نكت غلسه قبل ما تدخل

موضوع: نكت غلسه قبل ما تدخل 18/11/2009, 09:48

بحذرك عشان مش هتضحك دمك هيتحرق بس

مرة ولد صغير كل يوم يروح السوبر ماركت يسأل الراجل و يقول له في ايس كريم بالكوسة ؟
الراجل يقول له لأ لما زهق منه رابع يوم راح الولد يسأل فيه ايس كريم بالكوسة الراجل قال له ايوة فيه
الولد قال له يع !!!
- بطة كل يوم تروح السوبر ماركت تسأل الراجل عندك شرايط حمرة يقول لها لأ وبعد اسبوع لما زهق منها
قال لها لو جيتي تسألي تاني هادق رجليكي المبططة دي بالمسامير تاني يوم راحت تسأله عندك مسامير قال
لها لأ قالت له طب عندك شرايط حمرا ؟!!!
-اتنين سلاحف ماشيين في الصحرا و جعانين ومعاهم جبنة بس
فواحدة قال للتانية انا ها روح اشتري عيش بس اوعي تاكلي الا لما ارجع ومشيت
ومرت سنين ولسة ما رجعتش فالسلحفاة التانية جاعت قامت طلعت الجبنة عشان تاكل طلعت التانية و قالت
لها انا لسة ما ممشتش و شايفاكي !!!

مرة واحد غلس دخل السينما ملقاش غير واحد بس راح قعد وراه وقاله : دماغك لو سمحت علشان أشوف الفيلم ....

ليه السمك بيخاف من اتصالات؟
علشان أقوى شبكة.....

- طب ليه عملاء موبينيل هيدخلو الجنة؟
علشان هما أحسن ناس.....ـ

و ليه القطنه هتدخل معاهم؟
عشان مدام نظيفه قالت القطنه متكدبش....

- طب ليه عملاء فودافون ما بيبردوش؟
علشان فودافون أقوى تغطية.....

_ امتى السما يبقى لونها بتنجانى
لما الدنيا تبقى مسقعه.....

.....

ليه القطر مهم
...... عشان تحتيه خطين

ليه سندوتشات الكفته والبطاطس بتجري
...... عشان وجبات سريعه

ليه اليابان معندهاش حنان
........... عشان ف قاره آسيا )

ليه البرازيل معندهمش تين
............ .عشان ف امريكا اللاتينيه )

ليه الفيل بينزل البحر بالشورت الاحمر .
.......... عشان الشورت الاخضر مش نضيف

ليه واحد بلدياتنا بيحط جنبه منبهين
............ . عشان واحد يضرب والتاني يحوش

عكس نجيب محفوظ ؟؟ .
....... نودي محفوظ

واحد بلدياتنا ماشي تحت الكوبري و رافع ايده ليه ؟
......... عشان الكوربري مسلح

ليه الكلب بيهوهو
.......... عشان القطه بتنونو

ليه واحد بلدياتنا بيربي شنبه؟
عشان الدبانه تمسح رجليها قبل ما تدخل.....

عسكرى زهق من البندقيه عمل ايه
جاب حمصية.....

طماطمية عطست قالت
.... كا كا كاتشبب

واحد بيقول لواحد هى الساعة كام قالو انت فاكرنى جزرة وخد الشاكوش عالعجلة ومشى

حاجه بتجري وعندها راسين و 8 رجول
....... كلبين بيجروا جنب بعض

ليه القرد سريع
....... عشان القرد في عين امه غزال

اول مخلوق ظهر عالارض هو الحمار الوحشي ليه ؟؟
. ........ عشان ابيض واسود

و اخر مخلوق ظهر القنفد ليه ؟؟
عشان لسه بشوكه......

حاجه ليها اربع رجلين وطايره في الهوا.
....... قطه مضروبه بالشلوت

عاوزين نطير كلب نعمل ايه
.......... نضرب في ( 1\كلب )الكلب يطير مع الكلب

ليه النمل مش بترضي تركب الفيل قدامها عالعجله
........ عشان بيلعب في الجرس

فرخه معلقه سلسله فيها صوره بيضه ليه ؟؟
............ صورتها و هي صغيره

فرخه معلقه سلسله وفيها صوره طبق بيض اومليت ليه ؟؟
........... صوره اخوها الشهيد

ايه الفرق بين عمرو دياب و إليسا ؟؟
إليسا بتعمل شريط كاسيت ....
و عمرو دياب بيعمل شريط كاراجل ....

