سيد أبو حفيظة .. الفساد أفضل لاعب فى مصر لأنه وبرغم كل السن ده مش بيفكر يعتزل!

المسئول الوحيد الذي تمنيت إجراء حوار معه السنة اللي فاتت..
جاموسة قطر العياط!..

سيد أبو حفيظة .. الفساد أفضل لاعب فى مصر لأنه وبرغم كل السن ده مش بيفكر يعتزل! 39333051

سيد أبو حفيظة .. الفساد أفضل لاعب فى مصر لأنه وبرغم كل السن ده مش بيفكر يعتزل! 39333051

عام فيه حديث متصاعد عن التوريث، وضرائب عقارية تجز جيوب المصريين،
وعبارات تغرق في النيل، وسيارات تصطدم في الطرق وكأنه نشاط يومي طبيعي،
وارتفاع جنوني للأسعار

ذهبنا له بـ«ربطة المعلم»، وكان هو كعهدنا به، وسيم، جذاب، أنيق، يرتدي
بدلته رائعة التصميم، والنظارة ماركة «كعب كوباية»، وفوق قفاه يرفرف ذلك
المنديل المحلاوي الفريد الذي أصبح موضة يتابعها الشرق والغرب بانبهار دون
أن يكونوا قادرين علي تقليدها.

حتي لو كان هناك من يتحفظ علي أداء وطريقة وأخبار «أبوحفيظة» التي يخرج
بها في برنامجه الشهير «نشرة أخبار الخامسة والعشرون»، فإن «أبوحفيظة»
أصبح علماً حقيقياً من أعلام «الإعلام المواز

في هذا اللقاء الاستثنائي، وبعيدا عن اختياره للفساد كأفضل لاعب في مصر
لعام 2009 لأنه «رغم كل العمر ده مش راضي يعتزل»، وتأكيده علي شعوره
بالحزن والتقصير المهني الشديد لأن جاموسة قطار العياط ماتت ق أولاده،
ورأيه في منافسيه من مقدمي برامج التوك شو، كما يكشف عن سر سيدهش العالم
كله وهو أن الحالة المرضية الغريبة التي أصابت مايكل جاكسون وتسببت في
موته، بدأت آثارها في مصر عندما ذهب في زيارة خاصة سرية إلي مراحيض محطة
مصر!

بعيدا عن «أبوحفيظة» يتمتع «أكرم حسني»- اللي هو سيد أبوحفيظة برضه! -
بخفة دم لافتة، وحضور تلقائي، وقدرة على التقاط القفشة وصناعة الإفيه،
وهاهو يستعد للقيام ببطولة أول فيلم سينمائي من بطولة "أبو حفيظة" كما
يستعد لإطلاق أول ميني توك شو قريبا سيظهر معه فيه "ضيف من طراز خاص" رفض
الإفصاح عن اسمه معتبرا أن ذلك سيكون مفاجأة الموسم وكل موسم.

أيها السادة.. اربطوا الأحزمة.. اكتموا أنفاسكم.. شدوا المناديل المحلاوية
فوق رؤوسكم.. واستمعوا إلي عبقرية التحليل وعمق الرؤية لعام 2009 من أوله
لآخره بتوقيع.. سيد أبوحفيظة..

> من ترشح ليكون شخصية عام 2009 في مصر؟ ولماذا؟

- والله أنا بشوف إن شخصية كل عام وليس في 2009 فقط هو المواطن المصري،
فهو شخصية كل السنين لأنه بالرغم من كل الظروف التي تحدث حولنا قادر علي
أنه يكملو يستمر ويصمد.

> من هو رجل العام في مصر؟

- لأ مفيش!

> يعني مفيش رجالة في مصر؟

- لا بس الإعلان بيقول الراجل مش بس بكلمته، الرجل برعايته لبيته وأسرته..
في الظروف اللي إحنا فيها دي مفيش حد عارف لا يرعي بيته ولا أسرته، يعني
من بعد الأزمة المالية ما بدأت ما ظهرش رجالة.

> وسيدة العام؟

- مروة الشربيني هي سيدة العام طبعاً.

