•·.·´¯`·.·• ( حملة * هنتغير بجد * للشباب والبنات ) •·.·´¯`·.·•

السلام عليكم ورحمه الله وبركاته
بعد الحمد لله والصلاة على الحبيب المجتبى
ثم اما بعد؛
حملة
(هنتغير بجد)
للشباب
&
الفتايات

هدفها من اسمها هنتغير بجد
سياستها تحبيب الشباب فى الاسلام
شعارها هندخل الجنة سوا
ستتكون الحملة من حلقات كتير
وكل حلقة لها اسم
وكل اسم بتدور حوله الحلقه
وكل حلقة عباره عن حوار بين اتنين
+الاول وهو اللى هيغيرنا بجد

=والتانى وهو الشاب او الفتاه
يعنى انا وانت
ورجاء من كل قارئ
يقول رأيه بصراحة
وانا مش هزعل
وياريت نطبق الكلام ده بجد
علشان نتغير بجد
ونفرح نبينا
وندخل الجنة سوا
ومهما تكون ذنوبك
ومعاصيك
و بعدك عن ربك
معانا
كلنا هنقرب اوى من ربنا
بس
خليك معانا
يلا بينا ...
الحلقة الاولى
(المقدمة)
+السلام عليكم
=وعليكم السلام
+عامل ايه ؟
=تمام
+ومع ربك عامل ايه؟
=زى اى شاب بعيد عن ربه
وكل فين وفين لما يركع ركعة
و باستخدم بصرى فى الحرام
وبعق ابوى وامى
و..و..و..
+طب وانت ايه اللى بعدك عن ربنا؟
=ان اى واحد يقولى لازم علاقتك
مع ربنا تكون 10من10
او0من10
+يعنى ايه؟
=يعنى معظم الناس متبعه قاعدة
(الحلال الخنيق والحرام الفاجر)
يعنى يأما يمين خالص
يأما شمال خالص
مفيش حد ماشى فى النص
بس منحاز لليمين شويه
+وانت عجبك حالك مع ربنا ؟
=طبعا لا بس
اعمل ايه؟
=وبعدين استحاله ربنا يغفرلى
ذنوبى ده انا عملت ذنوب
ماحدش عملها فى العالم
وعملت كبائر كتييير و..و..
+تعرف انك كده قانط من رحمة الله
القنوط من رحمة الله اصلا من الكبائر
=طب اعمل ايه؟؟!
+ان مصدق ربنا فى كل كلامه ..
=طبعا من غير تفكير
+ممكن تسمع الايه دى
=اتفضل ..
+قال الله عز وجل
(قل يا عبادى الذين اسرفو على انفسهم
لا تقنطوا من رحمة الله
ان الله يغفر الذنوب
جميعا انه هو الغفور الرحيم)
=صدق الله العظيم
+انت مش حاسس ان الايه دى
بتكلمك انت
=حاسس
+خلاص انت لسه مش متأكد
ان ربنا هيغفرلك
ويمسحلك ذنوبك
ويعتقك من النار
=انا ما قلتش كده
+امال ايه؟
=انا قصدى من السهل ان اعمل اى عمل وربنا يمسح كل ذنوبى
+انت ماتعرفش مين هو الله
=انا عارف
+ماتعرفش ان ربنا
كريم
ورحيم
وعظيم
ولما يغفركل ذنوب العالم
مش هينقص من ملكه شئ
=عارف والله
+امال مستنى ايه
طب تخيل معايا المشهد ده
لو قلت
اللى عاوزربنا يغفرله
يرفع ايده
الناس هتنقسم ل3 انواع
النوع الاول
هيرفع ايده من غير ما يفكر
النوع التانى
هيرفع ايده وهو بيقول
انا هعصى ربنا تانى بس
اهو تقل ذنوبى
والنوع التالت
بيقول حتى لو ربنا مسح ذنوبى
هعصى ربنا تانى
انا كده كسبت ايه

=قصدك ايه من المثال ده
+قصدى خليك ذكى و ثق فى الله
وتأكد انه مش هيرفضك
بس ارفع ايدك بجد
سيب الباقى على ربنا
=والله انت غيرت تفكيرى
خالص
=قولى بقى ازاى ربنا يغفر لى كل
ذنوبى
+ده اللى هتعرفه فى الحلقه التانية بأذن الله
اهم حاجه
تيقن نفسيا ان ربنا هيغفرلك
ولا يبالى
+يلا سلام
=قول السلام عليكم احسن
+انت صح
+السلام عليكم
=وعليكم السلام ورحمة الله وبركاته

