لعبة البيت بيتك

موضوع: لعبة البيت بيتك 20/10/2009, 18:43

اللعبه دي عجبتني وهتخلينا نحس ان احنا فى بيت واحد
وهي عباره عن
ان كل اعضاء المنتدى يكونو اخوات في بيت العيله

كلنا في بيت واحد

وبيبقى في حوارات وخناقات مع بعض

مثلا

س: واحد يصحي اخوه ويقوله جعااااااااااااان قوم اعملي افطر

ج : ويجي العضو اللي بعده يقوله سيبني انام شويه ياعم انت مش بتشبع هو في تعابين في بطنك

تخيل كانك في بيتكم وخلينا نشوف ايه اللي هيحصل

وهكذااااااااااااااا

طبعا كده اللعبه ممكن تكون مفهومه
اي حاجه تيجي على بالكوا قولوها بس طبعا لازم نحافظ على الاخوة اللي بينا

( اهم حاجة نلتزم الالفاظ اللى ما تزعلناش من بعض )

يلاا انا ابدأ

وطو صوتكو شويه ياجماعه ..مش عارفة انااااااام وعندي صحيان من الصبح بدري يعنى هصحى على المغرب كدا علشان اشوف اخرة الجروب دا ايه

واقفلو التلفزيون المخروب دا وكل واحد يشوف مصلحته
عاوزة اقوم من النوم الاقى الجروب نضيف وكل واحد منضف قدام المنتدى ورشوا ماية
يلا سلام

موضوع: رد: لعبة البيت بيتك 20/10/2009, 20:10

هايل انوس
بتتامرى كده ليه ياماما بتحسسينى انك قاعده قدام بتكم
متنامى ولا متنميش
انا عايز اسمع البرنامج ده
مهم جدا ولازم اسمعه
ايه
اسم البرنامج ايه
استنى كده
اه
مش فكره
على انظف مكانى وابطل قزقزه لب
وانتى وظيفتك ايه ياعنى
انا اقزقز لب وارمى على المكته وانتى تنظفى ولا انتى قاعده هنا ليه
يلى قومى اعمليلى كبايه شاى
اوف
كل يوم خناف
ارحمنى بقى يارب
اووووووووووووووووووووووووووووووف

موضوع: رد: لعبة البيت بيتك 20/10/2009, 20:39

قوم يا محمد اعملنا كبايتين شاى علشان عندى صداع
وبسرعه من غبر لكاعه

موضوع: رد: لعبة البيت بيتك 20/10/2009, 22:48

ايه دا انتم كل واحد بيطلب طلب هو احنا هنا خدامين اللى عايز حاجة يقوم يعملها لنفسه حاجة تزهق امتى بس يارب اخرج من البيت دا زهقونى

وانت يا أستاذ يلى عايز شاى فين ايديك قوم اعمل شايك لنفسك بلاش تدى أوامر على الصبح

موضوع: رد: لعبة البيت بيتك 21/10/2009, 01:33

مين اللى زهق انتو شغالين رغي في ودنى وعايشين حياتكو

ولا كان فيه واحدة عايزة تنام
ممكن تتكتموا ولا اجيب الخرزانة
انا ورايا محكمة الصبح باذن الله هخودكو معايا
وهسيبكوا واجى عشان اورح انا انام وارتاح منكم

موضوع: رد: لعبة البيت بيتك 21/10/2009, 16:40

دول وجع دماغ يا هاله
قلبين دماغى من الصبح مش عارفه اسمع الاغانى الله
دى عيشه بقت تزهق وتخنق
قومى اقفلى عنهم التليفزيون ده وخدى الريموت معاكى

موضوع: رد: لعبة البيت بيتك 21/10/2009, 16:46

طيب قومى فزى بدل مانتى قاعده على السكة الحديد كدة

حضريلنا الفطار
مش وقته حمامات شمس يا ما
بس انجزى عشان جعانه وانتى فاهمة بقا
انا لما اجوع هعمل ايه اما نشوف اخرتها معاكم في البيت ده

موضوع: رد: لعبة البيت بيتك 21/10/2009, 16:50

وانا مالى ياختى هو انا خدامه عندك ما تقومى تحضرى لنفسك
هو انا فضيالك
وماتلمى نفسك ياختى وخدى بلك ان انا الكبيره مش انتى

موضوع: رد: لعبة البيت بيتك 21/10/2009, 19:08

ههههههههههههه طيب قومى ياايناس اعمليلى شاء وحاتى معاه اى حاجة للصداع انا عارفة انك مش هتقولى لاء

