قصه سعديه الصعيديه وميدو الاستايل

عدل سابقا من قبل ساسو في 17/8/2009, 23:02 عدل 1 مرات

تذكير بمساهمة فاتح الموضوع :

قصه البت سعديه الصعيديه الى جالها التنسيق فى جامعه القاهره وسافرت عند عمها علشان تدرس
وقابلت بقى ميدو وحصلت اجمل قصه تعالوا نشوف

شخصيات القصه

سعديه وميدو

جنى صديقه ميدو

ندى صديقه سعديه

الحلقه الاولى

جه جواب التنسيق لسعديه وفتحت الجواب لقت جامعة القاهره

سعديه : يا دى اليوم الاسود النهارده يادى النيله

ام سعديه : ايه يابتى مالك

سعديه : الحجى يامه جواب التنسيج جه القاهره

ام سعديه : وماله يابتى عمك هناك روحى عند عمك

سعديه : انا مش بطيج مرته دى الى عامله زى ام اربعه واربعين

ام سعديه :معلش يابتى ايام وجضيها وخلاص

سعديه :امرى لله انا عارفه حظى اسود من يومه

هروح وخلاص

وجه معاد السفر

ركبت سعديه القطر وفى طريقها للقاهره

سعديه : يا سوادى هى السكه مالها طويله جوى ليه كده يا مهون هون علشان انا زهجت ومليت من الجعده دى

وصلت سعديه وراحت عند عمها خبطت على الباب فتحت مرات عمها

سعديه : اهلا يا مرت عمى

مرات عمها : مين سعديه

سعديه : ايوه سعديه امال هيكون عفريتها ولا ايه

مرات عمها : ازيك يا بنتى منوره

عمها يجري على الباب و يقول مين سعدية ازيك يا بتى واللي في البلد عاملين ايه

سعديه : طيب مش تدخلونى وبعدين تسلموا ولا هنجضيها سلامات من على الباب الشنطه خلعت كتفى

عمها : ادخلى يا بتى اهلا وسهلا

ورحبوا بيها وسلمت على عمها واولاده

وتانى يوم كان الدراسه

صحيت بقى سعديه واستعدت وراحت على الجامعه مع عمها لانها متعرفش السكه دى اول مره هتروح فيها

وصلها عمها وشرحلها الطريق

دخلت سعديه الجامعه

لقت بنات بقى وشباب استايل اوى
اول مره تشوف كده

سعديه : وى وى وى وى وى يا بوى

ايه الى البنات عاملينه فى نفسهم ده

المحزج والملزج وايه الالوان الى فى شعرهم دى

استغفر الله العظيم يا ربى

والولاد مالهم كده مطولين شعرهم وموجفينه زى ما يكونوا مكهربين

دول ما يجلوش حاده عن البنات

عشنا وشفنا وانا مالى انا الحج بجى محاضراتى

ودخلت بقى سعديه قاعه المحاضرات
بتدور على مكان تقعد فيه

سعديه : ايوووووووووه يا ولاد ايه الى بيحصل ده

الاولاد جمب البنات كده وملزجين فى بعض
انا هجعد زيهم كده لا والله لا يمكن ابدا

انا هفضل واجفه احسن

دخل الدكتور لقى كل الناس اعده الا هى
بيقلها يا بنتى اعدى

سعديه : اجعد ازاى يا دكتور جمب الولاد كده عادى لا والله ما يحصل ولا يكون

الدكتور:ههههههه اعدى جمب اى بنت

طيب اى حد يا بنات يقعدها جمبه

وحده من البنات قالتلها تعالى هنا جمبى

اعدت سعديه واتعرفت عليها

انتى اسمك ايه

قالتلها اسمى ندى

وانتى قالتلها سعديه

المهم بعد ما خلصت المحاضره اتعرفوا على بعض وبقوا صحاب اوى

وخلص اليوم وخلصت المحاضرات وجه معاد انها تمشى لبيت عمها

خرجت سعديه هى وندى

وبعدين

الحلقه الجايه بقى

الحلقة الرابعة والعشرون

ندى كلمت محمدين فى التليفون يوم الاربع طبعا محمدين قالها ان بكره قرايه فاتحته على بنت عمه سعديه