الى اللقاء فى الحلقة التانيه
مع
حملة
(هنتغير بجد)

على فكرة يا جماعة
الحملة دى شوفت شباب عاملينها فى موقع من المواقع
وبصراحة عجبتنى جدااااااااااا جداااااااااااا

وبجد الناس دى حسستنى ان فعلا الشباب بخير
وفعلا الشباب بدأ يتغير وفعلا الشباب فيه امل بعد ما كان جيه عليا وقت فقدت الامل خالص

ياريت نطبق الحملة دى هنا فى المنتدى ده
ياريت فعلا كلنا نحاول نتغير بجد وناخد الحملة دى بجد وانا اولكم وكلنا نعيين بعض هنا فى القسم ده على الحملة وانا أصريت اني احطها ف القسم ده مش ف الاسلامي عشان كل الشباب والبنات تشترك فيه

مرسى يا ساسو توبيك مميز
وياريت فعلا نحاول نغير من نفسنا ونكون احسن

نورتينى يا نودى
ويا رب فعلا يكون عجبك
ويعجب باقى الاعضاء
علشان اقدر انزل باقى الحلقات

موضوع هايل جدا ساسو
تسلمى يارب ويريت ننتفع منه بجد

بجد توبيك رائع
ويارب كلنا نتغير بجد

نورتى يا جوجو
ميرسى لمرورك يا بوسى
وان شاء الله كلنا نستفاد من التوبيك

توبيك تحفه بجد
يارب نقدر نساعد بعض ونتغير بجد ونوصل للطريق الصح
تسلم ايدك ياقمر

يا رب سندرا
وميرسى على مرورك الرائع
وهنزل الجزء التانى حالا
ويا ريت اعرف رايكم بردو

