرة تحطلك المكياج وماتنسييش ان ميرنا زمانها جاية وحيبقى شكلك وحش لو شافتك بالمنظر دى يالا بقى .

سارا: اصلا ميرنا عارفة اني مش عايزة اتجوز اخوها .

مها : يادي الكسوف انت قايللها انك مجبورة على الجواز من اخوها .

سارا : امال انت فاكرة ايه انت ناسية ا نها صحبتي الانتيم .

مها : ايوة مش ناسية بس مش كل حاجة تقوليلها وخصوصا الحاجات دي .

سارا: لا عادي خليها تعرف اني ما بحبش اخوها واني مش عايزاه.

مها: وهي قالتلك ايه .

سارا: مش لازم تحبيه المهم حتكوني معانا في بيت واحد وخلاص مش مهم الحب .

مها: ليه انتى حتعيشي معهم بالبيت.

سارا: مش عارفة والله ما اعرف.

الا ينفتح الباب وطلع لهم راس ميرنا وهي تقول بصوت عالي: انا جيييييييييييييييييييييييييت.

مها: اهلا نورتي

ميرنا لما دخلت وشافت عيون سارة متورمة من العياط : خير مالك يا سارة
.
سارة رجعت تعيط تاني وغطت وجهها بايديها.

مها: رجعنا تاني ما فيش فايدة .

ميرنا : مها سارة مالها.

مها وهي مكسوفة : مش عارفة مالها شوفيها انتي.

ولفت على سارة: يالا سارة انا بنزل اشوف طنط عايزة ايه وحندهلك فيفيان بعد عشر دقايق ... فاهمين عشر دقايق بس تتكلموا فيها .

وطلعت مها وهي طالعه قالت لميرنا الي واقفه ومش عارفة تعمل ايه.: ميرنا حبيتي في حد جيه معاكي .

ميرنا انتبهت لمها : هاه لاء بس انا جابنى عمر ..واهلي حيجوا بعد صلاة العشاء.

مها : انشالله يالا عن اذنكم.

وطلعت مها وقفلت الباب

ميرنا وهي متردده ومش عارفة تقول ايه .: سارا ...

سارا لسة بتعيط ولا اتكلمت كلمة واحدة
.
ميرنا : خلاص بقى ما ينفعش تعملي كدة .

سارة : ميرنا انتى اقرب وحده ليه ...انتى الي تعرفي اسراري وتعرفي احلامي ...انا احلامي تحطمت.

ميرنا : سارة ..انت عايشة في خيال ..انتى عارفه ان احلامك ما تتحققش الا في الافلام ...والا احنا من امتى كان عندنا حب قبل الجواز ...بذمتك اخوانك محمد وعبدالله كانوا يعرفون زوجاتهم قبل الجواز.

سارة : ايه مها بنت خالتى .... وهدى بنت صديقه امي.

ميرنا : يا ذكيه انا قصدي كانوا بيحبوا بعض... امي وابوك اخوي عمر واختى نورا ..كلهم تزوجوا مثل كل الناس ليه انتى عايزة تبقي غير الكل ..قال عايزة تتجوزي واحد بتحبيه.

سارة : بس احنا في القرن الواحد والعشرين. البنت لازم تكون مقتنعة بالشخص اللي هترتبط بيه .دي عشرة عمر يا عالم .

ميرنا : يووووووووه انت حتجنيني ..ياختى احنا مسلمين ومن عيلة محافظة وماعندناش في العيلة خالص حاجة اسمها تعارف قبل الجواز.

سارة : انا ما قلتش عايزة اتعرف.

ميرنا : امال حتحبيه ازاي

سارة : يعنى احب واحد من غير ما اكلمه.

ميرنا : لا والله ضحكتينى ..نفسي اديكي قلم على وشك علشان تفوقي وما تنسيش انك مرات اخويا ...(وتغمز لها)

سارة : لا ما تفكرنيش كفاية .

ميرنا : لا بجد حزعل منك يا سارة على فكرة اخويا طيب وقمور وكل البنات تتمناه .

سارة : ما كانش ده كلامك قبل ما اتجوز .

ميرنا : هههههه الله يهديك يا سارة الكلام اللي انا قلته في الاول كنت بهزر معاكي .

سارة : لا والله قبل شهر كنتي بنتهزري ها .ما هو اخوكي هتقولي ايه غير كدة .

ميرنا : حروح انادي فيفيان عشان تخليكي احلى عروسة النهاردة عايزة اخويا يتجنن لما يشوفك .

سارة : يا سلام يا ختي كأن اخوكي ما شافنيش ... شافني ولا حتى عبرني بكلمة .

ميرنا : سارة ماتقوليش كدة وانت عارفة اللي حصلنا من اسبوعين وربنا يقوملنا ابونا بالسلام يارب امين .

سارا : امين ...والله انى بحب عمى صلاح ولو ما كنتش بحبه ما كنت عملته حساب .

ميرنا : هههههههه اكثر من الي عملتيه.

سارا : طيب يخلوني اتعود عليه قبل ما اتجوزه انا حاسة برهبة كبيرة جدااااا.

ميرنا: انت عارفة رغبة بابا انه عايز يفرح بعبد العزيز ويشوفه متهني مع عروسته وانشاء الله لما ترجعلي من شهر العسل حنعملك حفلة كبيرة جدا واعزمي كل اللي انت عايزاه ايه رايك بقى .

سارا: ربنا يشفيه... تعالي قوليلي انا حسافر فين ؟؟؟؟

ميرنا : هههههههه ..ياسلام عايزة تقوليلي انك مش عارفة حتسفري فين النهاردة ضحكتيني يا سارة هههههه.

سارا : والله ما اعرف مين حيقول لي يعنى ..اخوكي؟؟

ميرنا : وهي مكسوفة من اخوها انه عمره ما كلم صحبتها ولا حتى جيه يشوفها من ساعة ما كتب كتابه عليها :سارا معلش اعذري عبد العزيز وانت عارفة انه كان مضغوط علشان تعب بابا معلش .... يالا بقى قومي اغسلي وشك علشان انادي فيفيان تمكيجيك وما تنسيش كمان اني حتمكيج معاكي يالا بقى .

سارا : حاضر انشاء لله ...وقامت للحمام تغسل وشها ....

قعدت ميرنا على الكرسي وهي تفكر في اخوها ونفسها تموته وبتفتكر ازاي استغربت يوم ماعرفت ان ابوها خطب صديقتها سارا وبنت اعز اصحاب ابوها لابنه عبدالعزيز الي كان مفهم العايله كلها انه مستحيل يتزوج خصوصا بعد ما شاف اللي حصل لاخوه عمر يوم ما توفت زوجته فاطمه ..عمر كان متزوج وعايش مع زوجه قصه حب ولا اروع

... وبعد خمس سنوات قدر الله ان فاطمه تموت بحادث وتركت عمر وبنتها مي 3 سنوات وحدهم...عمر تحطم بعد وفاة زوجته ...وتبدل ذاك الاخ الي كان دايما يضحك...حتى بعد مرور 3 سنوات من وفاة فاطمه..عمر ما رجع مثل اول وهذا الي مقطع قلب امه واخواته عليه ...ولان عبدالعزيز اقرب الاخوان لعمر ..وهو اكتر واحد كان حاسس بيه...واخد عهد على نفسه ان قلبه راح يكون ملكه هو وحده ومستحيل يسلمه لانسانه ممكن تروح منه وتاخذ قلبه معها زي ما حصل لعمر اخوه ....

يوم خطب ابوه سارا بنت عمي شوقي له ..في البدايه عبد العزيز ماكانش موافق لانهم خطبوها وهو مسافر ولا حتى اخذوا رايه ..بعدين احترم ابوه الي كان قصده يقوى علاقته بصديقه وتكون بينهم علاقه نسب مش بس صداقه خصوصا انه كبر وما يضمنش ان الشراكه تتم بين العيلتين بعد ما يتوفى ..فحب يزيد العلاقه بالزواج ...وشوقي الي وافق لانه مش عايز يكسف صحبه ويخاف انه اذا كسف تنقطع روابط الصداقه الي بينهم مع انها قويه جداا فاجبر بنته انها تتزوج من ابن اعز اصحابه

......وفي يوم كتب الكتاب بعد ما رجعت عايله ابو عمر لبيتها ابوهم صلاح تعب واغمى عليه ..لانه من فتره كان حاسس بحاجة بس محبش يروح للمستشفى ومع تجهيزات كتب الكتاب والكجهود الزيادة ظهرت اعراض المرض على صلاح .... وبسرعة راحوا للمستشفى وعشان كدة عبدالعزيز ما لحقش يقعد في بيت مراته.... والدكاترة شخصوا حالة صلاح ان قلبه ضعيف والمفروض ما يجهدش نفسه ...صلاح خاف ان ابنه وصحبه يأجلوا الفرح علشان مرضه ... وعشان كدة صلاح اصر ان سارة وعبدالعزيز يتجوزا اول ما يرجع البيت ...وبالفعل بعد اسبوعين من كتب الكتاب رجع صلاح لبيته وشوقي قرر انه يعمله عزومة عشى كبيرة جدا عشان اعز اصحابه قام بالسلامة ...فقال صلاح ان العشى حيكون عشان سلامتة وكمان جواز ابنه .. محدش اقدر يعترض على كلامه علشان حالته الصحية اللي ما تستحملش حتى نقاش وفعلا عملوا اللي هو عايزه

وفي بيت صلاح ...الكل كان خايف ومش عارفين يعملوا ايه عشان عبدالعزيز لغاية دلوقتي مش عارفين هو راح فين طلع من الصبح والمغرب اذنت وهو لسة ما رجعش ولا حتى بيرد على الموبيل...وما بقاش الا ساعتين وكلهم يروحوا لبيت ابو محمد ( بيت العروسة ) ...والعريس مش عارفين عنه اي حاجة ...ابوه صلاح وامه فوزية واخته نورا لابسين وجاهين وقاعدين في الصالة مستنيين عبدالعزيز .

ام عمر: عشان خطري يا ابو عمر ما تتنرفزش مش كويس على صحتك وانشاء الله عبدالعزيز حيجي وربنا يعدي الليلة دي على خير .

نورا:ايوة يابابا علشان خطرنا انت عارف ان الدكتور موصيك انك ما تجهدش نفسك عشان خطري وكل حاجة حتبقى تمام انشاء الله
.
صلاح : بس ما ينفعش كدة يا ام عمر الواد لغاية دلوقتي ما رجعش ولا عارفين عنه اي حاجة .

فوزيه: عمر اخذ ميرنا ونزلها بيت شوقي وراح يدور على اخوه وانشاء لله يرجعوا الاثنين مع بعض.

صلاح: انت دلوقتي امتى اخر مرة اتصلتوا بعبدالعزيز

نورا : يابابا تليفونه مقفول يمكن تليفونه فصل شحن ... انشاء الله حيجي دلوقتي .

وتنزل رهف وهي تصرخ.: نورا عيالك جننوني ...زهقتونى عايزة تلبسيهم ..روحي لبسيهم او خلي ماريا تلبسهم ..انا مش خدمتك .

فوزيه: الله يهديك يا رهف ..انتس مش شايفة بطن اختك قد ايه حرام عليكي مالهاش حيل على عيالها وانت عارفة انها ما بتحبش تخلي الشغالة تلبسهم .

رهف: يعني انا الشغالة بتاعتهم .

نورا ساكته وهي تبتسم مسلمه امرها لامها ...

صلاح وهو عصبي : بقولك ايه يارهف ابعدي عن وشي عشان الفعاريت كلها بتتنطط قدام وشي مش كفاية اخوكي اللي مش عارفين عنه حاجة ده .

رهف وايدها على قلبها : ليه هو اخويا فين ..اي واحد فيهم عمر ولا عبدالعزيز.

نورا : لا ما فيش حاجة بس احنا بندور على عبدالعزيز مش عارفين هو فين بقولك ايه يا رهف فينهم بناتي خليهم ينزلوا انا حلبسهم مش عايزة مساعدة من حد .

رهف : يا ساتر احسن خديهم مش كفاية عليا مي .

فوزيه:يا حياتى مي انا ماشفتهاش النهاردة هي فين ؟

رهف : ما تخفيش اهي فوق عمالة تجرب كل الفساتين اللي عندها ماتقوليش هي العروسة مش سارة..وميرنا راحت لسارة وسابت الشغل كله عليا .. انا تعبت خالص .

صلاح : ميرنا راحت تقعد مع سارة ... واخيرا سارة حتيجي تقعد معانا والله انا بحبها قوي من ساعة ما ابوها كان بيجبها الشركة عندنا ... بس ربنا يستر وعبدالعزيز ما يهدش كل حاجة .

نورا ورهف : يابابا واحنا رحنا فين .

صلاح :ههههه انتوا الأساس بس سارة غالية علية انتوا ناسين هي بنت مين.

نورا: والله يابابا انا نفسي اعرف هو عمي شوقي عاملك ايه علشان تحبه كل الحب ده .

فوزيه: انا من ساعة ما اتجوزت ابوكم وهو ما فيش سيرة غير شوقي .

صلاح : دي عشرة عمر .. شوقي مش شريكي بس ده صحبي واخويا اللي طلعت بيه من الدنيا ...

رهف وهي تبتسم : الله يخليكم لبعض.

نورا: ها يارهف حتلبسي العيال ولا البسهم انا .

رهف وهي تشوف بطن نورا المنتفخ بعصبيه: امرنا لله ننتظر الامور اللي جوة دى يطلع للدنيا علشان استريح انا بقى .

نورا: ياسلام بقى امور وانتي مطلعه عيني كل شوية علشان تعمليلي حاجة ربنا يخليكي ليا يا جميل ..

رهف : على فكرة ما تنسيش ان انا اللي حنفعك الايام دي هههههه.

نورا: ههههههههه طيب متشكرين يا ستي .

صلاح: نورا جربي واتصلي لخوكي تاني .

نورا :حاضر

هاااااا ......ايه رايكو بقى

عايزه الردود تنزل عليا زى المطره

وقولولى اكمل ولالا

القصة دى بجد تحفه

يا يت كل الاعضاء يقروها

تسلم ايدك يا ساسو انك نزلتيها

شكلها
قصه حلوه مووووووووووت

تسلم ايدك يا سوسو

نورتوا يا بنات

ميرسى يا دوللى

وميرسى ليكى يا نودى

بس فين الباقى هى القصه وحشه ولا ايه bhgjuiyygv f

الحلقة الثانية

وعلى كورنيش المعادي ..في مكان فاضى ولا في حد خالص غير واحد قاعد على السور وبيتفرج على البحر وكان قاعد بيفكر وسرحان حياته حتكون ايه فاضل ساعات وحعيش مع انسانة ما اعرفهاش ولا حتى شفتها الا مرة واحدة وهي مراتي على سنة الله ورسوله ولا كلمتها ولا حتى اعرف طبعها ايه ولا تفكريها ..بس انا حاسس انى مش متجوز ولا مأيد الجوازه دى .
انا ما انكرش انها سحرتي بجمالها وبرائتها بس مش بالطريقة دي ...بس هي صغيره عليا هي قد اختي ميرنا ..حرام والله يجوزها وهي بالعمر دي .. اهلها ازاي يوافقوا ... هي ازاي توافق ..بس صح عمي شوقي مستحيل يرفض طلب من ابويا مهما صار ...سارا ...اهاااا يا سارا انتي مين .. انا بالنسبه لك ايه..يا ترى هي فرحانه انها بتتزوجنى ..او هي مجبوره زيي على الجواز ... بس انا مش مجبور ..انا راضي بالزواج ...يووووووووه انا ايه اللي بقوله خلاص كل حاجة تمت ...........يا ترى هي طبعها زي طبع اختى ... يعنى دلوعه وعلى اتفه حاجة تعيط ..انا اكره حاجة عندي ان ميرنا او رهف يعيطوا ...يوه اذا عيطت انا حعمل معاها ايه ............اعمل ايه اضربها زي ما بضرب اخواتي ..والا اراضيها زي ما بيعمل عمر ...والله حيرة ربنا يهيدك يا بابا انت اللسبب اللي مخليني في الحيرة دي ...

فجاه سمع صوت سياره وراه ..التف الا شاف بي ام سودا .....ايه اللي جابه دى دلوقتي اخر مرة شاف فيها الساعة كانت 4 ونص العصر ... ادى الوقت مر بسرعة وما حستش بيه من امتى وانا قاعد القعدة دي .
وقفت السياره ونزل منها واحد طويل و حلو له دقن خفيف ولابس بدلة شيك ..قرب مني وقعد جمبي على السور .... وقام يتامل النيل وهو ساكت..

]عبدالعزيز وهو باصص للنيل : انت ايه اللي عرفك ان انا هنا.

عمرو هو لغاية دلوقتي ما شفش اخوه : انت عارف ان انا عارف المكان المفضل ليك لما تكون زعلان او مهموم .

عبدالعزيز ولازالت عنيه على البحر: انت اهو قلت ان انا بحبس اقعد هنا ايه بقى اللي جابك.

عمر: اعتقد ان المكان دى مش ملكك علشان ما اقعدش فيه

عبدالعزيز وهو يقوم : خلاص اوكي انا حسبلك المكان تقعد فيه برحتك.

عمر يمسك ايد اخوه: تعالا هنا انت رايح فين ...انت كدة عالطول متنرفز ...عبد العزيز مالك انت ناسي انا مين.

عبدالعزيز: اااااااه يا عمر والله انت مش حاسس باللي حوايا انا دماغي حتنفجر من التفكير.

عمر: ده انت يوم ما كتبت كتابك ما عملتش كدة جاي تعملها النهاردة في فرحك ... هو انت مش مرتاح مع سارة ؟؟

عبدالعزيز: ارتاح ازاي وانا عمري ما كلمتها ولا شفتها غير مرة واحدة .

عمر وهو فاتح عينيه: نعمممممممممممممم

عبدالعزيز: اللي سمعته ما كلمتهاش خالص وما شفتهاش غير يوم كتب الكتاب بس .

عمر: طب ليه انت بقالك اسبوعين كاتب كتابك؟

عبدالعزيز: انت عارف بالظروف اللي مرت علينا .

عمر: لا والله عذر اقبح من ذنب..الله يعينك يا سارة ويصبرك على اخويا.

عبدالعزيز: اهاااا انت بتقول ايه الله يعينها علي ايه .. ما حدش قالها ترضى تتجوزني ..

عمر:وبعدين معاك البنت مالهاش ذنب في اي حاجة وعلى فكرة ابونا مش ناقص.

عبدالعزيز: بس انا مش عايز اتجوز ..(وبصوت عالي) يانااااااااااااااااااس انا مش عايز اتجوز.

عمر: طب ليه فهمنى.

عبدالعزيز ومن غير ما يحس: مش عايز اتزوج واحبها وتسبني زي ما فاطمة سابتك.

عمر وهو منزل راسه: الله يرحمها.

عبدالعزيز حس بنفسه: والله انا اسف يا عمر مش قاصدي اعذرني .

عمر: ما ينفعش تقول كدة اللي حصلي قضاء وقدر وما ينفعش انك تربط نفسك بيا.

عبدالعزيز: خلاص اللي حصل حصل واللي ابويا عايزة حيحصل بس حب مش ححبها ماشي.

عمر: ربنا يهيدك ابونا متنرفز في البيت وهو عمال يتصل بيك على الموبيل وانت ما بتردش يالا بقى نروح .
عبدالعزيز: انا اقفل الموبيل

عمر: يالا بقى قوم مين قدك يا عم النهاردة انت حتسافر واحنا قاعدين في الشغل ارف وحرقة دم .

عبدالعزيز: انا مستعد اشتغل 12 ساعة بس مش عايز السفرية دي .

عمر: يابني يالا قوم قال مش عايز يسافر قال يابني شهر العسل دى احلى ايام الجواز اسألني انا لسة العروسة بتكون مكسوفة ..
.
عبدالعزيز : ربنا يكون في عوني مش عارف اتصرف ازاي مع بابا ولا اقوله ايه ..

عمر: ولا يهمك اخوك مرتب كل حاجة .

عبدالعزيز: صدقني انا ماعرفش سارة ولا حتى بتفكر ازاي.

عمر: مش ذنبها بقالك اسبوعين انت اللي ما كلمتهاش.

عبدالعزيز: انا حطلب من بابا انه يأجل الجواز شوية .

عمر : والسفر؟

عبدالعزيز: عادي نلغيه.

عمر: صدقني انا حضربك على وشك بجد زوتها .. يالا بقى

.
ويدق موبيل عمر...

]عمر : انا حقولهم في البيت ان بطارية السيارة وقفت وانك كنت بتصلحها ماشي.

عبدالعزيز : ماشي.

عمر يرد على التليفون: الووو

نورا: ازيك يا عمر عامل ايه يا ابو مي .

عمر : الحمد لله انتم عاملين ايه .

نورا: بقولك ايه لقيت عبدالعزيز .

عمر: ايوة هو جمبي اهو .

نورا: على فكرة ماما كانت خايفة جدا وبابا متنرفز على الاخر .

عمر:شحن التليفون خلص وما عندهوش شحن وبطارية السيارة كمان باظت واحنا خلاص صلحنا السيارة وراجين اهوه عالطول على البيت ..

عمر: المهم اخبار مي ايه لبستوها انا عايزيها هي العروسة النهاردة .

عبدالعزيز وهو بيضرب عمر بكتفه: مش حتكون احلى من مراتي .

عمر وهو يضحك : دى اللي ما كانش عايزها من شوية ودلوقتي بيدافع عنها اااااخ منك انت .

عبدالعزيز: ما تصدقش نفسك كدة بنتك وحشة جدا وفي احلى منها كتييير هههههه.

عمر: اخرس دى انا بنتي احلى البنات في العالم .

عبدالعزيز : هههههههههههههه يالا علشان نرجع .

وقام وراح لسيارته وكمان عمر راح لسيارته وافتكر ان نورة لسة على التليفون .

عمر: ههههههههههههه ايوة انا معاك يا نورا .

نورا: لا احلف بس...بقالي ساعة عماله اقول الووووو وانت في وادي تاني.انت كدة حتخسر بابا كتير .

عمر: لا ما تخافيش الخير كتير والحمد لله .

نورا: انت رحت فين

عمر: قال اخوكي بيقول ان مراته احلى من بنتي انا شوفتي اخر نكتة .

نورا وهي فاتحه عنيها ومش مصدقة وبتصرخ في عمر : احلففففففففففففففففففففف

عمر: صوتك وجع وداني انت بتكلمي واحد اطرش ايه يا بنتي مالك هو انت النهاردة مش مصدقاني في حاجة خالص .انت حرة

نورا:لا بس مستغربة انا اسفة .... عبدالعزيز بيتغزل في حد انا اول مرة اعرف انه بيعرف يتغزل ورومانس سبحان مغير الاحوال.

عمر: بقولك ايه بقى اقفلي بقى عشان ما بعرفش اتكلم وانا بسوق وجهزوا عروستي مي علشان اخدها معايا القمر دي .

نورا : ربنا يخليكيوا للبعض يالا مع السلامة وخلي بالك من الطريق وانا حروح ابشر الناس اللي هنا علشان هما خلاص على اعصابهم . سلام

عمر: مع السلامه./

عمر قفل التليفون وهو مبتسم ..واخيرا بيدخل بيتهم الفرح ..هو عارف ان ا خوه عبدالعزيز مش موافق على الجوازة دي ..بس هو حاس ان دخول سارا لبيتهم بيكون فاتحه خير للكل.
....يارب

عبدالعزيز رجعت الافكار له حاول يطردها وشاف نفسه في مراية السياره ..لاحظ انه لازم يحلق ...خد موبايله وفتحه وعلى طول يطلع له صوت مسج وبعده مسج وبعده مسج ..لغاية ماوصل عددهم 7 مسجات...
فتحهم وشاف كلهم من اهله ويسالونه وينه ومتى بيجي والكلام ده كله ...ابتسم وعرف ازاي هما كانوا خايفين عليه وهو مش عايز يحرجهم مع اهل العروسة ويحطهم في موقف محرج......رن على اخوه عمر ...

]عمر: هههههههههههه وحشتك مش كدة .

عبدالعزيز: كدك نيلة قال وحشتك ما انت لسة شاتمني عشان بنتك هههههه بقولك ايه انا مش حروح حروح للحلاق احلق بسرعة واروح ما ينفعش اروح الفرح بالشكل دى .

عمر: اوووووووووووووه ماشي بس بسرعة ما تتأخرش.

عبدالعزيز: باي

عمر: ههههههههههههه مع السلامه

عبدالعزيز: عمر والله انك رخم .

عمر: مش انت لسة بتقولي باي انت مجنون يابني .... ربنا يكون في عونها .

عبدالعزيز : هي مين دي .

عمر : لالالالالا ما تخدش في بالك مع السلامة .

عبدالعزيز:ماشي لما اشوفك انت فعلا كتلة رخامة متحركة هههههه ..... المهم قول لاهلي اني ساعة بالكتير وجاي .

عمر: ههههههه حاضر يا ابو الغلاسة كلها .

وراح عبدالعزيز للحلاق وبعد ما خلص رجع للبيت .... اول ما دخل قابلته هند بنت اخته نورا...

عبدالعزيز وهو يشيل هند: ازيك يا قمر يالا فين بوسة خالو .

هند وهو ييتلوى في حضن خالها: مش عايزاك نزلني انا عايزة ماما .

عبدالعزيز وهو بينزلها:والله انت غلسة يالا انزلي وروحي لماماتك ولا حد حيعبرك ولا تستهلي حتى حد يديكي بوسة يارخمة.يلا روحي .

رهف وهي بتضحك : انت اتجننت ولا ايه يا عبدالعزيز بتكلم الطفلة دي وكأنها فاهماك.

عبدالعزيز: يمه انت طلعتي منين انت كمان ؟؟

رهف: انت اللي كنت فين احنا كلنا كنا قلقنين عليك قوووي.

عبدالعزيز: فين ماما وبابا .

رهف : في الصالة مع اخواتك .

عبدالعزيز: كلهم مجتمعين.

رهف : ايوة الا ميرنا عند العروسة هههههههههه

عبدالعزيز: ما تضحكيش
.
رهف: انت بس تزعقلنا ... ربنا يكون في عونك يا سارا.

عبدالعزيز: دي يا بختها بيا ... وانتي اش فهمك في الحاجات دي يا حقودة .

رهف تبتسم بحنان: اه والله يا بختها بيك فعلا.

عبدالعزيز استغرب من اخته اول مره تشوفه كذا وتبتسم له هالابتسامه ...ابتسم لها هي كمان وراح للصاله عشان يشوف اهله.........

صلاح: واخيرا العريس شرف ..

فوزيه : فينك يا ابني قلقتني عليك.

عمر: كان بيتشيك وبيحلق علشان عروسته تشوف عريسها وهو على سنجت عشرة ههههههه.

فوزيه: عقبالك

عمر يلتفت بسرعه لا امه وبيبصلها بنظرة عتاب عشان بنته مي جمبه.

صلاح: امك ما قلتش حاجة غلط ليه بتبصلها بالطريقة دي .

عبدالعزيز:ههههههههه الحمد لله لقوا حاجة يتسلوا فيها وسبوني الحمد لله ؟

عبدالعزيز: يالا اسيبكم بقى يا جماعة حروح اخد دش واجهز نفسي وارجعلكم تاني .سلام مؤقت

نورا: تعالى يا عبدالعزيز وقولي انت حتسافر فين الليلة انا مش عارفة .

عبدالعزيز: اذا كنت ما قلتش للعروسة حقولك انتي.

نورا بدلع: مش عايزة اعرف انت حر .

عبدالعزيز فاتح عنيه مالهم اخواتي النهاردة كأنهم اول مرة يشوفوني بس عمر معايا عادي غريبة.

رهف: بجد يا عبدالعزيز انت حتسافر فين احنا مش حنقول لسارة احنا عارفين انك عملهالها مفاجئة ... يالا قول بقى .

عبدالعزيز : انا مش عاملها مفاجئة ولا حاجة ما دام انتم فهمتوها كدة براحتكم
.
عبدالعزيز: اوكي انا حقولكم بس ما حدش يجيب سيرة لسارا فاهمين .

نورا ورهف: واللللللللللللله ما مش حنقول ... يالا بقى

عمر: حيروح لللللللندن

عبدالعزيز: ياحشرررررري

نورا: ليه لندن فيها عرب كتير وزحمه

رهف: ايوة روحوا باريس لانها بلد العشاق او ايطاليا حلوه لشهر العسل ..والا ماليزيا بلد العرسان

صلاح: وانتى اش عرفك يا عفريته

رهف وهي مرتبكه: هاه لا عادي كنت بسمع من البنات

فوزيه: والله البنت دي مصيبة عارفة كل حاجة ( داهية مسيحة )

مي تتكلم بصوتها الناعم وبكل هدوء: عمي ليه ما تروح اسبانيا انا بابا وماما راحوا لها بشهر عسلهم؟

عم السكوت المكان والانظار توجهت لعمر وبنته ..وينتظرون رد عبدالعزيز.....عبدالعزيز راح لبنت اخوه الي يعشقها غير عن اولاد نورا وقال: لو رحت لها ماراح تكون خاصه لامك وابوكي ....والا انتى رايك ايه يا قمر؟؟

مي وببتسامه حلوه تجمل وجها البرئ:ايوة صح اسبانيا لماما وبابا بس مش لحد تاني .

عمر شاف بنته بحنان وقربها منه زياده وقال: مش ماما وبابا بس وكمان مي الحلوة معانا.

مي وهي مكشره: لا يا سلام انا ابي بلد خاصه فينى وبجوزي بس

الكل قام ضحك ...قال صلاح( ابو عمر ) : والله البنت باظت من عمتها رهف.

رهف: حرام عليك يابابا.......تصدق يا عبدالعزيز انا اعتقد ان لندن مش حلوة لشهر العسل.

عبدالعزيز: لا بالعكس لندن حلوه قوووي خصوصا في الوقت دى من السنه ..وانا حروح عشان عندى شغل هناك ...

نورا: شغل في شهر العسل؟؟؟؟؟!!!!!!يارررررررربي ارحمني

عبدالعزيز: مش شغل شغل يعنى عندي حاجة كدة وعايز اخلصها ..ولازم اروح هناك..

رهف: بجد ربنا يعين سارا على الطياره خصوصا انها اول مره تسافر

عبدالعزيز وهو مستغرب: ليه هما عمرهم ما سافروا..؟؟؟

رهف: لا راحو مرة دبي لان سارة كانت بتقول ان عمي شوقي ما ينفعش يركب طيارة وانه يكرها هما سافروا المرة دي وما سافروش تاني .حتى سارة من كلام ابوها بقت تخاف تركب الطيارة مع اني بقولها ان احلى حاجة ركوب الطيارة متعة .

عبدالعزيز: طيب يا جماعة عن اذنكم بقى .

وطلع من الصاله والكل مستني وخصوصا انهم جاهزين وما بقاش في وقت عشان يروحوا بقى لبيت شوقي ابو العروسة

.

.

.

هاا ايه رايكم يلا قولو بسرعه عاوزه الحق انزل الحلقه التالته

تسلم ايدك ياقمراية شكلها قصة جامده جداااااااا

ميرسى يا بوسى يا قمر

نورتى يا جميله

تسلمي ياسلمي ياقمر

ايه الحلاوه دي

شكلها كده بجد قصه جميله

نورتى يا منه

وانتظرى القااادم

الحلقه الثالثه

سارة طلبت من فيفيان تحط لها مكياج ناعم وهادي لان محدش بيجي الليله البيت الا عمها سعد وعمتها سعاد وخالاتها وفاء وجيهان ووخوالها خالد وجمال وعبدالله ...وبيت صلاح مع اخت صلاح فاطمة واخو فوزيه عبدالرحمن ووخواتها الثلاثه سماح وشاهيندا وشروق........

ميرنا وهي بتتفرج على سارا : الله سارا تجنيني طالعه ناعمة قوووي ..بجد شكلك احلى بكثير من الملكه ...اكيد اخويا حيتهبل عليك يا بخته بيكي ..

وحضنت سارا ...سارا حست انها خلاص بتعيط ..قامت فيفيان قالت..::لالالا ياميرنا ما ينفعش كدة البنت كدة خلاص حتعيط .

ميرنا سابت سارا وبعدت عنها: ربنا يهنيكي بعريسك وتعيشي احلى ايام انشاءالله

سارا ابتسمت : يارب

ميرنا يالا روحي وكملي لبسك وانا حخلي فيفيان تحطلي اي حاجة اعمل منظر يعني .

سارا: ماشي

وقبل ما تطلع بصت لميرنا : بتقولها انت بجد ما تعرفيش احنا مسافرين فين الليلة

منيره : لا والله ماعرف ليه ؟

سارا: خايفة نروح مكان بعيده وانا ماعمرى ما ركبت طياره..

منيره:هههههههههه لا تسمعك رهف بتموت في حاجة اسمها طيارة لو بإيدها كانت اشتغلت مضيفه ..

سارا: بجد انا خايفة ...مش كفاية اني خايفة من اخوكي كمان اركب طيارة انتوا ناوييين تخلصوا مني

ميرنا: ليه هو اخويا عفريت ولا ايه ههههههههههههههه.

ودخلت سارا تلبس فستانها وتجهز نفسها .
]دخلت مها الاوضة : فين سارا

ميرنا : بتغير هدومها وبتلبس الفستان

مها: وهي عاملة ايه دلوقتي

ميرنا وهي بتبتسم : يعني انا موجودة ومش عايزاها تكون بخير .

مها:ههههههههه والله اانك فعلا مجنونة زي سارة بالظبط .

ميرنا:شكرا

مها: عفوا اي خدمة بقولك ايه يا ميرنا ما تزعليش من كلام سارة على اللي قلته على اخوكي هي بس نفسيتها تعبانة معلش عروسة بفى وانت عارفة حالتها بتبقى ايه في اليوم ده .

ميرنا : انت بتتكلمي في ايه يا مها سارة دي مش صحبتي وبس دي اكتر من اختي ..والله انها زي اخواتى نورا ورهف واكتر كمان.

مها: عارفة والله وهي كمان بتعتبرك اختها واحنا كمان بنتعتبرك بنتنا وبنحبك جدا بس ارجوكي ما تبينيش لاهلك او تقوليلهم على اللي قالته سارة .

ميرنا: مها سارا ما ماعملتش حاجة ..واللي عملته او قالته ده حاجة عادية ..واللي سارة تقولوا ما بقولهوش لرهف ازاي بقى حروح احكي لاهلي على اللي حصل .

مها : والله انت بنت جدعة بجد وبنت اصول ... يالا بقى مش حتروحي تلبسي انتي كمان .

ميرنا : مستنية سارة تطلع الاول .. هي العروسة مش انا هههههه.

مها: ربنا يخليكوا لبعض وعقبالك يا قمر .... والله علاقتكم دي بتفكرني بعلاقة عمي شوقي بوالدك .

ميرنا: اميييييييين

مها: في اصوات كتيرة تحت يالا اسيبك انتى بقى تجهزي وانا حنزل شكل الضيوف وصلوا
.
ميرنا : ماشي
وتطلع مها الاوضة وبعدها تطلع سارة وهي لبسة احلى فستان.
]سارا : اعتقد اني سمعت صوت مها .

ميرنا : مها ايه دلوقتي ... ايه يابت الحلاوى دي بسم الله ماشاء الله
.
سارا وهي مكسوفة بس بقى يا ميرنا .

بس انت يا سارة بجد الفستان حياكل منك حتة ومظبوط عليكي بالظبط .

وكان قوام سارة جميل جدا مش رفيعة جدا ولا مليانة جدا مظبوط ..وكانت لابسه فستان سكري طويل وناعم ورافعه شعرها الكستنائي ونازله منه خصل على كتفها ..وشعرها اصلا يوصل لغاية كتفها وناعم جداااا ..ومعلقه في شعرها ورود سكريه صغيره ..والميك اب هادي وناااااااااااعم ..عيونها طالعه كبار وخشمها وفمها صغار بس بشكل متناسق..هي عيونها بني غامق مش سودة...والاشادو اللي حطاه مخلي عنيها افتح من العادة ..

ميرنا: بجد تجنني يا سارة .. خليني اقرى عليكي قران علشان العين والحسد وان ربنا يحميكي انشاء الله .

سارا: عين مين بس ما فيش حد غريب كلهم اهلك واهلي وكلهم شايفينى الف مره

ميرنا : يااااااغبية من عين اخويا .... ده عينة مدورة

سارا وهي منزله راسها: وادي صفة تانية وحشة فيه .

ميرنا وهي عصبيه:صدقيني حضربك على وشك لانك بجد زوتيهها انا بهززززززززززر

سارا: طيب يمه خضيتيني

ميرنا: فين باقه الورود الي اشترتهالك.

سارا: مش حخدها دى مش جواز ( دي يا دوب قاعدة كدة وبس وعشا) مش ححتاجها .

ميرنا: لا حتخديها احنا حنعملك زفة ولا انت ناسية

سارا: اهي عندك هناك
[/size]
ويرن موبيل ميرنا..
ميرنا : ايوة يا رهف انتوا اتأخرتوا كدة ليه .

رهف: احنا تحت انتوا لسة ما نزلتوش ليه

ميرنا ياسلام ... طيب طيب شوية ونزلين اووووف رغاية .

ميرنا : طيب بقولك ايه تعالي وهاتي معاكي حصة ومي ولبسوهم زي بعض علشان عايزاهم ينزلوا مع سارة علشان يمسكوا الشمع .

رهف: ايوة لبسين زي بعض وانا جهزتهم وكل حاجة تمام
...
ميرنا : طيب هاتيهم وتعالي .

رهف: ماشي انا جاية ......

طلعت رهف بسرعة وهي بتجري على السلم وهي بدون حجاب وفجاءة اتصدمت في حاجة طويلة قدامها وكانت حتفقد توازنها وتوقع ....الا وحست بايدين ماسكها من وسطها ... ]

مين الي صدمت فيه رهف؟؟هنعرف الحلقه الجايه...!!!!

.
.
.
.
.

يارب تكون الحلقه عجبتكم وان شاء الله بكره او بعده بالكتير اجيبلكم الحلقه الجايه

اى خدمه

جميله قوي ياسلوي

يلا كملي ياقمر

ميرسى يا قمر

ودايما منورانى

متشكره اوى لكل اللى ردو على الموضوع

ويارب الموضوع يكون عاجبكم بجد

وانا جيبالكم انهارده الحلقة الرابعه

الحلقة الرابعه

سارة نزلت من غرفتها وزفوها لعريسها وقعدوا مع الاهل شوية وبعدين اتعشوا وراحوا يوصولها هي وعريسها للمطار علشان تبدأ حياة جديدة مع عبدالعزيز ياترى حياتهم حتبقى عاملة ازاي......

وفي بيت ( شوقي) ابو محمد...... الجميع كانوا قاعدين في الصالة .

ام محمد : والله سارة حتوحشني قووووي .. دي حتغيب عني شهر كامل .

ابو محمد وهو حزين لان سارة عندة بالدنيا كلها : بقولك ايه يا كريمة مش شايفة ان سارة صغيرة على الجواز النهاردة لما جات تسلم عليا وهي ماشية حسيت انها لسة صغيرة على الجواز شكلنا اتسرعنا وغلطنا كنا لازم نستنا شوية .

ام محمد : لا يا ابو محمد لا صغيره ولا حاجة ....وانا لما كنت في عمرها كان عندي محمد وحامل في عبدالله كمان....

ام محمد صحيح انها طيبه ومتاثره بفراق بنتها ...بس هي قويه ونادر ما تظهر شعورها قدام للناس..

هدى: الله يهديكى يا طنط ايامك غير ايامنا .... انا مش بقول ان سارة لسة صغيرة على الجواز بس برضه لسة شوية عليها .

ام محمد: لا يا جماعة هي سنها كويس كدة للجواز وبعدين الجواز سترة للبنات .

مها: عبدالله ...عبدالله

عبدالله وهو قاعد جمب مراته مها نام وهو قاعد من التعب يا عمي ومراته بتهزه في كتفه علشان يصحا

ابو محمد : ماله عبدالله هو نام ولا ايه

عبدالله انتبه لصوت والده : ههاه ...ايوة يابابا ....(واتعدل في القعدة بتاعته) يالا يا مها قومي حطلع انام انا تعبان جدااااا .

ابو محمد : تعبان ايه ....لالا مش حتام خلاص الفجر قرب يأذن .. اصبر لغاية لما تصلي الفجر وبعدين روح نام.

عبدالله: يابابا لسة بدري على الفجر فاضل ساعتين ونصف ... انشاء الله حقوم يالا يا مها .

مها: طيب بس شيل فهد بقى تقيل ماشاء الله عليه .

عبدالله: طيب هاتيه ...

عبدالله ومها عايشين في الفلة مع اهله ..لهم جناح معزول في الدور الثانى فيه غرفتين نوم وصاله صغيره وبوفيه (مطبخ صغير)....

هدى: محمد مش اتأخر يابابا

ابو محمد: طبعا لازم يتأخر انت فاكرة المطار قريب .

ام محمد: هدى نيمي عيالك في اوضة سارة بدل ما هما نايمين كدة في الصالة حرام .

ابو محمد: وبالمره ناموا انتوا كمان في اوضة سارة بدل ما تروحوا وتجرجروا عيالك وراكم وهما نايمين .

هدى: مش عارفة يا عمي انا معملتش حسابي على البيات هنا وما اعتقدش ان محمد حيوافق.

ام محمد: لا ما تخافيش محمد مش حيقول حاجة

ورن موبيل هدى

هدي وهي بتضحك وترد على التليفون: جيت على السيرة

محمد: ليه قاعدين تنموا فيا مش كدة

هدى:لا ابدا اصل طنط وعمي بيقولولي باتوا هنا النهاردة علشان العيال نايمين .

محمد: لا مش مستهالة انا اصلا برن عليكي علشان تجهزي العيال علشان انا حرن وتطلعي عالطول علشان انا مش حقدر ادخل .

هدى: انت قريب؟؟

محمد: قدامي انشاء الله عشر دقايق واوصل .

هدى: طيب خلاص توصل بالسلامه.. خلي بالك من نفسك لا اله الا الله

محمد: محمد رسول الله مع السلامه ..

ومحمد قفل التليفون مع مراته وبيتفرج على اخوه اللي جامبه وهو محتاس في الراديوا من اغنية لاخبار ما سابش حاجة .

محمد: بقولك ايه ما تسكت بقى واهدى ربنا يهديك خيالتني مش عجبك حاجة .

تامر : تصدق يا محمد ان سيارتك تقرف ما فهاش حاجة

محمد: طيب ما تنزل منها ما دام مش عجبك .

تامر : انا عمالة ادور على شريط من الصبح مش لاقي غير اغاني اطفال ما تقلش قاعدين في حضانة .

محمد:ههههههههه .: الاغاني دي لعيالي مش ليك وانت مالك دى انت حشري بجد
.
محمد: وانت عارف ان هدي ما بتحبش تسمع اغاني وانا ما بحبش اشغل اغاني قدامها احتراما ليها ومدام ما بشغل قدامها ما بشغل برضه من ورها لان ربنا شايفني .

تامر : ياه دي هدى غيرتك تماما .بقولك حسيت ان سارة فيها حاجة وهي بتسلم عليك في المطار .

محمد: اااااه يا تامر . والله وانها بسلم عليها وبضمها ليا كنت حعيط خلاص لولا بس ان الناس واقفة ومسكت نفسي وحسيت انها خايفة حسيت انها بتقولي ما تسيبنيش يا محمد انا محتجالك .

تامر: ههههههههههههههههههههههههههههاااااااااااي

محمد ببص لخوه بعصبيه في ايه هو انا قلت نكته .

تامر وهو لغاية دلوقتي وهو بيضحك : لالالا ابدا اصلك بتقولي محتجالك وخايفة والكلام اللي مالهوش لازمة ... انت فاكر انها حتفتكر بعد مع تبقى مع حبيب القلب .

محمد: أي حبيب قلب انت عبيط يابني ... انت نسيت ان بابا وماما جابرنها على الجوازة دي

تامر : لا اهلي ما اجبروهاش اهلي عارفين مصلحتها .. وانت عارف عبدالعزيز دى لقطة بالنسبالنة وتعرف كمان هو ابن مين .

محمد: ايوة بس سارة صعبانة علية قوي وكان نفسي اقول لعبدالعزيز انه ما يسفرش ولو يقعدوا في اي فندق هنا وخلاص.

تامر : يعيني على الحنية ... ما كنت قالته احسن انا حاخد سارة معايا تاني هههههه والله ناس عجيبة .

محمد بستهزاء: يالا انزل من السيارة علشان انا مش طايقك وروح ناديلي هدى والعيال

تامر نزل من السيارة وثقل الباب انادي مين يابابا يالا روح مع السلامة هما حيناموا هنا النهاردة .

دق تامر على باب البيت علشان يستأذن الاول ودخل سلم عليهم .

تامر : اهلا ازيكم عاملين ايه ازيك يا ست الكل عاملة ايه من غير دلعوتك الصغيرة .

ام محمد: ازيك يا بني ... انشاء الله تيجي مراتك مكانك .

تامر وراح ضم امه وقلها مستحيل حد يجي مكانها انا حفضل عازب طول عمري .

هدى: تامر هو محمد فين ؟؟

تامر : يووه نسيته ...جوزك بره مستنيكي وبيقولك بسرعة علشان هو تعبان وعايز يتخمد...

هدى قامت وحاولت تقوم ابنها صالح ....مش راضي يقوم لانه كان تعبان جدا ....مهند قام وهو بيفرك في عينه ....

هدى: يالا يا صالح تعبت قلبي يالا بقى انا تعبانة وابوك برة وتعبان .

صالح وهو نايم: مش عايز .. انا حنام هنا عند تيته.

هدى: لا ابوك مش حيرضى يالا بقى

ام محمد : خلاص يا هدى خليه يا بنتي ما هو عند جده حزعل منك يا هدى .

هدى: يا طنط .. محمد مش حيوافق .

ام محمد : قوليله ان امه بتقولك خلي صالح هنا .

هدى : يالا يا مهند

منهد: واناكمان يا ماما انا عايزة انام عند جدو اشمعنا صالح .

هدي: ياربي ....انا حروح اندهلكم ابوكم يتصرف معاكم .

ام محمد: خلاص يا هدى سيبهم هنا .

هدى: لا يا طنط يالا يا مهند روح لبابا في السيارة وانا حروح اجيب اخوك .

ام محمد: تامر قوم ساعد مرات اخوك . .

تامر: حاضر ... يالا يا بطل نروح عند بابا .

راحت هدى وشالت مرام بنتها...وتامر شال ماجد ...وسبقهم مهند للسياره......ام محمد خدت صالح معاها ودخلته اوضة عمته سارا ...وبعدين طلعت اوضتها لقيت ابو محمد بيقرا القران وينتظر اذان الفجر عشان يصلي وينام ....وتامر رجع بعد ما وصل مرات ا خوه وعيالها ..وراح اوضته ....ونام على السرير ..وقعد يتلكم في التليلفون ...
تامر : ازيك يا حياتي يارب ما اكونش قومتك من النوم .

مى: لاء انا صاحية كنت مستنياك يا عمري انت اتأخرت ليه .

تامر : انت عارفة بقى ان ا لنهاردة جواز اختي عقبالك .

مى: اختك سارا ؟؟

تامر: هههههه هو انا عندي اخت غيرها .

مى: ههههههههههه ...بس بقى ليه بتكسفني

تامر : بموت في ضحكتك يا قمر .

مى: تامر

تامر : يا عيون تامر ... يا قلب تامر

مى: ربنا يخليك ليا

تامر: مى...

مى: نعم

تامر:ما قلتليش ناوية تدخلي ايه ....

مى: لسة ما ققررتش اي حاجة وخلاص.

تامر : ايه هو اي حاجة وخلاص دي .

مى : خليها على الله

وقعدوا يتكلموا لغاية لما دق الباب .

تامر : مى يا حبي في حد بيخبط على الباب حروح اشوفه ماشي يالا سلام .

