ازاى تتعاملى مع خطيبك ؟؟؟؟؟؟

طبعا مش محتاجة حد يقولك إن من المفروض إن أيام الخطوبة تكون أحلى أيام بتعيشها أي بنت.. بس أكيد بعد ما اتخطبتي لقيتي الحياة مش زي ما سمعت.. ولقيتي نفسك على طول متوترة وأعصابك تعبانة.. عمالة تفكري في ميت حاجة وحاجة.. ده بالإضافة إلى إنك مش عارفة ازاي تتعاملي مع خطيبك.. وكل شوية خناقات وخلافات بينكم.. بسبب، ومن غير سبب...

واللي زاد وغطى كمان.. الخلافات اللي ممكن تحصل بين خطيبك وأهلك، أو بينك إنت وبين أهل خطيبك.. والخلافات دي أكيد بيكون لها تأثير كبير ، وبتخلي الأيام الحلوة دي تضيع في خناق وعتاب وكلام فاضي...

طيب تعالي نفكّر مع بعض، ونشوف إيه السبب في ده كله...

فكّرتِ!!!

شوفي يا قمر.. السبب في كل اللي إنت حاسة بيه ده هو اختلاف طباع كل واحد عن التاني، وإن كل واحد مش عارف ازاي يقرّب من الطرف التاني ويفهمه صح.. علشان كده هاقولك دلوقتي على الأساسيات اللي تقدري من خلالها إنك تتعاملي مع خطيبك علشان تكسبي حبه ليكي..
نشوف الأساسيات دي مع بعض

_ _ _ _ _ _ _ _ _ _ _ _ _ _ _ _

الأساس الأول

القبول

ده أول أساس لازم تقوم عليه العلاقة بين أي اتنين مخطوبين.. هو إنه يكون فيه قبول بينك وبينه.. والقبول ده بيكون من حيث الشكل والدم، ولا يوجد ما ينفّرك منه أو ينفره منك..

الأساس الثاني

خليكِ رقيقة

لازم كل بنت تكون رقيقة في تصرفاتها مع خطيبها، ومش قصدي هنا الرقة المصطنعة.. لأ طبعاً.. قصدي إنك تتعاملي معاه على طبيعتك وبأسلوبك الحلو اللي يخليه يحس إنك أحلى إنسانة في الدنيا، وطبعا من غير تكلف أو كدب.

الأساس الثالث

افتحي مجالات للكلام

خليكِ ذكية وافتحي مع خطيبك مجالات للكلام؛ حتى لو الكلام البسيط زي مثلاً إنك تقولي له على الحاجات اللي بتحبيها، وتسأليه هو كمان بيحبّ إيه.. ومش عيب إنك تتكلمي معاه عن حياتك أيام الدراسة.. عن إيه اللي حققتيه في حياتك قبل ما ترتبطي بيه.. وإيه اللي نفسك تحققيه بعد كده.. إيه الحاجات اللي بتفرَّحك.. وإيه الحاجات اللي بتضايقك.

وخليه هو كمان يتكلم عن نفس الموضوعات دي، واسمعي كلامه كويس، وركزي فيه.. وعلى فكرة الموضوعات دي بالرغم من إنها بسيطة إلا إنها هتفتح مجالات تانية للكلام.. وهتخلي كل طرف يتعرف على وجهة نظر الطرف التاني في الحياة.

وكمان هيعرف إيه الحاجات اللي بيحبها الطرف التاني ويعملها.. وإيه اللي بيكرهها وبتضايقه علشان يتجنبها.

الأساس الرابع

احترمي رأيه

احترمي رأي خطيبك في أي حاجة يقولها، واوعي تسخري من كلامه حتى لو إنت شايفة إن كلامه كده سطحي ومش عاجبك.. اسمعيه للآخر وشوفي وجهة نظره إيه، وحاولي بأسلوب هادي إنك تقنعيه بوجهة نظرك.

الأساس الخامس

احترمي صراحته

لو خطيبك صرّح لك بحاجة محدش يعرفها غيرك، زي مثلا إنه اتكلم معاكي عن إمكانياته المادية احترمي صراحته دي.. واقفي جنبه.

