ثقتك في نفْسِك .. من ريحة نفَسِك

أهم حاجة في جمالك إنك تكوني واثقة في نفسك، ويا سلام بقى لو تزودي ثقتك في نفْسِك بأن ريحة نفَسِك تكون عطرة ومنعشة.

ودلوقتي بقى هقول لك على الحاجات اللي بتخلي ريحة النفَس مش لطيفة....

التدخين

ثقتك في نفْسِك .. من ريحة نفَسِك Kamar_013.

التدخين ده أول حاجة بتخلي ريحة النفَس مش حلوة، وكمان بتصفر السنان.

التوابل والبصل والثوم
ثقتك في نفْسِك .. من ريحة نفَسِك Kamar_014.

كمان التوابل الزيادة في الأكل، والبصل والثوم بتخلي ريحة النفَس مش لطيفة، وكمان بتزود البقع في السنان.

القهوة والحلويات
ثقتك في نفْسِك .. من ريحة نفَسِك Kamar_015.

شرب القهوة وتناول الحلويات بكميات كبيرة بيرفع من درجة حموضة الفم والمعدة، وده بيسبب تسوس الأسنان وبيعمل ريحة مش حلوة.

اللسان

ثقتك في نفْسِك .. من ريحة نفَسِك Kamar_016.

لو كنتي بتشمي ريحة مش حلوة من لسانك، وعلشان تتأكدي إن ريحة النفَس الكريهة من اللسان يبقى ممكن تعملي الاختبار ده، وهو إنك تبصي على لسانِك في المرايا ولو لقيتي لسانِك عليه طبقة بيضاء يبقى فيه بكتيريا عليه، أو ممكن يكون فيه مشاكل في المعدة أو التهابات في اللثة ولازم تستشيري دكتور.

جفاف الفم

جفاف الفم وعدم ترطيبه من الحاجات اللي بتسبب الرائحة الكريهة للفم.

تسوس الأسنان

تسوس الأسنان والتهابات اللثة من أكتر الحاجات اللي بتعمل ريحة مش لطيفة للفم.

الأسنان الصناعية

لو كنتي مركبة أسنان صناعية أو تاج أو طربوش لازم تفحصيها عند الدكتورة باستمرار علشان لو مش متثبتة كويس ممكن الأكل يدخل تحتها ويعمل ريحة مش لطيفة.

ودي شوية نصائح علشان تحافظي على رائحة نفَس منعشة...

اغسلي أسنانك
ثقتك في نفْسِك .. من ريحة نفَسِك Kamar_017.

لازم تنظفي أسنانك مرتين في اليوم على الأقل؛ وخاصة قبل النوم، وياريت تستخدمي "غرغرة" أو "غسول الفم" بعد كل وجبة، وخصوصاً اللي فيها سمك أو لبن أو توابل كتيرة.

الخيط الطبي
ثقتك في نفْسِك .. من ريحة نفَسِك Kamar_018