واحد بيحب وحدة
وشوفوا معايا حكايته
-تتجوزيني؟
-افندم؟
-بقولك تتجوزيني؟؟
-!!!
-تتجوزيني؟
-لا
-ليه؟
-بصراحة كدا شكلك مش عاجبني...
-ازاي؟
-يعني..اصل انا ليا مواصفات معينة لفارس احلامي
-مواصفات معينة؟.. هو انتي هتتجوزي عربية؟
-لا ... بصراحة كدا .. انت مش فارس احلامي اللي باتمناه
-تتجوزيني؟
-ايه دا!!.. شكلك اتغير !
-ايه رأيك..؟
-واو .. شعرك بقا ناعم! دي باروكة..؟
-ايوه
-ودي عدسات خضرا؟
-ايوه
-واو.. بس بجد.. بقيت وسيم..واو..! دا انت بقيت شبه نيكولاس كيج
-مين عباس كيج دا؟؟
-عباس؟؟.. ياي! .. ايه عباس دي ؟ اسمه نيكولاس
-مين نيكولاس دا؟
-بقا مالكش في السيما وجاي تكلمني؟ ..ياي !
-تتجوزيني؟
-انت لسا ليك عين تكلمني ؟
-ايوه.. انا عرفت مين بنكرياس كيج دا
-اولا: اسمه نيكولاس كيج ..
- ايوة ايوة .. كنت هاقول اسمه صح .. بس اختصرته.. ده ممثل امريكاوي
-ممثل ايه؟
- ممثل امريكاوي !
- امريكاوي؟؟! .. اخييي ! اسمه اميريكان يا بابا وماتبقاش دونكي
- دونكي دي تبقا شتيمة؟
- اف كورس
-تتجوزيني؟
-عندك عربية موديل كام ؟
- موديل دي تبقا شتيمة؟
- تتجوزيني؟
- قوللي الاول .. حاطط نغمة ايه عالموبايل بتاعك؟
-موبايل دي تبقا شتيمة؟
-تتجوزيني؟
-ماقلتليش.. انت بتشتغل ايه؟
-انا -بلا فخر - عاطل
- عاطل ؟ ياي
-مش احسن من اللي مابيشتغلش؟
-لا
-يعني مش هاتتجوزيني؟
-لا
-بس انا كدا هازعل؟
- ماتزعلش يابابا ! خليك فريش..
- ماشي.. ماشي بس قوليلي
- ايه
-فريش دي تبقا شتيمة؟
-تتجوزيني؟
-لقيت شغل؟
-ايوه طبعا .. سنتين وانا بادور .. اخيرا لقيت
- وايه هو ؟
- سواق تاكسي
- ياي ! مش مكسوف وانت بتقولها؟
-فيها ايه ؟ العمل شرف وكلها كم سنة واجمع مبلغ كويس
- شرف؟ جتك القرف !
-تتجوزيني؟
-جمعت مبلغ كويس؟
طبعا .. مبلغ كبير جدا
-اد ايه يعني؟
- الف جنيه بحالهم !
-نعم؟؟! ... الالف جنيه دول تروح تسرح بيهم ببطاطا
-يعني موافقة؟
-روح اتنيل
-تتجوزيني؟
-عندك شقة؟
-ايوه .. اودة عالسطوح
-نعم؟؟!!
-ايه المشكلة ؟؟ مش احسن ماننام في الشارع؟؟
-شارع؟؟! ايه الالفاظ السوقية دي؟؟!! لازم يابابا تجيب شقة
- طيب .. كلها كام سنة واجيبلك احسن شقة في الدنيا
-وهاتجيبها فين في جاردن سيتي ولا في الزمالك؟؟
- لا في الاهلي... هع هع
-تتجوزيني؟
-جبت الشقة؟
-الحكومة بتبني شقق للشباب وانا خدت شقة .. صحيح اتاخرت عشر سنين لكن المهم انها جت
-فانتاستيك!!
-بس ناقصة حاجة
-ايه هي؟
-مفيهاش حمام
- امشي من قدامي ... مش طايقاك
-تتجوزيني؟
-انت تاني؟
-جبتلك حمام انما ايه!
-خليه ينفعك
-ليه بس ؟ ده ينفع لينا احنا الاتنين
- وانا مالي؟
- مش عاجبك .. مش مشكلة .. اكتبه باسمك
-تتجوزيني ولا اولع فيكي؟
-ومالك محروق كدا؟
حكايتنا طولت قوي .. طولت اكتر من اللازم
- اوكي بس ممكن اعرف حاجة؟
-ايه؟
-انت ليه متمسك بيا اوي كدا؟
- اصل .. اصل
-اصل ايه؟
اصلي بحبك (بضم الحاء)
- ايه بحُبك دي؟؟ اسمها بحِبك ( بكسر الحاء) وبعدين خليك روش وقول
I LOVE YOU
-ماشي بس قوليلي
-نعم
0روش دي تبقا شتيمة
-تتجوزيني ؟
-بصراحة في حاجة كنت عاوزة اقولهالك من زمان
- ايه؟
- انا بصراحة مش شايفة في حد في الدنيا يستاهلنس
-ياسلام ليه
- عشان انا جميلة.. رشيقة .. رقيقة
-رقيقة؟ دا انتي بديتي تقشفي
-فشر
-فوقي لنفسك .. العمر بيجري
- انا مصرة على رايي
-يعني ايه؟
-يعني اقطع معايا
- بعد كل الحب دا؟
-ماتقلبهاش تراجيديا من فضلك
- ماشي بس قبل ما امشي ممكن اسالك؟
-ايه
- تراجيديا دي بقا شتيمة؟
-تتكوشيني؟
-ايه؟
-تتكوشيييييييييييييييييييييييييييينييييييييييييييي؟
- انت مين؟
- انا حبيبك ياهبلة.. البشي النضارة وانتي تشوفيني
- طيب شاعدني عشان الاقيها
- اهي عالترابيشة ادامك
- فين؟
- لا دي نضارتي انا
- ايوه لقيتها
-البشيها بقا
-طيب
-عينيكي قوق شويه... دا بقك
-طيب لبشهالي انت
-عقبال مالبشك الدبلة
-ماتكشفنيش كنت بتقول ايه بقا؟
-كنت باقول تتجوشيني؟
-اكوشك؟ ازاي؟
- مش تتكوشيني ت..ت..ج..و..ش..ي..ن..ي
-دي شتيمة؟
-لااااااء باقولك تتجوشيني؟
-ااااااااااااه اجوشك !!!
-ايوه هاه؟
-شيبني افكر
-نعم؟ دا انتي قربتي تموتي
-لا شيبني افكر بش
-ربنا يوفقك
-ايه؟
ربنا يوفقك
-بتقول ايه؟
-ربناياخدك
(على فراش الموت)
- تتجوشيني... كح كح
-مش شامعة؟
- كح كح كح تجوشيني
-ايه؟
-لا ابدا كنت باكح
- كنت بتقول ايه؟
-تتجوشيني؟
-ايوه ياحج موافقة
-كح كح كح كدا اموت وانا مرتاح الوداااااااا....كح كح ع ع
-يا حاج ياحاج ..............لاااااااااااااااااااااااااااا
ومات الشاب والعزاء في جامع النصر
موضوع: تتجوزيني؟؟؟ 
26/10/2007, 23:03
