احسن الردود على الوالد لما يسالك

------------------------

هوده الرد بتاع اليومين دول علي ابوك

هو ده الرد اللي شغاال اليومين دول من اي شاب علي ابوه
علشان يفلت من علقه حلوه او يفلت من شوية توبيخ من
المعلم الكبير ((ابوه يعني))

شوف بقي الاسئله بتاعة ابوك اللي تعودت عليها
وشف الرد اللي شغاال دلوقتي
......
1
كنت فين لحد دلوقتى ؟؟
ابعد تماما عن حوار صاحبى خبطته عربيه و كنت معاه فى المستشفى
اصل الى اكتشفته ان واحد صاحبى قاله لابوه راح ابوه قاله
هو الحوار ده لسه منقرضش ده انا كنت بقوله لجدك
الاحسن انك تبان فى شكل الطالب الدحيح و قوله لا ابدا ده محاضره اتاجلت
او حضرت محاضره لمجموعه تانيه
و ارسم على وشك ابتسامه ملائكيه

2
انت مش بتزاكر ليه ؟؟
بلاش حوار خلصت مزاكره عشان هيقولولك المزاكره مبتخلصش او زاكر تانى
الاحسن تقوله بكل ثقه
مزاكره ايه ؟؟ ده كلام كله اهبل مش محتاج منى حاجه
بس الازمه لو ابوك راح سالك و جاب الكتاب او الملزمه
و انت معرفتش ترد

3
و انا فى سنك .........
طبعا وراها قصه كفاح و اهم حاجه اوعى تبين الاستهتار احسن يتضايق منك و يقفش فى الفلوس
ارسم على وشك ابتسامه انبهار - بس متوسعش بوقك اوى احسن يفتكرك بتتريق او يقولك اغسل سنانك - و قله يا ريتى كنت زيك
بس استعد وراها لمحاضره عن الثقه فى النفس

4
انت بتودى الفلوس فين ؟؟
هو كل يوم فلوس ؟؟
طبعا سياتك بتاخد الفلوس تجيب بيها سجاير وتشحن الموبايل عاشان تكلم الحريم
و احلى رد قوله ماهى المحاضرات و الدروس الى بشتريها و الملازم و كمان بتكسف اطلب منك فلوس تاني .

5
روح مشوار ..........
ااااااااااااكتر جمله بكرها فى كل الجمل دى
لانها دايما معناها على الاقل تدبيسه 3ساعات و فى عز الشمس لو الصيف
و عز البرد لو شتا
و مع الاسف ملهاش حلول او استدراك خصوصا مع ابويا انا
كلامه كالسيف

6
ايه الى انت مهببه فى نفسك ده
يا ابنى البوكسر باين
ايه القرف الى انت حاطه فى شعرك ده
بص نصيحه الحل الامثل هو انك تسيبه يتكلم و يرغى
و انت ساكت خااااااااااااااالص
و لما يخلص انزل من سكات
وماتحولش تعدي من قدامه علشان ما يرزعكش بشبش في دماغك ويبوظلك التسريحه

ماليش دعوة لو حد اضرب من ابوه

هههههههههههههههههههههههههه