محمدين: انا بكره هجرى الفاتحه على بنت عمى سعديه

ندى : ازاى يا محمدين انت بتحب مين انا ولا هى

محمدين : لا انا بحبك انتى بس جوليلى اعمل ايه

ندى: بص تروح لعمك كده وبكل شجاعه تقله انا مش عايز اتجوز بنتك انا بحب وحده تانى

محمدين : بس عمى كده هيزعل منى

ندى : لا مش هيزعل منك وحتى لو زعل كم يوم وتصالحه عادى وبعدين سعديه كتير يتقدمولها وتتجوز اهم حاجه احنا مش نضيع من بعض يا حبيبى

محمدين : اه يا بوى جولى حبيبى كده تانى

ندى : حبيبى

محمدين : ده انا ازعل الناس كلاتها علشان الكلمه دى طيب اجفلى دلوجتى وانا هروح اجول لعمى

خرج طبعا محمدين من بيتهم وكله حماس وراح لعمه علشان يصارحه بالمفجأه

محمدين : السلام عليكم ازيك ياعمى

ابو سعديه : اهلا يا محمدين وعليكم السلام يا ولدى منور الدار

محمدين : ربنا يخليك ياعمى

محمدين ساكت شويه ومش عارف يتكلم الى فتح الكلام عمه ابو سعديه

ابو سعديه : هتاجى بكره الساعه كم ان شاء الله علشان نعملوا حسابنا

محمدين : لا احنا مش هناجى بكره ياعمى

ابو سعديه : ليه يا ولدى كفا الله الشر حصل حاجه

محمدين : محصلش حاجه بس ياعمى متزعلش منى سعديه متنفعنيش

ابو سعديه : ايه الى بتجوله ده انت شارب حاجه يا واد ولا ايه

محمدين : ياعمى سعديه كويسه وكل حاجه بس هى مش ليه

ابو سعديه : وعرفت امتى الحديت ده اشمعنى دلوجتى جاى تجوله

محمدين : معلش ياعمى انا بحب وحده تانيه ومجدرش اسيبها يا بوى

ابو سعديه : ايوه كده جول انك شفتلك شوفه تانيه بركه يا جامع والله البت مكانتش موافجه

وانا الى غاصب عليها انت الى زيك ميستاهلش النعمه يلا اخرج بره

وانت لا ابن اخوى ولا اعرفك اخوى مات وخلاص على كده يلا بالسلامه بره

محمدين : انا خارج يا عمى بس مسيرك تعرف ان الى انا عملته ده هو الصح ومش هتزعل منى انا ميرضينيش زعلك

ومشى محمدين لكن كان حاسس بالزنب وابو سعديه زعلان اوى اتكلمت سعديه مع ابوها

سعديه : يابا متزعلش انا مكنتش عايزاه ده مينفعنيش انت الى كان لازم يناسبك واحد متعلم شخصيه كويسه له مركز كبير ومتزعلش منه هو مهما كان ابن اخوك وانا فرحانه بصراحه علشان حصل كده

هدت سعديه ابوها وحاولت تصلح الموقف بينه وبين محمدين لانها هى السبب طبعا

اتصلت سعديه بندى وميدو وقالتلهم على الى حصل وكانوا فرحانين جدا بس سعديه قالت لندى انها تفضل تكلم

محمدين عادى لغايه ابوها ما يوافق على ميدو وتتخطبله وفعلا ندى نفزت الكلام ده

واتفقت سعديه هى وميدو على اليوم الى جاى يخطبها فيه

وقالت ان هى هتفاتح ابوها فى الموضوع وتمهدله شويه

بعد كم يوم اعدت سعديه تتكلم مع ابوها

سعديه : يابا لو جالى عريس من مصر توافج

ابو سعديه : وليه الغربه دى يا بتى

سعديه : غربه ايه يابا ماهو عمى هناك ومصر جريبه مش بعيده جوى يعنى

ابو سعديه : اهم حاجه يكون ابن ناس ومحترم يا بتى

سعديه : انا اجولك يابا فيه واحد زميلى فى الجامعه شافنى واعجب بيا وجالى انه عايز يخطبنى

