أزاى تعلق وحدة ((أدعولى بس ))

عدل سابقا من قبل noody10 في 27/7/2009, 03:53 عدل 3 مرات

بسم الله الرحمن الرحيم

بس الاول كده محدش من البنات يزعل منى
الولاد بردو اخوتنا ولزم نفيدهم

44c56c56x

اولا تروح تقف جنبها وتقولها ياأنسة ممكن كلمة
طبعا هى مش هتعبرك *** وواقف جنبها
عادى تقوم قايل بسرعة يا أنسة يامدام
هتقوم هى جيالك بس هتكون ة علشان قولتلها يامدام
وهتقولك عايز ايه تقولها ممكن رقم تليفونك
هتقولك عايزو ليه
تقولها انا لسة شارى موبيل جديد ومفهوش ارقام وعايز رقم يونس الموبايل
طبعا هتعمل حاجة من الثلاثة دول
اولا ً هتضحك ضحكة خفيفة وتمشى طبعا وراها يامعلم متسبهاش الا متاخد رقم موبايلها
واشطة يامعلم

ثانيا ممكن تكون بنت فرى وتديلك الموبايل على طول واشطة برضو يامعلم

ثالثا ممكن تقلع السابرينة اللى لابساها وتضربك بيها وساعتها تخبط دماغك فى الحيطة وتعملها محضر وانا هشهد معاك
وهتيجى لغاية عندك تترجاك وسعتها تعمل اللى انت عايزه

ودى طريقة مضمونة جابت معايا نتيجة
وأى واحد عندو طريقة جديدة يكتبها

دى طريقة جديدة وجامدة
ومحدش يقولى حاجة وعلشان البنات متزعلش

ازاي تعلق البنات

تعليق البنات : يعني إزاي توقع البنت في هواك

مش أي حاجة تانية لا سمح الله

مبنقولش تعاكسها

أكيد فهمتوا يا بناتيت

قبل ماتعرف ازاي توقع البنت في هواك لازم تعرف الاول البنت بتحب ايه وبتكره ايه

الفتاة من سن 17 الي 21 سنة أي فترة الدراسة في الكليات

مقدمة: الفتاة العربية بتعاني من ضغط نفسي وعصبي في المنزل و المجتمع وذلك
في المنزل بتعاني من تسلط الاهل عليها والسؤال في الرايحة والجاية اما في المجتمع (الشارع):
نظرة الشباب اليها وكثرة المعاكسات
اما (الإعلام) وذلك من خلال مشاهدة الافلام و سماع اغاني وإلخ........

البنت في بداية سن17 بتحس انها خلاص كبرت وبقت عروسه (وخدين مقلب كبير في نفسهم) : طبعا بتبقي خلاص عدت مرحلة الثانوية ودخلت مرحلة جديدة وعالم جديد فبتبقي عوزه تعمل جو لنفسها وطبعا نفسها في حد يشاركها العالم الجديد طبعا من حقها لانها مفتقدة عنصر الامان
طبعا مش هتدور علي شريك من نفس جنسها لان اصاحبها من البنات بيبحثو هما كمان فتيجي تبص علي الشباب الي حوليها

أ ) البنت هتفضل اي نوع من الشباب

1- البنت بتحب الشاب البرىء الطيب الي واخد ركن لوحده ( مش دايما ً )

2- يكون شيك وكاجول وتكون خفيف الدم مرح ولطيف وتكون جانتيه وياريت يكون روش بس مش اهبل

3-تحذير اياك تتظاهر بشرب السجاير البنات مبتحبش الي بيشرب سجاير (مع العلم انك تقولها بعد ما تتعرف بيها عشان قال تساعدك علي انك تبطلها بالطريقه دية تقدر توطد علاقتك بيها)

4- بتحب الشاب الخام الخجول الي ملهوش في البنات (طبعا انت لازم تتظاهر بكده عشان تعرف انها مش لوحدها في شباب زيها)

( ومش دايما ً بردوا بس هبقى أقولك على الصنف التاني تحت )

5- يا سلام أوي لو عنده حصان ابيض (عربية او موتوسكل طبعا عشان احنا في القرن21 مش في 16)انا علي فكره بفضل الموتوسكل وياريت يكون من نوع هامايا او حتي سوذوذكي
المهم يكون سبور

