| | مغامرات سحلول و سحلولة |  |
|
|
| كاتب الموضوع | رسالة |
|---|
noody10
المدير العام ومشرفه قسم البنات وقسم المواجهه
عدد الرسائل : 6813
تاريخ الميلاد : 04/04/1990
العمر : 34
الحالة : tres Bien
نشاط العضو :
تاريخ التسجيل : 01/07/2008
|  موضوع: مغامرات سحلول و سحلولة  27/10/2009, 04:10 | |
|
سحلولة حبت واحد و هي عندها 20 سنة في الجامعة بس خدعها.. مر الوقت و حبت واحد تانى كان زميلها في الشغل أما أتخرجت و برضو خدعها و راح أتجوز غيرها .. فقررت سحلولة إنها مش هتحب تانى و إنها هتوافق على أول عريس يتقدم لها .. و بعد فترة أتقدم لها عريس ووافقت عليه كان سنها 26 ... خلال 6 شهور كانت متجوزة و دخلت بيت العدل لولوولولىىى المهم مر شهرين و يا عيني عليها اكتشفت انه بيخونها و بيعاكس الستات حتى صحباتها .. سكتت عليه شوية شوية راح ما صدق و أتجوز عليها .. طلبت الطلاق و حمدت ربنا إن محصلش خلف .. بس يا عيني أتعقدت وحلفت إنها هتعتزل الحب و الجواز .. و مرت السنين لغاية ما وصلت لسن 38 و هيا لسه عاملة اضطراب ضد الارتباط بكل اشكاله .. و سحلولة وحيده أهلها و من حسرتهم عليها .. الأب جالو شلل و الأم جالها اكتئاب و ماتوا .. و فضلت ست سحلولة هانم عايشة لوحدها في بيت طويل عريض
في يوم من الأيام و هيا نايمة لسه .. سمعت صوت غريب بيصحى فيها :
سحلولة : هخووووووو هخوووووووو
سحلول : اصحي يا ملاكي
فتحت عنيها و كأن جالها صرع مفاجئ ملقتش حاجة فكملت نوم هخووو هخووو ..
شوية و صحت على نفس الصوت
سحلول : صباحك نادى و لوووووووز يا موووووووز
سحلولة فضلت تبص شمال و يمين و مش لاقية حاجة .. قامت جرى على الحمام اتوضت و صلت .. أول ما خلصت صلى سمعت الصوت تانى
سحلول : حرما يا جميل و جمعا يا عسل أنت يا حلو أنت يا حلو
سحلولة : في إيه مين بيتكلم لا لا أكيد أنا بحلم أكيد ده جنان يا مصيبتي أتجننت خلاص !!
سحلول ( لسه مش ظاهر ) : سلامتك من الجنان يا عنيا .. أنا اهو قدامك .. شوبيكى لوبيكى سحلولك بين ايديكى
و فجأة ظهر راجل طول بعرض .. حلاوة و شياكة إيه
سحلولة : يا مصيبتي
سحلول : مالك يا حياتي
سحلولة : أنت مين يا راجل و جيت هنا ازاى
سحلول : أنا حبيبك
سحلولة : حبك برص و سبعة خرس يا داهية أنت يا حرامي و الله لأصوت و ألم عليك أمه لا اله إلا الله ...يا خرااشى ألحقووووووووووووونى يا مصييييييييبتى
راحت تجرى قام سحلول مسكها و كتم بوقها و قالها بهدوء
سحلول : اهدي يا حبيبتي .. محدش هينقذك و هيقولوا عليكى مجنونة .. عشان محدش هيشوفنى
سحلولة : ليه يا خويا شفاف و لا ماية .. يا ناااااااااااااااااااااس ألحقوووووووونى
سحلول : يا ستى اهدي بس .. أنا جنىىىىىى
سحلولة : هو أنا بسألك عن اسمك
سحلول : لا يا روحي أنا حقيقي جنى و حبيبتك من زمان و قررت اظهر لك عشان نفسي اتجوزك و نعيش سوا سوا .. و محدش هيشوفنى غيرك
راح سحلول اختفى فجأة و ظهر تانى
سحلول : اتاكدتى بقى؟
