مش حب وبس

ما تخفى علينا بجراحك بتزلينا

بسم الله الرحمن الرحيم

الحلقة 34

غادة روحت البيت وهى مضايقة جدا
وطلعت ع اوضتها وقفلت عليها الباب ونامت ع السرير وهى بتعيط من الا عملة
كريم وخيبة امالها فى انها تصلح العلاقة وراااااااااحت فى النوم

عند كريم الا روح البيت ومكنش طايق حد يكلمة وطلع ع اوضة ومرضاش يتغدا

رامز خبط ع باب اوضة كريم

رامز:ادخل

كريم:تعالى يارامز

رامز:مالك يامان

كريم:مالى انا الحمد لله تمام

رامز:والله عليا جيت من شغلك مبوز ومرضتش تتغدا معانا خير حصل حاجة فى الشغل

كريم:لا ابدا عادى

رامز:فى حاجة حصلت مع الا اسمها غادة

كريم سكت

رامز:مادام سكت يبقا فى حاجة حصلت قول بقا

كريم قام ووقف قدام البلكونة

كريم:مفيش زعقتلها قدام العمال وخصمتلها 3 ايام وخلتها تعيط و كانت مستنية تاكسى وانا عديت بالعربية من قدامها من غير مابصلها حتى

رامز:يامفترى وبتقول مفيش دا انت بهدلت البت

كريم:ماهى الا عايزة كدة يارامز مش هى الا كل يوم بتعملنى رسمى تشرب بقا
وبعدين انا كنت مغيوظ منها اوى

رامز:حرام عليك بس انت كدة زودتها كنت شوفها مالها

كريم:نعم انتى عوزنى اروحلها واقولها مالك بتعملينى وحش لية
لا طبعا

رامز:عيبك انك ياكريم واخد الموضوع كرامة ودة مش ينفع فى الحب

كريم:حب اية

رامز:ااة حب بلاش تكذب ع روحك ع الاقل لو هتكذب ع الناس كلها
انا نازل اشرب الشاى فى الجنينة

ورامز عند الباب ولسة كريم واقف قدام البلكونة

رامز:فكر فى كلامى ياكريم

رامز نزل الجنينة ولقا ايمان اختة بتنده علية

ايمان:رامز

رامز:ايوا ياايمان تعالى

ايمان بتردد:هو انت .......

رامز:انا اية لخصى

ايمان:طيب هو انت بتشوف فهمى

رامز:فهمى مين

ايمان:ابن انكل حسين

رامز:اااااااة لا مش بشوفة ولا عاوز اشوفة عشان الواد دة مش بينزلى من زور
وبعدين انتى بتسالى لية

ايمان:لا عادى بس معتش بشوفة فى النادى

رامز:ااااة مشغول من يوم ماشتغل فى الشركة مع باباه

ايمان:بجد هو بقا بيشتغل مع والدة

رامز:اممم

ايمان فرحت اوى

ايمان:طيب شكرا

رامز:ايمان ع فكرة فهمى بيحب واحدة

ايمان اتصدمت ووقفت فى مكانها

ايمان:اية

رامز:النادى كلة عارف انة بيحب واحدة معاه من صغرة ومش بيمشى غير معاها وع طول معاها

وساب ايمان ومشا
الاكانت لسة واقفة فى مكانها مصدومة من كلام رامز وعيونها اتملت بالدموع وعيطت وطلعت ع اوضتها

ايمان دخلت اوضتها تعيط
ايمان ببكاء:معقول يافهمى بتحب واحدة طب وانا ومين دى وشكلها اية الا خليتك تحبها
طب وانا انا اية بالنسبالة
هعمل اية اعمل اية.....

