إتأخرت عليكى ..؟

موضوع: إتأخرت عليكى ..؟ 2/4/2009, 15:52

*****
إتأخرتْ عليكى ..؟

كنت بَلِم نجوم السما علشان أعملهم عُقْدْ ..

عقد يليق بأرق ملاكْ ..

وبأحلى بشر فى الأرضْ ..

واتغربت فْ قلب الكونْ ..

مليون نجمه بمليون لونْ ..

ما لْقيتْ نجمه تساوى عنيكى ..

إتأخرتْ عليكى ..؟
*****
كنت بجيبلك صُحبة وردْ ..

ورغم البردْ ..

رُحْتْ جناينْ ..

زُرْتْ مداينْ ..

واتعذبتْ فْ ليل الشَّردْ .

ما لْقِيتْ ورده ف كل الدنيا ..

تستاهل تلمِسْها إيديكى ..

إتأخرتْ عليكى ..؟
*****
كنتْ بحاول ألاقى هديه ..

تليقْ بملاكى .

حاجه تساوى الحب ف قلبى ..

إللى إتمناكى .

بس إحترتْ ..

واما لقيتْ نفسى إتأخرتْ ..

قلت أجيلك من غير عقدْ ..

ومن غير وردْ ..

أصلِكْ أغلى نجوم السما ..

وأرقْ زهورْ الأرضْ ..
* بحبك *

موضوع: رد: إتأخرت عليكى ..؟ 2/4/2009, 17:55

بس اكيد مكنش لازم تتاخر عليها اكيد انت كفاية عليها من نجوم السما وورود الارض تالياي

موضوع: رد: إتأخرت عليكى ..؟ 27/4/2009, 00:56

بجد تحفه تسلم ايديك

» إتأخرت عليكى ..؟
» الف سلامه عليكى ............
» هانت احزانى عليكى
» ياعينى عليكى ياخضره
» كنت خايف موووت عليكى