> لماذا؟

- لأنها راحت ضحية تعصب وكراهية ضد العرب والمسلمين بدون أي ذنب فهي تستحق أن تكون شخصية العام.

> أليس من الغريب أن تكون هي سيدة العام في مصر بالرغم من أنها كانت تعيش خارج مصر؟

- لكن مروة الشربيني كانت تمثل كل أسرة مصرية لأنها فتاة محجبة كانت تعيش
في سلام ولم تفعل أي شيء ثم تم قتلها بدون أي ذنب وأعتقد أنها تمثلنا كلنا.

> ومن يستحق لقب سيتي ستارز السنة الماضية؟ ولماذا؟

- مهند، لأنه خد لقطة مني، فأنا بعد المعجبات وحب البنات لي ظهر هو فجأة
وسحب السجادة من تحت رجلي وللسبب ده أنا شايف إنه يستحق لقب سيتي ستارز
هذا العام

> وماذا ستفعل معه في 2010؟

- لا هناك خطة للتعامل مع مهند. فهو بيرن لي من فترة للتانية، وأنا باقوم
من النوم أكلمه. لكن أنا ناوي في الفترة الجاية ما أعبروش وحتي لو اتصل مش
هارد عليه.

> أفضل مسرحية اتفرجت عليها في 2009؟

- هو إحنا عندنا مسرح في مصر؟.. ما أظنش إن عندنا مسرح.. أنا سمعت إن فيه
مسرحية اسمها «قهوة سادة» بس ما رحتش أشوفها لأني بأشربها علي الريحة لكن
سمعت أنها ظريفة.

> وما الفيلم الذي تراه أكبر فيلم مقاولات في 2009؟

- «دكتور سيلكون» اللي بيقولوا فيه «أبوأمك»..فيه في الدنيا فيلم يكون بطولة مروي وتكون أغنية الفيلم اسمها «أبوأمك»؟

> واضح إنك متابع جيد للسينما؟

- أنا متابع لكل اللي بيحصل.. أنا حتي لسه شايف «ولاد العم».

> هل أعجبك الفيلم؟

- أعجبني جدا، أعجبني أداء الممثلين خصوصا شريف منير كان مميزاً جدا وكريم
ومني.. كلهم أولادي وبيستفيدوا من تجربتي في التمثيل فلازم يعملوا حاجات
كويسة.

> وهل سيتجه أبوحفيظة للسينما؟

- إن شاء الله سأظهر في دور جامد جدا في الفترة الجاية.

> وما الدور؟

- دور أرضي بجنينة.. سألت أكثر من سمسار حتي وصلت له!

> ألا تخشي من نفسنة النجوم عليك بسبب دخولك مجال التمثيل؟

- طول الوقت فيه نفسنة علي أبوحفيظة، أنا متعود علي النفسنة من قبل الفيلم
كمان، ومش عارف السبب في ده.. هل بسبب وسامتي مثلا أو لباقتي طبعا كلكم
عارفين إن أبوحفيظة لبق.

> كيف ستتعامل مع هذه النفسنة؟

- بنفسنة برضه.. يعني هينفسنوا عليا واسكت.. ينفسنوا هانفسن أنا كمان.

> إيه أكتر أغنية شعبية أعجبتك خلال عام 2009؟

- «أنا مش عارفني».. للأستاذ عبد الرحمن حمودة.. هم بيقولوا له عبد الباسط بس أنا أعرف إنه هو عبد الرحمن.

> هل تعرفه شخصياً؟

- عبد الرحمن ساكن في الدويقة وأنا ليا باع في الدويقة وهو ابن بلد وجدع
جدا ولما غني «أنا مش عارفني» حسيت إنه بيتكلم عني، لأني منذ فترة مش
عارفني ولحد دلوقتي لسه مش عارفني.

> ما أكثر أغنية رومانسية أثرت فيك خلال العام الماضي؟

- أكثر أغنية رومانسية أثرت في في 2009 هي «راجل وست ستات» لأنها من
الحاجات الناعمة والمؤثرة التي تعبر عن حال الرجل في المجتمع المصري.