عند غادة الا صحت الساعة 6 من النوم
وبصت فى الموبايل لقت فهمى طلبها كتير

غادة قامت ولقت مى بتخبط ع الباب

مى:غادة ادخل

غادة:تعالى يامى

مى:مالك من ساعة ماجيتى من الشغل وانتى نايمة مالك

غادة:مفيش تعبانة بس من الشغل

مى:امممم

غادة موبايلها ضرب وكان فهمى

غادة:ثوانى يامى

مى:فهمى

غادة:ااة هشوفة عايز اية
ايوا يافهمى

فهمى:اية ياابلة فينك من امبارح

غادة:ورايا شغل يافهمى

فهمى:طب عاوز اشوفك

غادة:طيب اشوفك فى النادى

فهمى:ماشى سلااام

غادة:مع السلامة

مى:انتى هتقبلى فهمى

غادة:ااة لية

مى:لا بسال بس اصل بقالى كتير مش بشوفة

غادة:انتى لسة حطة الموضوع فى دماغك يامى

مى سكتت وعيونها دمعت

غادة رفعت وش مى

غادة:مى انسى فهمى

مى بصت لغادة نظرة حزن

غادة:متزعليش من الا انا بقولة لو كان عندى امل ان فهمى يحبك كنت قولتلك حولى بس صدقنى
فهمى مش بتاع حب

مى:هو بيحبك

غادة:يوووووو قولتلك مية مرة لا
بحبة ولا بيحبنى افهمى بقا بس كل الموضوع ان فهمى مش بيحب حد خالص هو
اتعود ع كدة الوحدة صدقينى يامى انا خايفة عليكى

مى:هحاول

غادة:ماشى انا هلبس ونزلة

مى:طيب انا تحت

غادة:ماشى

غادة لبست ونزلت لقت مى ومامتها بيعيطوا

غادة اتخضت:فى اية يامى مالكوا

مى:مفيش اصل احمد لسة ماكلمنا وقالنا انة مش هينزل اجازة دلوقتى

غادة:اممم طب ياطنط انتى زعلانة لية مش شغلة

الام:انا خلاص زهقت شغل اية دة الا يخلينى ماشفهوش حتى خالد مش ناوى يجى فى الاجازة انا خلاص انا مش عارفة انا خلفتهم لية

غادة:معلش ياطنط ربنا يرجعهم بالسلامة

الام:يارب

غادة بصت حواليها:امال ماما فين

مى:فى المطبخ

غادة طيب انا راحلها

وراحت لمامتها

غادة:ماما انا خارجة

الام:راحة فين

غادة:راحة النادى هشوف فهمى واتمشا شويا وارجع مش هتاخر

الام:طيب ياحبيبتى

وغادة خارجة

الام:غادة

غادة:ايوا

الام:ابوكى

غادة:مالة

الام:داخل ع السنة ولا حس ولا خبر انا قلقانة علية

غادة:هو مكلمكيش خالص

الام:لا

غادة:ولا كلم عمى

الام:برضة لا

غادة:طب ماتقلقيش انا هحاول اسال علية

الام:ونبى ياغاة اطمنى علية اخر مرة كان هنا كان شكلة مش عاجبنى

غادة:طيب باااى

الام:مع السلامة يارب استر

عند ايمان

ايمان:انا نازلة ياماما

الام:راحة فين

ايمان:راحة النادى

الام:طيب

عند منة

الاكانت بتنايم فى ابنها وبصت فى الساعة لقت احمد اتاخر

منة:هو اتاخر اوى كدة لية

وقامت طلبت احمد ع الموبايل

احمد:ايوا يامنة

منة:اية يااحمد التاخير دا كلة

احمد:انا فى الطريق

منة:ماشى
مع السلامة

ونزلت منة تحت

الام:هو احمد اتاخر لية يامنة

منة:انا كلمتة فى الطريق

الام:ربنا يجيبة بالسلامة
اما اقول للخدمين يحضروا الاكل

كريم نزل

منة:كريم محدش عاد بيشوفك

كريم:مفيش انتى عارفة الشغل وكدة

منة:وتخبار الشغل اية

كريم:الحمد لله قربنا نخلص المشروع

منة:ربنا معاك
اصلك معتش بتسال يعنى فين ايام زمان كنت كل يوم بشوفك من يوم ماجيت الفيلا هنا وانا معتش بشوفك خالص