مى: اوكي سلام

وقفل التليفون وفتح الباب ولقى ابوه بيقوله يالا علشان حنروح نصلي الفجر في الجامع . وراح ابو محمد وعياله عبدالله وتامر للصلاة ..

الحلقه الخامسه

وفي الطيارة .... سارة قعدت على كرسي جنب الشباك وفي الجهة التانية قاعد عبدالعزيز ...... وفرحت لان الكرسي واسع وانهامش لازقة في عبدالعزيز .... المضيفة طلبت منهم النهم يربطوا حزام الامان وما حدش يتحرك لان الطيارة حتطلع الان............هنا سارا ماتت من الخوف .. وهي عارفة ان اصعب حاجة في الطيارة هي الاقلاع والهبوط وبقت مش عارفة تعمل ايه ... والطيارة بدأت تمشي .... وسارة مربعة ايديها واول ما بدأت الطيارة تسرع .... بدأ قلبها ينبض بسرعة وهي حاسة خلاص ان قلبها حيقف من كتر الخوف ....وايديها بدات ترتجف ... وخافت ان عبدالعزيز يشوفها بالمنظر ده وهي ضاغطة على ايديها قووووي وغمضت عنيها جامد ..... ولف عبدالعزيز وشافها وهي بالمنظر ده كان نفسه يفطس من الضحك ... بس مسك نفسه علشان سارة ما تحسش باحراج . ..وصعبت عليه قوووي .... واستغرب قوي من انها لسة مش عارفة اي حاجة في الدنيا وانها بنت في العمر ده وبالغنى ده كله وما ركبتش طيارة لاء وكمان بتخاف منها ...مد ايده وحطها على ايديها وهي اول ما حست بايده مسكت فيها جامد وهي مغمضة عنيها وحتموت من الخوف كأن ايديه كانت حبل النجاة بالنسبلها .......وقتها عرف هي قد ايه خايفة .... ابتسم وسابها على راحتها ... وبعد ما استقرت الطياره في الجو ...حست سارا ان التوتر الي كانت تحس فيه قل....وكانها راكبه سياره ..فتحت عنيها شوية شوية ..وهي خايفه من اللي حتشوفه يمكن تكون في حلم ..وكل الي فات خيال ........ ولقيت ايد عبد العزيز ماسكة ايديها اللي اتنين ... وعالطول تبعد اديها وهي مكسوفة وهي تقول في نفسها ....ياربي عرف انى بخاف ..ايه الاحراج ده ...ايد عبدالعزيز كانت حمرة من كتر ماكانت سارا ضاغطه عليهم ......

عبدالعزيز وبيكلم سارة بسخريه: وطلعتى خوافه كمان ..انا قالوا لي انك دلوعه بس..

سارا حست انها خلاص بتنفجر ده بدل ما يهديني بيتريق عليا ..

سارا بين اسنانها: محدش اجبرك وقالك اتجوزني .

عبدالعزيز استغرب من ردها ...بس هو يستاهل لان المفروض ما كانش يقول كدة ... كفاية انها مكسوفة منه .... بس حتى لو مش قصدها ... ليه هي ما مش عايزاني زي بالظبط ..

عبدالعزيز: ههههههه ...اوف كمان عصبيه ولسانك طويل ..

سارا هنا بقى اتكسفت بجد :.... هو انا ازاي رديت الرد ده ايوة اسلوبة مش حلو في الكلام بس كفاية انه مسك ايدي وانا كنت حموت من الرعب ..

سارا بصوت منخفض يا دوب مسموع : انا اسفه..

وتمر المضيفة بالعصير .....وسارة طلبت عصير برتقال...

اما عبدالعزيز فاخذ له عصير كوكتيل ...

كابتن الطياره قام يتكلم يعرف الركاب بنفسه .. وكم راح تستغرق الرحله اللي مدتها 5 ساعات ونص ...وغير كدا من الكلام المعروف..وطبعا دعاء السفر (وهذا شيء مميزه وحلو تتميز فيه مصر للطيران) بعدين جات المضيفه عشان تقولهم داوعي الامن ومكان سترت النجاه ومن هالكلام...

سارا جلست تفكر...خمس ساعات كتير حتعمل فيهم ايه ماعندهاش حاجة تعملها ....اما عبدالعزيز فكان بيتفرج على فيلم في التلفزيون...سارة بحكم انها اول مرة تركب طيارة ومش عارفة التليفزيون بيتفتح منين ومش عايزة تكسف نفسها اكتر من كدة قدام عبدالعزيز كفاية اللي حصل ........خدت المجله وقامت تتفرج عليها ...وتحاول تسلى نفسها.....بعدين حست انها خلاص اتخدرت وعايزة تنام ......

عبدالعزيز: سارا يالا قومي ...الاكل وصل ...

سارا وهي غرقانة في النوم ومش حاسه : بس يا تامر ابعد عني وامشي انا عايزة انام ..

عبدالعزيز يبتسم : انا مش تامر انا عبدالعزيز ....يالا يا سارة المضيفة وصلت ...

سارا وهي لسة بتستوعب الامر وفتحت عنيها الا وشافت راسها على كتف عبدالعزيز وعالطول اتعدلت في قعدتها وشها احمررررر ..

سارا: مش عايزة شبعانة .

عبدالعزيز:ايه شبعانة دي بلاش دلع عايزة تاكلي ايه ..

سارا: مش عايزة شبعانة .

عبدالعزيز وهو بيكلم المضيفه ومش مهتم بسارا: اديني واحد كروسو وواحد بيض وحطي البيض عند سارة .

سارا: بس انا مش عايزة بيض

عبدالعزيز: يعني عايزة كروسو ما كنتي قلتي من الاول واصلا مين قالك ان الكروسو ليكي اصلا انا كنت ناوي اكل اللي اثنين ...

سارة اتكسفت قوووي وبتقول في سرها ماله دى كل شوية بيكسفني كدة...عبدالعزيز كان فرحان بيها جدا وخصوصا لما وشها بيحمر من الكسوف فعشان كدة كسفها ..

عبدالعزيز للمضيفه: اوكى لوسمحتي غيري االبيض بالكروسو

المضيفه : تشرب ايه

عبدالعزيز: عندكم عصير تفاح

المضيفه: ايوه ..والمدام تشرب ايه ..

سارا: عايزة بيبسي

عبدالعزيز بيبوص لسارا ويقولها: بيبسي مش صحي خدي عصير احسن ..؟؟؟!!!

سارا ما اهتمتش بكلامه .. والمضيفة اديتها اللي عايزاه وراحت للبعدهم . ....سارا شافت ساعتها وكانت الساعه 7 ونص الصباح ...وهذا طبعا بتوقيت القاهرة ....كان النور شوية طلع ...يعنى باقي حول ساعه ويوصلوا لندن ....بعد ما خلصوا من الفطار ..وشالت المضيفه الاكل ...حبت سارا تروح للحمام عشان تغسل وتظبط نفسها بعد النوم عشان خلاص قربوا يوصلوا......حاولت تفتح الحزام بس ما عرفتش وفضلت فتره تحاول ....وما حبتش تسال عبدالعزيز.... عبدالعزيز حس فيها وهي محتاسة ولف عليها ...ومن غير ما يتكلم او يعلق ..مد يده وفتح لها الحزام بكل سهوله.....رفع راسها وقام يشوف سارا ..الي كانت عنيها علي ايده وهي تفتح الحزام ولاصقه فيها......عبدالعزيز بصلها كأنه اول مرة يشوفها في حياته لقى فيها الطفولة والبراءة وانها جميلة جدا...حتى بالحجاب الي لابسته جمالها باين ...فيها برائه ورقه نادر ما تكون البنت تمتلكها...خدودها كانت حمرة من الاحراج ...بتتكسف مني وانا جوزها...بعد ما فتح الحزام شال يده وقام عشان يخليها تعدي..مش لازم تقوله وهو ما حبش يسالها وخلهاعلى راحتها.. وهو ما يعرف هي رايحة فين بس مسألهاش علشان ما تتكسفش اكتر بس اكيد كانت عايزة تروح الحمام ...وكفاية احراج ..... سارا وهي بتقوم لقيت ايد بتمسكها بتلف لقيت عبدالعزيز بيمسك ايديها بكل حنان ...

عبدالعزيز: اتوضي علشان نصلي الفجر في الطيارة ...

سارا : حاضر انشالله....

راحت للحمام ... وبصت في المرايا .. حسيت انها متبهدلة على الاخر ايه الاحراج دى انا كننت قاعدة قدامه بالمنظر دى ... وبسرعة ظبطت نفسها وتوضت عشان تصلي الفجر ...ولما رجعت مالقيتش عبدالعزيز قاعد مكانة .. معرفتش هو راح فين .. المهم قعدت مكانها وبعد دقايق رجع عبدالعزيز ..

عبدالعزيز: على فكرة انا صليت روحي انت كمان عشان تصلي ... هناك في اخر الطيارة في مكان الصلاة

سارا: اروح لوحدي ...؟؟

عبدالعزيز وهو يرفع حواجبه: ما تخافيش ما حدش حيكلك ....

هنا اتنرفزت ... وقالت في سرها الانسان دى ما عندهوش دم ....هو ما يعرفش اني عروسة جديدة والمفروض يكلمني بطريقة احسن من كدة شوية وقامت سارة وهي متنرفزة وراحت تصلي ولما رجعت قام عبدالعزيز عشان تدخل لمكانها ....

عبدالعزيز: تقبل الله...

سارا: منا ومنكم انشاء الله ...

وقعدت في مكانها ...مرت المضيفه بعربه المشتريات لو كان في حد عايز يشترى حاجة .... قامت سارا اشترت سواره عجبتها يوم شافتها بالكتلوج ....عشان تعطيها لميرنا هديه لانها تعرف ميرنا انها بتموت على الاساور ....

عبدالعزيز: مش عايزة حاجة تاني

سارا: لا شكرا حشتريلهم من هناك

عبدالعزيز: ليه هي دي مش ليكي

سارا: لاء دي لميرنا لانها بتحب الاساور قوووي.

عبدالعزيز : شكلك كدة علاقتك بميرنا قوية جدا ؟

سارا:ايوة انا وميرنا اكتر من الاخوات

عبدالعزيز: وازاي صابرة عليها دي رخمة جدا

سارا بتبص على عبدالعزيز بنظره: هي مش رخمة

عبدالعزيز: ههههههههههه .... ورهف مش صحبتم اعتقد ان بينك وبينها سنة ؟؟ سارا انبسطت لان عبدالعزيز بيتكلم معاها

سارا: ايوة رهف معانا على طول بس انا وميرنا اكتر لانها معايا في الجامعة وفي نفس تخصصي ومن ابتدائي واحنا مع بعض عمرنا ما افترقنا ..

عبدالعزيز: وايه هو تخصصك .

سارا وهي ترفع حاجب: انت مش عارف تخصص اختك ايه .

وتقول في سرها واحد يخطب واحدة ومش عارف بتدرس ايه ....

عبدالعزيز: ما اعتقدش ان الحكاية مهمة علشن اعرف..

سارا وهي متنرفزة : طيب لو هي مش مهم بتسأل ليه دلوقتي ...

عبدالعزيز: دلوقتي غير لازم اسأل على تخصص أختي لانه نفس تخصص مراتي هههههه

هنا سارا انحرجت :ندرس هندسه ..تصميم داخلي..

عبدالعزيز: حلو التخصص خصوصا للبنات...

سارا: ايوة مع انه شوية صعب ومحتاج لشغل كتير ...

يقطع كلامهم الكابتن ويطلب من الركاب الاستعداد للهبوط لانهم يحلقون الان فوق حدود مطار هيثرو ...وقال لهم ان الساعه الان6 صباح بتوقيت جرينتش....

ولما جات الطيارة بالهبوط رجع الخوف لسارة مرة تانية .... الهبوط غير الاقلاع بس الاثنين بيخوفوا

عبدالعزيز:حتى الهبوط تخافي منه..؟؟؟

سارا ما ردتش عليه وعضت على شفايفها ولفت للنافذه ...عبدالعزيز هنا مد ايده ومسك ايد سارا الي بجنبه ...وقربها منه وضغط عليها..سارا استغربت منه ولفت عليه ..عينها كانت في عينه ..والكل كان بشوف الثاني ومش قادرين يشيلوا عنيهم عن بعض..سارا كانت بتفكر في الانسان الي يحمل اكبر علامة استفهام شافتها مرة ينرفزها ومرة يكون حنين ...ومره يحرجها ...ياترى انت مين يا عبدالعزيز

مرسي ليكي ياسلوي
تسلم ايديكي

لننا في الانتظار

تسلم ايدك
وكل شئ بالخناق الا الجواز بالاتفاق

ميرسى ليكى يا منه

ميرسى يا ايهاب

ويا رب تكون عجبتكم

الحلقه السادسه

عبدالعزيز يتامل وجهها ونظراتها الي كلها اساله ..كانها بتسأله ..انت ايه بالنسبة ليا ..في الوقت دى تعهد عبدالعزيز بينه وبين نفسه ان مهما كان يسعد الانسانه دي ...بس طبعا من غير حب ..الاحترام واداء الحقوق هو المطلوب...اما سارا هي ما تنكرش ان عبدالعزيز مثال للشاب الوسيم بكل المقاييس ...واكيد البنات وصديقاتها بيحسدوها عليه ...بس شكله ابدا مش رومانسي ..من كلام ميرنا ورهف..عمر يمكن ...بس عبدالعزيز لا..اصلا هو مش حنين مع اخوات امال حيعمل معايا انا ايه ....وعلاقته معهم مش جامدة وخصوصا انه درس بعيد عنهم 7 سنوات ...ياترى الانسان دى جوة قلبه في ايه ...يمكن يكون انسان مليان بالاحاسيس ..وخواته مش عارفين الحكاية دي ...بس انا ما بحبهوش..ودى مش حلمي ولا فارس احلامي............
عبدالعزيز انتبه للضجه ..هنا عرف انهم خلاص هبطوا ....ترك ايد سارا ولف عنها عشان يفتح الحزام...سارا فاقت من السرحان اللي كانت فيه ومش عارفة هو ايه اللي حصل ...الا لما لف عنها وفتح حزامه وبعدين فتح حزامها .

عبدالعزيز: سارة حمدالله على السلامة

وقام عشان ينزل الشنطه الي يشيلها فوق ...وقامت سارا وهي لسة مكسوفة لانها ماحستش بهبوط الطياره ..وفي نفس الوقت بتشكر عبدالعزيز على اللي عمله معاها ومراعاته لشعورها.....

نزلوا من الطياره ........ وبعد ماخلصوا اجراءات المطار ...عبدالعزيز طلع موبيله عشان يطمن اهله بالوصول

عبدالعزيز: الووو.....

سارة كانت بتسمع عبدالعزيز وهو بيكلم اخته ويطمنها كان نفسها تكلم ميرنا وتقولها على اللي عمله عبدالعزيز معاها وحنيته .. واتكسفت تقوله انها عايزة تكلم اهلها ... لان نسيت تعمل تليفونها تجوال .

عبدالعزيز: سارا مش عايزة تكلمي اهلك

سارا: ...عادي ممكن اكلمهم يعني ؟؟

عبدالعزيز: ايوه اكيد طبعا عادي ..خذي.. الموبيل وكلميهم براحتك

واعطاها التليفون ورنت على اهلها بس ما حدش رد

سارا: محدش بيرد

عبدالعزيز: يمكن نايمين؟

سارا: بس امي تقوم من بدري..

عبدالعزيز: خلاص ولا تقلقي انا حكلمهم في البيت حخليهم يطمنوهم

سارا: بس انا عايزة اكلمهم

عبدالعزيز: خلاص لما نروح الفندق حنجرب تاني

وراحوا ركبوا السياره الي حاجزنها عشان يروحون الفندق ويرتاحوا

ميرنا : ماما عبدالعزيز اتصل دلوقتي وقال انه وصل وبيطمنكم

ام عمر : طب وليه ما خلتنيش اكلمه .

ميرنا : كان مستعجل وتعبانين من السفر .

ام عمر : ربنا يوفقهم انشاء الله ويبعد عنهم كل سوء.

ميرنا : ماما هو عبدالعزيز حيسكن معانا هنا في البيت .

ام عمر:ايوة انشالله...

ميرنا : ليه والفله الي بابا بانيها له؟؟

ام عمر: مش عارفة يمكن يأحرها لانه مش عايز يطلع من البيت .

ميرنا: طب ليه؟؟

ام عمر: وانا اش عارفني .. خلي يعمل اللي هو عايزه .

ميرنا: بس ما فيش في البيت الا جناحين جناح ليكم وجناح لعمر اوعى يكون عايز ياخد جناح عمر .

ام عمر: لاء طبعا غرفته كفاية واسعة وكبيرة .

ميرنا وهي فاتحة عنيها ومذهولة : بس اوضته ما فهاش حمام ايوة كبيرة بس ماتنفعش اوضة عرايس.

ام عمر: وانتي مالك هو انتي اللي حتعدي فيها

ميرنا : خلاص انتوا حرين انا ورهف حنوضبها ونخليها احلى اوضة .

ام عمر: يالا ريحتوني .

ميرنا : خلاص يا ماما ولا تضايقي نفسك انا ورهف حنتولى المهمة دي

ام عمر: هي فين اختك

ميرنا : راحت تنام .... حتموت من التعب

ام عمر: طيب اقوم بقى علشان اجهز الغدا.

ميرنا : ماشي يا ماما طيب يا ماما اروح بقى اريح انا كمان لاني تعبانة جدا مانمتش من انبارح .

وطلعت ميرنا ومرت على اوضة رهف ..الي بجنب اوضتها....رهف كانت نايمة على السرير وتلعب بشعرها وسرحانه ... وبتتلكم في سرها .ياترى تامر قال لسارة انه شافني....بس هو اصلا مايعرفش انا مين....بس يمكن يكون سال سارة مين لابسه تنوره قصيره وسارا قالت له..بس ما اظن سارا تقوله..وصلا ما اظن عنده الجراءه انه يسالها....الا عنده الجراءه ..هو جرئ جدا ..والا ماكان قال الي قاله..لو انه واحد غيره كان لف وشه لما لقاني من غير حجاب ونزل عالطول مش قعد يبص فيا بالطريقة دي .... بس الحق يتقال هو وسيم جدا ......

ميرنا:اااااااااااااااااااااااايه انتى وين وصلتى

رهف: هاه ...ماانا قعدة اهو حروح فين يعني

ميرنا : انا بحسبك نايمة وغرقانة في الاحلام اتاري الهانم سرحانة ؟؟؟

رهف ماردتش ولسة سرحانه .........

ميرنا: رهف حبيبتى مالك انتي مش عجباني من لما كنا في الفرح في حاجة حصلت ؟؟ رهف: لا ما فيش حاجة و ايه اللي حيحصل يعني ...بس قلقانة انت عارفة النتيجية لسة ما ظهرتش ومش عارفة الجامعة حتقبلني ولا لاء .

ميرنا : طيب ما تدخلي النت وتشوفي يمكن الناجحين ظهرت .

رهف: بعدين انا موصية اصحابي اول ما تظهر يبلغوني

ميرنا : طيب انا حروح انام شوية لاني حاسة اني حيغمى عليا .

رهف: وانا كمان

ميرنا : اه صحيح يا رهف ماما قالتي اننا نرتب اوضة عبدالعزيز وسارة .

رهف: ليه هم بيسكنون معانا؟

ميرنا : ايوة احلى حاجة ان سارة تبقى معانا هنا .

رهف: بس ما اتعقدش حينسطوا هنا طب بابا باني لعبدالعزيز فلة ليه مش حيسكن فيها .

ميرنا : مش عارفة ... بس ماما بتقول انه يمكن ياجرها

رهف: بياجرررررررها........ليه هومش محتاج فلوس..؟؟؟

ميرنا : بقولك ايه انا مالي يسكن هنا يسكن برة هما حرين انا عايزة انام خلاص انا فصلت شحن .

وطلعت ميرنا وسابت الباب مفتوح

رهف: ميررررررررررنا ..اقفلي الباااااااااااااااااب

ميرنا: ههههههههههههه ...عندك رجلين قومي اقفليه انت

رهف: ماشي يا رخمة

وقامت وهي متنرفزة وقفلت الباب جامد ...وميرنا راحت لاوضتها وهي بتضحك على تصرفات اختها

تسلم ايديكي
ياسلوي ياقمر

اننا في الانتظار

الحلقه السابعه

في الفور سيزن هوتيل بلندن .....وصلت السياره الي فيها سارا وعبدالعزيز ... بعد ما نزل الحمال الشنط ....ودخلوا داخل الريسبشن ...سجل عبدالعزيز المعلومات المهمه ...وراحوا فوق للجناح الي حاجزينه...كان الجناح حلو جدا وفخم ...عباره عن غرفه نوم بسرير ملكي كبير ...تطلع على صاله فيها طاوله طعام باربع كراسي وكنب وتلفزيون .....وفيها كمان حمام كبييير ومجهز بكل وسائل الراحه.....

بعد ما خلص الحمال وحط الشنط في الغرفه .....قال لهم انه راح يرسل لهم هاوس كيبر عشان ترتيب الشنط .. عبدالعزيز اعاطاه البقشيش ...وقفل الباب وراه...وقتها حست سارا بشعور غريب ..هو خليط من الرهبه والخوف ..دي اول مرة تقعد مع عبدالعزيز في مكان لوحدهم من غير اي حد . ....يوم كتب الكتاب كان معاهم تامر اخوها...ويوم الفرح كانت معهم مي.... وفي الطياره كانت مليانه ركاب...وفي السياره كان معهم السواق...بس دلوقتي هي معه لوحدها ..... فضلت واقفه ما تتحركش ..عبدالعزيز بعد ما قفل الباب دخل وقعد على الكنبة ..وقام يبص لسارا ..بعدين رفع حاجب يوم شافها ما بتحركش من مكانها ولا خطوه....فحب انه يطمنها شوي...لانه حاسس باللي جواها من رعب وخوف.

عبدالعزيز: سارا مش عايزة تكلمي اهلك دلوقتي ؟

هنا سارا ابتسمت ابتسامه كبيره وهزت راسها علامه الموافقة .... فطلع موبيله .

عبدالعزيز: تعالي خدي الموبيل ولا ناوية تقفي مكانك كدة لغاية بليل

سارا اتكسفت منه زي عوايدها وجات له ...واخذت الموبيل منه... وقبل ماترن ..قام عبدالعزيز واخد شنطه من الشنط ..

عبدالعزيز: انا حروح اخذ شور ..عايزة حاجة تاني

سارا : لا شكرا

وطلع عبدالعزيز وراح لغرفه النوم ...قامت سارا ورنت على اهلها .

صالح: الووو

سارا : الووو ..هلا صلوح..

صالح: ايوة ..مين..معايا

سارا: انا عمتك ..ماعرفتنيش؟؟

صالح بصوت عالى خلى جدته ام محمد ومها مرات عمه يلتفتون له: عمتىىىىى سارا.....

سارا: ههههههههه انت بتعمل ايه عندنا من الصبح يا صالح .

صالح : عمتى انا نمت بغرفتك امس..

سارا: ههههههه ما يالا سلام على السرعة خلاص اتصرفوا في اوضتي كدة عالطول

ام محمد يوم عرفت ان صالح يكلم بنتها على طول قامت وسحبت السماعه من حفيدها...

صالح : لحظيى يا تيتة ... لسةما كلمتش عمتي عايزة اقولها على حاجة

ام محمد وهي بتصرخ في صالح هاتي التليفون : الو ازيك يا سارا ..عاملة ايه يا حبيبتي وحشتينا جداااا يارب تكوني مرتاحة .

سارا لما سمعت صوت امها ..تجمعت الدموع في عنيها وحست انها خلاص حتعيط ..

سارا: ازيك يا ماما عاملة ايه والله انتوا اللي وحشتني قووووي ... يا ماما انتوا فين من ساعة رنتلكوا وما حدش رد عليا .وقعدت تعيط ؟؟

ام محمد: بس يا حبيبتي ليه بتعيطي اما ينفعش كدة انت لسة عروسة ... معلش انا سمعت التليفون لما رن بس كان بعيد عني ولما وصلتله كان فصل ... وانت عاملة ايه وعبدالعزيز اخباره ايه ...

سارا وهي بتعيط: ياماما انا عايزة ارجع مش عايزة اقعد معاه هنا ..

ام محمد وقلبها بيوجعهامن كلام بنتها وهي ماسكة دمعتها عشان تصبر بنتها .او تحسس بنتها انه مش حلوا ان البنت تتجوز وتطلع من بيت اهلها وهي مش راضية .

ام محمد: ليه يابنتي هو عملك حاجة

سارا: لا ما عمليش حاجة بس انا عايزاكم

ام محمد: هههههههه الله يهديك يا بنتى خضتيني

سارا: طيب تعالوا انتوا

ام محمد: بس خلاص يا سارا . انتي دلوقتي واحدة متجوزة وهي فترة وحتتعودي على جوزك .وبس بقى لحسن جوزك يسمعك ؟

سارا: لا هو في الحمام ؟

ام محمد: وانتي بتتكلمي منين ؟

سارا: من موبيله

ام محمد : خلاص يالا بقى روحي علشان ماالتليفون بس اسمعي حوصيكي على حاجة ... ولازم تسمعي كلام كويس ...ربنا امر المرأة بطاعة جوزها وخلي بالك من جوزك واسمعي كلامه ..

سارا: حاضر يا ماما ..

ام محمد: خلاص يا قمر اوعي تعطي وبابا وكلهم هنا بسلموا عليكي

سارا: الله يسلمهم وسلمي على بابا قووووي

ام محمد : حاضر يوصل انشاء الله وابقي طمنيناعليكي ماشي يا جميل

سارا: حاضر يا ماما

ويطلع عبدالعزيز من الحمام بعد ما اخذ شور وحلق وبدل ملابسه ...كان شكله روعه ...اول ما شاف سارا عرف انها كانت بتعيط ..عقد حواجبه ولا علق ..وراح عند الباب وحط ورقه عدم الازعاج عشان اذا جات الهاوس كيبر ما يدخل...سارا اول ما طلع شافته بعدين لفت من الجهه الثانيه

ام محمد: يالا يا حبيبتي خلي بالك من نفسك وسلمي على جوزك .لااله الا الله

سارا : حاضر يوصل ... محمد رسول الله

وقفلت التليفون وجيه عبدالعزيز وقعد جمبها على الكنبة وهو شكله تعبان ايوة هو فاق لما خد الشاور بس برضه عايز ينام ... قامت سارة واخدت شنطتها علشان تاخد هي كمان شاور

عبدالعزيز: اهلك عاملين ايه .. اعتقد انك كلمتيهم

سارا: ايوة كلمتهم وامي بتسلم عليك

ولفت عليه .... وفاجاها بشكله...كان حلو قوووي..سارا وهي بتتكلم في سرها دى كل شوية بيحلو هو بيعمل ايه في نفسه .

عبدالعزيز : الله يسلمها ...

سارا: عن اذنك شوية حاخد شاور وارجعلك

عبدالعزيز بسخريه: اذنك معاك..

سارا راحت وهي بتضغط على اسنانها ...ياربي الانسان دى ما فيش فايدة فيه دايما يحجرني ...دخلت الحمام ..وعجبها قووووي...كان كبير وفيه بانيوا واسع كانه سرير ..وحول البانيو رغوة سباحه وعطور وروائح وغيرها..يعنى الواحد الي يشوف الحاجات دي يتمنى يفضل جوة ما يطلعش...بس هي قاومت الاغراء ...واخذت شور سريع ..يزيل تعب السفر...بعدين دورت على حاجة تلبسها ...شافت فستان ناعم جداااا لبسته ....وسرحت شعرها ..ووحطت بس كحل وملمع ...وطلعت من الحمام ..ولما بصت على عبدالعزيز لقيته نفارد نفسه على السرير

هايل ياسلوي
بس شكل عبد العزيز دي غلس بايخ
ديما يحرجها علي طول كده

بس بصراحه تسلم ايديكي

الحلقة الثامنه

عبدالعزيز بعد ما طلعت سارا من الحمام....كان اول مرة يشوفها بوضعها الطبيعي...يعنى يوم الخطوبة وكتبت الكتاب والفرح البنت ما بتبقاش على طبيعتها..... واول مرة يشوف شعرها وهو مفرود على ظهرها ...كان واقع على كتفها وهو مبلل...بس مخليها في قمه الطهاره والنعومه...بجد سارة عجبته جدااااا ....قام يبصلها بنظرات ..سارا ما قدرتش تفهمها او تفسرها ....بس مش سارا الي تتاثر به ...من غير ما تتكلم طلعت من الغرفه...

عبدالعزيز: على فين انتي مش ناوية تنامي وترتاح من السفر .

سارا: لا مش تعبانه..

عبدالعزيز: ليه ما مش عايزة تنامي

سارا: نمت في الطياره..... حتفرج على التليفزيون

عبدالعزيز: براحتك... انا تعبان وحنام ..وما حدش يزعجني

كل واحد يحاول ينرفز التاني...سارا بتطنيشها لعبدالعزيز..... وعبدالعزيز بسخريته واحراجة لسارا...طلعت سارا وراحت للصاله وقعدت تتفرج على التلفزيون...وسرحت

....................................

.....................
شعرها الحريري مغطي وجهها ...وهي لامه رجليها لان الكنبة اقصر منها ...ونايمه...كان شكلها مزيج من الطفوله والبراءه... تحركت وكانها حسةان في حد يراقبها ... بس ما فتحتش عنيها .. قرب منها وهمس لها...

عبدالعزيز : سارا قومي..

قام عبدالعزيز بعد شعرها عن وجهها ...وحطه ورى اذنها ..عشان يشوف تعابيرها ..همهمت.....شافها معقده حواجبها وهي عابسه...ابتسم بتلقائيه من شكلها... هزها من كتفها ...هنا فتحت عنيها وهي مش مستوعبه ... شافت وجهه قريب منها قوووي...

سارا وهي خايفه: انت بتعمل ايه ...؟؟؟؟؟؟

ابتسم عبدالعزيز وبعد عنها ...

عبدالعزيز: قااعد اتامل مراتي ..حرام؟؟

سارا: من امتى وانت هنا.؟؟

قعدت وظبطت فستانها ...وهي لسة حاسة ا ن ها مدروخة وما فقتش ...لاحظت ان عبدالعزيز لابس وكانه حيطلع... كان لابس بنطلون بيج ..... مع بلوزه سودا ..بس كان شكله حلو قووووي ...خصوصا انه عريض من فوق شوية ....

عبدالعزيز: امممم من وقت ليه؟

سارا : لا ولا حاجة ...وقامت

عبدالعزيز مسك اديها وقال: ليه نمتى هنا؟؟

سارا ما توقعت منه يسالها السؤال ده

سارا: لا بس وانا بتفرج على التليفزيون نمت وما حستش بنفسي انا نايمة فين لغاية لما قومتني .

عبدالعزيز بصلها بصة عدم اقتناع .. انا عارف انت نايمة هنا ليه بس حعدهالك .....

عبدالعزيز: طيب يالا روحي صلي الظهر والعصر والبسي علشان حنتطلع نتمشى ونتغدى

سارا : طيب

وطلعت وراحت للغرفه..... بعد ما طلعت من الحمام ... صلت ...و فتحت شنطتها وطلعت منه بنطلون سماوي مع بلوزه بيضى ....ولبست فوقها جكيت سماوي طويل جاي مع البنطلون .......ولبست معه طرحة سماويه ...فيها نقوش بيضا بس حلوه....واخذت معها شنطه صغير.... طلعت من الغرفه وشافت عبدالعزيز يقلب في كتاب صغير....وشعره واقع على جبهته....

سارا: انا جاهزه...

عبدالعزيز رفع راسه وشافها : اوكي يالا...

وقام ...وطلع هو سارا من الغرفه .....وهو طالع من الفندق ..ساله البواب اذا كان عايز سياره ...والا يفضل يمشى..... لف لسارا وسالها عايزة ايه تمشي ولا نجيب سيارة......

سارا: الجو حلو خلينا نمشى ...

عبدالعزيز : اوكي يالا .... طيب عايزة تروحي فين ..؟؟؟

سارا: انا ما اعرف مكان ...اول مره اجي لندن...

عبدالعزيز: اممم تبين تروحي السوق ...والا بارك ...والا نتمشى ...

سارا: اي حاجة

عبدالعزيز : اوكي خلاص ....

ووقف تاكسي ...كانوا طول ما هما ماشيين يتكلموا...... طلب من السواق ينزلهم عن شارع اكسفورد ...... بعد ما نزلهم السواق...قاموا يتمشون ... بعدين دخلو مطعم وتغدوا....... بعد ما خلصوا غدى ...رجعوا يتمشوا تاني .....

عبدالعزيز: عايزة تروحي الهايد بارك...والا نركب سفينه في نهر التايمز؟؟

سارا: نروح الهايد بارك ...انا صحابي دايما يتكلموا عنها ....

وراحوا الهايد بارك وقعدوا في كافيه.... وبعد ما قرب الليل ...الساعه كانت حول التسعة . .... والشمس خلاص غربت... راحوا لمطعم وتعشوا ... بعدين اخذوا تاكسى...ورجعوا للفندق........

...............
بعد ما دخلوا الغرفه ... شافوا كل شي مرتب...واضح ان الهاوس كيبر رتبت الشنط.... راح عبدالعزيز وفتح الدولاب عشان يطلع له لبس ويغير.... بس هو ماكانش بعرف ملابسه فين بالظبط ...ففتحت الدولاب الي فيه ملابس سارا...وكانت قمصان نومها بالواجهه ...سارا مارضت تشترى لها قمصان... وكل الي عندها من هدى ومها...الي يوم شافوها مو راضيه تشترى ..اشتروا لها هم........عبدالعزيز اول ماعرف خطأه قفل الدولاب ولف على سارا ..الي كانت وراه...شافها قاعدةعلى حافه السرير وتلعب بطرف طرحتها الي حاطتها على كتفها ومنزله راسها.... وشعرها مغطي شوي من وجهها الاحمر.... عرف عبدالعزيز انها عرفت هو شاف ايه .... ماعلقش على الموضوع فتح الدولاب الثانى ...وشاف ملابسه ..طلع منها الي هو عايزه وراح للحمام ........
اول ما طلع عبدالعزيز ...قامت سارا على طول ..وراحت للدولاب ..وحطت ملابس نومها بالنهايه..علشان ما تبنش اول ما يتفتح الدولاب ...و راحت للصاله.... كانت خايفه ...ومش عارفة ايه اللي راح حيحصل ..او حيتصرف ازاي معاها ...بس هي لغتية دلوقتي مكسوفة من عبدالعزيز ومش عايزة يكون في احتمام بينها وبينه ومش عارفة تعمل ايه وازاي حتنام معاه على سرير واحد ... والجناح دى كله ما فهوش الا السرير دى... يعنى تنام على الكنبة...بس مش مريحة خالص ..وهي تعبانه وعايزة تنام على حاجة تريحها ...سمعت باب الحمام يتفتح ......طلع عبدالعزيز.... شاف غرفه النوم فاضيه ,,,,راح للصاله وشاف سارا جالسه فيها...

عبدالعزيز : مش ناوية تنامي ولا ايه

سارا: انشاء الله

وقامت اخذت لها بيجاما حرير... وراحت للحمام.... بعد ما اخذت لها شور...لبست البيجاما... ونشفت شعرها بالاستشوار.... الي طاح على كتفها .... كان نفسها ماتطلعش من الحمام...اللحظه الحاسمه وصلت... مش عارفة تتصرف ا زاي ...صح انها كانت تتمنى يصير أي شي ياجل هالموضوع او يمنعه..... يوم تحققت امنيتها ......ماعرفتش تقول ايه ... تمنت الارض تنشق وتبلعها ....ياربي اعمل ايه ولا اتصرف ازاي انا مرعوبة ......حست بالدموع تتجمع في عنيها ..... مش عايزة اعيط ولا عايزة اطلع
.................................

اتأخرت قوي في الحمام بقالها ساعة...احتار عبدالعزيز ولا عارف يتصرف..... يخبط عليها الباب ويشوف بتعمل ايه ولا يسبها على راحتها ....ولسة قايم يروحلها...الا وهي بتفتح الباب وطلعت ...

عبدالعزيز: ليه كمان ما نمتيش جوة زي ما نمتي في الصالة ....

سارا الي كانت خايفه ومرتبكه ماردتش عليه ولا كانه بيكلمها ...

حب عبدالعزيز يحرجها لانها نرفزتوه بتطنيشها

عبدالعزيز: اشوفك لابسه البيجاما دي ...ليه والقمصان الي ماليه الدولاب لمين ؟؟

هنا سارا انقلب وجهها ...ما توقعت ان في انسان ممكن يقول الكلام دى لمراته في اول ليله ... معقول الشخص دى ماعنده احساس... ماعندهش دم .... حست انها خلاص حتعيط ... بس هي مش عايزة تعيط قدامه ... لفت وجهها الجهه الثانيه عشان ما يشوفهاش ...وقعدت على حافه السرير ..... عبدالعزيز حس انه احرجها ونرفزها قوووي .... ندم على الي قاله وعرف انه مالهوش داعي انه يقوله .... راح لها وقعد جمبها ......

عبدالعزيز: سارا ...ما تتكسفيش مني انا جوزك المفروض ما تتكسفيش

سارا الي كانت موصله ..وخايفه ..ومرتبكه .... المفروض يهون علي الامر مش ينرفزني ... ظلت لافه على الجهه الثانيه ولا ردت عليه.....

قام عبدالعزيز ..لف وجهها لجهته بيده ........شاف عنيها غرقانه في الدموع ...وعرف انها خلاص حتعيط ....

عبدالعزيز: خلاص ..انا اسف ما كانش قصدي ..؟؟

وهنا سارة ما قدرتش تمسك نفسها وحطن ايديهاعلى وجهها وقعدت تعيط ........عبدالعزيز مش عارف يتصرف ازاي ... هو عاده اذا عيطت وحده من خواته .... يسبها ويخليها ويمشي عنها...بس دلوقتي لو عملت كدة وسبت سارة حتتحطم ..وباذيها .... صعبت عليه ... ..فضل ساكت لغاية لما هديت .... شافها ما هديتش بالعكس دي زادت اكتر ....مع انها بتعيط من غير صوت ...بس كان كتفها بيتحرك ...ومن فتره لفتره تشهق.... بجد صعبت عليا قوووي .

سارا بين شهقاتها : عايزة ماما ...

عبدالعزيز حط ايده على كتفها ... وهو كان مرتبك..موقف اول مره يمر عليه...ما توقع انها حساسه للدراجتي ...ياربي ايه الحل

عبدالعزيز: سارا خلاص ..قلتك اسف ... مش حقولك اي حاجة تانية تزعلك ... بس انت ما تعيطيش ..
ماردتش عليه .. وكملت عياط...حاول يهديها بس مش عارف ازاي ...

عبدالعزيز: والله اسف ..عشان خاطري ..ما تعيطيش...

سارا وصوتها كله عياط: روح عني.... عايزة ماما ... عايز اكلمها

عبدالعزيز: سارا الله يهداك ...تكلمي مين دلوقتي الوقت متأخر ... وبعدين حيقلوقوا عليكي كدة ..

سارا : ماليش دعوة عايزة اكلمهم

عبدالعزيز وكانه يكلم طفله: خلاص ولا يهمك حنكلمهم بكرة .... بس انتي بطلي عياط الموضوع ما يستهالش كل العياط دى ... انت عايزة ايه حعملهمولك بس تبطلي عياط .. سارا شالت ايديها من على وجهها ..ومسحت دموعها... لما شافها عبدالعزيز بالطريقة دي ..حس بجد انها صغيرة ومالهاش تجارب في الدنيا دي ..

سارا: نرجع بكره مصر....

انصدم عبدالعزيز: انتي بتتكلمي جد لسة ما كملناش يوم وانتي عايزة ترجعي مصر...ما ينفعش ..بكره حخرجك مكان جميل جدا حتتبسطي فيه

سارا : بس... انا مش عايزة اقعد هنا

عبدالعزيز بصوت هادي يحاول يهدي سارا: لندن حلوه...وانا متاكد اول ما تشوفيها وتتفرجي عليها كويس ..انتى اللي مش حتبقي عايزة ترجعي مصر ....والجو كمان هناك حر دلوقتي انت ناسية ان احنا في الصيف .

سارا: طيب ما نطولش هنا

عبدالعزيز: ولا يهمك ما مش حنطول يالا قومي استعيذي من الشيطان واغسلي وشك وروحي صلي ركعتين وحتحسي براحة اكتر .

اول ما قال لها عبدالعزيز الكلام ده ....رجعت سارا تعيط من اول وجديد... ودلوقتي هو ما صدق انها هديت تعيط تاني....ايه اللي حص تاني هو انا قلت ايه عشان يزعلك دلوقتي

عبدالعزيز: سارة مالك ...خلاص انا ارتحت انك هديتى ..ليه بتعيطي تاني قولى لي ..

سارا ما عرفتش ايه تقوله وفضلت تعيط

عبدالعزيز: خلاص عايزانا نرجع مصر ؟

سارا وهي بتعيط : لا خلاص مش عايزة

عبدالعزيز وهو مضايق ومحتار يعمل ايه معاها

عبدالعزيز: طيب انتى عايزة ايه وانا اعملهولك بس من ما تعيطيش

سارا: مش عايزة حاجة وكلمت عياطها

عبدالعزيز حسس انه خلاص اتخنق مش عارف يراضيها بايه ..حاوله معها ولا نافع اي حاجة .....حاول يلطف الجو شوية وبرضه مش نافع

عبدالعزيز: طيب خلاص ما تعيطيش ... بيقولوا ان العياط بجعد الوجه بسرعة وانا مش عاريز مراتي الحلوة دي تعجز قبلي ...

ما هتمت سارا بكلامه وقامت من السرير ...وراحت للحمام...على طول راح وراها عبدالعزيز ...ومسكها من ايدها ...لفت عليه ووجهها كله دموع .... بجد كان شكلها روعه ..حتى وهي بتعيط...تجنن ...وهي نايمه....وهي مكشرة.. بجد تحفه من الجمال...........كان نفسه يشفها وهي بتضحك ...عمرها ما ضحكت قدامه...

عبدالعزيز: رايحة فين

سارا :حروح اغسل وشي...

عبدالعزيز: لا مش حتدخلين الحمام وانتى بتعيطي كدة مش كويس

سارا: خلاص انا ما بعيطش دلوقتي

عبدالعزيز جرها من ايدها ورجعها مكانها....قعدها على حافه السرير ..وقعد جمبها قوووي ....ويدها لازالت في ايده ....سارا نزلت راسها ...قام عزيز ورفع وجهها...وحط عينه بعينها....

عبدالعزيز: ودلوقتي ممكن اعرف ليه الدموع دي ...سارا انتى ما مش عايزاني ....انتى مجبوره علي..عمي شوقي اجبرك صح ؟؟

هنا سارا ماعرفتش ترد عليه ..

سارا بصوت واطي:بابا متحضر مستحيل يجبر بنته على حاجة هي مش عيزاها ازاي بقى يجبرني على الجواز ...

هي نفسها استغربت من ردها...بس ما تقدرش تقول له انها مجبورة على الجواز .... يمكن لانها شافت منه حنان ما توقعتهوش ...ودى اللي عايزاه المراه من الرجل...انه يحن عليها زي ما يحن على طفل..

عبدالعزيز: طيب ممكن اعرف سبب الدموع دي

مش عارفة تقول ايه .وما تقدرش تقول ...بتتكسف...صح انه جوزها...

سارا ودمعه نازله من عينها: ولا شي ...

عبدالعزيز مسح الدمعه باصبع ايده الي ماسكه ذقنها....

عبدالعزيز: لا الدمعة دي ليها سبب سارا انا جوزك دلوقتي ...يعنى شريك حياتك ..تعرفي يعنى شريكك...المفروض تشاركينى بكل حاجة ...وتقوليلي ايه اللي مضايقك ... مش معقوله كل دى الزعل من كلمتىين من شوية ؟؟؟

سارا: انا...اا... وسكتت

عبدالعزيز: انتى ايه قولي ...

سارا رجعت تعيط تاني : ما قدرش ..والله ما اقدرش اقول لك....

عبدالعزيز ماحبش يضغط عليها اكتر من كدة بس اكيد سبب كبير..قال اسيبها دلوقتي وبعدين تقولي من نفسها ...

عبدالعزيز: خلاص يا سارا الموضوع ما يستهالش ... خلاص يا ستي ا نا مش عايز اعرف منك حاجة ... ولو انتي احتجتيي حاجة في اي وقت انا موجود .خلاص بقى يالا بطلي عياط وقومي اغسلي وشك وصلي على النبي واهدي كدة ....

قام وطلع من الغرفه...ياترى راح فين ....مسحت دموعها بيدها ....ياربي انا عيط كثير قدامه.......والله عيب .......راحت للحمام ..وغسلت وشها .... حست بتعب وانها عايزة تنام..بس كدا حنرجع من الاول وجديد ....يووه امل ايه ......

رجع عبدالعزيز وبايده كاس ماية.... شاف السرير فاضى... والغرفه مافيهاش حد....لف على الحمام شاف بابه مقفول...خاف انها دخلت وكملت عياطها جوة .... ومعروف ان الحمام مكان تجمع الجن والشياطين ..والعياذ بالله ...ومش كويس حد يعيط فيع او حتى يطول فيه ...راح للحمام ودق الباب...

عبدالعزيز: سارا...بتعملي ايه ..

محدش رد عليه ..قام ودق الباب جامد ..

عبدالعزيز: سارا ردي علي ..ردي يا سارا

سارا: ما بعملش حاجة
...
عبدالعزيز حس ان صوتها لسة مش طبيعي....

عبدالعزيز: طيب ياللا اطلعي ..لو كا كنتيش بتعملي حاجة ...

سارا: دقايق بس..

خاف عليها من بجد...

عبدالعزيز: 3 دقايق ولو ما طلعتيش حكسر الباب واطلعك فاهمة ..

سارا غسلت وجهها مره ثانيه ..وطلعت من الحمام بعد ما سمت بالله.....شافت عبدالعزيز ينتظرها ..اول ما طلعت اداها كأس الماية ....

عبدالعزيز: اشربي دى وحتهدي انشاء الله .....

اتكسفت منه ..حركاته غريبه ومتناقضه...ساعه يكون في قمه الحنان والعطف... وساعه في قمه الاستفزاز والقسوة والسخريه اخذت منه الماية ..وشربتها....

سارا: شكرا....

عبدالعزيز: يالا روحي نامي وما تشيليش هم ماشي ....

سارا: انشالله...

وفضلت واقفة.... حس عبدالعزيز انها مكسوفة منه ..مش قادره تروح للسرير وهو موجود... راح طلع من الغرفه..

سارا: عبدالعزيز....

كانت دي او مره تناديه باسمه .... (((سارة تطورت)))...لف عليها وقام يبصلها بنظرات الاستفسار ..بالعربي يعنى عايزة ايه ....

سارا: رايح فين ...

عبدالعزيز ابتسم.....: حروح الصالة عندي اوراق عايز اشوفها عشان الشغل ... ليه في حاجة عايزة حاجة ؟؟؟؟

سارا وهي مكسوفة : لا شكرا..

طلع ..وراحت هي للسرير وحاولت تنام..بس ما قدرتش.....كان عبدالعزيز متمللمل في الصاله .. ماكانش عنده شغل ولا حاجة...بس ما حبش يحرج البنت ..وعرف انها مكسوفة منه..وسر عياطها على اساس انها خايفة ومرتبكة ...مع انها مراته وحلاله..بس هو مش عايز يجيها بالغصب..باللين احسن...وغير كدا انهم بقالهم ليلية بس متجوزين..وهو افكاره مش متحجره ..يعنى يعرف ان الرجوله ما تتقاس بالحجات دي ....بعد ساعه ونص..تاكد انها اكيد نايمه دلوقتي.... دخل للغرفه باقل صوت مممكن... وراح للسرير ...شافها نايمه على طرفه...شوية وحطع.. وسايبة السرير كله فاضي ....ابتسم واتمدد على الجهه الثانيه....

