حكايات حسام وشيرين

موضوع: حكايات حسام وشيرين 23/9/2009, 09:51

جايبالكم قصة بتدور احداثها بين ولد و بنت و فيها مواقف و مفارقات و احداث جميلة جدا و مشاعر من اورع ما يكون

القصه طبعا منقوله بالكامل
و كاتبه القصه ايمان اسامه
و يا رب الحلقات كلها تعجبكم

الحلقه الاولى :

مامى كلمتنى النهارده و انا فى الكليه و قالتلى ان محمد ابن طنط انعام و انا مشعارفه محمد و لا حتى طنط انعام جاى الليله عشان يشوفنى و يتقدم لى
عشان كده ماما قالتلى ما بهدلش نفسى فى الشمس فى الكليه اوى و ارجع بدرى عشان العريس جاى الساعه سبعه و الحق اجهز
مش عارفه اول مره ييجى بيتنا عريس يتفرج
رغم ان اخواتى البنات متجوزين
يمكن عشان كل واحده فيهم كانت مرتبطه بعريسها قبل الخطوبه و كانت مجية اهله عندنا مجرد شكليات
انما انا طول عمرى رافعه شعار لا للارتباط
قولو على عسكرى بقه اى حاجه
لكن انا كنت شايفه انى لازم انتظر النصيب و ما فيش حد من اللى كانو عايزين يرتبطو بيا شكله نصيب خالص
شكلهم كلهم ناس عايزه تتسلى و انا مش بتاعة تسالى
المهم روحت و لقيت الشغاله قاعده تلمع فى طقم الفضيه الشهير و مامىبنفسهابتطلع طقم الشاى النوريتاكى من البوفيه لحسن البنت تدشه والاستعدادات شغاله على ودنه
مامى : نعم يا حبيبتى
شيرين : مين محمد ابن طنط انعام و عرفنى منين
مامى : ما يعرفكيش يا حبيبتى و لا طنط انعام كمان دى واحده صاحبتى لسه متعرفه عليها النهارده الصبح هاها
شيرين : اي ده يا مامى احنا حانهذر ازاى يعنى النهارده الصبح
الام : و الله كنت عند التزرى باخد التايير بتاعى قابلتها هناك و بعدين واناباخد بنطلونك اللى كان بيضيق سالتنى انت عندك بنات قلت لها اه عندىالدكتوره شيرين فى اعدادى صيدله قالت لى طيب ممكن نتعرف عليكم عشان اناعندى ابنى اصمله عليه مهندس بترول فى السويس و ما بيجيش الا كل اجازه وهوه هنا و عايز يشوف بنتك
شيرين : يعنى من غير اى اساس كده يا مامى دى حتى ما تعرفش احنا مين و لا عيلتنا و لا اى حاجه
الام : لا ماهو واضح ان الترزى كان مضبط معاها المعاد و قايلها علينا ده هوه اللى كلمنى النهادره و اصر انى لازم اروح اخد التايير
شيرين : ماشاءالله ده كمان خاطبه
الام : يعنى اهو وسيله الناس تعرف بيها بعضها و مش حانخسر حاجه
شيرين : خلاص يا مامى انا حاجهز و اجرب الموضوع ده هاها انا حاسه انى داخله انترفيو فى الجامعه ربنا يستر بقه و ما فضحكوش
الام : لا انشاء الله تعدى على خير
و جاء العريس مع امه فى الميعاد تماما
كويس انا احب المواعيد الكويسه
بس كان جايب شكولاته كوفرتينا
انا بقه ما بحبش شكولاته كوفرتينا دى ربنا يستر بقه
و طلعت قعدت مع الناس و حسيت انى داخله على جهاز اشعه مش على انترفيو بس
يعنى طنط انعام قعدت تقيسنى من فوق لتحت بالقلم و المسطره و هى بتبوسنىحضنتنى جامد اوى مش عارفه ايه السبب و كان فاضل بس تطلعلى البندقه اكسرهابسنانى
بصيت للعريس و قعدت استنى تحصل حاجه زى اللى باسمع عنها فى الافلام و القصص
ما حصلش اى حاجه و لا كهربا و لا اى حاجه
بس الظاهر هوه حصل عنده عشان كان مش على بعضه خالص و عرقان ع الاخر
رغم ان الجو كان جميل
حكالى عن ظروفه و انه قاعد فى السويس عشان الشغل و ان مرتبه كويس و انهعايز عروسه تعيش هنا و تستناه لما يرجع من اجازته كل خمستاشر يوم
كل ده و انا عماله افكر
يعنى الواحد بيتولد و يفضل مع اهله من قديم الزمان لكن ينفع يختار اهل كده مايعرفهمش و يعاشرهم لحد اخر الزمان معقول
المهم القعده خلصت انهم اعجبو بى خالص و انه نفسه ييجى تانى بكره لوحده من غير مامته يقعد معايا شويه
ماما وافقت و ودعناهم و نزلو
و بعد ما نزلو مامتى سالتنى ايه رايك
قلت لها يا مامى ده انا باخد وقت اطول من كده عشان اانقى فستان عايزانى انقى عريس كده فى ساعه سيبنى افكر لحد بكره

موضوع: رد: حكايات حسام وشيرين 23/9/2009, 10:44

تسلم ايدك سندرااا

بس مش تتاخر بالحلقات

موضوع: رد: حكايات حسام وشيرين 24/9/2009, 09:02

DOLLY كتب:: تسلم ايدك سندرااا

بس مش تتاخر بالحلقات

ميرسى ليكى ياقمر
وعلى طول اهه

موضوع: رد: حكايات حسام وشيرين 24/9/2009, 09:05

الحلقة الثانية

عدل حسام من رباط عنقه و تاكد من وجود اوراقه فى مكانها بالحقيبه قبل ان يذهب

لتناول الافطار مع والدته

الام : صباح الفل يا حبيبى انت نازل بدرى النهارده

حسام : ايوه يا ماما ادعيلى احسن النهارده اول مره ادخل سكشن و اشرح

الام : داعيالك يا حبيبى و انت قدها و قدود و تاكد ان ربنا مش حايضيع تعبك

يعنى معقوله المذاكره و الاجتهاد ده كله و اول دفعتك خمس سنين و تقلق من شويه

عيال فى اعدادى صيدله لسه جايين من المدارس الثانوى امبارح

حسام : الطلبه بتبقى عندها ميزان حساس بصرف النظر عن سنها بتوزن بيه المدرس

الام : و انت ان شاء الله تكون من الناجحين الموزونين ان شاء الله و اشوفك عريس يا

بنى يا رب

حسام : ماشى يا ماما عايزه حاجه انا نازل

الام : خليك كده كل ما نجيب سيرة الجواز تتهرب

حسام : لسه يا ماما ما لقتش واحده تخطفنى و تخلينى احس انى لازم اقضى عمرى
معاها
الام : يا حبيبى انت حاتتقدم و يحصل تعارف و بعدين ان شاء الله يحصل القبول

حسام : نتفاهم بعد ما ارجع يا حبيبتى عشان انا لازم انزل سلام

و قبل حسام امه و نزل و هو يفكر فى كلامها , هل من الممكن ان يتزوج بهذه الطريقه

ان يختار شريكة عمر وحياه لمجرد ان اهلها ناس طيبين و انها حلوه و ست بيت

بشهاده الشهود
لا احد يعلم ماذا يخبئه النصيب لكنه دائما يستطيع ان يتمنى التوفيق من الله

دخلت شيرين الكليه ساهمه و سالتها منال صديقتها

منال : انتى مش طبيعيه النهارده يا شيرى

شيرين : ايوه انا قلقانه اوى امبارح جالى عريس

منال : مبروك و اللى يجيلها عريس تقلق دى تفرح

شيرين : ما هو انا ما حستش اى احساس بيه و خايفه اظلمه يعنى بس اعمل ايه

منال : يعنى هوه لازم يكون حب من اول نظره

شيرين : ما قصدش حب من اول نظره لكن ع الاقل ارتياح من اول نظره , وهو جاى

النهارده تانى

منال : طيب اديله فرصه يمكن من تانى نظره

شيرين : مش عارفه انا قلقانه و مش مبسوطه و صليت استخاره امبارح و يعنى

حاسه انى مش مرتاحه

دخل الطلاب الى السكشن و كان عددهم قليل بعكس المحاضرات فتوفرت لحسام

الفرصه ان يراقبهم عن قرب

السعاده الممزوجه بالترقب و الطموح فى اعينهم و معها الفخر بالانتساب لكلية

الصيدله
فى جامعة القاهره العريقه لقد كان حسام احدهم يوما .ووفقهالله الى كل ما حلم به

و بدا حسام الكلام مع الطلبه و تعريفهم بمادته و بعد دقائق سمع قرعا على الباب

و ظهرت فتاتان متاخرتان عن الميعاد

و احتار ماذا يفعل هل يؤنبهما ام يتركهما تدخلان ام ماذا يفعل

ياه احداهما فى غاية الرقه و تبدو مثل الاطفال فى وداعتها و الثانيه متنمره و تنظر له

بتحدى
ووجد نفسه يقول : ايه اللى اخركم عن السكشن

شيرين : متاسفين يا دكتور ما كناش لاقيين المكان

منال : معلش توهان اعدادى بقه

حسام : احنا حانهذر يا انسه اتفضلى بره انتى و هى

ايه يا حسام ليييه

لماذا طردتهما ده اول يوم , يعنى كل اللى كنت بتعترض عليه فى حياتك زمان فى

الدكاتره بتعمله انت دلوقت لا حول ولا قوة الا بالله

و زاد احساسه بالذنب احمرار عينى الفتاه الطفله و اوشكت على البكاء

كان يريد ان يتراجع لكن هيهات خلاص دبح القطه و عمل سبع رجاله فى بعض يرجع

ازاى ؟؟؟

خرجت البنتان فى هدوء و خلفتا له شعورا بالذنب لا يوصف

بعد انتهاء السكش بحث عنها بنظره فى كل مكان و لم يجد لها اثرا

كان يريد ان يصالحها لكن هيهات ............

شيرين : انا عمرى ما حد احرجنى كده ايه ده ليه كده هوه الناس دى ربنا لما بيديها

سلطه ليه بس بتتجبر

منال : انا مش عارفه و الله ايه الالاطه بتاعته دى هوه ما فيش حد غيره حلو و شيك

شيرين : حلو و شيك ايه انتى كمان انا مش طايقاه و لا طايقه نفسى

و عادت شيرين الى المنزل منهكه

ووجدت امها تذكرها بمقابلة المساء المرتقبه

يييه ماهى ناقصه اصلها

بصى يا مامى انا مش حاقابل حد اعتذرى له لو سمحت باى حاجه

الام : ازاى يا بنتى احنا حتى ما خدناش نمرته و بعدين الناس تقول علينا ايه

شيرين : انا مش مرتاحه للموضوع ده و لا للشخص نفسه و مش عايزه اعلقه بى

اكتر, يبقى من دلوقت احسن ارجوكى يا مامى ما تغصبيش على

موضوع: رد: حكايات حسام وشيرين 24/9/2009, 09:53

تسلمى يا سكره

عسل والله كملى

موضوع: رد: حكايات حسام وشيرين 24/9/2009, 11:19

نيس

موضوع: رد: حكايات حسام وشيرين 24/9/2009, 17:24

جميل جدا

موضوع: رد: حكايات حسام وشيرين 25/9/2009, 09:29

DOLLY كتب:: تسلمى يا سكره

عسل والله كملى

انتى اللى عسل
ميرسى ليكى هكمل حالا

موضوع: رد: حكايات حسام وشيرين 25/9/2009, 09:31

tears prince كتب:: نيس

ميرسى ليك على المتابعه

موضوع: رد: حكايات حسام وشيرين 25/9/2009, 09:34

mido real love كتب:: جميل جدا

ميرسى ليك على المتابعه

موضوع: رد: حكايات حسام وشيرين 25/9/2009, 09:43

الحلقة الثالثة

طبعا كالعاده انتهى النقاش بينى

وبين مامى النهايه الحتميه الاكيده

طلعت هى اللى صح ...