عدل سابقا من قبل ساسو في 22/7/2009, 00:49 عدل 1 مرات

الحلقة الثانية
(امسح كل ذنوبك)
+ايه الاخبار
=ده انت عملت امبارح فيا
حتة مقلب قعدت تحمسنى
وفى الاخر علقتنى ومشيت
+عارف وكان قصدى
=ايه!!
=طيب ليه كده؟
+لان لو اخدت كل حاجة مرة واحدة
هتتحمس شويه وبعديها بساعة
ولا كأن فى اى حاجه
=كلامك مظبوط
+وخلى بالك كل حلقة هيكون
نفس النظام
=بس على الله يجى بفايده
+قلتلك امبارح ثق فى الله
وما تحملش هم
=ماشى..مش ندخل فى الموضوع بقى
+ماشى..يلا
3..2..1..
+السلام عليكم ورحمة الله
=وعليكم السلام ورحمة الله
+ايه الاخبار
=تمام..الحمد لله
+طبعا زى ماانت عارف ان حلقتنا
النهاردة عن ازاى نمسح كل ذنوبنا
+فى البدايه لو قلتلك
ممكن تعد ذنوبك اللى عملتها
من يوم ما اتولدت
=ايه ..
=انت بتكلمنى انا..
+طب بلاش ..
ممكن تعد ذنوبك اللى عملتها
طول الاسبوع ده
=يا عم انا ماشى ...
انت جاى تفكرنى باللى فات
+استنى انا قصدى ان انت
ماتعرفش تعد الذنوب اللى
عملتها النهاردة اساسا
+ومحدش يقدر يعدها الا
الله
=صح
+اذن ماحدش يقدر يمسحها
الا الله
=ونعم بالله
+ولكن ازاى نخلى ربنا يغفر (يمسح)
لنا كل ذنوبنا
=ازاى ..قول انت؟؟
+بصراحة مش انا اللى هقولك
=امال مين ..؟
+اللى هيقولك هو اللى هيغفرلك
كل ذنوبك..حيث قال
عز وجل
(فقلت استغفرو ربكم انه كان غفارا)
=صدق الله العظيم
=يعنى ربنا ممكن يغفر لى
ذنوبى كلها
+انت مش مصدق ربك ولا ايه ؟؟!!
=انا مصدق والله
ده حتى كلام ربنا
بس انا مش متخيل
يعنى ربنا هيسامحنى فى
كل اللى عملته؟
+انا عارف انك فرحان اوى
علشان كده اسمع الحديث القدسى
الجميل ده
(يابن ادم لواتيتنى بتراب الارض
خطايا ثم لقيتنى لا تشرك بى شيئا
اتيتك بترابها مغفرة)...
=طب ولو ذنوبى اكتر
+ممكن ما تقاطعنيش تانى
=انا اسف بس انا فرحان اوى
+عارف بس اسمع للاخر
=ماشى انا اسف
+(يابن ادم لو بلغت ذنوبك
عنان السماء ثم استغفرتنى
غفرت لك ولا ابالى)
+انت واخد بالك من حاجه
=ايه ؟؟
+ان ربنا بيقول غفرت على طول
يعنى ما فيش قبلها ثم ولا حتى
فاغفر
=طب ودى فيها ايه
+فيها كتير
+ان الله لو قال ثم قبل غفرت
معنى كده ان فى فترة ما
ما بين استغفارك لربنا و
ان ربنا يغفرها لك
ونفس الكلام فى لو كانت فاغفر
مع ان اللغه بتقول ان الفاء
تدل على سرعة التنفيذ
ولكن خلى بالك ان حتى لو فى
سرعة فى عمل شئ
برضه هتاخد وقت حتى
لو ثانية واحدة
بس اخدت وقت
ولكن ربك عظيم
اووووووووى
ان معنى ان ربك ما يقولش
ولا (ثم )ولا(ف)
معنى كده ان مفيش اى وقت
ما بين نطقك للاستغفار
وان ربنا يغفرها لك
=ياه ..اد ايه رينا كريييم اوى
+والله ربك عظيم جدا ولكن احنا
اللى مش واخدين بالنا
+ولو تاخد بالك ان
فى جميع ايات القران
ربك بيقدم صفة الغفران عن اى شئ
يعنى مثلا
(ان الله غفورا رحيما)
ربنا قدم صفة الغفران عن الرحمة
لان استحاله ربنا يرحم شخص
كثيرالذنوب وبالتالى ربنا
هيغفرله ذنوبه وبعده ربنا يرحمه
ولو افترضنا ان قلبك حتة قماشة
بيضة وكل لما تعمل ذنب الذنب ده
يعمل نقطة سوداء على القماشة
اظن كده حتة القماشة بتاعة كل واحد
اتحرقت مش اسودت
=صح
+وخلى بالك ان حبيبك النبى
شبه القلب كأنه حتة حديده
والذنوب كأنه الصدأ اللى على الحديده
والاستغفار هو المنظف لهذا الصدأ
طب ما تجى نلمع قلوبنا بقى
= والله انا نفسى بس التلميع
هيجهدنى اوى وهيتعبنى
+اهم حاجه انت ازاى بتستغفر ربنا
هل بتستغفر من فمك ولا من قلبك
=طب ازاى استغفر من قلبى
+بأنك وانت بتستغفر تكون واثق من ان ربنا هيغفرلك
=ونعم بالله
=طب ازاى استغفر ربنا ؟؟
+فى اذكار كتييير جدا
يعنى مثلا
(استغفر الله )
(استغفر الله العظيم واتوب اليه)
(استغفرك اللهم واتوب اليك )
وفى اذكار كتييير
ولكن لو تلاحظ ان النصف الاول
لو مشيت على حلقة النهارده
اتحقق وهو ان ربنا يغفرلك
ولكن ازاى تتوب لربنا بجد وازاى
تعرف ان ربنا تاب عليك
=اه ..ازاى ؟؟
+ده للى هتعرفو فى الحلقة الجاية
ولكن واجبك من النهاردة تكثر من الاستغفار
علشان نتظف قلبك من اى قذارة
واكيد القذارة على قلوبنا كتيير
+وفى الحلقة التالتة هنتوب بجد لربنا
=طب ما تقول اى حاجه
+انا قلت بكرة ان شاء الرحمن
+يلا..السلام عليكم
=برده بتعلقنى..
=وعليكم السلام
الى اللقاء فى الحلقة الثالثه
مع
حملة
(هنتغير بجد)

الله عليكى يا سوسو
بجد والله موضوع هادف جدااا وياريت كلنا نستفيد منه
ويغير فينا حاجات

تسلم ايديكى ساسو
وان شاء الله كلنا يااااااارب
ندخل الجنة

يا رب يا دوللى يكون الموضوع فعلا هادف
وكلنا نستفاد منه
وميرسى لمرورك

نورت يا حسام
ويارب يجمعنا ان شاء الله فى الجنه

بارك الله فيك وربنا يهديك يا اخت ويسامحك على كل اللى بتعملية

بارك الله فيك وربنا يهديك يا اخت ويسامحك على كل اللى بتعملية

ميرسى لمرورك

الهدى من القلب وليس بالكلام واذا اراد الله عز وجل الهدى للخلق كلو لاراد وانما يريد انا يهدى كل ما يستحق الهدى ومن قلبة

