| | حكومتشى حبيبتشى ..! |  |
|
|
| كاتب الموضوع | رسالة |
|---|
falcon
الراجل المفتري ومشرف قسم السيمنار والمناقشات الهامه
عدد الرسائل : 3860
تاريخ الميلاد : 08/10/1983
العمر : 41
الحالة : لسة عاقل
نشاط العضو :
تاريخ التسجيل : 21/03/2008
|  موضوع: حكومتشى حبيبتشى ..!  8/8/2009, 16:36 | |
|
نقل الحديقة
الحكومة قررت نقل حديقة حيوان الجيزة إلى مدينة 6 أكتوبر وبيع ارضها للمستثمرين .. الحمد لله ان الزرافة ماتت قبل ماتشوف اليوم ده ..
*******
مسااااء الخيييييير
مساء الخيييييير.. الحكومة استوردت 13 الف طن ذرة فيها بذور حشيش .. ويبقى كدة الحكومة مش حرمانا من حاجة .. بتأكّلنا وتكيّفنا .. ربنا يخليكي لينا يا حكومتنا ياام دماغ عالية يامظبطانا ..
*******
اسكواش في السيدة
الدكتور سرور افتتح ملعب اسكواش في السيدة زينب .. أظن كده هانت ومش فاضل للحكومة غير حاجات بسيطة وتحل مشاكل العشوائيات في القاهرة ، يدوبك صالة بولينج في اسطبل عنتر وملعب جولف 18 حفرة في حكر ابو دومة ..
*******
وزارة الكهربا واللمبات
وزارة الكهرباء تدعو المواطنين لترشيد استهلاك الكهرباء وشراء لمبات موفرة للطاقة .. طيب ما توفروا على المواطن فاتورة النظافة الاول اللي بيدفعها وبرضه بيشيل الزبالة بنفسه .. ولاّ هو الباشا صاحب مصنع اللمبات مش عارف يسوّق انتاجه في مصر ..؟
*******
عادتنا ولاّ هانشتريها
كلاكيت عاشر مرة .. ممكن نوصل كاس العالم لو فازت فلانة على علانة واتعادلت سين مع صاد وفزنا في باقي المباريات بفرق تسع اهداف، بس يا خسارة ده ما بيحصلش وفى الآخر فلانة اوعلانة هما اللى بيوصلوا .. عادتنا ولا هانشتريها .. والى اللقاء في 2014 ..
*******
التغيير الوزاري
يعني يوم ما ربنا يكرمنا بالتغيير الوزاري اللي بقالنا سنين بنطالب بيه، يتشال وزير الري اللي محدش سمعله حس وتتعاد وزارة السكان اللي محدش عارف بتعمل ايه بالظبط، صحيح اللي ليه ضهر مايتشالش في تغيير وزاري محدود .. ويطلع لسانه للشعب المهدود ..
*******
أسئلة بريئة
أسئلة بريئة .. ليه التلوث محاوطنا في كل حتة رغم ان رئيس الحكومة اسمه نظيف، وليه الغم راكبنا رغم ان رئيس مجلس الشعب اسمه سرور؟ ليه التعليم في الجامعات في الأرض رغم ان وزير التعليم العالي اسمه هلال؟ لو عرفت الإجابة اتصل بالحزب الوطني لتفوز بجائزة قيّمة : سيخ ماركة حديد عز ..
*******
المواقع الاباحية
القضاء امر بحجب المواقع الاباحية في مصر، بس يا خوفي الحكومة تفهم الحكم دي بطريقتها وتقفل مواقع المعارضة والبلوجز ، وأي موقع يوجعلها دماغها تقولك قفلناه لأنه اباحي ، انت هاتعرف اكتر من الحكومة ..؟
*******
فول مصر العظيم
الحمد لله على نعمة الفول، ربنا حارسه من الأنفلونزا وأمراض الطيور واللحمة، اللي هي أصلا أكلات موسمية ونسيناها من زمان .. ربنا يحميك يا فول مصر العظيم ..
*******
الحكومة بتحفظ مش بتفهم
اتعودنا كل ما يحصل حريق الحكومة تقول ان السبب ماس كهربائي، وساعة ما العربية انفجرت قدام الكنيسة قالوا برضه ان السبب ماس كهربائي، واضح جدا ان حكومتنا فاهمة مش حافظة ..
*******
تقديم الساعة
المفروض نحتفل كلنا باليوم القومي لتقديم الساعة في التوقيت الصيفي علشان باين كده ان هي دى الحاجة الوحيدة اللي بتتقدم في مصر ..
*******
الشتيمة بتلزق
مصر بتدعو ليبرمان لزيارتها ودعوه رسمية سلمهالوه مدير المخابرات في القدس ، مش ليبرمان ده برضه اللي شتم مصر ؟ ولا احنا بنتعامل مع اسرائيل بمبدأ اللي بيشتم ربنا يسامحه والشتيمة مبتلزقش ..؟
*******
بعد زيارة اوباما
بعد انتهاء زيارة اوباما للقاهرة، الحياة رجعت مرة تانية لطبيعتها، الفوضى رجعت والزحمة رجعت والدوشة رجعت .. والزبالة عادت إلى قواعدها سالمة ..