و كانت وجهة نظرها

انى لازم اديله فرصه و اقابله

تانى و لو مره واحده بس عشان هو ما يتعييبش و دخله ممتاز و وسيم و و و و

ماما مش قادره تفهمنى

الشراره ما انطلقتش بيننا

انا لما اشوف جوزى او اللى حايبقى جوزى حاعرفه

من وسط مليون واحد ان شاء الله حاعرفه

لكن يبقى قاعد على كنبة الصالون و ما اقدرش اتعرف عليه يبقى اكيد مش هوه ده

و جاء محمد فى موعده و معه شنطة هديه كبيره نسبيا و اعطاها لى

يا عم ما تزودش احساسى بالذنب بقه انا عماله احاول مش نافع خااالص

و بعد الشاى و الجاتوه و المقدمات

تكلم معى عن عمل المرأه وانه ممكن ما يوافقش عليه عشان انا حلوه اوى ( على حد قوله ) و حايخاف على حتى انى

اخرج من بيته

بيتك مين يا عم هوه انا اعرفك

و كمان عن الست والدته و فضلها عليه و ان هى اللى قعدت تدور لحد ما لقتنى

و شويه كلام مديح كان بيقطع فى عشان انا كنت حاسه خلاص انى اتخنقت

الرسول عليه الصلاة و السلام قال : انظر اليها عسى ان يؤدم بينكما

و انا مش شايفه انى قادره اتواصل معاه و مخنوقه منه من غير سبب و بعدينانا مصليه استخاره كذا مره من امبارح

يعنى لو كان خير كان زمانى قابلاه

و انتهت المقابله وانا على قرارى لن اراه مره اخرى

حرام اجازته صغيره و انا بذلك اضيع عليه فرص اخرى ممكن ان تفوته

كمان هوه صعبان على لسبب ما انا مش عارفاه

و خايفه يحس انه فيه عيب او حاجه

لكن الحقيقه هوه ما فيهوش عيب

مجرد عدم ارتياح و بس

وبعد مانزل قلت لمامتى و لبابايا

كمان ان خلاص ما فيش امل و انا

مش قادره اتواءم مع فكرة انى

اقضى معاه عمرى كله
و مامى قالت لى خلاص يا بنتى

لما يكلمونا تانى نبلغهم بصنعة

لطافه كده و خلاص

دخلت الاروبه بنت اختى الصالون

و فتحت كيس الهديه و طلعتها

اتفرجى يا مامىىىى

ايه يا بنتى ردت مامى

شفت محمد جايبلى ايه طقم شاور

جل و كريم و صابونــــــــــــــاه

طب ليه كده ده انا حتى لسه

مستحميه النهارده الصبح فكرك

لاحظ اى حاجه يعنى هاهاهاا

و راحت أمى هى الاخرى فى

نوبه من الضحك و هى لاتصدق

هذه الهديه

صحيح انه ماركه معروفه و

ممكن يكون غالى و متهرب كمان

من السويس

بس دى هديه حتى ما يجيبهاش

واحد لمراته اللى بقالها عشرين

سنه على ذمته

و بعدها اتصلت طنط انعام و الده

محمد لتسال عن امكانية حضورها

هى و ووالده و اعمامه و كده

عشان يقرو الفاتحه

و لم تصدق طنط انعام نفسها

عندما علمت برايي و كان ابنها

جوهره و لا يمكن حد يرفضه و

بعد محاولات مستميته للكلام معى

تمكنت امى الحبيبه من اقناعها

بعدم جدوى المحاوله

و عندما تاكدت طانطى انعام .

طلبت من ماما الهدايا

يا نهار ابيض هدايا ؟؟ دى هى

هدية واحده بس . ردت طنط انعام

و ما تنسيش الشكولاته

و لما سمعت كده قلت ده و الله

يستاهل الصابونااااااااه

سبحان المنجى من المهالك انا

كنت حاتجوز واحد عايز علبة

الشوكولاته تانى

و يا ريتها باتشى و لا باشنيل و لا

حتى جواهر

ده كوفرتينا يعنى كان مصيرها ام

سيد الشغاله تاخدها

و قمت من فورى و صليت صلاة

شكر عميق لله

ياه فات اسبوع على طردى من

السكشن و كنت باتحاشى اقابل

اللى اسمه د. حسامده باى طريقه

حتى لما كنت اشوفه فى

الكوريدور كنت باعمل مش واخده

بالى
كرامتى يا ناس اتبعترت

و كان السكشن ده عملى و تشريح

كمان و دخلت السكشن و لقيت

الدكتور حسامباصصلى اوى و

مركز معايا فيه ايه بس يا عم

ابعد عننا بقه ادينى جيت اول

واحده اهه
و ياريتنى ما جيت اول واحده

كان في ضفدعة متشرحة من

السكشن اللي قبلنا وفجاة قامت تنط

وهي بطنها مفتوحة و حاجات

طالعه من بطنها كتير كده

فجاه لقيت الاصوات كلها بتبعد

وصوت وش جامد و الوان داخله

فى بعضها

و قلت لنفسى استنى كده يا بت

جايز ما تقعيش

لكن للاسف تقريبا وقعت

أغمي علي..

و بعد فتره لا يعلمها الا الله لقيت

نفسى فى غرفة المعيدين بعيدا

عن رائحةالفورمالين فى السكشن

و داده من الكليه ماسكالى كباية ميه و بسكر

واغرب منظر ما توقعتش اشوفه ابدا
....................د. حسام واقف

قدامى مذهول و الدموع فى عينيه!!!

موضوع: رد: حكايات حسام وشيرين 25/9/2009, 10:23

جميله جدا
فى اانتظار الباقى

موضوع: رد: حكايات حسام وشيرين 25/9/2009, 17:25

قصه جميله جدا سندرا
على فكره انا ملاحظ ان مواضيعك شيقه خالص
وجميله جدا
وقصص ملتهبه وشيقه
يلى مستنى منك بقيت القصه

موضوع: رد: حكايات حسام وشيرين 25/9/2009, 19:38

قصه جميله اووى ياسندرا تسلم ايدك

جميل اووى

موضوع: رد: حكايات حسام وشيرين 25/9/2009, 22:22

جميله خالص

تسلمى ياقمر

موضوع: رد: حكايات حسام وشيرين 26/9/2009, 09:00

ضى القمر كتب:: جميله جدا
فى اانتظار الباقى

انتى الاجمل
ميرسى ليكى ياقمر

موضوع: رد: حكايات حسام وشيرين 26/9/2009, 09:12

[quote="love"]قصه جميله جدا سندرا
على فكره انا ملاحظ ان مواضيعك شيقه خالص
وجميله جدا
وقصص ملتهبه وشيقه
يلى مستنى منك بقيت القصه[/quote

ايه الكلام الجامد ده
ميرسى ليك على الرد
حاضر هاكملها حالا

موضوع: رد: حكايات حسام وشيرين 26/9/2009, 09:14

nemo_girl كتب:: قصه جميله اووى ياسندرا تسلم ايدك

جميل اووى

ميرسى ليكى على الرد الجميل ياقمر

موضوع: رد: حكايات حسام وشيرين 26/9/2009, 09:16

DOLLY كتب:: جميله خالص

تسلمى ياقمر

انتى الاجمل ياقمر
ميرسى ليكى على المتابعه

موضوع: رد: حكايات حسام وشيرين 26/9/2009, 09:17

الحلقه الرابعه
النهارده رايح السكشن الصبح و

انا بافكر فى طريقه اراضى بيها

البنات اللى طردتهم المره اللى

فاتت

انشاله حتى اعيدلهم الشرح

لوحدهم و فجاه لقيت واحده منهم

قدامى

و فجاه لقيتها ماسكه دماغها و

عماله تترنح و فى ثانيه وقبل ما

تقع ع الارض كنت ساندها

ايه الاحراج ده

الطلبه دخلو على لقونى ماسكها

عشان ما تقعش و عمال انادى

على الداده عشان اخدها بره بعيد

عن الفورمالين

و مر وقت و انا باحاول ارش

علي وشها كولونيا لحد ما بدات

تفوق

سبحان الله ملاك يا ربى

ايه ده يا عم حسام اجمد

يا دى الاحراج فاقت وانا عمال

ابحلق فيها ...

ياخبر

ايه العينين دول ؟

دى عينيها زرقه رغم انها خمريه

و شعرها اسود

ما شاء الله لا قوة الا بالله !!!!!

تقريبا كان شكلى اخر هبل لانها

بمجرد ما شافت وشى قامت

مفزوعه و لمت حاجتها و مشيت

من غير و لا كلمه

طيب بالنسبه للشخص اللى شال

و تعب ده ما فيش اى شكرا .....

لا حول ولا قوة الا بالله !!!!

منال : حمدلله على سلامتك يا شيرى ايه اللى حصل يا بنتى

شيرين : انا اخر حاجه شفتها ضفدعه بتنط و كل حاجه واقعه منها و بعد كده ما درتش ...........
منال : الا و دكتور هيركليز شايلك
شيرين : ياخبر معقول ..... شالنى يا دى الفضايح
منال : مش شالك اوى يعنى هوه سند سعادتك كده و لما دخلو الطلبه كان حيرميكى من كسفته تانى فى الارض لولا انا و البنات سندناكى
شيرين : ده انا قليلة الذوق اوى انا حتى ما شكرتوش
كل اللى عملته لما شفته قدامى انى قمت جريت ...
منال : انت حاتفضلى طول عمرك قفل كده
شيرين : المره الجايه لما اشوفه حاشكره ان شاء الله
و خطت شيرين نحو سيارتها لكن

كانت هناك عينان تتابعها من

فوق

حسام : دى راكبه بى ام . دى
بنت مين فى مصر دى
د.اشرف : دى يا سيدى بنت هشام الحديدى رجل اعمال و صاحب شركات
حسام : و انت عرفت منين يا اشرف
اشرف : مانا اعرف جوز اختها الكبيره معرفه شخصيه هوه كمان والده صاحب شركة ادويه و كنت ناوى اشتغل معاه قبل ما اتعين معيد فى الجامعه بس ايه عيله سقع و ابوها مش مخلى حد من بناته عايز حاجه
و فى طريق عوده حسام فى

المنزل لم يستطع منع نفسه من

التفكير فى شيرين التى كان قد

عرف اسمها اخيرا

يعنى ابوها مليونير و جوز اختها

صاحب شركات و انت تيجى ايه

يا صعلوك عشان تفكر فيها

الله يرحمه ابوك كان موظف على

قده و لولا انه سابلك العربيه دى

اللى جابها بعد معاناه كنت

زمانك راكب الاتوبيس زى

غيرك و ما كانش حيلتك غير

شطارتك و بس

و لولا مامتك و تشجيعها ليك

طول عمرك كان زمانك ولا

حاجه , دى فاكره ان العرايس

حاتتحدف عليك عشان الشهاده و

الشقه الايجار القديم بتاعتك

يعنى معقوله واحده زى شيرين

دى ترضى تقعد مع امى فى

شقتنا ...

