الزمالك يمرض ولا يموت

موضوع: الزمالك يمرض ولا يموت 4/3/2009, 05:25

اخيرا انتفض الزمالك من سباته العميق و كسر حاجز نتائجه السلبية بتحقيق فوز هام جدا على انبي بهدف نظيف سجله بمعلمة هاني سعيد . بعيدا عن مردود الفوز على الجدول و ارتقاء الزمالك للمركز الثامن برصيد سبعة و عشرون نقطة المباراة اثبتت بالدليل القاطع ان الزمالك كيان كبير لا يموت و ان معين الزمالك لا ينضب في اخراج اللاعبين الجدد في احلك الظروف و اصعبها . الزمالك ظهر بوجه مغاير تماما منذ اللحظة الاولى تشتم الجديد تشم الروح تشم الاصرار تشم العمل التكتيكي من دي كاستال في توظيف علاء علي مائل لليسار في الثلث الهجومي .

الزمالك تحدى الظروف و الغيابات العديدة جدا التي اوصلت الجميع لقناعة ان الهزيمة قادمة لا محالة بغياب شيكابالا و اجوجو و جمال و مجدي و حازم و رغم ذلك و بتشكيل جديد يغلب عليه تماما النزعة في الناشئين الصاعدين ظهر الزمالك بصورة مغايرة تماما و في ثوب جديد و باداء رهيب من الصاعد بسرعة الصاروخ احمد الميرغني و اداء مميز من الصاعد الواعد الاخر علاء علي بالاضافة لعودة طيبة جدا للثنائي صبري رحيل الوافد الجديد في المدافع الايسر و ما اعتبره مفاجأة المدافع عمرو عادل قدم الزمالك افضل مبارياته و رسخ العقدة للخصم و مدربه المفلس مدمن الفشل ذو التصريح الذي لم يتغير منذ عشرين عام عن اضطهاد التحكيم لفرقه المختلفة .

الزمالك خاض المباراة بتشكيل يضم في حراسة المرمى عبد الواحد السيد . ثلاثي القلب فتح الله ليبرو خلف ثنائي المساكين الصفتي و عمرو عادل . رباعي الوسط مدافعي اطراف يمينا محمد عبد الله و يسارا رحيل و ثنائي محور الارتكاز الرائع ميرغني و هاني سعيد . ثلاثي الهجوم في صناعة الالعاب و المساندة خلف ثنائي الهجوم عبد الحليم و شريف اشرف . انبي على الجانب الاخر خاض المباراة بتشكيل يضم مهدي سليمان في حراسة المرمى .

ثلاثي القلب مانو ليبرو خلف ثنائي المساكين عمرو فهيم و اسامة رجب . رباعي الوسط يمينا المحمدي و يسارا عبد الله رجب و ثنائي محور الارتكاز مصطفى جلال و ايمن سعيد . ثلاثي الهجوم في صناعة الالعاب و المساندة عادل مصطفى خلف ثنائي الهجوم مصطفى جعفر و ديفونيه . الزمالك بدأ المباراة بشكل ممتاز في الثلث الاوسط و سيطر على الكرة و وسط الملعب بفضل الاداء الرائع من الميرغني محور الارتكاز و بجواره هاني و الحيوية و النشاط الكبيرين جدا من الواعد الاخر علاء علي الذي وظفه دي كاستال في تكتيك اشبه بتوظيف شيكابالا في مباراة المصري كلاعب مائل لليسار اثناء الهجوم مساندا للظهير المتقدم و ايضا كي يحد من تقدم الظهير الايمن الدولي لانبي المحمدي بقراءة رائعة قبل المباراة . الزمالك رغم اداؤه الافضل و المتحفز عاني تماما من افتقاد الحلول من اللعب المفتوح و اقتصرت كل الخطورة على الضربات الثابتة بالاضافة للجديد و هو التسديد البعيد الذي شاهدناه مرة من علاء علي و مرة من صبري رحيل .

دفاعيا عاب الزمالك تهور ثلاثي القلب في ارتكاب اخطاء حول الصندوق و ان تحسن اداؤهم عن المباريات السابقة و ظهر عمرو عادل بشكل اكثر من جيد و الغى تماما اي تواجد لمصطفى جعفر . اقترب الزمالك من التسجيل في مناسبتين لكنه عانى جدا من تواضع مردود ثنائي الهجوم خصوصا في جزئيتين اولا الاستلام تحت ضغط حتى ننفذ تكتيك هجومي نخترق من خلاله و ثانيا في التحركات السيئة جدا . انبي كاد ان يباغت في احد المرتدات لكن عبد الواحد كان بالمرصاد و انقذ ببراعة تسديدة عادل مصطفى من داخل الصندوق . الشوط الثاني سار على نفس الوتيرة سيطرة زملكاوية دون خطورة مقابل تراجع و اعتماد على المرتدات من انبي و يستمر الاداء الرائع من الثنائي الواعد الميرغني و علاء فالاول يقدم كرة سابقة لسنه و خبرته تمركز لياقة تحرك ضغط استخلاص تمرير و الثاني لاعب مزعج لا يتوقف عن الحركة و يجيد على الاطراف . في الدقيقة 25 و بلعبة عبقرية من الميرغني يتسبب في طرد ايمن سعيد الحاصل على انذار سابق بعد ان راوغه في مساحة ضيقة جدا و اجبره على عرقلته و الطرد واضح و صريح بعد ان صبر الحكم كثيرا جدا على ايمن سعيد بعيدا عن نباح الشخص اياه .

