حمادة قرر يتجوز وحدها عرفها في شات

السلام عليكم ورحمة الله وبركاته
ازيكم عاملين ايه


ندخل في القصة القصة ان حمادة قرر يوصل نت راح لواحد جارة اخد منه وصلة ب25 جنية في الشهر واول لما وصل عمل اميل ودخل الشات عايز يتعرف على ناس جديدة ومن كل حتة
وفعل وقد كان حمادة بقى ليه شلة على النت تامر من القاهرة و صدام من العراق وحسين من السعودية وتيسير من حلوان وهند من المنصورة وبهية من الشرقية ودعاء من اسكندرية وقرب منهم اكتر حممادة اتكلم مع دعاء وقرب منها اوي وبيرتحلها كمان حمادة حب دعاء ودعاء هي كمان حبت حمادة حمادة اخد قرار خلاص حمادة قرر يخطب دعاء.............................................. ...
حمادة قاعدة مع صحبة عبد العزيز وقاله ان هو هيخطب دعاء عبد العزيز سأله دعاء مين حمادة قاله دي واحدة عرفتها من على النت رد عبد العزيز وقاله انت مجنون تتجوز واحدة عرفتها من على النت انت عبيط يابني دي دخلت نت وكلمت ناس كتير وانت متعرفهاش تتجوز واحدة سنحت لنفسها تتدخل نت حمادة كلام عبد العزيز دخل في دماغه وبدا يفكر فيه وبدا يقول لنفسة دي ممكن تكن بتضحك عليا زي ما بيقول عبد العزيز ودخلة الشك من ناحية دعاء اكيد عرفت ناس كتير وااكيد كان في حد قبلي حمادة قرر انه ميدخلشي نت تاني ويهرب من دعاء
وبعد كام يوم كان قاعد مع عمرو عمرو ساله مالك يابني شكلك مش عجبني في حاجة قاله اصل في موضوع كدا عمرو قاله احكي فحكاله القصة عمرو كان حكيم قاله هو النت حرام قاله لاء قاله لو نفرض انك متعرفشي دعاء وانا جيت وقلتلك ان اعرف ليك عروسة وروحت اتكلمت معاها وخطبتها انت تعرف عنها ايه وبعدين ما انت سمحت لنفسك تدخل نت اشمعنى هيا لاء هي مش بنى ادمه زيك ليه بتحللوها لنفسكم وتحرموها على غيركم ليه تجرح قلب واحدة كل زنبها انك عرفتها على النت
حمادة فكر في كلام عمرو وبقى محتار يرتبط بواحدة عرفها على النت ولا لاء
هيا دي الحكاية ومزال حمادة محتار
انتو بقى مع عمرو ولا مع عبد العزيز

طبعا مفيش ارتباط من النت

ممكن زى رايى عمرو لازم يعرفو بعض كويس جدا فى الحقيقة

انما لو عاوزين يقضوها نت بئة يبقى كدا بيستهبلو وبيدحكو على بعض