> وما الأغنية الوطنية اللي عجبتك؟

- أغنية «ما تزعليش يا مصر» لهشام عباس.

> من هو أفضل واحد غني علي المصريين في 2009؟

- بصراحة هم كتير قوي.. كل يوم بيطلع واحد جديد يغني علي المصريين وأبقي
مجحفاً لو قلت لكم اسم واحد بس لأن من كترهم مش عارف أختار واحد بس.. اللي
بيغنوا علينا كتير قوي.

> ومن هو أفضل لاعب في مصر في سنة 2009؟

- أفضل وأهم لاعب في مصر هو الفساد، لأنه وبرغم كل السن ده لسة قادر علي العطاء ومش بيفكر يعتزل!

> من الفتاة التي تختارها لتكون ملكة جمال العام؟

- أرشح مدام عصمت اللي في عمارتنا في الدور السابع، مدام عصمت قدرت تثبت
إن الست المصرية بعد الزواج بتاخد شكل مربع ومن نظرياتها كمان إن مش شرط
فتحات المناخير تبقي اتنين فأنا بأرشحها تكون ملكة جمال مصر.

> أفضل كتاب قرأته في 2009؟

- أفضل كتاب قرأته في 2009 كان ديوان شعري اسمه «فتافيت العذاب ياشوية
كلاب» لابن المهلهل كان يحكي تجربة موظف بيروح شغله كل يوم بالمواصلات
العامة.

> هل تتذكر منه أي أبيات شعرية؟

- لا مش فاكر بصراحة بس أنا فاكر إنه كان مكتوب بأسلوب شيق وكأن فيه واحد دايس علي رجله.

> ما الحدث الأهم في 2009؟

- أهم حدث علي المستوي العام إن بيبو فرقع جيجي، لأن جيجي ما تستاهلش وبيبو مستمر في الفرقعة لحد النهارده وجيجي

> ما الحدث الفني الأهم؟

- مهرجان القاهرة السينمائي، لأني بشوف فيه الممثلات لابسين عريان!، باقعد
اتفرج علي الفساتين اللي كلها من تصميم هاني البحيري وبأحس إن الولد ده
مجتهد في الفترة دي من السنة!

> وأهم حدث اقتصادي؟

- أهم حدث اقتصادي إنهم سدوا الخرم بتاع الربع جنيه، ده حدث مهم جدا لأني
اكتشفت إن الخرم ده هو اللي بيجيب الهوا فكون إنهم يستوعبوا مشكلة زي دي
ويسدوا الخرم.. دي نقلة اقتصادية رهيبة.

> ما الحدث السياسي الأهم من وجهة نظرك؟

- والله، فيه

> ما الحدث الذي أسعدك في 2009؟

- مفيش حاجة مفرحة خالص.. في 2010 وعليك خير. آخر حاجة حصلت وفرحتني كان جون مجدي عبد الغني في كأس العالم 90 دي كانت آخر فرحتني.

ما الذي جعلك تضحك من قلبك خلال عام 2009؟

- أكتر حاجة ضحكتني هي الملف اللي قدمه اتحاد الكرة للفيفا بعد مباراة
الجزائر، لأنهم قعدوا يحضروا له فترة طويلة ولما راحوا للفيفا رموه في
وشهم وقالوا لهم إيه الملف الضعيف ده عار عليكم كمصريين تقدموا لنا حاجة
كده، بصراحة قعدت أضحك من الهم.

> متي نزلت دموعك خلال العام الماضي؟

- يوم ما مايكل الله يرحمه مات طبعا لأني كنت أشعر أن هناك تشاب

> من الذي كان يدفع تكاليف هذه المكالمات؟

- علي حساب مايكل طبعا ل

> هل كان مايكل جاسكون حريصا علي أن يلتقط صورا له معك؟

- طبعاً لنا صور كتير.. لما وصل هنا أخذته في زيارة لحديقة الأزهر واتفرج
عليها وطلب مني إننا نتصور مع بعض وأنا في الحاجات دي متواضع جدا مش باقول
ده لسة بيبدأ حياته وأنا فين وهو فين، أنا باتصور مع كل الناس وهو في
النهاية ابننا ولازم نساعده.