الله يفتحها فى وشك يا رب

شكرا يا روميو
حاجات جميلة

محمد العاصى

تسلميى
ساسو
موضوع فوق الهايل ومفيد جدا

ميرسى يا جوجو
انا مبسوطه جدا ان الموضوع عجبكم

الحلقة التالته
(توب وربنا هيتوب عليك)
+عامل ايه دلوقتى مع ربنا؟
=اسكت ..اشتغلت شويه وكل
شويه افتكر الذنوب اللى عملتها
واقول ازاى ربنا هيغفرها لى
+خلى بالك ده شيطان عاوز
يخلى كل اللى عاملته
تهده بايدك تانى
+و ماتنساش الحوار اللى حصل بين
الله عز وجل
و الشيطان لعنه الله
لما كان الشيطان
خارج من الجنه بقول
لربنا
(وعزتك وجلالك لاغوينهم اجمعين
وربنا بيرد عليه وبيقوله
وعزتى وجلالى لاغفرن لهم ما دامو
يستغفروننى)
ايه رأيك !!
=يعنى ده شيطان عاوز يبعدنى
عن ربنا
+وربنا بيقول لو استغفرته هيغفر لك
=ماشى ندخل فى حلقة النهارده
+ماشى
3..2..1..
+السلام عليكم
=وعليكم السلام
+حلقتنا النهارده عن ازاى نتوب
+فى البدايه ..
نعرف ايه اللى بيحصل حولينا
كل يوم
ان الله ينزل الى السماء الدنيا كل
يوم فى الثلث الاخير من الليل
ويقول
هل من مستغفر فأغفر له
هل من تائب فأتوب عليه
هل من داع فأستجيب له
(انت فين بقى فى الوقت ده)
=..........
+وخلى بالك ان الله ينزل الى
السماء الدنيا
بالنهار ليتوب مسئ الليل
وبالليل ليتوب مسئ النهار
(والله مالكش حجه)
= ايه ده ... بقى الفرص
دى موجوده قدامى وانا مش اخد بالى
+وخلى بالك
ان ربنا من اسمائه
التواب وليس التائب
عارف ليه
=ليه ..؟
+لان لو ربنا اسمه التائب
لو عملت معصية وتبت هيتوب عليك
مرة واحده بس
ولكن اسمه التواب يعنى مهما تتوب
هيتوب عليك
انه الله
=ونعم بالله
+وخلى بالك ربنا مش هنقص
من ملكه شئ لو ماغفرلكش
ومش محتاجلك فى حاجه
ولكن..
=انا اللى محتاجه ..عارف
=بس ماعرفش هو هيقبلنى
ولا لا
+طب بص لو انت عاوز تتوب بجد
وبصدق من قلبك
هيتوب عليك
وما تنساش ان
الله كريم جدا
واكبر من ذنوبك
لذلك ادعى
اللهم ان ذنوبى عظيمة ولكن
عفوك مغفرتك اعظم فاغفر لى وتب على
صدقنى لو انت عاوز تتوب بجد
روح لربنا واترجاه وربنا
بيستحى ان يردك وانت خائب فى دعائك
وثق بالله ومالكش دعوه
وبس ...
=ايه ده حلقة النهارده
قصيرة جدا
+انا عارف لان ما يتضمنه حلقة النهارده
كله قلته ومن الاخر
صلى ركعتين توبة وادعى فيهم
وثق فى الله
وما لكش دعوة وسيب الباقى على الله
=طب وحلقة بكره هتبقى عن ايه؟
+ان شاء الله
هتبقى ازاى تلحق نفسك من النار
مش كده وبس
=امال ايه
+برده عن ازاى تحرم جسدك على النار
وازاى تخلى النار تتدعى ربنا
انه يبعدك عن النار
الى اللقاء فى
الحلقة الرابعه
من
حملة
(هنتغير بجد)

تسلمى ياساسو
كملى الباقى
وغير انها حملة لتغير الشباب
الا ان فى مضمونها تفسيرات مش كنت اعرفها
تسلمى ياقمر

