بطاقتى الشخصية........اقرار............‏

الاسم مواطن من كتر الهم بقي حزين

المهنة الحزن بدون اسباب دا الحزن روتين

و فصيلة الدم عروق مليانة الم وحنين

مليانة الم من كتر الظلم

مليانة حنين للخير والدين

و محل اقامتي مكان مظلوم ما اعرفش انا فين

مكان من كتر الظلم با اشوفة تملي حزين

عارفين انا مين

انا الي صنعت حضارة الدنيا سنين وسنين

و كنت شعار للخير و النصر و معني الدين

انا كنت منارة كل الدنيا شمال ويمين

و نشرت العلم نشرت الحب نشرت الدين

دلوقتي عايش مكسور مسجون وتملي حزين

مسجون في قيود الخوف و الذل

مكسور من كتر اشكال الظلم

عارفين انا مين

انا شعب جميل علي ارض النيل

و سط البساتين

بساتين كانت اجمل بساتين

و انا عشت ارويها سنين

و بسبب الظلم انقطعت عنها مياة النيل

انا ارض الخير انا شعب اصيل

انا خير علي ارضة الظلم كتير

شكلك راح تقومى بثوره هذه الايام يا نوسه
هاهاهاها مشكوره

تسلم ايدك يا قمر

تسلم ايدك يا نوسه

مسافر بلا عنوان كتب:: شكلك راح تقومى بثوره هذه الايام يا نوسه
هاهاهاها مشكوره

ايه رايك يا مسافر اعرف اكون رئيسه الثوره
ياترى حتكون معايا
وكمان اكيد عمو سعد زغلول حيكون معايا هو واقف ف ميدان محطه الرمل وعاطى وشه للبحر حروح انزله علشان يجى معانا