فاضل بتاع شهر او شهر و شوية ................................

باق من الزمن 30 او 30 و شوية يوم .

و نستقبل حدث غاية فى الأهمية

و أيام معدودة و يمر الحدث دا

لكن مش كلنا هنخرج من الحدث دا بنفس الحال

فيه ناس هتخرج فايزة .. رابحة

و ناس هتخرج بتجر أذيال الحسرة .

أعتقد كلنا عرفنا إن الحدث دا هو شهر رمصان المعظم .

و قبل ماتقفل و تخرج بقولك استنى شوية ..

خليك معانا حبة ..

يمكن تخرج بفايدة .

أولا هنقول :

ليه من دلوقتى هنتكلم عن رمضان ؟!!

دا حتى لسه بدرى فاضل بتاع شهر او شهر و شوية ................................ Excl

فاضل بتاع شهر او شهر و شوية ................................ Excl

هقولك الصحابة رضوان الله عليهم كانوا بيستعدوا لرمضان قبله بــ 6 شهور

و يقعدوا بعدوا 5 شهور يدعوا ربنا

إنه يتقبل منهم عمل رمضان الماضى

و يبلغهم رمضان القادم .

و كمثال بسيط كدة :

تخيل معايا فريق كورة معملش أى استعدادات

متدربش و لا تدريب

و فجأة قالوله تعالى حالا هتلعب فى كاس العالم فاضل بتاع شهر او شهر و شوية ................................ Excl

هل تتوقع ان الفريق دا ممكن يقدم أى شىء ؟؟

طبعا مستحيل

و لا الهوا

و مش بعيد كمان اللاعيبة تحصلها إصابات ..

و يجيلها شد عضلى

لأنها متدربتش و دخلت فجأة فى حدث كبير .

هو دا حال أغلبنا مع رمضان

و هديلك أمثلة واقعية

كتير قوى من طلاب الجامعة مبيغضش بصره

فجأة كدة ييجى يلاقى نفسه فى رمضان

و مطالب بالصيام ..

مطالب بغض بصره علشان ميبوظش صيامه

طبعا مستحيل يقدر فجأة كدة يعود نفسه غض البصر

فاللى بيحصل كالآتى :

و دا عن تجربة و مشاهدات شخصية لكل زمايلى

يا إما الشاب يضطر يقعد من المدرسة أو الكلية الفترة دى

علشان يحافظ على صيامه

لأنه مش عايز يضيع رمضان .

فيضيع شهر كامل من الدراسة

و كتير قوى من الناس اللى أعرفهم بيعمل كدة

منهم أنا شخصيا

رمضان اللى فات منزلتش الكلية غير يومين

لقيت صيامى هيبوظ و انا بس لسه فى نص الطريق للكلية

فقعدت فى البيت رمضان كله .

يا إما بقى الطالب هيبقى مضطر ينزل علشان دراسته

و طبعا مش هيقدر يغض بصره

فهيضيع صيامه

يعنى فى كلا الحالتين لازم تخسر حاجة

و هتتعب قوى

دا مثال واحد

قيس بقى الكلام دا على البنت اللى مش محجبة

و بقت لازم تتحجب فى رمضان

و على الناس اللى عايشة بالغيبة و النميمة

و تجيب فى سيرة دا و دا

و على اللى مش بيصلى الفروض أصلا

و فجأة كدة بقى مش عايز يصلى الفروض بس ..

لا ..

و التراويح كمان

كل دول هيقدروا على كل دا ازاى ؟؟

التغيير المفاجىء دا هيتعودوا عليه ازاى ؟؟

و إفتكر أول مثال قلته بتاع فريق الكورة

النتيجة المحتومة بقى :

إنك مش هتقدر توصل للدرجة اللى بتتمناها فى بداية الشهر

لا اللى مش بيصلى هيبدأ ينتظم بسهولة

و لا اللى مش بيغض بصره هيبقى محمد بن سيرين فجأة

( بن سيرين كان لما بيشوف واحدة غير زوجته فى الحلم كان بيغض بصره )

_ رواية صحيحة _

و لا اللى مش محجبة هتستحمل تلبس حجاب مظبوط

و لا توتو هيقدر يبعد عن لولو صاحبته فى رمضان

و لا تيتى هتسيب سوسو صاحبها

و فى الآخر يصابوا بالإحباط

و يستسلموا ..