ايه الكلام ده يا حسام انت زى ما

يكون اتقدمتلها خلاص و فاضل

موضوع الشقه ؟؟!!! اهدا كده الله

يهديك

و فى اليوم التالى ذهبت شيرين

لمقابله حسام فى مكتبه و هى تقدم

رجلا و تؤخر الاخرى من

الخجل

نظر اليها حين دخلت الغرفه و

رفرف قلبه من السعاده ثم لاول

مره بدا يلاحظ ملابسها و حذاءها

المتناغم مع الحقيبه الجلديه و

عطرها الرائع و النظاره الشمسيه

التى تجمع بها شعرها من الامام

وللعجب تضايق ...

احس انها اقوى بغناها ومركز

والدها ...

شيرين : صباح الخير يا دكتور حسام
حسام : صباح النور اى خدمه
شيرين : بس انا اسفه انا مشيت من غير ما اشكر حضرتك و البنات قالولى .....ا
رد حسام باقتضاب دون ان يرفع عينيه عن اوراقه : العفو ما فيش حاجه
شيرين : انا بس قلت واجب اشكر حضرتك و حامشى مش حاعطلك عن اذنك
وهمت ان تستدير لتمشى فقام من مكتبه قائلا :
انسه شيرين انا برضه عايز اعتذر عن يوم ما طردتك من السكشن و لو عزتى اشرحلك اللى فاتك ممكن
شيرين مبتسمه : يا ريت احسن حقيقى مش فاهمه حاجه فى الاناتومى بسبب السكشن اللى ما حضرتوش ده
حسام : خلاص بكره انا ما عنديش سكاشن ممكن تيجى الساعه اتناشر لو فاضيه اشرحهولك
شيرين : اوكى اتناشر مناسب اوى و لو ممكن منال تيجى معايا
رد عليها من تحت اسنانه : اه طبعا امال ايه تتفضل
و بعد قليل فى الكليه :
شيرين : انا اتفقت مع د. حسام بكره يشرحلنا السكشن اللى فاتنا
منال : ايوه يا عم ماشى يا ستى
شيرين : انتى مش حاتيجى معايا و اللا ايييه
منال : طبعا لاه انا ما حبش اكون عزول ابدا و بعدين خالد بكره حاييجى مخصوص يقابلنى عشان هوه ماعندوش حاجه بكره اكسفه يعنى ؟؟
شيرين : انا مش مرتاحه لخالد ده يا منال نظراته كده مش عاجبانى ابدا
منال : يا بنتى كل الشباب بتبص سيبك انتى ده دمه خفيف اوى
شيرين : ربنا يستر بس احنا جايين نتعلم مش نستخف دمنا و ده عايد السنه انا خايفه ياثر عليكى انت طول عمرك شاطره
منال : و حافضل شاطره برضه ياستى ساعه لقلبك بقه و بعدين مانتى كمان رايحه اهه تقعدى مع الجو
شيرين : من فضلك يا منال انتى صاحبتى بس بلاش الكلام ده احسن و الله ما تكلمش معاك.
منال : بس بس انت اتحمقت و وشك احمر ليه كده خلاص يا ستى انا باهذر معاكى
و فى اليوم التالى وجدت شيرين

نفسها تستهلك وقتا طويلا فى

الوقوف امام المراه اكثر مما

تعودت و تنتقى ملابسها بعنايه

اشد من كل يوم لكنها لم تثقل من

الماكياج اذ لم تكن بحاجه اليه

انها جميله و هى تعلم ذلك لكنها

ابدا لم تكن مغروه بهذا الجمال .

و ذهبت للمكتب قبل ميعادها

بدقائق و انتظرت بالخارج و

اثناء انتظارها لفت انتباهها دخول

فتاه من دفعة السنه النهائيه كانت

راتها سابقا ، دفعها الفضول

لتنظر من الباب

ازيااااك يا حس

فوجئت بها تسلم بحراره على

حسام و هو يبادلها السلام بقلق و

ينظر حوله كانه يخاف ان يراه

احد

موضوع: رد: حكايات حسام وشيرين 26/9/2009, 09:18

الحلقة الخامسة
فى طريق العوده للمنزل لم تستطع شيرين

التوقف عن التفكير فى حسام

هوه انا بحب حسام و اللا ايه ؟؟

ايه اللى ضايقنى اوى لما لقيت واحده بتسلم عليه

و بتدلعه وتقوله يا حس انا مالى اساسا

طب هوه كمان كان مكسوف اوى و متضايق ليه

انى شفتها معاه ؟؟

ايه يا شيرين تكونشى هى دى الكهرباء

انا بس بطنى بتوجعنى كل ما اكون رايحه اشوفه

هوه الحب بييجى فى البطن و اللا ايه ؟

بس بافرح لما باشوفه اوى

والحمد لله ان البنت دى كانت مجرد زميلته فى

الدفعه سنتين قبل ما تخيب و تسقط و شكله مش

طايقها كمان

بس ليه هوه كان

مهتم اوى يقولى انها مجرد زميله

هوه بان على انى انا غيرانه و اللا ايه

بس الحمد لله ما فهمتش اى حاجه فى الاناتومى

برضه

يمكن اضطر بقه اخد درس عنده و خلاص

بس هوه بيشرح حلو حسيت كده يعنى من

اخلاصه بس انا كنت مشغوله بيه هوه

ايديه .......زى الفنان الراجل فعلا بيبان من ايديه

......
.
و عينيه ......................

ليه لما بيبصلى مش بحس انه بيبص على زى كل

الناس

لا بحس انه بيبص جوايا و ما بقاش قادره احول

نظرى عنه و لا حتى قادره ابص له

يمكن هوه ده الحب اللى طول عمرى اسمع عنه

من غير ما اجربه .............ا

مش ممكن الزفته اللى اسمها هند دى ... انا مش

مصدقها حقيقى يعنى

انا مشفتهاش من سنه تيجى كده زى القضا فى

نفس معاد شيرين

هوه انا بحب شيرين و اللا ايه , ليه كنت خايف

اوى تشوف هند عندى ..........

بس هى بتغير و اللا ايه ؟ لا ما عتقدش دى بس

ممكن تضايق عشان اديتها معاد و لقتنى مشغول

انا حاسس انى ما عرفتش اشرح لها و لا كلمه ,

متلخبط و كل ما ابص لعينيها الاقى حاجه

تشدنى و اتلخبط زياده و اتوتر ليه

ممكن يكون ده حب ؟؟

طب وهند كانت ايه ؟ لا يا حسام عمرك ما حبتها .
هى طول عمرها بتفرض نفسها عليك و انت

عمرك ما حسيت بيها ........

دخلت شيرين الى المنزل هائمه و قبلت امها ثم

رن جرس الهاتف

منال : ايه الاخبار يا شيرى
شيرين : كنت فين يا منال طول النهار انت مش قلتى خالد جايلك الكليه النهارده ؟
منال : لا مانا خرجت انا هوه شويه بره الكليه ناكل ايس كريم
شيرين : خرجت معاه ؟ فى عربيته ؟؟
منال : ايوه و فيها ايه مش زميلى
شيرين : بصى يا منال احنا طول عمرنا كنا فى مدراس راهبات و كنا بنات بس
لكن ده مش معناه ان اول مانشوف الولاد نتهبل و ننسى نفسنا افرضى باباكى او حد من اخواتك شافك
منال : هاها من نعم ربنا علينا ان القاهره واسعاااه ما تخافيش انتى بس ده احنا ما قعدناش ساعتين على بعض
شيرين : انا خايفه عليكى يا منال هما الساعتين دول شويه يعنى ربنا يسترها
منال : المهم انتى عملتى ايه النهارده مع حسام شرحلك السكشن ؟
شيرين: ايوه و ما فهمتش حاجه دى ماده صعبه اوى ماتيجى ناخد درس
منال : اه طبعا ماناخدش ليه بكره اروحله المكتب و اطلب منه يدينا درس
شيرين : صحيح يا منال ؟ وناخده عندى فى البيت ايه رايك
منال : طبعا يا ست هانم ما طول عمرنا بناخد عندكم يعنى حناخد فين يعنى ّ!!!
و فى اليوم التالى ذهبت منال لمكتب حسام

منال : صباح الخير يا دكتور
حسام : صباح النور يا انسه
منال : و الله انا كنت بس عايزه اتفق مع حضرتك على درس عشان احنا مستصعبين الماده شويه و طلبات حضرتك اوامر
حسام : انا مش بادى دروس يا انسه شوفى حد تانى فى القسم
منال : لييه بس يا دكتور ده حضرتك اللى بتدرسلنا فى السكشن و احسن ناخد عندك عشان يبقى الكلام واحد و بعدين ده شيرين حاتزعل اوى اوى
حسام و قد لمعت عيناه : شيرين ؟؟
منال : ايوه مانا وهى حاناخد مع بعض عندها فى البيت لو ما عندكش مانع
حسام : وهى ما جتش معاكى ليه
منال : اصلها تعبانه النهارده و ما جتش مامتها قلقت عليها من ساعة ما اغمى عليها و خدتها للدكتور النهارده
حسام : الف سلامه عليها خلاص نبدا الاسبوع الجاى يوم السبت ان شاء الله ممكن العنوان
منال : ثوانى و اكتبه لحضرتك هوه و التليفون عشان لو فيه اى تغيير . و شكرا يا دكتور الف شكر

ثم على الموبايل

منال : تمام يا فندم السبت الجاى ان شاء الله حايكون عندك فى البيت
شيرين : وافق بسهوله كده
منال : لا مش بسهوله وافق لما عرف ان حضرتك حتاخدى معايا مش قلت لك فيه حاجه و النبى يا ريت ده الواد زى القمر يا شيرين طول بعرض و بنات الكليه كلها حاتتجنن عليه و على عنيه الواسعين دول !!!
شيرين : و بعدين بقه يا منال فى الكلام ده باى باى بقه اشوفك بكره

صح هوه زى القمر و طول بعرض و حنين اوى

ده عيط عشانى , لا و صوته , من الاخر انا

باين كده بحبه

عمرى ما حسيت بحد الاحساس ده!!يبقى اكيد ده

هوه الحب

معقول حاشوف شيرين يوم السبت فى بيتها ! و

حاديها درس كل سبت ؟ انا مش عارف البنت

دى عملتلى ايه ؟ ده انا رفضت اى درس جالى

قبل كده اشمعنى ده

عشان شيرين , انا باين

بحب شيرين

لا مش باين انا اكيد بحب شيرين

ممكن اكلمها فى التليفون ...