كريم:معلشى الشغل بقا
امال كريم الصغير فين

منة:نايم

كريم:اااة ابقى بوسهولى

منة:طيب

كريم:انا خارج عوزة حاجة من برة

منة:لا شكرا

كريم:عن اذنك

منة :اتفضل

كريم مشا ومنة فضلت واقفة تبص علية

منة:غريبة مكنتش اعرف انه هيتغير اوى كدة من نحيتى لما اتجوز احمد


ايمان وصلت النادى ودخلت وقعدت مع اصحابها

ايمان:سلمى تعالى عوزاكى
عن اذنكوا

سلمى:فى اية

ايمان:انتى تعرفى البت الا مصاحبها فهمى

سلمى:اااة لية

ايمان:اسمها اية

سلمى:اسمها غادة

ايمان:طب انا عوزة اشوفها

سلمى:مش عارفة هى هنا ولا لا اصل مش بشوفها

ايمان:طب اشوفها فين غير النادى

سلمى:مش عارفة والله ياايمان

ايمان:طب انتى بتكلميها

سلمى:يعنى هاى بااة كدة بس

ايمان:معاكى موبايلها

سلمى:ااة

ايمان:طب كلميها وشوفيها فين وقوليلها تيجى النادى

سلمى:لية كل دة

ايمان:اعملى الا بقولك علية

سلمى :طيب

سلمى اتصلت بغادة وعرفت منها انها فى طريقها للنادى

سلمى:ممكن اعرف فى اية

ايمان:وانتى مالك
قوليلى هى حلوة

سلمى:اممم

ايمان:اية امم دى يعنى حلوة

سلمى:هتشوفيها دلوقتى
نروح بقا للجروب عشان ميزعلوش

ايمان:طيب

غادة وصلت النادى

وكانت بدور ع فهمى

سلمى:ايمان اهى الا هناك دى

ايمان:دى

سلمى:اممم

ايمان:طب اندهيه

سلمى:طيب غادة غادة

غادة ادورت ع الصوت وشورت لسلمى وراحتلها

غادة:مساء الخير

سلمى:مساء النور اتفضلى

اعرفك ايمان غادة

ايمان وغادة سلموا بعض

وايمان فضلت تبص ع غادة وتعاين كل حتة فيها

سلمى:اية يابنتى محدش بيشوفك لية

غادة:معلشى الشغل بقا

سلمى :ااة ربنا معاكى

موبايل غادة ضرب

غادة:ايوا يافهمى

ايمان اتنفضت من مكانها

غادة :انا فى النادى
ماشى سلاام

عن اذنكوا انا لازم اقوم

ايمان:لية فى حاجة

غادة:لا مفيش بس هشوف حد

ايمان:حبيبك

غادة ابتسمت:لا خالص دا صاحبى مش اكتر
عن اذنكوا
انا مبسوطة انى اتعرفت عليكى ياايمان

ايمان:وانا كمان مع السلامة خلينا نشوفك

غادة:ماشى
باااى

ايمان:باااى

سلمى:ممكن تفهمينى انتى طلبتى تشوفيها لية

غادة راحت لفهمى

فهمى:اهلا بالهانم الا مش بترد عليا

غادة:هى دى مقابلة

فهمى:امال عوزانى اقبلك ازاى وانتى من امبارح مش بتردى عليا

غادة:ااة انت جايبنى بقا عشان تسمعنى الاسطوانة دى

فهمى:لا خلاص وع اية
تشربى اية ولا نتعشا

غادة:لا هشرب عصير

فهمى:ماشى
وطلب مشروب

فهمى:اخبارك اية فى الشغل

غادة:الحمد لله تمام

فهمى:مش ناوية تسيبك من الشغل دة وتيجى تشتغلى معايا انتى خلاص كلة اسبوع وتطلع نتيجة مشروع التخرج

غادة:فهمى انا مش هسيب الشغل مع كريم

فهمى:نعم احنا مش خلاص سبنا الموضوع دة

غادة:لا يافهمى انا مش هسيب شغلى

فهمى:طب وكريم

غادة:انا مأجلة الموضوع دة

فهمى:يعنى اية مأجلة

غادة:يعنى مش مستعجلة فى الحكم علية

فهمى:نعم بعد الا شفتية بعينك

غادة:ااة

فهمى:انتى اية لااغيرك كدة هو حصلت حاجة
انتى مكنتش كدة من يومين دانتى كنتى بتتحيلى عليا اساعدك