بعد الطرد يعود الميرغني للتعملق و يفسد هجمة لانبي و نفس الهجمة تعود لتسفر عن هدف الفوز الرائع و الهجوم المضاد كما يجب ان يكون بتمريرة من الميرغني لعلاء الذي كاد ان يفقد الكرة لكن الميرغني اعاد الكرة من اخرى لعبد الله و في نفس التوقيت انطلق هاني سعيد بروعة بدون كرة في الجانب العكسي ليستقبل كرة عرضية من علاء على المنطلق على اليمين ثم يراوغ للداخل ويرسل بقدمه اليسرى العكسية عرضية ولا اروع ولا اجمل يستقبلها هاني سعيد بمعلمة و خبرة كبيرة على القائم العكسي و يضع الكرة بكل هدوء و ثقة على يسار الحارس ليكسر النحس و تنفجر الفرحة البيضاء وسط مساندة جماهيرية جارفة من الجمهور العظيم و الالتراس على وجه الخصوص الذين يستحقوا تحية خاصة على حناجرهم التي لم تتوقف لحظة و على هتافاتهم التي تحرك الصخر .

تغييرات بيضاء بخروج الحاضر الغائب شريف اشرف و نزول محمد المرسي ثم خروج علاء علي و نزول ابراهيم صلاح و اخيرا خروج حليم في الوقت الضائع و نزول محمود سمير بينما خرج من انبي عمرو فهيم و نزل شمامة في الوقت الضائع ايضا . الزمالك تعامل مع الربع ساعة الاخير بخبرة و لجأ لكسر رتم اللعب بينما اندفاع انبي الهجومي لم يسفر الا عن ضربة راس بجوار القائم من مصطفى جلال . فوز غالي و زمالك جديد ووجوه صاعدة و الزمالك بإذن الله عائد لوضعه الطبيعي .

موضوع: رد: الزمالك يمرض ولا يموت 4/3/2009, 05:29

وحشتونى اولا اوى اوى اوى
ومبروك للزمالك
وان شاء الله تكون بدايه كويسه لينا

موضوع: رد: الزمالك يمرض ولا يموت 4/3/2009, 06:58

مبروووووووووووووووووك يا زمالك يارب تكون بدايه الانتصارات يارب مرسي يا يويو

موضوع: رد: الزمالك يمرض ولا يموت 4/3/2009, 09:20

MABROOOOOOOOOK

THANKS GOD

زائر

وحشتيني جدا يا يويا
ايه الغياب الطويل دا يا بنتي
متعملهاش تاني بقي

ومبرووووووووووووك كتير للزمالك
والله انا مش مصدقه اننا اخيرا كسبنا وانتا كان ممكن نكسب
ومش مصدقه ان الزمالك هو الي كان بيلعب
بس ربنا يسهل وميكنش ماتش واحد وترجع ريمه لعادتها القديمه

ربنا يستر

بس احسن مكسب للزمالك في الازمه دي احمد المرغني
لاعب بجد حلو جداااااااااا ربنا يحميه

ميرسي يويا

33699k

موضوع: رد: الزمالك يمرض ولا يموت 5/3/2009, 07:13

دودي كتب:

منووووور يا دودى باشا

ومبرووووووووووووووووك علينا كلنا

موضوع: رد: الزمالك يمرض ولا يموت 5/3/2009, 07:16

yaya كتب:: MABROOOOOOOOOK

THANKS GOD

منوره يا قمر

ومبروك علينا كلنا

موضوع: رد: الزمالك يمرض ولا يموت 5/3/2009, 07:22

sara كتب:: وحشتيني جدا يا يويا
ايه الغياب الطويل دا يا بنتي
متعملهاش تاني بقي

ومبرووووووووووووك كتير للزمالك
والله انا مش مصدقه اننا اخيرا كسبنا وانتا كان ممكن نكسب
ومش مصدقه ان الزمالك هو الي كان بيلعب
بس ربنا يسهل وميكنش ماتش واحد وترجع ريمه لعادتها القديمه

ربنا يستر

بس احسن مكسب للزمالك في الازمه دي احمد المرغني
لاعب بجد حلو جداااااااااا ربنا يحميه

ميرسي يويا

ساره حبيبتى

وحشاااااااااااااااااااااااانى والله اوي اوي اوي 33699k

ازيك يا قمرايتى يا احلى زمالكاويه

منوره التوبيك
ويارب فعلا يا ساره تكون دى بدايه لرجوع قوى للزمالك
ويارب الفرحه دائما لكل الزمالكاويه يارب
وميغا كان جااااااامد جدا بس مش تنسى علاء على كان نجم بجد
ربنا يحميهم يارب
بصراحه كلهم فى الماتش ده كانو نجوم
وسعد طول عمره وش السعد علينا بيس6بس