بس اكلمها اقولها ايه ؟

مش مهم انا حاكلمها و خلاص

حسام : الو انا دكتور حسام بادرس للانسه شيرين فى الجامعه اقدر اكلمها
الشغاله : لحظه يا فندم اندهلها ..... انسه شيرين د. حسام عايز حضرتك
شيرين : بتقولى مين .........................؟

موضوع: رد: حكايات حسام وشيرين 27/9/2009, 01:48

ههههههههههههههههههههههه
خليها ترد عشان اعرف هيحصل ايه
بجد حلوة اوى
انا لسه واخد بالى منها
جامده يا سندرا
كملى بسررررررعه

موضوع: رد: حكايات حسام وشيرين 27/9/2009, 23:03

ساسو كتب:: ههههههههههههههههههههههه
خليها ترد عشان اعرف هيحصل ايه
بجد حلوة اوى
انا لسه واخد بالى منها
جامده يا سندرا
كملى بسررررررعه

ماهى هترد اكيد هتروح من التليفون فين
لا عادى ياقمر
المهم انها عجبتك
حالا هاكمل

موضوع: رد: حكايات حسام وشيرين 27/9/2009, 23:16

الحلقة السادسة
شيرين : الو

حسام : ايوه يا انسه شيرين ازيك

شيرين : الحمد لله ( بصوت مبحوح )

حسام :انا بس كنت عايز ...... عايز اغير الميعاد بتاع الدرس و الانسه منال سابت نمرتك معايا انا اسف لو كان فيه ازعاج

شيرين : لا ازعاج مفيش اصدى مافيش ازعاج و لا حاجه يا دكتور , هوه فيه مشكله فى يوم السبت

حسام : ايوه حاقابل الدكتور المشرف على رسالتى عشان كده يعنى لو نخليها الجمعه يكون احسن

شيرين : مافيش مانع يا دكتور زى ما تحب

حسام : الساعه سته كويس

شيرين : كويس خالص حاستنى حضرتك قصدى حانستنى حضرتك

حسام : طيب انتى صحتك عامله ايه عشان الانسه منال قالت انك كنتى عند الدكتور

شيرين : انا الحمد لله بس مامى هى اللى قلقانه على اوى عشان كده الدكتور طلب تحاليل و اشعات و انا حاعملها ان شاء الله

حسام بحنان بالغ : خللى بالك من نفسك يا شيرين

شيرين : هه ......................................

حسام : قصدى يا دكتوره شيرين قدامك مذاكره و شغل ولازم تخلى بالك من صحتك مع السلامه

شيرين هائمه : مع السلامه يا دكتور حسام

يخربيت كده ................

قاللى يا شيرين و انا تنحت زى

الهبله ليه كده

ماهو كمان برضه صوته و

طريقته و هو بيطلب منى اخلى

بالى من نفسى ...............

ده انا كان حايغمى على تانى .............

لا اكيد ده الحب امال ده ايه يعنى

اشتغاله ؟؟؟

وعلى الجانب الاخر

يعنى اعمل ايه فى نفسى يعنى

............ خليك كده متآمر و

اهبل و مفضوح كمان

زمانها حست

حست بايه ، بص بقه خلاص ما

عادش نافع انا بحب البنت دى

بمجرد ما سمعت صوتها نبضى

زاد و عرقت و بقت حالتى حاله

بس البنت دى بتحبنى برضه

تلاته بالله العظيم بتحبنى , ده

صوتها كان طالع بالعافيه , و

بعدين ايه صوتها ده ؟ هوه فيه

كده

انت وقعت يا حسام و ماحدش

سمى عليك

و قبل الميعاد بساعات كانت

شيرين لاول مره تشرف على

نظافة غرفة المكتب بنفسها و

تنسق الزهور و تسال كل خمس

دقائق (لا بجيت) بعت الجاتوه

طب (ليه دام) بعتو الساليزون

جاءت امها و هى منهمكه و

سالتها : ايه يا شيرين انتى عامله عيد ميلاد و لا درس يا بنتى

شيرين : معلش يا مامى اصل ده استاذ جامعه يعنى مش مدرس ابتدائى برضه لازم نحسسه بوضعه

الام : هوه شكله ايه دكتور حسام ده و عنده كام سنه ؟

شيرين : قمر يامامى ، يعنى طويل و كتافه عريضه كده و عينيه عسلى و واسعه و شيك و .............

تنبهت شيرين الى ان امها تنظر

اليها و تهز راسها و ابتسامتها

اخذه فى الاتساع

الام : طيب خلاص يا ام سيد طلعى طقم الجاتوه من البوفيه

شيرين : مانا طلعته يا مامتى خلاص بعد اذن حضرتك يعنى هى هى

الام : اما نشوف ايه الدرس الفول اوبشن ده ؟ و منال ما جتش ليه لحد دلوقت ؟

شيرين : فكرتينى صحيح حاتصل بيها

و بعد دقائق

منال : انتى بنت حلال لسه كنت حاطلبك

شيرين : ايه يا نونى اتاخرتى اوى

منال : بصى انا مش جايه النهارده معلش اصلى كنت مديه المعاد ده لخالد من قبل ما يغير حسام المعاد و النبى اوعى ماما تتصل و تقولى انى ما جتش الحصه انتى عارفاهم عندنا فى البيت

شيرين :لا يا منال انا تصرفاتك كلها مش عاجبانى لو ما جيتيش دلوقت حالا حاكلم مامتك و اقولها هه

منال : هاها انا عارفه انك جدعه و ما تعمليش كده عشان خاطرى المره دى بس اصلنا رايحين سينما و حجزنا خلاص التذاكر و حياتى يا شيرى و حياتى

شيرين : بصى يا منال انا مش حاكذب لا عشانك و لا عشان اى حد لو مامتك سالت حاقولها منال مش هنا

منال : هى مش حتسال هى فاضيه زمانها بتذاكر لاخواتى و محتاسه فى الطبيخ انت بس ما تتبرعيش و تسالى على و كله حايبقى تمام سلام يا قمر

يا نهار ابيض ده انا مش واخده

بالى من حاجه مهمه اوى

كده حابقى انا و حسام لوحدنا ...........

دخل حسام المنزل و فتحت له

شيرين بنفسها الباب و سلمت

عليه بايماءه من راسها ثم

اصطحبته الى غرفة المكتب

فى اثناء دخوله كان حسام يفكر .............

ايه الذوق العالى ده , البيت رائع

, ما تحسش انه بيت مليونير زى

ما بيقولو قد ما تحس انه بيت

فنان رقيق

كل حاجه فيه رقيقه و بسيطه و

جميله

يا رب يا اشرف تطلع بطيخه و

مش عارف حاجه و تطلع شيرين

بنت تسعه زينا كده

شيرين : منال بتعتذر يا دكتور عشان تعبانه شويه لكن حاتيجى المره الجايه ان شاء الله

حسام : كده طب الحمد ..... اصدى سلامتها

شيرين : تحب تشرب ايه

و قبل ان يكمل حسام دخلت

الشغاله تحمل صينيه عليها

عصير فواكه و شاى و نسكافيه

و كل انواع المشروبات الممكنه

كتوصية شيرين

حسام : حاخد عصير بس شكرا

و دخلت والدة شيرين : اهلا يا دكتور بحضرتك ارجو ان ما نكونشى تاعبينك معانا

هب حسام واقفا : لا يا افندم و لا تعب و لا حاجه

الام : طيب اتفضلو انا حامشى انا بس كنت عايزه اتعرف على حضرتك

حسام : حصلنا الشرف يا فندم

جرى ايه يا واد يا حسام دى

صاحبتها مش هنا و جابت لك

امها ايه ده ايه ده

باين عليه فخ جامد

فخ ايه انت راخر فاكر نفسك لقيه

شايف مامتها عامله ازاى و

لابسه ايه انت تطول

و النبى تتلهى ............

و عبثا حاول حسام الشرح و عبثا

حاولت شيرين تفهم حتى قالت له

انا تعبت يا دكتور انت كنت
بتذاكر الحاجات دى لوحدك ده موضوع صعب اوى

حسام : اصل انا بحب الموضوع و غاوى مذاكره حتى و انا صغير كنت باجب المجلات العلميه و النشرات حتى ما كنتش بافهمها كلها لكن بعد كده عرفت قيمة الاطلاع

حسام : معلش عندى سؤال

شيرين : اتفضل

حسام : ايه اللى دخلك جامعة القاهره رغم انك ما شاء الله يعنى تقدرى تخشى اى جامعه خاصه و يكون العدد اقل و كل حاجه اسهل بالنسبه لك

شيرين : عدة اسباب اولها انى مش عايزه حد يقول انى داخله صيدله بفلوس بابى لأنى فعلا الحمد لله جايبه مجموع عالى و ثانيا عشان اعز اصحابى دخلو صيدلة القاهره و كنت عايزه ابقى معاهم و ثالثا عشان قريبه من البيت و مامى بتخاف على من السواقه فى طرق الجامعات الجديده اللى كلها خارج القاهره ....... و عشان انا لسه مش عندى رخصه اصلا هاها

حسام : امال سايقه ازاى

شيرين : انا حاكمل تمنتاشر سنه بعد ثلاث شهور ساعتها بقه اطلع رخصه و اجيب عربيه انشاء الله لكن دلوقت انا باستعبط و اخد عربية مامى عشان هى نادرا ما بتخرج الصبح

و سرح حسام الحمد لله طلعت

البى ام بتاعة مامتها ان شاء الله

يجيبولها ميه تمانيه و عشرين

زييى يارب

ايه الحقد ده يا حسام ... قاسم

السماوى قاعد ينق ؟؟

و فجاه و انا شيرين بنتكلم

دخل والدها

راجل شكله طيب جدا لكن كان

زعلان

شيرين : اهلا يا بابى

الوالد : اهلا يا شيرين اهلا دكتور حسام نورتنا

حسام : سعيد بمعرفة سعادتك يا فندم

و خرج الوالد فورا و بعدها

بثوانى خرج حسام و نادى الاب

على شيرين .........

الاب : ايه يا شيرين ده ازاى تقعدى انتى و شاب لوحدك فى اوضه كده مقفوله ثلاث ساعات ما قعدتوش فى الريسبشن ليه انت فاكره نفسك لسه فى ابتدائى و دى الميس بتاعتك ..............

موضوع: رد: حكايات حسام وشيرين 27/9/2009, 23:57

جميل جدا يا سندرا
بس انا شايف يصارحوابعض ويستريحوا ويريحونا بقى

حكايات حسام وشيرين 838516625

موضوع: رد: حكايات حسام وشيرين 28/9/2009, 00:15

تسلمى يا سندرا

موضوع: رد: حكايات حسام وشيرين 28/9/2009, 05:34

ههههههههههههههههههههههههههههههههههههه
عسل اوى حسام
دا لخمه اووووووى

موضوع: رد: حكايات حسام وشيرين 29/9/2009, 03:58

mido real love كتب:: جميل جدا يا سندرا
بس انا شايف يصارحوابعض ويستريحوا ويريحونا بقى

هههههههههههههههههههه
ما تقلقش ماهم لازم هيصارحوا بعض
بس لازم يتذلوا شويه عشان يحسوا بحبهم
ميرسى ليك على المتابعه

موضوع: رد: حكايات حسام وشيرين 29/9/2009, 03:59

elassi4ever كتب:: تسلمى يا سندرا

ميرسى ليك على الرد والمتابعه

موضوع: رد: حكايات حسام وشيرين 29/9/2009, 04:01

ساسو كتب:: ههههههههههههههههههههههههههههههههههههه
عسل اوى حسام
دا لخمه اووووووى

هههههههههههههه
حلوه لخمه دى
بس تقولى ايه ماهو الحب الاول بيبقى كده
ميرسى ليكى على المتابعه

موضوع: رد: حكايات حسام وشيرين 29/9/2009, 04:02

الحلقة السابعة

ايه اللى بابى قاله ده ؟

اول مره يكلمنى فى حاجه زى دى ؟؟

هوه انا باين على اوى كده ان بطنى واجعانى ,

اصدى انى بحب حسام ؟؟

و بعدين بابى قال كلمته و مضى ..

حتى ما استناش اقول اى حاجه و لا ادافع عن

نفسى !