ب) خطوات تعليق البنت

بص يبني لازم تكون راكز يعني لما تحاول تعلق بنت زميلة في الدفعة مترحش تعكسها علي فكره البنت تموت في الي يطنشها
طبعا هتقولي طبعا انا نفسي امشي مع بنت اعمل ايه انا اقولك تعمل ايه تحاول تكون انعزالي يعني متحولش تصاحب شباب كتير يا ريت شخص واحد حاول تشارك في اي نوع من الانشطه تكون فيها مثال إتحادات الطلاب (الأسر) حاول تخشلها عن طريق نقل الدروس مثال(ممكن لو سمحت لم المحاضره تخلص انقل منك المحاضره ؟ لوقالت لك انا برده منقلتهاش تقولها علفكره في واحد اعرفه ممكن ناخد منه المحاضره اما لو قالت لك اتفضل انقل يبقي خير وبركه تحاول تمدح فيها (انتي خطك جميل اوي هتضحك وتقولك ده بس من ذوقك او تقولها ذوقك حلو في اختيار هدومك كده يعني ما انت لازم تتلحلح

وطبعا كدة يعم انتى اتعرفت عليها
وعيش حياتك
فى شوية نصائح هقولهلكو بعدين
هتخلى البنت تموت فيك

بص يا معلم

البنت من 13 الى17 سنة

بتبقى البنت لسة داخلة مرحلة المراهقة
ومعندهاش خبرة كبيرة فى الشباب
مجرد ماتسمعها كلام حلو وروش ولذيذ
هتلاقيها زى الحلاوة فى ايدك
وبعدين فى السن ده لازم تلفت نظرها
باللبس الجامد
ومفيش مانع تستشور شعرك لجذب الانتباه

الدخلة على البنت مهمة جدا وصعبة

بص الأهم والأصعب هو الإستمرار

خدوا شوية نصائح كدة تخلى البنت زى الخاتم فى صباعك

1-لازم تاخد بالك من ادق التفاصيل يعنى لو غيرت لون المونيكيرتقولها اللون ده جامد عليكى

2-اوعى تخليها تنتظرك يعنى لازم تروح فى ميعادك بالظبط ( عمري ما عملتها الحقيقة ) بس المفروض تتعمل

3-اوعى تقولها انتى تخنتى ولو هى اللى سألتك حاول تهرب من السؤال أو لو زنقتك اوي
قولها ده إنتي فراشة ماشية أدامي

4-اوعى تقولها انتى مبتفهميش ولو هزار

5-اوعى تتعمد لمس اديها في الأول على الأقل

7-لما تكلمها فى التليفون متكلمش حد تانى وانتى معاها على الخط

8-حاول تدلعها قدام اصحابها هما بيحبوا كدة

بيتفشخروا بعيد عنك ادام بعض

9-دايما حسسها بأنوثتها يعنى اول ماتشوفها قولها ايه القمر ده ، إيه الجمال ده

قرد أبيض يا إخواتي --- كدة يعني

10-لو هى ة حاول تخفف عليها

11-احفظلك كام نكتةعلشان البنات بيحبو الولد اللى دمه خفيف

بصوا ياشباب

انا هقولكم عن حركة ملهاش حل
بس ادعولى

اولا ً هتعملها لو انت أخد عليها وبتمسك اديها
بص يا نجم انت وهو

اولا ً تمسك اديها وترشق عينيك فى عنيها

وبعدين تقولها لما الراجل بيبوس البنت من هنا وتشاور على ظهر اديها
يبقى بيقولها انا بحبك وبقدرك

ولما يبوسها من هنا وتشاورلها على بطن اديها
يبقى بيقولها انا ملكك
وتقوم بيسها من بطن اديها
كده يامعلم انت خلصت عليها
قولولى رايكم ولو فى حد مش فاهم حاجة
انا عنيا ليكم
ههههههههههههههه

بص يا عسل انت وهو

هقولكو على شوية حاجات البنات بتكرهها فى الشباب

فى شاب يعد يسرح بالبنت بتاعته
ويحكيلها على بطولاته

يقولها انا امبارح لسة ماسك 9 عاجنهم
وهو يكون امبارح لسة متقلب

يقولها أنا كل صيف لازم أقضيه فى اسبانيا
وهو اصلا تلاقيه بيصيف بالعافية فى البانيو بتاع الجيران

ممكن يقولها انا امبارح لسة دادى شارى عربية فولكس بسات
وهو تلاقيه اصلا ابوه عنده عربية قردة

