| | ياحبيبتشى يا مصر يا مصر ..! |  |
|
|
| كاتب الموضوع | رسالة |
|---|
falcon
الراجل المفتري ومشرف قسم السيمنار والمناقشات الهامه
عدد الرسائل : 3860
تاريخ الميلاد : 08/10/1983
العمر : 41
الحالة : لسة عاقل
نشاط العضو :
تاريخ التسجيل : 21/03/2008
|  موضوع: ياحبيبتشى يا مصر يا مصر ..!  6/12/2009, 03:11 | |
|
اقتراح للحكومة
عندي اقتراح حلو للحكومة هاتخليها تضرب عصفورين بحجر واحد.. ممكن تعاقب اللي بيحرقوا قش الارز بالحكم عليهم بركوب قطار الصعيد ..!
*******
أعداء المصريين
اهم المتسببين في مصرع المواطن المصري هذه الايام: الماس الكهربائي.. المختلين عقليا.. الرصاص الخطأ.. الهبوط المفاجيء في الدورة الدموية اثناء التواجد باقسام الشرطة..!
*******
السبب المعتاد لكل الحوادث
صرح مصدر مسئول أن سبب حادث قطار العياط هو تعرض جاموسة " مختلة عقليا " الى "ماس كهربائي" مما أدى الى سقوطها " قضاء و قدرا " أمام القطار ..
*******
انت في مصر
بعد حادث العياط هيكون الشعار الجديد لهيئة السكة الحديد: المصرى اللى على حق .. يموت فى القطر من غير ما يقول لأ ..!
*******
واتشافيزاه
بعد ما شاف كتير من العرب المواقف القوية والجريئة اللي اتخذها زعماء اجانب في مواجهة العدوان الاسرائيلي على غزة بعكس مواقف حكامنا الحكيمة ، تغير النداء التاريخي الشهير: وامعتصماه .. إلى واتشافيزاه وواأردوجاناه ..!
*******
من اجل مين ..!
شعار مؤتمر الحزب الوطني هذا العام "من أجلك أنت" .. " أنت " دي راجعة على مين بالظبط ..!
*******
عساكر الجيش
بطولة كأس العالم للشباب اللي استضافتها مصر حققت رقم قياسي في نسبة الحضور الجماهيري للمباريات بعدد 1295568 مشجع .. اكتر من نصهم عساكر جيش لابسين ترنجات ملونة ..!
*******
عباس
عباس بيقول ان قيادات حماس هربت على سينا في سيارات اسعاف وقت حرب غزة.. ده طبعا على اساس ان مصر وكالة من غير بواب .. بس البشمهندس ابو مازن نسي يقولنا سعيد صيام ونزار ريان وولاد محمود الزهار استشهدوا في انهي منطقة في سينا بالظبط ..!
*******
شعب الله المحتار
مفيش شعب على وجه الارض محتار دلوقتي زي المصريين .. 2/صفر تطلعنا كاس العالم ولاّ لأ؟ ، نودي عيالنا المدارس ولاّ لأ؟ ، النقاب صح ولا لأ؟ ، الحج هيتلغي ولا لأ؟ ، مصل انفلونزا الخنازير مضر ولا لأ؟ .. بقينا شعب الله المحتار ..!
*******
النقاب
المسلمين معتصمين داخل المسجد الأقصى لحمايته من الصهاينة المتعصبين اللي عايزين يقتحموه .. والعالمة الإسرائيلية فازت بجائزة نوبل في الكيمياء .. واحنا عمالين نقطع في بعض ونتخانق ونصرخ النقاب صح ولا غلط ..!
*******
إيطاليا هي عقدتنا
كنا فاكرين اننا بقينا عقدة ايطاليا، طلعت إيطاليا هي اللي عقدتنا .. دايما بعد ما نفوز عليها نخسر الماتش اللي بعده من فريق ضعيف ونودع البطولة اللي بنلعب فيها .. بلاش نفوز على إيطاليا بقى بعد كده ..!