ادافع ؟ هوه انا حاسه بالذنب ليه كده ؟ اول مره

بابى يزعقلى على حاجه و ما عيطش

ده لما كان يبص لى بصه كده مش اللى هيه كنت

باعيط علطول

ايوه انا حاسه بالذنب حسام مش استاذ زى اى

استاذ

ده انا حتى مش فاهمه حاجه فى الاناتومى برضه

رغم انى جايبه تسعه و

تسعين فى الميه فى الثانويه العامه

انا الظاهر هاحول تجاره باين ولا ايه ؟

لا لا و حسام اسيبه و امشى ؟؟

و دخلت شيرين غرفتها بين افكارها و فتحت

الراديو لانها من عادتها ان تتخذ فالا من اول ما

تسمعه من الاغانى

فسمعت :

قبلك قلبى كان شجره بلا عصافير

جنه بلا الوان

فراشه ما فيها تطير

غيرت الزمان

بدلت البرد بدفا ........................

قولى يا ست اليسا قولى و سمعينى

وفى ذات الوقت كان حسام فى طريق عودته

للمنزل يفكر كيف يخبر شيرين

بحبه

انه يحبها و يتمنى لو كانت من طبقه اقرب له

حتى يرتبط بها

انه يعلم تفكير غيره من الشباب قد يفضل ان

يتزوج من تعلوه مقاما و مالا لكى

ترفعه للاعلى

لكنه لم يكن يحلم غير بشيرين , و يتمنى ان

يحقق لها هو كل احلامها لا العكس

و قد ضحكت له اليوم مرتين ...........

و فتح حسام الراديو ليتشاغل عن افكاره فسمع :

ضحكت يعنى قلبها مال و خلاص الفرق ما بيننا

اتشال

ياللا يا قلبى روحلها ياللا قولها كل اللى بيتقال

قول يا عم عمرو يا كنج قول كمان .....................

و على جانب اخر تماما كانت منال عائده الى

منزلها متاخره , لم تسالها امها اين

كنت فقد كانت مشغوله بالجرى وراء اخاها

الصغير بطبق الملوخيه و الرز الذى

بدا فيه منذ الظهيره و لم ينهه

كذلك ابوها دفن وجهه فى جريدته مشغولا بحل

السودوكو و رد عليها السلام

ببرود ..

دخلت غرفتها ووجدت اختها الصغيره تحتل

معظم السرير فعدلت وضعها و نامت

بملابسها عليه

و اخذت تفكر فيما دار بينها و بين خالد اليوم ....

لماذا يفترض كل شاب ان من حقه ان يقبل الفتاه

حتى قبل ان يبلغها بحبه , و

لماذا يغضب اذا رفضت ؟

لماذا يعتبر موافقتها على الخروج معه موافقه

على كل ما قد يفعله خلال ذلك

انها لم تجرب الحب من قبل و لم ترتبط و حتى

الان هى غير متاكده انها تحبه

لكنه فرض اسلوبه و شخصيته عليها بطريقه

اخافتها ..

انها لا تريد التفريط فى اى من مبادئها , و لكن

هل شرط الارتباط الان هو ان

تستباح كلها لمن ترتبط به

و لماذا سخر منها عندما قالت انها لن تقبل الا

زوجها حين تتزوج ؟

و لماذا اعادها و تركها غاضبا فى الشارع قرب

منزلها و بدون كلمه واحده

فليذهب للجحيم لن تتنازل عن مبادئها من اجله

لكن ... خالد اول شخص يجعلها تحس انها متفرده

و انها مرغوبه و ان هناك من

يمكن ان يعجب بها و يحبها

هى ليست قبيحه و لكن كذلك ليست فى منتهى

الجمال مثل شيرين مثلا و

ليست

فقيره و لكن ايضا ليست فى منتهى الغنى

انها متوسطه فى كل شىء

الا شىء واحد

ذكاءها كانت طول عمرها من المتفوقات و

اجتهدت حتى دخلت كلية الصيدله

و هى تتمنى ان تتفوق فيها ايضاً

لكن منذ دخل خالد عالمها جعلها تهمل دراستها و

تركز بدلا منها فى ما يحبه هو

و ما يفضله هو

انها حائره حائره

و لا تجد من تكلمه .......

و فى النهايه اتصلت بشيرين

منال بصوت مختنق : ايوه يا شيرين

كادت شيرين ان تعنفها لكن حينما لاحظت اختناق

صوتها عدلت عن ذلك

شيرين : ايوه يا منال مال صوتك ؟ انت روحتى ؟

منال :انا تعبانه اوى يا شيرين و مش لاقيه حد اتكلم معاه غيرك ارجو ما
اكونشى ازعجتك

شيرين : لا طبعا يا حبيبتى خير يا منال انا قلقت ايه اللى حصل حد شافك

منال بمراره : هوه انا لى حد عشان يشوفنى ؟ انا بس متضايقه من نفسى
عشان كذبت على ماما و بابا و خرجت مع خالد

شيرين : الحمد لله . احسن حاجه يا نونى انك حسيتى الاحساس ده , و بعد
كده انا متاكده انك مش حاتعمليها تانى

منال : بس انا باكون سعيده مع خالد اوى يا شيرين لكن مش قادره اجاريه فى كل حاجه

شيرين : يعنى ايه تجاريه ؟ ايه الكلام ده يا منال ؟ بس انتى اصلا لما خرجتى
معاه من ورا اهلك اديتيله فرصه يفكر فيكى انك سهله

منال : بس انتى عارفانى يا شيري

شيرين : بس هوه لا . هوه ما يعرفش غير ان سعادتك بعد اسبوعين من
معرفتكم خرجتى معاه بكل سهولهمنال : طيب اعمل ايه مانا لو ما خرجتش معاه حايقول على معقده و حايقطع
علاقته بى و هى العلاقه بين اتنين ايه غير انهم يتقابلو

شيرين : هى دى العلاقه ؟ و بعدين يعنى ايه علاقه انا مش فاهمه ؟ فيه حاجه
اسمها حب مشاعر دى ممكن نخاف عليها تضيع لكن علاقه ما تضيع فى داهيه

منال : انتى بتكلمينى ليه كده انا مكلماكى عشان تساعدينى و تريحينى تقومى تتعبينى اكتر

شيرين : نناه كانت بتقول يا بخت من بكانى و بكى على و لا ضحكنى و ضحك الناس عليا
فوقى يا منال انتى اتغيرتى من ساعة ما دخلنا الجامعه حتى اسلوبك و طريقتك
و لبسك و كل حاجه اتغيرت , مع ان احلى حاجه فيكى كانت طبيعتك منال على
طبيعتها مش الماكياج التقيل و اللبس الضيق و الحاجات دى ...
منال : عندك حق احسن حاجه اقطع علاقتى معاه خالص , و انا اصلا مش
مرتبطه بيه للدرجه يعنى بس الواحد له كرامته برضه

و مر يومين قبل ان ترى شيرين منال مره اخرى

أو حتى تسمع صوتها فى

التليفون ....

و فى الكليه

ذهلت شيرين من منظر منال و هى تجلس بجوار

خالد على كرسى واحد فى

منظر استوقف معظم الطلبه ............و نظرت

لها نظره قويه و بادلتها منال النظر

و لم يطرف لها جفن

و ذهبت لها و نادتها : منال من فضلك عاوزاكى دلوقت .........

موضوع: رد: حكايات حسام وشيرين 29/9/2009, 20:47

جميلة جدا سندرا
تسلم ايدك
بس ياريت مش تمايلى الكلام عشان بيخبى جزء منه
او خليه موضع الوسط

موضوع: رد: حكايات حسام وشيرين 29/9/2009, 21:24

جميله جدا

تسلم ايدك

تقبلى مرورى

موضوع: رد: حكايات حسام وشيرين 30/9/2009, 03:58

جوجو كتب:: جميلة جدا سندرا
تسلم ايدك
بس ياريت مش تمايلى الكلام عشان بيخبى جزء منه
او خليه موضع الوسط

اوك يا قمر هاظبط الاجزاء اللى بعد كده
ميرسى ليكى ياقمر على المتابعه

موضوع: رد: حكايات حسام وشيرين 30/9/2009, 04:00

تيتـــو كتب:: جميله جدا

تسلم ايدك

تقبلى مرورى

ميرسى ليك على المتابعه
نورتنى

موضوع: رد: حكايات حسام وشيرين 30/9/2009, 04:02

الحلقة الثامنة

نظرت منال لشيرين بدون اهتمام

لكن شيئا ما فى عينى شيرين

جعلها تستجيب و تقوم للرد عليها

و هى تحكم انزال البادى الضيق

على ظهرها الذى ظهر جزء منه

شيرين : دى طريقه تقعدى بيها يا منال انتى و الزفت ده على كرسى واحد ازاى كده ؟ انت تقريبا قاعده على حجره ايه ده اتجننتى انت و اللا ايه ؟؟
منال : ايه يعنى انتى مش شايفه البنات كلها قاعده ازاى ما لقيناش كراسى نعمل ايه يعنى ؟ و بعدين يعنى انتى بوليس الاخلاق و اللا ايه ما تهدى شويه كده وما سمحلكيش تقولى عليه زفت .
شيرين : ايه اللى غيرك كده يا منال ؟ انا مش مصدقه ان خالد ده تاثيره عليكى للدرجه دى ! و بعدين ايه اللبس المنيل ده اللى انتى لابساه ظهرك باين و كل تفاصيل جسمك انت فاكره انك عشان لبستى حاجه على راسك بقيتى محجبه خلاص. الحجاب ده له احترامه و قدسيته ، مش كده منظر و خلاص
منال : شوف مين بينصحك اساسا لما تبقى تلبسى حجاب الاول تبقى تتكلمى
شيرين : ايوه صح انا مش مغطيه شعرى لكن لابسه هدوم بعيده عن جسمى و مش مفصلاه زيك كده و بعدين ده مش موضوعنا دلوقتى موضوعنا انتى يا منال انتى انا خايفه عليكى اوى اوى
منال : شكرا يا شيرين و الله بس انا خلاص مش محتاجه وصايه من حد و بالنسبه لعلاقتنا احنا برضه حانفضل صحاب لكن ارجوكى تحترمى علاقتى بخالد
شيرين : مش لما انت ولا هوه تحترموها الاول ، يعنى هوه قاعد حاطط ايده على كتفك و انتى ماسكه ايده التانيه و الناس كلها شايفاكم
ممكن توصفى العلاقه دى ايه يعنى خطوبه زماله صداقه ايه بالضبط
منال : حب ؟ّ؟
شيرين : انا اسفه جدا الحب ده مش علاقه الحب ده شعور يعنى ممكن يؤدى لعلاقه و العلاقه دى ممكن تكون مشروعه او غير كده ارجوكى يا منال فكرى و راجعى نفسك قبل اى تصرف عشان انا واضح انى ما عادش لي اى خاطر عندك عشان تسمعى كلامى
قالت شيرين كلمتها و انصرفت

حانقه و وجدت قدماها تقودانها

الى الدور الذى يقع فيه مكتب

حسام و باى حجه دخلت اليه و

هى تساله عن تقرير معين

مطلوب منها فى ماده غير مادته

حسام و قد فرح برؤيتها : بصى انا عندى لينك لويب سايت على النت ممكن تلاقى فيه كل حاجه عن الموضوع ده و تنزلى منه اللى انتى عايزاه
شيرين : صحيح يا دكتور طب ممكن تدينى اللينك ده
حسام : هو مش معايا دلوقتى بصراحه اصل هوه فرع من جوه موضو ع كبير عشان كده عايز ابعت لك لينك الصفحه بالضبط لو ما عندكيش مانع ممكن تدينى الايميل بتاعك ابعتهولك عليه لو تحبى يعنى ؟
شيرين : اوكى حاكتب لحضرتك الميل بتاعى
و قامت شيرين بكتابة الايميل

