سنة سودة ........وغارت"الادب الساخر"

الموضوع قديم شويتين بس حلو
طريقة كتابته كتير

حصاد الدنيا بعد انصرام2001
فى بدايه القرن العشرين ظهرت( تيارات) فكريه عبثية وتكعيبية وسريالية وفى بدايه القرن الواحد والعشرين ظهرت ايضا (طيارات) عبثية وتكعيبية وسرياليه ايضا كما خرمت التياراتادمغة الناس اياها بافكارها الغريبة خرمت (الطيارات)الابراج والعمائر فسقطت هذا الشقوط المروع وارتجفت ناطحات السحاب واصيب تمثال الحريه بشلل رعاش وقد تساءل البعض كيف هوى البقرج بهذه السهوله كقطعة من اللمبن فبرر البعض ذلك بان اللى بنى البرج كان فى الاصل حلوانى وفى تفسير اخر يقال ان الحاج متولى هو الذى بنى البرج لانه كان نازوى يتجوز باقى الشعب الامريكى فى الجزء التانى من (الجرئ والستات( وانطلقت النكات فى الشوارعوتحفظت امريكا على هذه(الخفة) وكشرت تكشيرة فظيعة وكان يجب ان تفش غلها فى حد ........ولفت الكرة الارضية اممها لفتين ثم وضعت اصبعها على حته من الكرة وقالت بس .هنا...هاتولى ده فى ثوان عرفت الفاعل وحكمت عليه ونفذت الحكم ولما تصاعدت بعض الاصوات الهفتانه تطالبها بتقديم دليل او تعمل اى منظر صرخت .اللى بيحبنا مايضربش نار عندنا وبعد الضرب والزرع ظهر الشريط الذى يعترف فيه بن لادن فى العيد مع الافلام على اساس انه يلم قرشين العيد وربما هذا ما جعل محمد هنيدى يؤجل نزول فلمه الى الصيف عشان ماينزلش قصاد بن لادن ولكن لم ينجح شريط بن لادن وقال البعض ان الشريط مصنوع بطريقة الجرافيك وتساءلت نقابة الممثلين هل بن لادن عضو بالنقابه ام حصل على تصريح مؤقت؟!قال احدهم يعملوها يابيه دول عملوا فيلم بطولة مارلين مونرو اللى ماتت من اكثر من اربعين سنة كل ده جرافيك وقال اخر دول ولاد جنيه .ايه رايك باه ان المركز التجارى العالمى ماحصلوش حاجه ووقوع البرجين ده كمان جرافيك الفيلم ده عاملينه من عشر سنين وهكذا صار الجرافيك هو التفسير المريح لكل هذه الاشياء العبثية لذا حين طالبتنى زوجتى ان نسهر ليلة راس السنة فى احد الفنادق الفاخرة قلت لها من عنيا ياحبيبتى ولم احجز مكانا ولم ادفع مليما وقررت ان تكون سهرتنا جرافيك
مشكلة امريكا انها صارت هى القوة الوحيدة فى الدنيا ولكنها قوة بلامقاومة كبواب عمارة ليس بها سكان كضابط يحقق فى جريمة لم تحدث .الروس صاروا شغالين فى دبى وفى الفرق الاستعراضيه مع سيمر صبرى والصين بتعمل فوانيس وعروسه لزكيه زكريا وصرخت امريكا الزعيمة فى غيظ زعيمة اونطة انا ولا ايه؟! افش غلى فى مين ؟وتدخلت السى اى ايه وهى دولة اخرى داخل يو اس ايه وقالت نبنىحائط صواريخ لكى نواجه العدو؟مسالتها يو اس ايه البريئة اى عدو؟فرددت السى اى ايه نبنى الحيطة وبعدين نبقى نشوف العدو واللى عنده دولار محيرة يجيب طيارات ويطيره وطارت الطيارات وطار الدولارات وشخصطت امريكا شخطتها فى العالم انتم معانا ولا علينا؟ ورد العالم فى صوت واحد.......ملعون ابو اللى يزعلكوا ان شالله بالجرافيك واخيرا وجدت امريكا عدوها المنشود ان توم لايستطيع ان يعيش بدون جيرى وجيرى اخذ ديله فى سنانه وجرى وستسمى امريكا عدوها اسما اخلاقيا(الارهاب)ومع ذلك فهى الوحيدة التى ستسنخدم حق الفيتو وتعارض فى اقامة دوله فلسطينية ليظل العرض شغال وستلقح كلام هنا وهناك لتظل لبنان مذعورة والصومال حاطه ايدها على قلبها والعراق تحلم بكوابيس لاتنتهى واليمن شرحه وكذلك جزر القمر
لم تبن امريكا حائط صواريخ كما ارادت ولكنها هذا العام اقامت حائطا اكبر بينها وبين الدنيا كلها وهكذا حصاد العام هو سنة سودة على الدنيا كلها وبابا نويل لن ياتى هذا العام فهوا احد المشتبه فيهم وربما ياتى مكانه (بابا غنوج)او(الطبخة السودة)ليتناسب مع الايام السودة التى نعيشها ومع ذلك سيفعلها صاحب المزاج العالى وسيخطف له قبلة ساخنة من شفتى امراة فى ليلة راس السنة فى تمام الثانيه عشرة حينما يطفئون الانوار لتكون هى الحصاد الوحيد..ولذلك لاتضايق نفسك ياعزيزى اهى سنة وغارت فى داهيه ............قوم بوس.اتحرك.....الحق بوسه ع الاخر.محدش عارف ح يحصل ايه فى الدنيا بعد كده......

تسلم ايدك

نورتى

الله ينور

تسلم ايدك يا جوجو

تسلم ايدك

» فى بيتنا عرافة"الادب الساخر"
» دماغك تحت....ورجلك فوق"الادب الساخر"
» دلعنى"الادب الساخر"
» مجلس انس "الادب الساخر"
» شريك حياتى"الادب الساخر