تسلميلى يا قمر
ويارب فعلا تكونى استفدتى
وانتظرى الباقى

الحلقة الرابعة
(اخرج نفسك من النار)
+عامل ايه؟
=تمام ..
بصراحة انا بدأت اتغير بجد
مش عارف عندى احساس بأنى
لسه داخل الاسلام
+ابشر اوعدك بالتغير
وان شاء الله
نحقق شعارنا
وندخل الجنه سوا
=ربنا يسهل
+وخلى بالك
(ان الله لا يغيرما بقوم حتى يغيروا ما بأنفسهم)
يعنى مش انت اللى هتغير نفسك
انت هتغير ما بنفسك
والفرق كبيير
يعنى علشان تشوف حال قومنا
(امتنا )
احسن الاول تغير نفسك من جوه
=كلامك صح
=طب ممكن نبدأ
3..2..1
+السلام عليكم
=وعليكم السلام
+حلقتنا النهارده هدفها
نوريك ازاى ممكن تعتق نفسك من النار
بكل سهوله
=سهولة ايه !!
=مش وسعت منك شويه
+ليه؟؟
=انت بتتكلم ازاى تطلع نفسك
من النار
مش من حديقة الحيوان
ولامن متاهة
دى النار
+طب ممكن اتكلم و
تسمع للاخر
=اتفضل
هقولك كذا طريقة وكل
طريقة تقولى ايه رأيك فيها
=ماشى اتفضل
(الطريقة الاولى)
+صلاة اربعين يوم فى جماعة
بشرط تكون تكبيرة الاحرام
بتتقال وانت فى الصف
=بس دى صعبه شويه
لان انا بصراحة
كل فين وفين لما بصلى
الفجر فى البيت اساسا
+ما تخفش فى اكتر من حلقة
هتتعمل عن الصلوات والفجر بالذات
(الطريقة التانيه )
+لو سيادتك حافظ القران بالكامل
او بتحفظه او ناوى
بصدق تحفظه بالكامل
ابشر انت معتوق من النار
=بقولك انا بدأت اقرب من ربنا
وانت عارف انا كان حالى مع ربنا ازاى
+برده حنعمل حلقه عن القران
هتبقى جامده جدا
(الطريقة التالته)
+لو قعدت تحاسب نفسك
وفاضت عينك من خشية الله
بس لسه برضه قلبى ما بقاش
طرى اوى علشان اطلع كل اللى فى قلبى
لربنا
+ربنا عارف كل شئ عنك من غير ما تقوله
ولكن امتى هتعترف بذنوب
(الطريقة الرابعة)
+تصلى قبل وبعد صلاة الظهر
4ركعات
=تصدق دى اسهلهم لحد لما
ربنا يسهلها
+و يا ريت تبدا بالتدريج
وان شاء الله تلحق نفسك من النار
وخلى بالك الحلق الجايه من اهم الحلقات
=طب عن ايه؟؟
+هتعرف بكرة..
+يلا
+السلام عليكم
=وعليكم السلام
...............
الى اللقاء فى
الحلقة الخامسة
من
حمله
(هنتغير بجد)

وكمان حلقه صغنونه علشان بقالى فتره مش بتدخل

الحلقة الخامسة

+السلام عليكم
=وعليكم السلام
يلا ابدأ
مونتاج:
3
2
1
اكشن
+هنبدأ على طول
=ماشى
+هنمشى خطوة خطوة
=ماشى
+اول خطوة نحاول
نبعد عن المعاصى
=ازاى
+ حط فى دماغك
ان لو صيامك
مبيبعدكش عن المعاصى
=ازاى
+تخيل ان الرسول من النهارده
ماشى معاك فى كل مكان
وانت ماشى فى الشارع
وانت قاعد فى البيت وانت نايم
فى كل مكان وخلى شعارك
(الله معى
؛الله ناظرى
؛الله مطلع على )
وتخيل ملك الموت وهو جاى لك وانت بتعصى
اكيد اكيد هتبعد عن المعاصى
وما تقولش لو بطلت معاصى
شخصيتى هتتغير
لان من ترك شئ لله عوضه الله خير منه
عارف يعنى ايه ؟
=مش عارف
+يعنى لو كان شخصيتك هتتغير
لله
هتتغير للاحسن
وربنا هيحبك
وان الله سيجعل الملائكه والناس
يحبوك جدا
وما ادراك ما
حب الله
ثم
حب الملائكه
ثم
حب الناس
يلا بينا نتغير ونطبق
ونحس برمضان
والسلام عليكم
=ايوه كده نتغير على طوول وبجد
وعليكم السلام