على ورقه صغيره و اعطتها

لحسام الذى قبض عليها و قام

بوضعها فى جيبه على الفور

ثم نظر الى عينيها و سرح كعادته

و حاولت هى الهروب بعينيها

كعادتها و لم تستطع حتى جاء

زميله فى الغرفه د.اشرف و لما

راى شيرين :
اهلااان انسه شيرين ازيك و ازى الدكتور خالد
شيرين : هوه بخير الحمد لله ازى حضرتك يا دكتور اشرف
اشرف : الحمد لله انا بخير بس كنت منتظر يعنى انك لما تعوزى مساعده تجيلى ده انا متوصى عليكى من خالد توصيه جامده
شيرين : متشكره يا دكتور اشرف و الله بس انا كان عندى سؤال و الدكتور حسام جاوبه خلاص شكرا لحضرتك الف شكر
لا تعرف لماذا كانت تستثقل

اشرف هذا ، لقد لمح لها ابيه خالد

زوج اختها قبل ذلك انه يسال

عنها و يبدو كانه يريد خطبتها ،

لكنها ابدت رفضا من البدايه

انها لا ترتاح له على الاطلاق و

تراه نموذجا للانسان الوصولى

ده قعد ورا خالد لحد ما عرفه

على بابى و انا مش عارفه ماله

هوه و مال بابى

و كان عايز قال ايه يجيلنا البيت ؟
بيت ايه ده ان شاء الله ، الحمد لله

ابيه خالد وداه المكتب عند بابى

حتى ابيه خالد كان رايه فيه انه

انسان وصولى

حاول يشتغل فى شركة والد خالد

حتى وصل لما يريد و بعد ذلك

جاءه تعيين الجامعه نتيجه لنقص

المعيدين فتركهم فى لحظه دون

حتى ابداء اعتذار و لا ترك

فرصه لهم ليجدو بديلا له

انها لا تحب هذا النوع من البشر

انهت شيرين اللقاء سريعا و

انصرفت

و فى المساء جلس حسام الى

جهاز الكومبيوتر و اضاف

شيرين الى جهات اتصاله و بعث

لها بميل يحتوى على اللينك

و لا شىء اخر و لا حتى كلمه

واحده توحد ربنا

و فيما هو يفكر فيها قام باضافتها

على المسنجر الخاص به

و قام ليتعشى مع والدته ثم عاد

مره اخرى فوجدها قامت بقبول

دعوته و ردت عليه بميل شاكره

لما ارسله لها

و خطر فى باله ان يقوم بكتابة ما

يحسه ناحيتها فى المسنجر

و لا يقوم بارساله فقط يكتبه و

يمسحه مره اخرى

و قام بالفعل بكتابة الاتى

شيرين
لا اود نداءك باى لقب
فقط شيرين
لانه اصبح يمثل لى لقبا فى حد ذاته
منذ رايت عيناك و انا اسير لهما
اعرف انى لن استطيع البوح فى حضرتهما
لن استطيع التعبير عما بداخلى
لم احس احساسا كهذا من قبل فى عمرى
ان كل النساء و الفتيات و البنات على وجه الارض لهم عنوان واحد هو انت
لهم وجه واحد
وجهك انت
باحبك يا شيرين
قالها بصوت عالى و تحرك لا

اراديا

ثم لمس طرف اصبعه

enter

موضوع: رد: حكايات حسام وشيرين 30/9/2009, 04:06

الحلقه التاسعه

ظل حسام مشدوها امام رد شيرين

لدقائق

لم تكتب و لا كلمه

فقط و ينك ( صوره صغيره )

تمثل شخص احمرت خدوده من

الخجل

بس كده ............

الحمد لله انها ما ادتنيش كلمتين

فى عضمى

يا خبر ابيض .......... دى ما

ادتنيش كلمتين فى عضمى

يبقى بتحبنى ، و الله العظيم هى

كمان بتحبنى

يعنى اللى كنت فاكره غلطه و

كنت عايز اكسر الكومبيوتر

بسببه

طلع احسن حاجه حصلتلك يا واد

يا حسام

ادى الرهبه زالت و انت قلت لها

على اللى فيها

قطعت عرق و سيحت دم

و الله انك ولد

ثم تمتم ضاحكا

( انت نسيت يا حس من دقايق

لما كنت عايز تنزل تقطع كابلات

النت من تحت البحر المتوسط

هاهاها)

و ظل حسام منتظرا امام

الكومبيوتر لساعتين لكنها لم تزد

على هذا الرد

و هو لم يجرؤ على ارسال اى

كلمه اخرى

ده حتى كان عنده بحث عايز

يكتبه خاف ييجى جنب الكى بورد

اما هى ..............

فكانت فى دنيا تانيه ، قعدت تقرا

كلامه و تعيده و تزيده خمسين

الف مره و هى تتخيله و هو

يكتبه و من شده اعجابها به قامت

بحفظ كلام حسام كله على

الجهاز

بس هى خلاص اتاكدت انه

بيحبها و هى كمان بتحبه ايوه

فعلا بتحبه موت

لو اى حد كان كتبلها الكلام ده

كانت ورته شغله و بعتت له

رساله علمته فيها الادب

او على الاقل تجاهلته تماما و لم

ترد عليه

هى فعلا فكرت ما تردش عليه ,

لكن خافت يزعل و يفتكرها

متجاهلاه

و كمان ما كانش فيه كلام ينفع

خالص

و ذهبت لفراشها و هى تردد

مكسوفه مكسوفه منك مش قادره

مش قادره اقولك انى ............ا

و فى اليوم التالى ذهبت الى

الكليه و ركنت السياره كعادتها

ثم فى طريقها الى المبنى كان

حسام يراقبها من مكتبه

اقتربت منها سياره فخمه و ظل

صاحب السياره يشاغلها و

يضرب لها كلاكسات والتفت اليه

بغضب , و بعدين بسرعه جدا

ضحكت بصوت عالى و سلمت

عليه
و......................
ايه ده ايه ده

دى ركبت جنبه

يا حلاوه يا عم حسام على المقلب

اللى خدته

يعنى انتى طاير فى السما من

امبارح و عامل نفسك حبيت

بنت الناس المكسوفه و ادى

اخرتها

طبعا واحد زيها و من طبقتها و

راكب شيروكى و كمان زى

القمر
حاتسيب ده عشان غرام الانترنت

يا خساره يا شيرين

دانت اول بنت حبيتها كان نفسى

تكونى قد الحب ده ................

صحيح لازم تعمل كده

ما هى لوكانت بنت محترمه

صحيح عمرها ما كانت ردت

على امبارح

هى ردت عليك يا جدع انت ؟

ايوه مش بعتت لى وش مكسوف

عامله وش كسوف اوى

و انهار على مكتبه و هو يعانى

اشد حالات الاحباط

ثم دخل عليه اشرف زميله فتمتم

فى سره ( يادى النيله ناقصاك

اصلها

كان كل حديث اشرف يتركز على

انه عايز يتجوز و انه بيدور

على بنت الحلال بس لازم يكون

اهلها جامدين عشان يسندوه و

لازم تكون كمان جميله و

محترمه

فانفعل حسام و رد عليه

طيب و اللى فيها كل المميزات دى حاتاخدك ليه يعنى يا اشرف انت حيلتك ايه

رد اشرف : هى البنات لاقيه اليومين دول ، واحد حايبقى دكتور فى الجامعه و محترم و ملو هدومه و كمان انت عارف ان ابويا عنده ارض فى البلد و ان شاء الله لما اجى اتجوز حايساعدنى انت متنرفز ليه كده يا حسام مالك

حسام : اصلى حاسس ان موضوع البنات مش لاقيه ده خلى كل واحد فى البلد فاكر
نفسه لقطه و ما جابتوش ولاده ، و برضه صحيح البنات كتير ، بس البنت المحترمه دلوقتى عمله نادره حانلاقيها فين دى ، اديك شايف العمايل اللى فى الكليه قدام عينيك ليل نهار ، كل بنت تعرف ولد من اول امبارح بتعامله على انه جوزها و لا هاممها حد يتكلم و لا هاممها سمعتها
يبقى لما نلاقى واحده محترمه فى الزمن ده تضرب لها تعظيم سلام مش كمان عايزها غنيه و اهلها مش عارف ايه و يصرفو علينا بالمره
و بعدين اصلى عندى مبدا فى الموضوع ده انا ارفض ان اهل مراتى يكونو لهم فضل على فى اى حاجه ، بالعكس انا اتمنى انا اللى اقدر احقق لزوجتى احلامها كلها و تشوف معايا اللى ما شافتوش فى بيت اهلها مش استنى انا منهم المعونه و يبقو كاسرين عينى كده مش عارف افتح فيهم و لا فى بنتهم !

اشرف : و ليه الكلام الكبير ده
الحياه كده خد و هات يعنى انت بتديهم اسمك و هما يدوك بنتهم و ما فيش مانع تستفيد من وضعهم يعنى عادى ، مش احسن ما بناتهم يركنو جنبهم و ما يلاقوش اللى يتجوزهم

حسام : الجواز ده نصيب يا اشرف و ما فيش حد بياخد غير نصيبه عن اذنك عشان انا مضطر امشى

و انطلق حسام لا يلوى على

شىء لكنه كان فى داخله حزينا

على انهيار امانيه مره واحده امام

عينيه ، صحيح فين البنت

المحترمه دلوقتى ؟؟

و فى احد الكافيهات المنتشره

بجوار الجامعه جلست منال مع

خالد تجرب لاول مره شرب

الشيشه

منال : لا يا سيدى دى بتخلينى اكح

خالد : طيب حاشد منها الاول شويه عشان تخف بس خلى بالك حاتجرى ورايا
و اخذ يشد انفاس الشيشه و هى منتظره

و بعدها قام بتقبيل المبسم قبل ان يعطيه لها و قال لها
خدى يا ستى مادام مش موافقه انى ابوسك .......

منال : عيب يا خالد بقه احنا مش اتفقنا ان انا مش حاتنازل عن شروطى و منها حكاية البوس دى ؟

خالد : ده كان قبل ما نعرف بعض كويس لكن اظن دلوقتى احنا خدنا على بعض و تقدرى تثقى فى

منال : بص يا خالد انا واحده باصلى من وانا صغيره و عارفه ربنا و عارفه كمان ان الحاجات دى حرام و انها فى الحلال بتكون اجمل بكتير ليه ما نستناش

خالد : نستنى ايه بس ، خمس سنين لحد ما نخلص كليه ده لو ما سقطناش يعنى ولا سنه و بعدين يعنى هى دى بس اللى حرام ، و اللبس المحزق اللى جنابك فاكراه حجاب ده و الشيشه اللى فى ايد سعادتك ديه ؟ ده كله حلال ؟

وبعدين انا سمعت مفتى قال البوس حلال مادام احنا مش متجوزين حد تانى و بنخونه
منال : هاهاهاها يا راجل انت بتهذر اكيد

خالد : لا و الله ده جه فى قناه كده فى التلفزيون و قال كده البوس حلال و ممكن خالد يبوس منال هاهاهاهاهاها

ردت منال : عيب يا خالد بقه اختشى انا مش حابوس الا جوزى عشان يبقى عندك فكره

خالد : طيب ما نا عايز اتجوزك و انا قلت غير كده

منال : بجد يا خالد ؟ انت ممكن تتقدم لبابا دلوقتى و بعدين نستنى لما نتخرج و نت.............

