امتحان السفارة المصرية للحصول على الجنسية

صباح الفل حبايبي الأعزاء
يشترط لدخول الامتحان ان المتقدم يكون معاه كل أدواته اللازمة : قلم رصاص
– أستيكة (تحسباً للأخطاء الكتيرة) - اثبات شخصيتك (تذكرة اوتوبيس – مفتاح
الشقة – كارت تليفون مينا تل – عملة مصرية - أي حاجة)

في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح)

______________________________________________

السؤال الأول:اختار من بين الأقواس الكلام الصح:

1- حنان ترك اتحجبت يعني............ (لبست جزمة - لبست ساعة - لبست ايشارب)

2- اللي بنى هرم خوفو............ .(طلعت مصطفى - المقاولون العرب - مقاول أنفار - خوفو)

3- اللي بنى..بنى مصر كان في الأصل......(حلاق - نجار - تاجر مخدرات - حلواني)

4- البرنامج اللي بيجي ع القناة الأولى كل يوم الساعة 7.00 صباحاً ومحدش
بيتفرج عليه برنامج..صباح الخير ............ (يا ماما - يا بابا - يا
خالو - ياريس - يا مصر)

5 - مصر هى أمي نيلها جوا...........(عبي - بطني - رجلي - جيبي - دمي)

6- رئيس مصر القادم السيد......(جمال مبارك - جمال مبارك – جمال مبارك - كل ما سبق)

7- ابو تريكة هو ....(مدرس - تاجر شكاير اسمنت فاضية - لاعب كرة - تاجر مواشي)

8- يا حضرة العمدة ابنك حميدة حدفني بالـ .... (معدية - السفندية - المية المعدنية - المهلبية)

9- اشهر مغني مصري هو عبدالحليم .... (دياب - حافظ - سموزين - فؤش)

_____________________________________

السؤال الثاني:أكمل الجمل الآتية بكلام م الآخر:

1- انتبه من فضلك السيارة ترجع إلى............ ......... ...

2- ماما زمنها............ ......

3- من خلال تجاربك السابقة...البامبرز استيك منه............ .

4- طلعت أدّب نزلت أدّب لقيت الدب بيأزز............

5- اسم والد اللاعب وائل جمعة الحاج............ ..

6- دا شاب هيهي ، بيروح و ......
_________________________________________________

السؤال الثالث:ضع علامة صح أو علامة غلط أمام الكلام الجاي:

1- بابا فين؟؟ ..بابا هنا..قوله مين؟؟ قوله عمو ( )

2- الشرطة دائما في خدمة الشعب ( )

3- أذان المغرب في رمضان بصوت 'طارق نور' ( )

4- شاي الجوهرة حتة سكرة ( )

5- ميلودي تتحدى الملل فعلا ( )

_________________________________________

السؤال الرابع : التعبير الحر
اكتب فيما لا يزيد عن 3 سطور تعليق على اخر متش للاهلي و الزمالك

السؤال الخامس : علل
1- مازالت كرة القدم هي اللعبة الشعبية الاولى برغم ان احنا ملناش فيها
2- ذكاء الشعب المصري الخارق برغم من اعتماده على الفول كغذاء اساسي

طيب انا هجاوب اوك مه تهييس ع الاخر بقا

1- حنان ترك اتحجبت يعني
لبست ساعة
اللي بنى هرم خوفو

طلعت مصطفى
اللي بنى..بنى مصر كان في الأصل
تاجر مخدرات

البرنامج اللي بيجي ع القناة الأولى كل يوم الساعة 7.00 صباحاً ومحدش
بيتفرج عليه برنامج..صباح الخير
يا ماما
مصر هى أمي نيلها جوا
عبى
رئيس مصر القادم السيد
جمال مبارك
ابو تريكة هو
طبعا تاجر مواشي مش هو اللى بيسوق الفريق هههههه
يا حضرة العمدة ابنك حميدة حدفني بالـ
المعدية
اشهر مغني مصري هو عبدالحليم
فؤش

انتبه من فضلك السيارة ترجع إلى
اودام
ماما زمنها
في السوق دلوقت
من خلال تجاربك السابقة...البامبرز استيك منه
له
طلعت أدّب نزلت أدّب لقيت الدب بيأزز
بمب
اسم والد اللاعب وائل جمعة الحاج
خميس
دا شاب هيهي ، بيروح
حضن امه

1- بابا فين؟؟ ..بابا هنا..قوله مين؟؟ قوله عمو ( )

2- الشرطة دائما في خدمة الشعب ( )

3- أذان المغرب في رمضان بصوت 'طارق نور' ( )

4- شاي الجوهرة حتة سكرة ( )

5- ميلودي تتحدى الملل فعلا ( )

كـــــــــــــــــــله غلط

اكتب فيما لا يزيد عن 3 سطور تعليق على اخر متش للاهلي و الزمالك

الاهلى يا جماعه ماشي بالكوسة ليه عشان الريس اهلاوى
لو الاهلى خسر هنفقد الريس ممكن يتشل او تجيله جلطة
وممكن سعد الصغنون ميغنيش تانى
لكن اللعب الحلو والفن كان في الزمالك طبعا احلى لعيبة واجدع ناس ربنا يحرسكم ويخليك لينا يا حسن شحاته
السؤال الخامس : علل
1- مازالت كرة القدم هي اللعبة الشعبية الاولى برغم ان احنا ملناش فيها
لاننا مش فالحين في حاجة اساسا

- ذكاء الشعب المصري الخارق برغم من اعتماده على الفول كغذاء اساسي
لان الفول الاكله الوحيدة اللى مافيهاش انفلونزا ولا عمرة هيجيله
ههههههههههههههههههههههههههه

اجابات نموذجية من بنت مصرية اى خدمة يا ميدة

ههههههههههههههههه
موضوع جامد والله ياريت امتحان العربى كده دحنا ننجح

هههههههههههههههههههههه الله لعى الامتحان يامحمود ايه الجمال ده انا جوبت على كل الاسئله ده كده معناه انى دحيحه اوووى

تسلم ايدك على الموضوع

دى اسئلة العبيط يعرف يحلها هههههههههههههههههههه
مع احترامى طبعا للى حلها
تسلم ايدك ياحوده

شاطره يا هاله
هجبلك حاجه حلوه

طب ما انتى عبيطه يا ساره
هههههههههههههههههه

نورتى يا نرمينا
وهبقى اجبلك حاجه حلوه

شكرا ليكى يا ندى

ههههههه
بجد ده الامتحان
طب انا جاوبت هاخدها امتى بقى
امتحان السفارة المصرية للحصول على الجنسية 43968

زى النهارده السنه الجايه ياجوجو
هههههههههههههههههههههه

انا عبيطة يامحمود
بس لما اجيلك ده انت هتضرب ضرب
بس استنى عليا

متعرفيش تعملى يلا يا عبيطه
امتحان السفارة المصرية للحصول على الجنسية 576321

» امتحان السفارة المصرية للحصول على الجنسية
» تعالوا شوفو امتحان السفارة المصرية لاخذ الجنسية المصرية
» امتحان السفارة المصرية لاخذ الجنسية المصرية!!!!شوف الجديد
» متحان السفارة المصرية للحصول عل الجنسية
» امتحان للحصول علي جنسية المصرية.....صعب جدا