سارا كانت صاحية ولسة ما نمتش ... وفضلت جامدة وصامدة في مكانها اول ما دخل عبد العزيز الاوضة ........لغاية لما حست انه نااااااام خلاص.... بعدين استريحت... ياترى انا كنت ظالمته..شكله حنين قوووي... والا ماكانش راعى شعوري بالطريقة دي ..ميرنا ورهف ما يعرفوش اخوهم كويس ..والا لو شافوا ايه اللي عمله معايا م كانش قالوا عنه انه ما عندهوش احساس... بس يمكن انا غير اخواته انا مراته ... سارة حست براحه غريبه ما توقعهاش .... ونااامت

الحلقة التاسعة

حست سارة باشعه الشمس على عنيها...لفت على الجهة الثانيه ..وادت ظهرها للشباك..... بس خلاص النوم راح وقلقت وماعرفتش تنام تاني ..فتحت عنيها .... استوعبت سارة وقالت ادى دي مش اوضتي انا فين ؟؟؟.... وشافت عبدالعزيز وهو نايم جمبها.. اتقلب ولف على الجهة التانية ...شافت وشه... كان نايم بهدوء..... وكانه طفل مش جوزها... مش شايل من هموم الدنيا اي حاجة.... قعدت وفضلت تتـأمل في ملامح وشه الجميلة... دي فرصتها انها تشوفه براحتها من غير ما يحس ....... فجاه عبس...شكله بيحلم ... ياترى ايه اللي بيفكر فيه...الانسان دى عبارة عن مجموعه من الاسرار..... افتكرت ايه اللي حصل انبارح.... وازاي هو اتصرف معها... وحنانه الغير متوقع ... ابتسمت ... وقامت من السرير ...راحت عليهم نومه ...والساعه كانت 11 الظهر.... بس ليهم حق انهم يناموا لغاية دلوقتي ..... دى بقالهم يومين ما نموش .. وكمان سارة ما خلتش عبدالعزيز ينام الا على الساعة 2 ونص..... وهي ما نمتش الا على وش الفجر .... قامت واتصلت بالريسبشن ... وطلبت قهوه لشخصين . وفطاير.... وراحت للحمام.....
......

عبدالعزيز فتح عنيه ... وعلى طول لف جهة سارة ...ومالقاهاش جمبه ... ياترى هي راحت فين .. وبص للساعة اللي في ايديه ولقاها الساعة 11 ونص الظهر ...يووه تاخرت قوي في النوم .... هو عادة بيصحى من الساعه 7 ..وصلاة الفجر فاتته كمان .... وبسرعه يقوم ... ويتوضى ويصلى....وبعد ما لبس وجهز .... طلع للصاله وشاف سارة قاعدة وتقلب بقنوات التلفزيون .... اول ما دخل ..لفت عليه ..

سارا مبتسمه وهي مكسوفة: صباح الخير..

عبدالعزيز لما شافها ابتسمت ما قدرش يقاوم وردلها الابتسامة

...
عبدالعزيز: صباح ايه بس ... ماشي يا ستي ولا يهمك صباح النور.... انتي صحيتي امتى؟؟

سارا: تقريبا من نص ساعة كدة ..

عبدالعزيز: وليه ما صحتنيش .... انا ما كنتش اتوقع اني تعبان للدرجة دي ... انا انبارح حطيت راسي على المخدة ما حسيتش بنفس الا دلوقتي ...

وقعد على الكنبة بكل قوته... والباب خبط وهما قاعدين....

عبدالعزيز وهو مستغرب: مين اللي بيخبط علينا دلوقتي ...

سارا وهي مكسوفة ومحرجة : انا اتصلت بالريسبشن وطلبت منهم قهوه وفطاير ... عادي يعني ؟؟

عبدالعزيز: طبعا عادي ...كويس انك عملتي كدة ..لاني مصدع جدا وكان نفسي في قهوة...

وقام فتح الباب واخذ من الراجل العربيه الي فيها القهوه والفطاير......واداه البقشيش...... وقفل الباب وراه...
وقعدوا يشربوا القهوه وياكلوا الفطاير ....وهم ساكتين..عبدالعزيز مالهوش نفس يتكلم ..وهو عادة بعد ما يصحى من النوم ما بيحبش يتكلم .. ..الا بعد ما يفطر ويشرب قهوته ..وسارة عايزة تتكلم بس مش عارفة تقوله ازاي.....بعد حول نص ساعه ...والتلفزيون طبعا شغال ..يعنى في اصوات مش هدوء تام ....

عبدالعزيز: يالا ياسارة مش عايزة تخرجي النهاردة ......

سارة فرحت ان عبدالعزيز قطع الصمت اللي كان حيموتها ..

سارا: براحتك ...

عبدالعزيز : اوكي قومي البسي حاجة تقيلة شوية لان النهاردة برد ... واحنا يمكن نتأخر مش حنيجي الا بليل ...

سارا: حاضر ..انشالله..

وعلى طول تقوم تلبس طقم من شانيل بنطلون وبلوزه ...حلو جدا وفخم ..وشوية ثقيل .. واخدت معها شنطه جايه مع الطقم ولبست حجاب .... وحطت ملمع وكحل مره خفيف ... وطلعت ...

سارا ببتسامه : انا جاهزه...

شافها عبدالعزيز ... ومن غير ما تتغير تعابير وشه ...

عبدالعزيز: طيب يلا ...

وطلعوا من الفندق .... واتمشوا شوية ..وبعدين ركبوا باخرة في نهر التايمز .....كانت عباره عن باخرة ومطعم ...وتغدوا فيها ..... وقعدوا على سطح الباخرة...كان الجو يجنن..مع انه يميل للبروده ...بس الشمس كانت مشرقه ... والجو دى نادر تشوفه في لندن ..مش هي مدينه الضباب ... الباخرة كانت مليانه .... يعنى الكل يحاول ينتهز فرصه الجو الجنان دى ....... سارا كانت مبسوطه جدا بالفسحة دي .... مع انها مستغربه شوية من عبدالعزيز..الي كان جامد قوي ..ولا بيتكلم .....يعنى اذا كلمها قال لها كلمه او كلمتين.... عايزة ايه .. مبسوطه ولا لاء.... بس دى اللي قدر عليه طول اليوم ..... يالا عادي ...نصيبي اكتشف الانسان دى واعرف طبعاه ..لسة متزوجين لازم اصبر.... وهو بقى جوزي دلوقتي ولازم اتقبله بكل عيوبة واتأقلم معاها ....... يمكن الانسان دى هادي بطبعه .. بس ميرنا اخته قالتلي ان هو مش هادي .......وخصوصا عبدالله اخويا اقرب واحد له ..وعمره ما قال انه هادي.....بالعكس كان بيقول المكان اللي ما يكونش فيه عبد العزيز ما تكونش حلوة وليها طعم..... خلاص مش حخرب اليوم ... خلينى اتبسط احسن وكفاية نكد بقى ..هو بصراحه مش مقصر وحاول يبسطنى......

طول الوقت وسارة بتفكر في الافكار دي ..كانت سرحانه وهي بتتفرج على البحر وهي مبسوطة على حافه الباخرة ..... وهي مش حاسه بالشاب اللي قاعد في الجهة التانية وبيرقبها وحياكولها بعنيه ...... قاعد يتامل البرائة والجمال دى كله ..... عبدالعزيز كان نازل الكافتيريا عشان يجيب عصير ... وهو جاي لسارة ..لفت نظره الشاب اللي قاعد يتاملها.... ما قدرش يتحمل... حس انه عايز يروح ويضربه ...ازاي يبص لمراته بالنظرات دي ... بجد راجل ماعندهوش دم ... ومراتي متسترة ومش لابسة اي حاجة تلفت النظر .. يعني سايب البنات كلهم ويبص لسارة ... والنار في قلبه مشعللة ...وبسرعه يروح لسارة..ويمسكلها من دراعها ..وجرها معاه..وسارة مستغربة من تصرفه ..مش عارفة ماله عبد العزيز..وليه يجرها بطريقة دي....

سارا: أي .....مالك ... وليه بتمسكني بالطريقة دي ..

عبدالعزيز وعنيه حمرة من العصبية : تعالى حندخل جوة ...

سارا: طيب ليه الجو حلو.. وسيب ايدي ... ليه مسكني بالطريقة دي ... ايدي وجعتني قوووي .

استوعب عبدالعزيز انه ضاغط جامد على دراعها ... خفف شده اديه شوية ...هي مالهاش ذنب ..ولا حاسه اصلا بالراجل اللي كان بيبصلها..... المفروض يعقل ... ولا وما يغرش من الموضوع دى .... بس هو ما بيحبهاش علشان يغير عليها بالطريقة دي.... لالا الغيرة دي في كل راجل على مراته سواء كان بيحبها ولا لاء...

عبدالعزيز: انتى ما بتتكسفيش من نفسك ...كان في راجل برة عمال يبصلك وانت مش حاسة يا هانم ...وبتتفرجي على البحر ...

سارا: انت اللي سيبتني ورحت ... وانا اصلا ما كنتش واخدة بالي منه انا كنت باصة للبحر وبتأمل جماله ..

عبدالعزيز: المفروض تيجي وراية ... ومش عايزك تبعدني عني المرة الجاية فاهماني

سارا اتغاظت منه قوي ( وهي بتتكلم في سرها ) ..هو ليه بيتصرف كدا .... انا ماعملتش حاجة... كل دى عشان قاعدة برة لوحدي ..... بس هو اللي سابني برة دى ادى اووووف .... لو كان عايزني اجي معاه كان قالي ...... ليه ينكد علية اليوم دى انا كنت مبسوطة ياساتر ......

عبدالعزيز: مالك هو كلامي مش عجبك ولا ايه ؟؟

سارا : ليه هو انا قلت حاجة ولا اتكلمت ...

عبدالعزيز: مش لازم تقولي ..شوفي بوزك شبرين ازاي..

سارا: انت عايز مني ايه .... انا ايه اللي عملته علشان تترفز عليا بالطريقة دي

وقعدت على الكرسي اللي جوة في السفية وقعد جمبها عبد العزيز ....

عبدالعزيز: انا مش عايز حاجة بس المفروض لما تشوفي الرجالة كدة برة كنت جيتي ورايا من غير ما قول ...

سارا: انا ماحسيتش بحد انا كنت سرحانة في البحر ... وبذمتك حيشوفوا فيا ايه وانا محجبة كدة ويسيبوا الناس اللي مش لابسة حاجة ويبصولي ....

وعبدالعزيز في سره (( هي مش عارفة ان في شاب كان بيبصلها وما شلش عينه من عليها ... بس هو ما رضيش يقولها كدة )))

عبدالعزيز : ولو بردة ماتنسيش ان احنا في لندن والعرب كتير هنا وهما ما بيصدقوا يشوفوا وحدة عربية ...

سارا: طبعا ما انت لازم تقول كدة ما انت عندك خبرة في الحاجات دي مش كدة ...

عبدالعزيز: بقولك ايه لمي نفسك واعرفي انتي بتقولي ايه قبل ماتتكلمي فاهمة ؟؟؟

سارا وهي مصدومة من اللي قاله وبتقول في سرها ... ياسلام هو انا قلت ايه لازم يجرحني بكلامه ويكسفني ..

سارا:طيب امتى حنروح علشان انا تعبانة ..

وبالفعل كانت تعبانة بطنها وظهرها بدأوا يوجعوها ..

عبدالعزيز : ماتخافيش حنوصل دلوقتي ... وانا كمان اتسدت نفسي من الباخرة دي ..

بعد ما وصلت الباخره .... ونزلوا الركاب...كان بطن سارة لسة بيوجهعا... مش عايزة تبين لعبد العزيز .... بعد ما نزلوا من الباخرة راحوا يتمشوا شوية .....وعرفت ان عبدالعزيز مش عايز يرجع الفندق دلوقتي ... بس الم بطنها بيزيد اكتر واكتر .... ياربي ايه المصيبة دي.....وقفوا في كافي ...وقعدوا فيه....

عبدالعزيز: عايزة تشربي ايه ..

سارا: عايزة حاجة سخنة .. اشرب شاي

اول ما قام عبدالعزيز...سارا حطت اديها على بطنها وضغطت عليها ..... عبدالعزيز لف عشان يسالها لو كانت عايزة حاجة مع الشاي ....شافها تعبانة وضاغطة على بطنها وحاطة راسها على التربيزة ..

عبدالعزيز: ساااااارة.......

اول ما سمعت اسمها على طول قعدت عدل ولا كأن فيها حاجة.... ابتسمت

سارا:ايوة

استغرب منها واضح ان فيها حاجة ... بس عرف انها مش عايزة تقوله

عبدالعزيز: لا بس كنت عايز اسألك لو كنتي عايزة حاجة مع الشاي

سارا: لاء الغدا لسة بدري عليه ... شكرا

عبدالعزيز: طيب...

وراح جاب لها شاي ...وجاب له قهوه تركيه..بعد ما خلصوا قاموا .... وهو حاس ان سارة فيها حاجة ...بس ما حبتش تقوله عليها ..لو كانت عايزاني اعرف كانت اتكلمت او بينت ليا اي حاجة ....... ما اهتمش ..يمكن مغص او حاجة خفيفة .... راحوا يتمشون في اجور رود (شارع العرب) ..وهي نفسها تروح الفندق عايزة ترتاح ...بس خايفة تقوله ويحس ..... كانت تعبانة جدا ومش قادرة تصبر ... اول وثاني يوم هما الايام اللي بطنها بتوجعها فيها مروا على الاسواق ..واشترت من هنا وهناك هدايا تذكارية بسيطه ...

عبدالعزيز: سارا شكلك تعبانه تحبي نرجع الفندق...؟؟

سارا وبكل غباء العالم : لا بالعكس خلنا نتمشى...

عبدالعزيز رفع حاجب : اوكي ...ايه رايك ندخل المول دى ...

سارا: طيب..

وهم بيتسوقوا عبد العزيز كان ملاحظ سارة انها بتحط اديهاعلى بطنها ...وباين عليها التعب .. وسارة اول ما تحس ان عبد العزيز يشوفها تعمل نفسها طبيعيه.... عبد العزيز في سره ليه مش عايزاني اعرف ....بعد ما غربت الشمس ...خدوا تاكسى ورجعوا للفندق...وطول الطريق سارا لاصقه عند الباب ..ومنزله راسها ....تاكد عبدالعزيز ان الالم الي تحسه مش بسيط ...

عبدالعزيز: مش عايزة تتعشي ..ايه رايك نتعشى في الفندق

سارا والالم حيموتها : لا شبعانه ..طول اليوم ناكل ..

عبدالعزيز: اه والله عندك حق

بعد فتره.....

عبدالعزيز: سارا

سارا: نعم

عبدالعزيز: ممكن اعرف ايه اللي بيوجعك

رفعت سارا راسها جامد ... ..ولمحت في عنيه خوف ...لا مستحيل يكون خايف علي....

سارا: مش عارفة الم فظيع في بطني ...

عبدالعزيز:تحبي نروح المستشفى...؟؟؟

سارا: لا مش مستهلة اكيد من كتر الاكل ...

عبدالعزيز: لو ماخفش الالم حنروح المستشفى....ليه ما قلتليش من بدري علشان نرجع الفندق ومانلفش كتير ...شكلك تعبانة قوووي

سارا: لالاء الوجع مش جامد ..انا اللي مرضيتش نرجع ماتخافش انا كويسة ... ووصلوا الفندق.... بعد ما دخلوا جناحهم .....

عبدالعزيز : انتى متاكده انك كويسة ...لو مش قادرة تتعشي في المطعم انا ممكن اطلبة في الجناح ..

سارا: لو كنت انت جعان اطلب ليك انا مش قادرة اكل ...

وراحت لاوضتها ..... وخدت شاور وغيرت هدومها ... لبست جيبة ناعمة وحلوة قوووي مع بلوزة نص كم .

عبدالعزيز:سارة ايه رايك نطلب فيلم

سارا: براحتك

عبدالعزيز: طيب مش عايزة نطلب اكل كمان

سارا: لا والله مش عايزة بجد مش جعانة

عبدالعزيز جيه وقعد على الكنبة..... بعد ما خد المجله الي على التلفزيون...

عبدالعزيز: اوكي براحتك ..حتى انا مش جعان....يالا نختار الفيلم اللي احنا عايزيم نتفرج عليه ...اممم ..ايه رايك في فيلم ColdMountain...

سارا : طيب ايه نوع الفيلم...؟؟

عبدالعزيز: دراما ورمانسي....

سارا: بطولة مين؟؟

قام وقعد جنب سارا عشان يشوفوا الفلام مع بعض ...وحط المجله بينهم ....

عبدالعزيز: نيكول كادمن ...

سارا: لالا ما بحبش الممثلة دي

كانت مرتبكه لان عبدالعزيز عمال يلزق فيها ويقرب منها قوووي .....وارتاحت لانها لقيت عذر عشان ما يطلبش الفيلم دى ....مش عايزة تشوف معاه فيلم رومانسي ...علشان ما بتحبش تشوف المناظر الغير لائقة في الفيلم ...

عبدالعزيز: طيب The Lord Of The Ring (the Return Of The King) ..على فكرة حلو

سارا: انا ماشوفتش الاجزاء الاولى منها .... بس اذا كان حلو اوكي ما عنديش مانع

عبدالعزيز: لالالاء مش حلو تشوفيه اذا كنتي اصلا ما شوفتيش الجزء الاول والثاني منه

سارا : طيب ايه رايك نتفرج على الفيلم دى
واشرت على بوستر فيلم Hidalgo.....

عبدالعزيز: انا شوفت الفيلم دى

سارا : طيب The Last Samurai ؟؟؟

عبدالعزيز: اممم.. اصحابي بيقولوا عليه كويس بس انا ما بحبش توم كروز ..

سارا: طيب Try Seventeen؟؟

عبدالعزيز: دى كوميدي

سارا: ايوة هو دى

عبدالعزيز: لا انا مليش نفس اتفرج على الكوميدي...خلاص Last Samurai.....ايه رايك؟؟

سارا: اوكي خلاص نتفرج عليه حتى تامر اخويا بيقول عليه حلو

قام عبدالعزيز وفتح التلفزيون ...واختار الفيلم اللي حيتفرجوا عليه ... سارا قامت وطفت النور ونورت الابجورات ...

عبدالعزيز: ليه ؟؟

سارا وهي مبتسمه : عشان نعيش جو السنيما...

عبدالعزيز: ههههههه ..مش ناقص الا الفشار والبيبسي .

سارا: البيبسى موجود ..تحب اجبلك من الثلاجه ؟؟

عبدالعزيز: اوكي...

راحت سارا وجابت له بيبسى ..وجابت لها بيبسى دايت... لما شافها عبدالعزيز رفع حاجب ...

عبدالعزيز: بتعملي رجيم

سارا بهزار : اه شوف طلعلي كرش صغيرازاي

راح بصلها من فوق لتحت

وقال بابتسامه ملتويه خلت وش سارا يحمر قوووي.: بالعكس جسمك عاجبنى..

سارا لما جابت البيبسي ... ما رجعتش مكانها .. قعدت على كنبة تانية ...مع ان الكنبة مش قدام التلفزيون بس عشان ما تقعدش جمب عبدالعزيز وعبد العزيز ماعلقش على قعدتها على الكنبة التانية وقعدوا يتفرجوا على الفيلم اللي كان مشوق وحلو ....خصوصا لعشاق رياضه الساموراي اليابانيه....

سارة وهي ببتكلم في سرها ياترى ايه اللي حيحصل بعد ما يخلص الفيلم ؟؟؟ وياترى عبد العزيز حيعرف ليه بطنها وجعها ؟؟

تسلم ايدك

تسلميلي ياسلوي ياقمر

تسلم ايديكي
اننا في انتظار الباقي

تسلمى يا سوسو
قصه حلوه قوى
كملى يله

ميرسى ليكوا يا شباب

33699k

الحلقة العاشرة

بعد ما خلص الفيلم عبد العزيز طلب من سارة انهم يروحوا يناموا ... بدأ الارتباك على سارة والتوتر وابتدت في العياط مرة تانية ....

عبدالعزيز بعصبيه: ما ينفعش كدة .... هي دمعتك عالطول جاهزة ... خلاص مش حالمسك اتبسطي
...
وخرج من الجناح وهو في قمة عصبيته ونرفزته .... بجد متجوزة عيلة عالطول تعيط ... هي ناسية انها مراتي ... لامتى حفضل مستحمل يعني ... وخرج برة الفندق يتمشى في الشارع مع ان الوقت متأخر جدا بس هو كان مضايق جدا من تصرفات سارة ...

سارا كانت قاعدة على الكنبة وبتعيط ... بس انا مش قادرة اعمل حاجة غير اني اعيط ...ما قدرش اخليه يعملي حاجة او يلمسني .. ومش قادرة اقوله ... هو اصلا مستعجل ... احنا لسة عرسان ... ومش قادر يصبر ... ومش عارفة ليه متنرفز وعصبي ...وانا ماليش ذنب ... دلوقتي هو راح فين ياربي اعمل ايه انت الوحيد اللي عالم بحالي ...

تعوذت بالله ....ورحت لاوضتي عشان انام ... غيرت هدومي وحاولت انام .... عدت ساعة وانا مش عارفة انام وعبد العزيز لسة ما رجعش ... وبدأت تقلق وتخاف عليه لحسن يكون حصله حاجة .... قامت من السرير ...وراحت تتمشى في الجناح ...مش قادرة تقعد ... وكل دقيقة تبص للساعة ...بعد تقريبا ساعة الا ربع ... سمعت صوت الباب وعلى طول راحت للسرير وتعمل نفسها نايمة ...

عبدالعزيز بعد ما اعصابة هديت شوية ...رجع للفندق... دخل للجناح الي كان هادي وانواره مظلمه .... اكيد الانسه نايمه ...... راح وخد له شور ... ونام على السرير وهو مدي ظهرة لسارة ..

..........

تليفون عبدالعزيز كان بيرن ...يوه هو الازعاج دى عمره ما يخلص......انا ليه ما حطيتش التليفون على السايلنت ....فتح عنيه وشاف الساعه ست ونص الصبح ..الوقت بدري مين اللي برن دلوقتي.....خد موبيله ولقى بومي يتصل بك ...ابتسم مع انه لسة كان صاحي ... ...وفي العادة بيبقى مزاجة متعكر اول ما يقوم ......ورد على التليفون..

عبدالعزيز: انت ما عندكش دم حد يتصل دلوقتي

عمر: ههههههههههههههه ... الله شكل الاخ كان سهران انبارح.... قول السلام عليكم في الاول مش من اولها زفت .

عبدالعزيز: اسال نفسك .... بذمتك احد يتصل الساعه 6 ونص الصبح ..

عمر: وانا ايه اللي اش عرفني الساعه عندكم كام دلوقتي .

عبدالعزيز: هههههههههه ...بجد شكلك فاضي ورايق ..المهم اخبارك..

عمر: على فكرة انا زعلان قوووي ولا تتلكم ولا تسأل عليا ... ياااااااا بنت عمي شوقي نستك اخوك .

عبدالعزيز:اخص عليك .هو انا اقدر كم بو مي عندي..

عمر:المهم ما علينا ...اخبارك ايه يا عبد العزيز ؟؟؟

عبدالعزيز: والله تمام بخير ...وانت ؟؟

عمر: الحمدلله

عبدالعزيز : هههههههه .... طيب امي اخبارها ايه ؟؟

عمر: امي زعلانة منك بتقول انها ما كلمتهاش من ساعة ما وصلت

عبدالعزيز:هي ميرنا الزفتة دي ما قلتش لامي ان انا اتصلت اول ما وصلت وردت عليا ميرنا ...

عمر: لا ياذكي امي قصدها انك كلمت ميرنا وما كلمتشهاش

عبدالعزيز : ولا يهمها الغاليه ...هي فين دلوقتي جمبك ؟؟؟

عمر: لا والله انا في الشركة .. هو انا زيك نايم في العسل ...

عبدالعزيز: ههههههههه ...الله يقطعك يا عمر

عمر بيتكلم بجد: عبدالعزيز انت مبسوط...؟؟؟؟؟

هنا عبدالعزيز قام وخرج من الاوضة وراح للصاله ....

عبدالعزيز: اااااااااااااه ياعمر لو تعرف ايه اللي جوايا

عمر: ليه ..ايه اللي حصل

عبدالعزيز: لا بس البنت راسها ناشفة ... اعتقد ان اهلها اجبروها على الجواز مني .. وعلى اتفه حاجة تعيط . ...والله انا زهقت ومش عارفة اعمل ايه ..

عمر: يا عبدالعزيز الكلمه الحلوه كويسة برضه ... على فكرة الكلام يقلب عقل البنات .. وانت اصبر معاها وعلى فكرة هي لسة صغيرة وانتوا لسة متجوزين ما مرش على جوازكم اسبوع ... اصبر عليها يا عبدالعزيز

عبدالعزيز: بقولك ايه غير السيرة دي بقى لاني زهقت خلاص

عمر: لا يا عبد العزيز ما ينفعش كدة ... بقولك ايه انت جرب معاها ... انا عرفك انت كويس وبتعرف تتصرف بحكمة...انا عارف انك مطنشها ومش معبرها ...ازاي عايزها تتقبلك وانت مبينلها انك مش قبلها ومش طايقها .

عبدالعزيز: بالعكس ...والله انا مش مطنشها وبهزر معاها وبفسحها بس هي اللي كل دقيقة تعيط .

عمر: انت اصبر عليها بس وشوف ... اه على فكرة منصور صحبك بسلم عليكم وهو كان عايز يتصل بيك بس ما حبش يزعجك في شهر العسل .

عبدالعزيز: الله يسلمه ...لا عادي خليه يتصل

عمر: يالا اتفلق والله انت فاضي ... يالا خسرتني المكالمة ...

عبدالعزيز: انت الي خسرتنى يالا وسلم على امي ...وسلمي على بنتك مي القمر وحشتني عاملة ايه

عمر: انت اتصل بماما وسلم عليها لانها بجد زعلانة منك

عبدالعزيز: طيب حتصل يالا باي

عمر: سلام

وقفل عبد العزيز مع اخوه التليفون .. وراح يشوف سارة قال حيتصل على البيت بعدين عشان سارة تكلمهم تكلم امه .. دخل الاوضة ولقى السرير فاضي ... عرف انها صحيت ..

سارا صحيت لاقت عبد العزيز بيتكلم في التليفون .. بس ماعرفتش بيكلم مين ...وليه طلع بره الاوضة علشان يتكلم وما تكلمش قدامها ليه .. وما فيش حد يتصل في الوقت دى الا اهله .. اكيد دي امه...بعدين قامت وخدت لبسها وراحت للحمام ....بعد ما خلصت طلعت وشافت عبدالعزيز واقف وظهره لها وبيتفرج من الشباك على الي رايح والي جاي في الشارع ....حس بيها بس ما حبش يتلفت لها ..عايز يبين لها انه زعلان ومضايق .... بعدين افتكر كلام اخوه وقال خليني افرحها وابسطها ... لف وشاف سارة وفي وشه ابتسامة كبيرة .....سارا كانت خايفه من ردت فعله ..بس لما شافته بيبتسم اتبسطت قوووي ... وردتله الابتسامة .

عبدالعزيز: يالا ننزل نفطر تحت .. على فكرة فطار الفندق جميل قووووي .

سارا: والله انا ميتة من الجوع ... طيب حالبس بسرعة

عبدالعزيز: اوكي وانا حستناكي

نزلوا تحت يفطروا من البوفيه الي موجود في مطعم الفندق...كان الجو كلاسيكي قوي والقعده حلوة.... سارة انبسطت .. .. وكان باين عليها الفرحة والانبساط

سارا: حنروح فين النهارة ؟؟

عبدالعزيز: ايه رايك نروح هارودز ..

سارا: اوعى تقولي بتاع الفايد ..

عبدالعزيز: ههههههه ...ليه في غيره؟؟

سارا: لا بس كان نفسي اشوفه من زمان من كتر ما الناس كانت بتتكلم عنه ..

عبدالعزيز: خلاص يالا بعد ما نخلص الفطار نروح .

سارا: ياااه....وابتسمت ابتسامه كبيرة وكانت طايرة من الفرح والسعادة

بعد ما طلعوا من الفندق ...عبد العزيز افتكر انه كان ناوي يتصل بامه... وطلع موبيله .... وراح اتصل بامه ...

صلاح: السلام عليكم..

عبدالعزيز: وعليكم السلامه ورحمة الله وبركاته .. ازيك يا بابا عامل ايه يا غالي ...

صلاح : ازيك يا بني عامل ايه انا الحمد لله بخير انت عامل ايه واخبار مراتك ايه .

عبدالعزيز: احنا بخير و الحمد لله ... ومبسوطين جدا

صلاح: الحمد لله يا بني انك مبسوط انا بكون فرحان لما الاقي اولادي مبسوطين مع مراتتهم ومرتاحين .

عبدالعزيز: ايوة بجد يا بابا ... وانتم عاملين ايه وامي عاملة ايه واخبار اخواتي يارب تكونوا بخير انشاء الله

صلاح :كلهم بخير وبسلموا عليك وهما كلهم جمبي وامي عمالة تشد مني السماعة وعايزة تكلمك .

عبدالعزيز: هاتها يا بابا لانها وحشتني قوووووي

صلاح : اهي معاك

فوزيه وصوتها وهي بتعيط :ازيك يا ابني عامل ايه وحشتني قووووي .

عبدالعزيز لما سمع صوت امه حس برااااحة ما حسهاش من ساعة ما اتجوز وسافر .

عبدالعزي: ازيك يا امي وحشتيني جدااااا

فوزيه: انت اكتر يا بني ... واخبار سارة ايه اوعى تزعل يا بني

عبدالعزيز: قولي لسارة ماتزعلنيش

فوزيه : ربنا يحفظك يارب .... هي مراتك فين ادهالي .

عبدالعزيز: ادى ياامي انت زهقتي مني ولا ايه

فوزيه: لا يابني انا عمري ما ازهق منك ابدا انا الود ودي اني اكلمك كل ساعة بس علشان مازعجكش وانت قاعد مع عروستك ..فين مراتك بقى الغالية دي .

عبدالعزيز: وانا يا امي مش غالي ولا راحت علينا خلاص

فوزيه: انت مالك النهاردة على كل كلمة تعلق عليها على فكرة غلاوت مراتك من غلاوتك بالظبط ....بس هي اكتر شوية ..ههههههه .

عبدالعزيز: ههههها ما شي يا ست الكل ... ما خلاص راحت علينا

سارا طول المكالمة وهي قاعدة جنب عبدالعزيز في السياره وسامعة الكلام كله مع اهله .... وكانت مستغربة امال مين اللي كان بيكلمه الصبح .... شكله كدة اول مرة يكلم فيها اهله من ساعة ما وصلنا .... وسرحت بافكارها وعبدالعزيز قطع سرحانها وهو بيقولها سارة كلمي ...

عبدالعزيز: سارة رحتي فين .... سرحانة في ايه

سارا: لا ولا حاجة

عبدالعزيز: طيب ماما عايزة تكلمك

خدت منه التليفون وكلمت حمتها .

سارا: ازيك يا ماما عاملة ايه وحشتيني

عبدالعزيز هو مستغرب ... وبيتكلم في سره (( ما كنتش اتوقع انها تنادي على امي بماما ) خليني اشوف بقى حتقول لماما ايه

فوزيه: ازيك يا سارة .... ازيك يا مرات ابني ... اخبارك ايه طمنيني عليكي انت مبسوطة .

سارا : الحمد لله بخير يا ماما ...

فوزيه: وعبد العزيز عامل معاكي ايه مقصر معاكي في حاجة .... لو مضايقك قوليلي بس وانا حوريكي حعمل فيه ايه .

سارا : لا يا ماما عبد العزيز مش مقصر معايا بالعكس دى نفسه يعملي أي حاجة عشان يبسطني ... وانا مبسوطة قووووي . ما تقلقيش يا ماما .

فوزيه: طيب الحمد لله يا بنتي وربنا يسعدكم ويهنيكم يارب ... ميرنا عايزة تكلمك يا سارة .

ميرنا: ازيك يا سارة عاملة ايه وحشتيني .

سارة : ازيك يا ميرنا انتي اللي وحشتيني قووووي وانا الحمد لله بخير وانت عاملة ايه

ميرنا : انا بخير المفروض اسألك على اخبارك انت

سارا: انا تمام والحمد لله ...

ميرنا : اخبار عبد العزيز معاكي ايه ؟؟؟

سارا: الحمدلله كويس

ميرنا : رهف بتسلم عليكي وبتقولكم ما تزودوهاش وماتطولوش عندكم .وبتقولكم ما تنسوش حفلتها خلاص قربت .

سارة : انت قررتوا حتعملوها امتى .

ميرنا : لسة المدرسة اخرتها شوية .....عشان البنات اللي مسافرين ترجع واللي مشغولة في التسجيل يكونوا خلصوا .

سارة : طيب طمنيني نتيجة التنسيق ظهرت ولا لسة .

ميرنا : لا لسة هي خلاص على اخرها ومرعوبة ... المهم انتي احكلي كل حاجة بالتفصيل ..

سارا: هههههههه يقطع شيطانك يا ميرنا عايزة تفلسي عبد العزيز ... لما ارجع انشاء الله ... عبد العزيز بيقولي يالا كفاية ....

ميرنا : هههههههه طبعا اكيد مشتقالك موووت ولا وعملتيها يا بنت عمي شوقي وسحرتي اخويا .

احمر وش سارة من الكلمة دي ... وهي نفسها تقولها لو تعرفي اللي جوايا يا ميرنا .. بس مش قادرة تتكلم عشان عبد العزيز جمبها وودانه معاها ... وعبد العزيز حس ان ميرنا قالتلها حاجة عشان كدة وش سارة احمر.

سارا: لمي نفسك يا ميرنا .. ويلا سلام بقى ..

ميرنا : طيب يا ستي هنيالك النهاردة انت افراج بس اول ما توصلي مصر مش حسيبك الا لما تحكيلي كل حاجة بالتفصيل .

سارا: انشاء الله مع السلامة

ميرنا : ههههه مع السلامة وخلي بالك من نفسك .

عبدالعزيز... ابتسم: طبعا الرغي عمره ما يخلص اكيد ما خلصتوش رغي

سارا: هههههه انا برغي رضه اصل ميرنا وحشتني قوووووي

عبدالعزيز: اوكي يالا ياسارة احنا وصلنا

ونزلوا ودخلوا الهارودز...... بعد ما تسوقوا هناك ...وسارة اشترت هدايا لاخوانها وحريمهم ... واخوات عبد العزيز ... كانت الهدايا بسيطة وحلوة .. بس عبد العزيز لاحظ انها ما اشترتش حاجة لنفسها .

عبدالعزيز: سارة ما اشترتيش ليه حاجة لنفسك

سارا : مش لقيا حاجة مناسبة

عبدالعزيز وهو بيفرجها على بدلة حلوة قووووي : ايه رايك في دي حتتطلع عليكي جنان ؟

سارا: بس غالي قوووي يا عبد العزيز

عبدالعزيز وهو رافع حاجب : خير ربنا كتير والحمد لله .. يالا روحي قسية .

عبد العزيز ادى لسارة البدلة عشان تقسها ... واستغربت سارة انه عرف مقاسها من غير ما يسألها ... وقاست سارة البدلة اللي طلعت تجننن فعلا عليها وكأنها متفصلة عشانها ... بعد ما خلصوا شرى حاجات... ..راحوا يتغدوا في المطعم اللي موجود في هارودز ....بعدين طلعوا يتمشوا في شارع اكسفورد ..ودخلوا سليفريج مول .. واشتروا حاجات وهدايا من هناك لمعارفهم...وبعد كدا رجعوا للفندق بعد ما تعشوا حاجات حفيفة ...وهم محملين بالاكياس ...مع انهم ارسلوا الاكياس الي اشتروها من هارودز مع سواق الفندق.... سارا كان نفسها تكلم امها بس مش عارفة تقول لعبد العزيز ....

عبدالعزيز وهو بيشوف الاكياس: عايزين نشتري شنططين سفر عشان الحاجات دي كلها

سارا: عبدالعزيز.....

عبدالعزيز لف لها : نعم

سارا: اممم .. ممكن اكلم اهلي بقالي يومين ما كلمتهمش .

عبدالعزيز: طبعا ممكن .. وفي أي وقت عايزة تكلميهم خدي موبيلي واتصلي بيهم من غير ما تستأذني .

سارا والفرحة على وشها : شكرا...

عبد العزيز اداها الموبيل وراح للاوضة ... وسارة اتصلت باهلها بس كانت خايفة ان ما فيش حد يرد عليها ... بس الحمد لله ردوا .

تامر : ازيك يا سارة عاملة ايه

سارا:الحمد لله انت عامل ايه يا تامر

تامر : معقول ... الانسة سارة قصدي مدام سارة تنازلت وبتكلمنا .

سارا: هههههههه...حرام عليك يا تامر .. لو كنت عاملة موبيلي تجوال كنت اتصلت بيكم كل دقيقة .

تامر : الحمد لله انك ما عملتهوش تجوال احنا ناقصين تكلمينا كل دقيقة انا ما صدقت انك سيبتي البيت من اولما جيتي على الدنيا وانت سارقة حنان امي وابويا مني هههههههه ....

سارا: انا برضه اللي وخده حنانهم ولا انت يا دلوع العيلة طبعا ما انت ا خر العنقود .امال ماما وبابا فين وحشوني ...

تامر : انتي بتتصلي دلوقتي والكل نايم

سارا: ليه نايمن الساعة لسة 11 عندكم

تامر : 11 ايه الساعة 12ونص يا فالحة ... لحظة اشوفلك ماما اعتقد اني سامعت صوتها .

وخرج تامر من اوضته الا ولقى امه رايحة اوضتها ومعاها كوباية ماية

تامر :يالغالية في بنت عايزاكي على التليفون .

كريمة : وهي فاتحة عنيها قوووي وباستغراب : بنت ايه يا ولا ... انت مسطول ولا ايه ولا كنت بتحلم .

تامر : هههههه انتي تعالي بس كلميها وحتعرفي انك بتحبيها قوووي .

كريمة : ماشي هات التليفون .... الو .

سارة : ازيك يا ماما عاملة ايه وحشتيني .

كريمة : ازيك يا حبيبتي والله انت اكتر عاملة ايه يا ضنايا .. ما تصلتيش من زمان ليه قلقتينا عليكي

سارة : معلش يا ماما لما بلاقي فرصة اتصل بتصل عالطول .بس انتوا وحشتوني قوووي وبابا عامل ايه ونفسي ارجع بقى يا ماما .

كريمة : والله انت اكنر يا بنتي ...بس اوعي تقولي كدة يا بنتي انت دلوقتي في عصمة راجل .. عشان جوزك ما يحسش انك مش عايزاه .. اسمعي كلام جوزك ... وطاعة جوزك واجبه يا بنتي ربنا امرنا بكدة ..ومهما قالك او عملك لازم تطيعه ماشي يا بنتي فاهماني .

سارا: ايوة يا ماما فاهمة ... بس طمنيني على بابا عامل ايه واخواتي
.
كريمة : كلهم بخير والحمد لله ... اقولك خبر حلو مها مرات اخوكي حامل عقبالك يا بنتي .

سارا: بجد يا ماما الف الف مبروك باركلها وربنا يقومها بالسلامة انشاء الله .
كريمة : حاضر يا بنتي حوصلها سلامك .

سارة : كان نفسي يا ماما اكلم اخواتي بس مكسوفة اطلب من عبد العزيز .

كريمة : مالهوش داعي يا بنتي انا حطمنهم عليكي وبلاش تتقلي على جوزك في المصاريف .

عبد العزيز وهو طالع من الاوضة : سارة عندك اسبيرين عشان عندي صداع حيجنني .

سارة و: ايوة عندك في الشنطة اللي على المرايا .

كريمة : سلمي عليه وماتضايقهوش ماشي يا بنتي .

سارة : بتكلم عبد العزيز وبتقوله : ماما بتسلم عل..........

ماقدرتش تكمل جملتها بعد ما شافت اللي ماسكة عبد العزيز من شنطتها ... ورفع راسه وبصلها ... وهنا فهم كل تصرفاتها وسبب وجع بطنها اللي تحس فيها انبارح ... طيب ليه ما قلتليش .. ما فيهاش حاجة ... دي حاجة طبيعية ومكسوفة تقولي ليه .... عبد العزيز حس ان سارة انحرجت قوووي .. لان وشها اتقلب تعابيره ... وكانت خلاص حتعيط ورجع الحاجة لشنطتها في مكانها زي ما كانت .

عبدالعزيز ولا كانه شاف حاجة : الله يسلمها ..... سلمي عليها قوووي ... انا حروح انام .

سارا فضلت متنحة وحاسة انها خلاص حتموت ... من الكسوف .. بس يمكن كدة احسن عشان يبطل زن ويعرف ايه سبب بعدي عنه .... افتكرت ان امها على التليفون وردت على امها .

سارا: اسفه ياماما معلش اتأخت عليكي

كريمة : هههههه لا عادي يا نبتي .. يالا بقى مش عايزة اطول عليكي . خلي بالك من نفسك.

سارة : حاضر يا ماما سلام .

بعد ما قفلت التليفون مع امها ... فضلت مكانها وهي مالهاش وش تشوف عبد العزيز من الكسوف ... وسمعت صوته ..راحت للاوضة لقيته نايم ولا كانه شاف حاجة ... غيرت هدمها ونامت .

تاني يوم راحوا لmadme tussaud's (متحف الشمع) ... كان حلو قوووي وعجب سارة .. طول الوقت وهي بتتلكم مع عبد العزيز وبتحس براحة وهي بتلكمه ... تصرفات عبد العزيز اتغيرت قوووي معاها لما عرف ليه هي بتبعد عنه وكانت بتعيط اول ما يحاول يقرب منها .. معاملته احسن من الايام اللي فاتت كان بيتكلم معاها ويعلق .

في صوت جيه من وراى سارا: سارا

لفتت سارا على الصوت عشان تعرف مين اللي كان بينادي عليها لقيت صحبتها مريم ...

سارا: مريييييم...

قالت لعبدالعزيز: حروح اسلم على صحبتي ....

عبد العزيز: طيب روحي وما تتأخريش وانا حروح هناك

سارا: اوكي....

وراحت لمريم وسلمت عليها ...مريم صحبة سارا من ثانوي ...وافترقوا بعد ما راحوا الجامعه ...لان سارا دخلت جامعه عين شمس ومريم دخلت طب اسنان القاهرة ... قعدوا يتكلموا ويعرفوا اخبار بعض
...
مريم: مين اللي معاكي دى ياسارة اعتقد انه مش اخوكي ؟

سارا حبت تهزر مع مريم :دى اخو ميرنا صحبتي
..
مريم وهي مستغربة ورافعة حواجبها : وانتي بتعملي ايه معاه هنا ..

سارا: يعني ايه رايك فيه ..

مريم ولسة مستغربة وفتحت عنيها على الاخر : اوعي تكوني عملتيها يا خااااااينة وتجوزتي ....

سارا: ههههههه ايوة ...

مريم: طب ليه ما قلتليش ...

سارا: الموضوع جيه بسرعة ...دى احنا بقالنا اسبوع بس متجوزين ....

مريم وهي تغمز: يعنى انتى في شهر العسل..؟؟

سارا: هههههههه...تقدري تقولي كدة

مريم : مبروووك الف مبروك ..والله انك فرحتيني .. يالا عشان ماخركيش ... شوفي عامل ازاي مش عارف يقف على بعضه وكل دقيقة ببص عليكي .

سارا: لا عادي ... خليكي معايا انا لسة ما شبعتش منك .. انا ما صدقت اشوفك بعد المدة دي كلها .

مريم: انتي حتقعدي لغاية امتى في لندن

سارا: مش عارفة والله

مريم: سارة دى رقم شقتنا اللي هنا ودى رقم موبيلي ... لما تلاقي نفسك فاضية وحبيب القلب سابك اتصلي بيا ونتفسح مع بعض ...

سارا: اوكي خلاص يالا فرصه سعيده..

مريم: باي

ورجعت سارا لعبدالعزيز.....الي كان متضايق شوية..

عبدالعزيز: مين دي

سارا: دي مريم صحبتي انا وميرنا من ايام ثانوي ...

عبدالعزيز: وانتوا ازاي تصاحبوا الاشكال دي ؟؟؟؟

سارا:ومالها الاشكال دي ؟؟

عبدالعزيز: انت مش شايفاها ولا ايه من غير حجاب ومكياجها صارخ قوووي

سارا: هي كدة واهلها فري خالص

عبدالعزيز:ايه فري دي ... دي غفلة وما يعرفوش ربنا مش حرية

سارا: هي حرة انت زعلان ليه

عبدالعزيز ماعلقش على كلامها ... وكملوا مشي ... بعد ما خلصوا من المتحف راحوا عالطول على الهايد بارك ...

سارا: تعالي نشوف ساعة بيج بن

عبدالعزيز الجو حلو قوووي النهاردة وما كملش كلمته الا وبنزل المطر اللي قومهم من مكانهم ..... والحمد لله ان عبد العزيز اللي كان عارف تقلبات الجو في لندن كان عامل حسابة وجايب شمسية .. بس سارة ماكنش عندها واضطر انه يديها الشمسية بتاعته وهو واقف معاها تحت الشمسية... طبعا كانت مغطيه جزء منه ...لانه كان حريص ان سارة تتغطى كلها ورجعوا للفندق بسبب المطر ...

سارا: ياااه ياعبد العزيز انت اتبليت خالص

عبدالعزيز وهو كان بيبص على هدومه اللي كانت مبلولة على الاخر : لا عادي

سارا: طيب غير هدومك بسرعة قبل ماتاخد برد

عبدالعزيز: خايفه عليا..

سارا اتكسفت ووشها احمر : لاء بس عشان لو تعبت انا اللي حلوص بيك .ومش حعرف اتصرف في الغربة .

عبد العزيز :قال وانا اللي كنت فاكرك انك خايفة عليا .

سارا: طيب يالا غير هدومك

عبدالعزيز: ههههههههه خلاص حغير اه افرحي يالا خلاص مش حتعب واخليكي تلوصي معايا

تسلم ايدك يا سوسو

كملى يله

الحلقة ال11

وفي بيت صلاح كان عمر قاعد في اوضته وبيفتكر المرحومة مراته ...كانت واقفه تبتسم ليه ....وقف مدة يتأملها ومش قادر يشيل عينه من عنيها .... يا الله بجد اشتقتلها قوووي ... ونفسي اضمها واقربها مني ... مد ايده ليها .. وكأنه مسك ازازة ماية ساقعة قووووي ... وضغط جامد ... لغاية لما حست بالم فيها ...ويقولها ليه كدة تسيبني كدة ... انا ما اسواش حاجة من غيرك .... وفضل يتأمل ملامح وشها اللي كانت محفورة في عقله ..... ...ومستحيل تتمسح حتى لو مرت مية سنة ... افتكرك اخر لحظة معها ... اخر مرة شافها ... اخر مرة كلمها ... اخر مرة ضمها ليه .... اخر كلمة قالتهاله ... يااااااااه انا فعلا ما اسواش حاجة من غيرك يا ام مي .......مهما عملوا اللي حواليا مستحيل انهم يسدوا الفراغ اللي انت سيبتيه ....بحبك والله بحبك ... ومستحيل احب حد غيرك ... رفع البرواز اللي فيه صورتها ... وقربه منه ... وضمه لحضنه كأنه طفل يضم العروسة بتاعته ...حس بدموع تتجمع في عنيه ... الى امتى حعيش في الحزن بحاول اقول للناس اني خلاص نسيت وقادر اتكيف مع الوضع .... بس انسى ازاي في حد ينسى اسمه في حد يتخلى عن روحه وحبه الوحيد ...

مي: بابا..ممكن ادخل

على طول رجع عمر البرواز لمكانه ..ومسح الدمعه اللي لسة نازلة على خدة .