قاطعها خالد : بابا ايه بس انا حاروح اقوله عايز اتجوز بنتك و انا لسه طالب فى اعدادى صيدله قدامى عمر لحد ما اتخرج , انا اقصد نتجوز انا وانتى كده بيننا و بين بعض وبكده كل اللى نعمله مع بعض يكون حلال يعنى حتى مش محتاجين الشيخ اللى قال اوكى قشطه البوس ده

منال و هى تكح من الشيشه : يعنى ايه نتجوز بيننا و بين بعض انا مش فاهمه

خالد : انتى ما شفتيش فيلم عادل امام لما اتجوز سعاد حسنى و كانت العصافير فى السما شاهده عليهم ؟ و بعدين انا مش باقولك يعنى يكون بيننا علاقه زوجيه كامله يعنى ، لا بس عشان نبقى فى السليم لما نخرج حتى مع بعض ، انت عارفه انا بتقطع من الشعور بالذنب لما اخرج معاكى و انت مش مراتى وبعدين احنا مش حانخلى العصافير تشهد علينا عشان انفلونزا الطيور و كده هاها، لا نجيب اتنين صحابنا جدعان يشهدو عشان نبقى فى السليم

منال : انت عاوزنا نتجوز عرفى ايه يا خالد انت اتجننت انا بنت ناس برضه

خالد : طيب ماهو الجواز ده عشان انتى بنت ناس , بالك لو انتى اى واحده بالنسبه لى عمرى ما كنت اعرض عليكى الجواز
مش انتى كمان عندك مشاعر نفسك تعبرى عنها تجاهى ، نفسك يعنى زى كل واحده حبيبك يبوسك و يلمسك من غير خوف ؟ و بعدين لو كنا حتى ايام النبى كان سمحلنا نتجوز عشان الضغوط اللى فى التلفزيون و فى كل حته دى ، يعنى احنا حانكتب ورقه عشان الحلال و الحرام بس

منال : حلال ؟ كل الناس بتقول ان الجواز العرفى ده حرام اصلا

خالد : ليه بقه فهمينى ؟ يعنى كل واحد قاعد يفتى ؟ ده حلال ميه الميه مش الجواز اشهار و احنا حانقول لصحابنا الانتيم

منال : صحابنا يا خبر اسود لو صحباتى عرفو دول يقاطعونى طول العمر

خالد : و مين قال صحباتك يعرفو بس ؟ كفايه يا ستى صحابى انا ، برضه دول رجاله و كلامهم غير كلام الحريم

ثم اضاف خالد و هو يقرا وقع كلامه على فريسته
انا مش باقولك ردى على دلوقتى خدى راحتك
لكن لغاية ما تردى انا مش حاخرج معاكى تانى و لا حتى فى قعده بريئه زى دى
عشان برضه انا عندى اخوات بنات اخاف عليهم

منال : انت ترضى كده لاخواتك البنات

خالد : شوف و النبى ده جواز مش حاجه حرام
فكرى يا منال و ياللا اوصلك بقه لاخر مره و ربنا يسامحنى ........
لم ترد منال باى كلام بل اخذت

تفكر فى خالد و منطقه , ماهو

صحيح يعنى احنا الشباب نعمل

ايه ، المجتمع كله ضاغط علينا

من كل ناحيه ، و انا لو ضيعت

خالد ده من ايدى اعرف منين

انى الاقى حد تانى لما اخلص

كليه و اشتغل و الهم ده

ما البنات كلها قاعده اهيه .......

انا ممكن اتجوزه دلوقتى عرفى و

بعدين لما نخلص كليه يتقدم لى

و يطلب ايدى عادى و نحول

الجواز لجواز رسمى , وهو مش

حايطلب منى حاجه زى ما قال

مجرد اننا نكون على راحتنا و

نرضى ربنا و ما نعملش حاجه حرام ...............

و بعد يومين جاء ميعاد درس

الاناتومى فى منزل شيرين ، و

كانت لم تر حسام خلال اليومين

و لا حتى حاولت ان تفتح

الكومبيوتر خشية ان يتهور مره

تانيه ، و قررت انها يجب ان

تدرس الموقف

صح هى بتحبه لكن هى اللى

اخترعت عبارة الحب شعور مش

علاقه ، لكن لازم يعرف انه

عشان يكون فى علاقه لازم يكون

لها اطار رسمى محترم

و رغم ان حسام غالب نفسه اكثر

من مره حتى لا يذهب للدرس

الا انه فى النهايه ذهب فى ميعاده

، ولكن كان متجهما على عكس

ما تخيلت شيرين تماما

و جلس معها فى الريسبشن هذه

المره حيث ان منال لم تات لان

علاقتها بشيرين توترت تماما بعد

اخر حوار لهما فى الجامعه

قابلته شيرين مبتسمه لكن شيئا ما

فى عينيه جعلها تبتلع ابتسامتها و

تتساءل فيم اخطات حتى يعاقبها

هذا العقاب

انه يتحاشى النظر اليها و ينظر

فقط فى الاوراق و يشرح لها

كانه مستر حسين بتاع سنه تانيه

اعدادى

هل اخطات حينما ردت عليه بهذا

الوجه الخجول على النت

هل كان من الواجب ان ترد عليه

بعنف و تقول له انها مش بتاعة

الكلام ده عشان يحترمها و يزيد

حبه لها

هى ما بتحبش التمثيل و ما

بتحبش تكون غير نفسها ، دى

مسكت نفسها بالعافيه عشان ما

تقولوش انها كمان بتحبه

ايه اللى غيره كده ؟؟

و فى وسط تساؤلاتها رن جرس

الباب و التفتت هى و حسام

بحركه غريزيه الى الداخل من

الباب حيث كانت الشغاله قد

فتحته .......

و تمتم حسام فى سره : الله الله كمان جايلك لحد هنا ....... دى زاطت و الله

موضوع: رد: حكايات حسام وشيرين 30/9/2009, 04:12

جميل جدا
تسلم ايدك يا سندرا

موضوع: رد: حكايات حسام وشيرين 30/9/2009, 05:16

تسلمى يا سندرا جميل جدا

موضوع: رد: حكايات حسام وشيرين 1/10/2009, 07:13

mido real love كتب:: جميل جدا
تسلم ايدك يا سندرا

الاجمل ردك ومتابعتك
ميرسى ليك

موضوع: رد: حكايات حسام وشيرين 1/10/2009, 07:21

تسلم ايدك يا جميل
حلوه قوى الغيره دى

كملى بسرعه

موضوع: رد: حكايات حسام وشيرين 1/10/2009, 07:30

hala كتب:: تسلمى يا سندرا جميل جدا

انتى الاجمل
ميرسى ليكى ياقمر

موضوع: رد: حكايات حسام وشيرين 1/10/2009, 07:44

DOLLY كتب:: تسلم ايدك يا جميل
حلوه قوى الغيره دى

كملى بسرعه

انتى الاجمل
ماهو لازم شويه غيره عشان تتاكد
ويعرفوا بعض بجد
ميرسى ليكى ياقمر
هاكمل حالا

موضوع: رد: حكايات حسام وشيرين 1/10/2009, 07:56

الحلقة العاشرة
دخل شريف المنزل و القى السلام
فردت شيرين : اهلا شريف
تمتم حسام فى نفسه و كمان بتقولى شريف و لا هامك

شيرين : اعرفكم ببعض د. حسام
استاذى فى الكليه يا شريف ،شريف اخويا سادسه طب
تقدم شريف و سلم على حسام مبتسما : تشرفنا يا دكتورحسامارجو تكون شيرين بتذاكر و مش تاعباك

حسام متهللا و ضاحكا : انا اللى تشرفت بمعرفة حضرتك ما تتصورش انا سعيد اد ايه انى قابلتك و الله

ثم انسحب شريف للداخل وهو يقول للشغاله: مفاتيحى مع الحارس تحت بيركن العربيه خديها منه لما يجيبها

لاحظت شيرين تبدل احوال حسام

تماما بعد ان قابل شريف ، و

تهلل وجهه و عاد ينظر الى

عينيها تلك النظرات الهائمه ،

لكن شيرين كانت اذكى من ان

تفرح بهذا التغيير

حسام : ما قولتليش يعنى يا دكتوره ان عندك اخ كبير فى طب

شيرين : على فكره انا ما قلتش لحضرتك حاجه خالص اساسا

فهم حسام التلميح و ابتلعه

لاحساسه بالذنب اذ كانت تقصد

انه مدلوق و انه هو الذى قال كل

شىء ماشى يا شيرين ماشى

و اردفت شيرين : انا على فكره عندى كمان اختين اكبر منى شاهيناز فى امريكا و شهيره ساكنه معانا هنا فى العماره

حسام : ربنا يخليهم كلهم و انا اسف يعنى اذا كنت بسال على حاجات يعنى ماليش فيها

شيرين : مين قال كده يعنى دى معلومات عاديه و كل الناس ممكن تعرفها

ابتلعها حسام للمره الثانيه و كانت

شيرين قد بدات تفهم لماذا تغير

حسام لقد فهمت انها راها اليوم

عندما ركبت السياره مع شريف

فى الجامعه

لقد مر عليها لاصطحابها لمقابله

احدى زميلاته ، انه يحب زميلته

تللك و كان يريد خطبتها ، و قد

اصطحب اخته لياخذ رايها فى

فتاته
و رغم ان شيرين عذرته فمن

يحب بشده يغار بشده لكنها

قررت الا تدع هذا الموقف يمر

شيرين : حضرتك شفت شريف قبل كده ؟

حسام متلعثما : لا ..ايوه ... لا اول مره اكلمه دلوقتى

شيرين : اصل و حضرتك بتسلم عليه افتكرتك عارفه يعنى عشان هوه تقريبا دفعة حضرتك بس طب يعنى بيطولو شويه
حسام : ايوه عندك حق

و فكر حسام بس يا خفيف هى

عرفت انك شفتها النهارده من

لخبطتك ، ايوه بس يعنى انا كنت

اعرف منين انه اخوها ، برضه

يا اخى ما تشكش فى البنت كده

يعنى هى واضح جدا انهما

محترمه

و هنا انهى حسام الشرح و

استاذن فى الانصراف و شيرين

تنظر اليه نظرات ذات مغزى

و بدون كلام فقط بالعينين اتفقا

على ان يتقابلا على الشات ،

الاشاره وصلت فى لحظه واحده

الى عقل كل منهما ، انهما يجب

ان يتكلما الليله

دخلت شيرين غرفة المعيشه و

كانت هناك اختها الكبيره شهيره

و والدتها و شريف و ندى ابنة

شهيره ، قفزت ندى على ساقى

شيرين و صاحت:
أنتى شيرين حضرتك خلصتى الدرس ؟

ردت شيرين : ايوه يا حبيبة أنتى انا مبسوطه منك عشان ما طلعتيش بره و ما عملتيش شقاوه

ندى : بس حضرتك وشك سخن ليه يا أنتى ؟ هوه حضرتك عيانه ؟

ردت شيرين و قد زاد وجهها احمرارا :
لا لا انا الحمد لله كويسه

شهيره : صحيح يا شيرين وشك احمر اوى تعالى ندخل اوضتك اقيس لك الحراره هاهاها

و قامت الاختان و دخلا غرفة شيرين

شهيره : اعترفى دلوقتى حالا احسن لك

شيرين : يييه هوه انا مفضوحه اوى كده حتى ندى خدت بالها هاهاها
شهيره : لا لا لا ، معقوله العسكرى بتاعنا وشه يحمر كده ، احكى من الاول احسن لك

شيرين : ابدا يا شهيره و الله بس يعنى كل ما اشوف حسام ده قصدى دكتور حسام يحصلى حاجات و بطنى توجعنى و خسيت اتنين كيلو و ......

