اسماء شوارع الاسكندرية - تعالوا ندور على اصل الحكاية

التوبيك دة محاولة للبحث عن اصل اسماء شوارع مدينة الاسكندرية - الاسم دة اصلة ايه ؟ - اية تاريخ الشارع دة؟ لية اسمة كدة-
اى واحد
فينا يعرف قصة شارع او لية اسمة كدة يقول لنا اصل الحكاية اية

حنبدء بمنطقه او شارع كامب شيزار
هو فى الاصل شارع CAMP DE CESAR شارع كامب شيزار - وأصل الحكاية ان سيزار اى قيصر الذى جاء الى الاسكندرية وضرب بخيامه ( الكامب ) فى منطقة خارج حدود الاسكندرية لكى يهاجم كليوباترا ومدينة الاسكندرية لذلك سميت هذه المنطقة معسكر قيصر وعلشان كدة محطة الترام اسمها محطة المعسكر

منطقة الازاريطة
- لية اسمها كدة ؟ هى فى الاصل كلمة فرنسية وايطالية لازاريت او لازاريتا ومعناها الحجر الصحى -لان هذا الموقع خصص كحجر صحى للقادمين من الخارج ويدخلون ميناء الاسكندرية فاذا ثبت انهم مرضى او يحملون امراض معدية فيتم ايداعهم فى الحجر الصحى او لازاريتا التى تم تعريبها الى كلمة الازاريطة

محطة كيليوبترا و كيليوبترا الصغري و كيليوبترا حمامات
كانت المنطقة التي سكنتها الملكة كيليوبترا في فترة حملها و كانت بتسكن كل منطقه لمدة شهر لان كل مكان كان مهيأ لدرجة حرارة جسمها فلا تشعر بالحر اثناء فترة الحمل

و بالنسبة لمنطقة الازريطة انا سمعت حاجه يا دكتور عنها بس كده معلومة حضرتك اللي اضفتها عن المنطقه صححت المعلومه اللي كانت عندي و هي : ان المنطقه كان فيها دير او كنيسه تقريبا و كانت فيها القديسة الام ريتا او بالانجليزية مازر ريتا و سميت المنطقه باسمها.. وطبعا عشان المصريين مش بيعرفوا يظبطوا الكلام فاصبحت المزاريطة ثم الازريطة وفيها دلوقتى اكبر مدافن للاقباط

والله هو تفسير جدير بالاهتمام وكدة يبقى عندنا تفسيرين للاسم اللى المصريين فعلا بينطقوة المزريطة او الازاريطة وانا رجعت الى القاموس الفرنسى وطلع الكلام اللى قلته فى الاول مظبوط وهو مكان يتم عزل المسافرين لمدة 40 يوما ويطلق علية اسم LAZARET-LAZARETTA

الكارانتينة وهو ايضا الحجر الصحى الذى يتم حجز المسافرين المرضى وعزلهم لمدة 40 يوما فى اللازاريت ووحدة الاربعين بالفرنسية ( اشارة الى الاربعين يوما ) تعرف ب QUARANTAINE

الكارنتينة
هى منطقة كانت موجودة فى كل المدن الساحلية مثل الاسكندرية وبور سعيد وذلك بسبب وجود الميناء الذى يستقبل الوافدين من البلاد الاخرى التى قد تعانى من امراض مستوطنة او اوبئة فالكرنتينة هى المكان الآمن الزى يتم عزلهم فية - التسمية كانت زمان لكن دلوقتى لا

منطقه سموحه
خواجة سموحة هو رجل اعمال يهودى اشترى جزء من بحيرة مريوط وكانت مهملة ومصدر تلوث وقام سموحة بتجفيف تلك المنطقة ثم اعد لها تقسيم وتخطيط عام وقام ببيع قطع الاراضى واستكملت الحكومة بيع الاراضى وتخطيط باقى الاراضى من بعده - فعرفت هذه الاراضى بمنطقة سموحة نسبة الى اليهودى خواجة سموحة

ممكن باردو نضيف شارع او منطقة البياصة
وهى مشتقة من الكلمة الايطالية بياتزا piazza ونطقت بالعربية لتصبح البياصة وهة تقع فى منطقة العطارين وكان معظم ساكنها من الايطالين فى خلال القرن 19 والعشرين

منطقة كوم الدكة
اللى اعرفه تفسيرين. اول تفسير ان كلمة دكة مشتقة من اللفظ اليونانى دكى وتعنى 10 باليونانى ويقال انها كان مكان لاجتماع العشر قضاة للفض فى المظالم. التفسير الاخر انها من كوم الكة او تلال الرمال اللى اتجمعت فى المنطقة دى بعد حفر محمد على لترعة المحمودية

كوم الناضورة
- كوم كما اتفقنا هو المكان المرتفع الذى يعلو الارض وكان يقف عليها الناضورجية اى حرس الحدود لمراقبة اى عدو قادم على سواحل الاسكندرية فهى بمثابه رباط من الاربطة او نقطة مراقبة مثل القلاع والطوابى ولكن فى صورة تل او كوم

الحقيقة التوبيك دة انا نقلتة من جروب استاذ دكنور جامعى اسمة يسرى عزام وهو عامل جروب عن اسكندرية وانا حسيت ان المعلومات دى ممكن تفيدنا كلنا وقولت انقلها

معلومات بجد جميييييييلة

تسلمى

بس برضو انا هجى فى الصيف ان شاء الله

وانتى الا هتعرفنى اماكن دة

اة نسيت انتى الا هتحسبى على كل حاجة ماشى ماشى

معلومات جميله يا نوسه
فى حاجات مش كنت اعرفها

تسلم ايدك على المعلومات الجميلة

نورتى يا يويو

المهم يا نوسة

احنا فين دلوقتى

الله عليكى انووووس ..
كتير من الاماكن دى بنحبها وبنمشى فيها ومش عارفين اصل تسميتها ..

موضوع تحفة بجد ..
تسلم ايدك ..

عطر الندي كتب:: بس برضو انا هجى فى الصيف ان شاء الله
تنورى يا نوده

وانتى الا هتعرفنى اماكن دة
بس كده متقلقيش خالص حكسحك
قصدى قصدى حفسحك

اة نسيت انتى الا هتحسبى على كل حاجة ماشى ماشى
بس كده ولا يهمك بسيطه خالص

نورت يا ميدو

نورت يا عاصى

تسلمى انتى يا هاله ع مرورك

نورتى يا ساره

YOGI LOVELY كتب:: المهم يا نوسة

احنا فين دلوقتى

مش عارفه يا يوجى باين علينا توهنا

falcon كتب:: الله عليكى انووووس ..
وعليك يا حوده
كتير من الاماكن دى بنحبها وبنمشى فيها ومش عارفين اصل تسميتها ..
اه ف اماكن كتير جدا
موضوع تحفة بجد ..
ميرسى لردك ومرورك
تسلم ايدك ..

جميل اوى انوس
تسلم ايدك ياقمر

تسلمى يا جوجو
ونورتى يا قمرايه ِ

نورت يا احمد

» اسماء شوارع القاهرة ومعانيها
» ياولاد ياولاد توووت توووت تعالوا تعالوا علشان نسمع ابله فضيله//$ نسيم @ الحب $
» انتهت الحكاية
» .....وانتهيت معايا الحكاية
» الاسكندرية موجة حب على ارض مصر