*******
شاليط
اسرائيل بقالها 3 سنين بتتفاوض على جندي أسير ولسه بيناضلوا علشان يحرروه ، ورضيوا يفرجوا عن 20 اسيرة مقابل دقيقتين فيديو عنه .. هما الجماعة دول مكبرين الموضوع ولا احنا اللي ما نعرفشي قيمه البني ادم ..!
*******
الاسماء الخماسية
خلاص يا جماعة بقينا متخصصين في ترويق ايطاليا الف مبروك يا شباب مصر .. بس فيه ملاحظة بسيطة .. نفسي اعرف مين العبقري صاحب فكرة كتابة اسماء اللاعبين خماسية على شاشة التلفزيون المصري .. هو احنا هانطلعلهم بطاقة ..!
*******
إيران
وزير الخارجية احمد ابو الغيط بيقول ان إيران دولة إسلامية صديقة وشقيقة وليست عدوا وان الخطر جاي من القدرات النووية الإسرائيلية .. بجد حمد الله على السلامة ..!
*******
الدكتور " نظيف"
سؤال لرئيس الوزراء الدكتور (نظيف) .. تفتكر يا دكتور (نظيف) ينفع شوارع القاهرة والجيزة تبقى بالقذارة دي يا دكتور (نظيف) واحنا سنة 2010 يا دكتور (نظيف) ..!
*******
عدل سابقا من قبل falcon في 6/12/2009, 03:26 عدل 2 مرات | |
|
| | |
لولا
سكرتيرة المنتدي ومشرفة قسم المشاكل العاطفية واعرف حقك
عدد الرسائل : 20190
تاريخ الميلاد : 14/02/1988
العمر : 36
الحالة : بتمنى رضا الله
Loisirs : احب الله ورسوله
نشاط العضو :
تاريخ التسجيل : 28/07/2009
| | موضوع: رد: ياحبيبتشى يا مصر يا مصر ..! 6/12/2009, 03:15 | |
| هههههههههههههههههههههه
حلوة اخر واحدة بس انت شحورت الحكومة يا حودة
والله في ايجابيات اكتر من السلبيات | |
|
| | |
falcon
الراجل المفتري ومشرف قسم السيمنار والمناقشات الهامه
عدد الرسائل : 3860
تاريخ الميلاد : 08/10/1983
العمر : 41
الحالة : لسة عاقل
نشاط العضو :
تاريخ التسجيل : 21/03/2008
| | موضوع: رد: ياحبيبتشى يا مصر يا مصر ..! 6/12/2009, 03:29 | |
|
ودا اقل من الحقيقه كمان ..
الايجابيات اللى بيحس بيها ناس غيرنا على فكرة ..
يسلم مرورك وردك لولا ..
نورتى يا قمر التوببك ..
| |
|
| | |
جوجو
عضوة في الادارة ومـشـرفه قسم الاحزان وقسم التعارفــــ ,والفائزه فى مسابقه اجمل تصميم فستان خطوبه
عدد الرسائل : 14924
تاريخ الميلاد : 27/01/1990
العمر : 34
الحالة : نحن اليهود لسنا إلا سادة العالم ومفسديه، ومحركي الفتن فيه وجلاديه".
Loisirs : أَحْلاَمُنَا فِي الأٌفُقِ حَائِرَة .. تُفَتِشُ عَنْ مَكَان .. جَثَت السِنِين تَنَامُ بَيْنَ ضُلُوعِنَا ... لِأشُمَّ رَائِحَة شَيء مَاتَ فِي قَلْبِي ... وَ تَسْقُطُ دَمْعَتَان ! فَالعِطْر عُطرك وَ المَكَان هُوَ المَكَان ! لَكِن ! شَيء تَكَسَر بَيْنَنَا ! لاَ أَنْت أَنْت وَلاَ الزَمَان هُوَ الزَمَان ..