ممكن يقولها أنا النادى الأهلى بيجرى ورايا علشان أمضى معاه
وهو اصلا تلاقيه بيقف عرضة

وعلى فكرة ممكن بنات تصدق الكلام ده
بس هتبقى غبية
وانا معتقدش انك تحب تمشى مع واحدة غبية
انا بقول الكلام ده بس متزعلوش ياشباب
انا عايزكوا تكسبو قلوب البنات
مش تضحكوا عليهم

step one.........(1...
((لوشايف مزة فى الشارع عاجباك))

لو شايف وحدة فى الشارع مزة كيك وجامدة كيك وبتجيب معاك اوى وانت مش عارف تدخل عليها ازاى.....(استهبل)خش عليها بتقل وبابتسامة لطيفة واتكلم كأنك بتتكلم بجد وقولها مثلا ((لو سمحت هوة صيدلية ابوتريكة للاجهزة المنزلية فين ))هترد بحاجة من اتنبن.....يأما (معرفش )....يأما (احنا هنهزر ) .......

لو قالتلك معرفش

قولها ....لية هو انتى مش من هنا ....هتقولك لأ قولها امال منين؟؟؟بهبل كدة هتقولك من كذا....قولها اهلا بيكى انا محمدعبد المحسن وفى كلية كذا اصل انا من هنا وكنت بستهبل علشان اتعرف عليكى .......وهزر بقى ودوس يا معلم...

اما بقى لو قالتلك ((احنا هنهزر ))

قولها ((لا اصل انا قلبى تعبان اوى ومش عارف الصيدلية دى فين ))هتقولك ((طيب روح دور عليها بعيد يا حبيبى )) انت بقى هتقولها ((ما هما قالولى ان هى هنا فى الحتة دى فقلت اجى اسألك))

هتقولك حاجة من اتنين....
يأما ((معرفش هى فين )) ودى قولنا هترد عليها ازاى.....

يأما هتقولك ((يعنى حبكت هنا جمبى ))

انت هتقولها بقى ((ما هما قالولى هناك كدة هتلاقى واحدة زى القمر وعسولة وطيبة اوى هى اللى هتدلك يأما لو بصيت لعنيها شوية ممكن تخف<ملحوظة كالبوظة..البنات بتموت فى التسنيج يعنى حاول تزود على قد ماتقدر مع شوية رومانسية كدة جميلة> هتقولك(( يا سلام هما مين دول بقى اللى قالولك كدا )) هتقولها ((قلبى وعنيا وعقلى كلهم بيشاورو عليكى )) هتبتسملك ابتسامة لطيفة كدة.....دوس بقى يا معلم..........

<مش كل البنات>على فكرة

اقرف البنت تحبها .... حبها تقرفك ( سيد العاطفي ههههههههه )

3
احرص على ان البنت اللى نفسك تظبطها تشوفك(صدفة) مع بنات تانيين....لو معجبة بيك اعجابها هيزيد ولو بتحبك اصلا هتغير عليك اكتر وهتحس ان هى عايزة تحافظ عليك (بس متسوءش فيها )ماشى

4
متعودهاش على التبزير فى الأول علشان بعد كدة هتقشطك اول باول ولو مصرفتش عليها زى الاول هتكرهك شوية بشوية

5
للأيامة دور كبير أوى فى الوضوع ...لازم تكون شيك.نضيف.لو سجاير يبقى مالبورو أبيض . موبيل ان3300.........لو شوية كلام عن نفسك وبابا وعربيته و الحوارات الفكسانة دى( بس متظروتش اوى احسن تفييشك ) بيس

6
اتفق مع اتنين اصحابك يعاكسوها وإنت معاها وافقعهم علئة شيك

7
خليك فى هزارك واد كدة شيك خفيف متعلقش على حاجة واحدة كتير حتى لو ظريفة....وانت بتعاكس لو ضحكت متسؤش فيها

8
اخر حاجة لو حبيتها اوعى تضيعها من ايدك ,علشان بعد كدة بجد هتتعزب جامد

Step Three.........(3...

((غراميات المرتبطين ))

(1).......الحركات اللى بتحبها البنات

1
مسك اليدين بمناسبة أو بدون مناسبة .

الحركة دى بتحسس البنات بالإطمئنان والراحة

2
أن تبعد لها خصلات شعرها التي وقعت على وجهها.