عمر: ايوة طبعا يا حبيبتي الباب مفتوح .

دخلت مي بوداعتها وجمالها الي خدته من امها...كانت نسخه مصغره منها .. نفس العيون الواسعه المكحله ..والمناخير الصغير... الحاجة الوحيدة اللي اخدته من ابوها هو نوع الشعر ولونه ... جات مي لابوها وقعدت في حضنه .

عمر وهو يبتسم للي بقى له من حبيبته: القمر عايز ايه

مي وهي بنحضن ابوها: لا بس وحشتني يا بابا انا ما شوفتكش النهاردة خالص

عمر:يا عيون بابا.

مي: بابا ..انت بتحبنى..؟؟؟

عمر استغرب من بنته الي اول مره تساله السؤال دى : اكيد طبعا بحبك ... ليه بتسألي .

مي: يعني مش حتسبني

عمر: حروح فين يعني هو انا اقدر اسيبك يا قمر

مي ابتسمت ابتسامه كبييره.: ورفعه راسها وباست ابوها على خده ..حس عمر باحساس غريب ..بنته فيها حاجة وعمرها ما تصرفت التصرف دى قبل كدة ... قامت مي من حضن ابوها خرجت من الاوضة ... وعمر لسة سرحان .. من ساعة ماحس بمي .

عمر: مي

مي لفت لابوها: نعم..

عمر : تعالي ياحبيبتى رايحة فين

مي: لا بس خلاص شفتك يابابا..

مستحيل يوم يمر على مي من غير ماتشوف ابوها ... كانت خايفة انه يختفي من حياتها زي امها ما اختفت ... والكل يعرف الموضوع دى والاحساس اللي بتمر بيه مي .. ولو مر يوم من غير ماتشوف ابوها تقلب الدنيا وماتقعدهاش .

عمر: طيب تعالي اقعدي مع بابا .

رجعت وقعدت جمبه على السرير .

عمر: خرجتي في مكان النهاردة .

مي: ايوة رحتي من تيتا عند عمتي نورا
.
عمر: وانبسطتى هناك..؟؟

مي: ايوة لعبنا كثير.... بابا نفسي يبقى عندي اخوات زي سمية بنت عمتو نورا .

عمر: ليه وبعدين حيخدوا لعب مي

مي: عادي..

عمر عايز يغير الموضوع : مي مين في البيت .

مي: تيتا وعمتي ميرنا وعمتو رهف
.
عمر وهو قايم وماسك ايد بنته: يالا تعالي نروحلهم

خرج عمر وبنته من الاوضة ... وهو حاسس ان بنته مش طبيعية النهاردة شكلها فيها حاجة .... لما نزلوا لقوا الدنيا مقلوبة ... الارض كلها مفروشة كتالوجات وهيصة ..

عمر: ايه الهيصة اللي انتوا فيها دي

ميرنا : لاء اصل الاخت رهف بتختار موديل للفستان بتاعها عشان حفلتها .

عمر: حفله ايه

رهف: حفله تخرجي..

عمر: اوعي تقولي عشان خلصتي الثانوية العامة .

وقعد على الكنبة جمب امه بعد مباس راسها .

وقعد عمر يناكف في اخته رهف بخصوص الحفلة عشان تخرج الثانوية العامة .... وقعدوا يتريقوا على بعض فترة .وبعد مناقرة طويلة مع عمر واخته رهف .

عمر: والله دلع بنات انت موافقة ياماما على اللي بتعمله بنتك

فوزيه: وموافقش ليه ما دام ابوها موافق

عمر: والله ما فيش حد مدلعلهم الا ابويا . ربنا يكون في عون اللي حيخدكم

ميرنا : اصلا يا بختهم بينا .. هما يلاقوا زينا فين ولا نسيت احنا بنات مين .

رهف: ايوة احنا بنات صلاح وفوزية مش اي بنات

فوزيه: والله انتوا لسانكم دى عايز يتقطع

عمر: ماشي بس مي حتروح الحفلة

رهف: انت بتتكلم بجد ... ما فيش اطفال في الحفلة

عمر: مش بكفيك ... مي عايزة تروح الحفلة

مي الي كانت ساكته زي عادتها : لا انا مش عايزة اروح

ميرنا : هههههه خايفة من رهف .

عمر: دى اللي فاضل كمان بنتي تخاف من الاشكال دي

رهف: ليه ماله شكلي انشاء الله

عمر: عاملة زي القرد

رهف وهي عاملة نفسها زعلانة : طيييييييب ما ابقاش رهف لو مدخلتش بنتك المدرسة ولا اخليها تدخل الحفلة اصلا .

عمر: لو بنتي عايزة تدخل حتدخل غصب عن الكل .

فوزيه: بس بقى انت وهي صدعتوني ... بس يا رهف بطلي مناكفة مع اخوكي الكبير .

رهف: قال كبير قال انت مش شايفة بيقولي ايه يا ماما

ميرنا : تصدقوا ان شكلكم حلو قووووي وانتوا بتتناقروا كدة .

رهف: بقولكم ايه انا حسبلكم المكان كله وحروح قاعد في اوضتي اكرملي

عمر: يالا مع السلامة ههههههههههه والله اعقل واحدة فيكم القمر اللي قاعد جمبي دي ... تعالي يا حبيبة بابا ...وشاور على حضنه ... راحت مي عالطول وقاعدت في حضن ابوها .

رهف: وهي طالعة اوضتها .... وقال بابا مدلعني .. امال انت بتعمل ايه مع بنتك

عمر: والله في ناس تستاهل الدلع وناس ما تستهالهاش اصلا

ميرنا : كويس انك عرفت ان بنتك ما تستهلش الدلع .

عمر: بقولك ايه انت كمان اسكتي ولمي نفسك انا اللي غلطان ان بتلكم مع عيال زيكم ... كفاية اني اكلم مع احلى حوريتين في البيت ده ..

رهف: سمعت الكلمة دي وهي طالعة نزلت شوية كدة على السلم وردت على عمر طبعا انا الحورية الاولى مش كدة .

عمر : بس يا حشرية اطلعي اوضتك يالا ... مش انت غضبانة .ايه الناس اللي معندهاش دم دي .

عمر وهو بيبص لامه اخبار عبد العزيز ايه يا ماما كلمك ولا لاء ؟؟

فوزيه: ايوة كلمني امبارح ... ربنا يوفقه مع مراته ... انا فرحناله قووووي .

ميرنا : قولي ربنا يعين سارة على غلاسة ابنك .

فوزيه : ما تقوليش على اخوكي كدة .. اخوكي مش غلس .. دى زين الرجالة

رهف غيرت رايها ونزلت من اوضيتها .... لقيت المناكفة مع اخواتها احسن من قاعدتها في الاوضة لوحدها ..... وهي نازلة سمعت الكلام اللي امها بتقوله على عبد العزيز

رهف: هههههههههههههههههها اعترفي بغلاسة ابنك يا ماما

عمر: ليه هو في حاجة حصلت ولا ايه

ميرنا بتبص لرهف وبتقولها اوعي تقولي ...عمر عمال يبص لهرف وميرنا باستغراب

رهف: لا ولا حاجة حيكون في ايه يعني

عمر : بس يا جبانة خايفة من ميرنا .

رهف: انا مش جبانة بس مش عايزة اقول وخلاص

عمر: انتوا حرين هوانا حتحايل عليكم ولا ايه ...

رهف: هههههه خلاص حنقول لمي وهي مش حتقول لبابا ... صح يا مي

عمر: بنتي اصلاما بتخبيش حاجة عليا ... وهي مش عايزة تسمع منكم حاجة

ميرنا : تعالي يا رهف نقعد فوق في الاوضة احسن انا وانتي ... احسنمنالقعدة معاهم ..

رهف : يالا يا اختي يا حبيبتي ههههه.

عمر: مع الف سلامة والقلب داعلكم

فوزيه: انت عامل ايه يا ابني شكلك مش عجبني النهاردة في حاجة .

عمر: لا يا ست الكل ما فيش حاجة ... بس شكلي ما نمتش انبارح كويس ونمت متأخر وصاحي بدري ...

فوزيه :طيب ما تقوم تنام وتريح يا حبيبي ....

عمر : اشوية كدة وحطلع انام ... روحي نامي انتي يا ماما .

فوزية : ماشي خلاص انا حنام لو ابوك جيه وانت قاعد قولي اني طلعت انام .

عمر : ماشي يا ماما .... تصبحي على خير .

وقامت فوزيه....

عمر بص لبنته لقاها نايمة في حضنه زي الملاك ... سرح فيها وفي ملامحها الجميلة دي... بنته كانت اكبر من عمرها ما بتحبش تلعب كتير زي الاطفال اللي في سنها ..ولا تتكلم مع حد ... كانت لغز للكل.. وما حدش يعرف اللي جواها سواء كانت زعلانة او فرحانة... ومحدش يقدر يقرب منها ...والوحيد الي فاتحه له المجال ابوها ... وبعده عمها عبد العزيز ... يعنى بتميل للجالة اكتر من عماتها.. والحاجة دي كانت بضايق عمر قوووي ...عايزها تتقرب من عمتها اكتر... مع انهم مش مقصرين معاها .. بس مش عارفين يكسبوها ..يمكن لانهم سنهم صغير مش عارفين يتعاملوا معاها ...واخته نورا مشغولة مع جوزها وعيالها .... قام عمر وشال بنته ..
وعمر قايم وهو شايل بنته ... نزلت ميرنا ....

ميرنا : رايح فين يا عمر ...

عمر : انت مش شايفة مي نايمة ... طالع انيمها في سريرها

ميرنا : صحيح يا عمر ... انت سجلت مي في المدرسة ولا لسة .

عمر : اه عمتها نورا سجلتها خلاص .

ميرنا : طيب كويس ... انت حتنام ولا نازل تاني .

عمر : لاء خلاص حروح انام لاني تعبان طول النهار في الشغل

وهو طالع قابل رهف ....

رهف : على فين .

عمر : حنام ... في حاجة يعني .

رهف : لا عادي ... تصبح على خير .

عمر : وانتي من اهله .

وطلع عمر لفوق وحط بنته في اوضته ..مع انها دايما تنام في اوضة تانية خاصة بيها ...بس الليله دي ما خلهاش تنام لوحدها وكان عايزهاتنام في حضنه . ....قعد عمر على مكتبه وهو بيفكر في حياته ......الي تغيرت 180 درجه.... مي وحتدخل المدرسه بعد الاجازه ... ودلوقتي كدة هي عايزة عناية اكتر من الاول...مين اللي حيدرسها ويعتني بامورها المدرسية ,,,... بتروح تشوف غيرها من البنات ...واكيد حتكتر اسألتها على امها ... حيقولها ايه لما تسأله... هي سالته مره ..وقال لها انها في الجنه ..ووقتها قعد ساعة عشان يفهمها ..ومن بعدها ما سألتهوش تاني ولا فتحت الموضوع معاه ..... مع انه حاسس ببنته ...لما ببص لعنيها بيلاقيها مليانة اسألة كتير..... واللي متعبه انها ما بتتلكمش ولا حتى بتنطق بكلمة واحدة ....... والموضوع دى مقطع قلبه ... ومش عارف يعمل ايه مع بنته ..

الحلقة ال12

وفي لندن ....

عبدالعزيز: سارا انا خارج دلوقتي عندي شغل هخلصة وارجع .

سارا: طيب..حتيجي امتى ؟

عبدالعزيز:مش حتأخر ... انشاء الله حرجع على الساعة 5 العصر .

سارا: حتسبني هنا لوحدي ؟؟

عبدالعزيز:لو زهقتي روحي الجيم اللي تحت ... واطلبيلك غدا عشان انا حتغدى برة .

سارا: بس انا بخاف يا عبد العزيز ...

عبدالعزيز بسخريه: ماتخافيش ما فيش حد حياكلك ... اعتقد اني مش متجوز عيلة .

سارا: خلاص روح براحتك .....

عبدالعزيز: لو عزتي حاجة اتصلي بيا على الموبيل .

سارا: اوكي..

وخرج عبد العزيز من الفندق ... وسارة كانت مضايقة قوووي من تصرفاته .... يعني يسبني كدة واحنا لسة في شهر العسل ....ايوة انا ما انكرش ان الايام اللي فاتت كان بيفسحني كل يوم في مكان شكل ...ومش مقصر معايا ... بس ما يسبنيش كدة لوحدي ...وشغل ايه دى اللي حيتأخر فيه لغاية الساعة 5 .... وكمان حيتغدى برة .... افتكرت صحبتها مريم ... قالت حتصل بيها واتكلم معاها شوية ... واتصلت من تليفون الفندق على موبيل صحبتها ..

سارا: الوووو

مريم: اهلا ... مين معايا

سارا: انا سارة انت ماعرفتنيش يا وحشة ؟؟

مريم: اهلا اهلا بالعروسة اخبارك ايه ؟؟

سارا: تمام بخير وانتى؟

مريم: انا بخير والحمد لله

سارا: بقولك ايه يا مريم ايه رايك تجيلي الفندق نقعد مع بعض النهاردة

مريم: لا انا اتكسف من جوزك ..

سارا: لاء ما هو مش موجود انا لوحدي ..

مريم استغربت من جوز صحبتها ازاي سايبها في شهر العسل ...سكتت وما حبتش تعلق على الموضوع وتحرج سارة ....

مريم: اوكي انتى فين وانا اجيلك

سارا: انا في فندق الفور سيزن..

مريم: خلاص كمان ساعة وحكون عندك ....

سارا: خلاص انا في جناح في الطابق الاخير ..

مريم: اوكي سي يو..

وقفلت التليفون مع صحبتها .....وهي مبسوطة لانها لقت حد يتكلم معاها بدل ما تكلم الحيطة ....راحت تلبس وتجهز عشان تستعد وتستقبل صحبتها ...لبست بطلون اسود وتونك لبني طويل ...ولبست حجاب اسود ...والحجاب مش مخبي جمالها ... ونزلت الريسبشن عشان تستنى مريم صحبتها .

مريم وصلت بعد عشر دقايق من نزول سارة للريسبشن ...ومريم كانت لبسة بنطلون جينز ضيق جدا .... واستغربت سارة من لبسها .. وكمان كانت لبسة بلوزة كحلي ... ومنزلة شعرها الطويل على كتفها ...

مريم: هااااااااااااااااي سوسو

راحت لها سارا وسلمت عليها ....

سارا: اهلا مريم

مريم: يارب ما اكونش اتأخرت عليكي ..؟؟؟

سارا: لاعادي..المهم ما اكونش انا معطلاكى

مريم: بالعكس دى انا اتبسطت قوووي لما اتصلتي بيا .... على الاقل ارتاح من اخواتي شوية .

سارا: طيب تعالي نقعد هنا ونطلب حاجة نشربها .

مريم: ايه نقعد هنا تعالي نخرج برة الفندق ونروح مطعم

سارا بارتباك : لاء نطلع فين مما ينفعش ؟

مريم: ليه مش عايزة تتغدي معايا ؟

سارا:لا يا هبلة ... انا عزامكي على الغدا في مطعم الفندق .

مريم: ما ينفعش انتي عروسة ... وثاني حاجة اي مطعم فندق دى .. انا بعرف مطعم عراقي اكله يجنن .

سارا: يااااه من زمان مأكلتش من مطعم عربي كل اللي المطاعم اللي بناكل منها مش عربية.

مريم: اوكي خلاص يالا نروح المطعم اللي انا اعرفه .

سارا: لاوالله مااقدرش ... لاني ما استاذنتش من عبد العزيز

مريم: لو استأذنتي منه مش حيوافق

سارا: وانا اعتقد كدة ... يبقى خلاص خلينا هنا وما نروحش في حتة ..

مريم: هو حيجي امتى ؟

سارا: يعنى على الساعة 5 العصر...

مريم: خلاص يادوب نروح ونرجع قبل ما يجي

سارا: بس ما ينفعش اخرج من غير ما اقوله

مريم: رني عليه

سارا: لالالالا اخاف اتصل بيه .. انا عارفة هو مش حيوافق ... خلاص خلينا هنا بقى وخلاص .

مريم: لا سارا يالا اتصلي بيه ... في تليون هناك اهو ...

سارا: ربنا يستر ... لحظة حروح اتصل بيه .

وراحت سارة للتليفون وهي مرعوبة من ردت فعل عبد العزيز ... بعد ما دخلت الفولس راتصل بعدالعزيز مردش عليها ... حاولى مرة ثانية وثالثة ولا في فايدة ...

عبدالعزيز كان قاعد مع رجال اعمال عشان كان بيخلص شغل معاهم ومخلي الموبيل بتاعة على السايلنت .
جالس مع رجال عشان يسوي الشغل الي معاه وحاط الجوال على السايلنت ...

سارا: مايرد..

سارة رجعت لمريم وهي مرعوبة ..

سارة : ما بردش عليا ... شكله مش فاضي ... انا خايفة يا مريم

مريم: يا مجنونه خايفة من ايه ... انتي بلغي الريسبشن انك خارجة ولو رجع جوزك يبلغوه ... اصلا حتى لو اترفز عليكي مش حيزعقلك انتوا في شهر العسل ..

سارا: طيب خلاص بقى خلينا نتغدى هنا وخلاص .

مريم: يوووه بجد انت جبانة ومملة ... يالا حفسحك في مكان اعتقد ان جوزك ما فسحكيش فيه

...
سارة فضلت تفكر في الكلام اللي قالته مريم ... طيب هو دلوقتي عبد العزيز سايبني لوحدي ويمكن يتأخر ليه انا ححبس نفسي .... وفي واحدة حتفسحني ليه ما اخرجش واتبسط .

سارا: خلاص يالا نروح

مريم: ايوة كدة خليكي عندك شخصية

كانت الساعه حوالي 11 الظهر...خرجوا وراحوا يتمشوا مروا جنب ستاربكس ..وكانت هناك في شلة شباب عرب واقفين ..الشباب اول ما شافوا مريم سلموا عليها وردت السلام عليهم كأنهم اهلها .

سارا: مريم مين دول ؟؟؟؟

مريم: دى محمد وخالد اخوات مها صحبتي

سارا باستغراب: وانتي ليه بتسلمي عليهم

مريم: وفيها ايه زي اخواتي بالظبط كلنا هنا اصحاب .

سارا بجد اتصدمت ..غريبه . ....لما جت الساعة 12 ونص راحوا يتغدوا لان مريم ما فطرتش ... وسارة كانت وكله على الفطار نص قطعة كروسون وفنجان قهوة .

وكانوا ميتين من الجوع ... اتغدوا في المطعم العراقي(اللهم انصر اخواننا العراقيين على العدوان الامريكي)....
بعد ماخلصوا غدا ... راحوا يتسوقوا ودخلوا وايت ليز مول... طول الوقت كانت شلة الشباب وراهم ما فرقتهمش لحظة ...سارة ما كنش عجبها الوضع ابدا .... مريم ما خلتش شاب الا ومشي ورانا طيب هي ممكن يمشوا وراها عشان لبسها .. طيب انا يمشوا ورايا ليه وانا محجبة وملتزمة ...واي شاب عربي يشوفهم لازم يعلق ... اللي قول ايه الجمال دى ... واللي يقول اموت في العربي . واللي يقول ايه القمر دى ..كان الوضع منرفز سارة جداااا لانها مش بتاعت شباب والحاجات دي ....وكانت مضايقة جدا وفي نفس الوقت مكسوفة من صحبتها انها تسبها وترجع الفندق ... ومريم ما كانش هامها الوضع بالعكس دي كانت مبسوطة على الاخر
...
مريم: بقولك ايه ياسارة ايه رايك ندخل السينما اللي هنا .

سارا: لا اخاف اني اتأخر .. انا بقول كفاية كدة ونرجع الفندق

مريم: ليه لسة الساعة 2 الظهر قدامك لسة 3 ساعات كمان .

سارا: طيب لو في فيلم حيعرض دلوقتي ماشى لو ما فيش خلاص .

مريم: اوكي يالا بينا ..

سارا ..كان نفسها تدخل الفيلم على الاقل تخلص من شلة الشباب اللي مشينين وراهم ... المهم راحوا فوق للسينما ولقوا كذا فيلم بمعروض ... لقوا فيلم Freaky Friday..مع ان سارا شايفته قبل كدة بس قالت معلش..مريم قالت انا عايزة اشوفه لان اصحابي كلهم كانوا بيمدحوا فيه ....... ودخلوا الفيلم.... واتبسطت سارا لان القاعه كانت تقريبا فاضيه ... لانه فيلم قديم شوية ...قعدوا في الصف القبل الاخير ....طبعا خدوا الفيشار والبيبسي......شوية وحيبدأ الفيلم الا ولقوا شلة الشباب اللي كانوا ماشيين وراهم دخلوا السينما ... وكانوا تقريبا 8 اولاد قعدوا وراهم ... يعني القاعة ما فيهاش الا سارة ومريم وشلة الشباب بس ... سارا ما حبتش تقوم عشان ما تمرش قدامهم ...وفضلت قاعدة وهي مضايقة من الوضع ... بجد كانت خايفة جدااا وحست بالذنب وتأنيب الضمير ... لو عرف عبد العزيز حيعمل معاها ايه .... وافتكرت لما اترفز عليها لما كانت في الباخرة على السطح لوحدها وكان الشباب بيبوصوا عليها .... امال حيعمل ايه لما يعرف اني كنت في السينما وواضح ان الشباب دول دخلوا عشانهم مش عشان الفيلم ......حست انها واطيه ..مع انها مالهاش ذنب... بس المظاهر خداعه وهي كانت مع وحده مطلعه مفاتنها كلها.....

سارا وهي بتوشش مريم : تعالي نخرج من السينما شكلنا كدة غلط ومش لطيف خالص

مريم ولا هامها : واحنا مالنا بيهم .. لا انا مش عايزة اخرج انا عايزة اكمل الفيلم ..

سارا: شوفيه بعدين ... بالا يا مريم ما ينفعش كدة .

مريم: عايزة تخرجي انت براحتك انا مش عايزة .

اتصدمت سارة من رد مريم .... اصلا هي مش خايفة على سمعتها ... سارة قعدت تفكر ... حتلطع ازاي وحست انها خلاص حتعيط يالله ازاي انا كنت مخدوعة في الانسانة دي ... يارب صبرني واسترها من عندك يارب ...اصلا انا استاهل ليه اخرج معاها من الاساس وكمان مش واخدة الاذن من جوزي ...ياربي اعمل ايه ..
قعدت تشوف الفيلم وهي مش قادرة تركز من صوت الشباب اللي مخلوش كلام الا وقالوا عليهم ... سمعت شاب وراها بيقول لصاحبه .. تخيل اللي قاعدة قدامي دي المحجبة لو لبست بنطلون زي صحبتها حيطلع عليها فظيع ..

سارة لما سمعت الكلام دى اتنرفزت وكان الدمعة على عنيها خلاص .... لانهم كانوا يقصدوها هي لان هي اللي وراهم .

وقاموا الشله الباقيه يضحكوا ....

مريم: سارة طنشي ولا يهمك بكلامهم

سارا: مريم كفاية كدة يالا نطلع

مريم: انا مش عايزة يالا اسكتي وما تبوظيش الفيلم عليا ...

قام واحد من الي ورا على اساس انه حيخرج وهو بيمر من ورا سارة الا وجسمه لمس راس سارة ...سارة اتصدمت ..ولفت على ورى بسرعه ... الا والشلة كلها قامت تضحك تاني ... وقامت عالطول سارة .وقالتلهم قلة ادب ....وخرجت من السينما ... اللي كان منرفزها انهم كانوا مطنشين مريم مع انها مش لابسة الحجاب وكل حاجة ظاهرة فيها ...وحاطة ميك اب صارخ ... بس ما يتلاموش لان جمال وبراءة سارة لا يقارن بجمال مريم المصطنع ..

مريم اللي جريت ورا سارة عشان تحصلها

مريم: سارة ... استني انت رايحة فين

سارا: انتي ايه رايك عجبك الوضع اللي كان جوة .

مريم: ياشيخه عادي وفيها ايه يعني

سارا: بجد انا اتصمدت فيكي يا مريم انا مكنتش اتوقعك بالاخلاق دي ابدا

مريم :ليه هو انا عملت ايه ... ما تبقيش معقدة وخليكي فري .

سارا: دى مش تعقيد ...

مريم بسخريه: مش عارفة انك ملتزمة للدرجاتي

سارا: مش لازم اكون ملتزمة عشان ارضى على الوضع والبيئة اللي انت عايشة فيها دي .

مريم: يالا يا سارة وبلاش زعل . تعالي عشان نكمل الفيلم

سارا: لا انا مش حرجع وحروح النفدق

مريم: كفاية بقى ياسارة ويالا نكمل الفيلم

سارا: بس انا مش عايزة

مريم: خلاص انتي حرة هو انا حتحايل عليكي ...خدي تاكس وروحي الفندق انتي مش صغيرة انا جيتلك الفندق لوحدي .

سارا: بس..مريم انتي بتتكلمي بجد

مريم : ايوه والله بتكلم بجد

سارا: انت مش غلطانة انا اللي غلطانة اني طلعت معاكي اصلا .

مريم: بقولك انا مش عايزة وجع دماغ وتقلبهالي دراما ... عيزة تمشي مع السلامة

سارا:اوكي

سارة نزلت تحت .. قامت تتمشى في الشارع بدور على تاكسي عشان يرجعها الفندق... وبعد ما وقفت تاكسي اتفكرت ان شنطتها مش معاها ... ياربي انا شكلي نستها في السينما .. ما فيش حل الا اني ارجع تاني عشان اجيبها ... وبعدين افتكرت الشباب وخناقتها مع مريم ... فعشان كرامتها ما رضيتش ترجع تاخد الشنطة ... طب ايه الحل دلوقتي ... اعتقد ان الفندق بعيد .. اسأل مكانه فين واروح له مشي.
......

وفي مصر وتحديدا في شركة شوقي وصلاح .. كان شوقي في مكتبه بيفكر في بنته سارة اللي ما كلمهاش الا مرة واحدة ... وحشته قوووي ومشتقالها جداااا ... وهو سرحان .. كا في حد بيدق باب المكتب ففاق من السرحان اللي كان فيه .

شوقي : اتفضل .

تامر : السلام عليكم يا بو محمد .

شوقي وهو شايفه من ساعتين : اهلا يا تامر بتعمل ايه هنا انت مش عندك جامعة دلوقتي .

تامر : لاء انا عندي محضرات بليل .

شوقي : اكيد عايز حاجة عشان كدة جيت .

تامر بهزار : طبعا جي اطمن على فلوسي اللي انتوا بتشغلوها هههههه

شوقي : والله انا نفس اعرف انت امتى حتكبر وتعقل وتبقى راجل متحمل المسئولية وتبقى زي اخوك محمد وعبد الله .نفسي اعرف ايه اللي بيعجبك السرمحة في الشوارع مع الصيع اللي زيك .نفسى تركز كدة في مذكرتك .

تامر : ايه يا بابا المحاضرة الطويلة العريضة دي .... ليه الكلام دى كله .. كل دى عشان جيت اسلم عليك ... وادرس ايه دلوقتي ما فيش امتحانات لسة .

شوقي : اللي يسمعك كدة يقول انك اصلا بتذاكر اوقات الامتحانات .. اللي في سنك اتخرجوا من زمان .

تامر : انشاء الله حذاكر وحتفرح بابنك قريب .

شوقي : حشوف .. ما مرتش على اخوك محمد قبل ما تجيلي .

تامر : لاء طبعا لازم اجيلك انت الاول بعدين اطمن على الرعية هههههه .

شوقي : الكلام دى تضحك بيه على امك مش عليا .

تامر : مالك يا بابا النهاردة انت مش طايقلي كلمة ليه .

شوقي : لا ما فيش حاجة بس مضايق شوية ..حال عمك صلاح مش عجباني الايام دي .

تامر : عمي صلاح ... خير ماله

شوقي : هالك نفسه في الشغل مش عايز يرح نفسه وصحته ومش عايز يسمع كلامي .

تامر : سيبه على راحته يا بابا هو عارف مصلحته .

شوقى:على رايك يا ابني ... يالا بقى نروح عشان امك ما تتنرفزش علينا ههههههه.

تامر : انت خايف من ماما هههههههه.

شوقي بص لابنه بنظرة سكتته وما خلتهوش يتكلم كلمة واحدة .

وهما خارجين من المكتب لقوا عمر قدامهم كان شايل ورق لابوه لصلاح لانه كان عايزهم .

عمر وهو بيسلم على عمه شوقي : ازيم يا عمي ... شكلك خارج .

شوقي : ايوة يا نبي حروح الساعة بقت 4ونص .

عمر: مع الف سلامة وسلم على ام محمد .

شوقي : بقولك ايه يا عمر خلي بالك من ابوك دى بيهلك نفسه قوووي في الشغل .

عمر:ما تخافش يا عمي انا واخد بالي منه بس هي الفترة دي بس لغاية لما يرجع عبد العزيز بالسلامة .

ابتسم شوقي : انشاء الله يرجعوا بالسلامة .

عمر: ههههههههه شكلك كدة وحشك قوووي يا عمي ... كل دى عشان نسيبك امال انا رحت فين .

شوقي وحط ايده على كتف عمر : والله لو عندي بنت تانية انا ما كنتش اترددت وجوزتهالك ... انت عارف يا عمر انتوا كلكم عيالي ... انت في معزة محمد وعبد الله وتامر .

عمر: متكشر قوووي يا عمي على الشعور الطيب دى بس انا كفاية عليا مي بالدنيا كلها .

شوقي وهو عاقد حواجبه : ومين مي دي كمان .

تامر : ههههههه ايه يا بابا دي بنته .

شوقي : اه انا بحسب تعرف وحدة اسمها مي هههههههه

عمر بابتسامة : لا ماتخافش يا عمي ما فيش حد يقدر يملى مكان ام مي الله يرحمها .

شوقي حب يغير الموضوع : معلش يا بني اص انا جعان هههههه

تامر : وانت عارف يا عمر لو ابويا جاع محدش يقدر يقرب منه .

شوقي : ولا يا تامر لم لسانك .

عالطول سكت تامر وحس ان ابوه اتنرفز منه بجد .

شوقي : يالا يا عمر ما نعطلكش عن ابوك ... وزي ما وصتك يا بني خلي بالكم من ابوكم ولو عايزي حد يسد مكان عبد العزيز لغاية لماترجع تامر موجود .

تامر :ايه يابابا هو انا فاضي .

شوقي : مش انت لسة قايل ان ماعندكش امتحانات وما فيش مذاكرة دلوقتي .

عمر: هههههههه...ما تخافش يا تامر مش حنحتاجك .. انا ومحمد بنقوم بشغل عبد العزيز لغاية لما يرجع انشاء الله .

تامر وهو بيبص لعمر بنظرات شكر انه انقذه من الورطة اللي ابوه كان عايز يحطه فيها ...

شوقي : ربنا يوفقكم يا اولاد ويبارك فيكم انشاء الله .ماشي يابني مش عايز حاجة .. وسلم على الوالدة ومي .

عمر : شكرا يا عمي يوصل انشاء الله .

وخرج شوقي وابنه واحوا للبيت
عمر راح لابوه واعطاه الاواراق ولاحظ عليه انه بجد تعبان ... ولازم يروح البيت عشان يستريح وبعد مناقشات ومحاولات مع عمر وابوه استسلم صلاح لالحاح ا بنه ورجع للبيت لانه كان مرهق جدا .

وفي السيارة تامر ... اللي مشى السواق عشان هو اللي يوصل ابوه ....

تامر : شوف يابابا عايز اقولك حاجة وانشاء الله توافق .

شوقي : خير عايز ايه .. فلوس اعتقد اني محول لك في حسابك مبلغ مش صغير ..

تامر : لا يابابا مش ع ايز فلوس بس عايزك في موضوع كدة ..

شوقي : عايز ايه ...

تامر : اصحابي بعد ما يخلصوا امتحانات اخر السنة عايزين يروحوا جولة لاوروبا .... وكنت عايز اروح معاهم .

شوقي : ورايحين يعملوا ايه في اوروبا .

تامر : مش حيعملوا حاجة دي فسحة .... سياحة يعني .

شوقي : يعني هي ما ينفعش الفسح في بلدك ما هي مليانة سياحة ولا لازم السفر كل سنة

تامر : يابابا الجو هنا بيبقى حر في الصيف

وبعد مناقشات تامر مع ابوه عشان يقنعه بالسفر ... وافق شوقي ان ابنه يسافر ... وقالوا انت ما بقت صغير واعمل اللي انت عايزة
...
تامر وهو فرحان ومبسوط ان ابوه وافق : خلاص يلا بقى يا ابو محمد حولي مبلغ على الحساب عشان السفرية .

شوقي : وليه تاني ماانا لسة محولك ... هو انت ما بتشبعش ..

تامر : يا بابا انا عايز مبلغ يكفي .. تذاكر وفندق وفسح
.
تامر : يبه المبلغ ما يكفى ..تذاكر وفنادق ودنيا..

شوقي : خلاص امري لله .... بس بشرط ما فيش سفر الا لما ترجع اختك سارة .

تامر : طبعا يابابا فاضل على نهاية الامتحانات حوال يشهر واسبوع واكيد حتكون رجعت .

شوقي : ماشي ربنا يسهل انشاء الله .

وفي لندن .....

..عبدالعزيز الي كان يحس بالذنب لانه ساب سارة لوحودها ... انا حرجع بدري عشان خاطرها ... شاف موبيله لقى عليه 3 مكالمات من رقم غريب .. المهم انه رجع وكان نسفه انها ما تكونش اتغدت عشان يخرجها ويغديها .... لسة ما جتش الساعة 3 الا وهو وصل الفندق ... اول ما دخل الريسبشن بلغة ان المدام خرجت وسابت الرسالة انها حترجع قبل ما توصل .....عبدالعزيز وهو مستغرب وسأل العامل هي طلعت مع حد ولو لوحدها ...قاله موظف الريسبشن خرجت مع بنت زيها ...قام عبد العزيز يفكر مين اللي تعرفها سارة هنا .... بجد كان شايل همها ...ورجع للجناح واستناها وقال لما ترجع حعرف هي راحت فين .... وطول الوقت كان بيفكر فيها وشاغل همها راحت فين دي .... وجات الساعة 4 .... وبعدين الساعة 5 ولسة الهانم ما رجعتش .....اكيد حصلها حاجة ... والشيطان بدأ يلعب يلعب في عقله ...وقعد يكلم نفسه ... البنت دي امانة عندي .. وانا ما حفظتش عليها .. كان حاسس بالذنب انه سابها لوحدها ... يارب كنت اعمل ايه بس ... سارة ا ول مرة تسافر وما تعرفش الامكان اللي في لندن .... وهي لسة صغيرة .. و مالهاش تجارب وياترى مين البنت اللي خرجتمعاها دي ....مش عارف يعمل ايه يخرج يدور عليها ولا يستنى شوية ولا يعمل ايه بس ....... قعد يدور في الاوضة بتاعتهم عن اي ورقة او رقم تليفون هي كانت كتباها ......وسأل موظف الريسبشن عن مواصفات البنت اللي خرجت معاها مراته ...الساعة بقت 6 ولسة سارة ما وصلتش وعبدالعزيز قرب يجنن ومش عارف يعمل ايه ولا يتصرف ازاي .. ...يارب ما يكونش حصل حاجة وحشة لسارة ... حقول ايه لاهلها بس .. حقولهم اني سيبتها في شهر العسل ورحت اخلص شغل قعد على السرير .. وقعد يمرر ايدهعلى شعره بتوتر .. اول مرة يحس بالخوف بالشكل دى ...الساعة بقت 6 ونص .. وبعد ربع سارة الباب اتفتح ودخلت سارة ....
..................................................
ياترى ايه حيكون ردت فعل عبد العزيز لسارة ؟؟؟
وياترى ايه سبب تأخير سارة لغاية دلوقتي ؟؟؟

الحلقة ال13

بعد ما دخلت سارة الجناح ..قام عبدالعزيز على طول اول ما سمع الباب اتفتح . ولما شافها ... مش عارف يضحك انها بخير .... ولا يصرخ لانها اتأخرت وخرجت من غير اذنه .

سارا كانت خايفه وميته من الخوف .... ومش عارفة تقوله ايه .. كانت متأكدة ان عبد العزيز رجع وهي اتأخرت في الرجوع ... الساعة كانت 6 ومش عارفة تعمل ايه ولا تتصرف ازاي وكانت مرتبكة جدااااا .... وهي مش عارفة انه من بدري وهو هنا ..

عبدالعزيز وهو بيحاول يتحكم في اعصابه :انتي كنتي فين ... ممكن اعرف ؟؟

سارة كانت حاسة انها حتموت من التعب .... ومش قادرة تشرح لعبد العزيز سبب خروجها ... بس هو عايز يعرف هي خرجت مع مين وراحت فين .

سارا بتعب: خرجت مع صحبتي .

عبد العزيز : ما انا عارف انك خرجتي ... ومين صحبتك دي اللي خرجتي معاها .. وليه ما قلتليش اصلا انك حتطلعي .

سارة بسبب التعب ... ولانها كانت متنرفزة من الوضع ومصدومة في صحبتها .. ومن جوزها اللي سابها وراح يخلص شغل ...ودلوقتي جي يحاسبها .

سارا:اعتقد انك مالكش دعوة بيا ... وانا ما حققتش معاك وانت خارج .... يعني ما تحققش معايا بالطريقة دي .

هنا بقى عبد العزيز ما قدرش يمسك اعصابه ... ومسك دراعها جامد وشدها ..

عبدالعزيز: حسنى اسلوبك معايا فاهمه ..وكلمينى عدل ..كنتي فين

سارة دراعها وجعها ... وخايفة جدا من عبد العزيز .. لانه كان متنرفز على الاخر .... بس هي تعبانة جداااا ... ومش قادرة تتخانق ...

سارا: سيب ايدي

عبدالعزيز: مش حسيبها .... يالا ردي عليا ...

سارا: اااااااه سيب دراعي بقى وجعني ...لحسن والله مش حقولك

عبدالعزيز: حتتلكمي غصب عنك

عبد العزيز زعق فيها جامد .... وسارة خلاص قربت تعيط من شدة الالم اللي في دراعها وهي خلاص مش ناقصة .

عبدالعزيز: بقولك ايه انا روحي بقت في مراخيري .... وانت فاكرة ان الدموع اللي في عنيكي دي حتأثر فيها تبقى غلطانة .

سارا:انت مش انسان انت وحش ... بقولك سيب دراعي .

عبدالعزيز: ايوة انا وحش ... ومش حسيب ايدك

وجرها جامد وراه ورماها على الكنبة .. قعد جمبها وايديه لسة ماسكة دراعها .

عبدالعزيز: حتتلمي ولا ايه

سارا ساكته ولا حتى معبراه وشهها كله دموع ... وهي بتتكلم في سرها ( في اكتر من طريقة ممكن يتعامل معايا فيها ،،، ليه القسوة دي كلها ))

عبدالعزيز: سارة على فكرة انا مبهزرش .. اتكلمي احسنلك

سارا وصوتها كله عياط : انت وجعت دراعي قوووي ... سيبني بقى .

عبد العزيز حس انه شادد قوووي على دراعها ... راح ساب دراعها فجأءة ... اخد يتأمل اثار صوابعة على دراعها ...وسارة كانت تدلك مكان مسكتة وبتتكلم في سرها (( هول ليه بيعمل معايا كدة ايوة انا غلط بس الموضوع كله ما يحتاجش كل اللي هو عمله دى .... وانا ما اتأخرت الا ساعة عن معادة )) ... عبدالعزيز حس انه خلاص راسه حتنفجر ونسفه يموتها من برود اعصابها ... وبيتكلم في سره ( هي ليه مش عايزة تتكلم ... ليه مش عايزة تقولي هي كانت فين ))) ... وبعدين قام يمرر ايده على راسه بعصبية ... واخد نفس طويل
...
عبدالعزيز: ودلوقتي بقى ممكن تتكلمي

سارا: بقولك خرجت مع صحبتي

عبدالعزيز: وليه اصلا ما قلتليش انك حتخرجي ؟؟؟

سارا: اتصلت بيك بس انت ماردتش عليا ... وبعدين سيبتلك خبر في الرسبتشن...

عبدالعزيز: طيب خرجتي مع مين

سارا: مع صحبتي مريم

عبدالعزيز وهو عاقد حواجبه : اتعرفتي عليها امتى دي

سارا: دي صحبتي اللي شفناها في مادم توسودس...

عبدالعزيز رجعت له العصبيه تاني : طلعتى مع البنت دي ...اللي احنا شوفناها ...؟؟؟؟؟؟؟؟؟؟؟؟؟

سارا: ايوة ليه ؟؟؟

عبدالعزيز قام على طول: لا ولا حاجة ما فيهاش حاجة خالص ... ورحتوا فين بقى انشاء الله ؟؟؟

سارا وهي خايفه منه قوووي : رحنا تغدينا بس..

عبدالعزيز: لغاية الساعة 6 وانتوا بتتغدوا

سارا وهي مرتبكة : لا وكمان رحنا السينما

سارا ما حبتش تقوله اللي حصل هناك ...

عبدالعزيز: طيب لما حسيتي انك حتتأخري ليه تنازلتيش شوية على نفسك واتصلت بيا ... ولا انا مش على البال اصلا .

سارة بعد ما سمعت الكلام دى عبد العزيز سرحت ...وقالت في سرها ((( انا كانت فعلا ناوية اتصل بيه لما خرجت من الوايت ديزني بس هي كانت ناسية شنطتها اللي فيها الفلوس .. وما قدرتش ترجع .. وفضلت ماشية في الشوارع وهي ميتة من الخوف ... ومش عارفة تتصرف ازاي .. ايوة هي بتتلكم انجليزي .. ما بتحبش الغرب .. وخافت تسأل واحد يقوم يلعب عليها ويعملها حاجة ..لانها غريبة عن البلد ..وبعد فترة شافت عيلة مكونة من اب وام واولادهم .. وحست براحة نفسية لما شافتهم .. الام كانت منقبة والاب كان بدقن ..يعني حست انها عيلة عارفة ربنا .. وراحت للام وهي مكسوفة .. بعد ما سلمت عليها قالت لها ممكن توصيليني للفندق .. والعيلة طلعت مصرية .. وما قصروش معاها وساعدوها لغاية لما وصلت للفندق .. عشان كدة اتأخرت ,, وخافت تقول لعبد العزيز كل اللي حصل عشان ما يترفزش عليا اكتر ما هو متنرفز ))...

وفاقت سارة من السرحان ..سارا: ااااه اصل شنطتي ضاعت

عبدالعزيز: ازاي ضاعت يعني

سارا: شكلي كدة نستها في السينما .. بس ما فيهاش حاجة مهمة ..

عبدالعزيز: طيب صحبتك ماعندهاش تليفون ...

سارا: طبعا معاها بس انا اتكسفت اني اطلب منها .

كانت فعلا تعبانة ... وحاسة انها مخنوقة جداااا...وعبد العزيز مش سهل عليه الموضوع

عبدالعزيز: يعنى انا مش مهم ..اتفلق اقول ياترى يا هل ترى .. عشان الهانم مكسوفة تطلب من صحبتها التليفون تتطمن اللي قاعد في الفندق هناااا.

سارا:كفاية بقى يا عبد العزيز ما ليش نفس اتكلم ممكن نأجل الكلام لبكرة .. انا تعبانة قوووي

عبد العزيز اتنرفز اكتر .....

عبدالعزيز:انت باردة جداااا .. ومش حاسة باي مسؤولية ..مش انتي اللي تقوليلي كفاية ... والله يا سارة لو اللي حصل النهاردة اتكرر تاني ... والله لاارجعك على مصر على اول طيارة وعلى بيت اهلك عالطول فااااااهمة

.
سارا ماكانتش متوقعة انه يقول الكلام ده ... قامت من الكنبة بسرعة ...

سارا: ومين قالك اني مش عايزة ارجع بلدي ... روح احجزلي ... اصلا انا نفسي ارجع النهاردة قبل بكرة ..اوعى تفتكر اني مبسوطة هنا ... لا تبقى غلطان

عبدالعزيز: سارة ماترفزنيش اكتر ماانا متنرفز اعقلي يا سارة ..

سارا : انا برضه اللي اعقل .. ما تشوف نفسك انت الاول .. دى انا من ساعة ما دخلت من بره وانت نازل فيا اهانة وتجريح واشوية وتضربني .....حرام عليك والله حرام ..

وترجع تقعد على الكنبة تاني وتعيط ...

سارا: انا احلامى تحطمت .... اناعارفة انك ما بتحبنيش ومستحملني غصب عنك ... بس انا ذنبي ايه .. انت الراجل .. انت اللي اتقدمتلي .. لو ما كنتش عايزنى ليه تجوزتني اصلا .. انت ما اقدرش اقول لابويا لالالا لو قالي حتتجوزي فلان .. بس انت الراجل ممكن تقول لابوك لالالا ليه ما قلتش ...ليه تعذبني .. انت سيبتي لوحدي .. ومريم جات هنا الفندق ...انا ما كنتش ناوية اخرج اصلا بس هي اصرت .. قلتلها كلها ساعة ارجع .. بس اعمل ايه ... التأخير كان غصب عني .. والله حرام .. مريم طلعت خاينة وانت كمان .. كلكم سيبتوني لوحدي ... ايوة يا عبد العزيز انا عايزة ارجع مصر ..على الاقل حوليا ابويا وامي واخواتي ... مش حقعد مع حد مش عايزني

عبدالعزيز كان بيسمع كلامها وهو مصدوم ... عرفت ازاي اني كنت مغصوب على الجواز منها .. انا حاولت اني ما اقصرش معها الايام اللي فاتت .. وليه تقول عني خاين .. عشان سيبتها .. بس انا كان عندي شغل .. قعد جمبها .. حط ايده على كتفها .. سارة بعدت عنه ورفعت وشهها اللي كله دموع
...
سارا:ماتلمسنيش ... مش عايزة شفقة من حد ...انا كرمتي انجرحت ... لو كنت مش عايزين طلقني ...

ودخلت الاوضة وقفلت الباب وراها ... رمت نفسها على السرير وقامت تعيط .. فعلا ان ردت فعالها كان مبالغة قوي فيها بس اللي شفته مش شوية ... يعني صحبتها مريم من جهة وهو كمان من جهة تانية ...واللي عمله الشباب كمان من جهة تالتة ...حسيت انها نفسها تكلم امها او ميرنا .. بس امها حتزعقلها علشان خرجت من غير اذن جوزها .. ومش حتكون في صفها ... وميرنا كمان حتكون في صف اخوها .. لاني انا اللي غلطانة .... انا ليا مين في الدنيا دي يا ربي ...ليه عبد العزيز ليه ما بتحبنش .. ليه سبتني لوحدي .. ليه .. وفضلت تعيط لغاية لما نامت ............

عبد العزيز لغاية دلوقتي مش مستوعب الموضوع وليه هي خرجت اصلا ...واستغرب من انفجارها والكلام اللي قالته .. واستغرب كمان انها جابت سيرة الطلاق ... وهو اصلا ما كانش بيفكر في الموضوع دى اصلا ... دلوقتي هي اللي غلطانة قلبت الغلط عليا انا .. وليه بتعيط لحسن يكون حصلها حاجة وهي برة ومرضيتش تقولي ... وانا عالطول اتنرفزت عليها .. خليني اسيبها لغاية لما تهدى وبعدين حكلمها ..

بعد حوالي ساعتين عبد العزيز دخل الاوضة .. لقى سارة نايمة على السرير وهي بلبسها .. قرب منها ... وقام يتأمل وشها .. اللي كان كله دموع ولسة عليها دموع ... صعبت عليه قووووي .. قعد على الكرسي المقابل ليها وقعد يبصلها .. وهو بيحس باحساس غريب اول مرة في حياته يحسه ..حس انه نفسه يهديها .. ويطمنها وان الموضوع خلاص انتهى .. وماتشيلش هم وانه حيحسسها بالسعادة اللي هي مفتقداها معاه ... بعد فترة النوم غلب عليه ... ونام على الكرسي اللي هو قاعد عليه ....