قاطعتها شهيره و قد تقمصت دور الخبيره :
بطنك توجعك و لا تحسى انك كده راكبه طياره و روحك بتتسحب ؟

شيرين : ايوااه عليكى نور فعلا كده يعنى بحس الحجاب الحاجز كده مش فى مكانه
شهيره : طيب يا بتاعة علمى علوم هاهاها التشخيص بتاع الحاله دى ان تقريبا جنابك بتحبيه و كمان سخونيه وشك دى و احمراره اكبر دليل على كده

شيرين : بس انا خايفه اوى يا شهيره انتى عارفه انى ماليش خبره فى الحاجات دى خالص و عمرى فى حياتى ما كلمت ولد غير قرايبنا و المدرسه بتاعتى كان كلها بنات و الرجاله الوحيدين اللى باكلمهم ابيه شوكت و ابيه طارق جوز شاهنده و شريف و بس ......

شهيره : يا حبيبتى الحب مش عيب ، دى اسمى عاطفه فى الوجود ،المهم الحب ده يكون بناء ما يهدمش ، يعنى يخليكى احسن و يخليه هوه كمان احسن ، و ما تنسيش انى برضه ليه تجربه فى المواضيع دى انا طول عمرى بحب شوكت من و انا فى اولى ثانوى ، بس الحمد لله عمرى ما غلطت و كنت عارفه من اول يوم انه طالما انا مراعيه ضميرى و مراعيه ربنا ، اكيد حاييجى يوم و نتخطب و نتجوز ده انا باسمع عجب عن البنات اليومين دول و مع ذلك انا واثقه فيكى جدا

شيرين : جواز ؟ مش عارفه يا شهيره انا لسه ما فكرتش فى كده ،
ثم تراجعت شيرين عن كلامها : بصى يا شهيره انا باكذب عليكى انا من ساعة ما شفته و انا شايفه نفسى جنبه فى الكوشه بقه من الاخر

شهيره : و مكسوفه ليه ، هما بنات الناس المتربيين كده ، ما فيش حاجه اسمها الحب للحب و الوهم للوهم دى ، النتيجه الطبيعيه للحب هى الجواز ، يا اما يكون حب من طرف واحد او من غير امل ، لكن لو الاتنين بيحبو بعض لازم يفكرو كده من اول يوم ، بس انا عايزاكى تتقلى يا شيرين ، انا عارفه ان اول حب ده بيبقى بهدله مش شايفه شريف اخوكى و اللى بيحصله

شيرين : اسكتى انا قابلت البنت اللى بيحبها النهارده دى ، ما ارتحتش خالص

شهيره : ماهو انا ما رضتش اقابلها الا لما انتى تشوفيها عشان انتى يعنى كنت فى الجامعه صدفه لكن انا عشان اقابلها يبقى ده زى وعد بالجواز و حرام نعشم بنات الناس

شيرين : تصورى انا واقفه فى الكافيتريا معاها هى و شريف راحت ماسكه ايده حطت راسها على كتفه و لا كان اخته الصغيره واقفه

شهيره : ما هو شريف صيده يا بنتى ، غنى و ابن ناس و قمر اربعتاشر ر بنا يسترها بقه

هنا دخل شريف عليهما

شريف : شيلى ايدك انتى و هى حرام عليكو ، دى شكلها فروتى دى اللى ماسكينها و مقطعينها حتت

هنا غرقت الاختان فى الضحك و اردفت شهيره :
و دمه خفيف كمان ايه رايك
اقعد يا شريف دى شرين كانت بتكلمنى على لبنى زميلتك

شريف : ايه رايك فيها يا شيرين انا ما شفتكيش من الصبح عشان اكلمك
شيرين : بص يا شريف هى كويسه بس مش تيب بتاعك ، يعنى انت متحفظ و هى يعنى عامله فى نفسها البدع

شريف : دى محجبه

شيرين : و النبى ارحمونى من الكلمه دى ، بص شهيره اختى محجبه يعنى تلبس بنطلون عليه جاكت طويل ، تغطى رقبتها ، تلبس ما لا يصف و لا يشف
انما اللى ظهرهم باين و بطنهم كمان و البادى مفصل كل حاجه فيهم دول ما لهمش فيه .

شريف : هاها بكره تكبر و تحتشم بس انا اسف على انها يعنى مسكت ايدى و كده قدامك اصلها بتحبنى اوى و ما رضتش اكسفها

شهيره : هى باباها بيشتغل ايه و ساكنه فين يا شريف

شريف : دى ساكنه فى المهندسين قريب مننا هنا و باباها بيشتغل بره مصر ومامتها عندها مركز تجميل هنا فى المهندسين

شهيره : تعرفه فين بالضبط المركز ده

شريف : اه كولومبو بدا تحرياته ربنا يستر ، لا ماعرفوش بس ممكن اسالها على عنوانه و اقولها يعنى اخواتى عايزين يتجملو هاهاها مع انكم اجمل بنات فى العالم
شيرين : ربنا يخليك لينا يا شريف يعنى انت بتحب البنت دى

شريف : بصراحه انا مش عارف بس هى اصلها بتحبنى اوى اوى ، و بعدين اصلها حلوه اوى

شيرين : صحيح هى من جهة حلوه هى زى القمر ، بس الجمال يعنى ......

شريف مقاطعا : مش كل حاجه عارف يا ستى عارف ، حتى الرسول عليه الصلاة و السلام قال عن مواصفات الزوجه(اذا نظر اليها سرته) ا
يعنى مش ضرورى تكون ميس يونيفرس عشان تسره ، بس انا شاب يعنى و لى مشاعيرى هاهاها

شهيره : اوكى ياشريف روح نام بقه هاهاها عشان احنا سهرنا شيرين قوى يا للا انا طالعه فوق عشان شوكت قرب ييجى

لم يتوقف حسام لحظه عن التفكير

طوال طريق عودته ، اختها

ساكنه فوقيهم و الحارس بيركن

العربيه ، و اضح ان العماره ام

هيرتليون جنيه دى بتاعتهم ،

يادى الوقعه ، ايه يا حسام انت

بتخاف تفرح يا بنى ، انت لما

صدقت ارتحت من ناحية اخوها

تطلع بمشكله جديده انت ايه ؟

نكدى ؟

و اسرع بالسياره لانه كان اتفق

معها بغير كلام على المقابله على

الانترنت

و جلس فى انتظار ان تفتح لمدة

نصف ساعه ، لقد نصحتها

شهيره ان تتقل ماشى حاتتقل اهه

بس مش اوى و فتحت المسنجر

حسام :
اهلا دكتوره

شيرين :
اهلا دكتور حسام

حسام :
بصى يا شيرين انا عندى كلام كتير اوى عايز اقوله بس ما قدرش استغل اننا فى بيتكم و اتكلم فى حاجه عشان كده انا مبسوط اوى انك دخلتى
ردت شيرين و قد احست ان الطياره خلاص حاتلمس الارض و الحجاب الحاجز سيقتلع من مكانه تماما
شيرين :
خير يا دكتور

حسام :
اظن رسالتى اخر مره وصلتك

شيرين :
It was a little early
ترجمه ( كانت سابقه لاوانها قليلا )

حسام : My love for you doesn’t recognize time ,nor limits I loved you since the very first time I laid an eye on you

ترجمه ( حبى لك لا يعترف بالوقت ولا الحدود لقد احببتك منذ وقعت عليك عيناى )
ومر وقت وشيرين لا ترد

حسام :
ارجوكى ردى يا شيرين انا يمكن احسن اكتب بالانجليزى لانى حاسس انه برضه حبى ليكى خارج حدود اللغات انا حاسس انى ممكن اكتبلك بالالمانى و الروسى كمان لو حبيت رغم انى ما عرفش ولا حرف فى اللغات دى
عارفه انا عمرى ما قلت لواحده انا بحبك حتى بالعربى و لا توقعت اقولها لكن حبى ليكى غير حاجات كتير اوى اوى فى

شيرين :
بس انا زعلانه منك

حسام :
عارف و مش حاعمل فيها عبيط عارف انك زعلانه و ليكى حق
بس اللى بيحب اوى بيخاف اوى و بيغير اوى اوى اوى

شيرين :
لازم كنت تثق فى شويه زياده ، و لا صحيح انت ما تعرفنيش حاتثق فى ازاى

حسام :

for forever , but I just have my fears , I do fear for this love , shereen , you are too good to be true I feel that I've known you since the day you were born ,
(ترجمه : احس انى اعرفك منذ ميلادك ،عرفتك للابد )
لكن لدى مخاوفى ، اخاف عليك يا شرين ، انك انسانه نادرة الوجود ))ا

كانت شيرين فى هذه اللحظه

تتمنى ان تطمئنه و تقول له انها

هى الاخرى تحبه و انه لا داعى

لان يخاف ..........

كانت تود ان تخبره انه هو الاخر

فى قلبها لكنها تذكرت كلام

اختها

اتقلى يا بت و همت بالرد عليه و

وفى اثناء ذلك وجدت منال اون

لاين و بعثت اليها طلب اجراء

محادثه ..................

موضوع: رد: حكايات حسام وشيرين 1/10/2009, 09:00

تسلمى ياساندرا ياقمر
بجد القصه تجنن يابت
ياله بسرررررررررعه كملى

موضوع: رد: حكايات حسام وشيرين 1/10/2009, 09:02

كلام الدكاتره اللى بالانجلش ده ينزفر ماله العربى

وكوزيس انه مترجم كنت رحت ضربتهم

تسلم ايدك يا جميل

كملى

موضوع: رد: حكايات حسام وشيرين 1/10/2009, 23:03

جميلة جدا

يالا كملى ياسندرا

الحجاب الحاجز مضطرب

موضوع: رد: حكايات حسام وشيرين 2/10/2009, 04:12

كملى يا قمر
احنا متابعين

موضوع: رد: حكايات حسام وشيرين 2/10/2009, 11:22

DOLLY كتب:: كلام الدكاتره اللى بالانجلش ده ينزفر ماله العربى

وكوزيس انه مترجم كنت رحت ضربتهم

تسلم ايدك يا جميل

كملى

ههههههههههههههههههه
طبعا لازم الترجمه امال هيخنقونا على الفاضى
ميرسى ليكى ياقمر

موضوع: رد: حكايات حسام وشيرين 2/10/2009, 11:25

جوجو كتب:: جميلة جدا
يالا كملى ياسندرا
الحجاب الحاجز مضطرب

ههههههههههههههههه
دكاتره باه هنعمل ايه
ميرسى ليكى ياقمر

» الحرب تشتعل بين تامر حسنى وشيرين
» حكايات طريفه وقصيره
» فى حب البنات ياما قالو حكايات
» حصريا البوم (( حكايات حب 2008 ))
» حكايات قصدى خناقات اتنين مخطوبين