> بعد كليبك الأخير ألا تنوي احتراف الغناء؟

- كان في مشروع دويتو مع مايكل الله يرحمه لكنه مات قبل ما نكمل المشروع..
هو كان دويتو اسمه ياما دقت علي الراس طبول« مايكل كان هيغني عربي وأنا
هأغني إنجليزي بس للأسف مات الله يرحمه.

> ما تفاصيل المشروع؟

- هو فكرتي ومن كلماتي وألحان عصام كاريا وعلي فكرة كاريكا كان عمال لنا
لحن نوبي جميل، وكان مايكل هيغني فيه هو الجزء العربي وأنا هغني الجزء
الإنجليزي ومعانا مترجم هو اللي كان هيطلع في الكليب لوحده.

> في نظرك ما أهم المشكلات التي واجهها الشعب المصري خلال العام الماضي؟

- واحنا مفيش عندنا مشاكل وعمري ما سمعت عن أن المصريين بتواجههم أي مشاكل
من أي نوع إحنا مبنسمعش ولا بنتكلم..هو إحنا لو بنسمع أو نتكلم كان ده بقي
حالنا؟

>
مفيش حد بيقابلك في الشارع وبيحكي لك علي مشكلته يقول لك مفيش معايا فلوس
مش عارف أجيب أكل للعيال مش عارف أوديهم مدرسة مش عارف أوديهم دروس
خصوصية..مش عارف أتجوز..مفيش حد قال لك الكلام ده؟

- اللي قابلتهم في الشارع مكنش فيهم نفس يقولوا الكلام، ده أنا وقفت جنب
واحد لقيته قاعد بينهج ومفهمتش منه حاجة بس دي حالات فردية مش هينفع
نعممها.

> ما الأكلة المفضلة لك؟

- أنا فيه أكلها بأحبها قوي ويمكن مش باكل غيرها اسمها «طاجن المرار
الطافح» والطاجن ده بيتكون من مجموعة عناصر موجودة عندنا كلنا.. شوية قمح
فاسد علي شوية لحم مصابة بفيروس (إنفلونزا الخنازير) ويتخفف بشوية مية وكل
الحاجات دي بتتروي بمياه الصرف الصحي وبتبقي حاجة ظريفة قوي.

> ومن صاحب فكرة هذه الأكلة؟

- أنا.. كنت بأعملها في البيت وحاولت أجمع العناصر المفيدة كلها واكتشفت أن كل حاجة متاحة وفي السوق وموجودة.

> وهل جربها آخرون غيرك؟

- والله الناس طافحاها لوحدها مش محتاجين أعرفهم عليها!

> ما وسيلة المواصلات اللي تستحق لقب أفضل وسيلة مواصلات في مصر في 2009؟

- رجليا طبعاً.. رجليا أسرع وسيلة مواصلات يعني انت النهارده اركب
ميكروباص أو أتوبيس وأتحداك إني أوصل قبلك لو أنا مشيت..مستحيل..اقف علي
كوبري أكتوبر كدة واركب أي وسيلة مواصلات عربية أو توك توك وأتحداك لو
وصلت قبلي وأنا ماشي علي رجليا.

> وفي المسافات الطويلة هل تستخدم قدميك أيضاً؟

- طبعا.. أبوحفيظة نشيط جدا وأنا لم أصل إلي هذا الوزن المتناسب غير
بالمشي والرياضة اليومية فأنا بامشي يوميا من عشرة إلي خمسة عشرة دقيقة
متواصلة كل يوم.

> وهل تسير علي نظام غذائي معين؟

- مفيش أي أكلات معينة غير طاجن «المرار الطافح» لكن أنا بامشي علي دايت..
باكل مكرونة كتير ورز كتير وخضار وفاكهة قليل مع رياضة والنتيجة مذهلة.

> من هو المسئول الذي تمنيت أن تجري معه حوارا ولم يحدث؟

- جاموسة العياط! كان نفسي أعمل معاها حوار لأنهم خلوها المسئولة عن حادث العياط فكان نفسي أتحاور معاها لكن البقاء لله.