غادة:خلاص يافهمى اقفل الموضوع دة بقا لو سمحت
بعدين انت شاغل نفسك بية اوى كدة لية
وممكن اعرف انت عرفت منين انة رايح يقابل واحدة

فهمى:عرفت وخلاص

غادة ضحكت ضحكة استهزاء:انت بتعمل كدة لية

فهمى:بعمل اية

غادة:ولا حاجة انا ماشية

وقامت وقفت

فهمى:انتى راحة فين اقعدى

كل دة وايمان وصاحبتها واقفين بعيد يبوصوا ع فهمى وغادة

غادة شدت ايديها :انا ماشية يافهمى

وسابت فهمى ومشت

فهمى قام وراها ومساكها من ايديها

فهمى بصوت واطى وهو ضاغط ع سنانة:قولتلك مية مرة لما نبقا مع بعض ماتبنيش وتقومى كدة

غادة زقت ايد فهمى:وانا قولتلك مية مرة معتش تمسك ايدى كدة

وزقت فهمى ومشت
وفهمى وقف يبصلها بغيظ

فهمى:ماشى ياكريم انا همحهولك ياغادة

ايمان:هو اية الا حصل

سلمى:ولا اعرف

غادة خرجت وهى مضايقة وركبت تاكسى وروحت ع البيت

عند البش مهندس محمد

محمد كان قاعد ع الكافتريا ولقا واحد صاحبة جاى علية

اسلام:اهلا مش معقول ازيك يامحمد
وسلموا ع بعض

محمد:اهلا يااسلام

اسلام:انت بتتشغل فين دلوقتى

محمد:انا بشتغل فى شركة لسة فاتحة جديد
وانت

اسلام:انا بشتغل فى شركة حسين جروب

محمد:بجد وعرفت توصلها ازاى

اسلام:عادى هما بيطلبوا مهندسين انت اية لا رماك ع الشركة الا انت فيها

محمد:هعمل اية النصيب

اسلام:طب لو قولتلك تيجى تشتغل معايا توافق

محمد:بجد فى شركة حسين جروب

اسلام:ااة

محمد:طب ياريت

اسلام:طب خلاص اعتبر نفسك اتعينت
هما طالبين مهندسين جدد

بس اهم شىء سيب الشركة الا انت فيها من بكرة

محمد:وانا موافق

اسلام:مبروك

عند فهمى
تليفونة ضرب

فهمى:ايوا يااسلام

يعنى هيسيب الشغل من بكرة
طب خلاص
يلا سلاام

لما اشوف هتعمل اية ياكريم
انا هخربها ع دماغك


نكمل الحلقة الجاية
يارب الحلقة تعجبكم

سلااااااام

ايه ده بقي هوه فهمي ده بيعمل كده ليه

هو لو كان بيحبها بجد مكنش يقف اودام سعادتها مع كريم

واصلا كده اسمه حب امتلاك عايزها تكون ليه وهي مش بتحبه

ربنا معاكي ياغاده كملي يلا ياانوووووووووس

بسم الله الرحمن الرحيم

الحلقة 36

غادة هى وكريم كانوا ماشين فى الجنينة

غادة:شكرا اوى ع الوقت الحلو دة

كريم:نغير جو شوية بعيد عن الشغل ومشاكلة

غادة:عيلتك ظريفة ربنا يخلهملك

كريم:ربنا يخليكى

غادة فى بالها:يارب ابقا من العيلة دى
كريم فى بالة:يارب تبقى واحدة مننا

وبصوا لبعض وابتسموا

غادة وصلت عند بيتها

غادة:اتفضل

كريم:شكرا

غادة:كل مرة اقولك اتفضل ومبتدخلش

كريم:معلشى بس الوقت متاخر
مرة تانية

غادة:طيب لما اشوف

كريم:ان شاء الله مرة هاجى البيت عندك

غادة:وعد

كريم:وعد

وضحكوا الاتنين

كريم:اشوك بكرة
تصبحى ع خير

غادة:وانت من اهلة

غادة خدت نفس عميق وخرجتة وكانت مبسوطة اوى وماشية مبتسمة

فى الموقع

المقاول:انت متاكد من الاسمنت دة
لحسن تودينا فى دهية

الرجل:ياعم قولتلك متخافش
هو نفس الا انت كنت بتستعملة بس دا ارخص شوية
وباقى الفلوس ينفعك انت وولادك
ها هتشترى ولا فى غيرك يتمنا