بتديلها انطباع تام بالإهتمام والعناية

3
مسح دموعها بأطراف اصابعك اذا تسبب لها أي شيء من البكاء.

بتحسسها بحنــــان لابعد درجة

4
ان تقول لها كلمة (أحبك ) حتى وهي غاضبة

تسيطر على تفكيرها وتبادلك الشعور وأحيانا ترد لك الكلمة

5
أن تقبل يديها وتعتبرها نعمة من الله وقل لها انك تشكر الله على أنه اهداك اياها..

تشعر المرأة عندها انها مميزة ولا احد ينافسها في قلب الرجل

(2) ازاى تخلى البنت تموت فيك اكتر

1- تعشق البنات المبالغة فى كل ردود أفعالهن ,
لهذا امنح فتاتك فرصتها بالتظاهر بالغضب لمجرد انك تأخرت نصف ساعة .

2- الغيره تدفع البنت إلى كراهيه الإستماع لذكرياتك عن حبيبتك السابقة .

3- عاده ما تستمتع البنت بإثارة غيرة حبيبها .

4- أكثر الأشياء التى تلفت انتباه أية بنت فى الولد هى تسريحة شعره ، كسرة البنطلون لو كلاسيك ، البرفان بتاعه ، الشوز وأناقته ، وساعة اليد

5- تشعر الفتاة بسعادة عندما تقبل يدها .

6- تفضل البنت الولد الذى يسمعها كثيرا ً.

7- عندما تعجب الفتاة بالشاب لا تتوقف عن لمس يديه وهى تتحدث .

8- البنت تحب الولد العاطفى . ( ومش كلهم )

9- لا تقول أبدا لأى فتاة ان وزنها زائد .

10- تبحث الفتيات عن ولد يجمع بين قوه الشخصية وخفه الدم .

11- تكره الفتاة الولد المدخن . ( مش كلهم بردوا )

12- احرص دائما على فتح الباب لها .

13- لا تملى عليها أوامر وتقول لها ماذا تفعل .

14- تعشق الفتاة مشاهدة الولد وهو يتشاجر من اجلها أو بينضرب عشانها بتفرح أوووووووووي .
هههههههههههههه

15- تكره الشاب الذى يتحدث طول الوقت عن نفسه .

16- عندما تعلم ان الشاب يحبها تتجاهله وعندما تتجاهله يقع فى حبها .

17- لا تحب الولد الذى يستغرق وقتا طويلا فى ارتداء ملابسه .

18- لا تقول لها أبدا انها لا تفهمك .

19- البنت بطبعها تعشق المجاملة .

20- تحب أن يلاحظ الشاب أى تغيير فى شكلها .

21- البنت تغفر لمن تحب مرة واحدة .

22- تكره الشاب الذى يستخدم ألفاظ خارجة .

23- تكره أن يتحدث الشاب لأشخاص موجودين معه اثناء حديثها معه فى التليفون .

24- لا تقل لها أبدا ان شعرها او ملابسها لا تناسبها .

25- تتحدث الفتاة كثيرا ً عن الشاب الذى تحبه .

26- الفتاة يمكن أن تحب شخصا واحدا , لكنها تعجب بألف .

27- لا تترك الفتاة تنتظرك .

28- هى لن تعترف أبدا بالحب لحبيبها إلا إذا اعترف هو فى البداية .

29- اعتذر لها حتى لو كانت هى المخطئة .

30- لا تفتح ابدا حقيبتها .

31- تتصرف بأدب أمام حبيبها .

32- تعشق النميمة .

33- تكره الولد الذى يعتقد انه يفهم فى كل شئ .

34- إذا جرحت مشاعر أى فتاة فعليك نسيان ان تعود إليك مره أخرى .

35- البنت تكره الولد الذى لا يفى بوعوده .

36- تكره الولد الذى يتعمد لمسها .

37- تكره الولد الضعيف .

38- تكره الولد الذى يسخر منها امام أصدقائه .

39- تكره الولد الذى لا يأخذ كلامها على محمل الجد

40-جيب للبنت بتاعتك ورد بمناسبة ومن غير مناسبة

خش وقول رأيك يامان انت وهو

شوية حاجات
ممكن تبوظ الدنيا مع البنت اللى عايز تتعرف عليها

زى

بتحلق لصحابك أو أنتيمك عشان البنت .

