مرات هريدى شرفت الحريم

موضوع: مرات هريدى شرفت الحريم 14/12/2009, 00:35

عملوا اجتماع نسائى لبحث مشاكل الزوجة مع زوجها
وكان مشترك فى هذا الاجتماع من جميع جنسيات العالم
وكان طبعا مشرفنا من مصر زوجة ( صعيــدية )

المهم جت رئيسية الاجتماع وقالت اننا لازم كلنا ناخد موقف ونقول لرجالتنا
اننا مش اضعف منهم ... عشان كده كلنا هنعلن التمرد فى البيوت ونتقابل
بعد اسبوع ونشوف ايه النتيجة
المهم اتقابلوا بعد اسبوع ...!!
رئيسة الاجتماع سالت الانجليزية وقالت لها عملتى ايه
قالت لها انا قولت لجوزى مش هكنس ولا همسح ولا هطبخ ولا هعمل اى حاجة
اول يوم ما شوفتش منه حاجة تانى يوم قاللى انا عرفت قيمتك دلوقتى وانا هساعدك
فى شغل البيت على طول
قالتلها برافوا نتيجة جميلة ....
طب والسيدة الفرنسية عملتى ايه .....؟؟
قالت انا قولت لجوزى مش هكنس ولا همسح ولا هطبخ ولا هعمل اى حاجة فى البيت
اول يوم ما شوفتش حاجة تانى يوم ما شوفتش حاجة تالت يوم جه وقالى انا من النهاردة
معاكى فى كل حاجة تعمليها فى البيت
قالتلها تمام .. نتيجة رائعة ....!
طيب والاخت المصرية ( اللى هى الصعيدية يعنى ) عملتى ايه ....!!
قالت لها انا قولت لهريدى جوزى مش هكنس ولا همسح ولا هغسل ولا هعمل اى حاجة
اول يوم ما شوفتش حاجة
تانى يوم ما شوفتش حاجة
تالت يوم ابتديت اشوف شوية بعينى الشمال ..........!!