الغيرة بين البنات(y0y0)

موضوع: الغيرة بين البنات(y0y0) 3/4/2010, 18:51

بسم اللة الرحمن الرحيم

انا هنتكلم انهاردة بعد ازنكوا يعنى عن موضوع واقعى وانا ذات نفسى عنيت منو اوى

وكمان كل البنات مش انا بس

والموضوع هوا الغيرة بين البنات

يعنى مثلا فى غيرة حميدة بتبقى دافعها هوا التشجيع وبتوصلنا ان احنا نكون افضل

يعنى لما واحد يغير من زميلو المتفوق فى مجال عملو دا هيدفعو انو يحاول يبقى احسن ويكون دافع ايجابى لة

لكن شوفو بئة تفاهة البنات لما تلاقى واحدة تغير من زميلتها ولا صاحبتها الى هيا زييها
يعنى مفيش فرق بينهم

ولما تلاقى زميلتها دى محبوبة من الناس والكل يحب يتكلم معاها بالمختصر المفيد يعنى واكلة الجو كلو

الغيرة دى بدل ماتدفعها انها تبقى اجتماعية اكتر وتحبب الناس فيها اكتر

بالعكس يملى قلبها الحقد والغيرة المرضية وتحاول تشوة صورتها وتنتقم منها وتخليها موضوع النميمة بينها وبين باقى زميلاتها(يعنى تخلى سيرتها لبانة فى بؤها)

للاسف بييبقى باين فى عيون الى تعمل كدا انها حقودة وغيورة ونها مستقلية بنفسها ومش واثقة فى نفسها ولا فى قدراتها

والصراحة شكلها بيبقى وحش اوى
يلا كفاية كدا انا طولت عليكو اوى معلشى

بس الى بيخلينى اتكلم كدا انى بقيت اشوف الموضوع دا كتير اوى بين البنات ومش هنكر انو حصل معايا شخصيا ومع بنات كتير

يلا كل واحدة تقول رايها فى الموضوع ولو ليها تجربة فى الموضوع الغريب دا ياريت تقولها

والشباب كمان لو ليهم راي نحب نسمعة ونشوف المشاركات

موضوع: رد: الغيرة بين البنات(y0y0) 3/4/2010, 20:36

موضوع جميل اوى

وتسلم ايدك عليه

بس والله انا عمري ماغيرت من حد لانى دايما شايفة نفسي
والحمد لله كويسة جدا في كل حاجة
وواثقة جدا في نفسي

لكن حصل ان حد غار منى وعمل ليا مشاكل
بس عموما انا مش بزعل وبعرف ان ده دليل للنجاح

واوعى تزعلى من اى حد يغير منك
ده اكيد لانه عارف انك احسن منه
في حاجة ناقصة عنده
وخلى دايما ثقتك بنفسك كبيرة مهما حصل

واللى بيغير من حد غيرة مش كويسة
ده اكيد مرض نفسي وهو عدم الثقة بالنفس
والشعور بان الاخرين احسن منه

وبشكرك بجد على التوبيك الرائع

موضوع: رد: الغيرة بين البنات(y0y0) 3/4/2010, 20:38

فعلا كلامك واقعى
البنات عادت هايفه زيادة عن اللزوم
يعنى يشغلوا دماغهم بحاجة تانية غير الكلام على الناس والترياة ودى عملت ودى سوت
ودة كله علشان زى ما انتى قولتى مش واثقه فى نفسها وشايفه ان فى ناس كتير احسن منها
عالم دماغها فاضية
ربنا يهديهم ويهدينا
الف شكر يا جميل على الموضوع

موضوع: رد: الغيرة بين البنات(y0y0) 3/4/2010, 20:55

تسلمى يويو توبليك حلو اوى
وربنا يكفينا شر الغيره دى يارب
ديما متميزه يا قمر
وتوبيك يستحق التثبيت
الغيرة بين البنات(y0y0) 22926

موضوع: رد: الغيرة بين البنات(y0y0) 3/4/2010, 20:56

متزعلوش منى بس سعات الغيرة دى بتودينا ورا خالص وسعات بتبقى عواقبها لاتحمد عقباها

موضوع: رد: الغيرة بين البنات(y0y0) 3/4/2010, 22:55

الغيرة لو هتخلينا نبقى متفوقين وتدفعنا لادام

تبقى غيرة محمودة

مش الغيرة التانية الى بالكو فيها

ميرسى لمروركوا جميعا

موضوع: رد: الغيرة بين البنات(y0y0) 4/4/2010, 21:45

على فكره بردو الاتنين بيودو فى ستين داهيه انا اعرف واحد صحبي بيحب واحده بتغير عليه قوى حتى منى

موضوع: رد: الغيرة بين البنات(y0y0) 6/4/2010, 15:37

موضوع مميز كالعاده يا يويا
تسلم ايدك يا قمر

موضوع: رد: الغيرة بين البنات(y0y0) 9/4/2010, 16:11

ايه الجمال ده يويو
موضوع جميل جدا
واحسن حاجه انه ايجى من بنت
وبصراحه انا بلاحظ كتير ان فيه بنات بتبص لبعضها وبتغير من بعضها فى حاجات هايفه كتير
زى واحده كنت اعرفها كانت بتتعرف على ناس ومبسوطه بجرى الشباب وراها
وان هى كده متفوقه على الكل وان البنات بتغير منها فى كده
ودى حاجه حايفه وهى اهيف
شكرا ليكى ايه

موضوع: رد: الغيرة بين البنات(y0y0) 9/4/2010, 16:38

ههههههههههه

وربنا ردك جامد يا مودى

زى واحده كنت اعرفها كانت بتتعرف على ناس ومبسوطه بجرى الشباب وراها
وان هى كده متفوقه على الكل وان البنات بتغير منها فى كده
ودى حاجه حايفه وهى اهيف
شكرا ليكى ايه

يسلملى مرورك الجميل دا

» أثق فيك إلى حدّ الغيرة !!!
» هل الغيرة مرض ؟
» هل الغيرة بين الاصدقاء امر طبيعى
» الغيرة
» أسماء البنات ( أجمل اسماء البنات للاطفال)