هذه قصيده لشاعر ضيف الله حمدان الشمراني

بسم الله الرحمن الرحيم
هذه قصيده لشاعر ضيف الله حمدان الشمراني ارجوا ان تحيز على رضاكم واستحسانكم
هذه القصيده:

سمرا وكل البيض منهـا يغـارون
حتى السمر يحوول ماجـو حلاهـا

ريفية تمشي على القـاع بالهـون
من ظلهـا تمطـر عليهـا سماهـا

لامن حكت زفـت تناغيـم ولحـون
تجرح حرووف الصمت روعة شفاها

مملوحـة الخديـن والفـم مزيـون
ياسعدهـا عيـن تراقـب خطـاهـا

في هرجها جاهل وعاقـل ومجنـون
صعبه تميز صحهـا مـن خطاهـا

غنيتهـا للنـاس دانـه ودلـعـون
قصيـدة محـد سمـع او قـراهـا

رسمتها غيمة فجـر كلهـا مـزون
تروي عطش مليون من حلو ماهـا

كتبتها من غيـر ريشـه ولا لـون
قربتهـا ... بعدتهـا عـن مداهـا

كلمتها اخت القمـر دون يـدروون
والليل جنبـي قـال يسعـد مساهـا

سألتها باللي خلـق روعـة الكـون
وشلون تعزل ملحهـا عـن قراهـا

قالت وش اللي تقصده قلي وشلـون
وش اللي فيني زيـن يـوم اتباهـا

احلفلك ببيت لـه النـاس يسعـون
ماغيـر خفـة دم ربـك عطـاهـا

ورموش غطت نص وجهه والعيون
الله وهبهـا هالـدلـع وابتـلاهـا

قلت البلا من خفتك صرت مفتـون
صدق المثل لا جـا يكحـل عماهـا

وارجع واقول البيض منها يغـارون
وكل السمر يحـول ماجـو حلاهـا


تحياتي للجميع ،،،لا تحرمونا من ردودكم .