موضوع: رد: لعبة البيت بيتك 21/10/2009, 20:12

متبس يابت انتى وهى
عمالين لوك لوك لوك لوك لوك لوك
ايه مش عارفين ان فيه رجاله فى البيت بتاكل نايتى وتمص مصاصه ولاا يه
يلى قومى انتى وهى اتخمدوا
لازم كل يوم ازعق واضرب
لعند امتى
دنا ايدى وجعتنى من كتر الضرب منكم اعمل ايه ياربى
انت القوى على كل مفترى يارب
ربنا يهديكم يارب

موضوع: رد: لعبة البيت بيتك 21/10/2009, 21:44

اخرص يلا بدل ما اجى اخرصك
مش عارفه اسمع الاغانى
حقوم اعمل لنونه الشاى واجبلها حاجه للصداع وبعدين حاجى اكمل
اوعو حد يعد على الكمبيوتر ع ما اجى احسن اخلى وقعته سوده

موضوع: رد: لعبة البيت بيتك 21/10/2009, 22:18

يلا يا ايناس قومى حضريلى حاجه اكلها
وبسرعه علشان انا لسه صاحى من النوم
وياريت كوباية هصير مع الاكل
يلااااااااااااااااااااااااااااااااااااا
ولا انتى مش بتيجى الا بالزعيق

موضوع: رد: لعبة البيت بيتك 21/10/2009, 22:56

واد ياميدو انت من ساعة ماصحيت وانت قالبلى دماغى صوتك عالى اخرص شوية ايه مفيش غيرك فى البيت انا عندى صداع ياتخرج ياتنام وتقفل بؤك دا شوية بلاش ازعاج وكمان اعمل حسابك هبعتك السوبر مارك محتاجين حاجات للبيت

موضوع: رد: لعبة البيت بيتك 21/10/2009, 22:58

متنزلى تجيبيها انتى يا اختى
هو انتى ناقصه رجل ولا ايد
والاكل لو متجهزش دلوقتى انا هخلى يومكوا مش لطيف
يلااااااااااااااااااااا قومى

موضوع: رد: لعبة البيت بيتك 21/10/2009, 23:02

طيب مش هقوم ورينى بقي هتعمل ايه ياخويا وبعدين انت اللى هتنزل ؤمال لزمتك فى البيت دا ايه تاكل وبس حاجة بقيت تقرف

موضوع: رد: لعبة البيت بيتك 21/10/2009, 23:21

طب مش نازل واللى عندك اعمليه
فرجينا حاجه كده
وقومى اعملى اللى قولتلك عليه احسن لك
بدال مانتى عارفه اللى هيحصلك

موضوع: رد: لعبة البيت بيتك 21/10/2009, 23:31

لالالا دانت شايف نفسك أوى ومش عامل حساب أى حد كبير هنا فى البيت دا بص اخر كلامى انت اللى هتنزل وبلاش اقولك غصب عنك كمان هاااااااا

موضوع: رد: لعبة البيت بيتك 21/10/2009, 23:33

غصب عمى ولا خالى
وعلى العموم متقدريش تعملى اى حاجه
والاكل بقى علشان لو جعت اكترمن كده مش حيصل كزيس

موضوع: رد: لعبة البيت بيتك 21/10/2009, 23:41

ههههههههههههههههههههههه عمك بيقولك اسمها كويس مش كزيس فووووق مانت نايم طول اليوم من غير فايدة اعمل حاجة ياسيدي اشتغل بأكلك

موضوع: رد: لعبة البيت بيتك 21/10/2009, 23:43

ليه امال انتى بتعملى ايه
وبعدين هو انتم اكلتونا حاجه خالص النهارده
علشان حتى الواحد يعمل لبكم حاجه

موضوع: رد: لعبة البيت بيتك 21/10/2009, 23:54

خلاص مفيش اكل روح هات الحاجات من السوبر ماركت وانا اعملك ياخويا وبطل وجع دماغ بقي

موضوع: رد: لعبة البيت بيتك 22/10/2009, 00:35

ميدو حتنزل تجيب الحاجه من السوبر ماركت ولا لاء
مهو حتى لو حد قام علشان يعملك اكل مش حيلاقى حاجه التلاجه فاضيه والبركه فيك وف اخواتك
انزل اشترى الحاجه وانا حعملك الى انت عاوزه وسيب نونه علشان هى مصدعه وتعبانه