ابو سعديه : اوعى تكونى مشيت معاه يا سعديه يبجى اخر يوم فى عمرك

سعديه : مشيت ايه يابا ده مكلمنيش انا ده كلم وحده صحبتى انا مكلمتوش خالص

ابو سعديه : اذا كان كده كويس جوى ياجى ونشوف حكايته ايه

وطبعا سعديه منتظره اليوم ده الى هنشوف هيحصل فيه ايه

مش سعدية بس اللي عايزة الرد وانا كمان لو سمحتي يا ساسو

الحلقه الخامسه والعشرون

وجه اليوم المنتظر اليوم الى جاى ميدو يخطب فيه سعديه

دخل ميدو وسلم على ابو سعديه واعد معاه يتكلم

ميدو : ازيك يا عمى اخبارك ايه

ابو سعديه : الحمد لله يا ولدى بخير وانت صحه الوالد عامله ايه

ميدو : الحمد لله تمام

ابو سعديه : امال هو مجاش معاك ليه ينورنا

ميدو : معلش انا قلت اجى انا الاول وبعد كده بابا يجى اما اعرف رايى حضرتك

ابو سعديه : خير يا ولدى ان شاء الله سعديه حكتلى وجالتلى انك انت رايدها وعايز تخطبها

ميدو : ايوه يا عمى وده شىء يشرفنى طبعا انى اطلب منك ايد سعديه

ابو سعديه : ربنا يخليك يا ولدى بس جلى الاول انت بتشتغل ايه

ميدو : ياعمى انا ليه شركه كبيره باسمى بس انا متابعها بس علشان الدراسه

ابو سعديه : يعنى انت لسه طالب

مينفعش يا ولدى وبعدين الشركه دى بتاعت ابوك

ميدو : لا ياعمى الشركه دى بتاعتى انا وباسمى

انا منكرش ان بابا هو الى عملهالى علشان مطلبش منه حاجه

ياعمى انا منكرش انى كنت مستهتر لكن اما عرفت سعديه احترمتها جدا

وحبيت اسبتلها انى حاجه

والحمد لله الدراسه انا ماشى فيها كويس والشركه من دلوقتى همسك الاداره بتاعتها

ولازم اثبت ليكوا كلكوا انى استاهل سعديه

ابو سعديه : كل ده كلا جميل جوى يا ولدى ويطمن بس انا بردو خايف على بتى وخايف تتعب فى يوم من الايام

ميدو : ياعمى انا بحب سعديه وشاريها انا شفت فيها البنت المحترمه الى قادره تحافظ على نفسها حتى لو كانت وسط الف شاب وده الى شجعنى انى اجى واطلب ايدها ويا ريت ياعمى توافق

ابو سعديه : والله يا بنى انا مصدجك بس تعاهدنى جودام ربنا انك انت تحافظ عليها وتصونها ويوم ما تعرف ان العيشه معاها بجت صعبه تسيبها بالمعروف من غير ما تضرها ولا تهينها

ميدو : وانا اعهدك قدام ربنا ان سعديه فى عنيا الاتنين وانى احافظ عليها زى عنيا وعمرى ما هزعلها

ابو سعديه : خلاص على خيره الله يا ولدى

ميدو : نقرى الفاتحه بقى

ابو سعديه : لا يا ولدى الفاتحه دى اجراها مع ابوك انت تروح تجيبه وتاجى نجرى الفاتحه ونتفج على كل حاجه

ميدو : خلاص يا عمى الخميس الجاى ان شاء الله نكون عندك ونقرى الفاتحه استاذنك انا بقى

السلام عليكم

ابو سعديه : لا يا ولدى لازم تاخد واجبك الاول

والله ما تمشى امال فين كرم الضيافه خد واجبك الاول بعدين امشى اتفضل اجعد

اعد ميدو طبعا وهو الفرحه مش سايعاه

وسعديه كمان فرحانه جدا

وخد احلى واجب وبعد كده مشى علشان يقول لباباه علشان يجى يقرى الفاتحه

وصل ميدو بيتهم ومتحمس اوى يفتح الموضوع مع باباه

ميدو : السلام عليكم ماما فين بابا

مامت ميدو : بابا فى المكتب

ميدو : اوكى انا داخله

دخل ميدو لباباه

ميدو : بابا ازيك

ابو ميدو : اهلا يا ميدو تعالى

ميدو : بابا انا عايز افاتحك فى موضوع

ابو ميدو : اتفضل يا بنى انا سامعك

ميدو : انا عايز اخطب يا بابا

ابو ميدو : مين دى يا بنى سعيدة الحظ

ميدو : وحده صحبتى فى الجامعه بس هى مش من هنا يابابا من الصعيد بس بنت محترمه جدا وكويسه اوى