فجأة سحلولة و قعت على الأرض في حالة إغماء و بقها و مناخيرها و كل حاجة فيها متنحة .. شوية و فاقت لاقت نفسها على السرير و سحلول جنبها باصص لها و كأنه قدام لوحة فنية
سحلولة : هو أنت بجد جني .. أنت عايز إيه منى و الله أنا في حالي .. انصرف انصرف
سحلول : عارف انك في حالك و بنت حلال و عشان كده حبيبتك
سحلولة (وشها احمر و جاب ألوان الطيف ) : حبيتنى أنا؟
سحلول : ايوة انتى وعشان خاطر عيونك كسرت كل الحواجز و جيت لك
سحلولة ( متنحة ) : ها
سحلول : مش مصدقانى
سحلولة ( متنحة ) : ها
سحلول : ههههههه ليكى حق متصدقيش بس أنا قدامك اهو
مسك أيديها و باس كفها و حطه على جبينه .. راحت سحلولة مدلوقة تانى على المخدة في حاله إغماء شدييييييييييييييييد .. شوية و صحت لاقت نفسها في الاوضة
لوحدها
سحلولة : اشتاتا اشتوت أكيد ده كان كابوس الحمد لله .. يا حفيظ .. بس تصدقي يا بت يا سحلولة الراجل كان جامد يا سلام لو كان صحيح يلا بقى طول عمري فقرية و مليش نصيب .. قومي بلا وكسة عشان تنزلى تروحى الشغل
لسه بتقوم من السرير و لاقت سحلول داخل من باب الاوضة و في أيده كوباية ليمون
سحلول : حبيبه قلبي امسكي نفسك بقى و خدي اشربي ده
سحلولة كانت لسه هتروح فى حاله إغماء راح لحقها و شربها بسرعة العصير
سحلولة : هو أنت حلم و لا علم و هم و لا إيه
سحلول : أنا جنى و الله و حبيبتك بجد و جيت انهارده اتجوزك و نعيش مع بعض
سحلولة : أنت مخبول و لا عبيط و لا أهبل و لا إيه
سحلول : لا أنا أسمى سحلول حتى شوفي أسمى على اسمك
سحلولة : يا مثبت العقل في الدماغ .. طب هنتجوز ازاى .. اعقلهالي
سحلول : ما أحنا خلاص أتجوزنا
سحلولة : نعم يا خويا ؟
سحلول : مش أنا ظاهر لك دلوقتى .. كده خلاص أتجوزنا يا روحي
سحلولة ( متنحة و عينها لبرة ) : ها
سحلول : ليكى حق تستغربي عامه مع الزمن هتتأكدي من حبي و مش هقرب منك
غير أما اثبت لك ده و هتشوفى .. بس انتى ساعدينى و خليني أعرفك عليا و اعبر لك عن حبي
سحلولة ( متنحة ) : ها
و فضل سحلول طول اليوم يقنع فيها و يقرب منها لغاية ما وقعت فى دباديبه بسحر كلامة المعسوووووووووول
سحلول : يلا يا سحلولتى يا حبيبتي ندخل ننام
سحلولة ( وشها احمر ) : اخص عليك يا مضرب لا أنت تدخل هنا و أنا ادخل هنا
سحلول : طب ما تدخلي سوا سوا هنا هههههههه
سحلولة : لا يا سحلول أما اتاكد اكتر من حبك
سحلول : من عينيا طلباتك كلها مجابة عشان بس اثبت لك أن أنا قد ثقتك يا قشطة أنت يا حليوة
سحلولة : يوووووووووة بقى بتكسف يا مضروب
سحلول : يا بوووووووووووى يا مدوخانى انتى
سحلولة : هو أنت صعيدي
سحلول : ههههههههههههههههههههه لا أنا بتاع كله
دخل سحلول نام في اوضة و سحلولة دخلت اوضتها و هي في حاله لا توصف من السعادة .. لسه مش مصدقة نفسها .. أخيرا لاقت الشخص اللي حلمت بيه .. طول بعرض و شياكة و حنية و بيحبها و أهم حاجة انه جنى مش زى البني ادمين ..مش هيخون .. و فضلت طول الليل سحلولة تتكلم مع نفسها و قلبها عمال يدق تك تك تك تك تك هوب هوب هوب هوب هوب