نشاط العضو :
تاريخ التسجيل : 10/04/2009
| | موضوع: رد: ياحبيبتشى يا مصر يا مصر ..! 6/12/2009, 03:48 | |
| يبقى الوضع كما هوا عليه
مش اللى مش عاجبه يبص للسما
اللى افضل فى مصر مش تسال ليه وعشان ايه
تسمع القرار من هنا وتسكت مهما تجادل مش نافع
زى الاجازات مادوها عشان انفلونزا الخنازير ورجعوا لغوها
مدوا الامتحانات لاخر واحد والفترة اسبوعين طب ليه ياخروها ويعطونا فترة اطول
وليه لا اجابه
تسلم ايدك
| |
|
| | |
جوهرة القصر
عضو بدا الشغل
عدد الرسائل : 143
تاريخ الميلاد : 01/01/1989
العمر : 35
نشاط العضو :
تاريخ التسجيل : 02/09/2009
| | موضوع: رد: ياحبيبتشى يا مصر يا مصر ..! 6/12/2009, 03:56 | |
| مفيش شعب على وجه الارض محتار دلوقتي زي المصريين .. 2/صفر تطلعنا كاس العالم ولاّ لأ؟ ، نودي عيالنا المدارس ولاّ لأ؟ ، النقاب صح ولا لأ؟ ، الحج هيتلغي ولا لأ؟ ، مصل انفلونزا الخنازير مضر ولا لأ؟ .. بقينا شعب الله المحتار ..!
عندك حق والله ربنا يرحمنا | |
|
| | |
falcon
الراجل المفتري ومشرف قسم السيمنار والمناقشات الهامه
عدد الرسائل : 3860
تاريخ الميلاد : 08/10/1983
العمر : 41
الحالة : لسة عاقل
نشاط العضو :
تاريخ التسجيل : 21/03/2008
| | موضوع: رد: ياحبيبتشى يا مصر يا مصر ..! 6/12/2009, 04:06 | |
| تسلمى جوجو ..
نورتى التوبيك ..
| |
|
| | |
falcon
الراجل المفتري ومشرف قسم السيمنار والمناقشات الهامه
عدد الرسائل : 3860
تاريخ الميلاد : 08/10/1983
العمر : 41
الحالة : لسة عاقل
نشاط العضو :
تاريخ التسجيل : 21/03/2008
| | موضوع: رد: ياحبيبتشى يا مصر يا مصر ..! 6/12/2009, 04:08 | |
| هلا بيكى جوهرة ..
منورة الموضوع بمرورك وردك يا جميل ..
| |
|
| | |
زائر
زائر
| | موضوع: رد: ياحبيبتشى يا مصر يا مصر ..! 6/12/2009, 09:17 | |
| حبيبتنا كلنا يا حوده
وخصوصا علي شبابنا الي متبهدل في بلاد الناس كدا
ومش لاقي في بلده مكان له يعرف يعيش منه بمستوي كويس
بجد قبلي بيقهر لما تبص علي صالات الذهاب والعوده في المطارات
كلهم شباب ماشا الله عليهم
متغربين
بلد فعلا مبهدله ناساها
خلي عموو يعبي زي ما يحب
تسلم يا حوده
|
|
| | |
falcon
الراجل المفتري ومشرف قسم السيمنار والمناقشات الهامه
عدد الرسائل : 3860
تاريخ الميلاد : 08/10/1983
العمر : 41
الحالة : لسة عاقل
نشاط العضو :
تاريخ التسجيل : 21/03/2008
| | موضوع: رد: ياحبيبتشى يا مصر يا مصر ..! 8/12/2009, 01:18 | |
| اها عارفه سارة المصريين بقوا بيفضلوا اى بلد فى الدنيا غير بلدهم ..
سيبك بقى من كلام نص الكوبايه المليان والمسكنات الغريبه دى ..
لان بجد الوضع بقى للاصعب والاسوء دايما ..
وحسبى الله ..!
نورتى سارة التوبيك ..
| |
|
| | |
زائر
زائر
| | موضوع: رد: ياحبيبتشى يا مصر يا مصر ..! 8/12/2009, 01:24 | |
| اه والله يا حوده
التوبيك دا بالذات جه علي الجرح
لان اخويا مسافر
ومجربه معاه كله
حسبيا الله ونعم الوكيل
وخلي عمووو يوحش
|
|
| | |
falcon
الراجل المفتري ومشرف قسم السيمنار والمناقشات الهامه
عدد الرسائل : 3860
تاريخ الميلاد : 08/10/1983
العمر : 41
الحالة : لسة عاقل
نشاط العضو :
تاريخ التسجيل : 21/03/2008
| | موضوع: رد: ياحبيبتشى يا مصر يا مصر ..! 8/12/2009, 01:34 | |
| تعرفى ان معظم تقدم بلاد الخليج دى كان على اكتاف وبايد المصريين ..!