سارة كانت حاسة بصداع فظيع .. فتحت عنيها ولقيت الاوضة ظالمة ... يعني احنا دلوقتي بليل .. انا ليه نايمة بهدومي .. افتكرت كل اللي حصل .. لفت على الجهة التانية مالقتش عبد العزيز نايم على السرير وما شافتهوش اصلا ... معقول للدراجتي مش قادر يستحملني ..... هو فين دلوقتي الساعة كانت 3 ونص الفجر ... اكيد نايم في الصالة .. قامت وهي بتحس بالم جامد جدااا في راسها ...الا وتسمع صوت حد بيتنفس .. وشافت خيال حد نايم على الكرسي .... اكيد دى عبد العزيز .. بس هو ايه اللي منيمه هنا ... اكيد مش مرتاح في النومة هنا ومش عايز ينام جمبي اصلا .. واستغربت من نومته على الكرسي .. ودخلت الحمام ... شافت شكلها في المرايا كان شكلها فظيع ...عنيها اتنفخت من العياط ....غسلت وشها وغيرت هدومها .. وخرجت البلكونة كان الجو روعة مع انه ساقع شوية وقعدت تتأمل في الشارع .....واللي راح واللي جاي ..ماكانش في ناس كتيير ..وسرحت وافتكرت اللي حص انبارح ... والخناقة اللي حصلت مع عبدالعزيز .. وقررت لما يصحى عبد العزيز تقوله نرجع مصر ... وخصوصا بعد ماقالها اني حوديكي لبيت اهلك ...اكيد بيكرهني قوووي والا ما كانش قالي الكلام دى .. نزلت دمعة من عنيها ...

عبدالعزيز قلق وصحي ما لقاش سارة على السرير .. دور عليها لقاها في البلكونه ..كان الهوا بيلعب بشعرها ويطيره هو وقميصها الابيض الطويل... كانها ملاك ... طلع البلكونة ووقف جمبها ..وقام يتامل معها الشارع

عبدالعزيز حط ايده على كتفها : ايه اللي مطلعك برة .. الجو برد عليكي .

سارة ما ردتش عليه لانها زعلانة منه .

عبدالعزيز: مش جعانة .

سارا: لا

ولفت وسابته ودخلت جوة .. كانت عايزة توضحله انها زعلانة منه لغاية دلوقتي ....... عبدالعزيز ماهتمش وبيقول في نفسه (( انا استاهل المفروض اخليها ولا اكلمها .. والهانم بتتدلع عليا يعني مش كفاية انها غلطانة لا وكمان عاملة نفسها زعلانة )))... دخل وراها .. ومش لقيها ...سارا دخلت تستحمى .. كان نفسها تفضل قاعدة في الحمام ولا تشوف وشه ..

واول ما خلصت وطلعت من الحمام لقت عبد العزيز قاعد على السرير ومغمض عنيه ...واضح انه نام ..ما كلمتهوش وخرجت من الاوضة ... فتحت التلاجة تشوف حاجة تاكلها لانها كان جعانة قووووي ... من ساعة الغدا ما كلتش حاجة .. لقيت بسكوت وبيبسي ...... وراحت قعدت على الكنبة ..... وهي بتاكل بتتصفح المجلة .....وبعد تقريبا نص ساعه ..دخل وقت الفجر ... قامت عشان تصلى . دخلت الاوضة وهي تتمنى انه تلاقيه نايم عشان تصلي براحتها .. لقيته على الوضع اللي سابته عليه .. خدت سجادة الصلاة وصلت ..

عبد العزيز ما كانش نايم .. كان مضايق ويحس انه شوية وحينفجر في وشها .. وكان نفسه يقولها تعدل اسلوب كلامها معاه ... فتح عنيه لقاها بتصلي .. عرف ان وقت صلاة الفجر دخل ... قام ودخل الحمام عشان يتوضى ويصلي .. سارة خلصت صلاة .....طلعت للصاله وخصوصا انها شعبانه نوم ... حست بملل..نفسها ترجع لاهلها دلوقتي .. او تعمل اي حاجة .. ماعندهاش حاجة تعملها ..... حست بعدالعزيز وهو خارج من الحمام وعرفت انه راح يصلي ...استنته يطلع من الاوضة عشان تكلمه ... بس ما طلعش مش معقول نام تاني ما هو لسة قايم من النوم بجد انسان ممل وبارد وعندهوش احساس ...ما فيش حد بيعمل كدة ... يعني بعد كل اللي الكلام اللي انا قلته دى ومش مهتم ومش مأثر فيه .. خدت القران وقعدت تقرا فيه احسن من القاعدة اللي مالهاش فايدة ..

......
الساعه بقت 9الصبح ..صحي عبدالعزيز.. لانه نام بعد ما صلى الفجر عالطول ... لف الجهة التانية ما لقاش سارة .. قعد يقول البنت دي دماغها ناشفة قوووي ..خرج الصالة لقاها بتقرا قران بصوت تخشع له القلوب بالغصب ..... كان صوتها ناعم وترتيلها يجنن ... سارا حست فيه بس ما حبتش تقطع قرايتها ..عبدالعزيز استناها لغاية لما تسكت ..بس هي ما سكتتش ...

عبدالعزيز: سارا

حست انها مهما كان لازم ترد عليه ... قامت قفلت المصحف ولفت عليه من غير ما تتكلم..

عبدالعزيز: يالا قومي البسي عشان حنزل افطر ..

سارا: مش عايزة خلاص فطرت ... وبصت لصنية الاكل اللي كانت موجودة عند الباب .

اتنرفز اكتر منها .. مش للدراجاتي ... سكت وكتم في نفسه وقال في سره انا حوريها .. والله لاخليها تندم على تصرفاتك دي يا سارة ..... ومن غير ما يعبرها او حتى يرد عليها خرج من الجناح ونزل تحت ...سارا حست بغلطها .. بس هي كانت جعانة ..وما قدرتش تصبر لغاية لما هو يصحى ... وخافت تنزل تحت ويزعقلها ... هو ليه زعل ... انا شايفة ان الموضوع عادي ... بعد ما طلع راحت لاوضه عشان تلبس ...لبست لها جيبة بيج طويله وفيها كاروهات بني وسوده ودرجات البيج والبني... ومعها بلوزه بني نص كم ... ورفعت شعرها ونزلت منه خصل على وجهها ... كان شكلها روعه ...

بعد ما خلص عبدالعزيز الفطور.. قرر انه خلاص يطبق اول الدروس الي راح يعطيها لسارا ويعلمها ازاي تتعامل معاه ... اول ماراح فوق مع انه انبهر بجمالها ..ما بينش طبعا انه انبهر بيها ..ودخل الاوضة واخد الجاكيت بتاعه عشان الجو كان برد ..ولف عليها وبيكلمه بغرور ....

عبدالعزيز: انا خارج ... قدامك خمس دقايق لو ما جهزتيش انا حخرج واسيبك .

وطلع من الاوضة ... سارة الي ما كانتش مستوعبة اللي قاله ...ايوة هي زعلانة وغلطانة .. بس ليه بيكلمني بالطريقة دي ...كل ده عشان انا فطرت قبله ..كان نفسها تخرج وخصوصا انها زهقت من القعدة هنا من الصبح ...خليه يخرج يعني انا حموت لو ما طلعتش ... عشان يعرف يكلمني عدل بعد كدة .. وقعدت على الكنبة بكل عصبية .. وكان نفسها تكلم اهلها بس ماعندهاش موبيل ..]

تسلم ايدك يا سوسو
حلو قوى القصه
كملى يله

الحلقة ال14

عبدالعزيز كان متأكد انها مش حتيجي وراه ... خرج وراح كافي وقعد يشرب قهو وهو بيفكر في حاله .. خطرت في باله ان سارة تعمل زي انبارح تخرج تاني من وراه .... والله لومعاملتها تاني حتشوف مني اللي عمرها ما شافته ...بس اعتقد انها مش حتعملها تاتي ... افتكر ان صحبه حمد بيدرس هنا في جامعه اكسفورد ... وعلى طول اتصل بيه ..

احمد: الوو

عبدالعزيز: السلام عليكم..

احمد: وعليكم السلام ... اهلا مين معايا

عبدالعزيز: ازيك يا حمد عامل ايه انا عبد العزيز

احمد: اهلا اهلا بالغالي ... من زمان ماحدش سمع صوتك .

عبدالعزيز:ايوة والله ... بقولك ايه يا حمد انت مشغول دلوقتي .

احمد: لا ليه خير في حاجة

عبدالعزيز: لا ما فيش حاجة بس كنت عايز اشوفك لو فاضي ؟؟

احمد:اوعى تقولي انك في لندن .

عبدالعزيز: هههههههههههه ... ايوة انا في لندن

احمد: طبعا انا فاضي ولو حتى مش فاضي افضيلك نفسي يا سيدي .. قولي انت فين بس وانا اجيلك عالطول .

عبدالعزيز: انا في اجور رود..بستار بوكس...

احمد :طيب كويس وانا قريب منك ربع ساعة واكون عندك انشاء الله .

عبدالعزيز: وانا مستنيك ... مع السلامة .

احمد: مع السلامه ..

سارا في اوضتها في الفندق .. حتموت من الغيظ .. وقررت انها تنرفز عبد العزيز زي ما هو منرفزها .. لو كان هو بارد انا ابرد منه لالالا دى انا فريزر ... بعد ما زهقت من اقعدتها .. نزلت تحت عند حمام السباحه ... واخدت معاها قصة جايباها معاها من مصر

جيه احمد وسلم على عبد العزيز وقعدوا شوية في الكافي ... وكل واحد قعد يعرف اخبار التاني ...

احمد: وعمر ماجاش معاك ليه ..

عبدالعزيز: لالالالالا ما ينفعش عمر يجي معايا ...هههههه

احمد : ليه ما ينفعش .... هو انت مش جاي مع اهلك ولا جاي لوحدك ... زيارة عمل يعني

..
عبدالعزيز: لا انا جي مع مراتي .....(وابتسم)

احمد: بتتكلم بجد

عبدالعزيز: ههههههههههههه طبعا بتكلم بجد

احمد: ياااااااه فين عبد العزيز بتاع زمان اللي كان بيقول مستحيل اتجوز ... بس على العموم مبروك ...ومرحبا بيك في القفص الذهبي .

عبدالعزيز: الله يبارك فيك ....ووعقبالك..

احمد: ههههههه ايه عقبالي دي انت ناسي اني متجوز كم 5 سنين ... والله كأنهم 20 سنة .

عبدالعزيز: لالالالالا قصدي الثانيه انشالله..

احمد: هههههههههه هو اللي يتجوز يفكر في الجواز تاني اصلا ...

عبدالعزيز: اه والله معاك حق هو احنا قدرين على واحدة عشان يبقوا اتنين .

احمد: دى وانت لسة متجوز ما بقالكش اسبوع وبتقول كدة امال لما تكمل شهر حيحصلك ايه حتنتحر بقى ...

عبدالعزيز: اه ربنا يستر

احمد: ههههههههه ... طيب حد برضه يسيب عروسته ويقعد لوحده .

عبدالعزيز: مالهاش نفس تطلع .. قلت اطلعانا احسن زهقت من الحيط اللي انا بكلمه .

احمد: ههههههههه ..طيب يالا خلينا نروح نتغدى .. عايز تتغدى فين .

عبدالعزيز: قد كلمتك ..اي مطعم اختاره يعني ...

احمد: هههههههه بقولك ايه ما تستغلش الظروف اختار مطعم معقول ...

عبدالعزيز: ههههههههه اوكي

................................
وفي مصر ....

عبدالله اخو سارة خسر النهاردة مبلغ كبير جدااا ... في المشروع اللي كان حاطط فيه اكتر فلوسة .... كان محتار مش عارف يعمل ايه ...رجع البيت وهو مضايق جدااااا اول ما شاف مها على الغدى حست ان عبد الله مش طبيعي ... بس ما حبتش تتكلم عشان حماتها ام محمد ماتحسش بحاجة ...وبعد ما خلصواالغدا وطلعوا اوضتهم ... مها قصدت انهاتخلي ابنها يوسف مع الخدامة ... وشافت جوزها قاعد على السرير وحاططت ايده على راسه
.
قعدت جمبه بحنية وبكل هدوء ..

مها: عبدالله مالك شكلك مش طبيعي

ماردش عليها ...

مها: عبدالله رد علي وما تقلقنيش اكتر من كدة

عبدالله: ما فيش حاجة سيبينى لوحدي

مها: هو ايه اللي ما فيش حاجة ما تشوف نفسك ...

عبدالله: مها عشان خطري سيبني لوحدي دلوقتي ... مش عايز اتلكم مع حد ...

مها: بس عبدالله؟

عبدالله: فين يوسف سايباه لوحده ليه .

مها: تحت مع الخدامه..

عبدالله بعصبيه مالهاش داعي : انا كم مره قلتلك مع تسيبيش الولد مع الخدامة ابدا ..

مها: بس طنط تحت يعني مش لوحده

عبدالله: حتى لو امى برضه معاهم ... عيالنا احنا المسؤولين عنهم فاهمة .

مها: طيب ولا يهمك بس انت لا ما تتنرفزش ...

اهدى كدة وصلي على النبي ومالهاش لزمة العصبية دي .

عبدالله: اسف يا مها ... بس انا مضايق شوية ...

مها: ليه هو عمى كلمك مره ثانيه بالنسبه للشغل معاه في الشركه...؟؟؟

عبدالله: لا خلاص ابويا ياس من الكلام في الموضوع ده ...

مها: طيب مالك في ايه ...

عبدالله مرر اديه على راسه : خلاص يا مها انا ضعت ... كل حاجة ضاعت ...

مها: ايه اللي ضاع لسمح الله ؟

عبداللله: انا خسرت كل حاجة ...حطيت كل فلوسى في المشروع الجديد بتاع السيارات الي قلتلك عليه ..والمشروع خسر ...وخسرت معه كل حاجة ..وفوق دى كمان ديون المساهمين.

مها حطت ايدها على صدرها لما سمعت الخبر ... بجد مصيبة .

مها: وناوي تعمل ايه ؟

عبدالله: والله مش عارف

مها:ما تقولش لعمي ..

عبدالله : انت عايزاه يتشمت فيا لالالالاء طبعا مش حقوله ...

مها: لالالاء طبعا .. انت بتقول ايه .. هو ابوك برضه حيتشمت في ابنه .

عبدالله: مش قصدي ... بس انتي عارفة اني اشتغلت من غير رضاه .. وحيقولي ماانا قلتلك من الاول وانت ما سمعتش كلامي ...

مها: طيب ومحمد؟؟

عبدالله: لا محمد ما ينفعش اصلا هو ما بيخبيش على بابا اي حاجة ... ومافيش في ايده حاجة يقدر يعملها ...وما حدش يقدر يساعدني الا ابويا .

مها: طيب حتعمل ايه

عبدالله: قلتلك ما عرفش انتي ما بتفهميش

مها: طيب خلاص ما تتنرفزش

عبدالله : ازاي عايزاني ما اتنرفزش

مها : حنزل احيبلك عصير ليمون يهدي اعصابك .. انت ما تشيلش هم بس وربنا حيفرجها من عنده انشاء الله .

وجات وبسته على جبينه ونزلت تحت جابت ابنها وجابتله عصير ... وطلعت لجوزها في الجناح بتاعهم .

وفي لندن ...

الساعه بقت 4 العصر ..وعبدالعزيز لسة ماجاش .... ياترى راح فين ... قعدت تتمشى في الاوضة ... وهي لسة ماتغددتش لغاية دلوقتي .. خافت تتغدى ويجي تتنرفز عليها زي ما حصل على الفطار ... ويعد حوال يساعة دخل عبد العزيز ولقاها بتتفرج على التليفزيون ... ومن غير ما يكلمها دخل الاوضة ... يمعت صوت الماية من الحمام ... عرفت انه بيستحمى ...وبعد ما خلص طلع على الصالة وراح عندها وقعد جمبها ... واخد منها الريموت وقعد يقلب في المحطات .. وقعدوا فترة ساكتين وما بيكلموش بعض ..

عبدالعزيز:بقولك ايه ياسارة جهزي شنطك عشان حنسافر بكرة حنرجع مصر ..

سارة لما سمعت الكلام ده نسيت ا نها زعلانة ولفت عليه ...

سارا: ليه...

عبدالعزيز وهورافع حاجب: مش ده اللي انت عايزاه .. بكرة انشاء الله حنسافر ..

سارا الي انفجعت وبتتلكم في سرها ....(( معقوله معقوله حنرجع مصر ومابقلناش اسبوع ... الناس حتقول علينا ايه ... اوعى يكون حيطلقني ...بس انا استاهل عشان كل اللي انا عملته ))) قامت وبصوت ضعيف ...

سارا: انشالله حروح دلوقتي اجهز الشنطة

عبدالعزيز: وما تنسيش تجهزي شنطتي معاكي

سارا لفت عليه: عايزني اجهز شنطتك

عبدالعزيز: ايوة امال انتي بس اللي حتسافري ولا ايه

سارا اتغاظت منه بس ماتقدرش تتكلم ولا كلمة .

سارا: طيب

عبدالعزيز: ادوات الحلاقه الي في الحمام لا تلمسينهم انا الي حجهزهم...

سارا: طيب

وراحت لاوضتها وهي بتضغط على اسنانها .. قامت تجهز الشنط .. وقعدت تفكر ليه بيعاملني كدة .... لو كان عايزني اجهزله شنطته يطلبها مني بطريقة احسنم نكدة ...مش باسلوب الناهي والامر ... كأني الخدامة بتاعته ... بجد انسان مستفز ....وقعد الشيطان يوسسلها بافكار وحشة ... طيب انا جعانة دلوقتي ... ...مش عايزة اقوله ... ومش عايزة اطلب قدامه عشان ما يفتكرش اني كنت مستنياه ...يووووه ... طب دلوقتي لو رجعنا مصر .. حيوديني بيت اهلي ... طب الناس حيقولوا ايه ... ايوة انا طلبت منه اننا نرجع بس ما كانش قصدي ...انا لازم اكلمه دلوقتي واقوله اننا نأجل السفر ...على الاقل اسبوع .. واصلا ما مرش على جوازنا الا اسبوع وكل المشاكل دي طلعت .. المال لما نكلم سنة ... ايه اللي حيحصل .... كل دى منه اصلا هو ما بيعرفش يتعامل ... قفلت الشنط بعد ما جهزتها ...... وافتركت انها لسة ما خلصتش شرى الهدايا ... خلاص حكملها من الطيارة ..قعدت على السرير عايزة تروح وتقعد معاه ..قعدت تتفرج على التلفزيون اللي في اوضة النوم لغاية لما نامت ...

تأخرت سارة على عبد العزيز وما طلعتش من الاوضة ... قال خليني اروح واشوفها .. ولما دخل لقاها نايمة .. استغرب لس الساعة 5 ونص العصر .. بس هي مانمتش من الفجر ... ولما لقاها نايمة نزل قعد تحت في الريسبشن .... سارة صحيت بعد ساعتين ومالقيتش حد في الجناح ... اتنرفزت اكتر .... سابني تاني ... هو ليه بيعاملني بالطريقة دي ...هو عايز ايه بالظبط ...يوووووه .... انا حعمل ايه دلوقتي ...خليه هو حر ...وهي في قمة العصبية ... فتح عبد العزيز الباب ... واول ما سمعت سارة صوت الباب عالطول دخلت الحمام عشان تظبط نفسها ... وما يعرفش انها لسة صاحية ... واول ما طلعت من الحمام لقيته قاعد على السرير ..

عبدالعزيز: كويس انك صحيتي ... كنت حروح اتعشى من غيرك .

سارا اتغاظت يعني ايه كنت حروح اتعشى من غيرك يعني انا اللي حموت عليه .

سارا: وليه ما رحتش اصلا انا شبعانة

عبدالعزيز: ما حبتش اتعشى لوحدي .. بس لو كنتي شبعانة براحتك انا حطلب ليا ..

سارا : اعمل اللي انت عايزة

وخرجت من الاوضة ... قام عبد العزيز اتأكد من انها ميتة من الجوع فطلب اكل لشخصين ... بعد حوالي نص ساعة كان الاول وصل ..بدأ بطن سارة يطلع اصوات من كتر الجوع وخصوصا انها ما تغددتش ... ومش عايزة تاكل وتهين نفسها قدامه ..قامت تكابر وتشوفه وهو بياكل ولا همه... عبد العزيز كان حاسس فيها وقال خليهاعلى راحتها انا مامنعتهاش انها تاكل لو جعانة تيجي ...وبعد ما خلص ,,, قام ودخل الاوضة ... كان الوضع ممل للاثنين وكل واد يبين للتاني عدم الاهتمام ....... عبدالعزيز مطنش سارا مكابرة ... بعد ما دخل عبد العزيز الاوضة ... قعدت تشوف الاكل اللي فاضل اكتر من نصه وهي عايزة تاكل وخايفة ان عبد العزيز يشوفها....قامت فتحت التلفزيون وطلبت لها فيلم من الافلام المعروضه .....بعد ماخلص الفيلم الي كان بايخ جدا ومش عجبها بس هي اتفجرت عليه عند ويبقى حجة عشان ما تدخلش الا وضة

ولما دخلت الاوضة لقيت الاوضة ضلمة وعرفت ان عبد العزيز خلاص نام .. لغاية امتى حيعاملني بالطريقة دي كأني حاجة نكرة ومالهاش لزمة ... والله حرام عليه ..وحست انها حتعيط خلاص .. وحست انها مخنوقة .. فردت نفسها على السرير وحاولت تنام .. بس ما قدرتش من الافكار اللي مسيطرة على عقلها ... وعمالة تفكر في معاملة عبدالعزيز ليها ... وفي سفر بكرة كمان ايوة انا عايزة اشوف اهلي لانهم وحشوني قوووي وفي نفس الوقت مش عايزة اروح بالطريقة دي ... وقعدت تعيط بصوت واطي عشان ما يسعهاش عبد ا لعزيز ويصحى ...

عبدالعزيز الي كان فارد برضه نفسه على السرير ومش نايم وحاسس بسارة من اول ما دخلت وكان سامع عياطها .. وكان نفسه يهديها بس هي ما تستاهلش ...عشان تعرف مين الراجل هنا ومين اللي كلمته بتمشي ... وخليها تتأدب وتعرف ازاي تكلمني ...لف للجهة اللي فيها سارة .. وسارة تجمدت في مكانها .. كانت فاكرة انه صحي ... وما تعرفش انه اصلا ما نامش ... ووقفت عن العياط .. وارتاحت لما شافته لسة نايم وما صحيش ...حاولت تنام مرة تانية بس ما قدرتش .......

عبدالعزيز: لو مش عايزة تنامي قومي بدل الحركة اللي عمالة تتحركيها كدة على السرير

سارا هو عايز ايه ده .. هو ايه اللي قومي اصلا ...

سارا: اسفه بس حرانه...

عبدالعزيز: حرانة ومتغطية بالبطانية ديه ... شيليها من عليكي وحتبردي وبعدين تتغطي بيها تاني ...

سارا: لا خلاص ..

عبدالعزيز : طيب خلصنا .. وبطلي حركة خلي غيرك ينام ...

سارا: انت ليه بتكلمنى بالطريقة دي ...

عبدالعزيز: سارة الله يخليكي ماليش نفس اتكلم لما نصحى بكرة انشاء الله قولي اللي انتي عايزاه .

سارا اتغاظت من كلامة بجد ... هو ليه كدة وقامت من السرير وراحت عالطول على البلكونة ... حسيت ا نها مش قادرة تستحمل ودموعها مش عايزة تقف ..انا حياتي بقت عذاب ... عبدالعزيز حس انه زودها قوووي معاها ...والانتقام زاد قوووي .. واصلا هي لسة صغيرة ودلوعة والمفروض اراعيها شوية .. وواضح انها ما كانتش عايزة تتجوزني وان الموضوع مش سهل عليها ... ياربي ايه اللي حيحصل لابويا لما يعرف بخلافتنا انا وسارة .. انا خايف عليه من الصدمة .. اخاف يحصله حاجة... قام عبد العزيز من السرير وراح للبلكونة ..

سارة حست باديه على كتفها وبيططب عليها ... نزلت راسها ودموعها ماليا وشها .. قام عبد العزيز ورفع وشهها بايده وايده التانية لسة بططب عليها .. مسح دموعها باديه ... وقعدت فترة سرحانة في عين عبد العزيز وهو كمان

عبدالعزيز: انتي ما تبقيش حساسة على كل حاجة تعيطي ...

هنا سارة بدأت ترجتف مرة تانية لما سمعته وهو بيكلمها بحنية ... وما قدرتش تمنع دموعها تنزل من جديد .. وبجد صعبت عليه قوووي ...

عبدالعزيز:خلاص ياسارة ما ينفعش كدة على اي حاجة تعيطي .. يعني العياط دى كله عشان قلتلك ما تتحركيش ... خلاص يا ستي اتحركي براحتك ...ولا يهمك طظ فيا وقعد يبتسم ..

سارا: وهي بتبتسم وهي بتعيط

عبدالعزيز: طيب ليه بتعطي دلوقتي

سارا وهي لسة بتعيط : بس.......

عبدالعزيز ماقدرش يمسك نفسه قام وحضنها ... واخذ يهديها ...سارة من غير قصد حضنته جامد كأنه حبل النجاة اللي بدور عليه من زمان ... كانت نفسها تحس بالحنان دى من زمان ......عياطها زاد ...عبد العزيز كان بيمر ايده على راسها وظهره ويحاول يهديها ..... بعد ما هديت استوعب سارة الموقف ... استوعبت سارا الموقف وعلى طول انسحبت من بين اديه ووشها احمر ... اول ما شافهاعبد العزيز اللي عملته قعد يضحك بصوت عالي ..

عبدالعزيز: ياااااااه كل دى كسوف مني

سارة اللي كانت لسة ماكسوفة ..

عبدالعزيز وهو يبتسم لها بحنان: ما تتكسفيش على فكرة انا مش غريب انا جوزك ... يالا ندخل بقى جوة عشان الدنيا برد والبيجامة اللي انتي لابساها خفيفة .... يالا ادخلي عشان ما تبرديش
.....
ومسكها من ايده ودخلها جوة .. كانت تحس براحة غريبة ... الحمد لله عبد العزيز صالحها ...

عبدالعزيز: خلاص من الليلة حتبقي مراتي بمعنى الكلمة ..

الحلقة ال15

عبدالعزيز: سارة يالا اصحي بقى ... اتأخرنا قوي في النوم ..

سارا: امممم ...عايزة اناااااام

وغطت وشها بالبطانيه ...ابتسم عبدالعزيز من حركتها الطفوليه ..وسحب البطانيه منها جامد....
على طول تقوم سارة واول ما فتحت عنيها لقيت عبد العزيز قدامها احمر وشها وسحبت البطانية من جديد .

عبدالعزيز: يالا بقى ياسارة بطلي دلع ...

سارا: هي الساعة كام دلوقتي ؟؟

عبدالعزيز: الساعة 11 ونص الظهر...

سارا: ياااااه دى انا نمت كتير قووووي

عبدالعزيز ببتسامه ملتويه :لا انت ما نمتيش كتير ولا حاجة انت ناسية ان انبارح ما نمتيش الا بعد الفجر ...

احمر وش سارا مره ثانيه وقامت على طول وراحت للحمام ....

عبدالعزيز قام يضحك ..حلوة قوووي لما بتكون مكسوفة ... عبد العزيز صاحي من الساعة 9 الصبح وكان طول ما هو صاحي كان يتأمل وش سارة ... بدأ شعور الاعجاب والانبهار يظهروا على عبد العزيز .. وفسر الشعور ده على اساس انه عطف منه مش حاجة تاني ..

لانها صعبت عليه اليومين اللي فاتوا ... خرجت سارة من الحمام وشعرها على كتفها .. كان شكلها حلو قوووووي ...

سارا: انت فطرت يا عبد العزيز ؟؟

عبدالعزيز بابتسامه : لاء مستنيكي

سارا: يووه اكيد فطار الفندق خلص موعده دلوقتي

عبدلعزيز: عادي نقوله يجبولنا الفطار لغاية الجناح هنا

سارا: عادي يعني ؟؟؟

عبدالعزيز: اكيد طبعا عادي ... انت عايزة حاجة غير كدة ؟؟

سارا: مش عارفة المهم اني جعانة جدااااااا

عبدالعزيز: اممم اوكي...

وراح للتليفون وطلب لهم فطار وعصير ...

بعد ما جيه الفطار .. سارة ما اكلتش الا قطعة توست محمصة ودهنتها زبدة ... وشربت معاها عصير ...

عبدالعزيز: دا اللي جعانة ... حموت من الجوع ... هي دي العينات اللي انت بتكليها
...
ابتسمت سارا لعبد العزيز .. النهاردة هي مبسوطة .. وتحس انها خلاص فتحت صفحة جديدة مع عبد العزيز ..واكيد معالمتها حتتغير معاه من النهاردة ..وهو كمان اكيد حيغير معاملته معاها.

عبدالعزيز: طيب يالا بقى خلصي فطارك وقومي البسي عشان النهاردة حنسيب الفندق ..

اتصدمت سارة .. هو لسة مصمم اننا نرجع مصر.... طيب واللي حصل انبارح ... كان ايه ...حنانه ومعاملته اللي غيرها معاها ... ازاي يعمل كل دى وهو برضه لسة مصمم على اننا نرجع مصر ...اتغير مزاج سارة واتعكننت وعبد العزيز لاحظ تغير وش سارة ... ..وابتسم بمكر ....

سارا: انشالله حجهز نفسي .. اصلا الشنط جاهزة

عبدالعزيز: طيب كويس ... حنسيب الفندق الساعة 1 .. وتأكدي انك ما نستيش حاجة...

سارا وهي متعكننة : طيب ...

واتسدت نفسها عن تكملة فطارها ... وقامت ..

عبدالعزيز: ليه ما كملتيش فطارك .؟؟

سارا: لاء خلاص شبعت
...
عبدالعزيز: براحتك ..

راحت سارا تشيك على الشنط ولما تأكدت انها ما نسيتش حاجة بعد ما فتحت الادراج ...
وكل حاجة .. وبعد ما لبست وجهزت راحت الصالة ...

عبدالعزيز:يااااه خلصتي خلاص ولبستي كمان ... دي لسة الساعة 12 ونص دى انتي شكلك مستعجلة قوووي ..

سارا: لالا ما هو يا دوب ماهو انت دلوقتي حتنادي على العامل عشان يشيل الشنط ...

عبدالعزيز: ايوة صح عندك حق ... انا حروح اتأكد من الحاجات بتاعتي ...

ولسة بيقول رجع وقال لسارة : اه صحيح يا سارة وشنطتك اللي ضاعت منك ؟؟

سارا: ما هي خلاص ضاعت .. اصلا مافهاش حاجة الا بطاقة الفندق وبرفان وشوية مكياج و20 باوند بس ..

عبدالعزيز: يعنى ما فهاش بطاقات مهمة ؟؟

سارا: لاء كنت ناسية محفظتي هنا الحمد لله

عبدالعزيز: طيب كويس .

جيه العامل وشال الشنط والاكياس ..وراحوا ركبوا الليموزين بتاع الفندق ... ومشيت السيارة وطول الوقت وسارة مضايقة قوووي ... مش عايزة ترجع دلوقتي مصر هي ما صدقت ان الامور بقت كويسة مع عبد العزيز ...عبد العزيز اللي كان عارف سارة بتفكر في ايه دلوقتي ..وفرحان وهو بيلعب باعصابها كدة ... وقفت السيارة ونزل منها عبد العزيز ونزلت سارة .. لاحظت ان المكان اللي وصلوا ليه دى مش المطار ... اكتشفت انها محطة القطر ... لفت على عبد العزيز وبتبصلة بنظرة استغراب ...

سارة وهي عاقده حواجبها : احنا في محطه القطر ..؟؟؟؟

عبدالعزيز: ايوة انا عارف

سارا: ليه؟؟

عبدالعزيز: لاننا حنسافر عن طريق القطر

سارا : والطياره..؟؟

عبدالعزيز:مش انت بتخافي من الطيارة قلت نسافر بالقطر احسن ......وابتسم لها ..

سارا زاد استغرابها. : ازاي يعني ؟؟

عبدالعزيز: يعني ايه ازاي يعني ... .؟؟

سارا: بس...بريطانيا جزيره .وازاي حنروج مصر عن طريق القطر ... انت بتضحك عليا يا عبد العزيز ...!!!!!!!

عبدالعزيز: ههههههههههههههههه .....يعيني عليكي يا سارة بجد ضحكتيني من زمان ما ضحتكش كدة ...

سارا وهي متنرفزة انا بتكلم بجد : اعتقد اني ما بقلش نكتة ..

عبدالعزيز وهو لسة بيضحك: لا بس ما كنتش اعرف انك عارفة جغرافية بالشطارة دي
..
سارا: والله دى اللي دراسناه في المدرسة ...

عبدالعزيز بعفويه: يا عمري في قطار يوصل بين باريس ولندن بيمر تحت الماية ....

سارا باستغراب : باريس..ليه هو احنا حنروح باريس

عبدالعزيز: ليه هو انت ما تعرفيش ان احنا حنروح باريس

سارا: وحعرف منين انشاء الله حخمن ... واصلا انت كمان ما قتليش احنا حنروح فين

عبدالعزيز: طيب انتي كنتي فاكرة احنا كنا حنروح فين ؟؟

سارا: ماعرفش ..

عبدالعزيز: طيب وليه ماسالتنيش ... ولا انتي كنت فاكرة اننا كنا حنرجع مصر ؟؟

سارة وشها احمر واتقلب ...

عبدالعزيز: هههههههههه ..ااااه عشان كدة كنتي مضايقة لما قلتلك جهزي الشنط عشان حنسيب الفندق
.
سارا: لا بس...

عبدالعزيز: هههههه خلاص ولا يهمك ماتخافيش انا كنت ناوي اوديكي باريس .. ومخليها مفاجأة ايه رايك بقى يا ستي ...

سارا: تعرف اني كان نفسي ازور باريس وخصوصا برج ايفل ..وديزني لاند

عبدالعزيز رفع حاجب : عايزة تروحي ديزنى؟؟

سارا: ايوة ... مش دي بتاعت الاطفال .. اصحابي راحواها عادي يعني ... في حاجة ..

عبدالعزيز وهو بيبتسم ... بس انا اعتقد انك كبرتي على الحاجات دي ...

عبدالعزيز: ولا يهمك يالا نركب القطر عشان ما يروحش عننا .. وبعد ما قطعوا التذاكر .. فضلوا ماشين عشان يروحوا للقطر ... وهما بيتمشوا ...

سارا: عبد العزيز

عبدالعزيز: نعم

سارا: انت بتقول ان القطر بيمر تحت الماية

عبدالعزيز:ايوة

سارا: يعني حنشوف السمك

عبدالعزيز: هههههههههه ...لالالا حنمر في نفق ..

سارا: طيب النفق ده مش خطير يعني ممكن ينفجر من ضغط الماية ..

عبدالعزيز: سارا الله يهديك ما تفضليش خايفة من كل حاجة كدة .. وماتخافيش يا ستي مش حينفجر من ضغط الماية ولا حاجة .. وعلى فكرة هي كلها ساعتين او 3 بالكتير ونوصل انشاء الله ...

سارا: انشالله
...
بعد ماخلصوا اجراءات .... قعدوا في قاعه الانتظار ...

سارا: عبدالعزيز...

عبدالعزيزالي كان يقلب في كتيب سياحي عن فرنسا: نعم

سارا: لا خلاص..

عبدالعزيز رفع راسه من الكتيب وقام يبصلها قوووي وباستغراب : في حاجة عايزة تقوليها .؟؟

سارا: امم.. لو انفجر النفق حيدخل الماية للقطر وحنموت مش كدة ..؟؟؟

عبدالعزيز الي انبسط على خوف سارا الطفولى :اكيد حنموت

اتقلب وش سارة اللي ما كانتش متوقعة الاجابة وقامت من غير شعور ...

سارا بصوت شوية عالى: لا خلاص مش لازم نركب القطر نركب الطيارة ارحم

عبدالعزيز ماقدرش يمسك نفسه وانفجر من الضحك ...حست سارا بطفوليه حركتها واتكسفت وقعدت ...

عبدالعزيز وهو يضحك: طيب مش خايفة ان الطيارة تقع ؟؟

سارا: ااااايه ... طيب خلاص ليه ما نسافرش بالسفينة ؟؟؟

عبدالعزيز: وما تخافيش انها تغرق ...

سارا : لا بس...

عبدالعزيز: خلاص ياسارة ... ما تخافيش انا معاكي ومش حسيبك وحخلي بالي منك وربنا هو اللي بيستر ... وده وعد مني ..

سارا: وعد..

عبدالعزيز ابتسم بحنيه: ايوة وعد..

ردت عليه سارا باحلى ابتسامه .. وعبد العزيز بيتكلم في سره ... ياسلام على الانسانة دي خلتني اتعلق بيها من حركاتها البريئة دي ...

عبدالعزيز: يالا ياسارة عشان بينادوا

ووقف وشال الشنط اللي ما تحطتش مع شنط العفش .. ومشيوا وراحوا يركبوا القطر .. وهما لسة بيركبوا الا وسارة مسكت ايد عبد العزيز ... اللي استغرب من تصرفاها .. بس فسرها على اساس انها خايفة .....قام وضغط على اديها كانه بيطمنها ... ركبوا القطر وايد سارا في ايد عبدالعزيز ... بعد ما قعدوا مشي القطر اطمنت سارة وارتاحت .. كان القطر ماشي عادي ولا حسوا انهم اصلا تحت الماية ... راحوا للمطعم اللي في القطر وتغدوا ... بعدين رجعوا وقعدت سارة جمب الشباك تتأمل الطريق خصوصا ان القطر خلاص وصل فرنسا وبقيت تشوف المناظر الريفية من الشباك ... عبد العزيز كا بيقرا في الجريدة وسايب سارة تتأمل ...

في مصر ..وتحديدا في بيت شوقي
بعد ما خلصوا عشى .. كانت كريمة قاعدة جمب جوزها شوقي ومعهاهم تامر ومها مرات عبدالله .

ام محمد:بقولك ايه يا مها هو فين عبدالله انا مشفتهوش النهاردة .

مها: معلش يا طنط هو اتصل بيها وقالي انه حيتعشى برة .

ابو محمد:مش عارف الولد دى ماله بقاله يومين مش طبيعي ومش عجبني .. حاسس انه فيه حاجة ؟

مها بارتباك: لا يا عمي مافهوش حاجة بس ارهاق من الشغل

ابومحمد: وايه اخبار مشروعة ده بتاع السيارات .

مها: معرفش يا عمي اصله ما بيتكلمش معايا في خصوص الشغل ..

ام محمد: ربنا يهديه كان ماله بس لو اشتغل مع ابوه في الشركة ... مش كان احسنله .

ابو محمد: سيبيه على راحته يا كريمة .. هو عايز يجرب مع نفسه خليه يجرب وهو عارف لو احتاجني في اي وقت انا موجود ومش حقصر معها .

مها: اه بجد يا عمي ياريت تتكلم معاه تاني بخصوص الموضوع دى ..

ابو محمد: ليه هو شغله مش ماشي ولا ايه .. ولا هو للي موصيكي تقوليلنا ؟

مها: هاه ..لالا يا عمي انا كنت بقترح بس اقتراح .....

ابو محمد سكت لانه حاسس ان ابنه في ورطة ومش عايز يتكلم وخلاه براحته لغاية لما يجيله ويتكلم معايا ...
وفي نفس الوقت رن التليفون وكان تامر قاعد جمبه ..

تامر : الوووووو

فوزيه: السلام عليكم .. ازيك يا تامر عامل ايه .. ام محمد موجودة ؟؟

تامر : ايوة اقولها مين ؟

فوزيه: قول لها ام عمر....

تامر : اهلا ازيك يا طنط عاملة ايه .. معلش ما خدش بالي من الصوت واخبار عمي ا يه ؟

فوزيه: الحمد لله كلهم بخير .. ماشي يا عم ولا يهمك ... ماما موجودة ؟

تامر: هههههه ايوة يا طنط لحظة واحدة .

ام محمد: مين يا تامر .....

تامر : دي طنط ام محمد ...

وقعدت ام محمد تتكلم مع ام عمر ويرغوا شوية ..

ابو محمد: خير يعني يا تامر مش عوايدك ايه اللي مقعدك في البيت لغاية دلوقتي ..

تامر : لا ابدا بس انا زهقت من اللف طول النهار وكمان اصحابي مش لقين حتة يروحوها فقلنا نريح النهاردة واقعد معاكم في البيت واونسكم .

ويدخل يوسف جري على حضن جده ..

مها:يوسف شوية شوية على جدو

ابو محمد: هههههههه خليه يدلع ...دى ابن الغالي

تامر : ياعيني يا عيني .. واحنا ما لناش نصيب من الدلع ده .

ابو محمد: اتجدعن انت واتجوز وجيب عيال وشوف انا حعمل معاهم ايه .

سلمان: لالا انا لسة صغير على الجواز ده مسؤولية وهم

مها: انت مش صغير اللي في سنة اتجوز وبقى عنده عيال ..

تامر : خلاص يالا دوريلي على عروسة وانا موافق .

مها: ليه هو انا مجنونة اشوفلك عروسة .. عشان تطلع فيها القطط الفطسانة ..لا يا سيدي يفتح الله خلي طنط تدورلك وتشوفلك ...

مها كانت هي وتامر ناقر ونقير لان قبل ما يكون تامر اخو جوزها هو ابن خالتها في الاول ... وعشان كدة واخدين على بعض ..

تامر : امي اللي تختار ااااه يبقى كاني وماني ومش حنخلص ...

تامر : تعالى يا يوسف في حضن عمو .

يوسف وهو في حضن جدة : لالالا

تامر : تعالى انا عندي شوكلاتة .

يوسف : ديدددو انا .. شوكلا ...

شوقي : من عين جدو .

لف يوسف على عمه تامر : ديددو يددديب ... شوكلا .

تامر : اتنيل وانت ولد رزل كدة

مها: حرام عليك ابني مش رزل

تامر : ودلوع كمان ..

ابو محمد : ربنا يهديك يا تامر امتى حتكبر بقى ..

تامر : ايه يا بابا شايفني عيل ...

شوقي : مش انت اللي عامل عقلك بعقل يوسف ...

وفي نفس الوقت خلصت ام محمد كلام مع ام عمر ...

مها: اخبار بيت عمي صلاح ايه ؟

ام محمد: الحمد لله كلهم بخير وبيسلموا عليكم

تامر : واخبار سارة السوسة ايه ما بتتصلش بيهم مقاطعاهم زي ما مقاطعانا .

شوقي : بس يا ولا ما تتكلمش على اختك بالطريقة دي .. و اختك مش مقاطعانا اختك عروسة ..

ام محمد : اه صحيح سارة راحت فرنسا
.
مها : ليه مش انتوا قولتوا حتروح لندن بس .

تامر :هههههه وعملتها بنت امها ولفت عقل عبد العزيز .. والله شكلها حتطلع زي امها بالظبط ..

ام محمد : ومالها امها يا ولا ماتلم نفسك انت مالك النهاردة طايح في الكل كدة .

تامر : لا ابدا ولا حاجة اصل بابا ما بيرفضكيش طلب .

ابو محمد: طبعا امك دي غالية علينا كلنا .

ابو محمد : انا سامعك بتقولي دكتورة خير انشاء الله في حاجة ولا ايه .

ام محمد: لا ابد بس رهف اتقبلت في الجامعة والحمد لله

في الوقت ده تامر فتح ودانه على الاخر ..

مها: ليه هي دخلت طب..؟؟

ام محمد: لا مش طب .. بس فوزية بتقول صيدلة ؟

مها: طيب كويس ..ربنا يوفقها انشاء الله .

ابو محمد : ربنا يوفقها انشاء الله

الحلقة ال16

يدخل عبدالله اللي كان شكله متغير قوووي .. وشكله تعبان على الاخر.

عبدالله: السلام عليكم .

وجيه عند امه وباس ايديها وراسها وراح عند ابوه برضه وباس ايده وراسه ..واول ما شافه يوسف نط من حجر جده وراح في حضن ابوه .. ابوه باسه وشاله ...

عبدالله : عن اذنكم يا جماعه ..يالله مها تعالي على فوق تصبحوا على خير

ابو محمد : انت لسة جاي يابني ماتقعد معانا شوية

عبدالله: معلش تعبان يا بابا انا صاحي من الفجر ..

ام محمد:انت كويس يابني .. وشك مش عجبني ... انت حاسس بحاجة ؟

عبدالله: لا ابد بس ارهاق الشغل...

تامر : الا قولي يا عبد الله ايه اخبار مشروعك الجديد .

عبدالله من غير مايلف على تامر : كويس

وخرج من الصالة وطلع الاوضة بتاعته ولحقته مها ..

مها: تصبحو على خير يا جماعة ..

ابو محمد : وانتم من اهل الخير
....
تامر : هو ماله يا ماما .. والله الواحد بيندم انه يسأله على اخباره

ام محمد: انت ما سمعتهوش بيقولك تعبان ..

موبيل رن رنة وقفل ... طيب يا جماعة انا حخرج شوية وراجع .. عايزين حاجة
..
ام محمد: رايح فين انت كمان .

تامر : عندي شغل رايح لمشوار وحخلصه واجي .

ام محمد: ماتقعد معانا ...

تامر : انشاء الله الايام الجاية كتير حبقى اقعد معاكم لغاية لما تزهقوا مني ...

ام محمد: هو مين اللي كان بيرنلك
...
تامر : ده واحد صحبي اكيد عايز يتكلم
..
ام محمد : طب ليه عملك رنة وقفل ...

تامر : اكيد ماعندهوش رصيد يتكلم ... يالا بقى عشان عايز اخرج ....

وخرج من البيت وركب سيارته ... وطلع موبيله ...واتصل على الرقم اللي اتصل بيه من شوية ... وطلع صوت انثى بدلع متصنع ... اهلا بحبيبي .

تامر : اهلا دلال في ايه عندك رنيتي رنة وقفلتي ليه

دلال: اعمل ايه رصيدي خلص

تامر : عايزاني اشحنلك ؟

دلالا: لالا مش عايزة اتقل عليك ... شكرا .

تامر : اخص عليكي برضة انتي دلال حبيبتي ... ازعل منك لو قلتي كدة تاني .

دلال: اوكي لو كنت مصمم

تامر : دقيقة يا حياتي معايا ويتنج حرد عليه وحتصل بيكي تاني .

خلى دلال على الانتظار ورد على اللي بيتصل بيه لقاها مى ... يالله مالكم كلكم اتصلتوا النهاردة ...

تامر : اهلا اهلا .. عاملة ايه يا حياتي .. فينك من زمان ...

مى: زعلانه منك قوووي .. ليه ما تصلتش بيا ولا تسأل عليا .. ودلوقتي مين معاك على الخط .

تامر : وليه بتسألي .. وبتحققي معايا اني ما بكلمكيش كمان .

مى: لا يا حبيبي انا واثقة فيك ..

تامر : امال ايه ...وعمالة تتقلي عليا ومش عايزة تخرجي معايا ..

مى: صعبة قووي يا تامر .. انا نفسي بس ما اقدرش .

تامر : طب ازاي بتقولي انك بتحبيني ... اللي يحب برضه يعمل كدة في حبيبيه .

مى: خلاص اوكي انا موافقة بس نخرج في مكان عام ...

تامر : انتي بس حددي المكان وانا حروح عالطول ...

مى: بقولك ايه في نهاية الاسبوع بنات خلتي حيجولنا وامي بتوافق ان انا اخرج معاهم واول ما يجوا حقولك نطلع فين اتفقنا ..

تامر : خلاص اتفقنا ..ز ربنا يصبرنا لغايةلما يحي نهاية الاسبوع ... بقولك ايه يا لمى انا صحبي على الانتظار واتأخرت عليه تلاقي خلاص استوى .. اقولك باي يا حياتي ...