ايه ده كله ده اتكتب ومش شفته
معلش ياقمر ماكنتش عارفه انك نزلتى الحلقات الجديده
بس فعلا حلقات حلويين جدا
ويارب تساعدنا فعلا فى ان الكل يتغير
تسلم ايدك ياقمر
فى انتظار الحلقات القادمه

براحه علينا يا سوسو شويه

متنزليش حلقات ورا بعض عشان الناس كلها تقرا
ومحدش يفوته حلقات

تسلمى ياقمر
ويجعله فى ميزان حسانتك ده لو كان عندك حسنات اصلا

تسلمولى يا قمرات
انا قولت انزلكم حلقتين علشان بقالى كتير منزلتش
انا مستنيه راى باقى الاعضاء

هاااااااااااااايل تسلم ايدك ياقمر

والله ما لاقيه كلام اقوله اوصف فرحتى بموضوعك ده
اكتر من هايل وعجبنى جدا
وبيدى حافزتسلم ايدك بجد
ويجعله فى ميزان حسناتك يارب
ويجعله سبب لهدايه ناس كتير يارب

بس يالا نزلى بقيه الحلقات هموت واكمل

ميرسى يا لوله
نورتى يا قمر
وبجد كلامك كتير اوى عليا

ميرسى ازمه على مرورك

(الحلقه السادسه)

عامل ايه ؟
=ياعم اسكت بقى
انت ايه اللى اخرك عليا
ده انا كان فاضلى كام خطوه واذوق الاسلام بجد
+طب بالراحه ياسيدى
انا آسف
=عملت ايه بيها
هتقربنى من جديد
+لا ولكن افتح قلبك
ده انا مجهز كام حلقه
قبل رمضان
علشان ندخل رمضان ونطلع ويكون غير فينا بجد
علشان نبقى داخلين رمضان
واحنا مستعدين بجد
=بس برضه زعلان منك
+طب ولو رجعت تانى احسن من الاول
=أ..احسن من الاول
ب..ب.بجد
=انت بتتكلم بجد
+طبعا
افتح قلبك
وسيبها على ربنا
=ونعم بالله
+قول الاول انت عملت
ايه فى الفترة اللى فاتت
=يا عم متفكرنيش
انت سبتنى بقيت شغال
يوم طاعه وفرحه
ويوم معاصى
+طب اسألك سؤال
=اتفضل
+انت عاوز تتدخل الجنه
=....!!
=طبعا
+لا بجد عاوز الجنه ؟
=طبعا
+طب تقدر تقول لنفسك ازاى تبدأ
فى طريق الجنه
=الطريق صعب جدا
ولكن حلو اوى
+طب ولو قلت لك ان الطريق سهل جدا
=يا عم اتكلم بواقعيه
هو ايه اللى سهل
طريق الجنه ..!
سهل..
ازاى