معناها : أنك بتحاول جامد أوي أنك تظبطها , أنت عرفت صاحبك من وقت طويل و أنت لسه مقابلها و مديها أنتباه أكتر , صباح كيس الجوافة ؟؟ .

مديها أنتباه جامد أوي لدرجة أنها أي حاجة ما تسمعهاش تقولها "أنت قلتي أيه" قبل ما تبقي في مرحلة عميقة في العلاقة (يعني في الأول بالذات) .

معناها : مديها اهتمام بزيادة في كلامها و طبعاً بيها أوي ,لو هتعبط في الكلام و أنت مش سامع حاجة منها ماتقولش "ايه" و الكلام ده , أفتح موضوع جديد خالص و مش عارف أقول ده مهم قد أيه , لو أنت قلت كده و أنت لسه متعرف يبقي هتحلقلك وش (قدام مفيش مشكلة لأنها هيكون معناها أنك مهتم بيها و دي حاجة كويسة) , لو أنت فتحت موضوع جديد هتعمل حاجتين جامدين :

أ)مش هتبقي مهتم بيها أوي .

ب)هتبقي برينس عشان أنت مش مهتم بالعبط اللي بتقوله و ده كده كده هيساعدك .

بتجاوب عن الأسئلة بوضوح زيادة أوي أو منطقي أوي كأنك بتفكر كتير أوي في الأجابة قبل ما تقولها .

معناها : خايف أن اللي قدامك ما يقبلكش الا لو أنت أقنعته كويس . يعني مثلاً :
بنت:أشمعني بتسأل السؤال ده ؟؟
الغلط:عشان بقالي كتير بفكر في الموضوع ده و مش عارف.
الصح:عادي بأتكلم (و بص عليها وأسكت خالص لغاية لما تتكلم) .

الأخيرة بتبين أن مش هتأهل نفسك ليها و مش هتدافع عن نفسك لأنها لو مش عاجبها يبقي يلا باي .

هنكمل

[/center]

ترجع تاني لمراحل التظبيط الأولانية .

معناها : أنك نفسك فيها أوي و مهتم بيها جداً , في البداية البنت بتحب تختبر الولد في البداية عشان تشوف هو راجل ولا عبارة عن أيه بالظبط و طبعاً الصح أنك بتعدي الأختبارات بطريقة المغرور خفيف الدم و بعدها بتبدأ تدخل في بناء الراحة بأنك بتشيل الغرور و تبدأ تدخلها في دنيتك و تقولها شوية أسرار عنك عشان تثق فيك و تهزر معاها و تبقي لعبي , لو أنت دلوقتي رجعت لمرحلة الغرور و التريقة تاني و هي عرفت عنك أنك خلاص جامد , هتقول عليك أنك مغرور و وقح و هتقول كفاية كده منه , و الحل أنك تبقي لذيذ معاها و لو عملت حاجة أو أتريقت عليك بص الناحية التانية عشان تعتذرلك , لكن لو أنت أتريقت عليها تاني يبقي هتبوظ الحوار ,ده ممكن يوضح ليه كان فيه حوارات بتفكس أول لما بتزود في الهزار

[center]ده حاجه بسيطه شوفو بقه الى جاى
انا يجماعه عاوزه افتح موضوع معاكوا ان ازي اي ولد يخلي البنت اللي بيحبها تحبه بس في الاول عاوزين نتفق علي مبدأ ان مافيش ولد يقدر يخلي بنت تحبه الا ازا كان هو بالها من الاول بس احنا اعاوزين نعرف البنات بتحب ايه؟ اوتحب بكون فيه ايه في الراجل اللي بتحبه
اولا: أزاى تعلق وحدة ((أدعولى بس )) 40

لازم يكون حنين جداااااااا عليها لان البنات كتير بتحس في لحظات ان الدنيا ديقه جدااااااااااا واول حد بيفكروا يروحو يقولوله بيكون اللي بيحبوه .لو بقه لقت ان رد فعلك مش كويس بيكون ده شرخ اول في العلاقه اللي بينكو انما لو لقتك زي ما هي متصوره بتحس انها نجحت في اختيار اللي بتحبه واللي ساعتها هتكون عاوزه تكمل معاه حياتها
ثانيآ: أزاى تعلق وحدة ((أدعولى بس )) 40

