بنات .........الكليه

موضوع جامد جدا نودى تسلم ايدك
بصى من رايى صعب البنت تبات برة بيتها
مش كويس خاصا لما تكبر سواء عند خالتك او خالك ونينتك كده
حتى فى الكليات مش حلو ان البنت تفضل فى بلد لوحدها وتبات لو حدها
بعيد عن اهلها
غير كده فعلا الاهالى مش بيعرفوا ان الكليه والاختلاط فيها اصعب من البيات برة البيت
والبنت لو عايزة تعمل حاجه وحشه مش هيصعب عليها شئ
سواء باتت برة البيت او حتى الصبح وقت خروجها الطبيعى للكليه
بس التربية والقرب من الابناء بيحمى الاولاد من الوقوع فى شئ

السلام عليكم
موضوع جميل يانودى للنقاش
بس انا من راى ان البنت مش تبات بره البيت
لان زى ماحضرتك ذكرتى ان البنت مش هتصمد قدام جميع الشخصيات الى هتقبلها
وده اكبر خطر للبنت
انا عن نفسى من قريه تبع مدينه السنبلاوين والاكادميه بتعتى فى دمياط سكنت 3 شهور هناك وبصراحه مقدرتش استحمل اهل البلد ولا الى قاعدين معايا
سبت الشقه وبسافر كل يوم وعلى ادى الحال من سنه اولى
بس اكيد الى هيسافر الكليه فى القاهره او كده مش هيعرف طبعا يسافر كل يوم
بس انا نصحتى ان هى تحافظ على نفسها وبما يرضى الله تتعامل مع الناس ومش تغضب ربنا
اسف على الاطاله
تحيــــــــــــــــ عاشق النيل ــــــــــــــات

انا بصراحه مش مع او ضد موضوع ان البنت تبات عند
حد من قرايبها بس بشرط انه يكون موثوق فيه
يعنى لو عند جدتك مثلا عادى وده بيتوقف على عقليه
كل عائله وتفكير الاب
والجامعه بيكون فعلا التاثير فيها خطير بس تربيه البنت واخلاقها
هى اللى تقدر توقف ادام التاثير ده
تسلم ايدك ياقمر

السلام عليكم
جوجو والله ماقصد حاجه
بس حصل ليا موقف انا وصحابى هناك خلانى اسيب البلد ومش اسمن فيها
بس بجد جدعان بس عصبيين شويه
انما هما جدعان اوى ومعظم صحابى من هناك
الموقف كنا انا وزميلى مروحين من الاكادميه فواحد زملنا لقى مجموعه شباب فقال لواحد فيهم ازيك ياباشا فلقناه جاى ويتخانق معانا ازاى تقولى ياباشا وانت مالك ومالى ومش تقولى ازيك حاجات غريبه كده
قولتله احنا اسفين ليك وبعد كده عرفنا مقامك وهنقولك بيه
ومشينا فخوفنى من اهل البلد
فانا اسف ياجوجو لو حصل غلط منى
بس والله معظمهم طيبين جدا
وبقدملك اسفى مره تانيه
تحيــــــــــــــــ عاشق النيل ـــــــــــــــات

نايس توبيك اما انا بقا فبابا محرم اننا نتاخر اصلا بره البيت حتى لو فى فرح قريبنا لازم نرجع ومنبتشى بره حتى وماما معانا غير انى جاتلى كليه هندسه القاهره وكنت هموت واروح هناك علشان ادخل القسم اللى عوزاه وهوا رفض تماما واجبرنى احول هندسه الزقازيق خوفا عليه لانى عمرى ما خرجت من بيتنا ومش بعرف اتصرف لوحدى لازم يكون فى حد معايه وللاسف الامر ده صعب جدا المفروض البنت تكون عارفه تروح هنا وهناك ومش متقييده بس فى نفس الوقت تكون قادره تحاظ على نفسها وطبعا التربيه والثقه من الاول اهم حاجه فى كل ده والحمد لله احنا هنا فى البيت بينا ثقه عمياء بس الخوف اننا مش بنعرف نتصرف لوحدينا