الأساس السادس

محدش كامل

خليكِ دايماً حاطة قدامك القاعدة دي وهي: "إن مفيش حد كامل، وإن الكمال لله وحده".. يعني صعب جداً إنك تلاقي خطيبك مفيهوش عيوب.. أكيد لازم يكون فيه عيوب.. بس إنت خليكي ذكية.. وشوفي يا ترى العيوب دي مقبولة ولا لأ.. لو كانت مقبولة وهتقدري تستحمليها يبقى مفيش مشكلة..

الأساس السابع

حاولي تغيريه

والأساس ده مرتبط بالأساس الرابع، يعني شوفي إيه العيوب اللي في خطيبك وحاولي إنك تغيريها للأحسن بس طبعا بأسلوب حلو ومن غير ما يحس.

زي مثلا.. لو كان لِبسُه مش شيك يبقى حاولي بالراحة إنك تغيري العيب ده بإنك تنتهزي أي مناسبة وتجيبي له مثلاً قميص شيك وتقولي له: إن الموديل ده بيخلّيه أحسن من الموديلات التانية اللي بيلبسها.. ويا ريت يحاول إنه يغير للموديلات الجديدة دي...

الأساس الثامن

بلاش حد يدخل بينكم

شوفي يا قمر.. علشان العلاقة بين أي اتنين تنجح يبقى محدش يدخل بينكم خصوصا الأصدقاء.. وأي خلاف بينكم حاولوا إنكم تحلوه بينكم وبين بعض.

واوعي تقارني بين خطيبك وخطيب واحدة صاحبتك أو خطيب أختك.. خليكِ عارفة إن كل واحد بيختلف عن التاني، وكل واحد وليه ظروفه.

الأساس التاسع

قرّبي من أسرته

يا ريت تحترمي أسرته، وتحاولي إنك تقريي منهم، وتكوني صديقة ليهم، وتنتهزي أي مناسبة وتزوريهم، ومفيش مانع من إنك تاخدي معاكِ هدية شيك؛ لأن دي هتخلي مامته تحبك، وده اللي احنا عايزينه.

الأساس العاشر

بلاش نتكلم في الماضي

بلاش تتكلمي عن حياتك العاطفية في الماضي قبل ما ترتبطي بيه، ولا تسأليه هو كمان عن حياته العاطفية قبل ما يرتبط بيكِ، وكل واحد ينسى اللي فات في حياته، ويبدأ صفحة جديدة.. دي حاجة.. ولو عايزين تتكلموا في اللي فات يبقى الكلام يتفتح مرة واحدة بس، ويكون من غير تفاصيل كتير.

دي كانت شوية حاجات بسيطة
يا ريت تمشي عليها....

تسلم ايدك يا قمر على النصايح الجميلة

والله لو الكلام الحلو ده يحصل فعلا كان فيه حاجات كتيير تتغير

ونفسى اعلق الكلام الحلو ده فى الشارع والله
تسلم ايدك

كلام جميل كلام معقول مقدرش اقول حاجه عنه
بس ازاى تتعاملى مع خطيبك ؟؟؟؟؟؟ 3010

الأساس السابع

حاولي تغيريه

والأساس ده مرتبط بالأساس الرابع، يعني شوفي إيه العيوب اللي في خطيبك وحاولي إنك تغيريها للأحسن بس طبعا بأسلوب حلو ومن غير ما يحس.

اللبس ساهل
لكن الصفات الشخصيه جميع محاولات تغيرها باتت بالفشل
تسلم ايدك

استنى بس يا ازمة انا اللى احتج على جزء من كلامك

اللبس ساهل
لكن الصفات الشخصيه جميع محاولات تغيرها باتت بالفشل

لا البنت ممكن تغير الصفات الشخصية والدليل
ان الشاب قبل ما يحب مش بيكون ليه اى هدف وعايش الحياة بطولها وعرضها
لكن اول ما بيحب بيتغير عشان حبيبته للى هى عايزاه
بتوضيح اكتر انه لو شخصية كاذبة البنت هتقدر تغيره وتخليه صادق
لو مالوش هدف هى هتخلى ليه هدف انه يرتبط بيها
لو شخصيته كئيبة وحزينة على طول هى بتقدر تخليه يشوف الحياة بشكل تانى
وفيه اسباب كتيييير اوى