و يرفعوا الراية البيضا

و يعدى عليهم رمضان زيه زى أى شهر تانى

و يبقوا من اللى النبى ( صلى الله عليه و سلم )

قال فيهم :

( خاب و خسر , من أدرك رمضان و لم يغفر له )

قريت بقلبك ؟؟

اقرأ تانى كدة ..

و قولى ..

كام مرة خبت و خسرت ؟؟

يمكن من أول ماتولدت

كام رمضان عدى و فات ..

و طلعت منه خسران ؟؟

و طلعت منه و انت مضيع مليارات الحسنات !

اسمع كدة كلام سيدك :

( و لله فيه عتقاء من النار , و ذلك فى كل ليلة )

كام فرصة للعتق من النار ضيعتها ؟؟

متخيل معايا ؟؟

عتق من النار

يعنى دخول الجنة بغير حساب

و لا سابقة عذاب

و العتق فى كل ليلة

شوف ضيعت كام ليلة ؟؟

و اقرأ بقلبك تانى :

( شهر تُفتح فيه أبواب الجنة , و تغلق فيه أبواب النار ، و تصفد فيه الشياطين )

دى الجنة مفتوحة بتناديك

كام مرة لبيت نداها ؟؟

و النار قفلت أبوابها فى وشك

و إنت عمال بتخبط على بابها

و مردة الشياطين صفدوا

و إنت مصمم تفك قيودهم

مش ناوى بقى تلبى الندا ؟؟

( يا باغ الخير أقبل )

( يا باغ الشر أقصر )

دا ربك بيناديك

( إن لربكم فى أيام دهركم لنفحات , ألا فتعرضوا لها )

يمكن تصيبك نفحة من ربك فلا تشقى بعدها أبدا

دا ربك بيمن عليك

ماددلك إيده ..

و إنت بترفض ؟؟

يا قلبك ..

ياااااااااااااااه

كل دا و لسه مش ناوى ؟؟

هتقولى ناويت خلاص

طب جميل

كويس قوى

نعمل إيه بقى علشان رمضان دا ميضيعش منا ؟؟

نعمل إيه علشان نفوز بكل الكنوز دى ؟؟

إزاى نجهز نفسنا ؟؟

دا الى هنقوله فى الردود الجاية ..

هنقول ازاى نجهز لرمضان

و هنبقى مع بعض خطوة بخطوة

هنتكلم ازاى نتخلص من ذنوبنا

ازاى نثبت إيجابياتنا

ازاى نتلاشى السلبيات

ازاى نجهز نفسنا علشان نعيش رمضان زى ما ربنا راسملنا

ازاى نحقق شعارنا :

( رمضان قبل فوات الأوان ) .

جاهز ترفع معانا الشعار ؟؟

جاهز تغلب شيطانك ؟؟

جاهز ترضى ربك ؟؟

جاهز تقول للجنة جايلك ؟؟

و تقول للنار هبقى من عتقائك ؟؟

جاهز تلبى الندا :

( يا باغ الخير أقبل ,

يا باغ الشر أقصر ) ؟؟

لو جاهز ..

ابقى تعالى إركب معانا ..

و خلى فى بالك :

( رمضان دا غير أى رمضان فات )

( رمضان دا مش هيعدى غير و أنا كسبان )

( زمن الخسران و لى و انتهى )

و جهز نفسك علشان تقول معانا :

اهلا رمضان
م
ن
ق
و
ش

مشكور يا عمور علي التوبيك

و انا الحمد لله مستعد لرمضان

انما غيري بقي

مش هعرف اغيرهم

منا رديت

مش كفاية انت يا عمر انا عاوز اعرف بقية استعدادات اعضاء المنتدى

نايس توبيك

§¤°يسلموو°¤§

¤ــ¤

§¤°حلوو°¤§

§¤°يسلموو°¤§

¤ـــــــــــــ¤

§¤°حلوو°¤§

§¤°يسلموو°¤§

¤ـــــــــــــــــــــ¤

§¤°حلوووو°¤§

§¤°يسلموو°¤§

¤ـــــــــــــــــــــــــــــــــ¤

§¤°حلوووو°¤§

§¤°يسلموو°¤§

¤ـــــــــــــــــــــــــــــــــــ ــــــــ ¤

§¤°حلوووو°¤§

§¤°يسلموو°¤§

¤ـــــــــــــــــــــــــــــــــــ ـــــــــــــــــــــ¤

§¤°حلوووو°¤§

§¤°يسلموو°¤§

¤ـــــــــــــــــــــــــــــــــــ ـــــــــــــــــــــــــــــــــ¤

§¤°حلوووو°¤§

§¤°يسلموو°¤§