> ما نوعية الأسئلة التي كنت ستوجهها لها؟

- كنت هسألها قبل ما تنزل من البيت استأذنت العجل اللي قاعد ولا لأ؟، وكنت
عاوز أسالها سواق القطار وهو هالل عليك كدة في اللحظات الأخيرة كان بيعمل
إيه؟ وعامل التحويلة كان موجود فين؟ وسرعة

> ما المكان الذي زرته العام الماضي وتري أنه الأجمل في مصر؟

- آه ده مكان رحته ومش

> هل تزوره كثيراً؟

- لما بتزنق!، وفخور إننا كمصريين عندنا حمامات بهذا الشكل.. يجي كل الناس يتفرجوا من اليابان وأمريكا.

> علي هذا لماذا لم تأخذ مايكل في زيارة إلي هناك بدلا من حديقة الأزهر؟

- علي فكرة بداية إصابة مايكل كانت من هناك.. إحنا بعد ما خلصنا في حديقة
الأزهر رحنا علي هناك ومن هناك بدات الإصابة تظهر علي مايكل. وهذا سر
أذيعه لأول مرة.

> ما الحلم الذي حلمته في 2009 وتحول إلي كابوس؟

- هو موضوع كأس العالم لأنه كان حلم عندنا كلنا ولكنه تحول إلي كابوس في أم درمان.

> هل فكرت في السفر إلي هناك لتشجع المنتخب؟

- بصراحة كت أتمني أروح لكن كان عندي شوية مشاكل هنا.. حفيظة بنتي كان عندها

> وأبوحفيظة شايف 2010 إزاي؟

- لا أبوحفيظة مش شايف حاجة علشان أكون صريح معاك.

> ما الحدث الذي تتمني ألا يتكرر في 2010؟

- كل 2009.

> ما أكثر شيء أزعجك في 2009؟

- إن المواطن المصري ماشي وحاطط وشه في الأرض كان فيه شوية حاجات كده..
مرة العبارة ومرة المعدية ومرة مروة الشربيني ومرة الدويقة وشوية الغاز
اللي بيتصدر لإسرائيل وأخيرا الضريبة العقارية.

> هل قدمت إقرارك الضريبي؟

- طبعاً!

> وهل تمتلك عقارات من أصله؟

- طبعاً.. أبوحفيظة حوت في العقارات بس أنا عندي تساؤل صغير..هم قالوا إن
اللي عنده عقار أقل من 500 ألف مش هيتحاسب طيب الوحدات اللي سعرها 499999
هتتحاسب ازاي. أنا عندي وحده كدة هاتحاسب إزاي؟

> من الذي تعطي له لقب «الرجل ده جدع» لهذا العام؟

- كل شاب خريج جامعة اشتغل قهوجي أوعلي عربية فول وما استناش تعيين الحكومة أعطي له لقب الرجل ده جدع.

> ما الخبر الذي تمنيت أن تسمعه في 2009 ولم تسمعه؟

- أعتقد أنه خبر مصر كلها نفسها تسمعه مش أنا بس.. إن فريق واما يرجعوا
يغنوا مع بعض كفاية فرقة بقي لأن الولاد عاملين حاجات حلوة قوي.

> ألم تحاول جمع شملهم مرة أخري؟

- آه طبعاً جبتهم وقلت لهم «ده كلام بقي ده اسمه كلام» وصالحتهم يعني.

> هل تنوي المشاركة بصوتك في انتخابات 2009؟

- لا أنا مفيش عندي بطاقة انتخابية.

> ألا تري أن هذا يعد نوعاً من السلبية؟

- أ

> هل سافرت للخارج من قبل؟

- آه طبعا..أنا يوم بعد يوم في المنيا.

> وما الاختلاف بين المنيا ومصر؟

- هناك حر شوية، ومفيش هناك تكييفات مركزية زي هنا، وكمان مفيش هناك سحابة
سوداء، الواحد يقول اللي له واللي عليه، لكن احنا عندنا هنا سحابة سوداء.

