ايه يابت الدلع ده .. صباحو دلع على أستهبال

بسم الله الرحمن الرحيم
ازيكو يا جماعه يارب تكونو بخير
الاول الموضوع ده انا شوفته ف منتدى تانى بس الفكره من زمان اوى ف دماغى والله
وعلى فكره مش ده الموضوع بالحرف انا ظبطته شويه لانه فعلا محتاج نقاش
الموضوع النهارده لذيذ الى حد ما يعنى
تعالو هتعرفو الموضوع ده من شويه مشاهد كده
بس كل واحد يحافظ على نظره عشان يعرف يرد عليا ف الاخر
المشــــهد الأول
ف الاوضه بتاعه مى
الساعه 1 بالليل
" انا مش بتاعه الكلام ده "
يا مى تليفونك بيرن تعالى ردى الظاهر ده هشام
" مى وهشام زمايل ف الجامعه ناس محترمه اوى اوى "
مى : حاضر يا ماما
مى : الووو هشووووم ازيك
هشام : ميوى ازيك يابت فينك يا مصيبه
مى : ال يعنى انت بتسأل وبتتصل مقطعينها اتصالات ببعض .. ياض دا انت واطى هىهىهىهى
هشام : انا واطى .. مش هكلمك دلوقت المهموز .. فيه خروجه النهارده من اللى بيعجبوكى .. هتبئه جامده كيك .. هتدوسى معانا ؟
مى : من اللى انا بحبهم ؟ وكمان جامده كيك ؟؟ وبتسألنى هدوس ولا لا ؟؟ يا واطى اكيد هدوس مادوسش ليه
مى : بس اوعى ايدك وفرامل اليد .. هىهىهى
هشام : ماشى يخفه يابنت الخفه .. هستناكى انا والواد مدحت بالعربيه على اول الشارع كمان نص ساعه ... مدحت معاه عربيته ماتقلقيش
مى : اشطاط اوى اهو نوفر تمن الميترو الجنيه برضو بيسد وقت زنقه
هشام : يلا بئه وقتك خلص
مى : سلامونى يا باشا
تييييييييييت " الخط قفل خلاص "
***********
المشــــــهد الثانى
ف وقت الظهيره ف الكامحه ف الكافيتريا بتاعه حقوق
سوسو تدخل والشله قاعده بلبس فوق العادى وتقوللك
سوسو : هاى شله .. هاى احلى شباب
هاى منى اموووووووووواه يا حبيبتى .. هاى كوثر اموووووووواه يا نور عينى .. هاى عفاف امووووواه ازيك يا عوعو .. هاى تامر اموووووووواه ازيك يا حبيبى
تعالو نشوف ايه امواه دى
دى حضرتك بوسه حلوه كده وظريفه
كل واحده ف البنات مباشر من البؤ بتاع الحجه سوسو الى خدود كل منهن اما تامر بئه كانت ف الهوا
ماهو مش هتبوسه كده يعنى الاحترام حلو
بس كانت ف الهوا واكيد هتروح فين يعنى مكانها طبعا ماهى الامواه لا تستفنى ولا تستحدث من العدم برضو
مش بقولكو الاحترام حلو
***********
المشـهد الثـــالث
ف الصبح كده الساعه 9 الصبح
ف كليه طب ف سكشن التشريح بعيد عنك
تامر : مى مى تعالى شوفى يا مى عينين الجثه دى بتتحرك بطريقه حلوه اوى
مى : " تيجى جرى بئه ماهو تامر انتيمها راحه تشوف الجثه الغريبه دى " بتقول ايه يا تمتم ؟؟
وهوووووووووب يا معلم ينادى 5 من صحابه الولاد اللى هى مستلطفاهم ومصاحباهم
ويزقو مى على الجثه
الشله : هييييييه لوووول ويسقفو بئه مى وقت الجردل وقع
مى : ماشى ماشى انا هوريكو والله هردهالكم
الشله : عشان تحرمى تعملى مقلب العصير تانى وتكبيه علينا
" يا حلاوه يا ولاد الاحترام حلو اوى اوى حتى ف طب "
*********
عرفتو الموضوع النهارده عن ايه ؟
تعالو اقولكو
فى المشهد الآول
مى : بس اوعى ايدك وفرامل اليد .. هىهىهى ,,,,, ... مدحت معاه عربيته ماتقلقيش
الساعه واحده بالليل واخدين بالكو ؟؟
مع العلم ميوى وهشوم دول مجرد زمله ف جامعه واحده بس لا هما مرتبطين ولا هما مخطوبين ولا حاجه
مجرد صحاب مش اكتر ولا اقل
وهيستاهم مدحت بالعربيه بتاعته
عشان توفر المترو الجنيه ياستى انا هديهولك يا جماعه هى الروشنه والتكبير وصلو لكده ؟؟
