نكته ظريفه

اللهم صلي وسلم علي سيدنا محمد وعلي اله وصحبه وسلم
 

استغفر الله العظيم

   واحد راح يبات هوا و المدام فى الهيلتون ليلة .. تانى يوم الصبح بيطلب من موظف الاستقبال الحساب و دار بينهم هذا الحوار :-

الرجل : الحساب كام من فضلك ؟

الموظف : 1000 جنيه بس يافندم  ..

الرجل : ألف جنيه ليه يا أستاذ ... كتير قوى مبلغ ألف جنيه فى ليلة .. دى كانت ليلة واحدة يا محترم  ..

الموظف : أجرة المبيت في الليلة بـ 400 جنيه ..

الرجل : طيب و الـ 600 جنيه الباقيين ليه بقى إن شاء الله ؟

الموظف : عندك 100 جنيه أجرة الموظفين اللى بيشيلوا الشنط .. سيادتك لما نزلت من التاكسى مش كان فيه شيالين بيشيلوا الشنط منتظرينك ؟

الرجل : أما غريبة و الله ... بس أنا شيلت الشنطة بنفسى و ما حدش شالهالى  ..

الموظف : ما هو كانوا موجودين قدام سعادتك .. ما ناديتش عليهم يشيلولك الشنطة ليه ؟؟

الموظف مستطرداً... هأكمل لحضرتك باقى المبلغ .. عندك 50 جنيه استعمال سجاجيد السجادة اللى من غرفة حضرتك للمطعم ..

الرجل : أنا ما مشيتش على سجاجيد أنا كنت بأمشى على الحتة الفاضية اللى مش مغطياها السجادة  ..

الموظف : ما هى السجادة كانت عند سعادتك .. ما مشيتش عليها ليه ؟؟

الموظف : و عندك 200 جنيه استخدام حمام السباحة ..

الرجل : بس احنا ما نزلناش عومنا فى الحمام خالص .. هوا أحنا وش عوم و مايوهات ..

الموظف : حضرتك حمام السباحة كان قدام سعادتك ما نزلتوش عومتوا ليه ؟؟

الموظف : و عندك 100 جنيه استعمال التليفزيون و قنوات الدش و الريسيفر فى الغرفة  ..

الرجل : دش أيه اللى أنت جاى تقول عليه ! أحنا ما شغلناش أمس غير القناة الأولى و الثانية .. هوا كان فيه دش !!

الموظف : قنوات الدش كلها كانت عند سعادتك ما أتفرجتش عليها ليه ؟

الموظف : و عندك 150 جنيه استعمال سخان المية اللى بالكهرباء في الغرفة ...

الرجل : الدنيا كانت حر أصلاًُ و ما أستعملناش السخان في حاجة ..

الموظف : مالناش دعوة .. السخان كان عند سعادتك ما إستعملتوش ليه ؟؟

الرجل : أما شئ سخيف أوى  ..

انتظر الرجل  المصري  لـ لحظات ثم أخرج له 400 جنيه فقط ..

الموظف : دول 400 جنيه بس ..

الرجل : الـ 600 جنيه الباقية حق ما عاكست المدام بتاعتي  ..!!

الموظف : أيه الكلام الفارغ ده ... حضرتك عاوز تجيبلى مصيبة .. هوا أنا عاكست المدام بتاعتك خالص و لا جيت جنبها !!

الرجل : ما كانت قدامك أمس  ما عاكستهاش ليه ؟؟