انك تحاول تفهمها من نظره عنيها يعني متكونشي مش مهتم بللغه العيون لان البنات بتحب اوي اللي بيحس بيها ويكون فاهم هي عاوزه ايه من قبل ما تتكلم
ثالثا: أزاى تعلق وحدة ((أدعولى بس )) 40

انك تكون عندك قدره في التحكم في مشاعرك
يعني تعرف تكون رومانسي وتكون قاسي وحنين وتقيل وجامد كل ده مع بعضه
رابعا: أزاى تعلق وحدة ((أدعولى بس )) 40

انها تحس انك قادر علي حمياتها من اي حاجه انك تقدر تقف ادام اي حد علشانها ده هيخليها تتمسك بيك اكتر وبعدين هي لازم تحس بالامان معاك لو محستش معاك هتحس مع مين؟
خامسا: أزاى تعلق وحدة ((أدعولى بس )) 40

انك تكون مقدرها وتحسسها بكده انك دايما مقدرها وتقدر كل اللي بتعمله علشانك ولازم تعرف انها مش مجبره انها تعمل حاجه علشانك بس لو عملت هي عملت علشان بتحبك بس واعرف دايما ان الحب هو مفتاح قلب اي بنت.................. ده كان كلامي بتاع انهارده بعد كده هنكمل بردو ايه اللي البنات بتحبه البنات بتحبه

ركز معايا متسرحش
عشان مش هعيد تانى
الكل معايا يستعد !! تخيل البنت من دول ماشية وليكن فى الشارع او فى مول ودخلت نغاشيشك قوي وعايز تكلمها

قرب منها وفي صمت دامس ولازم تخليها تشوف عيونك

إفضل بص ليها

البنت طبعا هتتكسف وتبص الناحية التانية

انت هتطلع رخم وتقرب جنبها تقولها ياه إية العيون الجميلة دي عيونك جميلة زي القطط بالظبط

هية هتبتسبم ومش هترد وهتتقل واحلي حاجة البنات اللي بتتقل ..

انت بردو هتكون ارخم وارخم ومتسبهاش قولها تعرفي انى عمري ماشوفت احلي من الشعر دة
ولو كانت لابسة طرحة
تقولها لعلمك شكلك جميل جدا بالطرحة مش هتعبرك بردو اطمن ...

خليك أرخم وأرخم (على طبيعتك اقصد) قولها بردو مش هتعبرنا ياجميل ... علي العموم دة رقم تليفوني وتقوله

هتلاقيها مطنشة قولها انتى بتتقلي لية انا عايز الرضا ياعسل

وخليك واد جنتل وانت بتعاكس يعني مترميش نفسك عليها اوى

قولها علي إسمك وإفضل ماشي جنبها مش وراها مش عايزين غباء وبصلها اوى ..

هتقولك فية اية انت عايز اية قولها بس اصل اول مرة اشوف حد بالجمال دة ..هتقولك ...ياخفة..وهية بتضحك...

قولها تعالي نقعد في اي كافيترية او اى مكان انتى تختارية ..

هتتراخم وتكشر وتقولك مبقعدش

قولها طيب انا فرحان اوى لانك رديتي عليا ..

هتضحك قولها علي العموم انا عايز اكلمك لانى معجب بيكى اوى
هتقولك لا قولها لا لازم اكلمك

هتلاقيها بتقول لا وهية من جواها نفسها تكلمك

قولها طيب شوفي انا بكرة هقعد فى المكان الفلاني وهنتظرك الساعة كذا كذا

هتسكت امسك اي ورقة وقلم واكتب رقم تليفونك واسمك ولازم تحطة مثلا علي كتاب ليها مسكاة اى حاجة مسكاها ولو

انت جرئ حطها في إيدها وإمشي علي طول وقولها ياريت اسمع صوتك ياجميل

وبعدين
.
.

هتلاقي نفسك اما في السجن او عند المأذون مع ان السجن اهون..