ابو ميدو : ياه من الصعيد وليه كده يا ميدو بنات القاهره كلها مش عاجباك

ميدو : يا بابا دى بنت محترمه جدا بصراحه عمرى ما عرفت زيها

والله انا بحبها عمرى ما تجرأت امسك ايدها من احترامها لنفسها واما تعرفها هتحبها اوى

ابو ميدو : خلاص يابنى واحنا مش عايزين غير كده طيب انت اتكلمت مع اهلها

ميدو : ايوه اتكلمت مع باباها ووافق بس رفض يقرى الفاتحه غير اما انت تحضر وتكون موجود

ابو ميدو : لا واضح ان همه ناس يعرفوا الاصول وناس محترمه فعلا خلاص حدد معاهم معاد ونروح انا وانت

ميدو : خلاص يا بابا يوم الخميس الجاى

ابو ميدو : خلاص على خيرة الله

طبعا ميدو الفرحه مش سايعاه سمعت الكلام مامت ميدو

مامت ميدو : ميدو انت بتقول ايه هتاخد وحده فلاحه انت مجنون

ميدو : ماما دى مش فلاحه دى احسن من اى وحده انا اعرفها ومش هتجوز غيرها وبلاش تقفى فى طريق سعادتى

مامت ميدو : واضح انك اتجننت خلاص

ميدو : يا ماما شوفيها الاول وبعدين قررى

ابو ميدو : دى حياته وهو حر فيها انتى مش هتعيشى معاه انتى تقولى مبروك وخلاص

مامت ميدو : هو حر انا مليش دعوه

ميدو : يا حبيبتى دى من ناس كويسه جدا وعيله كبيره اوى

وهى البنت محترمه جدا واموره اوى هتشوفيها وتحبيها اوى

ابو ميدو : خلاص يا بنى اتصل بالناس وقلهم جايين ان شاء الله يوم الخميس علشان قرايه الفاتحه

ونشوف بقى الحلقه الجايه هيحصل ايه

الى هى الحلقه الاخيره

الحلقه الاخيره

وجه يوم الخميس وسافر ميدو وباباه ومامته

واما وصلوا طبعا الناس رحبوا بيهم اوى

وسعديه اعدت مع مامت ميدو
واعدت تتكلم معاها ومامت ميدو اعجبت بيها اوى وحبتها جدا

واعد ابو سعديه وابو ميدو وميدو واتفقوا على كل حاجه وقروا الفاتحه
واتفقوا على ان الفرح فى اجازه الصيف

وطبعا الزغاريط ملت البيت والفرحه ملت قلب ميدو وسعديه وكانوا فرحانين اوى

بس كان شرط الجواز ان ميدو وسعديه ينجحوا وبتفوق وطبعا سعديه وميدو وعدوهم بكده

وقضوا يوم كان جميل جدا من اجمل ايام حياتهم ومشيوا وطبعا ندى اتصلت بسعديه وعرفت منها الاخبار الجميل دى وفرحت جدا

ندى : خلاص انتى كده اطمنتى يا سعديه مبروك يا حبيبتى

سعديه : الله يبارك فيكى عقبالك

ندى : ميرسى ربنا يخليكى بصى بقى احنا لازم ننهى موضوع محمدين

سعديه : ايوه اتصرفى شوفى هتعملى ايه

ندى : انا هكسر الخط خالص وكمان الصوره اللى بعتهاله دى بتاعت واحده اجنبيه يعنى الشخصيه اللى بيحبها دى من الخيال وخلاص موضوع وانتهى

سعديه : تعرفى على أد منا فرحانه على أد ما انا صعبان عليا جوى

ندى : معلش بقى ربنا يسامحنا على الى عملناه وان شاء الله ربنا يرزقه بوحده كويسه

سعديه : ان شاء الله

وخلصت اجازه سعديه فى بيت اهلها وسافرت عند عمها

وبدات الدراسه وسعديه وميدو كانوا واخدين بالهم اوى من مزاكرتهم وكانوا عايشين ايام جميله اوى مع بعض