المقاول:خلاص ياعم هاخد

الرجل:خلاص اتفقنا

وبعد ماخلصوا

الرجل طلع موبايلة
كلة تمام ياباشا


ومرت الايام وغادة اتخرجت ونجحت باأمتياز
والشغل فى الموقع ماشى كويس وغادة وكريم بيعملوا المستحيل عشان يلحقوا المعاد
وكل يوم بيشتغلوا من الصبح لبليل
لحد مابيتعبوا وبيروحوا مش شايفين قدامهم
ومع كل التعب دة غادة وكريم كانوا بيقربوا من بعض اكتر
واكتر وقتهم بيقضوا مع بعض فى الشغل وفى وقت الراحة بيقعدوا مع بعض ياكلول ويضحكوا ويتكلموا

اما فهمى

فبيحاول يقرب من غادة بس هى مشغولة وع طول مش فاضية
وبيقعد كل يوم ع البحر ساعة الغروب زى ماكانوا بيعملوا زمان
ويفتكروا ايامهم
وخلص جامعة ونجح وابوها بيضغط علية عشان يخطبلة ايمان بس هو رافض
وع طول بيزعل مع باباة بسبب الموضوع دة

عند منة واحمد

منة ع طول مع ابنها كريم ونجحت فى الكلية ولسلها اخر سنة وتخلص
واحمد ع طول مشغول فى قضاياة وكان كريم ع طول بيقعد مع ابن احمد والوالد كان بيحبة اوى
بس احمد يوم الاجازة بيقضية مع منة اوبنة وبيخرجوا يوم الجمعة يرحوا النادى
وحياتهم كويسة ومبسوطين

عند مى

كانت مشغولة فى مذكرتها وبتحاول تشغل نفسها عشان تنسا فهمى
بس اوقات كتير بتقبلة فى النادى وبيتكلموا مع بعض

اما ايمان

فمشغولة بفهمى اوى ومش ناوية تسيبة ابدا
وبتحضر كل حفلاتة وجابتلة هدية فى تخرجة
بس فهمى كان بيتمنا غادة الا تكون معاه
وايمان بتحاول تقرب فهمى منها

ومستغلية انشغال غادة بشغلها وبكريم
وفرحت اوى لما شافت كريم مع غادة يوم السبوع وحاست انهما بيحبوا بعض

غادة وكريم فى الموقع

كريم:انا مش مصدق نفسى اننا خلصنا المشوع قبل معاد التسليم ب3 ايام

غادة بصت لكريم وهى مبتسمة:مش قولتلك ان مفيش حاجة اسمها مستحيل
واننا لازم نتعب عشان نحقق لا بنحلم بية

كريم:انا مش عارف من غيرك كنت عملت اية

غادة:كنت قفلت الشركة

وضحكوا الاتنين

كريم:لا بجد انتى بعد ربنا السبب فى اننا نلحق نخلص المشروع

غادة اتكسفت وحطت وشها فى الارض

غادة:لو كنت لوحدى مكنتش هعرف اعمل حاجة
كل حد فينا محتاج حد تانى يكملة ويكمل معاه
وانت لاا كلمتينى وكملت معايا ولولاك مكناش وصلنا لكدة ولا اية

كريم ابتسم وفضل باصص لغادة نظرة اعجاب

غادة كانت مكسوف

غادة:امال هنعمل الافتتاح امتى

كريم:بعد بكرة ان شاء الله

غادة:ان شاء الله

عند فهمى الا كان فى مكتبة
وواحد دخل لة المكتب

الرجل:فهمى بية الافتتاح بعد بكرة يافندم

فهمى بغيظ:بقا كدة
سبهم ان شاء الله كريم دة هيروح فى ستين دهية
روح انت

بكرة تشوف ياكريم اما هديت المشروع دة فوق دماغك مبقاش انا

يوم الافتتاح

غادة كانت متشيكة ع الاخر

كريم:اية الحلاوة دى كلها

غادة بابتسامة كسوف:شكرا لذوقك

كريم:لا والله زى القمر النهاردة

غادة:ميرسى

كريم:ميرسى مشى النهاردة عملين حفلة كدة للشركة بمناسبة انتهاء المشروع وتسليمة
هاتيجى