الصبح جه و دخل سحلول على سحلولة يصحيها من النوم
سحلول : اصحي يا ملاكي ... وحشتينى اصحي بقى
سحلولة ( صحيت مفزوعة و مسكت في الغطا ) : إيه اللي أنت بتعمله ده لا لا مش تعمل كده
سحلول : هو أنا عملت حاجة .. أنا بصحيكى
سحلولة ( وشها احمر ): أصلى خفت يعنى تعمل حاجة
سحلول : لا يا روحي أنا مستني رضاكى عنى الأول
سحلولة: يوووة بقى على كلامك الحلو ده
سحلول : و الله أنت اللي حلو يا مهلبية
سحلولة : طب يلا قوم من هنا عشان أغير هدومى و تفسحني
سحلول : أفسحك؟
سحلولة : ايوة مش أنت جوزي يبقى لازم تخرجني و تفسحني
سحلول : من عينيا يا حلويات
سحلولة : يوة يا مضرووووووووب
خرجت سحلولة و طول الطريق عماله تدردش و هيا متشعبطة في دراع سحلول اللي محدش شايفة و لا سامع له حس غير سحلولة اللى الكل بقى مجمع إنها بقت مجنونة .. لأنها بقت يوميا تخرج تتفسح معاه و بتقنع الكل إنها متجوزة
و في يوم راحت سحلولة الشغل كالعادة و قررت ترجع بدري عشان تقعد مع سحلول حبيبها اللي يوماتى مغرقها حب و عشق و نعيم زى الحرير
و قالت تعدى على الكوافير تعمر فورمة حلوة و اشترت له هدية .. وصلت الشقة
سحلولة : سحلولى حبيبي .. يا روحي أنت فين .. سحلولى
فضلت تنادى و تدور و ملهوش أثر ..قلقت أوى
سحلولة : يا دي النيلة ليكون الراجل نزل لوحده و هو خيبة و خام و ممكن يتوه ..اعمل إيه دلوقتى يا خواتى ... انزل أدور فين عليه .. خليني شوية لو اتاخر هنزل أدور عليه .. أحسن فورمة الشعر تبوظ و أنا عايزة أفضل محلوية
راحت سحلولة تفتح الشباك و فجأة لاقت شباك جارتها اللي قصادها مفتوح و جارتها
عمالة ترقص و لابسة الحتة الشفتشى و قاعد قدامها عم سحلول
محستش سحلولة بنفسها غير و هيا بتلطم و تصوت يا لهوووووووووووووووووى
و ووقعت على الأرض في حاله إغماء .. فاقت لقت نفسها في العباسية يا عيني
لا طالت إنس و لا جن
*****************
| |
|
| | |
لولا
سكرتيرة المنتدي ومشرفة قسم المشاكل العاطفية واعرف حقك
عدد الرسائل : 20190
تاريخ الميلاد : 14/02/1988
العمر : 36
الحالة : بتمنى رضا الله
Loisirs : احب الله ورسوله
نشاط العضو :
تاريخ التسجيل : 28/07/2009
| | موضوع: رد: مغامرات سحلول و سحلولة 27/10/2009, 04:52 | |
| ههههههههههههههههههههههه جميلة اوى يا نودى | |
|
| | |
جوجو
عضوة في الادارة ومـشـرفه قسم الاحزان وقسم التعارفــــ ,والفائزه فى مسابقه اجمل تصميم فستان خطوبه
عدد الرسائل : 14924
تاريخ الميلاد : 27/01/1990
العمر : 34
الحالة : نحن اليهود لسنا إلا سادة العالم ومفسديه، ومحركي الفتن فيه وجلاديه".
Loisirs : أَحْلاَمُنَا فِي الأٌفُقِ حَائِرَة .. تُفَتِشُ عَنْ مَكَان .. جَثَت السِنِين تَنَامُ بَيْنَ ضُلُوعِنَا ... لِأشُمَّ رَائِحَة شَيء مَاتَ فِي قَلْبِي ... وَ تَسْقُطُ دَمْعَتَان ! فَالعِطْر عُطرك وَ المَكَان هُوَ المَكَان ! لَكِن ! شَيء تَكَسَر بَيْنَنَا ! لاَ أَنْت أَنْت وَلاَ الزَمَان هُوَ الزَمَان ..