منورانى يا قمر

موضوع: رد: الزمالك يمرض ولا يموت 6/3/2009, 08:48

الف الف الف مبروك
يارب النصر دايما ان شاء الله
الحمد لله
الواحد كان هيحصله حاجه لو مكنوش كسبوا
بس بجد لعبوا ماتش حلو
ربنا يكرمهم الماتش الجاى ان شاء الله
ميرسى يا آية
رجوع للزمالك وليكى جميل
تسلمى

موضوع: رد: الزمالك يمرض ولا يموت 7/3/2009, 05:54

منور يا ميدو
وان شاء الله تكون دى بدايه لرجوعنا تانى ان شاء الله
وربنا يكرمنا بكره

موضوع: رد: الزمالك يمرض ولا يموت 8/3/2009, 01:44

اهلا يا ايويا نورتى بجد
وحشتينا قوى
ليه الغيبه الطويله دى
ويارب الزمالك يفضل كده على طول

زائر

هههههههههههههههههه

ملحقش

شكلك دعيتي من قلبك يا دودو

اه ياني منهم
مافي حل

موضوع: رد: الزمالك يمرض ولا يموت 8/3/2009, 08:06

DOLLY كتب:

منور بيكى يا قمرايه
والله بجد وحشانى موووووت
وانت كان قصدك يفضل كده على طول ايه بالظبط
شاكه فيكى
2ر6ب5يلبي

موضوع: رد: الزمالك يمرض ولا يموت 8/3/2009, 08:09

sara كتب:

ساره

شوفتى اللى حصلنا يا ساره
يارب صبرنا
بس للحق فى تقدم فى الاداء

موضوع: رد: الزمالك يمرض ولا يموت 8/3/2009, 08:56

ف تقدم ملحوظ
يصاحبنا سوء توفيق عجيب
بس خير خير
القادم افضل ان شاء الله
متقلقوش

زائر

في تقدم صحيح زي ما بتقولوا
بس لامتا هنفضل علي كدا
مينفعش فريق زي الزمالك نادي بطولات يكون كدا
ماشي الحكم مكنش كويس ومكنش عندنا حظ
بس كفايه بقي حجج واعزار احنا تعبتا
يعني مش مكتوب لينا بكسب حتي ماتشين ورا بعض
بجد حاجه صعبه
ولسا الانتخابات هتبدا ومرتضي منصور هيخنقنا ومشاكل ووجع راس
ربنا يسترها مع الزمالك بجد الفتره دي لانها صعبه اوي وخصوصا علينا احنا الجمهور

بس بجد الي مدينا اشراقه امل ولو بسيط
مجموعه الشباب الهايله الي بتلعب حالا
المرغني وعلاء علي وحازم امام وصبري رحيل
بجد ربنا يحميهم ويكون عوده الزمالك علي اديهم
وعلي ايد شيكا حبيب كل الزمالكويه

ميرسي ليكي يويا
ومتبكيش يا قمر
بكينا كتير
نفسنا نفرح بقي

1بي56بيس

موضوع: رد: الزمالك يمرض ولا يموت 9/3/2009, 06:56

mido2008 كتب:: ف تقدم ملحوظ
يصاحبنا سوء توفيق عجيب
بس خير خير
القادم افضل ان شاء الله
متقلقوش

الحمدلله على كل شئ اولا
والتقدم موجود بس فى الشوط التانى
وربنا معانا ان شاء الله
واهم حاجه بجد نكون فرقه متجانسه ومش مهم الموسم ده هيخلص على ايه

موضوع: رد: الزمالك يمرض ولا يموت 9/3/2009, 07:32

sara كتب:

هو السبب الرئيسى اصلا فى الخساره كان سؤ التشكيل
واللخبطه فيه من غير داعى خالص
ولما اتصلح كان الوقت فات
وطبعا النحس اللى كنا فيه ده كنا محتاجين شوط تانى على الشوط اللى لعبناه صح ده علشان يتفك
والمكسب فعلا من الماتشات دى
الاعيبه الناشئين علاء ورحيل وحازم الصغير
بجد يسلمو على روحهم العاليه دى
وربنا معانا

» : حسام حسن يرد على جماهير الزمالك.. سأكمل حياتي الكروية في الزمالك
» هل يموت الحب كما يموت الورد؟؟
» حصريا اول مكالمه لمدرب نادي الزمالك حسام حسن بعد هزيمه الزمالك الاخيره وبيتكلم عن المستقبل الزمالك في مكالمه تلفونيه
» حصريا اهداف مباراه الزمالك وانبي ف اول مباريات نادى الزمالك ف الدورى المصري
» هؤلاء سبب انهيـار الزمالك.. وهؤلاء هم من دنسو تاريخ الزمالك