> هل هناك خطوط حمراء ممنوع أن تقترب منها في نشرة أخبار الخامسة والعشرون؟

- لا زي ما انت شايف أنا كل لبسي غوامق مفيش أي حاجة حمراء.. والغوامق والاسود تحديدا هو اللون المفضل ليا.

> لماذا تفضل اللون الأسود؟

- بلبس الاسود علي حالنا، إيه اللي هيلبسني أبيض يعني.

> ومن هو الاستايلست المسئول عن تصميم ملابسك؟

- في الفترة اللي قبل ظهور هاني البحيري كان فيه مصمم من إيطاليا بيجي مخصوص لتصميم كل الحاجات دي.

> وبالنسبة للمنديل؟

- المصمم ده كان أبوه من المحلة.. محلاوي يعني.

> هل هاني البحيري هو المسئول حاليا عن تصميم ملابسك؟

- آه، هاني دلوقتي هو اللي بيعمل كل حاجة.. الشهرة بتغير وفيه حاجات كتير لازمة للشكل والصورة إنت عارف أن الشهرة بتغير.

> بماذا تنصح الناس للحماية من إنفلونزا الخنازير؟

- أولا محدش يبوس ال

> في وجهة نظرك كيف تري ما موقف منتخبنا في بطولة الأمم الأفريقية التي ستبدأ الشهر المقبل؟

- و

> من من الإعلاميين تراه يسير علي درب أبوحفيظة؟

- يمكن محمود سعد باشوف إنه من تلاميذي اللي نبغوا ونفذ كل الكلام اللي كنت باقوله له في المحاضرات بالحرف وهو ده اللي وصله لمكانته.

> هل تتابع برنامجها «العاشرة مساء»؟

- لا هي بتيجي في العاشرة مساء وأنا في الوقت ده بأكون نايم. أنا بأشرب اللبن وأنام بدري.

> تامر أمين؟

- ده دعاء ده؟!

> هو مذيع يشارك في تقديم برنامج البيت بيتك؟

- آه عرفته.. هو مذيع كويس.

> ومن من الإعلاميين تراه مبشراً وسيحقق مستقبلاً جيداً؟

- عمرو أديب.. أنا أعطيت له شوية توجيهات لو مشي عليها هيكون كويس فقد
نصحته أن يكون تلقائياً أكتر وعمرو زي ما أنتم عارفين رجل جريء شوية فأنا
قلت له خليك ماشي في الطريق ده والحمد لله هو مشي علي الطريق ده وقفلوا
الأوربت وبعدين رجعوا فتحوها تاني!

> بم تنصح محمود سعد؟

- أقول له مينفعش تطلب أجر أكبر من أبوحفيظة.. أبوحفيظة أعلي أجر في الوطن
العربي فبلاش تعلي علي الأستاذ بتاعك علشان محدش يقارنك بيا.

> هل تلقيت عروضاً لتقديم برامج تليفزيونية؟

- هناك وكالات إعلامية كثيرة عرضت علي العمل معها آخرها وكالة Wcc.

> لو طلبنا منك أن توجه برقيات لبعض الشخصيات العامة فماذا تقول لد.أحمد نظيف رئيس الوزراء؟

- أقول له أنت أقدر واحد علي حل مشكلات البلد لأن عادة اللي بيبص للمشكلة من فوق بيبقي كاشفها وأنت أكتر واحد شايف المشكلات من فوق!

> ..والدكتور حاتم الجبلي وزير الصحة؟

- أقول له قرارك بمنع دخول السينمات لتجنب انتشار إنفلونزا الخنازير ده معمول عشان تضرب بيه الشركة العربية وش يعني!

> بطرس غالي وزير المالية؟

- أقول له حاول ترخص الأسعار شوية وخلي فيه حاجة أرخص من المواطن المصري.

> بتنزل تشتري البقالة ومستلزمات البيت بنفسك؟

- آه طبعا بأنزل «فرفور» فيه كل حاجة وأسعاره رخيصة وفيه كل حاجة بكون
محتاجها، لحوم تلاقي، بقالة تلاقي كل حاجة موجودة ولهذا السبب يقوم
بافتتاح فروع كثيرة في كل مكان، والناس غلابة وبتدور علي العروض.