+اسمع..
=طيب ازاى
+اصبر..
=ماشى ازاى بقى
+يابنى اسكت شويه عاوز اتكلم بقى
الناس عاوزه تسمع
=...
+ايوه كده
+اسمع بقى
تعرف يعنى ايه تبقى مسلم
=....؟
+اقولك
ان انت علشان
تبقى مسلم
لو معاك فلوس تبنى اسلامك
على 5 عواميد
ولو زى حالاتنا
تبنى اسلامك
على4عواميد
=يعنى ايه ؟
+بنى الاسلام على خمس
ولو معاك فلوس هتحج
ولو معكش غير مفروض عليك الحج
=آه..فهمت
=يانهار ابيض ...!
ده احنا نسينا اهم حاجه
+ايه ..؟؟
=ده احنا لسه ما بدأناش الحلقه
+يا صلاه النبى
يلا مونتاج
3..2..1..
+السلام عليكم
=وعليكم السلام
+عامل ايه مع ربك
=الحمد لله
=ماشى على سطر وسطر
ورمضان داخل
وباقى كام يوم ولسه ما استعدتش
والفترة قليله
يومين بس
يعنى مفيش امل
خالص
+طب هو رمضان خلص
= لسه ما جاش
اساسا
+طيب انت قلت
يا راجل انه لسه ماجاش
يعنى فرصتك
وما تقولش هستعد وهتوب فى رمضان
وارجع بجد فى رمضان
لانك ماتضمنش تكمل قرائة
الموضوع ده اساسا
ممكن فى اى لحظه
تموت
والمصيبه تبقى توفيت ولم تتب
شكلك هيبقى وحش اوى
وانت ليك رب وهو الله
الكريم
الجواد
التواب
+طب ممكن اسبتك بسؤال
=اتفضل
لو واحد مسيحى قالك
عملت ايه لدينك
وانت مسلم
=.....!
+سؤال من الاخر
=عندك حق
طب ولو ربك سألك
وقالك
اخترتك للاسلام
عملت ايه ؟
=...!
+طب انت لسه فى الدنيا
اعمل حاجه
=ياعم ارجع الاول
لربنا وبعدين اعمل
+طب ما تعمل الاتنين مع بعض
=ازاى
+يعنى اكتب اذكار وعلقها فى مسجد
فى رمضان
انت وصحابك اشترى كيلو تمر
بدل الكنافه ووزع على العربيات
لحظه الافطار
وخد ثواب كبيييير
وحاجات كتيير
=طيب من الاخر
ارجع لربنا ازاى فى اليومين دول
+دافى الحلقه الجايه
بس ندردش مع بعض اول حاجه
+ماتتوبش مرة واحده
=يا عم ماتجننيش
يعنى ايه ؟
+يعنى لو بتعمل معصيه ما
مثلا بتعلى صوتك على والدتك
او والدك
ماتبطلش زعيق وتاخد الحياه جد
ولكن خلهم اصحابك
هزر واضحك معاهم
وخليك ذكى فى الطاعه
وخلى بالك
ان طول ما انت ماشى صح
هتلاقى مطبات
كتيره
=ازاى
+يعنى هتلاقى تريقه
والشيطان يجى لك
كام مرة
يعنى مش هيسيبك فى حالك
والواجب العملى
انك تجيب ورقة وقلم
وتكتب ايه الايجابيات فى شخصيتك
=والسلبيات
+لا الايجابيات
(وياريت كله يكتبها فى مشاركه )
وماتقولش ده غرور
بالعكس خالص اكتب عن نفسك
علشان اعرف انا هعمل ايه بعد كده
=طيب سؤال وبلاش ضرب
+اتفضل
=ايه هدف حلقه النهارده
+هدفها نستعيد لغه الحوار تانى و
اهم حاجه نستعد للحلقات الجايه
لانها مهمه جدا جدا
=تصدق انا كده فهمت
+احمد ربك
=الحمد لله
الحلقه الجايه امتى ..ماتتأخرش
+لا ماتخافش ان اعطانا
الله العمر كمان كام ساعه
=انت عارف لو اتأخرت زى المرة اللى فاتت

+انا اقدر
+السلام عليكم
=وعليكم السلام

لان لو اخدت كل حاجة مرة واحدة
هتتحمس شويه وبعديها بساعة
ولا كأن فى اى حاجه

هى دى فعلا المشكله اننا كتير بنبقى متحمسين لحاجات كتير
عشان نحاول نغير نفسنا ونكون احسن ولاسف فجاءه الحماس ده بيروح ونرجع تانى لنفس النقطه اللى واقفين فيها
ياله ربنا يهدينا كلنا لطريق الصح

وتسلمى ساسوب بجد توبيك هايل
ومش تتاخرى علينا تانى عايزينك دايما تنزليلنا فيه توبيكات جديده