مى: اوكي يالا عشان مااطولش عليك ... باي .

تامر : استني انتي ما نستيش حاجة ...

مى: ايه

تامر: ما فيش تصبح على خير يا حبيبي .. يا عمري ...

مى: ههههههه...وانا افتكرت حاجة مهمة
.
تامر : كدة تزعليني ...

مى:ولا تزعل يا حبيبي ... تصبح على خير يا عمري ...مش بس يا عمري .. انت حياتي كمان ..

تامر : هههههه .طيب يا حياتي ..

مى : طيب وانا

تامر : لا حقولك لما نخرج مع بعض في نهاية الاسبوع ....

مى بزعل : اوكي يالا باي

وقفل الخط مع مى ولسة حيرجع لدلال لقاها قفلت .. مش مستاهل اني اتصل بيها اصلاانا مش طايقها .. هي اكيد كانت متصلة عشان اشحنلها رصيد ... تامر مع ا نه لعبي وبتاع بنات بس عمره ما وعد بنت بالجواز ابدا الا مى اللي كانت بتحبه بجد مع انها عارفة انها بتتسلى مع تامر .. بس هي حاطة في بالها انها تقدر تخلي تامر يحبها ويتعلق بيها .. بعد ما قفل التليفون راح لصحابه في الكافي .. وفضلوا سهرانين لغاية الفجر .. وبعدين راح يصلي الفجر ورجع البيت ونام ...

وفي الطرف التاني ... وفي القارة الاخرى .. وبلد تاني ... كان الثنائي سارة وعبد العزيز ... وصلوا فرنسا من ساعات ما خدوش جناح لانالفندق كان مليان على الاخر خدوا اوضة ...كانت سارة تعبانة جدا من الرحلة ..مع انهم وصولا تقريبا قرب المغرب ...انتظروا غروب الشمس عشان يصلوا المغرب وناموا .. وفي اليوم التاني ... عبد العزيز قرر ياخد سارة لبرج ايفل ... اول ما خلصوا فطار خرجوا من الفندق .. ما حبوش يركبوا سيارة .. مع ان شوارع باريس احسن من لندن من ناحية الزحمة ... فضلوا ماشين جمب النهر .. عبد العزيز اخر مرة زار باريس من حوال ي 7 سنوات عشان كدةمش عارف كل الاماكن اللي فيها .

سارا: دلوقتي حنروح برج ايفل ازاي انت عارف الطريق ؟

عبدالعزيز وهو بيشوف الكتيب السياحي الي عنده لا ماعرفش بس خلينا نتبع اللي مكتوب في الكتيب وانشاء الله حنوصل .

سارا: طب ما تيجي نسأل الست اللي واقفة دي شكلهاعربية ؟؟

عبدالعزيز: لاء مش محتاج حنعرف انشاء الله .

سارا:اسأل مش حتخسر حاجة ..

عبدالعزيز: مش عايز اسال ليه انت تعبتي من المشي ؟

سارا: لاء انا ماتعبتش .. بس لو سالنا احسن .

عبدالعزيز: لو عايزة تسألي انت اسألي ...

سارا: عادي يعني مش حتزعل ؟؟

عبدالعزيز: لالالاء عادي وحزعل من ايه ....

سارة راحت للست اللي ماكانت بتجر عربية صغيرة فيها طفل في الشهور الاولى وجمبها بنت عمرها 4 سنين .
سارا: السلام عليكم ...

لفت عليها الست وابتسمت ..

المراءه:وعليكم السلام ..

سارا: الاخت عربيه صح..

المراءه : ايوة من الجزائر..

سارا: اهلا بك .. انا سارا من مصر..

ومدت ايدها وسلمت عليها ...

المراءه: اسمي لبابه..

سارا: حبيت اسالك تعرفي ازاي نروح برج ايفل بالظبط ؟

لبابه: انا متاسفه ..انا معرفش عربي قووووي

سارا: ooh sorry…I want to ask you about Eiffel Tower... Do you knowwhere it is exactly??

لبابه وتبتسم بخجل: انا متاسفه ... اعرف فرنساوي انجليزي ماعرفش ...

سارا الي احتارت معها عربيه ومات عرفش عربي ولا حتى انجليزي ...طب اعمل ايه دلوقتي .....

سارا: برج ايفل..

لبابه: اهه برج ايفل ماذا..

سارا قلبتها عربي فصحه يمكن تفهم عليها : اين هو؟؟

لبابه : فرنسا..

سارا : لالا .. اين يقع .. اريد الذهاب اليه ..

لبابه تلف راسها انها مش فاهمه بالضبط : ماذا

سارا وهي تشر بايدها : برج ايفل فييين ..

وتاشر انها تمشى: انا اريد الذهاب ايه ..

لبابه : اهه ..عرفت ..عرفت برج ايفل ..وقامت تفكر بكلمه تقولها ..

لبابه: امم خلفى..

سارا فهمت عليها يعنى تعالي معايا وانا حوصلت ..لفت على عبدالعزيز..شافته ميت من الضحك ..

سارا: اشوفك مبسوط يعني .

عبدالعزيز وهوه يضحك: والله من زمان ما ضحكتش نفسي تشوفي نفسك وانتي بتتكلمي معها وتشاوريلها باديكي كأنك بتكلمي وحدة طارشة ....

سارا : طب اعمل ايه مش فاهمة عربي ولا انجليزي .. تعرف انها جزائرية وما تعرفش عربي ...

عبدالعزيز: ايوة اصل في جزائريين كتير وليبيين ومغاربة هنا في فرنسا وبيعرفوا فرنسي اكتر لغة ..

سارا وهي عاقده حواجبها: طيب وايه اللي جابهم هنا ...

عبدلعزيز: الاستعمار .. مش فرنسا استعمرت اغلب دول شمال افريقا ..منهم من هاجر واخذ الجنسيه الفرنسا ..

سارا: طيب هما مسلمين..

عبدالعزيز: ايوة اكثرهم مسلمين بالاسم..بس عندهم غيره قويه على الاسلام لدرجه ما تتوقعينها ..

سارا: ازاي غيرة وهما ما بيلبسوش الحجاب ولا حتى لغتهم اللي هي لغةالقران ما يعرفوهاش
.
عبدالعزيز: مش شرط ... الغيره الي اقصدها هي انهم مايرضوش حد يغلط على الاسلام مهما كان حتى لو موتوا نفسهم ودافعوا عليه .

سارا: غريبه ..

طبعا طول الوقت وهما ماشين ورا الست وهماعمالين يتكلموا ... والست كل دقيقة تلف وراها وتشوفهم وتبتسم ليهم .. وفي الاخر الحمد لله وصلوا البرج .... لفت عليهم لبابه وابتسمت يعني كأنها بتقولهم احنا وصلنا خلاص ..

سارا ردت لها الابتسامه : شكرا لكي .....

ولبابة قامت تاشير على عبدالعزيز وتقول كلام مش مفهوم ..وتاشر على اصبع يدها ..فهمت سارا انها قصدها اذا عبدالعزيز جوزها..قامت طلعت لها الدبله.. ابتسمت لبابه

لبابه: مبروك..

سارا: الله يبارك فيك ..

لبابه: السلام عليكم..

سارا: وعليكم السلام ...

ومررت يدها على راس بنت لبابه ... وفضلت تبتسم ليها لغاية لما مشيت ..

عبدالعزيز: يا عيني تعبناها

سارا: ايوة والله .. بجد شعب طيب ... بس نافصهم حاجة .. انهم يعرفوا عربي ...

عبدالعزيز: هههههههههه ..وليه طيب..

سارا: يعني ايه رايك انت

عبدالعزيز: طيب يالا نقطع التذاكر عشان نطلع لفوق البرج

سارا: ليه هو كم دور..

عبدالعزيز: 3 ..بس احلى دور الاخير
...
سارا: اوكي خلاص ...

وراح عبدالعزيز وقطع تذاكر

عبدالعزيز: يالا تعالي دلوقتي وانت نشيطة كدة ....

سارا: طبعا نشيطة
...
عبدالعزيز: عشان احنا حنطلع بالسلم لان ما فيش اسانسير
...
سارا وهي فاتحه بوئها : انت بتتلكم بجد لالالالا انا ما قدرش مافياش نفس ...

عبدالعزيز: هههههههههه مش انت لسة بتقولي انك نشيطة
....
سارا: لا بجد ياعبد العزيز ما اقدرش .. خلاص مش لازم نطلع ..

عبدالعزيز: معقوله يعني نيجي فرنسا وما نطلعش البرج .

سارا: مش مهم يعني ركبي حتوجعني طول عمري عشان طلعت البرج دى ...نبقى نطلع في مصر برج القاهرة ونقول ا نه ايفل ههههه

عبدالعزيز: دى انت لسة صغيرة امال لما تكبري حتعملي ايه ..

سارا: مش عايزة

عبدالعزيز: طيب خلاص يا كسلانة حنطلع بالاسانسير .. وامري لله .

سارا: هههههههه .. يعني فيه اساسنير وبتضحك عليا وتقولي نطلع بالسلم عايز تقطع نفسي مش كدة ...

عبدالعزيز: كنت بشوف قوة تحملك

بعد ما طلعوا البرج وخلصوا وكان المنظر روعة من فوق ..وشافوا باريس كلها من فوق وكان المظر يجنن وخصوصا منظر النهر والجسور اللي تمر فوقه .. وبعد مانزلوا راحوا للاكشاك اللي بتبيع تحف وهدايا عشان يشتروا هدايا ..واشترت سارة تحفة صغيرة عبارة عن علبة زجاج ودواها برج ايفل ... واشترت خواتم واشترت لعبد العزيز لعبة صغيرة لمي بنت عمر اخوه ...

بعد كدة قاموا وتمشوا في الحديقة اللي تحت البرج وكان هناك رسامين يرسموا الناس ..

سارا: تعرف يا عبد العزيز ان ميرنا بترسم احسن منه

عبدالعزيز: دول رسامين محترفين يقدروا يرسموكي في ربع ساعة

سارا: بجد بيعرفوا يرسموا بسرعة كدة

عبدالعزيز: بقولك ايه ياسارة مش عايزة تتغدي

سارا: تعرف نفسي في ايه

عبدالعزيز: ايه ؟

سارا: ههههههه نفسي اكل من كنتاكي

عبدالعزيز: يعني سايبة كل المطاعم الكويسة وعايزة تاكل من المطعم دى

سارا: لو مش عايز براحتك

عبدالعزيز: لا خلاص اول ما نمر عليه ناكلمنه ..ولو ما لقيناهوش خلاص امرك لله نشوف حتة تانية ..

سارا ابتسمت :ماشي

وهم بيتمشوا شافوا صف مطاعم منها كنتاكي....

سارا: عبدالعزيز بص اه يالا نروح ناكل

عبدالعزيز: ههههههه ..يالا بس انا مش عايز اكل

سارا: يوووه خلاص ولاانا كمان عايزة

عبدالعزيز: مش لسة بتقولي انك عايزة تاكلي

سارا: ايوة بس لو ما كلتش معايا مش عايزة .

عبدالعزيز: هههههه خلاص ناكل ياستي ولا يهمك ...؟

ودخلوا المطعم..

سارا: اممم عايزة توستر بس مش زنجر..

عبدالعزيز: خلاص انتى دوري على تربيزة لغاية لما اطلب الاوردر .

وبعد ما خلصوا غدا ..قاموا يتمشون في شوارع باريس .. واحيانا يدخلوا المحلات الصغيره .ولما حسوا بالتعب .. نزلوا للميترو تحت ...وهم في القطر كانت سارا واقفه تتامل الخريطه الي معلقه وفيها وصف للاماكن ...

سارا : بقولك ايه يا عبد العزيز ماتيجي نروح ديزني .

عبدالعزيز: سارا انت بتتكلمي بجد

سارا: ايوة وفيها ايه يعني ما ينفعش اجي لغاية هنا وماادخلش ديزني

عبدالعزيز: هههههههه شكلك كدة عايزة تعيشي طفولتك من الاول وجديد...

سارا: نفسي اشوفها من كتر ما اصحابي حكولي عليها

عبدالعزيزبص لسارة بنظره: اممم افكر..

سارا اتغاظت من عبد العزيز لانه شايفها لسة صغيرة ... بس والله ديزين مش للصغيرين بس وللكبار كمان ...رجعوا للفندق وراحوا يتعشوا وبعدين نزلوا يتعشوا ....

الحلقة ال17

رهف: بقولك ايه يا ميرنا مش عايزة تكلمي سارة .

ميرنا : ياريت بس مش عايزة ازعجها .. ..

رهف: عادي حتزعجيها ليه ... بتكلميها عشان تسلمي عليها

ميرنا : انت عارفة ان سارة بتتكسف قووووي وما تقدرش تطلب من عبد العزيز حاجة زي دي ..

رهف:ااااااه صح بتتكسف .....ما شوفتيش عملت ايه في اخوكي عبد العزيز كان رافض فكرة السفر اصلا ومش حسافر الا لندن بس ودلوقتي شوفيهم بقالهم 3 ايام في باريس .... وما ادراكي بباريس مدينة الرومانسية والعشاق ...

ميرنا : ههههههه .... رومانسية ايه يا عبيطة ؟

رهف: ايوة رومانسية انت ما بتتفرجيش على افلام ولا ايه ...انا بقى في شهر عسلي حروح لفينيسيا وباريس .. وجزر الملديف

ميرنا : ههههههه والله انت يا اما مجنونة يا ما عبيطة ....وفين جزر الملديف .. دي في اسيا وباريس في اوروبا .

رهف: عادي... وايه يعني لو بيحبني حيأخدني المكان اللي انا عايزاه .

ميرنا : ههههه خليه يجي الاول اللي امه داعية عليه وبعدين اطلبي منه اللي انت عايزاه .

رهف:انت اصلا ما عندكيش احاسيس خالص ا نا اعرف ان اللي بيرسموا زيك كدة ماليانين بالاحاسيس والمشاعر الجميلة .

ميرنا : بقولك ايه قومي من وشي احسلك لحسن والله شوفي ايه اللي حيحصلك .....

رهف: انتى ليه بتكلمينى بالطريقة دي دى جزاتي اني جاية اتكلم معاكي واونسك في وحدتك
.
ميرنا : ههههه طيب يالا قومي غوري من خلقتي ....

رهف : طيب يا ميرنا حتصل بعدالعزيز واكلم سارة ومش حخليكي تكلميها .... بس..

قامت رهف واتصلت على اخوها عبد العزيز من تليفون البيت ...

عبدالعزيز : اهلا اهلا بالغالية

رهف بتبص على ميرنا وهي بتغظها وبتقولها بصوت واطي بيقولي يا غالية ...

عبدالعزيز: الوو

رهف: احمم اهلا اهلا اهلا انت يا الغالي
.....
عبدالعزيز: هههههههههههه... ادى هو انت رهف انا بحسبك امي

رهف: طيب كمل المجاملة بتعاتك ....

عبدالعزيز: ههههههههه ولا يهمك يا جميل انت غالية وقمر كمان اخبارك ايه ... غريبة امي بقالها فترة ما تصلت بيا ..

رهف: والله ما اعرفش ... المهم ان احنا كلنا بخير والحمد لله اقولك على خبر حلو يا عبد العزيز انا اتقبلت في الجامعة ......

عبدالعزيز: لا . بتتكلمي بجد .الف مبروك ..عمر ما قليش حاجة مع انه كلمني النهاردة ..

رهف: انا موصياهم كلهم هنا في البيت ما حدش يتكلم لان انا اللي عايزة ابلغك بنفسي...

عبدالعزيز: مبروك وعقبال التخرج انشاء الله واتقبلتي في أي جامعة ...

رهف: في جامعة القاهرة

عبدالعزيز: ودخلتي ايه ... ..

رهف: دخلت صيدلة ..

عبدالعزيز: اها بالتوفيق انشالله..

رهف: امال سارة فين

عبدالعزيز: سارا راحة لاستراحه السيدات .. دلوقتي حترجع

رهف: طيب لما ترجع خليها تتصل بيا ضرررروري انا عايزاه ماشي

عبدالعزيز: استني اهي جت

عبدالعزيز بيكلم سارا: سارا خدي اختي عيزاكي

خدت منه التليفون

سارا: ميرنا

رهف: ههههههه لا انا مش ميرنا

سارا: اهلا اهلا ازيك يا رهف وحشتيني جدااااا ....

رهف: لا ما هو واضح والا كنتي اتصلت بيا بقالك اسبوعين تقريبا ولا كلمتيني ..

سارا: هههههههههه ... انشغلت شوية معلش ما تزعليش

رهف: وانا اقدر ازعل برضه من حبيبة قلبي .. حترجعوا امتى ... حفلتي الاسبوع الجاي ..

سارا: انت بتتكلمي بجد .. ما اعتقدش حنرجع بسرعة كدة .. اجليها شوية

رهف: ياسلام يعني اقول للمدرسة تأجل الحفلة عشان مرات اخويا حتحضرها وهي لسة في شهر العسل ..

سارا: يوووه اصلا حتى لو رجعنا مش حقدر اروح ماعنديش فستان احضر بيه ...

رهف: ياسلاممم بصراحة انت ذاكية دى انت في باريس منبع الماركات وتقولي ما عنديش فستان احضر بيه .

سارا: ههههههه اه والله معرفش ازاي راحت عن بالي الحكاية دي خلاص حشتري من هنا .. هي امتى الحفلة بالظبط ...

رهف: يوم الخميس بالليل..

سارا: ايه يعنى فاضله اسبوع ونص مش اسبوع

رهف: ههههههههه عارفة بس عايزاكم تيجوا لانكم وحشتوني جدااا .
..
سارا: يا حبيبية قلبي واحنا كمان والله ... واخبار ميرنا ايه ...

رهف: الحمد لله اهي جمبي عايزة تكلميها

سارا: لا بس سملى عليها كثير..

رهف: انشالله ... بقولك ايه رحتى لديزنى..

سارا: هههههههه لا ما رحناش عبد العزيز مش راضي

رهف: يوه ليه لازم تروحوا على فكرة دي تجنن انا فاكرة اني رحنالها من سنتين ...

سارا: انشالله يارب يوافق عبدالعزيز

رهف:اكيد حيوافق انت مش شايفة ازاي ساحرتيه وخلتيه تروحوا باريس ومش عارفة عاملة ايه كمان بقة يكلمني بكل احترام وادب ... ...

سارا: هههههههه .. لا عادى مش للدراجتي

رهف: المهم الجو عندكم يجنن صح ..مش احنا اللي حنفطس من الحر ....

سارا : مش مهم الجو المهم تكوني في وسط اهلك والناس اللي بيحبوكي ....

رهف: ههههه وانتى يعني دلوقتي مع مين .... يالا عشان ما اطولش عليكي لحسن حبيب القلب حيدبحني....

سارا: اوكي وسلمى على الكل خصوصا امي فوزيه وعمي صلاح

رهف: اوكي يوصل ..مع السلامة

سارا: مع السلامة

وقفلت التليفون ..و عبد العزيز كان طول الوقت يتأمل في سارة وجمالها الاخاذ .. بجد بدأت البنت دي تغزو قلبي .. لالالالا ايه اللي انت بتفكر فيه دى يا عبد العزيز ... مستحيل اصلا تحب ... كل اللي حصل انه قاعد معاها ليل ونهار واكيد حيملها شوية ... بس انا لازم اوقف الشعور دى عشان ما يتملكش مني ... بس دي حاجة لا شعوريةما اقدرش اسيطر عليها .. اكيد لما ارجع مصر حيكون الوضع محتلف .. حيكون البيت دايما مليان ومش حيبقوا لوحدهم الا في اوضتهم واكيد الحكاية دي حتلهيه شويةعن التفكير في الانجذاب ليها اصلا

سارا: ايه يا عبد العزيز سرحت في ايه

عبدالعزيز: لالالالا ولا حاجة ... هي رهف كانت عايزة ايه

سارا: كانت بتفكرني بموعد حفلتها .. فاضلها اسبوع ونص ...

عبدالعزيز: عايزة تحضري الحفلة

سارا: ياريت يا عبد العزيز

عبدالعزيز: خلاص حستعجل في الرجوع

سارا: مش حتزعل يعني ان احنا ما قضناش الفترة كلها

عبدالعزيز كان مبسوط انهم حيرجعو مصر ويقلل الاحتكاك بسارة .. لانها سيطرت على مشاعره واحاسيسه وهي مش حاسة وهو عايز يشيل فكرة الحب من دماغه اصلا ...

عبدالعزيز: هو انا كل ما اقولك حاجة .. تقوليلي مش حتزعل ....اه صحيح رهف ما قلتلكيش انها اتقبلت في الجامعة ..

سارا: لا ماقالتش ..ليه هي خلاص انقبلت

عبدالعزيز: ايوة

سارا: الغلسة ما قلتش ليه

عبدالعزيز: هههههههههه بقالك كام ساعة بترغوا ما قلتلكيش .. غريبة البنت دي ..

سارا: يوه ما باركتلهاش

عبدالعزيز : خلاص مره ثانيه يالا قومي عشان نروح المطعم ... ايه رايك نروح لقالريه لافييت؟؟

سارا: ايوة .... لاني في حاجات كتير لسة عايزة اشتريها

دفع عبدالعزيز الحساب وطلعوا من المطعم الي كانوا بيتغدون فيه ...

ميرنا : انا حنزل الصالة تعالى معايا ..

رهف: ماليش نفس

ميرنا : وليه انشاء الله مالكيش نفس...

ونزلت ميرنا لاهلها اللي كانوا قاعدين في الصالة ونورا اختها جتلهم زيارة هي وعيالها كانت عندهم ...
وسلمت عليها .. وراحت تقعد جمب امها ...

ميرنا : امال فين عيالك يا نورا ما شفتهمش ..

نورا: بيلعبوا في اوضة مي ... يماما في عمر وابويا ؟

فوزيه: ابوكي في المرزعة ...وعمر مشة عارفة ما قاليش رايح فين ...

نورا: اه صحيح ياماما انا لقيت عروسة لعمر انما ايه اخر جمال

ميرنا : اوعى تكون واحدة من اصحابك ...او وحدة عجوزة وعانس ...

نورا: ليه يعنى شايفاني كبرت وعجزت للدراجتي ..

ميرنا : ههههه لا دى انت لسة ما كملتيش العشرين ..

فوزيه: ميرنا احترمي اختك ولمي نفسك
..
ميرنا : يوووه هو ما فيش حد في البيت دى اقدر اهزر معاه يا ساتر .

نورا: اصل هزارك بايخ وتقبل ...انا اصلا اللي غلطانة وبتلكم في المواضيع دي قدامك فكراكي واحدة كبيرة وقد المسؤولية .

فوزيه:بس يا نورة انت كمان حتحطي راسك براس اختك الصغيرة .. وقوليلي من البنت دي اللي جيباها عروسة لاخوكي ..

نورا:عارفة يا ماما سمر صحبتي من ايام اعدادي ... ..

فوزيه: وانتى عرفتيها منين دي ؟؟؟

نورا: نهى صحبتي عارفاها طبعا سمر تبقى صحبتها قووي وعالطول نهى كانت بتعزمها وتعزمني وكنت باشوفها كتيير بنت عسل قووي ودمها خفيف
...
فوزيه: والله انت عارفة يا نورة انا نفسي ومنى عيني ان عمر يتجوز انهاردة قبل بكرة .. بس الموضوع دى مش في ايدي وانا تعبت معاه قوووي .

نورا: يا ماما انت كلميه تاني وحاولي يمكن يكون غير رايه بعد جواز عبد العزيز

فوزيه: مش عارفة .. حاحول معاه تاني ..

ميرنا : ما تسيبوا عمر براحته ما دام هو سعيد ومبسوط كدة بطلوا تكلموه في الموضوع دى لانه مش حيتجوز ....

فوزيه: والله انه مقطع قلبي .... انا عارفة انه كان بيحب مراته قووووي ولغاية دلوقتي .. ابني وانا عارفاه عالطول بشوف الحزن في عنيه
.......
نورا: حزن ايه بس ايه ياماما فاطمة الله يرحمها بقالها 3 سنين .... وما اعتقدش انه لسة متأثر فيها ؟؟؟.

فوزيه:من قالك الكلام دى ... هو اصلا عمره ما نساها بس هو بيحاول انه ما يظهرش أي حاجة قدامكم وبيداري جواه .

ميرنا : كلامك صح يا ماما وانا كمان حاسة باخويا وبلاحظ قووووي لما يكون مع مي .

فوزيه: وانتي يا ميرنا انت واخواتك بكرة تتجوزوا والبيت يفضى عليا انا وابوكي ...

نورا: ياماما ما تخافيش احنا عمرنا ما حنسيبكم وغير كدا كمان سارة حتكون موجوده معاكم مش هي حتسكن هنا

فوزيه: حتسكن مؤقت مع اني عارفة انها مش حتقصر ... الله يرحمك يا فاطمه ..مكانك كبير في قلوبنا ..
نورا وميرنا: الله يرحمها..

فوزيه: شوفي يا نورا انا حكلم عمر وانشالله يوافق..

نورا:طب ايه رايك انا اكلمه..

فوزيه: لالا انا حكلمه...

منير: الا قوليلي يا نورا حتولدي امتى

نورا: لسة داخلة التامن ما بقاليش الا اسبوع الا فين رهف

ميرنا : فوق عايزاها

نورا : اصلي بقالي مدة ماشوفتهاش

را حت ميرنا تنادي رهف ... وجات رهف وسلمت على اختها نورة ..

رهف : اخبار حملك ايه .... حتقدري تيجي حفلتي ...

فوزيه: لا تيجي فين تعب عليها

نورا: لا عادي يا ماما لو حسيت اني تعبانة مش حاجي .

رهف : ما عرفتيش ولد ولا بنت

نورا: احمد مش راضي بيقولي مالهاش لزمة .... وكل اللي يجيبه ربنا كويس... بس انا حاسة انه ولد ... حملي المرة دي غير كل مرة ...

ميرنا : ههههههههه...اكيد مش مخليك تنامي طول الوقت يرفس..

نورا: اه والله ليل ونهار يتحرك الله يخليه.

وفي باريس...

سارا:ايه رايك يا عبد العزيز في الفستان دى حلو مش كدة ,

عبدالعزيز: امم..مش عريان شوية

سارا: البس معه شال

عبدالعزيز: لا فتحه ظهره واسعة قووووي واعتقد ان الشال ما يغطهوش ...

سارا: بس هو عاجبنى..

عبدالعززيز: طيب دوري على غيره

سارا: طييييب

وراح قعد عبد العزيز على الكرسي اللي في المحل ... الستات دول ما بيزهقوش من اللف طول النهار في السوق بقالي ساعة بلف معاها من محل لمحل ... تعبت من كتر اللف ياساتر ... وسارة ما بتشتكيش .... شكل الهانم مطولة ..

عبدالعزيز: سارا لسة ما خلصتيش

سارا: لا تعالي نشوف مكان تاني هنا ما فيش حاجة

عبدالعزيز: الساعه 8 الوقت اتأخر ياسارة .... بكرة نيجي ونكمل .... والمحلات قربت تقفل ...

سارا: طيب ..بس مش عايزة نرجع الفندق

عبدالعزيز: طيب يالا نتمشى

وطلعوا من المول وقاموا يتمشون ..راحوا لشارع الشنزلزيه وتعشوا هناك .. كانت سارا عايشه سعاده غير طبيعيه..الحمدلله انه وفقنى بعبد العزيز فعلا نعم الزوج .. صح انه مش فتى احلامي ...... بس عبدالعزيز انسان رائع ..بصراحة ما كنتش اتوقع منه كل الاخلاق دي والاحاسيس دس كلها ...بدأت تحس ان سارة بدأ يمتلكها ويسيطر عليه ... .. بس السؤال هنا هل سارا قدرت تتملكه..؟؟؟؟
......................

النهاردة الجمعة .. وطبعا بعد الصلاة حيكون الغدا في بيت ابو محمد .. واولاده كلهم مجتمعين في بيت العيلة مع عيالهم .. الكل كان بيضحك وفرحان وبيتكلموا الا اثنين .....هموم الدنيا شاغلتهم ..ومش قادرين يقولوا لحد على المشاكل اللي هما فيها ... عبدالله مع افلاسه والديون الي فوق راسه ..ومها الي شايله هم جوزها الي هو همها كمان...

بعد ما خلصوا غدا ... عبدالله راح يغسل ايده .. .. لحقه محمد ..

محمد: يا ابو يوسف عايز اتكلم معاك شوية ... بعد ما تخلص غسيل اديك تعال لي في السيارة انا مستنيك ..
عبدالله استغرب من اخوه عايز منه ايه ...

عبدالله: لسة بدري حتخرج دلوقتي

محمد: انا عايز اتكلم معاك الاول

عبدالله: بس الوالد حسيتغرب من خروجنا وحيسأل رايحين فين

محمد: لا ما تخافش بابا حيروح ينام شوية

عبدالله: اوكي انا جيلك

محمد: ما تتأخرش

وخرج محمد راح السيارة .. وبعد شوية خرج عبداللع وراه .. وطلع عبدالله ... برى البيت وبسياره محمد بالتحديد .. شاف اخوه داخل سيارته الجمس ...راح للجهه الثانيه ..وركب جنبه ....

محمد: مش حلو اني اكلمك كدة في السيارة تعالى نروح كافي احسن ...

عبدالله: دى شكله موضوع كبير

محمد: ايوة ... تحب تروح فين

عبدالله : اي مكان

وفي الصالة في بيت شوقي
...
صالح: عمي تامر خليني العب معاك بلي ستيشن

تامر : بقولك ايه روح انا مش فاضيلك .

صالح: عشان خطري يا عمي انا بعرف العب قووي ... انا في البيت دايما بلعب مع مهند ...

تامر : خلاص لو رحت البيت ابقى العب هناك .

صالح: عمي بس جيم واحد

تامر : اوف طيب تعالى

مهند: وانا كمان عايز العب

تامر : بقولكم ايه ولا واحد منكم حيلعب يلا روحوا لامكم
.
صالح :بس يا عمي انت موافق لغاية لما جيه مهند .... كله منك يا مهند يالا روح عند ماما .. وانا حقعد هنا ..
وقام صالح جر اخوه عشان يطلع من اوضه عمه ومهند بيقاوم ... وضربوا بعض ..

تامر: بس انت وياه ... انا اصلا غلطان اني دخلتكم اوضتي يالا برة انت وهو يالا ..

مهند وهو بيعيط : هو اللي ضربني الاول يا عمو ...

صالح: تستاهل

تامر : خلاص انا حقفل ومش حخلي حد يلعل ولو تموتوا ما حدش حيلعب . وانت يا مهند المفروض تسمع كلام اخوك الكبير .

مهند: يعني يضربني واسمع كلامه

تامر : يلا خلاص روحوا العبوا بالكورة ...

وخرج تامر من اوضته ..

تامر احم احم : طريق يا جماعة انا جي اللي مش مغطي يغطي ...

مها وهدى كانوا في الصالة ... لان ام محمد راحت تريح مع جوزها شوية ... بعد ما تغدوا .

تامر : السلام عليكم
...
هدى :وعليكم والسلام .. اخيارك ايه يا تامر من زمان ماحدش شافك ..

تامر : والله بخير يا ام صالح ... انت عارفة بقى المذاكرة وارفها ...

هدى : الله يوفقك انشالله...

تامر: امين.. هي فين امي ؟؟

مها: راحت تريح شوية هي وعمي شوقي ...

تامر : طيب عن اذنكم ...

هدى: تامر : العيال برة ..

تامر : ايوة ما هم عيالكم دول جنوني .. اعتقد انهم بيلعبوا كورة في الحوش ...
وطلع تامر لاوضته تاني وشاف موبيله لقى فيه 8 مكالمات من لمى ... وهو عامل زعلان علشان ما خرجتش معاه في نهاية الاسبوع زي ما وعدته ... وطنشها وما ردش عليها ..وفرد جسمة على السرير ورايح شوية .. ولسة حيغمض عنيه الا تجي على باله صورة رهف .. البنت دي بجد شاغلاني جدااا من اولما شفتها على السلم في فرح سارة وهي ما بتفرقش خيالي اصلا ... وقبل ما انام لازم تيجي في بالي .. ومعرفش انام .. بجد جميلة جدااا سبحان الله ... ونام و هي لسة في باله ..

عبدالله ومحمد راحوا لكافي في شارع جامعة الدول العربية ... بعدما قعدوا وطلبوا قهوة ..

عبدالله: ايوة يا محمد عايزني في ايه ..

محمد: عبدالله مش عارفة اقولك ايه ..

عبدالله: قول ما تخلنيش على اعصابي كدة

محمد: انا عندي مشكلة مالية كبيرة ومش عارفة اتصرف . تنصحني بايه .

عبدالله : مشاكل من أي نوع ؟؟

محمد: مش عارف اقول ازاي .. انا مكسوف منك ؟

عبدالله:ايه الكلام دى يامحمد احنا ا خوات .. و المفروض تقول لي اي اللي مضايقك .. وانا ححاول اساعدك ..

محمد : ايوة احنا اخوات والمفروض ما فيش بنا اي اسرار

عبدالله عقد حواجبه وحس ان فيه شي: تقصد ايه يا محمد ؟

محمد: اتوقع انك تعرف قصدي ياعبدالله ؟

عبدالله: انت سامع حاجة او حاسس بحاجة ؟

محمد: ايوة سامع حاجة واحب اني اسمعه منك ؟

عبدالله: خلاص ما دام تعرف مش لازم اتكلم ... بس الموضوع مش عايزه يوصل لبابا
.
محمد: ليه ..عبدالله احنا اهلك ... تصور شعوري لما عرفت الخبر.. لا وانت ساكت ومستنيك تتكلم ولا اتكلمت .. استنيتك تقول للوالد ... سالت تامر اذا قلتله حاجة .. ولا احد منا يعرف حاجة .. ليع يا عبد الله .. انا ا خوك واذا ما لجأت ليا حتلجأ لمين ؟؟

عبدالله: مين الي قال لك..؟؟

محمد: مش مهم مين اللي قالي المهم اني عرفت واني ماعرفتش منك ...

عبدالله حس بالذنب: ازاي كنت عايزين اقولكم على فشلي والله ما اقدرش ... ما اقدرش ..

محمد: ليه انت فاكر اننا حنشمت فيك .. عبدالله انت عاقل .. وانت عارف اننا عمرنا ما حنشمت فيمك بالعكس دى احنا حنقف جمبك ... ونساعدك ..وانا عارفة ان الحكاية دي ممكن تحصل لاي حد فينا ... والمفروض ما تيأسش ؟

عبدالله: ربنا كريم

محمد: مها تعرف حاجة ولا هي كمان مخبي عليها .

عبدالله: لا هي حست ان انا فيا حاجة وضغط عليا وقلتلها ... والله اني ندمت .. ومن ساعة ما قلتلها وهي عالطوال مهمومة وشايلة الهم ...وانتارف ا نها حامل ومكنتش عايزة تشيل الهممعايا وخصوصا في الوضع اللي هي فيه دى ..

محمد: دى احسن حاجة انك قولتلها على الاقل تخفف عليك .. المهم انت ما وي تعمل ايه ؟

عبدالله:السؤال دى ما بيفرقش تفكيري من ساعة ما خسرت المشروع ؟

محمد: طيب ابدأ في مشروع جديد؟؟

عبدالله: ازاي وانا مفلس ولا الديون اللي فوق راسي .

محمد وهو فاتح عنيه ومستغرب: فلست!!!!!!!!!!!!!

عبدالله : ليه هو ما تعرفش الموضوع كله

محمد: لا كل الي عرفته انك خسرت في مشروعك...

عبدالله: لا انا مش خسرت بس المشروع دى انا فلست كمان والمشورع دى حطيت فيه كل راس مالي ودخلت معي مساهمين كمان وهما دلوقتي بعد ما خسر المشورع بيطالبوني بفلوسهم .

محمد بعصبيه: كل دى يحصل وما تقلناش .. عبدالله انت بتفكر ازاي .. عايز افهم .

عبدالله: دي مشكلتي وانا ححلها زي ما ورطت نفسي فيها .

محمد: لا بجد انت مش طبيعي .. انت عارف لو بابا عرف حيساعدك طبعا .. والحمد لله اننا معانا ومبسوطين ..

عبدالله: لا مش عايز بابا يعرف اي حاجة

محمد: طيب لييييييه؟؟؟

عبدالله: انت عارف اني فتحت المشورع دى وهو مش موافق عليها اصلا .. وتخيل لو انت مكاني ترضى تروحله وتعلن فشلك قدامه .. انا عايزة دايما يرفع راسه لما يشوف واحد مننا نجح ... مش فاشل ..

محمد: انت تفكيرك غريب قوووي . . الوالد طول عمره وهو فخور فيك ... اسألني انا ...
.. دايما يمدح فيك حتى وهو مش عاجبه انك بتشتغل بعيد عنه ...

عبدالله: محمد ..انا معاكي بس عشان خطري ما تخليش بابا يعرف حاجة ...

محمد: والحل؟

عبدالله: انشاء الله حقدر احلها ... انا بفكر اعمل مشروع تاتي نسبة نجاحة اكتر من الاول بس محتاج راس مال ؟؟

محمد يفكر: طيب انا لقيتها ... انا عندي مبلغ كويس في حسابي .. غير قطعة الارضين موجودة على شط البحر الاحمر ..

عبدالله: طيب؟؟

محمد: يعني ايه طيب .. يا ابني ابدأ المشروع والارباح تسدد الديون .

عبدالله: لالا مستحيل... فلوسك خليها ليك ولعيالك انت احوج مني بالفلوس دي ...

محمد: عبدالله ..ما تقولش كدة صدقني حزعل منك ... اعتقد انا اخوات ولو ما وقفناش مع بعض حقف مع مين يا عبيط ..

عبدالله: محمد صعبه.. انا عندي كمان ارض .. واسهم وناوي ابيعهم .. وفي كمان مجوهرات مها تقدر كمان انها تبعها ... والباقي انشاء الله حدبره ..

محمد: لا ذهب ومجوهرات مراتك خليهم ولا تلمسهم ... لو كنت عايز فلوس تاخد مني على الاقل المبلغ والارض مع الارض بتاعتك ... والفول سموجود و الحمد لله وانا كنت ناوي اسافر فيهم في الصيف ..ز وما سافرناش .

عبدالله: بس كدة بتزيد الديون عليا .

محمد بعصبية : ومين قالك اني حدقهالك سلف .. ما تقوعتش منك الكلام دى يا عبدالله .. دلوقتي لوا انا كنت مكانك مش انت كنت حتتصرف بالطريقة دي .

عبدالله: والله مش عارف اقولك ايه ... انت كسفتني قوووي ..

محمد ابتسم لاخوه: خلاص وماتقلش حاجة .. وانا بكرة انشاء الله حروح البنك وححول الفلوس لحسابك وحعرض الارض للبيع ...

عبدالله: بس بشرط..

محمد: ههههههههه ... ايوة مع اني المفروض ا نا اللي اشرط ...

عبدالله: لا بجد .. انت حتدخل معايا شريك وبالطريقة دي يرتاح ضميري ..

محمد:لو كدة حترتاح انا موافق بس بشرط اني اكون شريك بيني وبينك وما حدش يعرف بالموضوع دى خالص ..

عبدالله: اوكي..وبقولك ايه مش محتاج انك تبيع ارضك ... اعتقد الن المبلغ اللي حيجي من الاسهم مع الارض بتاعتي مع فلوسك حيكفوا انشاء الله .

محمد: خلاص بس لو حسيت تاني ما تتردتش وتقولي ... وماتنساش اني اخوك ..

عبدالله اللي كان بيحس براحة كبيرة جدا بعد مااخوه حل مشكلته ..: وماتنساش ان انا مش عايز بابا يحس باي حاجة .

محمد: ماتخافش بس مش موافقك على الحكاية دي بس انت حر .

عبدالله قام وحضن اخوه قوووي لانه فعلا كان في وطة كبيرة وهو اللي حلها ..

عبدالله: جميلك عمر يما حنساه يابوصالح..

محمد: هههههههههه.. دى مش جميل انت ناسي اني شريك ولا ايه .. وكفاية بقى الناس بدأت تتفرج علينا .

عبدالله: ههههه.. واحلى شريك ربنا ما يحرمنيش منك يا محمد

محمد بابتسامه: ومنك انت كمان يا ابو يوسف

الحلقة ال18

وفي باريس ...
فاضل ثلاث ايام وسارة وعبد العزيز يرجعوا لمصر ..

سارا: يوووه النهاردة ا خر يوم لينا هنا وانا لسة ما اشترتش الفستان .

عبدالعزيز: انتي اللي مش عجبك اي حاجة اعمل ايه طيب.

سارا:انا اللي مش عجبني حاجة ولا انت كل ماتشوف فستان عجبني تتطلع فيه القطط الفطسانة ...دى عريان اوي او دى لونه فاقع او دى شفاف ...

عبدالعزيز: مش ذمبي انت اللي بتختاري حاجات مش مناسبة .

سارا: يووووووه وايه المناسب من وجهة نظرك ...

عبدالعزيز: تعالي قومي حدخلك المحل ده واوريكي بقى الفساتين اللي على اوصلها .

ودخلوا محل لفساتين السهره ... وقام عبدالعزيز يقلب في الفساتين ولقى فستان طويل لونه ازرق .. واكمه طويل...سارا فتحت عنيها وبتتكلم في سرها .. مش معقول هو عايزين البس كدة

عبدالعزيز: ها ايه رايك ؟؟

سارا: لا مستحيل...

عبداللعزيز: هههههه.. طيب جربيه ...

سارا: انت بتتكلم بجد

عبدالعزيز بمكر : ايوة يالا عايزه ا شوفه عليكي

خدت سارة الفستان وراحت للغرفة القياس .. ولما لبسته اكتشفت انه من تحت مفتوح لغاية نص الرجل من فوق ..... ابتسمت ابتسامه ماكره ونادت عزيز..

سارا: على فكرة يا عبدالعزيز عجبني حاخده .

عبدالعزيز لما اختار الفستان كان عارف ا نه مش حلو خالص بس على سارة احلى ... جمال جسمها مخلي الفستان روعة عليها ومظهر جمال وشهها ..

عبدالعزيز: انتي بتكلمي جد

سارا: ايوة وليه لا .. مش هو ع جبك وحاخده عشان عجبك ..

عبدالعزيز: بس ..لحظه لحظه هو ما كانش فيه فتحه على جمب

سارا: هههههههههههه ايوة مش اي فتحه دي لغاية نص الرجل من فوق كمان

عبدالعزيز: وانا اقول ليه غيرتي رايك .... يالا غيري هدومك وروحي دوري على فستان تاني .

سارا: ههههههههه ... شفت بقى ذوقك ازاي وبتتريق على ذوقي

عبدالعزيز: ماشي يالا بسرعة خلصي وغيري هدومك ..

سارا: هههههههههه انشالله

ابتسم عبدالعزيز وقعد يستناها لغاية ما خلصت .. وسرح في سارة .. وبيتلكم في سره .. يالله الوضع دى لازم يخلص .. بس ازاي نرجع .. هانت ما بقاش الا قليل .. البنت دي بجد سحرتني ... وازاي اقنعتني اانا نروح ديزني لاند مع اني كنت معارض .. ومع انها ما حاولتش معايا تاتي...بس مش لازم انه تتحايل عليا وتقنع فيا .. كفاية اني ابص لنظراتها الساخرة .. ووقتها ماتقدرش ترفضلها طلب .

سارا: عبد العزيز تعالى

عبدالعزيز راح لسارة في غرفة القياس .. لقاها لبسة فستان حلووووو جدا .. كان عبارة عن الوان فاتحة متداخلة في بعض وبسيط جدا وفخم .. بس عيبه انه خيوط ..

سارا وهي بتلف: ايه رايك ؟

عبدالعزيز الي كان لغاية دلوقتي متأثر بجملها ... :اممممم .. حلو

سارا: يعني اخده ؟

عبدالعزيز: اممممم ...لا

سارا: يووووه ليه .. فتحة ظهره مش كبيرة

عبدالعزيز: ايوة بس فتحت الصدر كبيرة قوووي .

سارة حطت الشال اللي جاي معاها : طيب ودلوقتي .

عبدالعزيز: الشال شفاف قوووي

سارا بنرفزة : عبد العزيز .

عبدالعزيز لا شعوريا: عيون عبد العزيز

سارا احمر وشها لانه اقو لمرة يقولها كلمة غزل من اول ما اتجوزوا .. واتكسفت وفي نفس الوقت اتبسطت قووي .

سارا:يعني احنا بقالنا كام يوم بندور على فستان ومش لاقين كل الانواع مش عجباك .. يقولوا علينا ايه الناس سارة بنت شوقي مش عارفة تلبس ..

عبدالعزيز: قولي سارة مرات عبد العزيز

سارة باستغراب ايه

عبدالعزيز: الناس بيقولون سارة مرات عبدالعزيز..

سارا: ههههههه... يالا قلت ايه

عبدالعزيز: قلت لا

سارا: والله مش حنزل الشال خالص ..

عبدالعزيز: ليه انتى شايفة ان الشال ده بيستر حاجة
..
سارا: يالا ياعبد العزيز والله عجبني الموديل ده من زمان في باللي والوانه حلوه قوووي .

عبدالعزيز: اوكي طيب ... بس الشال تغيريه وتجيبي واحد اتقفل

سارا: بس الشال ده جاي معاها وصعب اني الاقي واحد مناسب ليه
.
عبدالعزيز: خلاص امرنا لله ... يا لا غيري هدومك عشان نحاسب

سارا: شكررررررررررررررررررررررا

عبدالعزيز: بس ما تتأخريش

سارا: عالطول ثواني

وخرج عبد العزيز من غرفة القياس .. وبعد ماخلصوا وحاسبوا على الفستان وحطوه في صندوق وادوه لسارة .. طلعوا من المحل وهما يبمشوا ...سارة كان نفسها تشتري هدية لعبد العزيز .. ومش عارفة ازاي تستغفلة ..وهو مش راضي يفارها ولادقيقة .. ...شافت محل دي بونت ... بس ازاي تدخله من غير ما عبد العزيز يحس بيها .. وخطرت على بالها فكرة ..

سارا: عبد العزيز عايزة ايس كريم من باسكن روبنز..

عبدالعزيز: طيب تعالي نروحله .

سارا: لا انا تعبانه حستناك هنا

عبدالعزيز وهو يرفع حواجبه: عايزاني انا اجبهولك لغاية عندك

سارا: يووووووه خلاص مش عايزة حاجة

عبدالعزيز: ههههههههه ... يعني بجد كنتي عايزاني انا اللي اجبهولك .. ولا يهمك تأمري يا عيوني .. اروح اجيبلك اللي انت عايزاه بس ماتتحركيش من هنا طيب
.
سارا: اكيد مش حتحرك

عبدالعزيز:اوكي..

وراح عبدالعزيز عشان يجيب لها الايس كريم ... واول ما بعد عالطول سارة دخلت المحل . ولسة عبد العزيز ما وصلش لباسكن روبنز افتكر يسأل سارة عايزة اي نوع ايس كريم ..ودلوقتي المحل مش بعيد قوووي راح يرجعها تاني ... شاف الكرسي مافيش حد .. ولا لقى اثر لسارة .. قلق علهيا قولتلها ما تتتحريش من هنا .. وهي تقول انها تعبانة ايه اللي قومها ..

سارة دخلت المحل وقعدت تتفرج ولا هي دارية عن عبد العزيز حاجة .. شافت طقم حلو قوووي عبارة عن محفظة وقلم .. عجبها قوي وقررت انها تشتريه ... وهي بتحاسب لفت نظرها طقم حلو اشترته لخواها محمد ...وافتكرت اخوها عبدالله وتامر .هي ما اشترتلهمش الا برفانات ..