شفتوا بقي اخرة اللي بيعاكس البنات في الشارع
يارب تتعظو
وتسيبو بنات الناس فى حالها
جتكو القرف مليتو البلد

وملحوظه صغيرة تانى للتذكير: لو حصل اى ضرب انا ماليش دعوة
انا مش مسئول عن سوء الاستخدام فى المراحل الاولى
تحياتى

ومن غير ضرب يا بنات
منقــــــــــــــــــــــــــــــــــــــول منقــــــــــــــــــــــــــــــــــول منقــــــــــــــــــــــــــــول منقـــــــــــــــــــــــــــــول

لا بجد
ده انتى بتستهبلى
بقى تيجى منك انتى ماكنتش اتوقعها منك
بس بكره تندم يا جميل

والله لوريكى يا نودى

هما نقصين بوظان مش محتاجين

وعمللهم قواميس كمان كل ده موضوع

طبعا الولاد هيقروه حرف حرف

هههههههههههههههههههههههههههههههههه

نورتى سندرا

بس والله بريئه انا اقولت دول اخوتنا بردو ولزم نفيدهم

وكمان معتدشى فيه بنت بتاكل من الحوارات دى يا بنتى كل الولاد مفئوسين

44c56c56x

نورتى يا دوللى

بس انا غلباااااااااااااانه

ومش عملت حاجه خااالص
65656d

ههههههههههههههههههههههههههههههههههههههههههههههههههههههههههههههههههههههه

انتى كده بتقولى للبنات مش للولاد يعنى بوظتى كل الخطط
وبعدين ديه حاجات قديمه اوى اتلغت على العموم..... شكراياقمر

على فاكرة دى جت فايدة للبنات
لانها عرفتها الاولاد بيعملوا ايه وبيفكروا ازاى
وتسلم ايدك يانووووووووودى ياقمراية

اى خدمه يا بنات

نورتى يا سارة ساسو

يالهوى عليك
بقى كل ده يطلع منك
هيتعمل فيكى بقى

بجد توبيك تحفه والله يانودى

تسلم ايديكى ياقمر

هاتولى الخرزانه
نودى حضرى نفسك انا جيالك

نورتو يا بنات
نورتى يا بوسى انتى والخرزانه

بجد مرسى اوى يا نودى انتى طريقتك فى الكلام زى العسل مرسى يا عسل 33699k

[size=24][/size]

ههههههههههههههههههه
دا انتى هتتعلقى

نورتو

(((((((((*إ***ز***ا***ى**)))))))))
(((((((((**ت**ع**ل**ق**)))))))
((((((((((*و*ا*ح*د*ه*)))))))))
((((((* thanks*))))))
(( ؟! ((noody)) ؟!))

نودي نصيحة من أخوك محمد
تسمعي المحاضرتين التاليتين :الاولى : الشباب والجامعة والثانية : مجرد علاقة بريئة أنتي وكل من شاهد التوبيك
نودي لازم كل من شاهد التوبيك يسمع المحاضرتين
أنتم كده يا شباب حتضيعوا نفسكم
الولد لما ينظر للبنت أو العكس حرام فما بالكم بان يقف معاها ويمسك يدها
شباب عاوزين نصلح من نفسنا وتذكر ان كما تدين تدان والموت قادم وعاوزين نموت واحنا عاملين اعمال صالحة

اولا مرسى على تفاعلك مع التوبيك
ثانيا بقى واضح انك مقرتهوش كويس او فهمته غلط من العنوان ورديت على الاساس ده
لانك ببساطه لو قريته هتفهم انه مجرد هزار وحتى مع انه هزار ولكن بردو ليه مغزى
وهى ان التصرفات دى غلط لانها ولا من اخلقيات دينا ولا مجتمعنا
ومرسى على نصيحتك بس من قوانين المنتدى ان محدش يحط لينكات لمواقع تانيه
انت ممكن تحط لينك تحميل لدكتور حازم شومان
بس متحطش لينك لموقع
وسورى اللينكات دى هتتحذف لانها مخالفه لقوانين المنتدى

ميرسى يا نودى عالتوبيك

وفعلا التوبيك واضح جدا انه هزار مش اكتر من كده
والكل فاهم كده كويس

وشكرا على مرورك

جااااااااااااااااااااااااااااااااااااااامد من اظرف الموضوعات اللى قاتها هو فى حاجات هزار بس برده فى حاجات كتير نستفاد منها.

thank u

nice topic

» أزاى تخلـــــى البنـــــــــــــات تحبــــــك ؟ ::.
» أدخلوا وشوفوا المشرفين أزاى بيراقبونا
» *** ((( من غير ما حد يشتمنى ... نكتة وحدة بس ))) ***
» 2008 ثلاث سنوات فى سنة وحدة
» اقرا هذا الدعاء و لو مرة وحدة في حياتك .........