غادة:اكيد مش انا المهندس المنفذ
فلازم اجى ولازم اسمع كلام مدير الموقع
ولا اية

كريم:ااة لازم لو كدة ماشى
اتفضلى

كريم طلع عشان يقول الكلمة

كل الناس بتصقف وغادة طبعا

كريم :شكرا
بسم الله الرحمن الرحيم

طبعا انا بشكر ربنا الاول لانة صاحب الفضل الا احنا فية
وبشكر كل مساعدى فى مجلس الادارة فى
الشركة ع اننا اتعونا عشان شركتنا تقدم انجاز عظيم وانا قولت علية عظيم
لان انا شايف ان اساس مستقبل اى بلد فى التعليم
وانا سعيد ان يكون اول مشروع ليا ولزملائى ع ارض الواقع تكون مدرسة لتعليم اولادنا

الكل طبعا صقف لكريم

اوقات كتير مننا بيجيلة اوقات من الياس ويظن انة غير قادر ع تحقيق اى حلم من احلمة حتى لو كان بسيط
انا مريت بالتجربة دى
بس الصراحة لقيت ورايا حد بيشد فى ايدى ورفض انى استسلم وتمسك بحلمة وحلمى ومد ايدة ليا وحطينا ايدينا فى ايد بعض
اقدملك المهندسة الا انا شايف ان هيبقلها شان كبير فى مصر
وهتقدم لبلادها الكثير
خلونى اقدملكوا المهندس التنفيذى للمشروع وصاحبة التصميم وليها الفضل بعد ربنا لوصولنا لهذا الشكل من المشروع

حيوا معى المهندسة غادة عزت

غادة قلبها اتنفض وزادت دقاتة وفضلت مكانها وبتبص لكريم وهى مش مصدقة نفسها

كريم :تعالى قومى

غادة قامت وهى رجليها بترتعش وقلبها بينبض بسرعة مش عارفة تقول اية

والكل كان بيصقفلها

غادة وقفت جمب كريم كريم شاورلها انها تتكلم فى المايك

غادة:هقول اية

كريم:قولى الا انتى عوزاها
يلا

غادة وقفت قدام المايك وهى خايفة اوى

غادة:احم بسم الله الرحمن الرحيم

الصراحة انا مش عارفة اقول اية
لان البش مهندس كريم وبصت لكريم
قال الا ممكن اى حد يحب يقولة

بس صراحة انا كنت عايزة اوضح حاجة بسيطة
هى انى مش صاحبة الفضل ولا حاجة ولا صاحبة المشروع
لانى لو مكنتش لقيت شركة تقف جمبى ودعمنى مكنتش وصلت لااى حاجة
فلولا الصراحة كل المهندسين الا اسسوا الشركة
ابتدأنا من المهندس كريم
والمهندس مصطفى
وحلمى واحمد مع حفظ الالقاب طبعا
مكناش انا بقيت مهندسة

وبشكر كل الا ساعدونا فى المشروع من عمال ومقاولين ومهندسين
وشكرا

طبعا الكل صقف

فهمى كان واقف بعيد يبص ع غادة وكان زعلان اوى ان غادة مش فاكرة فى الوقت دة وكان نفسة يكون جمبها بس الا جمبها البش مهندس كريم

طبعا اهل غادة وكريم كانوا موجودين
ووالدة غادة كانت فرحانة اوى وكانت بتتمنا ان ابوها يكون موجود وكانت بتبكى من الفرحة
وطبعا والدة كريم واهلة احمد اخوة
ومنة حتى ابنة كريم

كريم وغادة لما خلصوا غادة راحت لوالدتها حضنتها
وكريم راح لاهلة

وشال ابن اخوة

وكان يوم حلو اوى لغادة وكريم
ووحش اوى لفهمى


يارب الحلقة تعجبكم

بااااااااى