عندك حق انا غلط لما عممت و

وجهه نظرك مقنعه هاله
بس مش معممه
لكن لو ساعه الحب للاسف البنت بتشوف كل حاجه حلوه فبتخاف تكلمه لحسن يفك فبتبدا دا بعد الجواز انها تغيره فبتطلق

لكن لو علي انها بتديله طموح بالذات لو بيحبها انه يتغير من نفسه لكن هيه مش تقولوا اعمل دا او دا

الأساس الثالث

افتحي مجالات للكلام

خليكِ ذكية وافتحي مع خطيبك مجالات للكلام؛ حتى لو الكلام البسيط زي مثلاً إنك تقولي له على الحاجات اللي بتحبيها، وتسأليه هو كمان بيحبّ إيه.. ومش عيب إنك تتكلمي معاه عن حياتك أيام الدراسة..
ازاى تتعاملى مع خطيبك ؟؟؟؟؟؟ 926315

والله خايفه ليجيله صداع من رغيي
هههههههههه
ما انتى عرفانى بقى يا سندرا

بس بجد توبيك حلو موت
تسلمى يا قمر
ويستحق التثبيت

تسلم ايدك يا قمر
توبيك حلو اوى

لولا كتب:: تسلم ايدك يا قمر على النصايح الجميلة

المهم تفيدك
ميرسى ليكى ياقمر
نورتينى

mour كتب:: والله لو الكلام الحلو ده يحصل فعلا كان فيه حاجات كتيير تتغير

ونفسى اعلق الكلام الحلو ده فى الشارع والله
تسلم ايدك

هو بيتحقق بس بنسبه مش كبيره
هههههههههههههههه
علقه بس لو لقيت مكان فاضى
ميرسى ليك ونورتنى

azmaa كتب:: كلام جميل كلام معقول مقدرش اقول حاجه عنه
بس
الأساس السابع

حاولي تغيريه

والأساس ده مرتبط بالأساس الرابع، يعني شوفي إيه العيوب اللي في خطيبك وحاولي إنك تغيريها للأحسن بس طبعا بأسلوب حلو ومن غير ما يحس.

اللبس ساهل
لكن الصفات الشخصيه جميع محاولات تغيرها باتت بالفشل
تسلم ايدك

بص هو فعلا فى صفات شخصيه صعب تغييرها
بس فى صفات تانيه ممكن تغييرها لكن باقناع الطرف الاخر باهميتها
وانها مش للسيطره والتحكم وعشان كده فى التضحيه اللى فى الحب او الجواز
ميرسى ليك على رايك وردك الجميل
نورتنى

لولا كتب:: استنى بس يا ازمة انا اللى احتج على جزء من كلامك

اللبس ساهل
لكن الصفات الشخصيه جميع محاولات تغيرها باتت بالفشل
لا البنت ممكن تغير الصفات الشخصية والدليل
ان الشاب قبل ما يحب مش بيكون ليه اى هدف وعايش الحياة بطولها وعرضها
لكن اول ما بيحب بيتغير عشان حبيبته للى هى عايزاه
بتوضيح اكتر انه لو شخصية كاذبة البنت هتقدر تغيره وتخليه صادق
لو مالوش هدف هى هتخلى ليه هدف انه يرتبط بيها
لو شخصيته كئيبة وحزينة على طول هى بتقدر تخليه يشوف الحياة بشكل تانى
وفيه اسباب كتيييير اوى

انا متفقه معاكى جدا فى رايك
بس فعلا فى صفات صعب تغييرها لانها بتكون من تكوين الشخص نفسه
ميرسى ليكى ياقمر على التفاعل الجميل
نورتينى

azmaa كتب:: عندك حق انا غلط لما عممت و

وجهه نظرك مقنعه هاله
بس مش معممه
لكن لو ساعه الحب للاسف البنت بتشوف كل حاجه حلوه فبتخاف تكلمه لحسن يفك فبتبدا دا بعد الجواز انها تغيره فبتطلق

