عايزة حد يطلعنى من اللى انا فيه

يا جماعة انا محتاجة حد يطلعنى من اللى انا فيه
انا كنت بحب واحد اوى وقعدنا مع بعض سنة كنا كل يوم مع بعض
وكنا بنحب بعض اوى واهلى واهله كانوا عارفين
وبعدين حصل مشاكل بينا واصحابه قعدوا يوقعوا بينا
وطلعت صاحبتى كمان كانت بتقوله كلام عنى مش كويس كدب
فسيبنا بعض
وحاولت انى ارجعله كذا مرة مرضاش وقال انا مش هينفع ارجعلك
لان مش هحبك زى الاول ومينفعش
وبعدها بفترة عرفت انه رجع للى كان بيحبها قبلى
وبعدها كلمته عالميل وقولت له اننا نبقى اصحاب
عشان افضل جمبه على طول ومش ابعد عنه
ومثلا اما يكون زعلان معاها انا بقول اعمل كذا عشان تصالحها
وانا ببقى متضايقة اوى وانا بعمل كدة
بس كل ده عشان بحبه وعايزة ابقى جمبه
فا انا مش عارفة انساه
وكتير قالوا لى مش تكلميه بس انا مش هقدر انى ابعد عنه
اعمل ايه محتاجة حد يساعدنى ويقول اعمل ايه
من فضلكم ساعدونى

اولا ياقمر مش تضايقى نفسك

وبصى هو مش يستاهلك ولا يستاهل حبك ليه

ولو هو كان بيحبك بجد مش كان اتخلى عنك وسابك

بس هو شكله كان بيتسلى او بيضيع وقت

وانتى ياريت تقطعى كلام معاه خالص

لانك طالما بتتكلمى معاه وكده عمرك ماهتقدرى تنسيه

وحتى لما تبعدى مش هتعرفى تنسيه بس هيكون احسن ليكى

وبكره تلاقى اللى يحبك بجد

ومعلش بئه ان شاء الله ربنا هيكرمك باللى يستاهلك ياقمر

ما انا حاولت انى ابعد عنه ومش اتكلم معاه
بس مش قدرت

معلش لازم تيجى ع نفسك وتبعدى
لأنك طالما بتكلميه هتتعلقى بيه ومش هتقدرى تنسيه
بس صدقينى لو بعدتى هترتاحى
وهتلاقى حد يحبك بجد ولما تلاقى اللى يحبك هتنسيه

سوسو عندها حق يا دلوعه

لانه كده في اهانة ليكي لكرامتك

ده شخص مقدرش حبك له

وعمل حجة صحابة عشان يسيبك ويرجع للاولى

لانه لو بيحبك كان على الاقل مش يصدق اى حاجة عليكي

وكمان مش يحب بسرعه حد تانى

وطول مانتى محسساه انه مهم في حياتك هيفضل يتقل عليكي وميعبركيش

حاولى تتقلي وتبعدى عنه

هو لو بيحبك اكيد هو اللى هيبتدى بالكلام معاكى
ويكون عايزك

بلاش تحسسيه ان روحك في ايده

معلش تعالى على نفسك شوية

الحب لو ه على حساب الكرامة يموت الحب وتحيا الكرامة

ايون بالظبط كته لولا عندها حق

وانتى بجد مش فى حل غير انك تبعدى عنه

لانه طالما شايفك مش قادره ع بعده

هو عمره ماهيرجعلك او يفكر حتى انه يرجع

وانتى بجد مش فى حل غير البعد

ولو هو بيحبك هيرجع تانى وساعتها اتى بئه

اللى تقررى اذا كنتى ترجعيله تانى ولا خلاث

شكرا اوى ليكم بجد انتو احلى اعضاء فى الدنيا
وهحاول ابعد عنه بس يارب اقدر

ااااااااه حاولى ع اد ماتقدرى

وصدقينى بجد ده احسن بكتييييير ليكى

معلشى يا جميل
بس الاهم من انك تحافظى على حبك
هو انك تحافظى على كرامتك
وتكونى مؤمنه من جواكى ان الانسان ده لو ليكى نصيب فيه
مهما حصل ومهما بعدتو هيرجعلك
واهدى كده وفكرى كويس
وانشاء الله ربنا هيعملك كل اللى فيه الخير

لو حلفتلك انتى هتصدقينى ان وانا بقرا حكايتك انا حاسه انها حكايتى انا بس الفرق بينى وبينك انى راضيه ان هو يكلمنى انا وهى فى نفس الوقت بس والله حاجه مدحكه جدا انتى عمرك شوفتى حد بيحب اتنين مع بعض والاتنين راضين ههههههههههههههههههه بس انا اخيرا اخدت القرار ان اللى يبيعنى انا اشتريه ليه انا قررت انا اللى ابعد انا داخله على سجن الثانويه العامه ادعيلى بقى والنبى ولو لقيتى حل لمشكلتى انا كمان يا ريت تبقى تقوليلى عشان انا فعلا مخنوووووووووووووووقه اوى ومش قادره افكر

على فكره موضوعك ده بالظبط حصل معايا ومع صاحبتى وصاحبه ووقعو بينا بس الفرق انه ما صدقنيش وسمع كلام صاحبه وكمان مارجعش لحد لانى حبيبته اللى قبلى اتجوزت بس انا بعدها اخدت قرار البعد مع انى كنت بحبه بجنون بس بعدت عنه ومسحت اى حاجه تتعلق بيه وفتحت اميلى عادى وحمدت ربنا على اللى حصل وقلبى مش هيملكه غير شريك حياتى ده قرارى بينى وبين ربى وفعلا انا مرتاحه جدا دلوقتى وعايشه حياتى بجد وغير كده رافضه اسمع اى حوار عنه من اى حد بس انا اتظلمت فى الموضوع ده وعرفت انه تسالى بس ربنا مش بيضيع حق حد ادعولى حقى يرجعلى

» اللى عايزة تتجوز تدخل هنا
» الاسئله اللى اى بنت تسئلها لعريس اللى متقدم لها عقبالى ياارب
» اللى يوصل لرقم 5يحط صرصار فى تى شيرت اللى يعجبه
» اللى يوصل لخمسة يغسل العضو اللى عايزه في الطشت
» > دسنا الأرض اللى ما تنداس و بوسنا اليد اللى ما تتباس