موضوع: رد: لعبة البيت بيتك 22/10/2009, 00:58

ايه الحنان ده كله تعملى لنونا الشاي وانا عشان الفطار لا

طب ايه رايك انا وانتى نخرج ناكل بره وناخد نونا ونسيب الرداله دى
ياكلوا في بعضهم

موضوع: رد: لعبة البيت بيتك 22/10/2009, 01:16

اه حنان بقى يا هاله قلب الام تقولى ايه
وانا مش عندى اى مانع
يلا ادخلى البسى وانا كمان حقوم البس واصحى نهال تلبس ونروح ناكل بره
بس بقولك ايه حددو المكان الى حناكل فيه قبل ما ننزل من البيت

موضوع: رد: لعبة البيت بيتك 22/10/2009, 02:38

وات مش حاجى اكل معاكم
حرام عليكم ده انا مكلتش لقمه من صباحية ربنا
يا عالم يا مفتريه

موضوع: رد: لعبة البيت بيتك 22/10/2009, 03:16

لا مش جى معانا

عشان انتم فاكرينا شغالين عندكم
احنا كمان بنشتغل وبنتعب
المكان اللى تختاروه يا انوس انا معاكم فيه وناكل بقا ونشبع

موضوع: رد: لعبة البيت بيتك 22/10/2009, 03:23

اوك خلاص نروح ناكل ف كوك دور كرسبى فراخ
اوك
علشان انا بكلو انا ونهال مع بعض
ونتصور واحنا هناك ونغيز ميدو

موضوع: رد: لعبة البيت بيتك 22/10/2009, 14:37

ايه ده يابت انتى وهى انتوا نازلين من غير ماتخدونى معاكم

مش المفروض تصحونى الله ده انتوا شكلكم كدة ليكوا شوقة فى علقة

موضوع: رد: لعبة البيت بيتك 22/10/2009, 14:40

ياله يابت يا ساره اشربى البن
وعلى المدرسه بسررررررعه

موضوع: رد: لعبة البيت بيتك 22/10/2009, 14:46

ايه ده هى اوامر ولا ايه كل حاجة هنا بمزاجى اه

وبعدين انا مش رايحة المدرسة النهاردة بقه ها

موضوع: رد: لعبة البيت بيتك 22/10/2009, 15:25

شاطره يا ساره اوعى تروحى المدرسه حر

يله معايا على المطبخ بعمل مكرونه بشاميل

موضوع: رد: لعبة البيت بيتك 22/10/2009, 15:27

الله عليكى يادوللى انا بموت فيها
ممكن لو سمحتى تبقى تدينى طبق

موضوع: رد: لعبة البيت بيتك 22/10/2009, 15:32

مش اما نعملها يا فالحه

تعالى ساعدين ونخلص بسرعه
وليكى طبق كبير منى

ومتاكليش ميدو منها

موضوع: رد: لعبة البيت بيتك 22/10/2009, 15:35

هييييييييييييييييييه ماشى انا هاعملها معاكى
بس حوده هياخدها منى علشان هو بيحبها اوى
ولو اخدها انتى اللى هتضربى يادوللى ها

موضوع: رد: لعبة البيت بيتك 22/10/2009, 15:40

لالالالالالالالالالالالالالالالالالالالالالالالالا
بقى ياساره انتى ودوللى
انتم جيتو على نقطه ضعفى كده
البشمل
بقولكم ايه
اجى اسعدكم واخد طبق وانا مروح
اصل بحبها اوى
يلى بقى حرام كده تسبونى اعيط
هئ هئ هئ هئ هئ هئ هئ هئ
والنبى طبق
حاجه قليله تمنع بلاوى كثير
ساعدى محب البشمل وربنا هيديكى مكانه طبق تانى

موضوع: رد: لعبة البيت بيتك 22/10/2009, 15:42

ههههههههههههههههههههههه
هبقه اديك حته صغنونة على ادك
بس بطل عياط صدعتنا

موضوع: رد: لعبة البيت بيتك 22/10/2009, 15:42

هههههههههههههههههههههههههههههههههههه

لا كده كله عاوز من البشاميل يبقى مشاركه

البشاميل غيرت قوانين اللعبه

كله هيساعد حالا

موضوع: رد: لعبة البيت بيتك 22/10/2009, 15:44

هههههههههههههههههههههههه
خلاص بقه يادوللى بلاش بشاميل النهاردة
وقضيها نواشف احسن

موضوع: رد: لعبة البيت بيتك 22/10/2009, 15:45

انا موافق دوللى
هساعد
واعملها كمان
بس بكده هاخد طبقين
ولا اقولك كفايه طبق واحد رضى اوى
هو انا كنت طايل
يلى انا مستعد