*******
الحمد لله
أخيرا ضمنت وظيفة في أوروبا بعد 41 سنة من دلوقتي بعد تصريحات الوزيرة أن أوروبا حتحتاج للعمالة العربية سنة 2050.. أهو الواحد يكون لشّه في عز شبابه برضو ويبدأ يكوّن نفشه ويتجوّش وهو عنده شبعين شنة ..
*******
رسالة
الحكومة هاتبعت رسالة على موبايل سائق السيارة بتسجيل مخالفة مرورية له فور ارتكابها ، وطبعا السائق هايمسك الموبايل عشان يشوف الرسالة فيروح واخد مخالفه تانية عشان استخدم الموبايل اثناء القيادة ، ويبعتوله رسالة بيها ، فيمسك الموبايل فياخد مخالفة تالتة .. ويفضل كده لغاية مايروّح بيته بالسلامة ..
*******
| |
|
| | |
انوس
مشرفه قسم الموضه والازياء المصريه والعالميه
عدد الرسائل : 8629
تاريخ الميلاد : 11/07/1985
العمر : 39
نشاط العضو :
تاريخ التسجيل : 30/06/2009
| | موضوع: رد: حكومتشى حبيبتشى ..! 8/8/2009, 18:30 | |
|
حوده حنجيب عيش وحلاوه قريب
| |
|
| | |
جوجو
عضوة في الادارة ومـشـرفه قسم الاحزان وقسم التعارفــــ ,والفائزه فى مسابقه اجمل تصميم فستان خطوبه
عدد الرسائل : 14924
تاريخ الميلاد : 27/01/1990
العمر : 34
الحالة : نحن اليهود لسنا إلا سادة العالم ومفسديه، ومحركي الفتن فيه وجلاديه".
Loisirs : أَحْلاَمُنَا فِي الأٌفُقِ حَائِرَة .. تُفَتِشُ عَنْ مَكَان .. جَثَت السِنِين تَنَامُ بَيْنَ ضُلُوعِنَا ... لِأشُمَّ رَائِحَة شَيء مَاتَ فِي قَلْبِي ... وَ تَسْقُطُ دَمْعَتَان ! فَالعِطْر عُطرك وَ المَكَان هُوَ المَكَان ! لَكِن ! شَيء تَكَسَر بَيْنَنَا ! لاَ أَنْت أَنْت وَلاَ الزَمَان هُوَ الزَمَان ..
نشاط العضو :
تاريخ التسجيل : 10/04/2009
| | موضوع: رد: حكومتشى حبيبتشى ..! 8/8/2009, 18:58 | |
| يالهوى هو الغياب بيعمل كده فى الناس
الحق على الحكومه انها بتستغل كل حاجه
عشان الشعب
ربنا يستر ومتتنقلش مكان تانى او المحله
دى احلى حاجه عملتهامصر على الاقل الواحد مش هيتكلف يشترى
والفلوس اللى بيشترى بيها الحشيش يصرفه على ولاده
وبعدين كده مافيش اب هيشاكل ابنه عشان بيدمن لان كلنا هنكون فى الروقان
مصر دايما بتنشط الرياضه حتى فى الاسطبل
عندك حق بندفعها ونشيلها بردوا
ان شاء الله هنوصله لو مش فى 2014 السنين جايه كتير ويدينا طولت العمر
لامتجيش جنب عمو نظيف مافيش انظف منه
ياريت يحجبوها مش مهم يحجبوا ايه معاها بس هما يعملوها بس
احنا ملناش غير الفول اساسا بس اللى مش بكله يعمل ايه
كويس بعنى هضمنلى وظيفه انا كمان فى عز شبابى يالا الواحد يلحق يهرب على المانيا بقى
يعنى على سواق التاكسى
بس ماشاء الله اللى كسبانه فى الموضوع ده كله
بتاع الحلاوة والعيش
والمحامى
كمل يافالكون متخفش وراك رداله | |
|
| | |
falcon
الراجل المفتري ومشرف قسم السيمنار والمناقشات الهامه
عدد الرسائل : 3860
تاريخ الميلاد : 08/10/1983
العمر : 41
الحالة : لسة عاقل
نشاط العضو :
تاريخ التسجيل : 21/03/2008
| | موضوع: رد: حكومتشى حبيبتشى ..! 9/8/2009, 16:25 | |
| استر يارب ..
هو ليه المنتدى كله عاوز يجيب لى حيش وعلاوة ..
اممم شكلنا رايحين رحله ..
صح صح ..!
عموما نورتى يا بوسى ..
| |
|
| | |
falcon
الراجل المفتري ومشرف قسم السيمنار والمناقشات الهامه
عدد الرسائل : 3860
تاريخ الميلاد : 08/10/1983
العمر : 41
الحالة : لسة عاقل
نشاط العضو :
تاريخ التسجيل : 21/03/2008
| | موضوع: رد: حكومتشى حبيبتشى ..! 9/8/2009, 16:27 | |
| تانى حيش وحلاوة ..!