لكن لو علي انها بتديله طموح بالذات لو بيحبها انه يتغير من نفسه لكن هيه مش تقولوا اعمل دا او دا

ميرسى ليك على التفاعل الجميل
نورتنى

noody10 كتب:: الأساس الثالث

افتحي مجالات للكلام

خليكِ ذكية وافتحي مع خطيبك مجالات للكلام؛ حتى لو الكلام البسيط زي مثلاً إنك تقولي له على الحاجات اللي بتحبيها، وتسأليه هو كمان بيحبّ إيه.. ومش عيب إنك تتكلمي معاه عن حياتك أيام الدراسة..

والله خايفه ليجيله صداع من رغيي
هههههههههه
ما انتى عرفانى بقى يا سندرا

بس بجد توبيك حلو موت
تسلمى يا قمر
ويستحق التثبيت

ههههههههههههههههههههههههههههههههه
صداع بس ده ممكن ينتحر فيها
ونقرا اسمه فى صفحه الوفيات علطول
هههههههههههههههههههههههههههه
باهزر اكيد وميرسى ليكى ياقمر على التثبيت والرد الجميل
نورتينى

ساسو كتب:: تسلم ايدك يا قمر
توبيك حلو اوى

ميرسى ليكى على الرد الجميل
نورتينى ياقمر

سندرا كتب:

noody10 كتب:: الأساس الثالث

افتحي مجالات للكلام

خليكِ ذكية وافتحي مع خطيبك مجالات للكلام؛ حتى لو الكلام البسيط زي مثلاً إنك تقولي له على الحاجات اللي بتحبيها، وتسأليه هو كمان بيحبّ إيه.. ومش عيب إنك تتكلمي معاه عن حياتك أيام الدراسة..

والله خايفه ليجيله صداع من رغيي
هههههههههه
ما انتى عرفانى بقى يا سندرا

بس بجد توبيك حلو موت
تسلمى يا قمر
ويستحق التثبيت

ههههههههههههههههههههههههههههههههه
صداع بس ده ممكن ينتحر فيها
ونقرا اسمه فى صفحه الوفيات علطول
هههههههههههههههههههههههههههه
باهزر اكيد وميرسى ليكى ياقمر على التثبيت والرد الجميل
نورتينى

اممممممممم بهزار ماشى ماشى
ههههههههههه
والتوبيك بجد جامد عاجبنى

جامد التوبيك ع فكرة بس يتحقق وكل حاجه تبقى تمااااااااام

جزاكى الله الجنة أختاة
عندك حق الواحد لما بيحب بجد بيتغير عشان اللى بيحبة
لكن الأسلوب بقى فى الكلام هو أهم حاجة
يعنى مثلا لو خطيبك بيسمع أغانى وأنتى مبتحبيش الأغانى
متقوليلوش مباشرة متسمعش أغانى لان الواحد لما بيحس أنى أمر عمرة مهيسمعلك
لكن ممكن تقوليلة بصراحة أنا مبحبش أسمع أغانى وأنت عاوز تسمع براحتك بس
ممكن لو محت وانا قاعدة معاك بلاش أغانى عشان مبحبهاش
وصدقينى بحيل كتير هيبطلها هو من غير ميشعر
ربنا يرزقنا الهدى والتقى والعفاف والغنى

بس ان شاء الله لما يكون قريبي يعني
كل حاجه سوء مني او منه مكشوفه
علي عينك ياتاجر مفيش اي حاجه ممكن اعملها
لاارغي في حاجات تافهه ولا ابقي ركيكه كده ولا حاجه
ههههههههههه
بس بجد تسلمي ومرثييييييي كتييييييييييييييييييييييييييير
وهحاول يانا ياهو

» اكتشفي عواطف خطيبك قبل ما تندمي
» لو الموقف دا حصلك مع خطيبك هتعملى ايه
» جالك رسالة من خطيبك (هتعملى اية ؟؟)
» عايزة تتطفشى خطيبك خدى منى النصايح الجامدة دى ؟؟
» عشرة عبارات لا تقوليها امام خطيبك