هتعمل ايه لو ده حصل؟؟؟؟؟؟؟؟؟عاوزة ردود بلييييييييييييييز

هاي يا شباب وطبعا يا بنات انا جت في دماغي حاجه كده وحبيت اني اعرف رايكم كشباب وبنات وهي:

لو في يوم وانت قاعد مع صحابك ولاقيت واحد صحبك بيقولك انه عرف ان اختك بتكلم ولد وبتحبه ومرتبطه بيه وطبعا انت مش عارف االموضوع ده ولاول مرة بتسمع الكلام ده من صحبك ده

وانت بتثق جدا في صحبك ده وجاب ليكي مليون دليل يعني من الاخر طلع مش بيكدب ايه هيكون رد فعلك؟؟؟

1-هتتحرج من صحبك عشان طبعا في نظرك ان اختك مش متربيه لانها عملت حاجه من وراك وصغرت ادام صحبك

2-هتتفاهم معاها هي براحه وتشوف اللي خلاها تعمل كده من وراكم

3-هتضعف وتطلب من صحبك مش يقول لحد

4-تسيب اختك مع اللي بتحبه وتحاول تعرف عنه كل حاجه ومش تحرم اختك من فرحتها

5-هتخاف تقولهم في البيت عشان اختك مش تكرهك

اولا ليا الشرف انى اكون اول واحد يرد على الموضوع ده

وميرسى يا مونى لانه موضوع جميل
بس اعتقد ان الرد هيختلف من شخص لشخص
عن نفسى الناس شايفانى دبلوماسى شوية
وده هيبان من ردى دلوقتى

انا شايف انى اكلم اختى دى براحه
وزى مانا ليا حق انى احب
اكيد هيا ليا قلب وحق انها تحب
مش عيب
ومش موضوع ارايل
وانى ابقى مش راجل
لا
الموضوع ابسط من كده بكتير بس احنا بنعقدها على نفسنا
لية كل حاجه بنطمع فيها ؟
ليه كل حاجه بنعملها يبقى لازم احنا بس اللى نعملها ؟
مش فاهم
بصراحه تفكير غير حضارى ومتخلف بالمرة
انا عن نفسى هكلمها بكل هدوء وبساطه
ومش هعرف بابايا ولا مامتى
وبده هيكون سرها معايا
وهعرف عنها كل حاجه .. منها
مش من بره
والاحراج اللى هى اتسببت فية
هعوضة بمرات تانية كتيرة اوى لما ييجى حد يقولى اقولة مانا عارف
وده بيحصل قدامى
مش موضوع رجولة او نخوه لا
موضوع فكر شوية

وانا كمان ليا الشرف انك اول واحد يرد علي موضوعي وعلي اهتمامك بيه
الله عليك يا كيشو والله كلامك مظبوط ميه الميه بس برده مش فيها حاجه انك تساعد اختك دي مثلا نها تصاحب مامتها ومامتها كمان تكون عارفه موضوع زي ده عشان يكون في وضوح اكتر بس بجد بجد ياريت كل الشباب يفكروا زيك كده

وميرسي ليك موووووووووووووووووووووت

بصى يا مونى

اولا اعتذر عن انى قلت انى مش هقول لماما او بابا
بس اللى كنت اقصده انى اقول انى مش هقولهم مؤقتا
بس بصراحه انا هقول لما لان الامهات بتكون متفهمه شوية
مش عارف لية الابهات بيكونو متزمتين شوية او غير دبلوماسيين
عن نفسى هكون ان شاء الله اب دبلوماسى
ف انا هقول لماما وافهما واعرف اختى ان ماما عارفة
بس لما يكون فعلا سرها كله معايا
مش من اولها
لية بقى
لانى لو قلت لماما ف البداية اختى هتخاف ف مش هتقولى على حاجه
لكن اخليها تثق فيا
ونشرك ماما ف حواراتنا
وهكون قبلها مظبط اختى بحيس انها متكونش بتعمل حاجه غلط تقولها عليها ماما لا
ف بالتالى هتتفهم الموضوع
بس

يا واد يا مظبط انت والله رايك دخل دماغي وحلو بس فين باه الامهات اللي هتسكت بسهوله وفين الولد اللي تستامنه علي اختك؟؟؟؟؟؟؟؟؟

» سؤال بلا ردود
» ردود مقنعه لكن لطيفه
» ردود للمواضيع تستحق التثبيت
» سؤال للجنسين؟؟؟ مهم وعايز ردود
» ست سيدات عملوا حادثه شوفوا ردود ازواجهم