اها متاكد انا من موضوع ورايا رداله دا ..
استر يارب استر استر ..
نورتى جوجو ..
| |
|
| | |
star
عضو بدا الشغل
عدد الرسائل : 128
تاريخ الميلاد : 01/10/1983
العمر : 41
نشاط العضو :
تاريخ التسجيل : 13/09/2008
| | موضوع: رد: حكومتشى حبيبتشى ..! 13/8/2009, 00:32 | |
| هههههههههههه
شكلى هجيب عيش وحلاوة انا كمان يا حودة
بس تسلم ايدك بجد
| |
|
| | |
falcon
الراجل المفتري ومشرف قسم السيمنار والمناقشات الهامه
عدد الرسائل : 3860
تاريخ الميلاد : 08/10/1983
العمر : 41
الحالة : لسة عاقل
نشاط العضو :
تاريخ التسجيل : 21/03/2008
| | موضوع: رد: حكومتشى حبيبتشى ..! 20/8/2009, 15:53 | |
| اها بالمرة يا ستار ..
ممكن شوف كدا لو ينفع تجيب جبنه او مربى بقى ..
والحق بوسى قبل ما تعمل السندويتشات ..
مش طالع معانا الرحلة انت ..!
نورتنى يا جميل بجد ..
ويسترها الله ..
| |
|
| | |
لولا
سكرتيرة المنتدي ومشرفة قسم المشاكل العاطفية واعرف حقك
عدد الرسائل : 20190
تاريخ الميلاد : 14/02/1988
العمر : 36
الحالة : بتمنى رضا الله
Loisirs : احب الله ورسوله
نشاط العضو :
تاريخ التسجيل : 28/07/2009
| | موضوع: رد: حكومتشى حبيبتشى ..! 20/8/2009, 16:13 | |
| | |
|
| | |
عاشق النيل
عضو لسه تايه
عدد الرسائل : 89
تاريخ الميلاد : 08/08/1988
العمر : 36
نشاط العضو :
تاريخ التسجيل : 18/07/2009
| | موضوع: رد: حكومتشى حبيبتشى ..! 20/8/2009, 17:23 | |
| السلام عليكم
ياجامعه انتم زعلنين ليه الحومه جابت ذره ماليان حشيش وايه ياعنى
هنشوى الذره او نكله مسلوق والحشيش بردق لازم ينول الحيوانات المستورد بردق ولا احنا ناكل المستور ونروح للدكتور وهما يتفرجو لاء قرر مجلس الحيوانات العليا اذا تم استراد اى سلعه خارجه للبشر يتم استراد مقابلها وبنفس الكميه للحيوانات
زعلنين ليه والله الحكومه بتعمل لمصلحتنا
كيلو اللحمه ب 40 و 50 جنيه يعنى بتقولك احنا بنرفعلك السعر خايفين عليك وانت مش مبطل اكل بردق يعنى اللحمه ماليانه امراض انفلوزا وجنون وحاجات تانيه كتير واخرها بقت لحمه خنزير
والله شكلنا كده هنطلع الناس من المستشفيات وندخل الحيوانات فيها لان محدش بيهتم بينا كل الاهتمام للحيوانات والطيور وكل واحد ظهر عنده حاجه يقولك انفلونزا اى حاجه ويطلع اسم جديد وتمشى
اسرائيل واحد قريبى سمع ان فيها انفونزا الكلاب كان مربى كلب حراسه قاله يلى روح لحالك ورماه بعيد عن البيت وقاله وقاله مش تيجى تانى انا الى هطلع الحاجه للحرامى لو ايجى بس انت مش تيجى
والله كتر خيرنا والله ان احنا بنزق فى الدنيا كدا ور بنا يستر معانا
تحيــــــــــــــــ عاشق النيل ــــــــــــــــــات | |
|
| | |
falcon
الراجل المفتري ومشرف قسم السيمنار والمناقشات الهامه
عدد الرسائل : 3860
تاريخ الميلاد : 08/10/1983
العمر : 41
الحالة : لسة عاقل
نشاط العضو :
تاريخ التسجيل : 21/03/2008
| | موضوع: رد: حكومتشى حبيبتشى ..! 21/8/2009, 20:36 | |
| هو انت مش جايه ويانا ولا ايه يا هاله ..!
نورتى يا قمر الموضوع ..
| |
|
| | |
falcon
الراجل المفتري ومشرف قسم السيمنار والمناقشات الهامه
عدد الرسائل : 3860
تاريخ الميلاد : 08/10/1983
العمر : 41
الحالة : لسة عاقل
نشاط العضو :
تاريخ التسجيل : 21/03/2008
| | موضوع: رد: حكومتشى حبيبتشى ..! 21/8/2009, 20:37 | |
| ههههههههههه ..
نورت عاشق النيل ..
| |
|
| | |
| | حكومتشى حبيبتشى ..! | |
|
