حتي المستقبل مظلم يوم من ايام سنة 2085

المكان : أحد أحياء القاهرة

الزمان : يوم من أيام صيف عام 2085

========================

حفيدة في سن المراهقة (12 سنة) تجلس مع
جدتها
(70 سنة)
ويدور بينهما هذا الحوار

الحفيدة : تيته ميرو إزيك..بقى لي زمان ما
قعدتش معاكي

الجدة : وهو أنا عارفة أتلم عليكي خالص.. ده
أنا قاعدة زهقانة قوي ومش لاقية حاجة تسليني

الحفيدة : ومابتفتحيش الدش ليه يا تيته

الجدة : التليفزيون بقى ممل خالص مافيهوش غير
سبعتلاف وخمسميت محطة بس!.وأنا كمان ما
بعرفش أغير المحطات
!

الحفيدة : وإيه الحلاوة دي؟ حلو البادي اللي انتي
لابساه ده..بس ده موضة قديمة قوي ياتيته

الجدة : يا بنتي أنا ست دقة قديمة وبالبس زي ما
جيلنا الصاعد اتعود وحسب التقاليد القديمة بتاعتنا

الحفيدة : أيوه بس مش حاسة إنك مخنوقة وانتي
لابساه؟

الجدة : أبداً ده هو ده اللبس المحتشم اللي
مفروض الكل يلبسه ويحافظ عليه..فين أيام زمان
لما كنا نلبس البادي اللي مبين البطن والظهر
بس، مع البنطلون السترتش الجلد …كانت حاجة
آخر روشنة

الحفيدة : ياه يا تيته.. ده انتوا كان ليكم تقاليد
غريبة خالص
!

الجدة : وهو انتي فاكرة إن أيامكم دي أيام؟
يا بنتي أيامكم دي ما يعلم بيها إلا ربنا .. فين أيام
سنة 2006 هي الواحدة فينا كانت تستجري
تشرب سيجارة البانجو ولا تسحب لها سطر بودرة
قدام أبوها؟
طب ده الدنيا كانت تتقلب ساعتها وما تتعدلش ..
أمال إيه .. كان فيه حاجة اسمها أخلاق

الحفيدة : معقول يا تيته؟ للدرجة الفظيعة دي!!؟

الجدة : أمال انتي فاكرة إيه .. وبعدين كانت الست
من دول ما تلبسش اللبس الخليع بتاع اليومين
دول..يعني الجيبة كان ما يقلش طولها عن شبر
ربع .. وكانوا الستات يلبسوا فوقيها بلوزة
باستمرار ..مش زي دلوقتي! حسبي الله نعم
الوكيل

الحفيدة : يا خبر .. وإيه كمان ياتيته

الجدة : ح أقول لك إيه ولا إيه يعني خدي عندك
مثلاً
..
زمان كنا نسمع الطرب الأصيل لمطربين
حقيقيين :مصطفى قمر وعمرو دياب وطبعاً كانت
سيدة الغناء شاكيرا، وكانت الأغنية مدتها أكثر من
دقيقتين متواصلين من الطرب الأصيل والموسيقى
الهادية الراسية اللي تعمر النافوخ بصحيح كانوا
مطربين روشين وآخر طحن، حسبي الله ونعم
الوكيل

الحفيدة : وبعدين ياتيته؟

الجدة : وبعدين كنا نسمع على حاجة اسمها
اسطوانات ليزر،ودي صحيح انقرضت، بس كان
ليها طعم عن دلوقتي، يا سلام لما كنا نحطها في
الووكمان ونعلقها في حزام البنطلون كده
ونمشي في الشارع كده، كانت أيام
جميلة.حسبي الله ونعم الوكيل

الحفيدة : حكاويكى ممتعة قوي يا تيته .. ثانية
واحدة بس لما أصحي سمسم صاحبي فى
المدرسة لأنه بايت معايا في الأودة من
امبارح ..أصل الإنسان الآلي بتاع
الصحيان بايظ ولازم نصلحه النهاردة

الجدة : طيب ياحبيبتي روحي

(بعد عدة دقائق)

الحفيدة : هيه يا تيته.. وبعدين؟

الجدة : أحلى أيام بقى كانت أيام الدراسة، الفصل
كان على أيامنا رايق وعدد التلاميذ فيه ما يزيدش
عن ستين سبعين تلميذة، وكنا ساعتها بنعرف
نفهم الدرس كويس مش زى دلوقتي وكانت
الشوارع أيامها فاضية يعني كانت إشارة المرور
تقعد ساعة إلا ربع بس لأن مصر كلها كان تعدادها 70
مليون مش أكثر، تخيلي بقى الروقان اللي كنا
فيه؟ حسبي الله ونعم الوكيل

