حركات هابله بس بنعملها كل يوم

بصراحه في حركات هبله بنعملها كل يوم

واحنا عارفين انها هابله ومع ذالك بنعملها

مثلا:

ليه بعد ما نشرب كانز البيبسي ونخلص نهز العلبه

يعني مستني عفريت يطلعلك من الكانز يقولك

مبروك كسبت كمان شفطه

ليه اذا شفنا علي جدار او عامود نور عباره:احترس من الدهان

ما نصدقش ونجرب باصابعنا يعني لازم يحلفوا

ليه اذا كانت بطاريه الريموت الكنترول ضعيفه نضغط بقوة علي الازرار

يعني كده هتشحن البطاريه

لي اذا تاخر الاسانسير نضغط علي الزر كذا مره

يعني كده خلاص هيحس علي دمه ويجي بسرعه

ليه لما نكون قاعدين في مكان عام ونسمع رنه مسج

ولا رنه موبايل علي طول نشوف موبايلنا

يعني انت مش عارف رنه موبايلك

عشان كل ما واحد يرن تبص

ليه كل ما بنفتح باب التلاجه نلاقى نور التلاجه منور هو مال سايب

ليه كل مانوقف تاكسى نقوله فاضى يا سطه مع ان العربيه مهويه

ليه كل ما يجى حد يقول نكته يقول سمعت اخر نكته على اساس اللى انا حافظ النكت بالترتيب

ليه كل ما حد يروح اى محل يقوله عندك بيبسى مع ان التلاجه قدامه مليانه ازايز