هتموت من الضحك نكت جاااااامده

واحد حب يوصل بلده بسرعة ركب القطر وقعد يجرى فيه

اتنين زهقوا من التأليس عليهم فسافروا الهند.أول مانزلوا من الطائرة لقوا الهنود بينحنوا عشان يحيوهم فواحد منهم سأل الثاني هما بيحترمونا كدة لية؟ قال له أصلهم هنا بيعبدوا البقر.

مره حرامى سرق فرخه وراح يكله على شط النيل فشافه عسكرى وقل له مسكتك ياحرامى الفراخ ، والريش جنبك اهو ... فقال له الحرامى لا ياشويش دى نزلت تستحمى وقالت لى خلى باللك من هدومى

الزوجه لزوجها : ياريتنى جريدة عشان اكون فى ايدك كل يوم الزوج: ياريتك نتيجة اغيرها كل سنة

صبى كسلان جدا شغال فى ورشة كل اما المعلم يقول له هات مفك ، يقول له كمان شويه ...بكره ... مش وقته. ، وفى يوم لمبة الورشة اتحرقت ، المعلم قاله ركب اللمبه قال له دى حاجة سهلة قوى ، وشاله المعلم على كتفة واستنى دقيقة دقيتين ربع ساعه مافيش حاجة ركبت ، قال له المعلم انت مركبتش اللمبه ليه؟؟؟؟؟؟؟؟؟؟؟؟ قال له اللمبه قلاووز وانت اللى مبتلفش يا معلم

اتنين حراميه دخلوا بيت واحد منهم دخل البلكونه ، شوية وصاحب البيت دخل عليه فقالوه انت بتعمل ايه هنا؟ قالوه انا كنت بحارب اليهود بالطياره و بدمر فيهم ، لحد لما طيارتي عطلت و انا نطيت بالبراشوت و نزلت في بلكونتك ..... قالوه ايوه كده تعجبنى ، مش التاني اللي قاعدلي في البانيو و بيقول علي نفسه من الضفاضع البشريه!

مرة إتنين مساطيل واحد بيقول التانى هما القدماء المصرين بنو الهرم فى اد اية .... قالو 50 سنة ...قالو يا لية ؟؟ قالو اصل كل ما يرصوا حجرين الحكومة تكبس عليهم

كمبيوتر قال لكمبيوتر انتى طالق ..... قالت يالهوى والسى دى اللى فى بطنى

صرصار في العنايه المركزه بيسال صرصار جمبه بيقولو بيرسول ........؟ قالو لا فردة شبشب

واحد غبى ... حط إيده في جردل فيه مية نار .... فحس ان صباع من اصابعه ناقصة .. فحط رأسه في الجردل عشان يدور عليه

تراهن بخيلان على من يبقى تحت الماء أكثر من الآخر يدعوه للعشاء …
فلم يخرج أحد منهما لحد الآن !!

واحد غني بيتأتأ فراح رحله على حسابه مع اصحابه طول السكه قاعد يقول “ن ن ن” لمل وصلوا قالهم” نسيت الفلوس” فرجعوا طول الطريق قاعد يقول” ك ك ك” فلما وصلوا قالهم” كنت باضحك عليكم”

مرة واحد مسطول مروح البيت وبقالو ساعة مش عارف يفتح الباب مراتة من البلكونة بتقولو ارميلك المفتاح قالها لا المفتاح معاية ارميلى خرم الباب

ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه

اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.

مرة واحد بيروح بيتة كل يوم سكران قام من النوم الصبح وقال لمراتة انتى يا ولية كل يوم تسيبى نور الحمام منور، مراته ردت عليه اتنيل انت اللي كل يوم بتخش الثلاجة

ههههههههههههههه
جميل جدا يا هاله

هتموت من الضحك نكت جاااااامده 838516625

هههههههههههههههههههههههههههه
جامدين اوووووووووووى
تسلم ايدك ياهالة

تسلملي يا ميدو ع مرورك

وشكر كبير ليكي يا سارة ع مرورك الجميل دى اقل حاجة عندى وبلا فخر هههههههه

ههههههههههههههههههههه

جامدين ياهالة اوى
ههههههههههههههههههههههه

هتموت من الضحك نكت جاااااامده 269984

يسلملي مرورك يا محمد

تسلم ايدك ياقمر هتموت من الضحك نكت جاااااامده 228155

حكم النكت في الاسلام

[/size]التفكه بالكلام والتنكيت إذا كان بحق وصدق فلا بأس به ولا سيما مع عدم الإكثار من ذلك
وقد كان النبي صلى الله عليه وسلم يمزح ولا يقول إلا حقا صلى الله عليه وسلم ،

أما ما كان بالكذب فلا يجوز
لقول النبي صلى الله عليه وسلم :
( ويل للذي يحدّث فيكذب ليضحك به القوم ويل له ثم ويل له )
أخرجه أبو داود والترمذي والنسائي بإسناد جيد .
والله ولي التوفيق

واظن ان النكت دي كلها كذب
اذا فهي حرام

متى نستيقظ من الغفلة
استيقظوا يا مسلمين
من تذكر الموت وسكرته والصراط وحدته
فكيف يضحك يا شباب استغلوا اوقاتكم
وحاسبوا انفسكم قبل ان تحاسبوا

شكرا ليكي يا داليا ع مرورك

منورنى يا حمادة ع مرورك بس احنا بنهزر مش اكتر مش مستاهلة ده كله هى مش مضيعه للوقت او تلهى عن الصلاة

» صور هتموت من الضحك
» شويه صور هتموت من الضحك
» نكت صعبة جدا هتموت من الضحك
» مكالمات سريه 2 ...هتموت من الضحك
» اسمك باليابانى....هتموت من الضحك