الحفيدة : 70 مليون بس؟

الجدة : أمال إيه .. عشان كده كانت كل حاجة
رخيصة ، يعني مثلاً كيلو اللحمة يوم ما يضربه
الدم كان يبقى بخمسة وعشرين جنيه أو بتلاتين
جنيه، وكان أتخن جوز جزمة بـ 250 جنيه، وكان
الواحد يقدر يشتري شقة تمليك بـ150 ألف جنيه
بس..وكان الدولار بسبعة جنيه ونص بس.. تخيلي
بقى؟

الحفيدة : ما هو علشان كده الجواز على أيامكم
كان سهل خالص، إحنا بقى خلصنا من العُقد دي

الجدة : أُمال إيه .. ده احنا الواحدة مننا كانت
بمجرد ما توصل سن 17 سنة تبتدي تفكر في
الجواز العرفى على طول، وما كانش عندنا الأفكار
الغريبة اللي بتعملوها دلوقتي، أنا شخصياً شايفة
إن ده أوفر شوية، ده احنا يا بنتي على أيامنا كان
لا يمكن البنت تتأخر بره البيت عن الساعة أربعة
الصبح، طب ده باباها كان ممكن ساعتها يخاصمها
!

الحفيدة : ياي! ده انتوا كنتوا متزمتين خالص ياتيته
!!!

الجدة : يا بنتي إحنا اتربينا على الأخلاق والفضيلة
والعادات والتقاليد . يعنى كان أهل الفن
محتشمين جداً وكانوا دايماً يطلعوا بالمايوهات
البيكيني، والمذيعات كانوا يقعدوا جنب الضيف
مش على ركبته زي دلوقتي
..
هيـ يـ يـ يـ ـه الله يرحم دي أيام.. فكرتيني بالذي
مضى حبي الله ونعم الوكيل

(تمسك الجدة بتليفون محمول في حجم علبة الكبريت)

الحفيدة : ح تكلمي مين يا تيته؟

الجدة : الحقيقة أنا كنت موصية الجزار على اتنين
كيلو لحمة و اديته 600 دولار عربون وعايزة أطلبه
أشوف إذا كانت اللحمة وصلت ولا لأ
..

الحفيدة : (تنهض من مكانها) تشاو سي يو تيته
!

الجدة : سي يو

وبعد مرور عدة ساعات انتابت الجدة خلالها غيبوبة
بسبب الشيخوخة و في المساء دار هذا الحوار
:

الجدة : إنتي كنتي فين يا فتفت؟

الحفيدة : أصل إحنا أخدنا الولد من الحضانة

الجدة : ولد !! ولد إيه اللي أخدتوه من الحضانة؟

الحفيدة : آه صحيح أنا نسيت أقول لك .. أصل أنا
جبت ولد من سمسم صاحبي

الجدة : يا بنتي مستعجلين على إيه مش لما
تتجوزوا ؟ حسبي الله ونعم الوكيل

الحفيدة : يا سلام عليكي يا تيته.. إنتي عليك
تحكيمات غريبة..طيب إيه اللي يمنع نخلف من غير
جواز ؟ أنا شخصياً عملتها ونفعت

الجدة : مشكلتي إني ما باعرفش أزعل منك يا
فتفت ياعكروتة ..وسميتوا المحروس إيه بقى

الحفيدة : سميناه : دوت كوم

الجدة : نعم .. دوت كوم؟ نظام هاي تك بقى؟
يعني لما تعوزي تنادي له تدوسي (إنتر) ولا إيه
بالضبط ؟

الحفيدة : ها ها ها ها .. إيه الخفة دي يا تيته
والله فكرة .. لما أعوز أنده له أدوس إنتر .. ولما
أحب أقول له روح أودتك أدوس

( ألت و إف 4 )

الجدة : وأخدتوه من الحضانة وديتوه فين بقى؟

الحفيدة : وديناه النادي الصهيوني بتاع الحي

الجدة : النادي الصهيوني بتاع الحي؟

الحفيدة : أيوه .. ده نادي جميل معمول برعاية
كبار رجال الأعمال .. وتحت رعاية وزارة الزراعة
وده بيعلم الأطفال حاجات ظريفة خالص
ومصاريفه رخيصة جداً وبعدين الولد الكويس
ممكن يبعتوه يكمل تعليمه في إسرائيل على
نفقة وزارة الزراعة أصل
(ميدو يوسف والي)
وزير الزراعة ده راجل متفتح قوي
هه..أفتح لك التليفزيون يا تيته عشان تشوفي
نشرة الأخبار؟

الحفيدة تضغط الريموت كنترول لنرى شاشة كبيرة
بطول وعرض حائط الغرفة، وتظهر صوت مذيعة
مصحوباً بلقطات للأنباء تقول
:

