"العيب عليه أصله مدبحلهاش القطة"

كلمه بنسمعها كتير خاصة من العجائز من النساء
حينما تري زوجه متسلطة تكاد تكون مسيطرة علي زوجها

والغلبان يا عيني لا حول له ولا قوة !!!!!!!!

أصل المقوله ديه يرجع الي عادة كانت منتشرة

قديما بين رجال مصر هي أن يحضر الرجل قطة

ويجهزها ويضعها في غرفة النوم,, وفي ليلة الدخله

يدبح القطة المسكينة قدام عين مراته قال يعني عشان يبرهنلها علي

مدي شجاعته التي ليس لها حدود ..(بيتشطر ع القطة يعني)...

بس صراحة كانت بتجيب نتيجة وأدينا كلنا شوفنا

بين القصرين (الفيلم اللي بسببه لسه الرجاله رافعة راسهه لغاية دلوقت )

"ايه اللي حصلك يا أمينه"

"السوارس خبطتني يا سي السيد"

لكن دلوقتي الراجل بقي هوه القطه (الا ما رحم ربي !!!!!!!!!!)

"أحمد , الساعة بقت سابعة قوم يللا حضر الفطارعلي ما آخد الشاور"

"حاضر يا حبيبتي , خلاص بنشر آخر حتة وجاي"

بعد الشاور" أحمد , أنا نازلة الشغل , بليز بلاش آجي من الشغل الاقيك لسه مطبختش,,

وباقي شغلك في البيت بقة انته عارفه,,, باي يا ولاد"

طبعا مقدرش أقوول ان رجالة زمان كلهم كانوا زي سي السيد

ولا أقدر اقول بردو ان رجالة النهارده كلهم زي أحمد
بس احنا بنتكلم علي الغالب......

في النهاية يا ريت كل واحد يخش ويقول مين من الزمنين كان أحسن,,,

وياريت البنات بالذات تقول تحب مين أكتر

سي السيد الراجل المنغلق الرجعي بس (راجل)

وللا أحمد المنفتح التقدمي اللي سبور بس (قطة)

مستني رايكم
وخصوصا البنات هي التعرف اكتر برضو انهي معمله ليهم احسن

انا عن نفسى زمن سى السيد

هو لية مش تقولى مزيج بين الاتنين يعنى متحضر و فى نفس الوقت متمسك بيبتى

يعنى لية مكنشى بدلع و فى نفس الوقت مش اسمح بالغلط

لية اكون السيد و لا احمد لية مكنشى نفسى

اسئلى نفسيك انتى و هى كدة و كمان انت و هو

لية متكنشى نفسك لية متمشيش مع الى بتحبو بالرضا بجابن بردك طبعا الرجالة ليهم القرارات

فى قرارات ممكن تاخد راى البنات فيها و فى لا طبعا مش ممكن بس فى الاخر مين الى بيحدد القرار

طبعا الراجل
فى اخر كلامى
ارجو ان واحد يكون نفسو يعنى و لا سيد و لا احمد سيد كان زمان و احمد مش هيكون فى حياتك
عمر محد راجل بجد يرضا يكون احمد و عمر مبنوتة ترضى تتعامل مع سى سيد

مرسى ليكم و موضوع شديد

مش تنسو كوكو

كوكو المنتدى

انا مع كريم

خير الامور الوسط بردو
يعنى التفاهم والرضا بين الطرفين

هوا الى ممكن يمشى الحياة فى منتهى السعادة

الراجل مش بانو يزعق ويشخط ويكهرب البيت

ولا انو يبقى اخر دلع ويقوم بالى الست مفروض تقوم بية
كدا الادوار هتتغير

سانكس ليكى يا نهى

سمعينا رايك بئة يا قمر انتى كمان