ليه المنبه بيرن
....... عشان مش معاه رصيد يتصل

ليه القطه بتدخل عن الحلاق_
...... عشان الباب مفتوح

طب ليه الأقرع بيدخل عند الحلاق _
........ عشان ياخد القطه

ليه الصيدلي بيبني عماره_
........ عشان يسكن الآلم

طب وليه العماره وقعت
......... عشان بنااادول إكسترا )

ليه قبضوا على صاحب شركه جهينه
.......... عشان ( زبادو ) متلبس

ليه القطه بتخربش
............ . عشان نفسها تكسب

ليه الأهرامات تلاته بس
.......... عشان الشلن مش هايكفى نحط واحد كمان

ليه السائح بيتصور جنب الاهرامات
.......... عشان يطلع في الشلن

ليه الام مدرسه
........ عشان بتذاكر لولادها

عكس بالونه ايه ؟؟ .
........ نشفونا

ليه الفيل بيلبس شرابات خضرا
........ عشان خضرا بتلبس شراباته

عاوزين نحط فيلين في برطمان من غير ما يلمسوا بعض نعمل ايه ؟؟ ......
نحط فيل ما بينهم و نحطهم في البرطمان

ليه عمر دياب و هو بيقول فى اغنيه راجعين مخبطش فى اللى وراه
عشان طلعت زين واقف وراه وبيقولو تعالا تعالا

عاوزين نركب 4 افيال على عجله نعمل ايه ؟؟
........... نركب فيل و نديله البرطمان يمسكه في ايده

حكموا على صاحب شركه موبينيل احكام كتيره اوووي ليه
..... عشان بيتحاسب بالثانيه

خمسه بلدياتنا قاعدين في اوضه كل يوم يخرج واحد ليه
...... بيلعبوا ستار ميكر

قطر ماشي بسرعة 60 كلم في الساعة فكم عصفورة في الشجرة اذا كان الببسي ب75 قرش؟

ايه وجه الشبه بين البطيخ و الشمام
....... الاتنين اجازه الحلاقين

حاجه صغيره و لونها احمر و بتاكل الزلط
......... بنت الحاجه الكبيره اللي لونها احمر و بتاكل الزلط

طب حاجه لونها اسود و بتاكل الزلط.
........ ظل الحاجه الصغيره اللي لونها احمر وبتاكل الزلط

ليه الفراعنه ريحه بقهم حلوه
......... عشان كان عندهم ابو الهولز

طب عندنا ازازه حاجه ساقعه و فيها طوبه .. عاوزين نطلعها من غير مانكسر الازازه ؟
........ نجيب الحاجه الحمرا الصغيره اللي بتاكل الزلط و نحطها في الازازه

ليه الفراعنه كانوا عيال
........... عشان كانوا بيرسموا عالحيطه

طب ليه ابو الهول كان وشه اصفر
......... من خوفو

طب اتنين فراعنه قعدوا عالقهوه هايطلبوا ايه ؟؟
...... اتنين اااااامون و حجر رشيد لايت

واحد ماشي في الشارع و لابس كوتشي ابيض ليه ؟؟
........... عشان ماشي مع الطقم

واحد بلديتنا واقف قدام المرايا و مغمض عنيه ليه ؟؟
............ ......... .... بيشوف شكله و هو نايم

مهندس كمبيوتر، حلل دمه، طلعت فصيلته
.......... HP

لية السمك بيخاف من الجنية....؟!
علشان الجنية فية 100 قرش.........

شوية فيزيا بقه

واحد تايه في الصحرا ومعاه مسطره حرف تي ..يعمل ايه ؟؟ .......... يسمك المسطره ويقيس مسافه ... يكاملها تبقى سرعه ...
يكاملها تاني تبقى عجله ... يركب العجله

ليه اللبن جايب ( ض.ج ) في الرسم ؟؟
............ .. عشان لما بيقطع مش بيهشّر

ليه اللبن جايب ( ض.ج ) في الرياضه ؟؟
............ .. عشان لما بيــ( كامل الدسم ) بينسى يحط الثابت

قلتلكو غلسه