ممكن يخلوكى تتصرفى كده وانت تتصرف كده ؟؟؟ تهزرو وتدلعو على بعض بالطريقه دى ؟؟ وتخرجى مع ولاد الساعه 1 بالليل لوحدك مجرد انهم زمايلك بس ؟؟
ال وحطالى اغنيه انا مش بتاعه الكلام ده
حتى بتعمل عكس الاغنيه خالص ينفع كده ؟؟
***
وفى المشهد الثانى
هاى تامر اموووووووواه ازيك يا حبيبى
فيه بئه بئت تعديات واضحه هاى تمتم امواه كمان ؟؟ بسم الله ما شاء الله الله اكبر على الاحترام حلو برضو يا جدعان
***
وفى المشهد الثالث
وصلت لطب الناس اللى المفروض بيطلقو عليهم " دحيحه الجامعه "
طب يعنى " بالطو وكتاب نظاره قعر كبايه الدقن طويله الهدوم مبهدله شويه "
ماهو مش فاضيين حضرتك من السكشن ده للسكشن ده
لا ازاى وصلت للهزار بئو عاتى يا جماعه يعيشو حياتهم برضو
بالتجاوزات يزقو بعض الله هما مش شباب زى اى شباب ولا ايه ؟؟
اهم بئو يهزرو ومقالب وسط السكاشن وضحك ودلع طبعا طبعا
يعنى علاقه الواد والبت بئت ناو بلا حدود
****
انا ماقولتش الكل كده
بس ده دلوقت الاغلب كده ... وتقلك ده انتيمى ويقلك ده انتيمتى يا حج خليك متحضر خليك اسبور
يا عينى ع الصداقه يا جدعات
يا صباح الصداقه المقطعه بعضها والله مش اعرف بجد انا عزراكو بئه صداقه بئه صحوبيه اشمعنى الولاد بيهزرو مع بعض والبنات بتتدلع على بعض عاتى
طبعا مش هنرجع ونقول واحده واحده بئه بعد المقالب والهزار والامواه والدلع والتليفونات اللى 1 بالليل والام عاتى ردى يا مى حاضر يا مااما
تيجى بئه تتكلم مع اللى بتتصرف كده تقوللك ايييييييه .. انا عارفه نفسى انت مالك انت
اوك يا ستى انا مالى وكل حاجه وعارفه نفسك بس واحده واحده خطوه خطوه مش سلطه كده
مش قولت مش تتعرفى على ولاد والولاد عيب .. اوك انا كواحده من الناس بعترف جدا بالصداقه بين الولد والبنت
بس ف حدود البيئه اللى انتى فيها ف حدود الادب .. فى حدود الاحترام الناس تشوفك تحترمك مش تتف عليكى
وعلى فكره بتبئه مفيده جدا
تحكيله على مشاكلك يحكيلك على مشاكله وتحلوها سوى ايه يعنى ... تدو بعض نصايح عاتى ماهى ف حدود الادب بئه
احسن من الأدب مافيش برضو ولا انتى شايفه ايه انت وهو ؟؟
هتقولو البت دى معقده ؟؟؟ اوك معقده معقده بس انا عارفه حدود الادب فين والاحترام فين قادره انى اجبر اى حد يحترمنى مش يتف عليا .. ولا انا غلطانه ؟؟
على فكره انا واحده من الناس ببص للولاد والبنات دول باحتقار وبقرف
بس انا مش هعتب ع الولاد ولما بحتقر وبقرف بقرف منهم اقل من البنت
والله الولد لاقى واحده معليه الدماغ ومكبراها ومدياها طناش وكله ف اللذيذ .. يتبتر على النعمه يعنى ويقول لا ؟؟ " ده حتى البتر ع النعمه كفر يا جدعان ولا ايه يا ولاد ؟؟ "
قوللى بئه بعد الرغى ده كله
ايه رئيك ف الرينج تون بتاعه ميوي ؟؟؟ ال وتقوللك يا واطى ادوس والتانى يقوللك هستناكى بعربيه مدحت
الاهى يارب العربيه تكون ولعت بيكو ونرتاح
قوللى رئيك بصراحه ف الاخر بئه كده
يا ولاد
هل بتحترم الولاد والبنات دول ؟؟ ولا البنات اللى بيتصرفو معاك كده ؟؟ ده ان ماكنتش بتتصرف كده يعنى ولو بتتصرف كده قوللى بتتصرف كده ليه ؟
وانتو يا بنات
هل بتحترمو البنات دى ؟؟ ولا انتى نفسك بتتصرفى كده ؟ ولو بتتصرفى كده ياريت تقوليلى ليه بس بليز مش تقولى انا عارفه نفسى كويس اوك ؟
هستنى ردكو يا جماعه
واسفه على الاطاله
ويارب يكون وضحت الصوره اللى انا عاوزه اتناقش بصراحه وبحريه فيها
وعلى فكره والله الكلام ده كلامى انا جيبت فكره المشاهد دى من اللى
انا بشوفه
احترامى ليكو