قامت اشترت لكل من هم قلم ... وبعدين شافت هدية عبد العزيز شوية قليلة قامت طلبتمن البياع انها تكنسل الطقم... واختارت له طقم فخم من الاولاني ... بعد ما حاسبت بالماستر كارد طلعت من المحل وهي تدعى ربها انعبدالعزيز ما يكونش رجع لانها اتأخرت شوية ..

.... حمدت ربها لما ما شافتهوش ...وقعدت على الكرسى .. انتظرته وهو تاخر... غريبه باسكن روبنز مش بعيد هو اتأخر ليه .. ... بعد حول ربع ساعه من الانتظار وكأن قلبها مقبوض وحاسة انه في حاجة حصلت ...وبدأت تقلق بجد على عبد العزيز ... اول ما شافته عرفت انه متعصب ... طيب هو ليه متنرفز كدة اوعى يكون اتخانق مع حد ...

عبدالعزيز كان بيدور على سارة في كل مكان ولما ما لقهاش رجع تاني في نفس المكان .
يمكن تكون هي كمان رجعت .. وافتكر لمام سارة خرجت في لندن من غير ماتقوله .

واهي عملتلها تاني .. بس يمكن ما عملتهاش يمكن حد خطفها .. وقعد الشيطان بيصوروا حاجات ..بجد كان قلقان عليها .. اول ما شافها قاعدة وبكل هدوء مع انه لمح الخوف في عنيها ..حس انه حينفجر فيها .. وكان نفسه يضربها . وتمالك اعصابه ..

عبدالعزيز: كنتى فين ..

سارا: انت اللي كنت فين انا قلقت عليك قوووي

كان صوت سارة في لمست خوف .... خافت انه يكون فيه حاجة .. بس مش باين انه اتخانق مع حد .. اوعى يكون كان بيدور عليا .. كانت خايفة من ردت فعله ..يمكن يعمل زي ما عمل في لندن ....ياربي اعمل ايه ..
عبدالعزيز يحاول يتماسك ويكلمها بهدوء: رحت ادور عليكي

سارة اتأكددت من شكوكها .. ياربي اكيد هو متنرفز .. ما هو واضح عليه ..

سارا: انا دخلت المحل ده

وشاورت على المحل اللي دخلته .

سارا: رحت اشتري لاخواتي هدايا

عبدالعزيز: طيب ليه ما قلتليش

سارا: ماشفتش المحل الا بعد ما رحت قلت ادخل الف فيه لغاية لما ترجع

عبدالعزيز: اصلا انا يادوب اتحرت من هنا وبلف ورحعتلك مالقتكيش كأنك كنتي مستية بس امشي ...

سارا كانت ميته من خوف..

سارا: اسفه بس قولت اتفرج بسرعة قبل ماتيجي ما عرفش انك حترجع بسرعة كدة

عبدالعزيز سحب نفس طويل عشان يهدى: حصل خير بس ما تكررهاش ... على فكرة انا خفت عليكي قوووي وفرنسا بلد ما فهاش امان ..

سارا: حاضر انشالله

عبدالعزيز: يالله نمشى...

ولسة حيمشوا ... سارة خدت نفس طويل ... ..

عبدالعزيز: مالك

سارا: ما اشترتش هدية لبابا اشتريت للكل الا هو لسة ...

عبدالعزيز: خلاص نشتري بعدين .. حتى انا ما لسة ما اشتريتش هدية لبابا ولا لعمر ..

سارا: امتى بعدين وحنا بنروح عن باريس بكره..

عبدالعززيز: انا تعبان الحين نص ساعه وانا ادور او اذا رحنا للمطار نشترى لهم من هناك ..

سارا حست بالذنب ..بجد تعبت عبد العزيز قوووي وهو بدور عليها ..وقالت الحمد لله انه ما زعقش ولا اتنرفز عليها هو اصلا اتغير من ساعة ما كنا في لندن ...بس هو بيحبني ولا لا .. اكيد بيحبني والا ما كانش عاملني بالطريقة دي .. صحيح انه عمره ما قلي الكلمة دي او اي كلمة تدل على الحب ..الا النهاردة قالي من عيون عبد العزيز .. بس اعتقد ان الكلمة دي مش لازم بقولوها اتنين بيحبوا في بعض ..لالا اكيد بيحبنى ويقصدها لانى انا كمان بحبه...وابتسمت ..

عبدالعزيز: ليه بتبتسمي ..؟؟؟

سارا: هاه ولا حاجة

عبدالعزيز رفع حواجبه وماعلقش عليها .. كان لسةمضايق منها شوية ..

بس خلاص مش لازم يبينلها اللي كان بيحسة .. بجد البنت دي بتفور دمي احيانا ..بس هي صغيرةوماتتلامشي
.. مين يقول ان عبد العزيز بقى كدة وتعامله معاها اتغيرت 180 درجة
..

عبد العزيز مستغرب .. ازاي انا ماتنرفتش عليها .. ولا قلتلها كلمة تزعلها ... بجد البنت دي غريبة كأنها بتعمل فرامل لاعصابي لما بكون ثائر .. وبهدء اول ما بشوفها .... وفعلا سارة غيرتني وانا مش عايز اتغير بس غصب عني .. ياترى هو دى اللي اسمه الحب ...

بجد تسلم ايدك ياساسو

يلا كملي بقي

ميرسى يا منه على مرورك

الحلقة ال19

قررت فوزيه انها تكلم عمر النهاردة على العروسة اللي كلمتها عنها بنتها نورة ... بعد ما رجع عمر من الشغل ... نادته امه وطلبت منه انه يجيلها اوضتها .. عمر اللي استغرب من امه ... ياترى عايزة مني ايه لدرجة انها عايزة تتكلم هي وهو بس ومش عايزة حد معاهم ..

عمر: خير يا امي .. هو بابا في حاجة ولا ايه

ام عمر: لا الحمد لله ابوك بخير اطمن ... بس انا كنت عايزاك في موضوع يهمك شوية ..

عمر: ايوة يا ماما انا تحت امرك ...اتفضلي ...

ام عمر: يا ابني حالتك دي مش عجباني ..

عمر: ليه ياماما هو فيا حاجة عملت حاجة زعلتك ..

عمر: لا يا ابني ما فيش حاجة زعلتني ولا حاجة .. بس انت طول النهارد في الشركة .. وترجع على العصر تقعد معانا شوية ..وبعدين تطلع تنام ... كأنك عازب بالظبط ..

عمر: يا ماما في ايه دلوقتي ... وانا مش عازب ...

ام عمر: معلش يا ابني انا ما كنتش اقصد ..

عمر: اعتقد اني ما اشتكتشي لحد عن حياتي ... اوعي يا ماما حتفتحي معايا نفس الموضوع اياه .. انت عارفة راي من قبل ماتكملي ...

ام عمر:لا بس الوضع دلوقتي غير دلوقتي اخوك عبد العزيز اتجوز والمفروض انك تلحقة ..

عمر: بس انا خلاص اتجوزت قبله وليه بنت ولا مش مالية عينك مي ..

ام عمر: بس انا نفسي يبقالك ولد يشيل اسمك يا ابني ..

عمر:ليه يعني هي مين من ابوها مش انا ومش هي شايلة اسمي ..

ام عمر: ياابني مي بنت

عمر: وحتى لو بنت .. يا ماما انتوا لسة بتفكروا بتفكير الجاهلية دلوقتي ما فيش حاجة اسمها ولد وبنت ..وما فيش فرق بنهم قدام ربنا ..

ام عمر: طبعا في فرق .. الولد بيشيل اسمك وعيال عيالهم بيشلوا اسمك ..غير البنت ..

عمر: والله كلام غريب يا ماما دى انت متعلمة وفاهمة الدنيا تقولي الكلام دى ...

ام عمر: وليه ما اقولش... عمر انا فرحت بعبدالعزيز خلينى افرح فيك انت كمان

عمر: اعتقد اني كفاية فرحتك قبل عبد العزيز وجبت بنت

ام عمر: لا مش كفاية عشان ترضيني تتجوز ... نورة اختك تعرف وحدة بتقول عليها ان اخلاقها كويسة جدا ..شوفها ..

عمر: يا ماما كفاية ... مش عايزة اسمع اي كلمة في الموضوع دى .ونورة دي انا حعرف ازاي ما تتكلمش في الموضوع دى تاني ... هي بتشتغلي خطابة دلوقتي ..

ام عمر: اختك عايزة مصلحتك وماتقولش عليها الكلام دى تاني ...

عمر:مصلحتى انا عارفة كويس ... والموضوع دى انتهى خلاص ولو كان على الاسم زي ما بتقولي اهو عندك عبد العزيز اهو اتجوز وانشاء الله يجبلكم الولد اللي انتوا عايزينه ويشيل اسمه واسم العيلة ..

ام عمر: مش بس اسم يا ابني ... انت محتاج لوحدة تهتم فيك وتشاركك حياتك ..

عمر: اعتقد اني مش محتاج لحد يهتم فيها انا اعرف اهتم بنفسي كويس ومش عايز حد يشاركني حياتي ... كفاية عليا مي هي كل حياتي...

ام عمر: طيب بنتك مي مش عايزة حد يهتم فيها ... ومحتاجة حد يشوفلها مصالحا وانت طول النهار في الشغل وسايبها .

عمر: انا شايف ان مي عملة ازمة ومتقلة عليكم هنا في البيت

ام عمر: لا ياعمر والله ازعل منك ايه الكلام اللي انت بتقوله دى ... دي مي في عنينا زي ماانت في عنينا .. بس انا كبرت وما اقدرش على التربية زي الاول .. التربية عايزة صحة يا ابني ..وانا عمري ما اقسى على اولادكم دول احفادي ...واخواتك البنات بكرة يجلهم نصيبهم ويروحا لبيت اجوازهم انشاء الله وحبقى لوحدي ..

عمر: انا موجود يا ماما ...

ام عمر: انت راجل ... وهي عايزة واحدة ست تأثر عليها مش راجل ...

عمر: مستحيل اجيب وحده تانية تحل محل فاطمه ...ومستحيل اجيب لمي مرات اب تتحكم فيها وتذلها ... وانا ايه اللي يضمني انها حتبقى حنينة عليها وتخاف عليها ؟

ام عمر: يا ابني الحاجات اللي بتتكلم عنها دي في الافلام بس والبنت اللي بقولك عليها ما عتقدش تبقى من النوع اللي في راسك دى ..

عمر: شوفي يا ماما اول ما احس اني عايز اتجوز حقولك عالطول .. بس انا دلوقتي مش عايز اتجوز .. وكفاية قوووي عبد العزيز تفرحوا بيه ... اااه صحيح انا نسيت اقولك على فكرة عبد العزيز وسارة راجين يوم الاثنين الساعة 10 الصبح

ام عمر: عبدالعزيز ما قليش عالطول ليه .

عمر: اويا لسة قايلي من الشغل ... بيقولي في الاول ما كانش لقيين حجز ودلوقتي لقوا ..ربنا يرجعهم بالسلامة ..

ام عمر: لازم نعمل عزومة كبيرة احتفالا بمناسبة جوازهم ورجعوهم بالسلام انشاء الله .

عمر: والله دى بقى مهمتكم مش مهمتي ... يالا ياماما عن اذنك ..

ام عمر: ايوة توهتني عن الموضوع ... بس انت ما تنساش وعدك ؟

عمر باستغراب : أي وعد ..؟؟

ام عمر: مش انت لسة قايل انك لما تكون عايز تتجوز حتقولي ..

عمر: هههههههه... انشاء الله يا غالية

وخرج عمر من اوضة امه ... وامه مش راضية تنسى الموضوع دى والموضوع ممكن يتفتح تاني في اي وقت ما دام لسة في راسهم .. كم مرة فاتحوا اكتر من100 مرة وانا ارد عليهم بنفس الاجابة وبرضه ما فيش فايدة ما بيزهقوش ....وراح لاوضته عشان يريح من الشغل ... لانه عندة مشوار لازم يروحه بعد المغرب ... واعد مي انهم يخرجوا النهارة ويوديها للمول .. ويفسحها ...

نرجع لفرنسا .... عبدالعزيز حجز لهم في ديزنى هوتيل لمده يومين ... كانت سارة مبسوطة جداا .. طبعا حطوا الشنط بتاعتهم في امانات الفندق على اساس انهم راجعين باريس عشان المطار ... واول ما وصلوا ديزني على الظهر .. ريحوا شوية وبعدين نزلوا يتمشوا ويتفسحوا .. كان الجو اكتر من رائع ... والدنية زحمة وجميلة ..

عبدالعزيز: ها يا سار مبسوطه.؟؟؟

سارا: طبعا شكرا يا عبد العزيز قوووي ... دلوقتي حنعمل ايه ؟؟

عبدالعزيز: بتساليني انا ... النهاردة انتي الاميرة انتي بس اشري وانا حروح المكان اللي انت عايزاه ..

احمر وش سارة ... دى تاني مرة يغازلها بالطريقة دي .. ... اكيد هو بيحبني ... بيحبني .. بيحبني ..

سارا: مش عارفة انا اول مرة اجي هنا .. فين كتيب الارشادات بتاعت المنطقة دي ..

عبدالعزيز: قبل ما نروح لاي مكان انا جعان ... خلينا الاول ندور على مطعم نتغدى وبعدين نروح في اي حتة انتي عايزاها ..

خرجوا من ديزنى لاند... وراحوا لديزي فيلج ...كان في مطعم كبيييييييير قوووي وفخم وجمبه سينما ... راحوا للمطعم واتغدوا هناك ... وبعد ما خلصوا ..... رجعوا مره تانيه للملاهي لان ديزي فليج مفيهاش الا مطاعم واسواق وسنيما... ركبوا السفينه الي في البحيرة ... كان الوضع مضايق عبدالعزيز شوية بس عشان سارا يالا تهون كل حاجة ..... بعد ما نزلوا ... وهم بيتمشوا والايس كريم في ايد سارة ... كان في طفل صغير بيجري واخوه وراه ... وهو بيجري بسرعة خبط في سارة ووقع منها الايس كريم على هدومها .....سارا شهقت ووقفت متنحة في مكانها ومش عارفة تعمل ايه او تتصرف ازاي ...الطفل ارتبك وابتدى يتكلم مش مفهوم ... وشويةو خلاص يعيط ,,, عبد العزيز اللي شاف الموقف كله من اوله جيه عن الطفل وحط اديه على راس الطفل وابتسم ..

عبدالعزيز: it is ok

اخو الولد لما شاف اللي عمله اخوه نادى على ابوه ...جيه الاب وهو بيبتسم اعتذارا للي عمله ابنه وجري الطفل الصغير ولصق في ابوه ..لانه كان خايف جدا ..

الاب: sorry…. He was playing with his brother …oooh…. I'm so

عبدالعزيز: no no its ok….. worrydon't

الاب لف على ابنه وقعد يتكلمم معاه كلام مش مفهوم شكله كدة اوروبي بس مش انجليزي ولا فرنسي وقعد يهزء في الولد على اللي عمله ... الطفل راح لسارة وفي اديه منديل خده من ابوه ... ولكمها كلام مش مفهوم ... واخدت سارة منه المنديل وهي بتبتسم ...

الاب: it is my false …shouldn't lets my sun running here…. I

عبدالعزيز: every things are alright…just a kid hehe

الاب: thank you so much .. he will not doing this again

ولف الاب على ولده وقاله كلام كتير وفيها كلمه sorry .... الولد لف لسارة وعبد العزيز
الولد: sorry

سارا: its fine

ابتسم الاب وخد ابنه ومشيوا .

سارا: يعني الاب كان في موقف محرج قوووي هو وابنه ...الطفل صعب عليا قوووي

عبدالعزيز: هههههههه..وانت شوفي هدومك ... ازاي الايس كريم ساح عليها ...

سارا: طبعا شمتان فيا ... بس انا اللي استاهل ما حدش قالي اني اكل ايس كريم

عبدالعزيز:احنا لسة معدين على الحمام ... تعالي نرجعله واغسيليه كويس لو ما نضفش نرجع للنفدق ..

سارا:لا حمام ايه انا عايزة اغير هدومي .. يعني ينفع نرجع للفندق ..

عبدالعزيز: طبعا ينفع يلا طيب ..

ورجعوا للفندق ... دخلت سارة الحمام ووخدت شور ... عبدالعزيزكان بيتفرج على التليفزيون واتصل بالريسبشن عشان ياكد الحجز على طيارة بكرة ... ما كانش عايز يوصل مصر الصبح لانهم كدة حيبقوا تعابنين وحيضيعوا النهار كله .. لقى كرسيين في الطيارة على الساعة 7 بليل .. ويوصلوا مصر على الساعة 12 بليل يعني على الساعة 2 بتوقيت القاهرة ... لقاها احسن من عشرة الصبح ... اكد عبدالعزيز الحجز وقفل التليفون .. واتصل على اخوه عمر ..عشان يقوله على الموعد الجديد ... وبالمرة يتكلم مع اخوه شوية ... لانه ما كلمهوش من ساعة اخر مكالمة ..

عمر: لا مش مصدق .. انت فين يا ابني .. ولا تسأل على اخوك الغلبان دى ..

عبدالعزيز: ههههههههههه ... معلش بس كنت مشغول

عمر:يعيني بقيت تنشغل عننا يا سيدي براحتك .. لو اعرف ان الجواز حياخدك مننا كدة ما كنتش وافقت انك تتجوز وكنت حفضل اقنع في بابا عشان ما يجوزكش ..

عبدالعزيز:يخرب عقل با عمر وحشتني موووت .. انا ما قدرش انشغل عن اخويا حبيبي .. بس انت عارفة بقى دلع العرايس كل يوم في مكان عايزة تشوف الدنيا يا سيدي ..

عمر: ههههههههههههههههههههه والله وعملتها بنت عمي شوقي .

عبدالعزيز: عملت ايه ؟؟؟

عمر: لا سلامتك ولا حاجة ماعملتش حاجة .. سمعنا انكم حتوصلوا بكرة انشاء الله .

عبدالعزيز: اااه صحيح قبل ما انسى ...انا غيرت الحجز .. حنوصل على الساعة 2 بليل انشاء الله .

عمر: ايه قول من اول ..وانا فكرك مشتاقلنا ونفسك تيجي دلوقتي قبل بكرة .. اوعى تكون عايز تطول المدة كمان ... اهلك حيزعلوا لو اجلت الوصول ... ورهف حتزعل عشان مش حتحضروا حفلتها .. ههههههه...توصلوا بالسلامة انشاء الله ..

عمر: طب ليه غيرت الحجز ... مش حلو انك توصل في نص الليل كدة .

عبدالعزيز: لاكدة احسن ... انا عارف حنوصل تعبانين وعايزين ننام ونستريح ..ولو وصلنا 10 الصبح .. كل العيلة حتيجي تسلم علينا ومش حنرتاح ... وبصراحة مش حنبقى فايقين خالص ... عشان كدة انا قلت نيجي بليل ونستريح وننام وتاني يوم نسلم على العيلة كلها براحتنا واحنا فايقين
...
عمر: خلاص ولا يهمك وانا حكون في انتظارك في المطار وفي الموعد المحدد

عبدالعزيز: بقولك ايه ماتقولش لامي عشان ماتقلقش علينا ولما نوصل نبقى نسلم عليهم براحتنا ..

عمر: ما تخافش حيكونوا نايمين

عبدالعزيز: احسن ..عشان اخد راحتي في النوم

عمر: اللي انت عايزه حعملهولك ... بس انت طمني اخبارك ايه مع مراتك

عبدالعزيز: انا وسارا الحمد لله تمام ...

عمر: مبسوط؟؟

عبدالعزيز: متقبل الوضع...

عمر:يعني ايه متقبل الوضع ... واضح انك بدأت تميل للبنت الا اذا ما كانش سهام الحب صابتك

عبدالعزيز: لا يا شيخ أي حب ايه الكلام الفارغ اللي انت بتقوله دى ... احنا ماعندناش الكلام دى ... قصدي تقبلت يعني ان انا استوعبت ان ليا زوجة لها حقوق لازم ادهالها هو دى قصدي فهمتني ...

عمر: يعنى عايز تفهمني انك ما بتحس من ناحيتها الا الواجب بس ...

عبدالعزيز:اكيد طبعا وما فيش حاجة اكتر من كدة ... انت عارفني يا عمر انا مش بتاع حب ولا عمري ححب وخصوصا سارة .

عمر: ربنا يهديك .. ليه طيب .

عبدالعزيز: انت ما تعرفش سارة ... هي من النوع لو حبتها حضحي بحياتك علشانها ... وانا مش عايز احبها عشان حياتي ما تكونش معلقة بيها .

عمر: والله انك مجنون... ايه الكلام الفاضي اللي انت بتقوله دى ...

عبدالعزيز: انت اللي بتقول الكلام دى يا عمر ,, شايفك كدة وافقت لطلبات امي واتجوزت بعد المرحومة ..

عمر: انا وضعي غير ..والمفروض انك ماتربطش نفسك بيا ...صوابعك مش زي بعض
..
عبدالعزيز: ماعلينا ... نتكلم في الموضوع دى بعدين وما تنساش موعد الطيارة ؟

عمر: اكيد... طبعا يا عبد العزيز توصلوا بالسلام انشاء الله وسلم على مراتك وخلي بالك منها ..

عبدالعزيز: انشاء الله يوصل ...

عمر: ومش حوصيك على مراتك ...

عبدالعزيز: اكيد ..طبعا ما تخافش

عمر: يعني الكلمة الحوة برضه كويسه حتى لو مكنتش تقصد .. بس هي محتجالها ..

عبدالعزيز: ايوة اتكلم يا خبير .. وادينا من نصايحك القيمة

عمر: ما قلتلكش مش امك فتحتلي في نفس الموضوع اياه ...

عبدالعزيز: ههههههههههههههههههههههههههههههه

عمر: هيه انت بتضحك على ايه ؟؟

عبدالعزيز: ربنا يعينك يا اخويا ... على فكرة امي مش حترتاح الا لما تجوزك ..

عمر: بقولك مع السلام احسن ... روح شوف مراتك احسن مني ... لاني مش فايقلك انت كمان ..

عبدالعزيز: هههههههههههه... خلاص مش حتكلم في الموضوع تاني انا كنت بهزر معاك ... بس ماتنساش الموعد ؟

عمر: اكيد... عايز حاجة تاني ؟

عبدالعزيز: لا سلامتك ..وسلم على الجميع بس ما تقولهمش حاجة .

عمر: ماشي مع الف سلامة ..

عبدالعزيز: مع السلامة ..

وقفل عبد العزيز التليفون مع اخوه ... وراح يشوف سارة لانها اتأخرت عليه .. عايز ينزل عشان يتعشى وما يضيعش اليوم هنا ..

سارا الي خلصت شاور بسرعه....لبست لها طقم من اطقمها ...واتشيكت .. ولسة بتقفل شنطتها شافت الهدية اللي جابتها لعبد العزيز .. قالت في سرها ما فيش احسن من الوقت دى عشان تقدمله الهدية وعشان تعبر له عن حبها ليه .. خدتها وراحت للصالة ... وشافت عبد العزيز بيتكلم في التليفون .. ولسة حترجع سمعت اسمها ...

عبدالعزيز: انا وسارا الحمد لله تمام ...

وافتكرت انه بيكلم امه ... ولسة حتروح ناحية عبد العزيز علشان تكلم امه لانها ما كلمتهاش من فترة .. ولسة حتخطو خطو عشان ترحله .. الا وتسمع

عبدالعزيز: متقبل الوضع...

لحظه صمت لان الطرف التاني بيتكلم ..بس رد عبد العزيز كان جامد وما كنتش متوقعاه ... خلاها تتجمد في مكانها وما تتحركش خطوة واحدة ..

عبدالعزيز: لا يا شيخ أي حب ايه الكلام الفارغ اللي انت بتقوله دى ... احنا ماعندناش الكلام دى ... قصدي تقبلت يعني ان انا استوعبت ان ليا زوجة لها حقوق لازم ادهالها هو دى قصدي فهمتني
...
عبدالعزيز:اكيد طبعا وما فيش حاجة اكتر من كدة ... انت عارفني يا عمر انا مش بتاع حب ولا عمري ححب وخصوصا سارة .

هنا سارة ما قدرتش تسمع اكتر من كدة ... وتسمع بقيت الكلام اللي زي السكاكين في صدرها .. رحعت لاوضتها بسرعة .. والهدية شوية وتقع من اديها اللي كانت بترتجف .. حست بدموعها تتجمع في عنيها من جديد .. بس قالت في سرها انا خلاص ضيعت دموعي كتير عليه ... وهو ما يستهلش ...ايه قصدوه انه بيقضي واجب ... ولا يفكر حتى يحبها خصوصا هي ......ليييييييييه...فضلت فترة واقفة مكانها ...من غير حركة مصدومة من ان اللي سمعته ...

ومش سامعة حتى عبد العزيز وهو بنادي عليها ...اوما كانتش سامعة الا صوت نبضات قلبها الي كانت بدق بسرعة ....وعرفت انه قفل التليفون ...وعالطول تتمالك نفسها .. وهي مش ميتة عليه ..خدت شنطتها ورجعت الهدية تاني مكانها ... بعد ما غطتها بالهدوم بتاعتها عشان ماتبنش....حست بعبدالعزيز يدخل الغرفه..

عبدالعزيز: خلاص خلصتى؟؟

خافت تلتفت له ويحس ان فيها حاجة ..

سارا بلا مباله مصطنعه: ايوة بس كنت برتب هدومي

عبدالعزيز: طيب يالله يا حبيبتى بسرعه عشان ننزل تحت ونتعشى وما نضيعش اليوم علينا ..

وبتقول في سرها .. وكمان بيقولي يا حبيبتي ... خاين وكداب ومنافق ... لفت عليه وعلى وشها قنا يخفي الالم اللي كان سكان في قلبها ..

سارا: انا جاهزه ....يالا ننزل.

وخرجوا من الفندق ...

سارا بلا مبالاه: ايه يا عبدالعزيز ...كنت بتكلم مين من شوية ؟

كان نفسها تعرف كان بيقول الكلام دى لمين ..

عبدالعزيز: دى عمر ,, بأكدله على الحجز الجديد ... وبلغته عشان يستقبلنا ..

وبتتكلم في سرها للدرجاتي مش قادر يقعد معايا .. مش قادر يمد يومين كمان .. وانا اقول انه مستعجل على المرواح عشان احضر الحفلة اتاريه مش طايق يقعد معايا وعايز يخلص مني .. لا وكمان بيقول لاخوه انه بيقضي واجب معايا ..

سارا: طيب كنت عايزة ابلغ اهلي بالموعد عشان اخواتي كمان ييجوا

عبدالعزيز: لا يجيوا فين .. الطيارة حتوصل الساعة 2 بليل .. حتى اهلي ما يعرفوش انا قلت بس لعمر عشان يستقبلنا في المطار .. وانشاء الله بعد ما نوصل ونستريخ نروح لاهلك ..

سارا:يعنى حنوصل مصر وما اشوفش اهلي ؟

عبدالعزيز:لما نوصل ربنا يسهلها انشاء الله .

سارة اللي كانت مضايقة جدا بس مش عايزة عبد العزيز يحس باي حاجة وبتبين انله انها عادية ... مر عليهم الويم كله والوقت فيه ما بيتحركش وهي طول الوقت ساكتة ما بتتكلمش الا في الضورة وكل شوية تفتكر كلام عبد العزيز لاخوه ..وبتحاول انها ما بتفكرش في الكلام دى وتشغل نفسها في اي حاجة ........والجو مكهرب ومتوتر بينهم ..لاحظ عليها عبدالعزيز السكوت التام الي مش من طبعها ...ومش شايف حماسها اللي كان متوقعه لما تشوف المكان اللي كان نفسها تزوره ...مروا على محل بيع العاب ديزني ..

سارا: عبد العزيز ... ممكن ندخل المحل ده ؟

عبدالعزيز: اكيد طبعا ... عايزة تشتري منه حاجة ؟

سارا: ايوه هدايا لعيال اخواتى ...

عبدالعزيز: اعتقد انك اشترتليهم بدل من باريس ولندن

سارا:ايوة بس البدل مالهاش فرحة زي الالعاب

عبدالعزيز: خدي اللي انت عايزاه براحتك...

فضلت سارة تدور لعيان احواتها على حاجة مناسبة .. وجابتلهم هدايا جميلة ..

عبدالعزيز بهزار : شكلك حتفلسينا ... ده انتي اشتريتي المحل كله ...

سارا: الحاجات دي مش ليا .. والله انا مقلتلكش تحاسبلي ....اناعندي الفيزا كارد

عبدالعزيز الي اتصدم من ردها هو ماكانش قصده حاجة بس ليه بترد عليه بالطريقة دي ..اسلوبها ما عجبهوش ...

عبدالعزيز: سارة ايه الكلام اللي انتي بتقوليه دى ... انتي ما حدش يهزر معاكي ابدا كل حاجة بتخديها بجد ..

سارا: وانا ايه اللي قلتله زعلك ؟

عبدالعزيز:لا ابد ماقلتيش حاجة ... انتي مالك مش طبيعية من ساعة ما خرجنا من الفندق وانتي مش على بعضك .

ساارة استوعبت الوضع وعرفت لو ما مسكتش نفسها حتتفضح .

سارا: لا ما فيش حاجة ..

عبدالعزيز: طيب يالا بسعة خلصي انا ماليش طقطان على الاسواق ... وكل دي هدايا ..

سارا: خلاص خلصت
...
وهم بيحاسبون شافت ميداليه حلوة عباره عن البوم صغير وعليه منبرى قلعة ديزنى..خدته لرهف لانها تعرفها تحب الميدلايات....حطته عند المشتريات...شافها عبد العزيز ورفع حواجبه وما علقش ..
خرجوا من المحل يعد ما طلبوا منهم يبعتوا الاكياس دي للفندق وخصوصا لان الفندق داخل حدود ديزني ...

الحلقة ال20

الفرشاه في ايديها .. والالوان الزيتية في اديها التانية .. وهي قاعدة وتتأمل في الصورة اللي باينة ملامحها في اللوحة .. وتحس انها ناقصها حاجة .. في لمسة لازم تضيفها ... بس مش عارفة ايه اللي ناقصها ... الصورة ما كانتش عجباها .. ياترها ايه اللي ناقصها .. لسة ناقصة ... ويتفتح الباب ..

رهف: انت لسة بترسمي يا ميرنا ؟؟

ميرنا وظهرها لرهف وهي لسة بتتأمل الرسمة : ايه .. بتقولي ايه يا رهف .. مش حاسة ان اللوحة ناقصها حاجة ؟

رهف: يوووووه يا ميرنا .. مش ناقصها حاجة ... يالاتعالي معايا عايزة اروح اقيس الفستان ؟

ميرنا : لا مش حقدر لازم اخلص اللوحة دي .. خليها وقت تاني ..

رهف مشيت وسابتها وسحبت منها الالوان ..

ميرنا : رهف رجعي الالوان بسرعة ...

رهف: ما ينفعش كدة يا ميرنا انت وعتيني انك حتيجي معايا يبقى لازم توفي بوعدك .

ميرنا : طيب حنروح بس هاتي الالوان .

رهف:عارفة انك مش حتروحي بس بتخديني على قد عقلي .. ميرنا انت ناسية ان احنا حننزل وسط البلد عشان نشتري حاجات كانت ناقصة لاوضة سارة وعبد العزيز
..
ميرنا : لا انا ما نسيتش .. بس انت هاتي الالوان واخرجي برة الاوضة .

رهف: من ساعة قلت نفس الكلام وبرضة لسة قاعدة بترسمي انتي اصلا بتبقي في عالم تاني وانت بترسمي ؟؟؟ يلا بقى ..

ميرنا : ليه هي الساعة كام دلوقتي ؟

رهف: الساعه 7

ميرنا : يووووووه وانا قايلة لمها ان احنا حنمر عليها النهاردة لانها قالتلي ان في حاجت عندها سارة نسيتها
حروح اجيبها .

رهف: شفتى بقى يالا نروح عندنا مشاوير كتيير ...

ميرنا : بس مش عارفة نخلي بروفة الفستان لبكرة عشان نلحق نعمل الحاجات التانية ..

رهف: لا مستحيل ااجل البروفة

ميرنا : بس انا وعدت مها ان احنا نروحلها على الساعة 7 ونص .

رهف:ماليش دعوة .. حفلتي قربت خلاص ولازم اتأكد من قياس الفستان ..يمكن عايز تصليح .. ما فيش وقت ..
ميرنا : طيب بقولك ايه نمر الاول على بيت عمي شوقي وبعدين نروح بروفة الفستان ولو في وقت نروح نشتري الحاجات الناقصة لاوضة عبدالعزيز .. ماشي ..

رهف: طيب يالا روحي البسي بقى ...

ميرنا : خمس دقايق واجهز..

رهف: طيب خدي...

وادتها الالوان .. وخرجت من اوضتها .

ميرنا : ما قلتليش يارهف ايه اللي ناقصة في اللوحة ...

لفت رهف وبصت لميرنا ولقيتها قاعدت تتأمل في الرسمة تاني ...

رهف وهي متنرفزة : ميرررررررررررررررررررررررررررررنا

ميرنا : يمة طيب حروح البس دلوقتي .... خضتيني ...

خرجت رهف وقفلت الباب وراها ... وميرنا سابت اللوحة وراحت تلبس وبعد ما خلصت نزلت تحت ..وشافت امها قاعدة لوحدها ....

ميرنا : ازيك يا ماما قاعدة ليه لوحدك ..

فوزيه:الحمد لله انت حتروحي مع رهف عشان البروفة بتاعت الفستان ؟

ميرنا : ايوة بس الاول حمر على بيت عمي شوقي

فوزيه:ليه ؟

ميرنا : مها كلمتني النهاردة وقالتي ان في حاجات لسارة ... حروح اجبها وامشي عالطول ...

فوزيه: ماشي بس ما تتأخريش وسلمي على ام محمد ...

ميرنا : حاضر يا ماما عايزة حاجة من برة ....امال فين رهف اوعى تكون في السيارة ؟

فوزيه: لا شكرا بس ما تتأخروش ..رهف لسة ما نزلتش من فوق ..

ميرنا : لسة ما نزلتش ... ووجعتلي راسي ومتسربعة .. حنتأخر على مها انا مدياها معاد الساعة 7.30

فوزيه: طيب روحي ناديها....

رهف من ساعة ماعرفت انها حتروح بيت شوقي وهي مش على بعضها ... اخر مرة راحت من ساعة فرح سارة ... وتخاف تروح يكون تامر هناك ... ياترى هو عرف مين اللي شافها على السلم من غير حجاب ولا لاء ... ما اعتقدش اصلا يعرفني من غير حجاب ...وتاني حاجة مستحيل يكون في البيت في الوقت دى ... فتحت الدولاب ولبست اشيك طقم عندها ..

ميرنا من تحت وبتنادي بصوت عالي : رهههههههههههههههههههههههههههههههههف يالا اتأخرنا ...

رهف: انا نازلة اهو مالك متسربعة على ايه ..

ميرنا : لا والله انا اللي متسربعة ولا انت اللي مسربعانة من الصبح ... ايه اللي انت لابسة دى ... هو احنا رايحين فين ..اوعى يكون الطقم ده اللي انت لسة شارية جديد ...

رهف: ايوه ليه؟

ميرنا : وليه لبساه دقولتي .. وانت رايحة تقيسي الفستان ... ايه لزمته يعني ...

رهف: انت ناسية اننا رايحين عند بيت عمي شوقي ...

ميرنا : ايوة احنا حنعدي ناخد الحاجة بس مش حنقعد ..

رهف: مش مهم وانت متغاظة ليه .. يالا خلينا نروح عشان نلحق مواعيدنا ..

وخرجوا من البيت وراحوا لبيت شوقي اللي كان قريب منهم .. واتصلت ميرنا على مها بالموبيل ..

ميرنا :السلام عليكم ازيك يا مها

مها: ازيك يا ميرنا انت عاملة ايه ...

ميرنا : الحمد لله

مها:اتأخرتي ليه ...

ميرنا : لا انا برة على الباب انا وصلت ..

مها: طيب ما تدخلي ... ايه اللي موقفك بره ..

رهف بتهز في دراع ميرنا ....ميرنا لفت عليها ......

ميرنا وبصوت واطي: .. عايزة ايه يا رهف

رهف: اساليها مين موجود جوة؟

ميرنا : تصدقي انك عبيطة وهايفة

ورجعت للتليفون

ميرنا : ايوة يا مها معلش .... حاجات سارة جاهزين...

مها: ايوة جاهزين طيب تعالوا ادخلوا مش معقول حتخدوها كدة من على الباب ..

منيره: معلش انا حخدها وامشي لاننا عندنا مشاوير كتيرة ..

مها: بس تعالي ادخلي وبعدين امشي ..

وخلصت كلام مع مها ... نزلوا من السيارة ...لاحظت ان رهف مش عايزة تنزل ...

ميرنا : انتي مش حتنزلي ولا ايه ...

رهف: مش انت قلتي مش حتقعدي وحتجيبي الحاجة بسرعة وتيجي حستناكي في السيارة ..

ميرنا : مش انت بتقولي انك لبسة الطقم دى عشان رايحة بيت عمي شوقي ...

رهف: اه بس غيرت راي عشان ما نتأخرش على البروفة ...

ميرنا : يالا بطلي حراكاتك دي النص الكم ويالا قدامي ...

رهف : يوووه مش عايزة انزل ..

وهما بيتخنقوا اتفتح باب بيت شوقي ... تامر كان خارج من البيت ... شاف سيارة رنج روفر بيضاء واقفه عند الباب..وعرف انها بتاعت ميرنا .......ولاحظ بنتين واحدة واقفة والتانية جوة السيارة .... وعالطول ترجع صورة رهف لباله ... لما البنات شافوا ان الباب اتفتح .. اتجمدوا في مكانهم وماتحركوش ......

ميرنا وبصوت واطي: رهف يالا ما تفضحناش قدام الناس ما ينفعش نتخانق كدة في الشارع ..

رهف: ما تدخلي وتخلصيني هو في حد مسكك

ميرنا : اول مرة ادخل بيت عمي شوقي وسارة مش جوة وانا مكسوفة ادخل لوحدي يالا بقى ..

رهف :يعنى انا حعملك ايه ححميكي ..

ميرنا : يالا بقى وما تبقيش بايخة يالا عشان نلحق البروفة .

رهف: اففف ..طيب يالا

رهف ماكانتش عارفه مين اللي طلع من الباب لانها كانت جوة السيارة .. واول ما نزلت شافت تامر اللي كان واقف عن الباب ويبصلهم
..
تامر : السلام عليكم يا بنات ..

استغربت ميرنا من تامر اول مرة يسلم عليها .. يمكن يعتبرهم دلوقتي غير بعد ما تجوزت سارة اخته اخوهم ...

ميرنا بصوت واطي : وعليكم السلام...

وراح تامر لسيارته .. اما البنات فدخلوا البيت .. رهف كانت عايشة صراع نفسي من جهة وتحمد ربها انه ماعرفهاش من جهة تانية .... وهي من جواها كانت نفسها يعرفها وما اكونش حاجة نكرة وتبقى كل حاجة في حياته ...استقبلتهم مها ودخلوا .. واصرت انهم يشربوا حاجة ...

مها: ما ينفعش تيجوا كدة من غير ماتشربوا حاجة .

ميرنا : لابس اصل احنا ورانا مشاوير كتيرة ..

مها: مش حطير المشاوير

ميرنا : امال فين طنط ؟

مها: في الصالة مع عمي والعيال .

رهف: احنا جينا في وقت مش مناسب ..

مها: اوعي تقولي كدة يا رهف البيت بيتكم وتيجوا في اي وقت

ميرنا : معلش يا مها اعذرينا ورانا مشاوير كتيرة ...

مها: ماشي المرة دي انا حسيبكم بس المرة التانية لالالالا اوكي وسلمي على عمي صلاح وطنط

ميرنا : انشاء الله يوصل .

مها: تعالوا معايا فوق..انا جهزت لسارة شنطه بس فيها حاجات مش عارفة اذا كانت عايزاها ولا لاء بس هي قالتلي ان انتي عارفة ايه المهم ...

........
وراحوا البنات فوق لاوضة سارة وخدت ميرنا الحاجات اللي توقعت سارة تهتم فيها مثل كتبها وقصصها وغيرها ..

مها: لحظة اعتقد ان لاب توب بتاع سارة في اوضة طنط لحظة اجيبه .

وخرجت من اوضة سارة ... ميرنا اللي ما شافت دبدوب سارة بوبي اللي كان عندها من ابتدائي ... وتعرف قد ايه سارة متعلقة بالدبدوب دى .. اكيد هي عايزاه معاها ..

ميرنا : بقولك ايه يارهف روحي اسألي مها عن دبدوب سارة هو فين ؟

رهف: لا اتكسف اسأليها انت لماترجع ...

ميرنا : انت مالك النهاردة مكسوفة من كل حاجة كدة .

رهف: ما تستني لما تيجي وتسأليها مستعجلة على ايه ...

ميرنا : عشان اتأخرنا ومش عايز نتأخر هنا اكتر من كدة لسةورانا حاجات كتيير .

واصرت ميرنا ان رهف تروح تسأل مها على دبدوب سارة... وخرجت من الا وضة ... بس المشكلة انها ما تعرفش مها في اي اوضة بالظبط ...... وقفت في الصالة اللي فوق ... شافت باب مفتوح .. اكيد مها هناك ..

رهف: مها ..انتى هنا؟

ما سمعتش صوت ..فتحت الباب بشويش شافت اوضة في وسطها سرير كبلير واللحاف نصه على الارض والنص ا لتاني على السرير ... غير المكتبة اللي متلخبطة ومش مترتبة ... وكتب على الارض ...واضح ان الاوضة دي بتاعت ولد ,,, عرفت انها لتامر ... وفي حاجة شدتها انها تدخل الاوضة وما تطلعش منها وهي عارفة انها بتعمل حاجة غلط .... .. بس ما قدرتش تمسك نفسها ... مشيت بخطوات هاديه كانها خايف ان حد يسمعها..او انها مجرمه خايفة حد يمسكها ... لفت نظرها ركن في الاوضة مرتب .. عبارة عن دولاب برفوف مليان كتب... حاجة جديدة ما ك نتش تعرفه عن تامر ...ما كنتش متوقعة ابدا ان تامر بيحب قراية الكتب ,..... راحت لكنزه وشافت كتب كثيره ..تضم اشهر الروايات العالميه والعربيه .. لكتاب كبار اجانب وعرب... يااااااه يعني هو بيحب القراءة زي ....

.. وكمان ذوقه بعد في الكتب عجبنى ... ...بعد ما قرت تقريبا كل اسامي الكتب والقصص الي عنده. .. لفت على التربيزة الي عند السرير .. شافت عليها كتاب واضح انه لسة بيقرا فيه ....مسكت الروايه وقامت تتصفحها ... لاحظت انه مش بس بيقراها لا دى كمان بيعلم على المقاطع والاجزاء اللي بتعجبه ... ... قامت تقرى مقطفات منها ..وعاشت في جو ثانى ..الجو الي يعيشه القارئ.. في اللحظة دي حست ان في حد في الاوضة غيرها ..خافت تلف ... لانها متأكدة ان في حد وراها ... مستحيل يكون هو ... اصلا وهو خارج من البيت .. معقول رجع تاني ...

ياترى مين اللي كان واقف ورى رهف ....

الحلقةال21

في اللحظة دي حست ان في حد في الاوضة غيرها ..خافت تلف ... لانها متأكدة ان في حد وراها ... مستحيل يكون هو ... اصلا هو خرج من البيت قدامها .. معقول رجع تاني ...

رهههههههههههههههههف بتعملي ايه هنا

رهف من الخضة وقعت منها القصة والشنطة اللي في اديها على الارض .. وتلف على الباب والا شافت ميرنا واقفة وحطة اديها على وسطها ...

رهف: خضتيني ... في حد يعمل كدة

ميرنا : لا والله انتي ايه اللي مدخلك هنا ..

رهف: الباب كان مفتوح وافتكرت ان مها هنا

ميرنا : بطلي استعبطات ... طيب ما دام ما لقيتيش حد هنا داخلة تعملي ايه وما طلعتيش ليه عالطول ..انتي مش عارفة ان الاوضة دي بتاعت تامر ...

رهف: ماكنتش اعرف..لما دخلت وشفت المكتبة ما قدرتش اقاوم ... تعرفي يا ميرنا انه عنده قصة نحن لا نزرع الشوك ...انا عايزاها ...

ميرنا : بقولك ايه اتكسفي من نفسك شوية واخرجي من الاوضة قبل ما ترجع مها وتشوفك هنا ... عيب يالا ..

رهف: يمه طيب...

رهف رفعت الكتاب وشنطتها اللي وقعوا على الارض .. ورجعت الكتاب مكانه .. وخرجت من الا وضة .. ورجعوا لاوضة سارة .. واول ما دخلوا رجعت مها ومعاها الاب توب بتاع سارة ...

مها: سوري اتاخرت بس كنت بدور عليه ؟

واديتهم شنطه اللاب توب
...
ميرنا : شكرا يامها .وتعبناكي معانا

مها: لا والله احنا الي تعبناكم معنا .. الشنطه الثانيه تحت ... هاااا ختي كل حاجة ؟

ميرنا : ايوة بس مش شايفة دبدوب سارة بوبي

مها: أي بوبي ..اوعى يكون الدبدوب اللي متبهدل؟

ميرنا : هههههه اه هو

مها: وانتي عايزة منه ايه دى ..

منيره: حخده معانا اكيد سارا عايزاه

مها: اعتقد انه مالهوش لزمة دى مقطع ومبهدل وحالته حالة ... ..

ميرنا : بالعكس سارة بتحب الدبدوب دى قووي كانت بتقولي انه عايزة تديه لاول بنت او ولد تجيبه ... لانها كانت هديتها لما نجحت في اول ابتدائي ..

رهف: هههههههههههههههههههههاي والله سارة عليها حركات

مها: هههه .. اه والله ... خلاص حشوفه فين ما يكونش بس العيال عملوا في حاجة انا كنت شايفاهم بيلعبوا فيه ...

ميرنا : شكرا يا مها ..

مها: لا شكر على واجب انا ما عملتش حاجة ..

ونزلوا كلهم تحت ... راحت مها تدورلهم على الدبدوب وجابته واديتهلهم ... وطلبت منهم انه يقعدوا ... بس هما كانوا مستعجلين عشان يلحقوا البروفة بتاعت الفستان ... وهما في السيارة ..

ميرنا : بقولك ايه يا رهف الوقت تأخر ما نخلي البروفة لبكرة ..

رهف: لا انا عايزة اشوف الفستان

ميرنا : ماشي امري لله

رهف: خلاص وصلنا اهوووووو

ميرنا : تعالي هنا يا مجنونة ... اوعي تعملي اللي انتي عملتيه النهاردة ده

رهف: هو انا عملت ايه

ميرنا : ياسلام عملة نفسك عبيطة .. لما دخلتي اوضة تامر ..

رهف: وانا اش عرفني انها اوضته ..

ميرنا : احمدي ربك انه ما فيش حد دخل عليكي وشافك جوة ..

رهف: ماشي مش حككرها تاني

ميرنا : ههههه حنشوف .

ونزلوا ودخلوا المحل .. الفستان كان جاهز بس لما قسيته رهف كان واسع شوية عليها ...وطلبت منهم انهم يضيقوه .. وحترجع بكرة عشان تقيسه تاني ...

تامر اللي كان مواعد اصحابه في المزرعة بتاعتهم .... وكان بيكلم نفسه وسرحان ياترى اي واحدة من البنات عمي صلاح هي رهف ... ياترى اللي كانت واقفة برة ولا اللي جوة السيارة ...... كان نفسه يعرف .. دى مش عايز يعرف بس دى كمان عايز يشوفها كمان ......وهو غرقان في السرحان والتفكير ... رن موبيله ... لمى اللي ما يأستش من تامر وباقلها فترة بتتصل بيه وهو مطنشها ... ولا معبرها .. مع انه مش مهتم فيها بس حركات كدة وخلاص ...وجاتله مسج فتحها لقاها من مى

تامر حبيبي كفاية بقى طناش وكلمني ورد عليا ... خليني اشرحلك بس الموضوع .. ليه بتعمل معايا كدة ..حياتي انت رد بس واذا ما عجبكش ردي اقفل التليفون في وشي .. والله ان انا بعيط عشان ما بتردش عليا ... ما اعتقدش اني دموعي رخصية بالنسبالك ....رد عليا بقى ..

