يا بنات شوفواااااااااا حركا ت الشباب.وادعوا ليا ونبى

السلااااااااام عليكم

اشحالكم انشاء الله بخير

اليوم يبتلكم هالموضوع

حركات الشباب للبنات واتوقع الشباب بيعصبون عليه من هالموضوع هههه

بس لازم نفيدكم يالبنات ههههه مع اني متاكده الشباب اللي بالمنتدى مافيهم هالحركات

انتبهن يا أخواتي الشابات من الكلام المعسول الذي قد تسمعينه من الشباب وحافظي على عفتك وطهارتك واذا كان الشاب يحبك حقيقة فالطريق مفتوح امامه الى بيت اهلك وليس هنالك حفريات أو طرق مغلقه . والله والله والله انهم جميعا كاذبون لا يعرفون معنى الحب انما لا تتعدى هذه الكلمات السنتهم ليحصلوا منك على ما يريدون وتاكدي من الثلاث ممنوعات في التشات>>

الممنوع الأول :- لا تعطي أي معلومة لأي شخص عنك شخصيا . الأسم والعنوان رقم التلفون هذه يجب ان لا تعطى لأي شخص..

الممنوع الثاني:- لا تنساقي مع كلام معسول تسمعينه يدغدغ حواسك فأنه السم في الدسم . اقفلي الطريق واقطعى الأتصال فورا اذا بدا الكلام يخرج عن موضوع النقاش . واتجه للأسئلة الشخصية والعواطف...

الممنوع الثالث :- اياك ثم إياك ثم إياك ان تعطي صورتك لأي شخص . فكم من المصائب حصلت بسبب هذه الصور ...

اليكم بعض الجمل الشائعة بين الشباب...

· حبيبتي تدرين والله انا ماعندي حركات الشبااب... ماكلم بنات... اصلا ماحب هالحركات
((باااااااااين وانت كل بنات العالم يعرفونك))

· مادري حبيبتي احس اني اعرفك من زمااان
(( لا يمكن مغلط بينها وبين وحده كنت تعرفها اول .. يمكن في شبه ))

حبيبتي احس انك غير عن كل البنات احس انك مختلفه وغير عنهم
((ليش فوق راسها ريشه و لا من كوكب ثاني))

· حبيبتي والله احس في اشياء كثيرة انا وانتي نتشابه فيهااا .. كأننا شخص واحد
(( سبحان الله اخوها فالاسلام لازم يكون في شبه ها ها هاااي ))

· ياريتني ياقلبي عرفتك من زمان
(( ماعليه كان عندك زحمه ))

· حبيبتي انتي تامرين قلبي امر .. كل اللي تقولينه البيه
(( ايه فالاحلاام اكيد ))

· حيااتي ابيك تتغطين عشان ما احد يشوفك غيري لاني اغاار
((لا يا حرااااام الغيرة حرقت قلبك حرق))

· ابيي اخطبك من اهلك بس بعد ما اكون نفسي
((عيل من تكوون هع هع بس صح تكسر الخاطر فلوسك كلها على التليفون والسيارة وعزايم الربع و و و الخ))

· يا قلبي ابغى اشوفك باقرب وقت ماقدر على الشوق اللي ذبحني
((يبغى اصحابه يتأكدون انها حلوة ))

· انا احب الشعر ومن هواياتي الرسم والسباحه
((لا رومنسي الحبيب ))

· حبيبتي حطي في بالك ترى انا اذا حبيت حبيت من كل قلبي
((اقول بس اي قلب فيهم ؟ !!!! ))

· علاقتي فيك محد يدري فيها ابد لانها تعتبر من اهم خصوصياتي
(( بس عادي كل أخواااني واصدقائي وجيراني وعيال الفريج والربع بالمدرسه والشباب اللي أعرفهم يدرون .. لانهم مب اي احد ((

· شكلي حبيبتي راح اخذ لي جاكوار من الوكاله
((اذا مو هوندا موديل 76 ولا امبالا مديل 72 ))

· احتمال اروح سويسرا الصيف اليااااااااااي
(( ايــــــــــه هيــــــن -- أي سويسر فيهم المطعم اللي في الشارع العام ولا القهوة اللي في اخر الشارع ))

· دايم اشتري عطوري من تناغرا
(( الحمدلله والشكر من اللي الدستة بعشرة ريال ))

· لما اشوف رقمك في تليفوني قلبي يفز من مكانه
((اكييد .. خايف تكون كشفت ملاعيبك))

· فلان قال لي اعطيه رقمك .. بس انا قلت له اذبحني قبل ماتاخذ رقمها مني
(( هاهاااي يا بطل انت يا شجااع .. هذا اذا مو كل الشباب يعرفون رقمها المسكينه ))

· حبيبتي ابغا صورتك اخليها عندي عشان قبل ما انام اشوفها واحطها تحت راسي وانام
(( لا وانت الصادق عشان يوم تمل منها وتبي ذاك الشيئ وما تطوله بالحيلة تكون الصوره سلاح تهددها))

· اسف حبيبتي امس ما اتصلت عليك بس كنت مشغووووول مررررة مع الدراسه
(( باين يا نيوووتن انتااااا ولا كنت تركض ورا وحده ثانية تلعب عليها ))

· تدرين حبيبتي انا دايما البنات في السنتر يطلبون رقمي ... بس انا ماعطيهم وجه دام انتي حبي
((هاهاااي .. الترتيب الصحيح للجمله .. دايماا انا الحق البنات بس مايعطوني وجه ))

· والله حبيبتي كان ودي اجي عالموعد اليوم بس صارت ظروف صعبة جدااا وماقدر اجيك
(( ايه صح تذكر موعده مع خويته الثانيه الجديده خلاص انت راحت عليك صرتي ملكه وقت ما يبيك يحصلك الأن الدلال للجديده))

· امس مانمت .. طول الوقت افكر فيك .. اخذتي عقلي حبيبتي
(( الا قصدك نمت وحلمت وشبعت نووم ولا تدري عنهاااا اصلاا ولا تكون كثرت شاي وقهوه مع الشله ))

· ِانتي احلى بنت شفتها بحياتي ماظن القى احلى منك
(( ليش متعرف على ملكة جمال الكون واحنا ماندري؟؟ يعني لو انك متأكد كان حرقت أمك وابوك علشان يخطبونها لك .. بس الكلام ببلاش ))

· الظاهر بشتري كمبيوتر جديد .. كمبيوتري صار له شهرين معاي وكمبيوتر اخوي مايعجبني والكمبيوتر الثاني ماتأقلمت معااه
(( مشااءالله وكالة كمبيوتراات ....اراهن بعمري على انه كمبيوترك قديييييييم من العصر الجاهلي وماعندك غيره كل ماخرب صلحته ))

ما افتح الماسنجر الا اذا انتي موجوده ... اصلا النت بدونك مايسوى
(( يقصد .. ما افتح عنج البلوك الا بعد ما اخلص مع باقي البنات ... وترى النت بدون البنات مايسوى ))

انشاء الله يعيبكم الموضوع

تحياتيmeshmesh