ههههههههههههههههههههههههههههههه

معقوله ده بيحصل

ينهار مش فايت بس اعتقد كده زياده قوى

او انا ممكن من العصر الحجرى بقه مشفتش الحاجات دى
اجمد ربنا انها مكنتش على ايامى

بجد حاجه قلت ادب
بس والله الغلط كله على الاهل اللى معرفوش يربو ولادهم
تعالى يا مى ردى
دى لو بنتى كنت قطمت رقبتها
استر علينا يارب

هههههههههههههههه

لا بجد دي حاجه زياده اوي عن حدها جدا
وهو فعلا الرك علي البيت
اللي البنت بتتربي فيه

بجد ربنا يستربقي
لان الله اعلم ايه جاي لينا
وايه هيحصل
بس هما بقي دول من انهوا زمن او انهوا جيل
من جيلنا ده ومن زمنا ده
ربنا يهدينا جميعا
اللهم امين

بس بجد تسلمي ياحنان علي الموضوع الرئع ده

هههههههههههههههههههههههههههههه
مهو الادب حلو بردو
مفيش اى مشاكل بين الصداقه بين الولد والبنت بس فى حدود الاحترام والادب
ومش البنت او الولد هما الى بيحددوها
دى الى بتحددها العادات والتقاليد والبيئه الى هما عايشين فيها

نورتو يا بنات
واه والله ممكن يكون بيحصل
محنا بقينا فى مهزله اخلاقيه

استر يا رب
والله الواحد نش عارف هيحصل ايه تانى
تسلمى يا نودى

هههههههههههههههههه
مااحنا بقينا فى زمن ما يعلم بيه الا ربنا
مفيش حاجه بعد كده غريبه
تسلم ايدك ياقمر

مرسى سندرا مرسى ساسو
نورتو يا احلى بنات

تسلم ايدك يانووووووووودى
بجد توبيك هايل
وفكرة جميلة جدا
شكرا ياقمر

تسلم ايديكى يانوووووووودى

بجد الموضوع اكتر من راااااااااااااائع

فعلا عندك حق والله ده اللى احنا بنشوفه فى الزمن ده

ربنا يستر الله اعلم باللى جاى

» جمعيه الرجال المفترية.............اوعى يابت انت وهي
» حصرى فليم صباحو كدب (dvd) مشمشااااااواى
» حصريا اغنيه الخضار من فيلم صباحو كدب cd 192
» راعي الدلع ترف الصبا
» الدلع اخطر من الضرب