المذيعة : هاي شلة ! إليكم عناوين الأخبار

-
أمريكا ترصد 25 مليار دولار لرأس تامر بن محمد
بن أسامة بن لادن المتهم الأول في تفجير قصر
السفير الأمريكي في أفغانستان

-
واشنطن تتهم ليبيا بتفجير سفينة فضاء فوق
كوكب المريخ

-
وزير الاقتصاد د. فريد يوسف بطرس غالي يصرّح
:
إعدام الفقراء هو الحل لخروجنا من عنق الزجاجة

-
موافقة مجلس الشعب أخيرا على خصخصة
معبد الكرنك

أخبار عربية
:

-
زهوة ياسر عرفات تطالب بانسحاب إسرائيل
حتى حدود عام 2030، وإعلان الدولة الفلسطينية
في مايو المقبل

-
إسرائيل ترفض الإنسحاب من البصرة إلا بعد
ضمان أمن مستوطناتها في بغداد

-
اشتباكات على الحدود الإسرائيلية المغربية

أخبار الفن

-
زفاف المطربة صباح على حفيد الفنان الراحل
راغب علامة

-
رئيسة قطاع الإنتاج لم يستقر بعد على بطلة
فوازير رمضان ويعقد إجتماع مع السيدة توتي
محمد صفوت الشريف وزيرة الإعلام الجديدة
لمناقشة هذه القضية

-
الفنان محمد هنيدي يهاجم نجوم الكوميديا الجدد

المذيعة : فينيش باي

الجدة : لأ بقى حسبي الله ونعم الوكيل فيكم فعلا

(يغمى عليها)

هههههههههههههههههههههههههى

تسلم الايادى نيس توبيك
مسيتى كل جديد

ههههههههههههههههههههههههههههههههاى ملهاش حل خالص
تسلم ايدك يا ساره ههههههههههههههههههههههههههههاى

KokoOoOoo كتب:: تسلم الايادى نيس توبيك
مسيتى كل جديد

تسلم ياجميل نورت

mour كتب:: ههههههههههههههههههههههههههههههههاى ملهاش حل خالص
تسلم ايدك يا ساره ههههههههههههههههههههههههههههاى

ههههههههههههههههههههههى
نورتنى ياجميل

ههههههههههه

ههههههههههههههه

لا ان شاء الله المستقبل بخير طول مفيه ناس كويسه ذيك يا سوسو موضع قمه فى الجمال بس

إن شاء الله لا يمكن يحصل ابدااااااااا بس بيضحك جداااااااااا وفى نفس الوقت بيخوف

ربنا يستر هيه الدنيا نقصه خراب هو فيه حاجه بعد الباضى كمانى استر يارب وبطرس زفة

بتاع الزراعه ده ورانا هو وزريته النجسه فصبر جميل والله المستعان على ما تصفون

ربنا يخلف لينا زوريه تدخل الجنه موش تتعلق برقبتنا وهيه دخله النار

أشكرك على الموضوع وتألقك دمتى بوووووووووووود وسعاده ومستقبل يحبه الله ويرضاه
وإلى العلا فى سبيل المجد يا من تظنون بالله ظنا حسنا

حتي المستقبل مظلم يوم من ايام سنة 2085 EL7H3-4Kih_115055866

حتي المستقبل مظلم يوم من ايام سنة 2085 EL7H3-4Kih_115055866

نسيم @ العشق

هههههههههههههههههههههه
تسلم ايدك

نولا كتب:: ههههههههههه

نورتينى يانولا

محمد نسيم كتب:: ههههههههههههههه

لا ان شاء الله المستقبل بخير طول مفيه ناس كويسه ذيك يا سوسو موضع قمه فى الجمال بس

إن شاء الله لا يمكن يحصل ابدااااااااا بس بيضحك جداااااااااا وفى نفس الوقت بيخوف

ربنا يستر هيه الدنيا نقصه خراب هو فيه حاجه بعد الباضى كمانى استر يارب وبطرس زفة

بتاع الزراعه ده ورانا هو وزريته النجسه فصبر جميل والله المستعان على ما تصفون

ربنا يخلف لينا زوريه تدخل الجنه موش تتعلق برقبتنا وهيه دخله النار

أشكرك على الموضوع وتألقك دمتى بوووووووووووود وسعاده ومستقبل يحبه الله ويرضاه
وإلى العلا فى سبيل المجد يا من تظنون بالله ظنا حسنا

نسيم @ العشق

تسلم يامحمد نورت

الماجيك كتب:: هههههههههههههههههههههه
تسلم ايدك

تسلم ياجميل نورت

» امتاحانات المستقبل بعون الله
» اختيار زوج المستقبل...
» الي زوجات المستقبل تعالي شوفيه هينام ازاي(azmaa)
» أكتب إسمك تطلع لك سيارتك فى المستقبل هههههههه والله اعلم
» صوره ابنك فى المستقبل