> ما آخر شيء قمت بشرائه وكان نازل عليه عرض؟

- ماكينة حلاقة كانت نازلة الاتنين بسعر تلاتة!

> ما المؤهل الذي حصلت عليه؟

ـ أنا خريج كلية سياحة وفنادق قسم فلسفة لكن انتسبت لكلية زراعة قسم ورق عنب.

> بماذا عملت قبل أن تعمل كإعلامي؟

- أنا اشتغلت شغلانتين الأولانية في مصنع ورق والتانية في شركة إيفريدي كنت بافسح القط الأسود والتالتة مش فاكرها دلوقت.

> مين اللي وقف بجانب سيد أبوحفيظة في مشواره؟

- لا كتير جداً وقفوا جنبي..الأتوبيس كله كان واقف جنبي مكنش فيه حد قاعد.

> ومن الذي ساعده أبوحفيظة؟

- أنا كنت طبعا موجود يوم ما الدويقة وقعت وحاولت أساعد الناس الموجودة وأجيب لهم عص

> كلمنا شوية عن بيت سيد أبوحفيظة وأولاده وحياته الخاصة؟

- أنا مبحبش أتكلم عن حياتي الخاصة لأني بأشوفها ملكي أنا لوحدي ولكن
اسألوني وأنا سأرد في أضيق الحدود قولوا لي عاوزين تسألوا عن مين وأنا
سأرد بدون تفاصيل.

> حدثنا عن حفيظة؟

- حفيظة بنتي عندها 22 سنة وعندها تينيا.

> هل تعرضت لمضايقات بسبب شهرتك؟

- إحنا كلنا بنتعرض لضغوط علشان يخلوني أتراجع عن اللي باقدمه من أخبار
لكن البيت كله مستوعب وحفيظة بنت عاقلة وفاهمة ومفيش عندها مشكلة إنها
تتخطي ده معايا. وغير حفيظة أنا عندي الصناديلي 12 سنة بندلعه نقول له يا
صني وأصغر واحد أشرف 4 سنين.

> في أي كلية تدرس حفيظة؟

- لا هي خلصت ثانوية عامة وقعدت في البيت.

> هل كان هذا قرارك أم قرارها؟

- لا أنا ديمقراطي جدا ومفيش عندي الحتة دي وتقدر تقول إن ده كان قراري أنا.

> في أي مجال يدرس الصناديلي؟

ـ الصناديلي في «الجامعة الأمريكية» هندسة اتصالات قسم أنتينا.. قسم دقيق جدا.

> لماذا لم يفكر أحدهم في دراسة الإعلام؟

- لا طبعا هم خايفين من المقارنة قالوا هيروحوا فين جنب اللي أنا عملته، قالوا بابا جاب النهاية فنشوف إحنا مجالات تانية.

> حدثنا عن زوجتك السيدة أم حفيظة؟

- لا حرم أبوحفيظة دي منطقة خاصة مفيش حد يقدر يتكلم عنها أرجوكم دي أعراض ناس!

> لكن قصة تعرفك عليها مهمة لجمهورك؟

- أرجوكم بلاش يا جماعة!

> جمهورك يرغب في التعرف علي تفاصيل قصة الحب الكبيرة؟

- هي كانت شغالة في مشغل تريكو وأنا كنت متعود إني أعدي بالميكروباص علشان آخد البنات اللي شغالين في المشغل أوصلهم بيوتهم.

> دي شهامة وجدعنة منك؟

- لأ طبعا، كانوا بيدفعوا بس هي الوحيدة اللي كانت مبتدفعش.. ومن هنا جه التعارف.

> هل تتابع برنامجك؟

- شغوفة جداً طبعاً.

> هل تستشيرها في مشاريعك المقبلة؟

- هي عقلية متفتحة جدا.. كل ما أقولها حاجة تقول لي اللي تشوفه يا سي السيد.

> ومن هو الشخص الذي تستشيره في تفاصيل حياتك؟

- لا أنا بعتمد علي نفسي ما بسألش حد عن حاجة.

> آخر نصيحة في 2009 توجهها لمين؟

ياريت بلاش تنشروا الحوار ده!