ويرن الموبيل .. ما كانش ليه نفس يرد ... مع انه زعلان حس ان زعله طول قووي عليها ........ غريبه .. كل دى من رهف .. مش عارف البنت دي عملت فيه ايه ... اتقفل التليفون ووصل للمزرعة ..اللي كانت مليانة شباب ... وكانوا بيلعبوا جيم على الكمبيوتر ...واللي كانوا بيلعبوا في التليفون .. واللي كانوا بيتكلموا ... اول ما دخل تامر ..

سامح : واخيرا شرف تامر ...انت كنت فين اتأخرت كدة ليه ...

تامر : لا كان عندي مشوار خلصته وجيت .. بقولك ايه ... ماليش مزاج اتكلم ...

سامح : خير مالك دى مش عوايدك ..

تامر : ما فيش حاجة ...بس مصدع شوية ...

سامح دى اقرب اصحاب تامر.. ومقرب منه اكتر ويعرف كل حاجة عنه ...ويعرف كل مغامرات تامر مع البنات ... بس عمره ماعمل زيه .. وعمره ما نصح تامر انه يبتعد عن الطريق دي ...رن موبيل تامر تاني مرة ... البنت دي ما بتزهقش ...

سامح : اوعى تكون مى .

تامر :: اوووووووف ايوة هي ..

سامح : انت لسة زعلان منها ومابتردش عليها ...

تامر : لا والله بس ماليش نفس اكلمها ... واول ما اكلمها حتعيط وبتتأسف وحطلع اعذار الدنيا كلها عشان تقولها ..

سامح : هههههه شكلك زهقت منها .

تامر : عايز الصراحة ايوة ... نفسي اقولها ابعدي عني مش عايزك ..

سامح : تلاقيك شوفت شوفة تانية .

على طول تيجي صورة رهف في بال تامر .. بس مستحيل اللعب على رهف .... مستحيل اصنفها زي البنات اللي انا عرفتهم .. بس انا ليه بفكر فيها .. كل دى عشان شفتها مرة .. مع اني ماعرفتش هي اي واحدة منهم ... يووووووه انا بفكر في ايه بس ..

سامح : هيه رحت فين .

تامر : لا ابدا لا شوفة جديدة ولا حاجة ... بس زهقت من وجع الدماغ دى ...

سامح : ربنا يهديك يارب ...

ويرن التليفون ..

سامح : يا ابني رد عليها وخلصنا من الموضوع دى .. وقولها تبعد عنك وخلاص وانك مش عايزها ...
وقفل تامر الموبيل .... ويقوم لصحابة ...

تامر : خالد اوعى انا حدخل في الدور الجاي ماشي ...

خالد:لالالالا ياراجل حتعلب دلوقي لما ابتداينا ما احنا قولنالك من الاول وانت اللي مارضيتش ... وحتخسر لو لعبت دلوقتي ..

شادي : يا بابا الخسارة انت ضامنها من الاول ... يعني ما تتحججش بتامر ..

تامر : ههههههه بقولكم ايه هاتوا الورق وانا حبدأ اللعب من الاول ...

وفي فرنسا ... الناس كانوا متجمعين كلهم عشان يشوفوا العرض الليلي اللي بتعمله ديزني عند بحيرتها الكبيرة .. كان زي الكرنفال الكبيرة ... السفن تمشي وفيها شخصيات ديزني المشهورة ... والالعاب النارية ... والموسيقى مالية الدنيا .... والكل قاعد ومنبهر ومبسوط .... الا اتنين .. سارة اللي كانت بتفكر في الوضع اللي هي فيه ... كانت محتاره مش عارفة تعمل ايه .... الافكار بتجيلها وتروح ... ونفسها تاخد راي حد او تستشيره ... ونفسها تلف على عبد العزيز وتطلع غلها فيه قدام الناس ... ونفسها تضربه لغاية ما يعترف بحبه ليها ...لالالالا ... لو كان متجوزني غصب عنه ... مش عايزاه يحبني غصب عنه ... اصلا انا مابحبهوش ...ولا محتجاه ... بس انت يا بنت حبتيه في الشهر دى اوعي تنكري .. ايوه حبيته .. لا بس انا ما بحبهوش بس دى انا بموووووت فيه .. طب وايه الفايدة ... لازم ما ابينش حبي ليه .. حبقى باردة وناشفة معاه في التعامل ... وحديله حقوقه وواجباته غير كدة ما لهوش حاجة عندي ... وفي المقابل حاخد منه على قد ما اداني ... لانه حيديني اللي انا عايزاه ... عشان كدة انا حديه اللي يتوقعه مني ... استقرت سارة على الحاجة دي ..وقررت انها ما تبينش لعبدالعزيز اي حاجة من اللي في بالها ..

اما عبدالعزيز الي كان عايش صراع داخلى ... ساعه بينكر الكلام اللي قاله لعمر .. وساعه بيأكده ... مش عارف يرسي على بر .. الاحاسيس والمشاعر اللي بيحس بيها اتجاه سارة ... معقولة تكون حب .. لالالالا دى مجرد احترام وعطف .. يمكن بحبها ... بس حب انواع يعني زي ما بحب اهلي ... غير لما بحب حبيبتي ... انا ما بنكرش اني بخاف عليها .. برضة هو خوف زي خوف على اخواتي مش غير كدة ... وخوفه على عيال اخته واخوه ...بس شعوري اتجاه سارة مختلف عن ميرنا او حتى مي .. ايوة اكيد بيختلف لانها مراتي مش اختي او بنت اخويا ... يعني انا بحبها .. صرخ صوت من اعماقه .. يا عبد العزيز انت مش بتاع حب .. اصلا انت ما تعرفش الحب عشان تقدر تفسر الشعور اللي جواك على اساس انه حب .. سارة صعبت عليك بحساسيتها ورقتها ... وانت قاعد بترعاها وتحافظ عليها بس ...... كل اللي انت بتحسه دى مجرد عطف مش اكتر من كدة .. الحب مش ليك يا عبد العزيز مش ليك ... واستقر عبد العزيز على الحاجة دي ...

بعد ما نتهى العرض الليلي ..لو سألتوا سارة وعبد العزيز عن العرض مش حيعرفوا يردوا لانهم ما كانوش مركزين في العرض كان كل واحد منهم سرحان في التاني .. وكان المكان زحمة جدااا والكل عايز يقوم ويروح .. عبد العزيز لما شاف الزحمة كدة خاف على سارة تضيع منه .. مد اديه عشان يمسكها .. وبحركة لا ارداية سارة بتسحب اديها منه ..

عبدالعزيز: مالك يا سارة ؟؟؟

سارا: ما فيش حاجة

عبدالعزيز: هاتي اديكي عشان ما تضعيش من الزحمة .

سارا: مش محتاج حد يمسكني انا ماشية جمبك اهوه

عبد العزيز وهو رافع حواجبه : انت حرة .

ورجع شوية عشان يبقى جمبها وهو بيمشي .. وهما ماشيين كانت في بلاطة مرتفعة شوية .. اتكعبلت فيها سارة ووقعت على ركبتها .. على طول مسك عبد العزيز اديها وساعدها انها تقف ...

سارا: اااي .. خلاص انا قمت .. سبني بقى ..

عبدالعزيز رفع ايده : براحتك

ولسة حيرجعوا يمشوا تاني وتحس سارة بألم جامد في ركبتها .. فقامت تعرج وهي بتضغط على سنانها من شدة الالم .. كانت اديها كمان متعورة لانها سندت فيها لما وقعت .. والارض ما كانتش متساوية ...
....عبدالعزيز كان حاسس بسارة .. وما اهتمش بمعارضتها انه يمسك اديها وحط اديه على كتفها وقربها منه قوووي ...بحيث اصبح كتفها لاصق بصدره .. ولما قربها منه قللت اعتمادها على رجليها ....سارة في سرها ( يعطف عليا ... ايوة كل اللي بيعمله دى عطف وشفقة ..انت مش فاهمني يا عبد العزيز انا مش محتاجة عطف ..انا عايزاك تحبني من نفسك .....) يووووه هو انا اتفقت على ايه ... حست بالدموع تتجمع في عنيها .. ولاحظ عبد العزيز لمعان عنيها من الدموع ..

عبدالعزيز: ركبتك وجعاكي قوووي

سارة اتبسطتت ان عبد العزيز فسر دموعها على اساس انها بسبب الالم ..

سارا: ايوة ..

عبدالعزيز: تحبي اشيلك

سارا: ايه بتقول ايه

عبدالعزيز: مش هي وجعاكي

سارا: لالالا تشيلني ايه قدام الناس

عبدالعزيز: عادي ما يهمنيش راي الناس وتاني حاجة هما بيعموا اكتر من كدة بيفسروها بالرومانسية يا هبلة ..

سارا: لالالا مش محتاجة اقدر اصبر .. وتاني حاجة انا مش هبلة .

عبدالعزيز:طيب خلاص ليه متنرفزة .

سارا بنرفزه : والله لو انت كنت مكاني وركبتك وجعتك حتبقى متنرفز اكتر مني .

عبدالعزيز: هههههههه.. طيب خلاص حتاكليني

سارة بصت لعبد العزيز بنظرة وما ردتيش عليه ...... وصلوا للفندق ... وما سبهاش عبد العزيز الا لما دخلوا الجناح بتاعهم .. على طول سارة راحت للحمام .. كان بنطلونها عند ركبتها كله دم .. خصوصا ان لون بنطلونها بيج ... غسلت الجرح ونظفته ..

وفي مصر ..

الكل في البيت كان نايم والدنيا ضالمة .. كانت عقارب الساعة على 2ونص صباحا .. تامر وبكل هدوء ... عشان ما حدش يصحى ... كان تعبان .. راح لاوضته .. ما فتحش النور .. وراح للسرير .. وهو بيمشي في الضالمة خبط حاجة صغيرة على الارض .. يوووووة اوضتي مش متوضبة ... من زمان الخدامة ما دخلتهاش ....بكرة حقول لامي تخلي الخدامة توضبها .. رمى نفسه على السرير عشان يريح شوية .. على ما يأذن الفجر ..
شوقي : تااااااااااااااااااامر ... يالا قوم ..

تامر : اممممم

تامر: اممم

شوقي : تاااااامر

وفضل يهز فيه ابوه وتامر زي الميت مش حاسس باللي حواليه ..

شوقي : انا عارف ايه اللي ينفع معاك .

وراح للحمام وخد كوباية ماية ... شوقي اهم حاجة عنده ان عياله يحرصوا على الصلاة في وقتها .. ويصلوا في الجامع ... وخصوصا الفجر والمغرب ...وكب الماية على وش تامر ... تامر قام مفزوع من السرير ..

تامر : ليه يابابا يووووووه ليه بس كدة .

شوقي : تستاهل بقالي ربع ساعة بصحي فيك و انت زي الميت ... ما بقاش حاجة على اقامة الصلاة ..

تامر وهو بيمسح الماية اللي في وشه : طيب ما لقيتش حاجة احسن من الماية تقومني بيها .

شوقي : عجزت وانا بحاول معاك ..... يالا قوم اتوضى والحقني على الجامع .. ما شفناش من وش السهر دى بره خير ..يالا قوووم

وبعد ما خرج ابوه .. راح تا مر للحمام وهو مضايق والماية على وشه وشعره مبلول .. وهدومة مبلولة .. غير هدومة واتوضى وراح للجامع ..

وبعد ما خلصت الصلاة .. ورجعوا للبيت .. على طول تامر طلع على اوضته عشان ينام لانه كان تعبان جداااا وما اخدتش كفايته في النوم .. ولما وصل على سريرة داس على حاجة ... شاف محفظة صغيرة سودا ... اول مرة يشوفها ... وطى وخدها .. استغرب واضح انها محفظة ..بس ياترى بتاعت مين ... وايه اللي جابها هنا ... فتحها ماكانش فيها الا 20جنيه ... وواضح ان صاحبها مفلس .. بس المحفظة انيقة وجميلة .. شكله بتاعت بنت... يمكن مها دخلت الاوضة ووقعت منها .... بس ايه اللي حيدخل مها اوضته ... كان فيها صورة لبنت صغيرة مايعرفهاش .... الصورة ابيض واسود ... سن البنت اللي في لاصورة تقريبا 6 سنيين ... بس لحظة اوعى يكون اللي في بالي ... شال الصورة وكان تحتها صورة تانية .. 3 صور لنفس البنت ... واضح انها نسخ منها .. وصورة لعمر .. ... وصورة لعبد العزيز ... وصورة لبنتين صغيرين جدا .. شكل البنتين بنات نورة ... وصورة لبنت عمر ... وصورة لنفس البنت مع بنت اكبر منها واقفين في حديقة وسنهم ما بين 8 الى 10 سنوات ... يعني اكبر شوية ..

في الوقت دى جيه الفضول لتامر ... وطار التعب اللي كان بيحس فيه ... وطار النوم وقعد على السرير ...وخد المحفظة .... وطلع البطاقات... وتأكد من صاحبته .... وشاف البطاقة الشخصة بتاعتها وفيها صورة وهي محجبة ... يا الله البنت زي القمر حتى من غير مكياج ... البطاقات اللي في المحفظة مهمة ... بطاقة البنك ... والبطاقة الشخصية ... وبطاقة النادي ... بس دلوقتي ايه اللي جاب المحفظة دي هنا في اوضتي .. ازاي دخلت الاوضة ... لا وكمان عند سريري... ايوة هما جم زارونا انبارح .....بس ايه اللي دخلها اوضتي ..معقول دخلت اوضتي عشان تشوفها ... لالالالا انا بفكر في ايه .. يمكن حد من العيال كان بيلعب فيها ونسياها في اوضتي .... بس الفكرة دي برضه ماتدخلش العقل... طب ازاي دخلت هنا ؟؟ ما اعتقدش انها سابتها قصد .. اكيد ما تعرفش اصلا انها هنا ... لان فيها حاجات مهمة ..اكيد وقعت منها .. يعني خلاص تقع منها هنا جمب سريري... والغريبه من دى كله ان تامر ما اضايقش ان المحفظة وقعت عنده في الاوضة كل اللي ضايقه ان الاوضة ما كانتش متوضبة ......

ارتسمت ابتسامة غريبة على وش تامر... بس هو اش عرفه انها كانت حتدخل الاوضة اصلا ... دى لوكان يعرف انها حتدخلها اصلا دى ما كنش وضبها وبس لالالا دى كان عطرها وخلها ريحتها حلوة كمان.... حط المحفظة على الترابيزة اللي جمب السرير .... بعد ما قرر انه يحطها بكرة في اوضته سارة ... على اساس اذا جات سارة اكيد حتدخل اوضتها ..... وتشوف الحفظة وترجعها لرهف .. يعني كأنها وقعت في اوضتها لما جم ياخدوا حاجات من اوضتها ...
ونام تامر وطيف رهف ما فرقش خياله ...

وفي فرنسا ....

بعد ما صحيوا من النوم على حدود الساعة 6 ونص الصبح .. اقترح عبد العزيز على سارة انهم يفضلوا قاعدين هنا لغاية الساعة 1 الظهر وبعدين يرجعوا لباريس ..

سارا:لا مش مستهلة ... احنا مشينا انبارح بما فيه الكفاية ..

عبدالعزيز: في اماكن كتيرة لسة ما رحناهاش ...

سارا: معظمها العاب وانا ماليش طولة بال ....لو انت كنت عايز خلينا بارحتك .

عبدالعزيز:وانتي اللي كنتي متلهفة انك تيجي ديزني ... كل دى عشان يوم واحد وتزهقي .

سارا: ما زهقتش بس ما حبتهاش دمها تقيل

اكدي سارة مش حتحب المكان دى ... مش هنا تحطمت كل امالها واحلامها .. وحبها الوليد اللي لسة ما شافش النور ولا عبرت عنه .. مات وهو في المهد ...كل دى حصل في المكان دى .... يعني معقول حترتاح في مكان حصل فيه كل دى ... او حتى تحبه .. هي ما صدقت تطلع منه .. لا والاحسن انها خلاص حترجع مصر ...

عبدالعزيز: براحتك تعالي نفطر ونمشي ... حجاتك كلها جاهزة ..

سارا: ايوة .. كل حاجة جاهزة ..

عبدالعزيز: خدي اللي انت عايزة تخديه معاكي في الطيارة ... عشان خلاض مش حنفتح الشنط تاني ..

سارة وهي بتبص على الشنطه صغيره.. مش عايزة اخد حاجة معايا الا الشنطة دي بس وبتشاور عليها .

عبدالعزيز: اوكي حتصل على الفندق يجبولنا سيارة ويبعتوا الحمال عشان ينزل الشنط والاكياس دي كلها ..

على الساعه 9 الصبح وصلوا لباريس... اخذوا يتمشون فيها بعد ما اودعوا الشنط مع الشنط الي قبل عند الفندق نفسه على اساس انهم حيجوا ياخدوها الساعة 2 ويروحوا للمطار مرة وحدة ..اشتروا هدايا للي لسة ما جبلوهمش هدايا والكلام بين سارة وعبد العزيز كان شبه معدوم......كان الهدوء من طرف سارة اكتر ... لو كلمها عبد العزيز او سألها عن حاجة ترد عليه وبس امتر من كدة ما فيش ... واذا ردت بكلمة او اتنين .. عبد العزيز كان حاسس بسارة .. وحاسس انها مش طبيعية ... بس فسر عدم طبيعيتها دى على اساس انها خلاص زهقت وعايزة ترجع مصر واشتياقها لاهلها .. وخصوصا لما بيشوف اللمعة في عنيها والفرح لما بيفكرها عن مصر واهلها ...

وفي مصر..

بعد ما رجع عمر من الشركه .. كان تعبان جدا .. قرر انه ينام شوية .. وراه مشورا .. لازم يروح المطار عشان يستقبل اخوه ... دخل البيت ما لقاش حد .. راح لاوضته .. وهو ماشي مر باوضته ميرنا سمع اوات اخواته ... خبط على الباب ودخل ..

عمر: بتعملوا ايه با حلوين

ميرنا : اهلا يا عمر ... انت جيت .

عمر: لا لسة ما جيتش ... انت شايفة ايه ..

رهف: هههههههه... سيبك منها غبيه ما بتفهمش

ميرنا :سيبالك الذكاء كله يا ختي ..

عمر:والله انتوا ناقر ونقير الواحد لسة جيي من الشغل وتعبان وراسي وجعاني .. قلت اجي اتكلم معاكم شوية وانتوا من اول ما دخلت بتتخنقوا مع بعض ..

ميرنا : ومين قال ان احنا بنتخانق .

رهف: ايوة احنا بنتناقش ..في فرق

عمر: لا والله ... المهم انتوا بتعملوا ايه ... وفين امي ..

رهف: امي خرجت .. راحت عند نورة واخدت معاها مي ..

عمر: غريبه ماقالتليش يعني ..

ميرنا : لسة خارجة ما بقالهاش الا نص ساعة .

فرد عمر نفسه على السرير حمب ميرنا اللي كانت قاعد على السرير .. ورهف كانت قاعدة على الكنبة الصغيرة اللي في الاوضة .

رهف: شكلك تعبان قوي يا عمر

عمر: اه والله .. ورايا شغل كتير .. الا قولولي ..اوضة عبد العزيز جاهزة .

ميرونا : لا لسة ناقصها حاجات بسيطة ...بس اكيد بكرة حتكون جاهزة ا نشاء الله .

عمر: أي بكره .. انتوا عارفين انهم حيوصلوا الليلة ..

رهف وميرنا : الليلة ... ازاي ..

عمر: يمه طيب بتزعقوا ليه ايوة الليلة .

ميرنا : ليه يعني احنا اخر من يعلم وليه امي ما قلتلناش .

عمر: لانها ما تعرفش يا فالحين

رهف: ازاي يعني

عمر: هو ايه اللي ازاي .. بس يا ويلكم حد يقول لاي حد هنا في البيت .. وخلصوا الاوضة وجهزوها ..

ميرنا : وليه مش عايزنا نعرف حد .

عمر:عبد العزيز هو اللي مش عايز يعرف حد مش انا ..

رهف: وليه انشالله .. وعنده ايه الاخ عبد العزيز

عمر: ههههههههههههه... ولا حاجة .. يقول عايز يرح وبعدين يسلم عليكم بعدين .

رهف: ااصلا هو عمره ماشتاق لنا ..

ميرنا : واحنا كمان مش مشتاقين له احنا مشتاقين لسارة .

عمر: هههههههههههههههاا.. والله انتوا عيال وحتفضلوا كدة ومش حتكبروا ابدا .. لو كان دى تفكيركم ..

رهف: طيب انت فسرلنا قصد اخوك المصون باللي بيعمله دى ايه.

عمر: طيارته حتوصل الساعة 2... يعنى على الساعه 3 ونص اربع الفجر حيكون في البيت تخيلي انتى مكانه حيكون لكي نفس انك تسلمي على حد .. ولا حتحتاجي لسرير مريح وتنامي عليه .

ميرنا : اه صحيح .. بس اكيد ابويا وامي حيزعلوا ...

عمر: يزعلوا من ايه .. لما يصحوا الصبح انشاء الله حيشوفهو ويسلموا عليهم كمان ..

رهف: طيب بيت عمي شوقي يعرفوا انهم حيوصلوا .

عمر: مااعتقدش ... ما قليش عبد العزيز ... والنهاردة شفت محمد وما قليش حاجة بخصوص الموضوع دى ..

ميرنا : مش عارفة حاسة ان تصرف عبد العزيز بالطريقة دي غلط ..

عمر: انا ما قلتلكمش عشان اسمع رايكم ... بس عايز الاوضة تبقى جاهزة .

رهف: اكيد انشاء الله ... خلاص طلعنا يا عمر عشان نشتري بقيت الحاجات الناقصة .

عمر: لا والله .. انا مش فاضي لكم روحوا لوحدكم ..

ميرنا : انت تعرف اني امي ما بترضاش نروح السوق لوحدنا ولو قلنالها حتفتحلنا سين وجيم .. ومش حنقدر نقاوم وحنعترف عالطول من اول سؤال ان عبد العزيز وسارة جيوصلوا النهاردة ..

عمر: عشان ادبحكم ... ولو الحاجات الناقصة بسيطة خلاص مش مهم دلوقتي نجبهم بعدين

ميرنا : لا ما بنفعش دول مهمين جداااا .. وما يستنوش ..

عمر: طيب زي ايه

رهف: لية ما اشترناش الشموع .. عايزين نملى الاوضة شموع ...

عمر: ههههههههههههههههههههههههههههههههههههههههههههههه

ميرنا : بتضحك على ايه

عمر وهو مش قادر يمسك نفسه من الضحك: والله انكم جوز تحف ...انتوا بتتكلموا جدا

رهف بعصبيه: ايوة بنتكلم بجد مش عرايس دول وعايزين جو رومانسي ..

عمر: هههههههه..

ميرنا : طبعا مش لسة راجعين من شهر العسل لازم تكون اوضتهم رومانسية ..

عمر: والاوضة ما تبقاش رومانسية الا بالشموع ..

رهف: يعنى فاطمه الي عمرها ما شغلت لك شمعه

اتغير وش عمر .. ورهف استوعبت الكلام اللي قالته ... بس بعد ايه ..

رهف:انا اسفه يا عمر والله ماكنتش اقصد

عمر: لا عادي .. الله يرحمها

ميرنا : عمر رهف ما تقصدش حاجة ماتزعلش ..

عمر: انا عارف ومش زعلان مين قالكم اني زعلان .

ولفت ميرنا لرهف وبصتلها بصة عتاب على الكلام اللي قالته لاخوها ... ورهف بجد ندمت ... ووقف عمر عشان يخرج من الا وضة ولما وصل عن الباب لف على اخواته ..

عمر: اوكي انا حريح شوية ...وعلى الساعه 7 تكونوا لابسين وجاهزين عشان اطلعكم تجيبوا اللي انتوا عايزين تشتروه لعبد العزيز وسارة ...

نطت ميرنا وجريت وحضنت اخوها وباسته من خده ..

ميرنا : شكرررررررا يا احلى اخ في الدنيا ...

عمر: هههههه... ايوة في المصلحة بس تعرفوني وغير كدة ما حدش يعرفني ..

ميرنا : لا والله يا عمر احنا بنحبك قوووي من غير اي مصلحة .

عمر: المهم لو اتأخرتوا انتوا حرين

ميرنا : اكيد حنكون جاهزين ...

لاحظ عمر سكوت رهف الغير عادي ....

عمر: رهف حبيبتي والله عادي انا مش زعلان ما فيش حاجة ... والكلام اللي انتي قولتيه كله صح .. وبالعكس انا اتبسطت لانك فاكرتيني بذكرى حلوة .. من زمان ما افتكرتهاش ..

رهف بصوت واطي: ربنا ما يحرمناش منك يا احلى واطيب اخ في الدنيا

عمر: ههههههههههههه.. والله عليكم كلام يالا يا احلى اخوات في الدنيا وباس اخواته وراح عشان يريح شوية ..

وخرج عمر من الا وضة .. ورجعوا رهف وميرنا للرغي تاني .

الحلقة ال22

وفي مطار باريس ... بعد ما خلص عبد العزيز وسارة اجراءات المطار المعتادة من جوازات وتذاكر ووزن ... راحوا لصالة الانتظار .. وقعدوا كان الوقت لسة بدري شوية على اقلاع الطيارة باقي حوالي ساعتين ... يعني عندهم ساعة ونص فاضيين فيها .. خد عبدالعزيز الجريدة وقعد يقرا فيها .. وسارة قعدة جمبه بجسمها بس ... اما روحها كان في مكان تاني ....كانت بتفكر في مستقبلها .... قبل يومين كانت الصورة واضحة بالنسبة لها .. حياة سعيدة ... مع زوح تحبه .. وعيال .. وبيت صغير على قدهم .. بس دلوقتي حاسة ان مستقبلها بقى اسود ... مش قادرة تتخيل شكله حيبقى ازاي ... وهي اصلا مش عارفة حتسكن فين ... ولا عمرها سألت عبد العزيز السؤال دى .... بس دلوقتي في راسها الف سؤال وسؤال عايزة تسأل بيه عبدالعزيز .. ..حيسكونوا فين .. وحياتهم حتبقى ازاي .. عايز يجب اطفال ولا لاء .. ولا كفاية عليه زوجة .... اسألة كتيرة بدور في راسها ... لف عبد العزيز على سارة لقاها بتلعب في الم نديل اللي ايديها لغاية لما قطعته ... لغاية لما نتفتها كلها على حجرها ... عرف انها مش معاه ابدا وانها في وادي تاني خالص ... شكلها لسة خايفة من الطيارة .. مد اديه وحطها على اديها وضغط علهيا جامد .. سارة اللي تفاجأت منه وفاقت من السرحان اللي كانت فيه ورفعت راسها .. وعلى طول تقع عنيها على عين عبد العزيز .. كان بينهم مغناطيس يجذبهم ... ما قدرتش تنزل عنيها من عينه ... عنيه حلوة ... الجملة الوحيدة اللي طرأت على بالها ... ان عنيه حلوة ... وجت في بالها لو جابت ولد ياخد من ابوه عنيه الحلوة دي ... اكيد ما فيش بنت تقدر تشيل عنيها عنه ابدا .....وشها احمر .. لاحظت ان عين عبد العزيز ابتسمت .. كأنه بيقرا اللي بدور في بالها .. ياترى هو بيفكر في ايه .. بعد الكلام اللي انا سمعته منك يا عبد العزيز .. بتفكر في ايه تاني ..

عبد العزيز : ماتخافيش انا جمبك يا سارة .

سارا باستغراب: اخاف من ايه

عبدالعزيز: من الطيارة

سارة اتغيرت ملامح وشها وكأنها لسة بتستوعب انها حتركب الطيارة من جديد لانها نسيت اصلا انها حتركب طيارة لانها كانت سرحانة في حاجة تانية خالص ...وعبدالعزيز زاد ضغط ايده على ايدها بعد ما لاحظ تغير ملامح وشها ... ياترى بتشفق عليا يا عبدالعزيز ولا خايف عليا ولا ايه بالظبط .. بيعاملني زي الاطفال ... لا انا مش لازم اخاف .. عشان ما ادهوش الفرصة يشفق عليا .... انا مش محتجها الشفقة دي انا محتاجة لحاجة اكبر من كدة يا عبد العزيز ......

سارا: انا مش خايفة ...

عبدالعزيز: ماعلينا .. انت مش جعانة احنا ماتغدناش ما تيجي نتغدى ...

سارا:بس انا مش جعانة ...

عبدالعزيز: براحتك بس اكل الطياره يمكن يطول ...

سارا: اوكي خلاص تعالى نروح نتغدى

راحوا لركن المطاعم ... قعدت سارة على احد التربيزات وراح عبد العزيز يطلبلهم اكل .. قعدت سارة تتفرج على اللي رايح واللي جاي .... كانت لغاية دلوقتي مضايقة ...لفت نظرها وهي قاعدة امرأة زنجية وشكلها مش حلو خالص ... وماسكة بنت واضح انها هجينة شعرها خشن ومش حلو بس لونها افتح من امها ... وملامحها مش حلوة في نفس الوقت ومش وحشة يعني عادية .. كانت الام والبنت واقفين عند حمام الرجالة .. الفضول كان حيموت سارة وتشوف شكل الاب ايه .. واضح من البنت انه ابيض ... فتح الباب وطلع منه راجل اوروبي كان حلو قووووي ووسيم جدا وما توقعتش انه يتجوز واحدة وي دي ... طارت البنت من امها واترمت في حضن ابوها وبعدين الراجل لف على مراته وابتسملها وقرب منها وحط اديه على كتفها ... ابتسامة كلها حي ونظرته كمان مليانة بالحنان والحب ... حست سارة بالحسد ... .نفسي عبدالعزيز يبقى زيه ... هو دى اللي انا عايزاه منه الحب الحقيقي مش المصطنع ... الحب اللي ما بيهتمش بالشكل والمنظر ... حب صافي .. حب يخلي اللي قدامه ملاك حتى لو مش حلو ...ياترى هو انا بطلب المستحيل ... يعني كتير عليا الاحساس دى.... شافت عبد العزيز جاي وشايل صنية فيها بيتزا مع عصيرين ... وهي قاعدة ومراقبة وهو جاي وسرحت ... ياسلام يا عبد العزيز لو اتمكن من قلبك بس ... قعد على الترابية جمبها .. لاحظ عبد العزيز نظرة حزن في عين سارة ....هو حاسس ان فيها حاجة بس دلوقتي اتأكد .. ياترى مالك يا سارة ... ياترى ايه سبب حزنها .. ايه اللي مغير مزاجها كدة ...

سارا: قلتلهم يا عبد العزيز يشيلوا الزتون من البيتزا ...

عبدالعزيز: ايوة الزتون والبصل كمان

خدت سارة قطعة وقعدت تاكلها وبكل هدوء وعبد العزيز لسة بيبصلها ... تصرفاتها مش طبيعية ... حركة اديها .. مش معقول كل التوتر دى عشان الطيارة ... ايه اللي مضايقك يا سارة .... يمكن مش عايزة ترجع مصر ...

عبدالعزيز: بقولك ايه ياسارة ايه رايك نكمل قاعدتنا هنا ونأجل سفرنا لمصر

سارا رفعت راسها وعنيه مفتوحة : لييييييييييييييييييييييه .

عبدالعزيز: لا بس اقتراح

سارا: انت مش عايز ترجع مصر مش كدة ....

عبدالعزيز: سارة انا بقترح عليكي اقتراح ...يعني لو حابة نمد القعدة هنا ...

سارا: لا بس اقتراح غريب شوية .. ..

عبدالعزيز : لا غريب ولاحاجة عادي يعني

سارا: هي الطيارة فيها مشكلة ولا ايه

عبدالعزيز: وبعدين يا سارة ... بقولك ايه انسي اقتراحي كأني ما قلتش حاجة ...

سارة وهي مستغربة من اقتراحه : براحتك

وكملت اكل ...اتغاظ عبد العزيز من تطنيشها ولا مبالاتها ..لالا دى اكيد فيها حاجة ومخبياها عليا ...ايه قصدها براحتك ... انا استاهل اللي يحصلي اني اصلا بسالها ومعبرها ... انا حوريكي يا سارة .. وخد القطعة بتاعته وقعد ياكل ...

وفي مصر ...
نزل عمر من فوق وشاف امه قاعدة في الصالة وجمبها اخته رهف ...

ميرنا : صح النوم ...

عمر: صح بدنك ...

ميرنا : احنا جاهزين من بدري وقلتلنا اننا نكون جاهزين الساعة 7 ودلوقتي الساعة 8 ونص .

عمر: معلش راحت عليا نومه ...

قرب من عند امه وباس راسها ...

عمر: اخبارك ايه يا الغالية ..

فوزيه: بخير ياحياتى....

عمر: بقولك ايه يا امي هي فين القمر ....

ميرنا : قصدك المعفنة ..

عمر: وبعدين مش حخرجك في حتة ... اتلمي ... اهو انتي المعفنة ..

ميرنا : ما اقصدش .. ياساتر هو ما فيش حد يهزر معاك ابدا ..

فوزيه: رايحين فين ..

عمر: عايزين يشتروا حاجات .. يا ماما هي فين مي مش شايفها ..

فوزيه: مارضتش تجي من بيت عمتها ..سيبتها هناك

عمر وهو معقد حواجبه : مرواحها هناك كترت قوووي .. وعالطول بترجع مضايقة من هناك .. بنت نورة دي عايزة تضرب ضرب .. عالطول بتتخانق مع بنتي وما ترضاش تديها العابها .. ومع كدة بنتي بتحب تروح هنا ...

فوزيه: ههههههههه..مالكش دعوة انت بالعيال هما بيعرفوا يتصرفوا مع بعض .. ايوة بيتخانقوا بس بيحبوا بعض قوووي ..

عمر: ايوة دافعي عنهم .. ماهم احفادك ... هي تروح هناك تتبسط وبعدين تيجي تعيطلي وانا احيالها بلعبة جديدة البنت دي حتفلسني ..

فوزيه: انت اتجدعن وجبلها اخت اواخ عشان تلعب معاه وهي مش حتفلسك ....
عمر ولا كانه سمع جمله امه الاخيره: بقولك ايه يا ميرنا .. ماتروحي تنادي على رهف بقى علشان نلحق المحلات ..

فوزيه: ماتقعد معايا شوية

عمر: ياامي ورايا مشوار غير المشوار دى عايزة الحق ..

وراحت ميرنا تنادي على اختها رهف .. وقام عمر حيخرج برة ...

فوزيه: على فين

عمر: حشغل السيارة لغاية لما يجوا

فوزيه: لسة بدري حيخدوا ساعة عقبال ما يجهزوا ...

عمر: طيب ...

وقعد عمر مع امه ... وبعد اخر مرة قعدت معاه امه وكلمته في موضوع الجواز وهو بيتجنبها ومش عايز يقعد معاها لوحده عشان ماتفتحش الموضوع تاني معاه ..... وهما قاعدين دخل عليهم ابوه صلاح ... وكان وشه متغير شوية .....

صلاح : بقولك ايه يا ام عمر الرجالة جيين دلوقتي ...

فوزيه : مين؟؟

صلاح : ابو محمد وابو علي ...

فوزيه: حيتعشوا هنا

سالم: لا حيشربوا الشاي

فوزيه: ماشي حخلي الخدامة تحضر الصالون ...

صلاح لف على عمر : وانت ما تخرجش .. خليك معانا ..

عمر: بس انا واعد البنات اخرجهم ....

صلاح : لا سبهم دلوقتي ...

ميرنا : باعلى صوت : عمممممممممممممممممر احنا جاهزين ...

صلاح : بس يا ميرنا ايه الصوت العالي دى ...

رهف: هههههه سيبها يا بابا هي اصلا ماعندهاش انوثة ....

وتروح رهف عند ابوها وتضمه ..

رهف: اشتقت لك يالغالي
...
ارتسمت ابتسامه حنان على وش صلاح .. خلت النظرة الصارمه الي ما تفارق عنيه اختفت .. وضم بنته ..

صلاح : وانا كمان يا رهف وحشتيني موووت .

ميرنا : يعني انا ليه الزعيق وهي ليها الحضن والحنان دى كله ..

رفع صلاح اديه .. وجت ميرنا وضمت ابوها .. وبقى صلاح ضامم بناته الاثنين ..

رهف: كل دى غيرة

ميرنا : ليه هو ليكي لوحدك ولا ايه يا طماعة ..

عمر: هههههههه ياسلام عليكم ناقصكم نورا وتكمل العيلة السعيدة ...

ميرنا : نورة عندها جوزها ..

سالة وهو بيداعب ميرنا : وانت كمان حتتجوزي وحتسيبينا ..

ميرنا : لا مستحيل اسيبكم ابدا

رهف: ليه عايزة تعنسي

صلاح : بقولكم ايه انا تعبت من الوقفة ... يارب اخلص منكم انتوا الاثنين ...

ميرنا : ايه يا بابا انت زهقت مننا ولا ايه ..

صلاح وهو بيرزيد ضمه لبنته : هو انا اقدر افارقكم بس .. وربنا يصبرني لما تتجوزوا .

ميرنا : انا مستحيل ا تجوز ..

وباست ابوها .. وسابته علشان يقعد لانه تعب من الوقفة ..

رهف: يالا يا عرم عشان نخرج ..

عمر بابتسامه : حبيبكم مش راضي

رهف: أي حبيب ؟؟

ميرنا : هههههه يا غبية يقصد ابوكي .. الا صحيح يا بابا انت مش راضي اننا نخرج ..

صلاح : في رجالة جايين دلوقتي وعايز عمر يضايفهم معايا ...

رهف: ما الخدامة موجودة يا بابا هي اللي تخدم على الضيوف ..

ميرنا : عشان خطري يا بابا لو عمر ماخرجناش مش حنقدر نخرج
..
صلاح : انتوا رايحين فين ...

ميرنا : حنشتري حاجات عشان اوضة عبد العزيز ...

صلاح : بكرة مش لازم النهاردة ..

عمر وهو رافع اديه يعني ما يقدرش يعمل حاجة ..

رهف : صلاح .. صلوحتي

صلاح وهو فاتح عينه : ايه يا بنت هو انا ابنك ولا ايه ...

رهف: بجد يا بابا احنا عايزين نخرج احنا جاهزين ولابسين ومش حنتأخر ..

صلاح : ماشي براحتكم هو انا اقدر ارفض لبناتي طلب ...

عمر: ههههههه...خلاص يابابا لو كنت محتاج منك حاجة حقولها لاخواتي عشان توافق عليها ....
صلاح بس لعمر بنظرة خلته يضحك

صلاح : هي فين امكم والله القاعدة معاها احسن منكم ...

ميرنا : حنريحك منا يابابا وحنمشي دلوقتي ويخلالك الجو ما ماما ... ايوة يا سيدي من ادك بس .. يالا يا عمر ..
وخرجوا البنات مع اخواهم عشان يروحوا المشوار بتاعهم ..

عمر: عايزين تروحوا فين ..

ميرنا : جنينة مول فيها حاجات حلوة ...

رهف:وكمان الحورية موووول عنده حاجات تجنن ...

عمر: قرروا على مكان واحد...

ميرنا : خلال احلى حاجة نروح سيتي ستارز ...

عمر: بس حيبقى زحمة ..

رهف: بقولك ايه يا عمر نروح المولات كلها احسن ونريج دماغنا مش احسن من الحيرة دي .....ههههههه

عمر: ياسلام ... هو مكان واحد بس ..

رهف: عمررر لو سمحت

ميرنا : انت رايح فين يا عمر اوعى تقول حتروح لنورة تاخد مي ..

عمر: طبعا بنتي لازم تتفسح معاكم .

ميرنا : اتمنى نطلع مرة وهي مش معانا ...

عمر: لو هي ما خرجتش معانا انا مش حطلعكم في حتى

رهف: بس كدة حنتأخر

عمر: ماتخافيش المحلات ما بتقفلش دلوقتي ...

رهف: بس ماتجبش بنات نورة كمان ..

عمر: والله لو مي عايزاهم حنجبهم

منيره: اووووووف بجد حاجة تقرف ...

عمر: ههههههههههههه ... ما تخلونيش ارجعكم دلوقتي وبلاها خروجة ..

رهف: لا خلاص لو عايز تجيب عيال العيلة كلهم هاتهم مش حنقولك حاجة ...

ميرنا بصوت واطي: ما ينفعش نطلع من غير عيال ابدا

عمر: بتقولي حاجة

ميرنا : لالالالا ما بقلش حاجة

ووقف عمر عند بيت نورة ...واتصل على اخته بالموبيل ...

نورة: اهلا يا عمر ازيك

عمر: ازيك انت عاملة ايه ..

نورا: الحمد لله انت عامل ايه

عمر: بخير مشتاقين

نورا: هههههه..ايه مشتاقين هو انا بسمع صوتك الا لما تكون بنتك عندنا بس

عمر: حرام عليك .... هي مي فين ؟

نورا: بتلعب مع البنات

عمر:ممكن تخليها تطلعلي انا في السيارة برة مستنيها ...

نورا: ياعني انت برة على الباب ومش عايز تنزل تسلم على اختك

عمر: معلش مستعجل والله... مرة تانية انشاء الله

نورا:انزل بس انا واحمد قاعدين ...تعالى نتكلم شوية بقالنا مدة ماعرفناش اخبارك ..

عمر حط ايده على السماعه ولف على اخواته : مصرة اننا ننزل ..وانا من زمان ما شفتش احمد

رهف: هي الخروجة دي منقوق عليها يا ساتر

عمر: ههههههه..ابوقلك ايه يا نورة انا كان نفسي اقعد معاكي واشوف احمد انا من زمان ما شفتهوش

نورا: انت معاك حد في السياره

عمر: ايوة اخواتك

نورا: رايحين فين

عمر: عندهم حاجات عايزين يشتروها

نورا: طيب كويس اجي معاكم

ميرنا بصوت عالي: مستعجلين

نورا: هي ميرنا دي ما بتتكسفش من نفسها حتى ما فيش مجاملة ولا تقول لاختها وحشتيني ..

عمر: معلش يا نورة اندهيلي مي بقى

نورا:حاضر انشاء الله .. وعايزين نبقى نشوفك لحسن ازعل ..

عمر: مش محتاج اني ازركم انت كمان شهر حتيجي تقعدي عندنا ..

نورا: لسة فاضل شهر مش دلوقتي يعني مش حشوفك الا بعد شهر

عمر: لا انشاء الله حشوفك يالا بقى

نورا: ماشي يا عمر وسلم على البنات مع انهم ما يستهلوش ..

عمر: ههههههههه .. حاضر يوصل ... مع السلامة

وقفل مع اخته التليفون . ويعد حوالي خمس دقايق وخرجت مي لابوها ... وبحركة تلقاية بتفتح الباب اللي جمبه ..

ميرنا : رايحة فين ..

مي: عمتى ميرنا انت هنا ....

ميرنا : لا وراى .. ولا انا مش مالية عنيمي يالا روحي قعدي جمب رهف ..

عمر:ميرنا ما تكلميش بني الطريقة دي .... ومعاها حق انتي اللي قاعدة مكانها .. يالا روحي انتي ورا وخليها تقعد جمي انا مشتقالها موووت ..

ميرنا : من ساعة ما قلنالك عايزي نخرج وانت عمال تذلنا عشان الخروجة دي

رهف: اه والله مش عارفة ماله

مي: لا يابابا انا حقعد ورا

ميرنا : ومين قالك اصلا اني حقوم ...

عمر: ههههههههههه.. انتوا ما حدش يهزر معاكم ابدا كل حاجة عندكم جد..
بعد ما مشيوا

عمر: مي حبيبتي اتبسطي في بيت عمتك

مي: قوووي يا بابا .. احنا رايحين فين ...

عمر: انتي عايزة تروحي فين

مي: ماعرفش اي مكان

ميرنا : حنروح المول

مي: ايوة يا بابا انا عايزة اروح جنينة مول

عمر: ليه ؟؟

مي: عايزة اشتري حلويات

عمر: خلاص نروح جنينة مول

رهف: باقالنا ساعة بنتحايل معاك ولما تتكلم الست مي توافق عالطول

عمر: ههههههههه.. ليه هو انا ليا كام مي ... هي مي واحدة بس ...

رهف: ربنا ماي حرمكوش من بعض ...

بعد ما ما راحوا المول ... البنات راحوا يلفوا على الشموع والحاجات اللي ناقصاهم ... اما عمر فاخد بنته وراح يشتريلها الحلويات اللي هي عيزاها .. بعد ما اشترلها راح للبنات ...

عمر: بقولك ايه روحوا خلصوا حاجاتكم وانا حاخد مي ونروح كافي نشرب حاجة ماشي .

رهف: ماشي ولما نخلص حنتصل بيك

عمر: اوكي بس ماتتأخروش

رهف: حاضر

مي: انا جعانه يابابا

عمر: بعد ما يخلصوا نروح نتعشى في مطعم

وهو قاعد في الكافي بقى واحد بنادي عليه لف وشاف مين اللي بنادي لقى تامر قاعد مع لصحابه في الكافي .. ويقوم تامر ويروح يسلم على عمر ..

سلمان وهو بيسلم : ازيك يا عمر

عمر: الحمد لله ازيك انت يا تامر

تامر : الحمد لله

عمر: بتعمل ايه هنا ...

تامر : ابدا جي معي صحابي نشرب حاجة ..

عمر: والمذاكرة عاملة ايه معاك ..

تامر : الحمد لله كويسةوالسنة دي اخر سنة انشاء الله ...

عمر: بالتوفيق انشالله

تامر راح وطى وسلم على مي : ازيك يا قمر ..

مي بابتسامه: الحمد لله

تامر : جاية عشان تلعبي ..

عمر: لا والله ...احنا بنشاري شوية حاجات

تامر :طيب تعالى اقعد معانا ..

عمر: لا معلش اصلا معايا القمر وعايز اقعد معاها شوية اسيبك انت مع اصحابك ..

تامر : اه صحيح يا عمر هو عبد العزيز حيرجع بكرة ..

عمر: هو انت مشغول الليلة ؟

تامر : لا ليه ؟

عمر: خلاص حمر عليك بليل تيجي معايا

تامر :على فين ..

عمر: للمطار

تامر : اوعى يكون حيجوا النهاردة ..

عمر: هههههههه .. لو عرف عبد العزيز انك عرفت حيدبحني ..

تامر : هو موصيك انك ما تقولناش ..

عمر: ايوة بيقول انه مش عايز يقلقكم

تامر : ليه هي سارة مالهاش اهل لازم يعرفوا ولا ايه ..

عمر: لا مش عشان كدة .. انت بس ما تعملش مشكلة ... جهز نفسك بليل وانا حتصل بيك ونروح نجيبهم ..

تامر : ماشي الساعة كام ؟

عمر: على الساعه 12 ونص ..طيارتهم حتوصل الساعة 2 انشاء الله

تامر : اوكي .. حستناك

عمر: يالا اسيبك بقى عشان اصحابك

تامر : ماشي وانا اسيبك مع القمر ... وانا حستناك .. مع السلامة ..

عمر: مع السلامة

بعد ما خلصوا البنات اتصلوا باخوهم ... وجيه واخدهم وراحوا يتعشوا في المطعم

تسلمي ياساسو
يلا كملي ياقمر

في انتظار القادم

كملى يا قمر
انا بحبها جداا انا قرتها مره بس بقراها تانى

» من كتاب انا عاوزة اتجوز
» صعيدى اتجوز نانسى عجرم
» عبد العزيز مات..........!
» صور طحن لياسمين عبد العزيز
» دعاء مدرسة لغة عربية جوزها اتجوز عليها