تعرفى كمان الوضع بقى للاسواء فى كل حاجة حتى التمييز والتعامل ..!
عارفه عائشه عبد الهادى - واللى بعتبرها الافشل على الاطلاق فى مهام منصبها - وسمعتى بعقد توريد خادمات مصريات للعمل فى السعودية اللى عملته وشوفتى ازاى قعدت تفخم وتهول منه واعتبرت انجاز ولما المثقفين اعترضوا وتمت مناقشته اترفض ..!
تعرفى لما دكتور ايمان يحيى رد على التعاقد دا بانه نشر اعلان فى جريدة مصرية " مطلوب خادمة سعودية مقيمة لأسرة مصرية ميسورة.. مرتب مجز " كان الرد الاف المكالمات اللى انهالت عليه بالشتائم واللعنات من السعوديين وغيرهم ..
عارفه ليه .. لانهم اعتبروا دا اهانه لبلدهم ..
حسبى الله حسبى الله حسبى الله ..!
نورتى يا دوك ..
| |
|
| | |
زائر
زائر
| | موضوع: رد: ياحبيبتشى يا مصر يا مصر ..! 8/12/2009, 09:18 | |
| واكتر كتير يا محمود والله
شوف انتا في اي دوله عربيه بيكون فيها المصري مهان اد ايه
يعني مثلا نظام الكفيل الي بيعملوه علينا دا
ليه احنا لما حد منهم بيجي عندنا مش بنعمل عليه كفيل
ولا احنا بس الي نتزل بواحد ممكن يرجعك بلدك تاني في اي وقت وتخسر فلوسك
وبياخد منك فلوس كدا من غير سبب
حاجه زل الزل بجد
احنا لو قعدنا نقول امثله من هنا لبكره مش هنخلص
وخلي عموووو يحوش
|
|
| | |
mido real love
عضو في الادارة ومشرف مميز لمنتدى الافـــــــــــلام واهلاوى متعــــــــــصب جداااا
عدد الرسائل : 19575
تاريخ الميلاد : 25/09/1989
العمر : 35
الحالة : LoNlEy4EvEr
Loisirs : you always steel in my heart
نشاط العضو :
تاريخ التسجيل : 25/07/2009
| | موضوع: رد: ياحبيبتشى يا مصر يا مصر ..! 8/12/2009, 16:32 | |
| جيتع الطرف الحساس يا حوده
البلد اصلا السيستم بتاعها بايظ
والناس الكبيره هما اللى واخدين خيرها
ونفسى يتغير فيها حاجه بقى
عشان الواحد زهق خلاص
تسلم ايدك يا حوده
| |
|
| | |
falcon
الراجل المفتري ومشرف قسم السيمنار والمناقشات الهامه
عدد الرسائل : 3860
تاريخ الميلاد : 08/10/1983
العمر : 41
الحالة : لسة عاقل
نشاط العضو :
تاريخ التسجيل : 21/03/2008
| | موضوع: رد: ياحبيبتشى يا مصر يا مصر ..! 8/12/2009, 19:11 | |
| لا عموووو مش بيشبع تحويش ..
ييجى بقى ياخد لبسى بالمرة ..!
| |
|
| | |
falcon
الراجل المفتري ومشرف قسم السيمنار والمناقشات الهامه
عدد الرسائل : 3860
تاريخ الميلاد : 08/10/1983
العمر : 41
الحالة : لسة عاقل
نشاط العضو :
تاريخ التسجيل : 21/03/2008
| | موضوع: رد: ياحبيبتشى يا مصر يا مصر ..! 8/12/2009, 19:15 | |
| الناس الكبيرة كل حاجة ليها يا ميدو ..
حتى القانون مش البلد واللى فيها بس ..!
نورت يا باشا التوبيك ..
ميرسى لمرورك وردك ..
| |
|
| | |
| | ياحبيبتشى يا مصر يا مصر ..! | |
|