وجنى كل اما تشوفهم مع بعض كانت بتموت من الحسره وبتندم الف مره على الى عملته

لكن سعديه راحت لها واعتزرتلها على اللى حصل بينهم زمان

وقالتلها متزعلش منها لان هى بتتعصب بسرعه

ومبتحبش حد ينرفزها وان احنا اخوات ومش ممكن نزعل من بعض ابدا

وجنى تقبلت ده وتقبلت اعتزارها وكمان سعديه عزمتها على الفرح

وجنى وعدتها انها تيجى وبقوا اصحاب اوى

وجات طبعا ايام الامتحانات وامتحنوا وخلصوا

وظهرت النتيجه ونجحوا بتفوق وحددوا معاد الفرح

وبدأت سعديه تجهز لاجمل ليله ليلة العمر

وكمان ميدو جهز اجمل شقه لاجمل سعديه

وندى استازنت من باباها وسافرت مع سعديه تقضى معاها الايام الى قبل الفرح علشان تجهز معاها
وعزموا كل زميلاتهم

وجه اجمل يوم يوم زفاف سعديه وميدو وطبعا كان فرح جميل جدا وليله من اجمل ليالى العمر

والمفاجاه ان جنى راحت الفرح وباركت لهم واعدت معاهم الفرح كله وكان يوم كله سعاده

وفى اخر السهره ميدو خد سعديه وسافروا يقضوا اجمل شهر عسل وطبعا سعديه اختارت شرم الشيخ لان كان فيها زكريات جميله اوى ليهم

وبكده تكون انتهت حكايتنا ويا رب تكون عجبتكوا ومكونش طولت عليكوا
وتعالوا نشوف صوره سعديه وميدو يوم الفرح

دى الصوره

اخيرا هعرف النهاية شكر ليكي يا ساسو

جميلة اوي الحكاية والصورة والصة وانتي اجمل والله يا ساسو

العفو يا قمر
يا رب فعلا تكون عجبتك

يااااااااااااااااااه
خلصت خلاص
كده هتوحشنا اوى وكمان سعديه
بس طلعتى اد كلمتك وخلصتيها قبل رمضان
تسلم ايدك ياقمر

تسلم ايدك يا سوسو الباقى حلو قوى
وشطوره انك خلصتى قبل رمضان

نورتى يا سندرا
طبعا يا بت اد كلمتى حد قالك غير كده ولا ايه؟

ميرسى يا دوللى
نورتى يا قمر

براااااااااااااااااااااااااافو يا ساسو بجد قصه جميله جدا

خلاص معدناش هنشوف سعدية تانى

ميرسى يا بوسى

خلاص يا نهى متعيطيش
بعد رمضان هجيلك وحده جديده

لولولولولولولولوى

الف مبروك ليهم

بس هتوحشنا اوى سعديه

تسلم ايدك ساسو على القصة الحلوة اوى

يالا شوفى سعديه غيرها

بجد تسلم ايدك ياسلوي قصه
بجد تحفه
وكله الا سعديه دي وكلامها
هههههههههههههههههه
بس يلا اديهم اجوزوا في الاخر
مش هنشوفها تاني ولا هي
ولا الدزمه بتاعتها
هههههههههههههههههه

نورتى يا جوجو
هدورلك يا سعديه تانيه
بس بعد رمضان بقى وعليكى

ههههههههههههههههههههههه
عوزالك دزمه زى بتاعت سعديه عارفه انا يا منه
نورتى يا قمر

ههههههههههههههههههههههههههههه
اه بيني بينك
ياريت
اضربك بيها
هههههههههههههههههههههههه

بجد بجد روعه ياساسو تسلم ايك

ياقمر تحفه
بس بطلو تريقه على الصعايده علشان منزعلش سوا
اصلى صعيديه يابوى
هههههههههههههههههه

ههههههههههههههههههههههه
لا يا لوله احنا نقدر
دول الصعايده اجدع ناس
نورتى يا قمر

بجد بجد جميله عاشت ايدك واالى الامام دائما

» احمد وميدو
» شوفوا احمد وميدو فى الامتحان
» شحاتة يفسر أسباب ضم ابوتريكة وميدو رغم الإصابة.. واستبعاد شوقي
» شوقي مرشح فوق العادة لتشكيلة البورو امام السبيرز وميدو يعود
» خاص - مصر تسافر لإنجلترا بقائمة "أنجولا" .. وميدو زكي مدعوان للمشاهدة من المدرجات فقط