نشاط العضو :
تاريخ التسجيل : 10/04/2009
| | موضوع: رد: مغامرات سحلول و سحلولة 27/10/2009, 06:43 | |
| هههههههههههههههههه
فقريه
تسلم ايدك | |
|
| | |
سندرا
مشرفه قسم الوصفـــــــــات الطبيعيه والتراث وتاريخ مصر والوطن العربى
عدد الرسائل : 3071
تاريخ الميلاد : 22/08/1990
العمر : 34
نشاط العضو :
تاريخ التسجيل : 12/02/2009
| | موضوع: رد: مغامرات سحلول و سحلولة 27/10/2009, 22:43 | |
| ههههههههههههههههههههه
تسلم ايدك ياقمر | |
|
| | |
أسير الصمت
مشــــرف قســم الاهلـــي
عدد الرسائل : 4399
تاريخ الميلاد : 27/09/1987
العمر : 36
الحالة : تمام الحمد الله
Loisirs : لا اله الا الله ... محمد رسول الله
نشاط العضو :
تاريخ التسجيل : 13/07/2009
| | موضوع: رد: مغامرات سحلول و سحلولة 27/10/2009, 22:58 | |
| | |
|
| | |
noody10
المدير العام ومشرفه قسم البنات وقسم المواجهه
عدد الرسائل : 6813
تاريخ الميلاد : 04/04/1990
العمر : 34
الحالة : tres Bien
نشاط العضو :
تاريخ التسجيل : 01/07/2008
| | موضوع: رد: مغامرات سحلول و سحلولة 28/10/2009, 03:15 | |
| | |
|
| | |
noody10
المدير العام ومشرفه قسم البنات وقسم المواجهه
عدد الرسائل : 6813
تاريخ الميلاد : 04/04/1990
العمر : 34
الحالة : tres Bien
نشاط العضو :
تاريخ التسجيل : 01/07/2008
| | موضوع: رد: مغامرات سحلول و سحلولة 28/10/2009, 03:16 | |
| | |
|
| | |
noody10
المدير العام ومشرفه قسم البنات وقسم المواجهه
عدد الرسائل : 6813
تاريخ الميلاد : 04/04/1990
العمر : 34
الحالة : tres Bien
نشاط العضو :
تاريخ التسجيل : 01/07/2008
| | موضوع: رد: مغامرات سحلول و سحلولة 28/10/2009, 03:18 | |
| | |
|
| | |
noody10
المدير العام ومشرفه قسم البنات وقسم المواجهه
عدد الرسائل : 6813
تاريخ الميلاد : 04/04/1990
العمر : 34
الحالة : tres Bien
نشاط العضو :
تاريخ التسجيل : 01/07/2008
| | موضوع: رد: مغامرات سحلول و سحلولة 28/10/2009, 03:20 | |
| | |
|
| | |
ساسو
سكرتيره دودي ومراقبه عـام المنتدي ومشرفه قسم افتح قلبك وقسم القصص والرويات الطويله
عدد الرسائل : 4773
تاريخ الميلاد : 04/08/1990
العمر : 34
نشاط العضو :
تاريخ التسجيل : 27/07/2007
| | موضوع: رد: مغامرات سحلول و سحلولة 29/10/2009, 02:24 | |
|
سحلوله دى فقر اوى
هههههههههههههههههههههههههههههههه
بتفكرنى بام سحلول بتاعت سعديه
تسلم ايدك
| |
|
| | |
chitos
كـبار شخصيات المنتدي
عدد الرسائل : 2291
تاريخ الميلاد : 07/08/1983
العمر : 41
الحالة : فرشت رمل البحر ونامت واتغطت بشمس وصارت مثل النار اعصابى امتى الحلو تحس
نشاط العضو :
تاريخ التسجيل : 18/07/2009
| | موضوع: رد: مغامرات سحلول و سحلولة 29/10/2009, 12:53 | |
| | |
|
| | |
noody10
المدير العام ومشرفه قسم البنات وقسم المواجهه
عدد الرسائل : 6813
تاريخ الميلاد : 04/04/1990
العمر : 34
الحالة : tres Bien
نشاط العضو :
تاريخ التسجيل : 01/07/2008
| |
| | |
| | مغامرات سحلول و سحلولة | |
|