توبيك رائع يا ساسو ... تسلم ايدك

وتسلم دماغك على الفكره دى

•·.·´¯`·.·• ( حملة * هنتغير بجد * للشباب والبنات ) •·.·´¯`·.·• 619978

مبدعة دايما يا ساسو أستمرى بجد هااايلة ومفيد قوووى التوبيك

زائر

GGGGGGGGGOOOOOOOOO ON SASO

•·.·´¯`·.·• ( حملة * هنتغير بجد * للشباب والبنات ) •·.·´¯`·.·• 619978

تسلمى يا نودى على متابعتك
وانتظرى الاجزاء الجديده

صمت العشاق كتب:: توبيك رائع يا ساسو ... تسلم ايدك

وتسلم دماغك على الفكره دى

ميرسى صمت العشاق على مرورك
ويا رب تكون عجبتك فعلا

جواد عربى كتب:: مبدعة دايما يا ساسو أستمرى بجد هااايلة ومفيد قوووى التوبيك

ميرسى يا محمد
وتسلم يا رب على مرورك

dr.smsma كتب:: GGGGGGGGGOOOOOOOOO ON SASO

تسلمى يا سوسو يا قمر

جميل جدا ساسو
كنت مستنيه تكملى فعلا
بارك الله فيك ياجميل

تسلم ايدك ساسو بس يلا كملى بقى انا مبحبش كده

نورتوا يا شباب ويا رب تكون عجبتكم

الحلقه السابعه

السلام عليكم
الحلقات الرمضانيه

+عامل ايه
=الحمد لله

+عامل ايه فى رمضان
=الحمد لله
=انت عارف يا محمد
انى مخنوق جدا
مخنوق اوى
مش قادر
مفيش فايده منى
اذا كان رمضان ويادوب
اشتغلت فى اول يومين
والباقى بقى يوم يروح منى الفجر
ويوم تروح التراويح
ويوم تروح عليا صلاه وممكن
مااصليهاش
اساسا
كل ده وانا فى رمضان
اكبر فرصه للتغير
افضل فرصه
علشان
نتغير بجد
....
....
=بجد مش عارف اقول ايه
الشياطين متسلسله
وابواب النار مقفوله
والصلاه بسبعين
وبرضه مافيش فايده
انا زى ما انا
+خلاص خلصت
=انت بتتريق
=انا غلطان انى كلمتك
+اولا انت اللى مموتك انا لسه
متعرفش معنى الدين وما ذقتش طعمه
وطعم رمضان
=ازاى
+اقولك ازاى
=قول ياعم
+هتكلم عن حاجه حاجه
اولا
الصلاه
عارف صلاه الجماعه بتقف
عليك بكام صلاه
=يعنى ايه
+يعنى انت بتصلى كام مرة فى رمضان
=اكيد 5فى اليوم
+ده انت غلبان
=آه صح افتكرتالصلاه بسبعين
+برضه غلبان اوى
ممكن تجيب اله حاسبه
=ماشى
+لا قوم بجد
=؟؟؟
+قوم بس
=ماشى جبت
+احسب معايا الصلاه بتقف
عليك بكام لما تصليها
+احسب
1صلاه ×70 اجرها
فى رمضان ×24ثواب صلاه الجماعه
×2ركعتين السنه
(النافله بفريضه )
هنقول 2بس سنه
تساوى كام
=...؟؟؟؟
=نعم !!!
=ايه !!
=كام !
=الصلاه هتقف ب3360صلاه

=......
=والله مش عارف اقول ايه
=يعنى انا لما اصلى المغرب بالسنه
مثلا
يتكتب ليا وكأنى صليت
3360مره
+ ده على اساس انك هتصلى المغرب فى يومك كله
=قصدك ايه ؟
+فى 4صلوات باقيين
=تصدق من الفرحه نسيت
+احسب معايا بسرعه
من الاول
5 صلوات ×70اجرها فى رمضان
×24 اجر الجماعه
×(صلاه السنه )
(2فجر +8ظهر +2مغرب +2عشاء
+1 وتر ) تساوى كام
=......
=محمد
+نعم
=هاتلى دكتور
+اسند نفسك انت شفت حاجه
=نعم
امال انا شفت ايه
انا شفت انى فى اليوم
هيتكتب لى انى صليت
126000صلاه
بس
وقال ايه زهقان
اطربنى يا عم
+ لا الحلقه الجايه بقى
=لا قول دلوقتى
+الحلقه الجايه هتكون قريبه
+بس طبق دول الاول
وحافظ على كل الصلاوات فى المسجد
+وعلى فكرة اختنا
صلاتك فى البيت بمثابه صلاه الجماعه
يعنى الاجر لكله
=بس ما تتأخرش فى الحلقه الجايه
[size=16]+ماشى
+السلام عليكم
=وعليكم السلام

=============== =============== ========

[/size]

جميل ساسو كملى

تسلم ايدك يا سوسو

كملى بسرعه عاوزه كام خلقه مع بعض

ويارب الكل يستفيد

لوله كتب:: جميل ساسو كملى

ميرسى لوله على متابعتك

DOLLY كتب:: تسلم ايدك يا سوسو

كملى بسرعه عاوزه كام خلقه مع بعض

ويارب الكل يستفيد

نورتى يا دودو
حاضر من عنيا هكمل ويا رب فعلا الكل يكون بيستفيد

» أسئـــلة للشباب فقط .... والبنات بس يقرأون
» اسئلة للنقاش للشباب والبنات
» للشباب والبنات ازاى تنتقم من حبيبك
» كافى شوب للشباب والبنات .للحوارت بينهم
» اسئلة مضحكة ومحرجة للشباب والبنات