سر جمال بنات المنصوره

موضوع: سر جمال بنات المنصوره 17/10/2009, 17:30

السلام عليكم ورحمه الله وبركاته

هاي ازيكو يا احلي اصحاب في اجمل منتدى
انا هدخل في الموضوع علي طول كده وهو ( سر جمال بنات المنصورة)

كل بنت جميلة بتتسأل انتي منين

ويا سلام لو قالت انها من المنصورة
هتنفجر في وجهها قنبلة من الإعجاب والمديح

يا ترى لية...... لية مشهور ان بنات المنصورة حلوين؟؟

طب في حد من اللي قرأ الموضوع نزل المنصورة قبل كدا

ولو راح هناك هيشوف اية ؟

بصراحة لو حد نزل هيشوف ان تقريبا كل البنات الي بيشوفهم في

الشارع او الأماكن العامة حلوين اوي وشيك اوي بجد

ويسلام لو راح الجامعة هيشوف اشكال والوان

من الجمال طبعا

انا مش هطول عليكوا

المهم تعرفوا اية السر الي مخليهم حلوين

ودا من خلال مقالة قرأتها في الجريدة الصادرة عن جامعة المنصورة

كانت بعنوان حلوة بنات المنصورة

والي من خلالها اتكلم المؤريخ الكبير استاذ طلعت اسماعيل

وارجع جمال بنات المنصورة للأربع اسباب :

الأول : هوة وجود المماليك والأتراك واشتهارهم بجمالهم
ومعروف انهم تواجدوا في مصر لفترة طويلة وخصوصا ان في المنصورة
كانت بنات العائلات بتتباهى بتزويج بناتهم من المماليك.

الثاني : ان هناك عائلات في المنصورة بتنتمي لأصول تركية
ودا ناتج عن ثرائها وبالتالي كانت بتناسب الأتراك
الي هما في الوقت دا كانوا السلطة الحاكمة والأثرياء
كانوا شرائح كبار الموظفين والعلماء والتجار.

الثالث : الحملات الصليبية من الفرنسين اللي انصهروا في المجتمع المنصوري
بعد فشل حملة لويس وخصوصا ان منهم كتير عاشوا فيها واعلنوا اسلامهم .

الرابع : ان معظم اغنياء المنصورة سواء تجار او اصحاب نفوذ
كانوا بيفضلوا الزواج من الأجنبيات يونانيات او ايطاليات
لدرجة ان الجالية اليوينانية كانت اعدادها كبيرة بعد الإحتلال البريطاني
وايضا زواجهم من التركيات الشركسيات الجميلات .

ودي من الأسباب التاريخية لجمال بنات المنصورة

موضوع: رد: سر جمال بنات المنصوره 23/10/2009, 19:55

تسلم ميدو
بس مكرر فى المنتدى

» سر جمال بنات المنصوره
» المنصوره (ملف كامل)
» صور جامعه المنصوره بالنهار
» معركة المنصوره الجويه
» جمال شخصيتك فى ...........