موضوع: رد: لعبة البيت بيتك 22/10/2009, 15:47

شطور يا ميدو ها مين هيساعد تانى

موضوع: رد: لعبة البيت بيتك 22/10/2009, 15:47

ايوه يا دوللى خليهم يسعدوكى بدل ماهما ملهمش اى لزمه ف البيت كده

طب يعنى افطر ولا استنى المكرونه

وانت يا بت يالى اسمك ساره مش راحه المدرسه ليه ياختى

قومى البسى علشان تنزلى المدرسه وانا خلاص صحيت انا ومودى حنساعد دوللى

موضوع: رد: لعبة البيت بيتك 22/10/2009, 15:48

بقولك ايه يادوللى قومى حضرىلى الساندوتشات
علشان الحق اروح المدرسة
وانتى يابت ياايناس قوم يلا اكوى لى الهدوم يلا بسرعة

موضوع: رد: لعبة البيت بيتك 22/10/2009, 15:51

مش تزعقى فى البت كده
حرام عليكى
نفسها تاكل مكرونه بشمل
وهو ايجى يوم من المدرسه تغيبه
وبعد ين يلى بقى
شمرى كده وسمى الله وابدئى يلى فى البشمل
ولا انتم سايبين كل حاجه عليا وما صدقتو انى ضعيف قدام البشمل
يلى قومى فيزى انتى وهى
انا جوعاااااااااااااااااااااااااااااااااااااااااااان بشمل

موضوع: رد: لعبة البيت بيتك 22/10/2009, 15:53

انتوا لسة ماحضرتوش حاجة المدرسة لازم ازعق انا يعنى
ده جنان ده ولا ايه
يلا علشان ماتاخرش

موضوع: رد: لعبة البيت بيتك 22/10/2009, 15:56

ايوه كده شاطر يا مودى اشخط قوى عشان يعرفو قيمتك فى البيت

يله يا بت انتى وهيا قدامى على المطبخ

موضوع: رد: لعبة البيت بيتك 22/10/2009, 15:58

وحيات طنط الى اكويلك ال

ما تكوى لنفسك يختى بدل ما انتى قاعده تلفى حوالين نفسك كده

موضوع: رد: لعبة البيت بيتك 22/10/2009, 16:00

انا لسة ورايا حاجات كتير قومى يلا وفزى كدة
وخلصى نفسك بسرعة

موضوع: رد: لعبة البيت بيتك 22/10/2009, 16:01

انتى حتقوميه علينا ولا ايه

بطل زعيق احسلك وحط لسانك جو بؤك احسن مش حيحصلك طيب

وانا معاكى اهو ف المطبخ بس مش حطول علشان ورايا شغل

وبدل ما انتى عماله تزعقلنا كده

ما تصحى الباقى يسعدك ولا يقوموا يروقوا البيت بدل ما هم ليل ونهار نيمين كده ومش ليهم لازمه ف البيت

موضوع: رد: لعبة البيت بيتك 22/10/2009, 16:16

ايه انوس
انا لعند دلوقتى طيب ومحترم
بس لما اخد البشمل
هتشوفو العين الطيبه
يلى يا أبله نظيفه انتى وهى
قومو يلى كده ورينا شطرتكم
والله باين عليكو ستات بيوت مبتعرفوش حاجه
انا قولت جوعاااااااااااااااااااااااااااااااان بقالى ساعه
ومحدش سال فيا
وبعدين اللمه بتفتح النفس يلى بقى كده ورينا شطرتكم بسرعه
خلينا ناكل مع بعض

موضوع: رد: لعبة البيت بيتك 22/10/2009, 16:22

يلا بقه سلاااام يااخواتى
علشان اروح المدرسة انا وعايزة اجى الاقى اللاكل معمول

» عودة هالة سرحان مع البيت بيتك
» لقاء مع النجمه مني ذكي ونجوم فيلم شهرازاد في البيت بيتك علي اكثر من سيرفر
» ممكن تجيب البيت على الخريطة برقم الجوال اكتب رقمك وشوف بيتك بالقمر الصناعى
» فضيحة عصام الحضري مع الراقصة فيديو على البيت بيتك بمساحة 20 ميجا فقط وعلى اكثر من سيرفر
» حصريا - لقاء أسرة فيلم اولاد العم مع محمود سعد فى البيت بيتك و حديث حول احداث الفيلم ولقطات حصرية منة